لها وجه تمناه الملاح
تذوب به القلوب وتستباح

‏إذا جن المساء يصير بدرًا
‏وشمسًا كلما طلعَ الصباح

اتعبوا لاهدافكم يا أهل الحلم الشغوف
عنفوان زهور الاعمار قافيها المراح

أسلم يا أحلى ويا أغلى الناس وأجملها
‏سولف يا صوتٍ يموتني ويحييني

‏عطني علومك وطولها وفصلها
‏ترحب أذني وقلبي وإيدي وعيني

‏وأبعد عن الارض وأبعد عن مشاكلها
‏صوتك عن الناس والدنيا يكفيني

لا زعلوك الناس وأنا منك زعلان
تعالي ولا تحسبين إنك وحيده
أنا لأجل عيونك أصير غلطان
أهم شي أشوفك يا عيوني سعيده

ألعن ماعلى كبدي شعور الارتياب وعدم الوضوح والزعزعة أقسم بالله أشري اليقين بموية عيني ولا اقعد في ظل التساؤلات وملعنة الجدف ذي

قليل اللي يميّز و أكثر العالم مع التيّار
‏سلامي لعقل يعرف الفارق من العادي

للحزن ساحاتٍ بصدري مثل ساحات القتال

أغلى الغوالي في يمينك أمانه
تصونها صون الكرام العفيفات
فيها الوفا ما يغيره مر الاوقات
على وفاها الوفا زاد شانه

روحي مياله لمن يستثنيها

ترا عيب ومنقود تسهر ليلك كله ولا تقتضي من هالليل ركعتين للوتر

يالله بصبحٍ فيه للخاطر سعه

والله ولا يخفيك
يا طواريك ليا من مرت علي
قلطتها وسط ملحق صدري قلطة الطيب السنافي

في مرحلة في الحب يكفيك ان علومه تاصلك طيب وماعليه خلاف والباقي يهون
قيل في ذلك:
يصبرني على بعض الشعور إنك لازلت بخير
‏وأنا أحوالي الى منك غديت بخير مستورة

القهوة اللي تظن انها كل مره جت بوقتها
هي القهوة الصدقية

على الطاري الأجواء
أنا كل ما شفت غيم أو طرف غيمة
طرى علي البيت اللي يقول
"لو للسحايب يا طويل الهدب سوق
‏شريت لك برقٍ رهيف وسحابة"

وأغلي هالبيت وأحبه جدا جدا
من غلاة خلك ودك أن دياره غيث همالي يوصل بك أن ودك تشتري له برق وسحابة لكن الله أقوى

عمومًا يا طويل الهدب لو علينا شرينا لك البرق والسحابة ومهدنا لك الدنيا فجوجٍ رحيبة ومدينا لك الأرض باللي فيها على راحة يدينك

مثلك تلبى مطاليبه

اللهم صل وسلم على محمد🌸

تقول انا من بني سالم ومسروحي
ولي الفخر يوم أماري في مفاخرها

وأقول مال للفخر بالحب مصلوحي
قناعتك بالهوى وشلون اغيرها

على علوم الهوى تعالي وروحي
مالي بجدانك اللي في مقابرها

دلة غرامك تسوق الشوق وتفوحي
من زعفران الوله جيتك مبهرها

السلام عليكم من وحشة المسافة
ورحمة الله من الشوق وطورايه