تعال أستجمعك ديرة عجزت الحِلّ والترحال
‏ترى ما بيني وبينك سوى تصحيح ظن وسور

يا اهل هذيك الديار لا شفتو هه ولا هه ماعليه هذي بنات افكاري تنثرت بطرقانكم

يوه اشتقت ارجع اكتب بس مهنا مصطلحات😔

غدا بك غرورك عقب ما الله عطاني اياك
تحسب ان الغلا يبقى على طول متواجد
ضميري لابد انه من الكبرياء ينساك
سوى انه بكاك شوي ولا بكى واجد

تضحك مع الناس
‏وتبتسي لحالك

يابتسااااااي.

بخاطري اقول يع بصوت عالي

لا تغركم سواليفي ياخوان هالفتره
كله من هالحر
خبركم منطوق الصيف يختلف عن الشتاء

اما تجي صافي مثل ما عهدناك
‏ولا الجفى دربه وسيع وتدله

فنجال القهوة في مجلس رفيع المقام
‏يسوى الخروف المفطح في محل رخمة

إما الآن مع فقرة

‏غط أوجاعك وارقد

من تالي اكتشفت إن الندم جزء لايتجزأ من الإنسان مهما كان الفعل
تراك بتندّم
‏لإنك إنسان مو لأن فعلتك خاطئة

هو والله مايهمني بس كل شوي اشقر عليهم بالنظر
‏يعني حيلة مواصل الضعوف نظرة

ماعلى الدنيا ضمير مستريح

اللي يجينا نكرمه دنيا ودين
‏واللي ضوى بالطيّبه يسرحبها

‏نعلّمه علم الحيا والطيبين
‏ولا علوم الناس ما يفرحبها

وأنا أحبها حب العواجي عقاب النوت وعسى مبغض البل يبغضه حامي الكعبة