- مَش إمتاع بَدايات .

- عموماً عشان تمشي صح ف حياتك توقع اي شيء من اي حد ، ماتقولش هذا واثق فيه وهذا مايديرهاش ، كل حاجة ممكن تصير من أي حد .

يـ نوفمبر خليكك احنين ، طريحة اكتوبر فكنا منها .

⁣تحكوو؟

كلا الفتره هذي حتى علاقتي بروحي نحس فيها بتنتهي .

ماتعمقوش في حد ماعندكمش نية أنكم أتكملو معاه، ماتعِيشوشّ حد في وهم ويبني حياتة على وجودكم، صارحو كل شي من الأول، أن ينجرح في البداية، أفضل من أن ينجرح بعد ما أيتعمق فيكم ويتعود على وجودكم في حياتة .

القصه مش قصة تدقيق بس يصير موضوع صغير يوضح قيمتك وقدرك عند الشخص بشكل اكبر ويوريك حاجات انت غافل عليها بكل .

عمرك مَ تقول عع حد أنه ڪويس فـِ يوم م الايام، صدقوني النفوس اتغير والمحبه مؤقته والناس اغلبها تعامل فـِ بعضها عع حسب مزاجها واحتياجها تحبك يوم وتڪرهك عشره، وفـِ لحظه ينسو ڪلشي يعني اللي يريد يتعامل معاك عع حسب مزاجه انساه واللي يتغير معاك بدون سبب ععادي تغير عليه، مفيش حد أحسن م حد وتوقع أي شي م أي حد فـِ أي وقت .

مـشـڪله لما تجـامل حد معـفن من باب جبࢪ الخواطࢪ ويقولك حـاسـدني‎ .

الـحـاجه الـوحـيـدة لـِ عـرفـتـها وڪل مايمࢪ الوقت تزيد نتأڪد مـنـهـا ان الناس ڪلها فترات وڪلهم يـتـغـيـروا ومحد فـيـهـم بـيـقـعـد زي مـاعرفـنـاه اول مـره‎ .

متخليش سلبية الناس تأثر عليك، وخليك شخص واعي و ناضج فكرياً وفي الاخير الانسان ماليش مكسب في الدنيا غير صلاته وقربه من ربه وسمعته بين الناس اما عن الباقي الي كاتبه ليك ربي حيصير سواء تعبت عليه ولا خليته نصيبك مكتوبلك من الخير والشر صدقني .

في ناس مهما حاولت تعدل نظرتك فيهم تحسهم يقولولك لالا نحنا حكاكي ماتحاولش .

حتڪبرو و تفهمو أن افضـل تعامل مـع الناس " تعامـل الرسميـه " البربره الزايده ما تجيب غيـر الحسـايف‎ .

وداعاً يـ من كنت أكثر من مجرد لاعب
اليوم لانودّع اسمًا عابرًا ف سجل الرياضه بل نودًع حقبة كاملة من المجد والانتماء نودًع الأسطورة ونيس خير أحد أعمدة الاهلي بنغازي وزي الكره الليبيه الذي لم يكن يومَا رقم التشكيلة بل روحا نابضة ف الأهلي
كان ونيس خير مدرسه ف الاعطاء للاعب الذي يقاتل م أجل الشعار ويضع حب النادي فوق كل اعتبار اجيال كاملة تعلمت من عزيمته من أخلاقه ومن تلك اللحظات التي كان يصنع فيها الفرح ف قلوب الجماهير النجوم ترحل ولكن الاساطير لا تغيب تبقي الاسامي محفورة ف الذكراه ف المدرجات وفي كل طفل حلم يومًا أن يكون مثلهم

أنا منحبش نخسر أشخاص كان فِيه بيني وبينهم عِشرة عمر بسهولة ؛ نعطيهم فرصة وإثنين وعشره وهذا مش معناه إني ماعنديش غيرهم بس الفكرة إني مادخلتكمش حياتي ع خاطر فِ الأخير نخسركم ، ونزعل أكتر لما الأشخاص الغاليين عليا هما اللي يجبروني نغير مكانتهم عندي ونخليهم كإنهم ماخشوش حياتي فِ يوم ، ومانندمش ولا عمري حـ نندم عَ أي تصرف درته لإن كل شخص يختار حجمه بأفعاله .

انك تفهمني في الوقت اللي انا فيه مش فاهمه روحي حتكون حاجة كبيرة عندي ، وصدقني حنكمل بيك العمر كله .

في علاقه عكسيه بين احساسي واختياراتي، يعني احساسي ديما صح واختياراتي ديما غلط .