قصيدة (( درب السبي ))


راسه فوگ الرمح بس يعرگ جبينه 

من علــى زينــب تصــد عباس عينه 

هيچ الگمر  ... منهه إعتذر 

..................................................................................................................................


ملتزم عهد الكــفــالـــه حتى بدروب السبي 

راسه حار وبعده حارس عينه ظلت عالعبي

كلّه غيره لسان حاله يگول يا خيتي إطْلبي 

والنعم منك تگــلّـه وإنــتـه ذخري ومعصبي  


أدري مو هيّن عليك أمشي سبيّه 

لكــن وراســك بــعـدني الهاشميّه 

بهذا القدر ... منهه إعتذر 

..................................................................................................................................


آخر إوداع بمـحــرم من بــعـد گــطــع الچفوف 

هوّه مرمي عالشريعه وهيّــه فوگ  التل تشوف

راسه بي غيره ولحگهه عالرمح بصعب ظروف

گمر ما يــتــرك سماهـــــه وما يهمه كل خسوف


هذا طبع الهاشمي وهذي صفاته 

غيرته عــدله تـظل حـتـى بمماته 

بأصعب سفر  ... منهه إعتذر 

..................................................................................................................................

 

رمح شـايـل راس كافــل بهالمسـافه شگد تعب

گطره مــن غُرّة  جـبـيــنه غيّــرت لون الخشب 

عين عـبـــاس الرقـيّـه شـاهــدت وهنــا غضب  

چنّه يدري إعـــداه باگــت مــنـهه ترچيةْ ذهب 


ينظر الزينب لـچــن يبــدي حياءه

هذا موقف يكفي عن قصة وفاءه 

أروع صور ... منهه إعتذر 

..................................................................................................................................


ينظر الضـعــن السـبــايـا ومـدمـعــه من دم يهِلْ

شاف بچفوف العـقــيـلـه جـــروح من حز الحبل 

كلفه من تشوف عـيــنــه هيچي موقف مو سهل 

حسره بس كــلــش ثـگـيــله ومن يلم ذاك الشمل 


مو عجيبه أمن الرمح دخان يطلع 

هذا أبو فاضـــل بعــد ويريد يفزع 

بطبعه الأغر ... منهه إعتذر 

..................................................................................................................................


طالِــع يـباصــر الحــرّه ومــا يـظـل بــكــربـلــه

شــهــم مــن زيـنــب تـگـلّــه يا كـفــيــل العايله  

هاي محنه وراح تگــظــي وتـنـتــهـي هالمرحله 

خويه كل تقصير مــنّــك مــاكـــو يـــا بدر الفلا 


إنته عباس وتظل عباس غالي 

يا ضواي وعازتي بهاي الليالي 

حيل إنقهر ... منهه إعتذر 

..................................................................................................................................


راسه ويّ  كل الضعـيــنــه  إيناطـر ويزرع أمان 

مو فـقـط بــدر العـشــيـره بــل بـــدر كل الزمان  

غيرته اعله الأهل تـبـقــه بـكــل زمان وكل مكان 

رايه فوگ الرمـــح راســه تــرتـفــع وكــت الأذان  


حاشه يترك زينب بهاي المصيبه 

والـثـلـث تـنعام بالطــاهــر حليبه 

واعله الأثر ... منهه إعتذر 

..................................................................................................................................


يـعــرگ وينـضـح جبـيـنه غيــره وإمـروه الكـفيل 

بهالليالي الكـمــر يحــرس ضـعــن  زينب  والعليل 

واليضيع من الـيــتــامــه يـلـگــــه أبو فاضل دليل 

رغم كل الصـــار بالطــف بــيــوم عــاشـر مو قليل 


عهد عنده إويا العقيله وحفظ عهده 

بعده أبو فاضـــــل كفيل الهسّه بعده 

اوياها سهر ... منهه إعتذر 

..................................................................................................................................


خادم الإمام الحسين عليه السلام

عمار هليل الواسطي 

یا أبا الزهَراء يا مَجدًا تَخلد 💙

اللهم صل على محمد وآل محمد
جمعه مباركه عليكم خدام الحسين ع
اللهم شافي وعافي جميع المرضى بعليل كربلاء زين العابدين ع

‌‎اللهم في صباح هذا اليوم افتح لنا أبواب البركة والرزق والتيسير والفلاح والنجاح واحفظنا من كل شر ،ومن كل سوء ،ومن كل بلاء اللهم أمين 🍃 ♥️

بـصـبركَ دونَ ابن النبي بـكربلا عـلى الهولِ أمرٌ لا يحيطُ بهِ عـقلي
ولـم أرَ ظـامٍ حـولـهُ الـمـاءُ قلبه ولـم يروي منهُ وهو ذا مهجةٍ تغلي
💐 #صباحكم_عافية_تلامس_قلوبكم_ببركة_ابي_الفضل_العباس_عليه_السلام

صحت ودمعي سجاب اشسوه بضلعج الباب
الحضنج يمه حنيت وحشه بدونج البيت
***
مات خلك الدنيه يمه بكسر ضلعج
وحته ما لحكت احضننج واودعج
هواي جنت ارتاح يايمه من اسمعج
تنطفي أحلام الورد من يطفه شمعج

يكتل يمه الفراك وراح الصوتج اشتاك
انحب وحدي ظليت وحشه بدونج البيت
********
يالحنينه اهواي مشتاكه الحنانج
رحتي يمه وياهو اليعوض مكانج
شمحله جلمة زينب اسمعها بلسانج
يمه ما يرحمني من بعدج زمانج

راح اتعذب اهواي وماترحمني دنياي
كبلج ميته ياريت وحشه بدونج البيت
*****
كمت للباب أمشي يوميه وكلمه
والمكان الطحتي بيه اكعد وشمه
بدمعتي عله الكاع حضنج يمه أرسمه
وعله ايدج اغفه كلت اشويه يمه

شسوه بحالي الغياب نمت بحضن التراب
من الفركه سليت وحشه بدونج البيت
*******
أمي حيل تغيرت حته بمشيها
تمشي محنيه غدت ويلي عليها
الله لا ينطيه الباب اشسوه بيها
من تون تلزم ضلعها أمي بديها

ذبلت فاطمه بساع تكوم وتلزم الكاع
بزينب عمله سويت وحشه بدونج البيت
****
أمي طيبه وأمي أميره وأمي جنه
أمي ذيج الماتت وياها المحنه
أمي خيمه ومنها ياناس انحرمنه
وهسه صرنه بلايه خيمه ومحد النه

ماتت أمي ياناس ومات وياها الحساس
بحسرة ودمعه ناديت وحشه بدونج البيت
*******
أمي شمعه ونطفت بأول عمرها
أمي ورده ولليتامه انطت عطرها
أمي خلف الباب والظالم عصرها
ونبت البسمار ياناس بصدرها

سطرو أمي عالعين وصاحت يمه يحسين
من الدنيه مليت وحشه بدونج البيت
*******
تمت
ميثم العمري

(دكتور الكسور)

احد الموالين للزهراء ع يذهب الئ دكتور مختص بلكسور .حتئ يشرح له كيف يكون الم الضلع المكسور .حتئ يعرف مدا الاذئ الذي لحق بمولاته الشهيده .فلسان حاله يقول
...............................
عندي حاله وليك اجيت ابلاشعور
عنهه سولفلي يدكتور الكسور
صاير شلون الالم ،،للضلع صدره انهشم
،،،،،،،،،،،،،،،،1،،،،،،،،،،،،،،،،،،،
الضلع الينكسر هم يوجع المات
وهم يطيب ميت بيده جويات
دموعي الفاطمه طاحن محدبات
ومثل عاشور عشت انه الروايات
ماهي ياس وتنعصر ،،رازقي توزع عطر
عطر فاطم يختلف عن العطور
عنهه سولفلي يدكتور الكسور





................2................
فضه اتكول بلباب وعصرهه
ومدري شنكسر جوه بصدرهه
يادكتور ضل محني ضهرهه
وحمره العين من جف السطرهه
بيهه بسمار انغرس ،وصار يلجمهه النفس
يموت لمن ينكسر غصن الزهور
عنهه سولفلي يدكتور الكسور
،،،،،،،،،،،،3....،،،،،،،،،،،،،،
العمر اثمنطعش والعله بسمار
والاسباب اكتب حركوا الدار
يادكتور رايد وصف علصار
داروا علكطن حطابت النار
السوط طك اول متن ،فاطمه كالوا وأن
وعلئ ياباب الاصد دمي يفور
عنهه سولفلي يدكتور الكسور



،،،،،،،،،،،،،،،،4،،،،،،،،،،،،،،،،،
موبسمار سيف وطب بلضلوع
مثل الخيط ياكل عمر الشموع
بسد الباب طاحت مثل الدموع
بيهه شصار جا من ضك الجذوع
انت لاتكتب دوه ،عليهه خل نبجي سوه
اليتمت ميل الرحه وبطل يدور
عنهه سولفلي يدكتور الكسور
،،،،،،،،،،،،،،،،5،،،،،،،،،،،،،،،،،،
هم شايف جنين ايكمطه التراب
واول مايشم بلدنيه عطاب
عنده اوصاف بس اوصافه الخضاب
مات ابين عصره وحايط وباب
أي يدكتور ابجي دم ،،حتئ محسن ماسلم
ثارهه بمهديهه واليوم الظهور
عنهه سولفلي يدكتور الكسور
،،،،،،،،،،،،،،،،،،،،،،،،،،،،،،،،،،،،
بشار السامي
يهدئ ثواب هذه القصيده للمرحومه امي

يافاطمه وصوت الدمع
جارحني بس ماينسمع
عشت الهضيمه وغربتي
شاهد على امصاب الضلع
ــــــــــــــــــــــــــــــــــــــ
دنيا وماكو بيها إنتي
بيها أگضي العمر صعبه

أنا من دونج ابلا روح
غريب وعايش ابغربه

حيدر ضايع ابلياچ
عدمن يحچي البگلبه

البيت الماكو عطرج بيه
جزيته وضيعت دربه

اه يا الهضيمه  ونار العذاب
توگع حرمتي ويعصرها باب
وي كل مسيه ابدمع المصاب
يم گبرچ أوصل أشم التراب

ماظل دمع لاظل صبر
ومايسوى ظل هذا العمر
افراگ وهضم يم الحسن
شاهد على امصاب الضلع
ــــــــــــــــــــــــــــــــــــــ
بعدج ماسكنت ابدار
رحل منها اغلى مابيها

اناشغ من اصد للباب
واتذكر مآسيها

انداست عتبتي وانوب
دم محسن جرى اعليها

على گبرچ بقت چلمات
كلما اجزع احچيها

كل ناسي إنتي وروحي وهلي
مثل الهوى وأكثر صرتي إلي
تندب وليها  إللي تنولي
يافضه صحتي ومو يا علي

خفتي علي لا انهضم
لأجلي حملتي اشگد ظلم
كل ونة اونها ابغيبتج
شاهد على امصاب الضلع
ــــــــــــــــــــــــــــــــــــــ
طلعت روحي من عيني
من شفتج على الغبره

وصبر حيدر خلص لهنا
إگبال اعيونچ الحمره

اليدفن روحه بيده ايعيش
بس ايموت الابصدره

دفنتج وإدفنت وياج
وجداني ابفرد حفره

وثار الجنين ولون الجفن
ماينطفي ابدمعه ولا دفن
شبعت بواچي اعيونج ترى
وشبعت سهر عين أم الحزن

للزهره عاميني القهر
وليل السبي مابيه گمر
الفوگ الترب والـ عالهزل 
شاهد على امصاب الضلع
ــــــــــــــــــــــــــــــــــــــ
ظلعج صوبه البسمار
وبابچ حرگته العدوان

يزهره ومن هذاك اليوم
تبرى لزينب النيران

منا تل رمل وارماح
ومنا عايله وصيوان

منا چف ستر مگطوع
ومنا دم نحر عطشان

والعدها دار ويم بابه نار
أهون ترى إمن الماعدها دار
والماتت ابليل أهون ترى
إمن التنسبي ابعلو النهار

لاهيبه ظلت لا خيم
لا جف كفاله ولاعلم
وعالناگة شوغات اليسر
شاهد على امصاب الضلع

احمد الهلباوي

(((زينب ونارين)))



بين الخمسه والخمسين
بيـن الـزهره بين حسين
أهنا بسمار حرگ الدار
أهناكه الخيمه شبت نار

يازينب يمضلومه ....
------------------------
مـن جـرح النبي
الجــمرات العبي
الحد يوم السبي ... أيامچ مصيبه

من يوم الضلع
هَـمــچ ينسمع
وحالچ بالدمع ... مضلومه وغريبه

مـــن الـــباب زيـنـب لـــلحوافر
كــل ايــام عـمـرچ يــوم عــاشر
من شفتي الهجوم وطبت البيت
هـجـوم الـطف يزينب صار باچر

عمرچ بـل مآسي زغير
وعمرچ بالـهـزيله چبير
أهـنـانه وبالصدر اسرار
أهناكه الخيمه شبت نار

يازينب يمضلومه ....
------------------------
مــن أمـــچ تون
بسطرات الجفن
وگــليـبچ يـحـن .... للراحه بحياته

مـن شـفتي الاثر
طــگـــوچ بـحجر
ورحتي أعله النهر ... للكافل خواته

من رحتيله ما گلتي سبوني
مثـل أمـچ الـما گالت ولوني
گلتي الماي فدواتك يعباس
وأمــچ گالت الحيدر عيوني

لـــــمن چـــتفوْ الــكرار
مــــاگـالت چوتني النار
چوتني عيــونك التندار
اهناكه الخيمه شبت نار

يازينب يمضلومه ....
--------------------------
محسن من بچه
عـبـدالله حــچه
وبــالنبله انتـچه ... وجروحه فجيعه

حزنچ من وكت
وما گلتي أتعبت
گــلــــتي شيبت .... لحسين ورضيعه

شيبتي أعـلـه بابـچ والعمر راح
شـفـتي بـدنـيتچ چم مره ذباح
من ضلع الزجيه النحر الحسين
محطات الحياةّ أسهام وأرماح

بـيـن اليمّه والــيـاخوي
بـيـن الـخـويه واليابوي
بـــكل دمعه وألچ تذكار
أهناكه الخيمه شبت نار

يازينب يمضلومه ....
------------------------
حـيدر بـالحبل
بس مو بالهزل
ولا فـاگد طفل .... بالهيمه الچبيره

حـيدر منچتف
بس گلبچ يرف
وماعندچ عرف .... وشعدها الأسيره

أسيره وحتى صوتچ لابس أحجاب
نفس صوت أمچ اللاذت ورى الباب
مــن تــركض هـزلتــچ يصفن الكون
ومــرات أنـتـي ويـاهــا أعله التراب

بـين الـبـاب والـخيمات
شـمات الــعـمر شــمـات
أشـــرار أنجـــبت أشرار
أهناكه الخيمه شبت نار

يازينب يمضلومه ....
-----------------------
من ليل أهدعش
والــحد الــنعش
يا زينب عـطش .... عطشانه وسبيه

من طَشتْ الحسن
الـــحد أبــلا وطن
أيــامــچ مــضــن .... لوعات وأذيه

زيـنب من دمـعتچ گلـبچ أحـتام
حد مانوخـت نوگـچ عـلى الشام
شـوگچ يرسـم بروحـچ مسافات
شما صحتي تصيح وياچ الايتام

يـتيمه والــضـعن أيــتام
وقـنـفــذ والـــشمر گدام
يـحــدون بـضـعن منهار
اهناكه الخيمه شبت نار

يازينب يمضلومه ...
محمد الابراهيمي

#قصائد_شهادة_الزهراء_عليها_السلام


🏴من آذاها فقد آذاني.... 🏴
ــــــــــــــــــــــــــــــــــــــــــــــــــــــــ

يم الگبر أبچي اوگفت مقهور
ليش الترب باگ إمن ادية النور
گلبي اويه ضلعچ فاطمة مكسور

مشتاگه الچ روحي اتصيح . وادموعي گدامي اتطيح . الگبرچ توديني الريح . حتى الهوى اوياي اشتاگ
ابليل اظلم آنه اتعنيت . ابلياچ گعدات البيت . تذبحني فاطم مليت . ما أدري يذبح لفراگ

شحچيلچ .. ماغافي من يوم الرحتي
شحچيلچ .. مدري آنه لو إنتي المتي
شحچيلي .. عافيتي يا فاطم خذتي
شحچيلچ

مشتاگ اصلي اوياچ انه لغروب
إلمن يعيش الما ملك محبوب
لو يبچي كل عمره ترى معذور
________
مشتاگ الچ مو بوصاف . دمعاتي أخفي او تنشاف . حيدر يصيحون انعاف . بعد الزچية الشمات
من رحتي ماغرد طير . واحچاية اصباح الخير . أسمعها گمت إمن الغير . حچي الحلو بعدچ مات

مو بيدي .. يم گبرچ إمن اگعد أنحب
مو بيدي .. يافاطمة العافچ يتعب
مو بيدي .. كل بيتي بعدچ ماينطب
مو بيدي

مشتاگ اسمعچ تقري بالقرآن
مت اعله شوفچ موتة العميان
والعافچ اشگد عالصبر مجبور
__________
اشمحلة الهوى ابگربچ آه . يمچ يزهرة اشمحلاه . أشتمه واصرخ الله . من گبرچ اعذيبي ايفوح
لو عنچ ابعد خطوات . يالزهرة اجر بس حسرات . مات الهوى بعدچ مات . وابروحي ماظلت روح

ماشمه .. حتى الهوى بعدچ گمت
ماشمه .. عطرچ يفاطم أيست
ماشمه .. احجاب العليه اتعودت
ماشمه . ماشمه

يالزهرة باقي بس جسد تدرين
لا عندي روح ولاوطن لا عين
هيچ الزمان اعلية گام ايدور
_________
آه اشكثر ياذي الليل . بعدچ يضي عيني اطويل . ياجنة ياطعم الهيل . اشيگضيها بعدچ دنياي
ابصدرچ صحيح البسمار . بس آنه لبصدري النار . افراگج حرگ كلبي او صار . مثل الجمر وانتي ادواي

بسمارچ .. اشما ألمچ بيه الألم
بسمارچ .. فطر هرش گلبي وهدم
بسمارچ .. راواني چم طف وخيم
بسمارچ . بسمارچ

اتصورته سوط وياذي لبنيات
وزينب شفت تركض عله الجمرات
البسمار ذكرني ابمتن مسطور
_________
اوليداتچ ابلايه افياي . عطشوا إلچ عطشة ماي . فاطم يسلمون اهواي . أولادچ الليلة اعليچ
كل ليلة من اينامون . ابثوبچ يزهرة ايشمون . عالباب رجعي ايكتبون . يمّ الحسن بلله وبيچ

بس عودي .. يايمى وانطشلچ ورد
بس عودي .. ضحكتنة يافاطم ترد
بس عودي .. يازهرة يانسمة برد
بس عودي . بس عودي

رجعي اعله بيتچ فَرحي لگلوب
چم دمعة طاحت چم گلب متعوب
يانبرة الحب ياحزن عاشور

#حيدر الحلفي

قصيدة تدري ياباب لإستشهاد سيدة نساء العالمين عليها صلوات الله

تدري يا باب .. من عصرت ابگوتك
زَهْـــرَةْ اللهَ .. والقَـضِـيَّـه ابْذِمِّتَك
تدري ياباب .. تدري ياباب
ــــــ
تـدري يـاباب المصايب هاي خلفك فـاطمه
كَسَّرِتْ ضلعين منها إعليها يـاحـيـف إنغمه
شنهو عـذرك بالقيامه لو سـأل رب السِّمَهَ
لـيـش آَذِيـتْ البتوله الـيـوم يـوم المحكمه

فــاطمه دَيْنْ .. تِطْلِبَكْ يـوم الحشر
شنهي الَاعْذَارْ .. اليا قَـضِـيَّـه تعتذر
اليوم الِحْسابْ .. تدري ياباب
ــــــ
مِــنْ لِفُوهَا الـگـوم چانت خايفه وامروعه
زَهْرَةْ الرحمن فـاطـم مـنـك اتـريـد اربعه
رادتك سِـتْـرْ او حمايه هم حِجَابْ او مگنعه
مـا درت يـا باب خلفك آلم عَصْرَهَ اوفَاجِعَهَ

خلفك اوجاع .. نـايـبـه اوضيم اوهضم
رادتـك سُورْ .. وأنته كَسَّرْتْ الـعـظـم
والضلع عاب .. تدري ياباب
ــــــ
مـن أثر رَضّة ضلعها بالطف إنرض كم ضلع
إنرضت السَّبْعْ الأراضي وِالسَّمَاوَاتْ السَّبِعْ
من ابو الأكبر تِگَنْطَرْ وِالْتَفْ عـلـيـه الجمع
طحنت اضلوعه حوافر والسبب كسر الضلع

لـوما رَضِّـيـتْ .. يا خشب ضلع البتول
بِالطَّفْ احسين .. مَاعِلَتْ صدره الْخِيُولْ
اوماهوى اتراب .. تدري ياباب
ــــــ
لـيـش يـا باب الـنـوايـب آلَّمِتْ گلب النبي
طاوعت جيش النواصب صـرت منهم ناصبي
لـيـش مـا راعيت فـاطـم يوم خلفك تختبي
سَكَّطِتْ مِنها حَمِلْهَا مـنـهـا يـابـاب اشتبي

ياخشب ليش .. مـالنت مثل الحديد
مــن تِعَنُّوكْ .. وَگَّعِتْ مُحْسِنْ شهيد
ابلايا اسباب .. تدري ياباب
ــــــ
لـيـش بالگوه إعصرتها سَگَّطِتْ منها الجنين
تدري مـسـمـار الزرعته بالصدر وَرَّثْ آنين
عصرتك بالطف سببها روعـت گلب الحسين
حيـن عبدالله إعله چفه صَوَّبَهَ ابسَهْمْ اللعين

محسن إنـعـاد .. بالطف اتحول رضيع
السَّهَمْ مسمار .. والفـعل نفسه شنيع
كم طفل غاب .. تدري ياباب
ــــــ
امـن إحترگ دار الزچيه الُّوحْ ناح اويه القلم
الـنـار مـا چانت سلامه چانت أوجاع او آلم
إمتدت الـنـار ابْعِرِگْهَا الكربله او شَبَّتْ خِيَمْ
لُـو سِـلـَمْ دار الوِدِيعَهَ چـانِ إلِمْخَيَّمْ سِِـلَـمْ

نــــار نَمْرُودْ .. شَـبَّـتْ إبــدار النَّبِي
ابسبب هالنار .. راحت الحوره سـبـي
اوحِرْگَتْ أطناب .. تدري ياباب
ــــــ
مـسـألـه اوبيها أسايل قـالـع الباب البَطَلْ
ياصبر عندك أسألك صبرك أعـظـم من جَبَلْ
مـا نِبَضْ عِرْگْ الْهِواشِمْ بـيـك يا خير العمل
ما قلعت الـبـاب لمن هِجْمَتْ أصحاب الدَّجَلْ

إشلون گـادوك .. وانته سردال الحرب
مچتوف اخذوك .. ياعلي أمرك صعب
داحــي الباب .. تدري ياباب
ــــــ
باچر الـغـايـب يِعُودْ اوتِنْتِهِي كِلْ الْـمِـحَـنْ
مـن يـرد حَـگْ الوديعه يِنْلِوِي أَنْفْ الـزِّمَـنْ
يصرخ ابـصـرخـه شِجِيَّهَ اتدللي يـم الحسن
هاي دوله هاشميه اومَهْدَوِي صار الـوطـن

المهدي لو عاد .. يـاخـذ ابـحـگ فاطمه
ايْنَكِسْ الرُّوسْ .. مـثـل حَمَّايِ الْـحِـمَـه
اويمحي الِارْهَابْ .. تدري ياباب



كلمات خادم الزهراء عليها السلام :
السيد موسى السلمان الأحسائي

#قصائد_استشهاد_الزهراء_ع



قصيدة : بالحطب شبوا الباب
المناسبة :
هجوم دار الزهراء وحرقها وكسر الضلع وإسقاط الجنين ..إلخ...
الوصف : خطاب الزهراء لأبيها رسول الله صل الله عليه وآله



بُويَهَ مِنْ ضَمَّكْ اتْرَابْ .. هِجْمَوا اعْلِينَهَ لَصْحَابْ
خَـالِـفُــوهَـا الْوِصِيَّهَ .. بِــالْحَطَبْ شَبَّوا الْبَابْ
ـــــــ
لاحْ صُـوتِـي بُويَهَ مِنْ هِجْمَوا عَلَيَّهَ
آَنِي بِـنْـتْ الْمُصْطَفَى خِـيـرْ الْبَرِيَّهَ
وَصَّـى بِـيَّـهَ وَالِـدِيِ وِيـنْ الْوِصِيَّهَ
لا تِهِجْمُوا الــدَّارْ هَـاذَانِـي الزِّچِيَّهَ

الْعَبِدْ مَـــا رِحَمْنِي .. حِـرَگْ بَـابِـي اودِفَعْنِي
بُـويَهَ گُوَّهَ عِصَرْنِي .. اوسِگَطْ مُحْسِنْ بِالِعْتَابْ
ـــــــ
نِيَّةْ الْـعِـدْوَانْ قَـتْـلِـيِ مِنْ لِفُونِيِ
وِابْحَرِگْ دَارِيِ يَـبُـويـهَ رَوِّعُـونِـيِ
ابْنَبْتَتْ الْـمِـسْمَـارْ صَدْرِيِ آَلِّمُونِيِ
امن الْحَشَىَ طِفْلِيِ يَطَهَ سَگِّطُونِي

مِــــنْ أَثَرْ عَصْرَةْ إِعْدَايِ .. إِصحت يافضه تعاي
سِگَطْ مُحْسِنْ مِنْ إِحْشَايِ .. وِشْ ذَنِبْ طِفْلِيِ يَاباب
ـــــــ
صِحِتْ يَافِضَّهَ عَجَلْ گُومِيِ الْحَگِينِيِ
هَالنَّذِلْ مِنْ عَصْرِتَهْ أَسْـقَـطْ جَنِينِيِ
كَسَّرْ اضْلُوعِي يَـفِـضَّـهَ لِطَمْ عِينِيِ
عَلِيِ وِيـنَـهَ مَـا أَشُـوفَـهَ جَاوِبِينِيِ

جَاوُبَتْ فِـضَّـهَ بِالْحَالْ .. إِنْگَادْ حِـيــدَرْ بِلَحْبَالْ
الْفَارِسْ الْمِثْلَهَ مَاصَالْ .. بِـالْحَبِلْ گَادِتَهَ أَذْنَابْ
ـــــــ
إِطْلَعِتْ خَلْفَهَ أَسْحَبْ أَذْيَالْ الْمُصِيبَهَ
عَنِّي رَاحْ الْمُصْطَفَى مِنْ وِينْ أَجِيبَهْ
خَلُّوا عَنْ حِيدَرْ عَلِيِ لِـيـثْ الْحَرِيبَهَ
هَـذَا أَخْ طَهَ النَّبِيِ اوصَهْرَهَ اوحَبِيبَه

إبْصُوطَه لَوَّعْنِي مِنْ عَادْ .. هَـالْـرِجِـسْ يِحْمِلْ أَحْقَادْ
عَالْمَتِنْ نِــزْلَـتْ أَوتَــادْ .. امْنْ الضَّرُبْ خَاطِرِيِ ذَابْ
ـــــــ
امْصَابْ حِيدَرْ لِلضِّلِعْ نَسَّانِي كَسْرَهَ
ضِلْعِي بَـاچِرْ يِنْجُبُرْ وِجْرُوحِي تُبْرَهَ
لَچِنْ لُو مَيِّتْ عَلِيِ امْصَابَه اشْيِجُبْرَهْ
عَلِيِ يِطْلَعْ لُو غَضَبْ شَعْرِيِ أَنِشْرَهَ

رِدِتْ أَشْكِـي شِجُونِي .. غَـصُبْ دِمْعَتْ عِيُونِيِ
خِفِتْ لا يِـنْـسـِبُـونِي .. أَرْمَلَةْ دَاحِـيِ الْـبَـابْ
ـــــــ

كلمات خادم الزهراء (ع) :
السيد موسى السلمان الأحسائي