نزله في رثاء الامام الحسن العسكري عليه السلام

يالأمام العسكري والله ماننساك


والله ماننسه مصابك يالحسن والله
عالعـهـد ويّـاك نبقـه ونـرفـض الذلّه
خل يلوم الشاك بينـه يالحسـن خلّه
انت ماتـعـرف عشگنـه جـاهل انگلّه
مانعوف محبتك للأبد وياك



وبمثل هاليوم نذكر سيّـدي اصـوابك
والله يالعسكري والله يفجـع مصابك
انت محبوب الروافض وحنه احبابك
نعـتـنـي لگبـرك نزوره نبچـي يم بابك
جنة الله بحضرتك كل محب ناداك



انـت سمّـوك بحقـدهـم ونمـرد چبـدك
بأرض سامره البعيدة من گرب وعدك
تعـالـج وچبـدك تفتّت يالحسن وحدك
چـانـوا يعـرفـون گـدرك والنبـي جـدك
والله ذابت چبدتك من سموم اعداك



شيعتك احنه وهتفنه نبقه خـدامك
احنه نتحده النواصب نحيي ايامك
يالحسن ماتطفه بينــه جمـرة آلامك
واجب نزورك نجيك ونرفـع اعلامك
واحنه دنيه وآخره يالحسن بحماك



انزورك لسامره نوصل والعشگ بينه
واللي يمنعنه الزيارة خل يجي وينه
شيعـة الـكـرار احنـه خـل يلاگينــــه
نـوصـل لـگبـرك نزوره ويّه مهدينـــه
يالحسن لا مانرد نفرح ابملگاك



نوصـل بيـوم الزيـارة نعـشـك انشيّعـه
يالحسن والمهدي يحضر يهمل الدمعه
ويانه فوگ الروس بيـده نعشك يرفعه
لو بچينــه وننعـه يمّـك هـوه هـم ينعه
تبچي املاك السمه والوحي ينعاك



يالحسن مولاي لابـد يظهـر بداره
من بني العباس ناخذ ثارك وثاره
هوه قائدنه الامام واحنه أنصـاره
رايـة الـكـرار عنـده وبيــده بتّـاره
تفتديك الرافضه من يرف الواك

خادم الامام الحسن العسكري عليه السلام
سيد زيد الفحام
__________________________

وصية الامام الحسن العسكري ع قبل استشهاده الى صاحب العصر والزمان عج


راح اودعك يبني يالدمعك يهل
قوّي عزمك هالأرض تطلب عدل
ما أريدك تنهضم ★ امحي كل جور وظلم

★★★★★★★

يلّي بعيونك دمع صبرك اريده
لوعة السم اعلة اهلك مو جديدة
يابو صالح جرحي بحزانك تزيده
وينه عزم القائد اليحييهة بيده
لا تخلي مصابي يحنيلك ظهر
خلي حيلك للزمن يالمنتظر
ينفعك من تنتقم ★ امحي كل جور وظلم

*


يبني لاتنسه أمل شيعتنه بينه
لو وگع واحدهم ابچفك تعينه
انته بعد العسكري تقود السفينه
خلي بحر احزانك ايسكن ونينه
باچر انته وشيعتك تحمل شدد
بعده گلب السمني حامي وما برد
الكم امصايب يظم ★ امحي كل جور وظلم

*

يبني ادري اتعذبك هاي المصيبة
كل حبيب يعـاني لو فارگ حبيبه
هم تعيش بدنيتك يالمهدي غيبة
بيهة كل شيعي سهم هجرك يصيبه
عينك وعين المحب تذرف دمع
والأرض تنطر شملكم ينجمع
يلّي غيظك منكظم ★ امحي كل جور وظلم

*

الشماتة ابموتي تجمعهم علامة
تحرگ بتشييعي گلبك ببتسامة
من يسمعك عاذلك سم بكلامه
أدري ليلك يا بو صالح ما تنامه
الله ذاخر يوم ألك بي تنتفض
عاليشيل الأهلك بگلبه البغض
بيدك يصير الحكم ★ امحي كل جور وظلم

*

جدك الضامي انذبح ما تطفه ناره
يبني لو حان الفرج لا تنسه ثاره
طالب بدمه ودمه انصاره الغياره
امحي كل شجرة خبث وازرع طهارة
ذو الفقار لچفك الله ينزله
يبني عوّض كل صبرنة اعله البلا
رحمة لا تنطي لخصم ★ امحي كل جـور وظلم

*



سجاد الاسدي

لشهادة الامام الحسن العسكري ع

يمتـه يـا يـوم الـفـرج يا ساعه تظــهر ... الله أكبـر
چـبد أبـوك العـسكري بـالـسـم تــوذّر ... الله أكبـر
*
ملينه من هذا الصبر ... ما تطفي جمر ٱمصابك
وليمـته نبگه ننتظـر ؟ ... تـــرجـع مـتـى ٱلأحـبابك ؟
نتـرقبك من كـل كتـر ... نسمـع نـــريــد ٱجـوابك
عـجّل فـديناك العــمر ... طـــوّل عــليـنه ٱغـيابك
نـاطــريـنـك ســـيــّـدي مـن عـالـم الـذر ... الله أكبر
نسأل وجرح البــعـــد ظـل بـيـنـه يكبر ... الله أكبر
*
ظلينه بـــــــدمـوع الـجــفن ... يا سـيـدي نـــــــتــــــــــــــنـــــطــــــر
طول الوكت ننعه ونون ... وبينه الـــجرح ظل يكبـر
غايب تظل لا ما نظن ... لا بـــد نـــشــــوفـــــك تـظهر
تتعـنــــى سامره بــــــــحــــزن ... لـمصاب عــودك تـــــثــــأر
شوف گبر الـعـسـكـري لـمـن تــفـجّـر ... الله أكبر
ولـمـــصـابه ونــــــــــايــبـــــــــة چـبــــــده تـذكـّر ... الله أكبر
*
يبن الـحسن ظل ينـتحب ... لـمصـاب أبوك اﻹسلام
لـمصيبته ٱبـگـــلب الـــمحب ... يبقه جــرح مـــــا يـــــــلــــتــــام
مظـــــــلـــوم حــــگــــــه مـنـــسلب ... جــــــاروا عـلـــــيـه الــظــــلام
خلص حـــــيـاتــــــــه ٱبلا ذنب ... بيـــن الغـصص والآلام
ٱمن المصايب والـقهر گـــلـبه تفـطر ... الله أكبر
ما رحـــــم بـيــــــــه الـدهـر لاچـــــن تصبّر ... الله أكبر
*
الله مـــــــــــــــــــــــــــا أعـــــــــــــــظـــــــــــــــم ألــــــــم ... گـلـبـك يـــــــسـر اﻷســــرار
چم طعنه بيه شـچم سهم ... تاركها چــــــــــفّ اﻷقــــدار
مو بس أبــــــوك الــــــــمـــــا سلم ... مــــــــــنّ الـزمــــان الــــــــــغــدار
گـبــــــره يـــــــــــمـــــــــولاي ٱنـــــــــــــــهـــــــدم ... ولهـــسه مــا مأخذ الـثار
مـا تـطـــــــــالـب ســيــدي ٱبثــــاراتـه تـحـضـر ... الله أكبر
آه من هذا الزمــــن شـــــــــــــتــريــــد أكــــثــــر ... الله أكبر
*
چم لوعه نـــتـــحـمل بعــد ... چم نايبه ٱشــچــم ٱصواب
يومــــــــيـــــه فـــــــتـوه مــن بـلـد ... ٱتــــــكـــــفــرنـــــه يــــــــبن اﻷطياب
أنت اﻷمـل أنــت الــسند ... إلـنـه يـبـــن داحــــــي الـــباب
نـــــــــتـــــــــأمـــــّـــــــلك يــوم الــوعــد ... تسـحگـﻬـا روس اﻹرهاب
ٱبلايه ذنب الشـــيعـي بغـــــــــيابك تكـفـر ... الله أكبر
گــــوم لأنــصـــــارك تــــــــره الـموعــد تــأخــر ... الله أكبر
عـجـل ظهورك ... سيدي ... عجل ظهورك
*
گلب المحب ظل منصدع ... وٱبْصـدره تــــســعـر نـارك
وثـــــار الــــبـــــتـــــول ٱبـــكـل ضـلع ... تـــــارك أثــــــــــــــــر أخـــــــبــــــارك
نــــتـــــــــــنـــــطـّرك نـــــــورك يــــــــــــشع ... ٱوتــظـــهــــــــــر تـــــطــــالب ثأرك
ونــــتــــمــــنّــــــــه لـــو صــــار الفـــزع ... تحســــبنه من أنـصـارك
آه يـــا نـــجــل الضياغم يــمــتـــه تــثــأر ... الله أكبر
باليـهود ٱتـــــعـــيد وقـــعـــة يــوم خــيــبـر ... الله أكبر
***

عمر فاروق البدراوي

للتواصل مع خادم الحسين ع
الرادود مصطفى الكربلائي
على هاذا المعرف @MlleMastafa

لستشهاد فاطمة الزهراء ع

سﻻم الله على الضلع التهشم
سﻻم الله على البسمار والدم
جروح تواسي بجروح
يتيمه وحايره الروح
سﻻم الله على البسمار والدم

////////////

جروحي ماهدت لحظه اعله فركاج
يريت آنه رحت ياروحي وياج
اصد للباب تنزف دمه بفركاج
وتون وكت اليمر اعليهه طرواج

سﻻم الله على الباب وألمهه
سﻻم الله اعله كل حرف بأسمهه
بقت محتاره بالنوح
جروح تواسي بجروح
سﻻم الله على البسمار والدم

////////////

اشوف الدار اشاهد عتبه الدار
حرك دم وسواده باقيه اثار
طحت يمهه اعله حيلي بحيره افكار
اواكع وياي اويلي بسدي بسمار

سﻻم الله على اﻻثار كلهه
سﻻم الله على الدار واهلهه
الحزن من عدهم يفوح
جروح تواسي بجروح
سﻻم الله على البسمار والدم

////////////

دخلت البيت اشاهد فقط ذكره
على الحايط شفت اثار عصره
عثر گلبي وطحت من غير عثره
تأملت واحس جن صوت سطره

سﻻم الله على المسطور خدهه
سﻻم الله الوحدهه وكلهه ضدهه
اسمهه نشوفه عالوح
جروح تواسي بجروح
سﻻم الله على البسمار والدم

////////////

عطر ظيم وحزن بنفاسي شميت
وشنو اكثر اشوف بهمي ناديت
اموت وﻻ اضل بالحاله ياريت
شفت صوره طفل مذبوح بالبيت

سﻻم الله على الكاع الحضنهه
سﻻم الله على المحسن ابنهه
سكط بس ﻻعب السوح
جروح تواسي بجروح
سﻻم الله على البسمار والدم

///////////

الحسن وحسين احسهم جن ينادون
ييمه فراك عينج تعمه العيون
وحس زينب يتيمه ادك عله اموتون
الگلب والروح يمه وياج يردون

سﻻم الله اعله همهم وي اﻻحزان
سﻻم الله عليهم وين ماجان
رسمهم مني ميروح
جروح تواسي بجروح
سﻻم الله على البسمار والدم

//////////

ابو الحسنين اشوف ادموعه تجري
وينادي يالزجيه انكسر ظهري
عليي هين لون فاكدلي عمري
وﻻ ابقه وحيد ابين دهري

سﻻم الله على اﻻيام وياج
سﻻم الله على ذكرج وطرواج
اضل كل عمري مجروح
جروح تواسي بجروح
سﻻم الله عل البسمار والدم

////////////
الي ثار وارد باجر ييمه
حشه تنزل على الظلموج رحمه
الضلع ما انسه ابد هيهات دمه
اضمده بثاري يايمه واضمه

سﻻم الله عليج بكد مغيبي
سﻻم الله على ظيمي ونحيبي
اضل بالغيبه مذبوح
جروح تواسي بجروح
سﻻم الله على البسمار والدم



خادم الزهراء
ليث كرار الموالي

‍ گظينه الليالي..نودع غوالي
بچينه اشگد بچينه..عله الراح امن ادينه

عله افراگ الغوالي جبنه دنيانه
نون مثل الذي مكسوره جنحانه
نصيح ابصوت وين الچانو اويانه
تره افراگ الحبايب حيل أذانه
شباب وخواطر..نزف للمگابر
سوالفنه وحچينه..عله الراح امن ادينه

خلص يعگوب حزنه وردت انظاره
بعد غيبه طويله وانطفت ناره
بگينه احنه نون والروح محتاره
چم صاحب مشه ومانعرف اخباره
اليفارگ حبيبه..تكتله المصيبه
مثل يعگوب عينه..عله الراح امن ادينه

أريد امشي الگبر واحدهم ابهمه
واگله ياحبيبي عندي بس چلمه
هم بعدك تون لمصاب ابواليمه
هم تسمع الزهره اتصيح يايمه
ابسواد الملابس..چنت بالمجالس
نصيح اشلون بينه..عله الراح امن ادينه

أريد امشي العلي واتوسل ابگبره
يحيدر هذا جارك وانت بي أدره
هذا الجاب عمره اينوح عالزهره
فقير وچان مثلك عاشگ الفقره
ابچفوفه الكريمه..مسح عاليتيمه
أبو الروح الحنينه..عله الراح امن ادينه

إسمك ياعلي الكسر الگلب جابر
إحظر كلمن ابهذا العزاء حاظر
راح الچان ويانه يون حاير
ويبچي اعله الزچيه ويكسر الخاطر
إبعزه الفاطميه..صرخ يالزچيه
نخبرك بي إجينه..عله الراح امن ادينه

يالغالي تصيح ابهالعزه ربعك
يامن على زينب مانشف دمعك
اشگد ونيت وجروح السبي اتفجعك
أجرك على الزهره وفاطمه اتسمعك
ابدمعنه اعتنينه...نذكرك إجينه
أبد لا ما نسينه..عله الراح امن ادينه

سيد علي الموسوي
➖➖➖➖➖➖➖➖➖➖➖➖

قصيدة تدري ياباب لإستشهاد سيدة نساء العالمين عليها صلوات الله

تدري يا باب .. من عصرت ابگوتك
زَهْـــرَةْ اللهَ .. والقَـضِـيَّـه ابْذِمِّتَك
تدري ياباب .. تدري ياباب
ــــــ
تـدري يـاباب المصايب هاي خلفك فـاطمه
كَسَّرِتْ ضلعين منها إعليها يـاحـيـف إنغمه
شنهو عـذرك بالقيامه لو سـأل رب السِّمَهَ
لـيـش آَذِيـتْ البتوله الـيـوم يـوم المحكمه

فــاطمه دَيْنْ .. تِطْلِبَكْ يـوم الحشر
شنهي الَاعْذَارْ .. اليا قَـضِـيَّـه تعتذر
اليوم الِحْسابْ .. تدري ياباب
ــــــ
مِــنْ لِفُوهَا الـگـوم چانت خايفه وامروعه
زَهْرَةْ الرحمن فـاطـم مـنـك اتـريـد اربعه
رادتك سِـتْـرْ او حمايه هم حِجَابْ او مگنعه
مـا درت يـا باب خلفك آلم عَصْرَهَ اوفَاجِعَهَ

خلفك اوجاع .. نـايـبـه اوضيم اوهضم
رادتـك سُورْ .. وأنته كَسَّرْتْ الـعـظـم
والضلع عاب .. تدري ياباب
ــــــ
مـن أثر رَضّة ضلعها بالطف إنرض كم ضلع
إنرضت السَّبْعْ الأراضي وِالسَّمَاوَاتْ السَّبِعْ
من ابو الأكبر تِگَنْطَرْ وِالْتَفْ عـلـيـه الجمع
طحنت اضلوعه حوافر والسبب كسر الضلع

لـوما رَضِّـيـتْ .. يا خشب ضلع البتول
بِالطَّفْ احسين .. مَاعِلَتْ صدره الْخِيُولْ
اوماهوى اتراب .. تدري ياباب
ــــــ
لـيـش يـا باب الـنـوايـب آلَّمِتْ گلب النبي
طاوعت جيش النواصب صـرت منهم ناصبي
لـيـش مـا راعيت فـاطـم يوم خلفك تختبي
سَكَّطِتْ مِنها حَمِلْهَا مـنـهـا يـابـاب اشتبي

ياخشب ليش .. مـالنت مثل الحديد
مــن تِعَنُّوكْ .. وَگَّعِتْ مُحْسِنْ شهيد
ابلايا اسباب .. تدري ياباب
ــــــ
لـيـش بالگوه إعصرتها سَگَّطِتْ منها الجنين
تدري مـسـمـار الزرعته بالصدر وَرَّثْ آنين
عصرتك بالطف سببها روعـت گلب الحسين
حيـن عبدالله إعله چفه صَوَّبَهَ ابسَهْمْ اللعين

محسن إنـعـاد .. بالطف اتحول رضيع
السَّهَمْ مسمار .. والفـعل نفسه شنيع
كم طفل غاب .. تدري ياباب
ــــــ
امـن إحترگ دار الزچيه الُّوحْ ناح اويه القلم
الـنـار مـا چانت سلامه چانت أوجاع او آلم
إمتدت الـنـار ابْعِرِگْهَا الكربله او شَبَّتْ خِيَمْ
لُـو سِـلـَمْ دار الوِدِيعَهَ چـانِ إلِمْخَيَّمْ سِِـلَـمْ

نــــار نَمْرُودْ .. شَـبَّـتْ إبــدار النَّبِي
ابسبب هالنار .. راحت الحوره سـبـي
اوحِرْگَتْ أطناب .. تدري ياباب
ــــــ
مـسـألـه اوبيها أسايل قـالـع الباب البَطَلْ
ياصبر عندك أسألك صبرك أعـظـم من جَبَلْ
مـا نِبَضْ عِرْگْ الْهِواشِمْ بـيـك يا خير العمل
ما قلعت الـبـاب لمن هِجْمَتْ أصحاب الدَّجَلْ

إشلون گـادوك .. وانته سردال الحرب
مچتوف اخذوك .. ياعلي أمرك صعب
داحــي الباب .. تدري ياباب
ــــــ
باچر الـغـايـب يِعُودْ اوتِنْتِهِي كِلْ الْـمِـحَـنْ
مـن يـرد حَـگْ الوديعه يِنْلِوِي أَنْفْ الـزِّمَـنْ
يصرخ ابـصـرخـه شِجِيَّهَ اتدللي يـم الحسن
هاي دوله هاشميه اومَهْدَوِي صار الـوطـن

المهدي لو عاد .. يـاخـذ ابـحـگ فاطمه
ايْنَكِسْ الرُّوسْ .. مـثـل حَمَّايِ الْـحِـمَـه
اويمحي الِارْهَابْ .. تدري ياباب



كلمات خادم الزهراء عليها السلام :
السيد موسى السلمان الأحسائي

#قصائد_استشهاد_الزهراء_ع



قصيدة : بالحطب شبوا الباب
المناسبة :
هجوم دار الزهراء وحرقها وكسر الضلع وإسقاط الجنين ..إلخ...
الوصف : خطاب الزهراء لأبيها رسول الله صل الله عليه وآله



بُويَهَ مِنْ ضَمَّكْ اتْرَابْ .. هِجْمَوا اعْلِينَهَ لَصْحَابْ
خَـالِـفُــوهَـا الْوِصِيَّهَ .. بِــالْحَطَبْ شَبَّوا الْبَابْ
ـــــــ
لاحْ صُـوتِـي بُويَهَ مِنْ هِجْمَوا عَلَيَّهَ
آَنِي بِـنْـتْ الْمُصْطَفَى خِـيـرْ الْبَرِيَّهَ
وَصَّـى بِـيَّـهَ وَالِـدِيِ وِيـنْ الْوِصِيَّهَ
لا تِهِجْمُوا الــدَّارْ هَـاذَانِـي الزِّچِيَّهَ

الْعَبِدْ مَـــا رِحَمْنِي .. حِـرَگْ بَـابِـي اودِفَعْنِي
بُـويَهَ گُوَّهَ عِصَرْنِي .. اوسِگَطْ مُحْسِنْ بِالِعْتَابْ
ـــــــ
نِيَّةْ الْـعِـدْوَانْ قَـتْـلِـيِ مِنْ لِفُونِيِ
وِابْحَرِگْ دَارِيِ يَـبُـويـهَ رَوِّعُـونِـيِ
ابْنَبْتَتْ الْـمِـسْمَـارْ صَدْرِيِ آَلِّمُونِيِ
امن الْحَشَىَ طِفْلِيِ يَطَهَ سَگِّطُونِي

مِــــنْ أَثَرْ عَصْرَةْ إِعْدَايِ .. إِصحت يافضه تعاي
سِگَطْ مُحْسِنْ مِنْ إِحْشَايِ .. وِشْ ذَنِبْ طِفْلِيِ يَاباب
ـــــــ
صِحِتْ يَافِضَّهَ عَجَلْ گُومِيِ الْحَگِينِيِ
هَالنَّذِلْ مِنْ عَصْرِتَهْ أَسْـقَـطْ جَنِينِيِ
كَسَّرْ اضْلُوعِي يَـفِـضَّـهَ لِطَمْ عِينِيِ
عَلِيِ وِيـنَـهَ مَـا أَشُـوفَـهَ جَاوِبِينِيِ

جَاوُبَتْ فِـضَّـهَ بِالْحَالْ .. إِنْگَادْ حِـيــدَرْ بِلَحْبَالْ
الْفَارِسْ الْمِثْلَهَ مَاصَالْ .. بِـالْحَبِلْ گَادِتَهَ أَذْنَابْ
ـــــــ
إِطْلَعِتْ خَلْفَهَ أَسْحَبْ أَذْيَالْ الْمُصِيبَهَ
عَنِّي رَاحْ الْمُصْطَفَى مِنْ وِينْ أَجِيبَهْ
خَلُّوا عَنْ حِيدَرْ عَلِيِ لِـيـثْ الْحَرِيبَهَ
هَـذَا أَخْ طَهَ النَّبِيِ اوصَهْرَهَ اوحَبِيبَه

إبْصُوطَه لَوَّعْنِي مِنْ عَادْ .. هَـالْـرِجِـسْ يِحْمِلْ أَحْقَادْ
عَالْمَتِنْ نِــزْلَـتْ أَوتَــادْ .. امْنْ الضَّرُبْ خَاطِرِيِ ذَابْ
ـــــــ
امْصَابْ حِيدَرْ لِلضِّلِعْ نَسَّانِي كَسْرَهَ
ضِلْعِي بَـاچِرْ يِنْجُبُرْ وِجْرُوحِي تُبْرَهَ
لَچِنْ لُو مَيِّتْ عَلِيِ امْصَابَه اشْيِجُبْرَهْ
عَلِيِ يِطْلَعْ لُو غَضَبْ شَعْرِيِ أَنِشْرَهَ

رِدِتْ أَشْكِـي شِجُونِي .. غَـصُبْ دِمْعَتْ عِيُونِيِ
خِفِتْ لا يِـنْـسـِبُـونِي .. أَرْمَلَةْ دَاحِـيِ الْـبَـابْ
ـــــــ

كلمات خادم الزهراء (ع) :
السيد موسى السلمان الأحسائي

#قصائد_استشهاد_الزهراء_ع

نزله سريعه لمجالس الليالي الفاطميه
عهد الولاء لفاطمة الزهراء ...................موشح
.
.
عالعهد والبصمه من دمي الجره
ما أعوف الزهـــــره دنـيا وآخره
.............هذا عهدي الفاطمه هذا عهدي......
.
.
رافضــي وابقــى افتـــــخر بــالمعـتــــقد
ورضــــعت حــب الــــزچيه من المهــد
حيـــدري وثـــابت يقـــيــــــــني للابــد
ما أبـــأيــــع والله بـــس خيــر الـــورى
.............هذا عهدي الفاطمه هذا عهدي......
.
.
واليحبــــكم للمنيه مـــاظـــــــن يهــاب
حتـلو سحـــگو ضلـــوعه اعله التـــــراب
حتـلو طـــبروه بســـــيوف وحـــــــراب
دمه يهـــتف لـــو نــــــزف فـــوگ الثره
............هذا عهدي الفاطمه هذا عهدي......
.
.
يالحـــزينه بكـعـــبـتچ كــــل ليــوم أطوف
وانـــدب مصـــابچ وون اعله الطـــــفوف
عالتـرب يالبـــضعه مگطـــوعه الچفوف
منــها چــف يالـــزهره گطـــعو خنصره
...........هذا عهدي الفاطمه هذا عهدي......
.
.
ابقـــى اذكر جمــــرة صّــــوابچ ونـــوح
والگلــب يالبضــــعه ينبــض بالجـــروح
والي فــاگد ثـــاره بعـــــد المن يـــروح
مالي غيــــر المهـــدي ابقـى اتنـــطره
..........هذا عهدي الفاطمه هذا عهدي......
.
.
ابقـــى الطــم يـالزچـــيه بكــل عـــــزاء
عمـــري يــرخـص والـــــدمه الكـم فداء
يلـي يــومـچ هــــذا مثـــله بكــــربـــلاء
شفــتـي چــم خــد أنســـطر يالطـاهره
.........هذا عهدي الفاطمه هذا عهدي......
.
.
حگــي لجـلچ مــن اذوب بـحــســرتـي
انتــي حـزنـي وانتي جرحي وعبـــرتي
انتي ديني وكــــل يقيــني وكعـبـــتـــي
عهدي خادم أبقـى دنـــــــــــيا وآخـــره
........هذا عهدي الفاطمه هذا عهدي......
.
.لاتنسوني ووالدي من فضل دعائكم المبارك
.
حسن الموالي الفاطمي
.

#قصائد_استشهاد_الزهراء_ع


ابـابـي يـدفـع...ويـﮔـــرب البـســمــار انـظــره
ﮔـتـلـه إرجـع...ﮔـــلــي ضــلـعــﭻ إلا اكـســره
مـو صـحــابــي
الـدفــع بـــابــي
ﮔــــلي ضـلـعـﭻ إلا اكســره

عـنهــم اﻠﮔـﺎلـو صحـابــه بـيا عــلامه
شلــون ابوي يصـاحب الما بي شهامه
وهــو عايـش خالـفــو نهـجـه وكـلامه
والدليـل اتخلـفــو عــن جـيــش اسامه
وبعـده ما مـدفـون ركـضـو عالزعامه

والسـقـيــفـه...بـيـنــتــهــــم جـــــاهــلـــيــــــه
يـا خـلـيــفـه...وخـــــالــــف البــاري ونـبـيــه
وكـل مـصـابــي
الـدفــع بـــابــي
ﮔــــلي ضـلـعـﭻ إلا اكســره


يــوم دفـنــة والــدي وهـجـمـو علـيـنـه
إجــو وتـــراب الـدفــن بـعــده بــأديـنـه
ثــلـــث تـيـــام ونـســو أهـــل المـديـنـه
والـدي وبسمـاتــه واطـبـاعـه الحنيـنـه
وخضـعـــو لجـــلاد بـــاع بـدنـيـا ديـنـه

كِـســر ضـلـعـي...وﮔـتـلـه لا يــوﮔـع جـنـيـنــي
ﮔـلــي اسـمـعـي...لــو وﮔـع تـبـتــشــر عيـنــي
يـــــا عــــذابــي
الـدفــع بـــابــي
ﮔــــلي ضـلـعـﭻ إلا اكســره

بيـن بــاب وحايـط وسـوطـه الضربـنـي
اﻠﮔــﺎع مالـت بس عدلها المحسن ابنـي
وعـن نظـرهـم حضـر جبـريـل وحجبني
والهضـمـنـي امـن الهِجـم واكثر رعبني
ﮔـبـر ابـوي اترابه اخضـر ﻠﭽـن سبـني


شـلــون يحـكـم...اليـبـدي حكـمـه بهالجريـمـه
شـكـثـر يظــلـم...الجـازه هــاديـنـه بشـتـيــمـه
ورد خـطــــابـي
الـدفــع بـــابــي
ﮔــــلي ضـلـعـﭻ إلا اكســره

صحت فضه وما صحت يا حيـدر احضـر
ادري لـو نـاديـتـه ﭽــﺎن ابـتــده المحشـر
بالوصيـه الهــادي ﮔله اصبـر على الشر
ﮔـلـــه إلا الـزهــره مــا تـنــدب يـحـيــدر
يـاهــو لــومــا هالـوصـيــه يـدنـه يـﮔـدر

وبـوصـيـتـه...الهــادي وبـعـلـمـــه وكـمــالــه
وبـحـمـيـتـه...عـلــي اكتـمـلـــت هالــرســالـه
وانـتــحــــــابــي
الـدفــع بـــابــي
ﮔــــلي ضـلـعـﭻ إلا اكســره

أَرحــل وأولادي يهـضــمــنــي بـﭽـيـهــم
بـس اروحــن وانــه متـطـمـنــه عليـهـم
لأن ادري أم البـنــيـــن إلــي تــجـيــهــم
مــــا تـنــام إلا وتِـقَـبَــلّــهــــم بـاديــهــم
الهــوه تصـفـيــه من ﮔـبل لا يدنه ليهـم


كــــــل أمـلـهــا...تــخــدم اولادي وتـــــــداري
شـكـــري إلهـا...رَدَت البـسـمــه عـلـــى داري
فــي غــيـــابــي
الـدفــع بـــابــي
ﮔــــلي ضـلـعـﭻ إلا اكســره


أحمد البصراوي العبادي