للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

للخدمه
..
اباب الحسينيه شكر
صلي ركعتين
عاشور اجه وعندك عمر
بي تخدم حسين
واليحضر بمأتمه
تباوع عليه فاطمه
...
من بين هلال الحزن
كل گلب بضلوعه سجد
الما يفتهم معنه العشگ
ما ينتظر جيته ابد
مرك محرم قل هو
ليس له كفواً احد
ثلاثين يوم اعله البچي
ما يكفن وردنه بعد

جم ميت اتمنه يجي من بين الگبور
يحضر مجالس تعزيه ايام عاشور
مجلس بسابع سمه
تباوع عليه فاطمه
...
خسران عمره الما حضر
لو ساعه وحده بمجلسه
يا ناس ناسيله فرض
كلمن لعاشوره نسه
مو هوه بمجلس فاطمه
هذا الهوه النتنفسه
هذا الرماد البالخيم
بصدورنه نتحسسه

لو گلت وين اول عزه صاير بالايام
بأول عزه زينب بدت ما بين الخيام
من حرگو امخيمه
تباوع عليه فاطمه
...
لو ساوموني اعله البچي
بثْواب حج ما بدله
مجلس عزاي اعله النحر
يسوه الفرض والنافله
شهر المحرم خط فتح
بين العيون وكربله
تنزل ذنوبي من المتن
ويه الدموع الهامله
لو سامح الله بالحشر امشي لجهنم
ما تشفع هناك الصلا لو ما محرم
ما يخسر اليخدمه
تباوع عليه فاطمه
...
يمبيض وجوه الخدم من اهل النوايا الصافيه
بكلوبنه جمرة عشك مثل الخيم ما طافيه
يالاربعينك من يجي ايلبسنه ثوب العافيه
من النجف ولكربله تمشي خدامك حافيه

يالكربلائك مو ارض تنعد سماوات
حته اعله عرش الله الك مرفوعه رايات
زايرك ما اعظمه
تباوع عليه فاطمه
...
آيا شهر وبعاشرك
شمس الله طاحت عالثره
خامس امام من اثنعش
واثنعش طبره بمنحره
زينب تقبله اعله النحر
وضلوعه كلها مكسره
من لزمت ايده ما لگت
بين الاصابع خنصره

شيّكفي نلطم عالصدر شتكفي الدموع
وحسين نايم عالترب مكسور الضلوع
وجروحه تنزف ضمه
تباوع عليه فاطمه
...
خادم الحسين ( عليه السلام)
كرار حسين الكربلائي
( ابو كميل)

للعليله
..
عفتني لوحشة الدار
وادوّر بالهوه اخبار
عليك شصار ما صار .. بويه بويه
علي لو صار الغروب
اطش عيني اعله الدروب
دخيلك دزلي مكتوب .. بويه بويه
...
انه وجرح الوكت واحلامي الازغار
وگفت بدرب جيتكم مناره
صرت مثل الشمع وافراگكم نار
وليل الفرگه يكتل بنتظاره
ادور ضعونكم
دخيل اعيونكم
وخبر ما جاني
يگلي اشلونكم

عليكم تسأل العين
وناشد وين ما وين
يموت الفارگ حسين .. بويه بويه

بدمع عيني توضيت
وصلاة الغربه صليت
هلالك عني محجوب ..بويه بويه
...
نزل بالدار بعدك وحي السكوت
الجنه بغير وجهك ما هي جنه
تره كلمة وداعاً بالاصل موت
گلتها ومتت بعدك ونه ونه

الهجر بحساسي
يشيب راسي
هو احتاجيتك
يبعد انفاسي

لحنانك گلبي مشتاگ
تعال وكافي الفراگ
المدينه احله من العْراگ .. بويه بويه

مشيت وحالي مو ذاك
ذبلت بصيف فرگاك
يموت العافه محبوب .. بويه بويه
...
لباب ام البنين بدمعي حنيت
وطلبت مراد منها بلكت تعود
طلعت تِلَگتني وبيها شميت
ريحة چف گمر ومفارگ الجود

گعدنه اثنينه
شكثر ونينه
على هجرانك
بعد ما بينه

التقينه ابيت الاحزان
وگعدنه نقره قران
وجهنه لكربله چان
بويه .. بويه
بچينه بعدك اعيون
ودمعنه ابيض اللون
ييوسف صرنه يعگوب .. بويه بويه
....
يبويه الراح عنها واحد تنوح
وانه اثمنطعش واحد راح عني
اشوفن باب گلبي لحزني مفتوح
الحزن گام ايتداين حزن مني
عليله وصيحْتي
يبعد ارويحتي
يباب جروحي
بعتبتك طيحتي

دگلي ابيش ارتاح
وضعنكم للغرب راح
تعب صوتي من الصياح .. بويه بويه
ولا انسه المثل گال
وداع الغالي چتال
زغيره اوجهي متعوب .. بويه بويه
....
چان الوكت سكته وصاح جبريل
بعد ما خلصت وكت الظهيره
صدر حسين ملعب صار للخيل
وزينب تلم بضلوعه الكسيره
السهام بصدره
اطلعت من اظهره
واشوفن زينب
تقبله بنحره

وعله التل عمتي اتصيح
ونداها جابته الريح
خيمكم راحت اتطيح .. بويه بويه
وبنات العرش واللوح
سبايا بعدك اتروح
واجه دور السبي النوب .. بويه بويه
...
خادم الحسين ( عليه السلام)
كرار حسين الكربلائي
( ابو كميل)

مقدمة مجلس
يا بو صالح يابو صالح يابو صالح

يا آخر العترة لعلي والحاجة بي مكظية
يالمهدي اشكيلك وظع كل حيل ماظل بية
انتظرك ابقة اليا وكت ارحم ابحالي اشوية
العجل يا مهدي العجل نقرة العهد يومية

من لصبح انتظرك وظل حد ما تجي الضهرية
جم ندبة قاريهه اصبح وقرى المسا لطمية
ادري ذنوبي التحجبك وذنوبي ما مخفية
أقسم عليك ابفاطمة يالمهدي حن اعلية

بيضى اشوفن لحيتك لو لحيتك مدمية
دم تبجي لحسينك اظن ولظلوعها المحنية
دمعاتي تجري الحظرتك يبن الحسن عذرية
يا شهد وحلى من لعسل لمن يمر طارية

كل بيت أكتبه والشعر ينزف الك حنية
يالمهدي احلفك بالظلع وبعمتك المسبية
كحل اعيوني ابطلتك انتظر منك جية
اذبح اولادي الحظرتك كونك تجي تمر بية

قصائد للزنجيل 👇

منهاج محرم الحرام ١٤٤٠ هجري

ليلة سيدتي ومولاتي فاطمة العليلة ع

قصيدة بحر الطويل (( طور كربلائي ))


تانيتك يبويه هواي والدمعات بعيوني
لا عمي ولا الأكبر إجوني ويمك اخذوني
……………………………………………………………………………

عليله والدمع من دم يا والدي ومهمومه
چانت وين يا بويه الي كربله مضمومه
من يوم الوداع الراح وانه بروح مهضومه
شتنطر يماي العين
حاجيني يبويه حسين
لي وين الصبر لي وين
زاد النوح والحسرات بيه وخابت ظنوني
…………………………………………………………………………………

مشبوحه على دربك عيوني ولا خبر منك
ياهوّه اليوصلني منو الينقل خبر عنك
ما ترجع يماي العين يا بعد الأهل چنك
بين الآه والحسره
عبره تسابگ بعبره
يبويه وداعت الزهره
وحشه العمر من دونك ابد ماتغمض جفوني
…………………………………………………………………………………

رحت والروح هم اوياك راحت يا بعد روحي
وينك والدهر خوّان بويه وما خلص نوحي
ما تهده وحگ عيناك وانته بلسم جروحي
جروحي بعد ما تهده
دمعي موالف الخدّه
والمضموم هم بعده
بعد شيصير يالغالي بالفركه انخطف لوني
…………………………………………………………………………………

مشه ضعن الأهل عني والعبرات ما راحت
روحي ذابت بفرگاك گد اعليك ما ناحت
بدرب الضعن مشتاگه الك حسراتهه صاحت
ارجع لا تيتمني
عليله من صغر سني
هاي الدنيه تعبتني
شيظل بالگلب گلي لو وياك خيعوني
…………………………………………………………………………………

عليك بفاطمه الزهره أقسم بويه ارجعلي
تحييني يماي العين لو يالغالي توصلّي
إذا مالك بعد جيّه يا ضي النظر گلّي
تره الحسرات تاذيني
تاخذني وتوديني
ماتت دونك سنيني
هلي چا وين منواهم المن ما يخبروني
…………………………………………………………………………………

رسالة شوگ يالمعشوگ بالدمعات اهديها
من ارض المدينه بنوح والكربله وواديها
الك كل محتواها يكون روحي الهجر ياذيها
تخبرك يالأبو ترجع
بويه الگلبي لا تفجع
دونك باقيه اتلوع
مراسيلك خلص گلبي اشوكت بويه يوافوني
…………………………………………………………………………………

خادم الإمام الحسين عليه السلام

عمار هليل الواسطي

محرم الحرام ١٤٤٠ هجري

🖤قصائد شوط كربلائي🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


شوط کربلایی(لیله العاشره)
🏴🏴🏴🏴🏴🏴🏴🏴🏴
ترید ابیا گلب زینب...باچر تصعد اعله التل
وتشوف احسین بالحومه...عله اتراب الثره امرمّل
🏴🏴🏴🏴🏴🏴🏴🏴🏴
فجر باچر یشیل امصاب...اذا بان الفجر صبحه
وعله اتراب الارض ینزف...گلب زینب یضل جرحه
باچر عالرمح یاراس...و عین العایله اتلمحه

جســـــد متــــوسّد الغبــــره
السهم نایم وسط صدره
دمـــــه یجــــری مــن نـــحره

وجهه اعله الترب دامی...ومن دم منحره امغسّل
🏴🏴🏴🏴🏴🏴🏴🏴🏴
صباح العاشر ابیا حال...راید یشرق ابنوره
وعله الغبره بنی هاشم...ضحایه وکلها منحوره
خیام امحرّگه و ایتام...بالمیدان مذعوره

عدد الـــف و تســــعمیه
جروح احسین مدمیه
عــــله التــــربان مرمیـــه

انذبح لحسین یاستّار...وراسه امن الجسد یفصل
🏴🏴🏴🏴🏴🏴🏴🏴🏴
انگطع نحره عزیز الله...وزینب تنظر الحاله
رفس جسمه الشمر ویلاه..و داس الجسد بنعاله
وحید احسین یاهالناس...یمّه ایحوم چتـّاله

تِرِک جسمه خیول الگوم
یســحگه حافر المیشــــوم
واویــــلی عـــله المـــظلــــوم

توزّع جسمه بالمیدان...واخیول العده تصهل
🏴🏴🏴🏴🏴🏴🏴🏴🏴
العیاذ أبالله من الخیل...لو داست عله صدره
الحافر یمرد ابگلبه...والأضلاع متڪسره
زینب عله التل اتصیح...لحگی احسین یالزهره

ابنـــــچ منگــــطع راســه
و أبرجله الشمر داسه
اســـــمع ونّـــة انفــــــاسه

هذه احسین بالحومه...جسمه اسهام ما یحمل
🏴🏴🏴🏴🏴🏴🏴🏴🏴
تشوفه زینب امگطّع...و تضل مرعوبه جدّامه
صاحت یاعلی ادخیلک...ابنک هشمو اعضامه
راسه اعله الرمح مرفوع...بس ما لابس اعمامه

شیبه یگـطر امن الدم
تعفّر جســـمه واتخذّم
وصــــل دمـــه للمخـــیّم

بنات احسین بالمیدان...فرّن والدمع یهمل
🏴🏴🏴🏴🏴🏴🏴🏴🏴
طریق المشرعه ملزوم...یا هو ایحشّم الکافل
وگع عالجود راعی الجود...و مایرجع ابوفاضل
السهم صابه ابسواد العین...و چفه امن الزند فاصل

چفوفه اعله النهر طاحت
و زینـــب حایــره صــاحت
یخـــــویه هــیبتــــی راحــت

بعد عینک یبوفاضل...احس عصابتی تحتل
🏴🏴🏴🏴🏴🏴🏴🏴🏴
الضحایه اعله الارض کل صوب..بیها انترست الحومه
اجه السلّاب یم احسین...سلّب یاعلی اهدومه
انگطع من یمنته صبعه...عمت عینی عله ادمومه

جسد غاد ابجــسد نایم
وگع لأڪبر عله القاسم
وامخـــضّب گمــر هاشم

حتی البالمهد یرضع...مات امن العطش یتهل
🏴🏴🏴🏴🏴🏴🏴🏴🏴
ڪلمات خادم الحسین ع
عبدالامیرالناصری

#قصائد_العليله_ع_ع1440


في حق العليله. ع


يحملون وانه اصد بعيوني
جني مومنهم ولا يعرفوني
-------------------------
وين اهلي عني ناوين. الرحيل
شلون اعيش ابدونهم لامستحيل
طفله هداني المرض مابيه حيل
وانه اموتن من اظل. يدروني
-----------------------
وين تمشي. اضعونهم وليا بلد
كلبي احسه تفطر وجنه نمرد
شلون لو. كوطر ضعنهم لو بعد
بسيف فركتهم هلي. يذبحوني
----------------------
اليوم جنهم عني ناوين المسير
مره اصفن مره اظل بعيوني ادير
ادري. لو راحو مشو ياناس احير
الدار وحشه. والاهل. عافوني
---------------------
زغيره يااهلي المرض هداني هد
كوطريتو. والظعن ماظن يرد
اعد بيام. الهجر كلساع. اعد
ذوبلن. من. البواجي اعيووني
-------------------
رحتو عني. الكربله وطال السفر
مارجع من. عدكم وجاني خبر
والله ياهلي. تره. كلبي انفطر
كون. اموتن وانتم. ادفنوني
--------------------
وحشه ظلت داركم هل مظلمه
من. بعدكم عسه بعيوني العمه
عل. هجر والنوح ماني. معلمه
دم يسيل. ويجري من اجفوني
---------------------
لشاعر. رحيم الصالحي

#قصائد_الرضيع_ع_ع1440


١= قصيدة في رثاء عبدالله الرضيع عليه السلام


سهم نحرك يعبدالله
سهم نحرك يعبدالله
ذبحني بذبحت وريدك
لزمته ورفـرفـت بيـدك
سهم نحرك يعبدالله
..............

يعبدالله شكثر لوليت _ ييُمّه وبالمهد هزّيت
يعبدالله تعبت باريت _ تكبر ونّسعد ظنّيت
عساني لكربله لاجيت _ ولا من دمك اتحنّيت
خفوا بدرك يعبدالله
خفوا بدرك يعبدالله
رضيع ومنذبح بيدي
وحسّه بگلبي يوليدي
سهم نحرك يعبدالله
.........................

يعبـدالله عـشـت ويّـاي _ يورده وخضّرت بچلاي
رضيع وعطّشوك اهواي _ رحت بس ماشربت الماي
رجعت مصوّبيك اعداي _ يعبدالله وفگدتّ الراي
شگصر عمرك يعبدالله
شگصر عمرك يعبدالله
ابوك من الحـرب جابك
وشوف بنحرك اصوابك
سهم نحرك يعبدالله
.......................

يعبـداللـه الســهـم اذّاك _ تلـوج مـن الألــم خـــلّاك
ييُمه وگمت اشم بدماك _ احضنك وحچي يُمّه وياك
يصُب دم نحرك وغطّاك _ عفتنـي بلا ولـد بجفـاك
اشم عطرك يعبدالله
اشم عطرك يعبدالله
طفل مارحموا بحالك
تـفــطّـــــر منّـه دلّالك
سهم نحرك يعبدالله
....................

ابد ما حسّبت يبني _ ذبيح موسّد ابحضني
انشـدك ما تجاوبني _ ييُمّه ورايـك اتذبني
يصب دمك يعذّبني _ صحت لا لا تفارگني
صعب هجرك يعبدالله
صعب هجرك يعبدالله
ييُمّه وخابت احلامي
رمــاني والگلب دامي
سهم نحرك يعبدالله
.......................

امّك يبني وبچي عليك _ وحس نار العطش تچويك
وحس سهم النحر ماذيك _ مثل سيف وتوغّل بيك
لون بيـدي يصـح افديـك _ وموت بدالك واحميك
غدر دهرك يعبدالله
غدر دهرك يعبدالله
خذك مني وفجع روحي
ييُمّـه وهيّـج جـــروحي
سهم نحرك يعبدالله

سيد زيد الفحام
_________________

#قصائد_حماسية (نزلة)


🖤 ماعوفن الخادم ابد انه ام الحسين
وعليه هذا يضل وعد انه ام الحسين🖤
___________________
___________________


نزلة .... في رثاء القاسم بن الحسن عليه السلام


حنه وشمع بيدي يالفرحتك عيدي
ياجسام ياجسام


يوليدي يانبض الگلب ماينبض بدونك
ماتبصر عيوني الدرب لو ماضوه عيونك
آية بجمالك واحترس من اليحسدونك
يوسف نبي الله انذهل وتسمه مجنونك
يوليدي ياجاسم. بيك الگلب هايم
ياجسام. ياجسام


بس انت إليه بدنيتي يوليدي يالغالي
اذكر ابوك المجتبه من توگف اگبالي
عرسك ييمه وزفتك مافارگت بالي
ياجاسم وماحسّبت تتخيّب آمالي
يالفاركت عمرك. عطر الورد عطرك
ياجسام. ياجسام


شمعة شبابك تنطفي ما حسبت يبني
يالعمرك بعمر الورد مو وكتك تذبني
شوفك يرد بيه النفس هجرك يعذبني
أمك يجاسم والهجر صدگ يشيبني
لا تبتعد عني. ماينكطع وني
ياجسام. ياجسام


يالوارث أوصاف الحسن بيك الحسن شفته
بعدك شباب موادعك يايمه مو وكته
جرح الحسن يبن الحسن بكليبي هيّجته
تجرح گلب أمك تره يالغالي لو عفته
ماأگدر اتحمّل. بُعدك ولا أقبل
ياجسام. ياجسام


ومنين اجتني كربله يايمه حاچيني
تودعني رايد للحرب عدمن تخلّيني
ساعه ويذبحوك العده ياشمعة سنيني
شلون اصبر وهجع بعد لو شافتك عيني
متوذّر اگبالي. بيك انفجع تالي
ياجسام. ياجسام


ماحسّبت يبن الحسن تتحنّه من دمك
يتكطع بدال العرس فوك الثره جسمك
يوليدي كلّي شفكّرت يبن الحسن بمّك
ياجاسم وفكدك صعب ماينحمل همك
ماأحمل غيابك. تفجعني بمصابك
ياجسام. ياجسام

خادم القاسم بن الحسن المجتبى عليه السلام
سيد زيد الفحام