😌 إلهي !

لولا أنّك بالفضلِ تجود
ما كانَ عبدُكَ إلى الذنبِ يعُود .
ولولا محبّتُك للغفران
ما أمهلتَ مَن يُبارزُكَ بالعصيان
وأسبلت سترك على من تسربَلَ بالنسيان وقابلتَ إساءتَنا منكَ بالإحسان .
إلهي !
ما أمرتَنا بالاستغفارِ إلاّ وأنتَ تُريدُ المغفرة
ولولا كرمُك ما ألهمتَنا المعذرة .
أنتَ المبتدئُ بالنوالِ قبلَ السؤالِ ، والمعطي مِن الإفضالِ فوقَ الآمال ،
إنّا لا نرجُو إلاّ غفرانَك ،
ولا نَطلبُ إلاّ إحسانَك .

🏴


✮•• *هلم بنا نبكي على بـــاقـــــر العلــم .. سليــــل النبـــي المصـطـفــى الأُمّــي*

✮•• *على لذّة العيش العفا بعد ما قضــى .. شهــيــــــداً بــلا ذنــب أتـــاه ولا جــــرم*

✮•• *له طول حزني ما حييـت وحــرقتـــي .. ونوحـي ولو أنّ البكا قد بـــرى عظمــي*

✮•• *سقاه على رغم الوقى السمّ خفية .. هـــشـــــــــام ردي الأب والجـــــدّ والأُم*

✮•• *عليـه من الرحمــــن لعــــن مؤبّــــد .. بما سرّ من بغي وما سنّ من ظلم*

🏴عظم الله ٲجوركم

🏴

🏴

#السلام_عليك_يا_باقر_العلوم 💔 .
السلام عليك يا محمد الباقر
السلام عليك يا مسموم✋🏻
السلام عليك يا باقر علوم آل محمد .

عظم الله اجورنا و اجوركم بمصاب
الامام محمد الباقر عليه السلام 🙌💔.

🏴


قف بالبقيع وجنة الاطهار **وانع المطهر باقر الأنوار 🏴😢💔

مات الذي تزدان بعلمه المنابر عظمت

اجورنا بفقد إمامنا الباقر 🏴🏴🏴🏴

السلام على من شهد مصائب كربلاء وما

بعدها بأبي أنت وأمي يا صاحب القبر

المهدوم ....السلام عليك أيها الإمام

المسموم المظلوم ....

عظم ألله اجورنا واجوركم بفقد إمامنا

الباقر
🏴🏴😢💔

♥️🍁 ‏وإذا بزينب تسأل
لِمْ تركتَ البيتَ والحجَّ وشدّيت الرّحال ؟
قال أختاه لقد شاء الاله
أن يرى رأسي قطيعاً عند هاتيكَ الجبال
ويراكنَّ سبايا فوق أعقاب المطايا
خُطَّ يا أختاه موتُ المرء كالعقدِ على جيدِ الفتاة
فإذا لمْ يبقَ من يحمي حماكِ فاستعدّي للبلاء .

♥️🍁 ‏يــوم الــتـرويــة

خروج الإمام الحسين(ع) من مكة متوجها
إلى العراق في عام 60هـ
~~~~~~~~~~~~~
كل القوافل سرت
إلى مكة الا قافلة العشق
توجهت للعراق
لتكول كعبة عشقٍ تطوف
بها قلوب العاشقين لال
بيت الرساله..

#رئيسية_للخدام


حضرنه منابرنه ...ولبسنه احرامنه كلنه
لبسنه اسود نحج حسين
ولبينه بدموع العين
يحسين بضمايرنه
......
نشوف علينه هل عاشور .. برايات الحزن كمنه
نصبنه المنبر وبدموع .. نضمنه مواكبنه
لبسنه احرامنه لعاشور .. كلها اسود ملابسنه
وتوشحنه بحزن واهات .. يحسين بألم صحنه

نلطم ع الصدر يحسين
هشمنا الك صوبين
اليلطم واليرد الصوت
نخط هذا العهد للموت
صوت ومن محاجرنه
يحسين بضمايرنه
......
شعار انطينه للتاريخ .. شيعه وهالعمر عاشور
نظل طول العمر لحسين .. نضحي وماتهمنه نحور
رغم ما سوو اعدانه .. تفوح الخدمه منه بحور
ونظل نمشي عله خط حسين .. ولا همنه الجره ويدور

عقيده وثابته بالروح
العمر كله عزه المذبوح

نواسي المصطفى واله
بحزن ودموع هماله
بفطرت صوت رددنه
يحسين بضمايرنه
.....
نزل بموكب الزنجيل .. ندگ عله الضهر وبصوت
هيهات والف هيهات .. نزل عن هالدرب للموت
مواكبنه تغطي العين .. جنود ومن عليها يفوت
ظلم ما ترضه اله اثنين .. نصر لو علم وي تابوت

حشد واتطوعت افواج
بحر هاجت مثل امواج

عقيدتهم مثل عابس
واحد لاخر ينافس
بطريق الموت كبرنه
يحسين بضمايرنه
......
عله نياط الكلب شلنه .. رايتك يبو السجاد
شلناها بعشگ معروف .. من الذر بينه للميلاد
گبل تكوين هذا الكون .. فرض حبكم صبحله ابعاد
نخلق وسط العرش والروح .. وتجسد منه كلشي انعاد

لذلك حبكم معلگ
نفس وسط الگلب اشهگ
اذا ازل بنفس عنكم
احس صوتي يجي لحبكم
اصيح واركض اتعنه
يحسين بضمايرنه

.....
من عالم الذر والروح .. لبينه ونبايعلك
گبل لا ننخلق يحسين .. مواكبنه ننضملك
تعاهدنه ونشهدكم .. ارواح البينه ترخصلك
الجسد شنو ونعز لطمه .. من كل صوب اوذرلك

الطم واطبر بقامه
اهشم صدري والهامه

عهد هذا العهد محفور
فار بنوح بالتنور

الك ترخص مناحرنه
يحسين ابضمايرنه
.....
حيدر عيسى البديري

سلام عليكم ورحمه الله
خدام الحسين ع سنبدا بنشر قصائد لمحرم الحرام 1440 مع اللحان ابتدا من يوم غد السبت 2018 /8/25

لاتنسونا ووالدي بالدعاء
خادمكم الصغير مصطفى الكربلائي

بيهم ارفع راسي
جعفر وعباسي
وياچ عبد الله اويه عون
چفوف تفديچ وعيون
يازينب يازينب
**********
اربعه ربيتهم بلهفتي تانيتهم. بس لا يرجعون
الخدمتچ وفايه والي شال الرايه
يشيلچ بالعيون
انه وصيت الكفيل بخدمتچ
لا تخافين وعلي وياج اخوتچ
ما اريدن يمي تنزل دمعتج
من عگدت الرايه
انطوني بيچ احچايه
وياج عبد الله اويه عون
چفوف تفديچ وعيون
يازينب يازينب
***********
والبرز گدامه خله بيده الهامه بحضنه اتنفس
بوگفته يحاجيهم الزلمه وينه البيهم خل راسه يلبس
اهنا رقيه صاحته عمي تعال
الرگب خلصت والخلگ عدها جهال
گلها صار بخدمتچ كف النزال
ولمعة الترجيه
وتامر المسبيه
وياچ عبد الله اويه عون
جفوف تفديج وعيون
يازينب يازينب
***********
راسي بيهم عالي مثل راس الغالي
اويه الحرم يمشون
روسهم شالوها والشمس خلوها
اتفيي اعله الاضعون
اخيال مابين تره بدرب السبي
من سواد اعيونهم سود العبي
خويه عد عيناج زينب واطلبي
عل رماح انحورهم
اقمار من اتشوفهم
وياچ عبدالله اويه عون
چفوف تفديچ وعيون
***********
ذوله تعب اسنيني لچن يم حسيني يرحون فدوه
من يطب الغالي ويبتهج دلالي معشوگي هوه
عاشگتها من الزغر يانظرته
فدوه اضحي الاربعه الحك ردته
بشر لو شفتوه گله اشسألته
ماتعاين حالي
بشر وين الغالي
وياچ عبد الله اويه عون
چفوف تفديچ وعيون
يازينب يازينب
**********
زيد الزيدي

🌙قصيدة للهلال🌙
****************

لا تــهل يــهـــلال.....زينــب ابــياحــــــال
من تشوفك فاطمه..........تمطر جروح السمه
زينـــب ابياحــــال
************
لا تهل تأخر شويـــه انتـــــظر
من تشوفك زينب تحس باليسر
تذكر ايام السبي وسوط الشمر
من بعد ماجانت هي ام الخـدر

سيف اشوفك حاد............تذبح الاولاد
واذكر الاهـــوال............ زينب ابياحال
************
فاطمه تنشر قميص وبي دمـــاء
من تهل معناها عادت كربــلاء
والاذان يصير حي على العزاء
ويا حسين جروحك جروح السماء

وحتى جبرائيل........عزه ميكائيل
بالدموع وكال..........زينب ابياحال
************
من تهل لكربله يهزني الحنين
 سيف اشوفك يذبح بنحر الحسين
بيك اشوفن مشرعه و طف وونين
رايه اشوفن يمهه مكطوعات ايدين

بيك اشوفن نار.......على باب الدار
تشتعل لا زال...........زينب ابياحال
************
لا تهل يرجع مصابي من جديد
جني مسبيه رد بيدي الحــــديد
هلال اشوفك حرمله وسهمك عنيد
ترمي عبدالله وتذبحه من الوريد

وسهم صدر حسين....والكمر بالعين
تذبح الاطفـــــال.......زينب ابياحال
***************
من تهل يخنكني دخان الخيام
وجني محتاره برقيه الماتنـــام
وحدي عالتل واكفه وحل الظلام
حسين من كونك عدل رد السلام

بطلت الونين......ها متت يحسين
يتـــمت العيال.......زينب ابياحال
****************
لا تظن سكينه تنسه الي جرى
لا تزال اتاني سبع الكنطره
كال اجيب الماي عمي شأخره
خل يعوفه المهم سالم منحره

من يكلي جاي.......ما نريد الماي
صاحت الاطفال.......زينب ابياحال
***************

خادم الحسين  ع
الشاعر  جهاد البصيراوي