اللّهُمَّ ثَبِّتْنِي عَلى دِينِكَ ما أَحْيَيْتَنِي، وَلاتُزِغْ قَلْبِي بَعْدَ إِذْ هَدَيْتَنِي، وَهَبْ لِي مِنْ لَدُنْكَ رَحْمَةً إِنَّكَ أَنْتَ الوَهّابُ.

#جمعة_مباركة 🌼

لمن القبور الدارسات بطيبة
عفت لها أهل الشقا آثارا

قل للذي أفتى بهدم قبورهم
أن سوف تصلى في القيامة نارا

#فاجعة_البقيع

مناجات للامام الحجه
.
.
.

مـــو بعـيده ســيـدي ومـعـقــوله
يـمــك انـه اعــمـالي مـامـقـبــوله
صعبه ياصاحب زماني
يــمـكـن الأخـرتــك اني
مـــو بعـيده ســيـدي ومـعـقــوله

_______________

يابو صالح حلمي اشوفك عندي هاي احلـى امنياتي
واشـعـر ابـذنبـي منـعــني اشـكـثـر اذنـبـت ابحـياتي
مطـلـــع انــته عـلــيــه وتــعــلــم اشــگـد سيــئـاتي
بيش اجيـك شلون اجـيك ومستخـف انــي ابصلاتي

اشگـد صـلاة الصـبح ماصـليتها
اتعـاجـزت انــه وقـضه خلــيتها
مستحي ومن هاي اعاني
يــمـكـــن الأخـــرتــك اني
مـو بعـيده سيـدي ومـعــقوله

_______________

تنـعـرض اعمـالي يمــك وادري بذنـوبــي رهــيبه
الــگلــبك المجـروح مــني ياعــذر ويــاي اجــيبه
الساني يشهد خاف انـكر هذي يالمهدي المصيبه
وصفـحة اعـمالي شـفتـها سـيدي متروسه غـيبه

صح دعاء الندبه يامه اقريته
لـچـن گـلبك بالذنــوب أذيـته
مدري يالمهدي شجاني
يــمــكـن الأخـرتــك اني
مـو بعـيده سيـدي ومـعـقوله

_______________

اذنوبي فاقـت حسناتي مـسـتحي وشلون بيه
خـوفي بـس لتگول عني ابهالشخص لاماعليه
تــره مـن تتــبــره مـني يابــو صالح هــاي هيه
وين اودي وجهي انه امن امك الزهره الزچيه

خاف ماترضه ابدموع اعيوني
لان ادري الــوادم ايطــلــبوني
حبــي للدنــيه عــمـاني
يــمـكـن الأخـرتــك اني
مـو بعـيده سيـدي ومـعـقوله

_______________

انــه يومــيه اندعــيلك لكـن اذنـوبـي تــأخرك
سيدي الكثر المعاصي منكـسر من عني ظهرك
نـافقت كـذبت يامه وخوفي ينفذ مني صبرك
فـدوه بس لتـگلـي انـتـه انـي باچـر ما اعـذرك

الينــطـرد مـنك يـضـل ابحــيره
عگب وجهك وين وجهه ايديره
وين اروح وانتــه اماني
يــمـكـن الأخــرتــك اني
مـو بعـيده سيـدي ومـعـقوله

_______________

انــه ادريبــك كريــم وجــاي ادگ بــابـك يمـهـدي
انتــه عندك رحمة الله وانــه بــس اذنــوب عندي
امروتك بس ارضه عني امن الصفر راح انه ابدي
مــادلـك ايــدي ابتــذلــل گــاعــد ابــابــك اجــدي

الوادم ادري اعليكم ايحسبوني
على اذنـوبي الـفاتت اتـعذروني
وَعــد مـاكـــررهــا ثاني
يــمـكـن الأخـرتــك اني
مـو بعـيده سيـدي ومـعـقوله

_______________
تمت والحمد لله في ٢/ ٥ / ٢٠١٧
حيدر تركي الكربلائي

💥 لعن الله قاتليك، ولعن الله ظالميك، ولعن الله سالبيك ومبغضيك من الأولين والآخرين

#صباحكم_حسيني_عطر_تقبل_به_الدعوات_وتُفرج_به_الكربات_بحق_السبط_الشهيد_عليه_السلام

🌿 #الهي بالحسين الوجيه وجدهِ وأبيه وامه واخيه والتسعة المعصومين من ولده وبنيه ِأقضي حوائجنا وحوائج ألمحتاجين ياالله ،،
🌟وأرزقنا في الدنيا زيارتهمُ وفي الاخرة شفاعتهم

قصيده لاستشهاد الامام الصادق ع 1439


حزن السبط شايله       وكل الارض كربله
        ياصادق اولاد النبي وآله
    واتون على احسين وعلى اعياله
              كل الارض كربله
                  ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يالصادق اقرالك عزا ابهذا المسا
وبيه تحضر امك فاطمه خير النسا
امصاب الطفوف ويانه ابد ماينسى
وصار اعلى مر الدنيا هالطف مدرسه

ياصادق آل النبي         مجلس حزن عالعبي
        وانوح خدر الحره واحواله
     واتون على حسين وعلى اعياله
               كل الارض كربله
            ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
يالتهوى يصبح مجلس ابكل الارض
وايعمها حزن اهل العبا طول وعرض
عاش الحزن ويانه يجري ويا النبض
حزن الحسين البينه دايم ما يفض

ما انسى ذاك الحصل     جسمه التكطع وصل
       وتدري انت محد جمع اوصاله
      واتون على حسين وعلى اعياله
                كل الارض كربله
             ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جنت انت تندب كربله يا كربله
وتنصب عزائك والمدامع هامله
الناعي تجيبه اتكله انعى المثكله
ويغشى عليك ابذكر سبي العايله

لا ناصر اللي يصح        وبكلبه نابت رمح
       ولخته الشمر حضرهن احباله
      واتون على حسين وعلى اعياله
                كل الارض كربله
             ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ابمهجه وخيم متوجره يبن الزهره نار
زينب بقت حرمه وغريبه ابلايا دار
كافلها ظل ابلا يمين ولا يسار
وسهم المنيه طفى ضي عين النهار

واصبح حديث السبي      ايهدد امان العبي
       وتدري العدوا ماترحم ارجاله
      واتون على حسين وعلى اعياله
                كل الارض كربله
             ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
عالهزل ركبن والهزل بيهن يميل
وجتال اهلهن حادي والمسرى طويل
العادى النبي راوى الفواطم جفه ويل
ومن هالهضم زينب يهل مدمعها سيل

نقره احنا وانت استمع     وانهل سويه الدمع
          شمر النجس ما تحمل افعاله
         واتون على حسين وعلى اعياله
                كل الارض كربله
             ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
خادمكم فراس موحان الساعدي

احضرت درسك يصادقنه
اشوفن علمك اكبالي..اصيح بصوت ياغالي
احضرت درسك يصادقنه
&&&
يبو الكاظم نعيش اوياك..أفراكك حيل يالمني
يمدرسة العلم انخاك..بعلوم ادروسك أقبلني
يتامه من نظل بجفاك..يتيم بعلمك اسئلني
عليك النوح والونه
اسمع صوتي العالي.. اصيح بصوت ياغالي
احضرت درسك يصادقنه
&&&
يبو الكاظم بعد عيناك..حلاته هالاسم اسمك
طلبنه ومنيه نترجاك..تروينه ابحر علمك
عرفنه غايته السماك..سم المذهب السمك
يبحر الجود يملهمنه
علمك هوه يحلالي.. اصيح بصوت ياغالي
احضرت درسك يصادقنه
&&&
يبو الكاظم دليلي انعاب..كلبي اعليك يتالم
جرح جتال ميت اصواب..عليك اليوم ينزف دم
تنتظرك تجي الطلاب..لدرسك كلوبها تهتم
الك عهدي اعلنه
انت علينه الوالي.. اصيح بصوت ياغالي
احضرت درسك يصادقنه
&&&
يبو الكاظم نون اعليك..كوه اعليك نتصبر
جبدك نعرفه مااذيك..باالم واللوعه نتحسر
تريد الشيعه أتوصليك.. بيومك حزن نتذكر
شينسيها اليذكرنه
الساكن روحي وخيالي.. اصيح بصوت ياغالي
احضرت درسك يصادقنه
&&&
يبو الكاظم بقت تنعاك..طلابك تريد دروس
لعنت الله عل السماك..بخطر دكو الك ناقوس
نتمنه نروح وياك..الك نحنيها هاي الروس
وراسي اليوم اهبطنه
اشوف اليوم جتالي.. اصيح بصوت ياغالي
احضرت درسك يصادقنه
&&&
يبو الكاظم تشوف الناس..عليكم تنشد وتسئل
كلبها من لهيب احساس..ودمعها اعليكم الينهل
تفاركم صعب الانفاس..صعبه افراكم تقبل
وجها بالدمه اتحنه
وجها ادموعه اتلالي.. اصيح بصوت ياغالي
احضرت درسك يصادقنه
&&&
خادم اهل البيت
ابو علي السعيدي

قصائد استشهاد الامام جعفر الصادق ع


جعفـريـون نبقـــه ويــــرف العـــلم

جعفريون تــاج صرنه أعلى الأمم

دمنــه ينبض بالـــولاء كلنــه للمذهـــب فـــداء

*
جعفري صــوت الينادي – تعـــب وذل الأعـادي – صوت الأحرار
أرواح للمذهــــب فدينه – وبدمه العـــز وقعينه – نبقــه أنصـــار
جعفـر الصــادق ولينــه – روح يالســائل علينه – والله تحتـــــار
احنـه ذلينــه المنــايـــا – وتشهد بهاي البرايا – أقـــره الأخبار
جعفريون احنـــه عنـــوان المجد

جعفريون يشهد بهـــاي الحشـد

والله رخصنـــه الدمــاء كلنـــه للمـــذهب فــداء

*

يا التناشــد عالهـويـــه – جعفـريـه جعفــريـــه – بختم الحسين
مــن ختمها أبدم وريده – هالهويه أصــل العقيده – للمـــــواليــن
چفــوف قدمنه ومناحر – حتـى نحييها الشعائـــر – ونحيي هالدين
والگمــر عزمـه وآبائه – الها رخص كل دمائــه – وأنطــه چفيــن

جعفريون والگمـــر خــط الهـــدف

جعفريون وهســه خطتهــا النجف

بفتـــوه لبينـا النــداء كلنـــا للمـــذهب فــــداء

*


راية المذهــب فخرنــه – الها رخصنـه عمــرنه – تعتلي ابـزود
رايـه مــن دم المناحــر – انرفعت أبعز عالسواتر – واحنه الجنـود
رايه من چــف الامامه – عالنهر ظلـــت علامـــه – بذيــچ الزنود
والحشد مـــن اعتناها – رفـــع للعالي لـــواهــا – وقــدم أعهود
جعفريون بالدمـــه أنخــط العهــد

جعفريون أنــادي يالقــائــم مــدد

يمته تحضــر كــربـــلاء كلنا للمـــذهــب فــــداء

*

صوت يا جعفــر نـرفعـه – صوت مصحوب وي دمعه – من المحاجر
عهد يالصـــادق نطيعـك – نعتنـــي بـــاچــر بقيعـــك – بـالشعـــائــر
منبــرك بالعـــز ننصبـه – وبالــذهــــب تتعلـــه گبــــه – وي المنــاير
ونعتني بلهفه ونـزورك – نــرتوي بشمـــت عطــورك – والمنـــابـــر

جعفريون شما گسه ويانــه الزمن

جعفريون نصــرخ ابوسط الصحن

نقيم بالحضــره العـــزاء كلنــا للمذهــب فـــــداء

*





باسمك بعــزه انتسمــه – والله يــا مـــــولاي نعمه – يـــا فخرنه
باچـــر بيــوم القيامــه – كل شخص يدعى بأمامه – ما خســرنه
وأنت يا جعفــر أملنــه – بيـــك يتقبــــل عمــلنـــه – يـــا ذخرنه
ينادي وين الجعفــريه – انتـــو يخيـــر البــريــــه – في حشرنه

جعفريون صوت من نص الحشر

جعفريون الجنــه بيكـــم تفتخـــر

بيد حيــدرنه اللــــواء كلنــا للمـــذهــب فــداء
*
الشاعر موسى البديري

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

قِف بالبقيع ودمعُ عينك قد جرى .. وقل السلامُ عليكَ يا خيرَ الورى .. ظلموك يا مولاي حياً وميتاً .. لعن الإلهُ الظالمين َ لجعفرا .

السلام عليك يامصباح الظلمات ، السلام عليك يا دافع المعضلات ، السلام عليك يا مفتاح الخيرات .

عظم الله لكم الأجر بشهادة مولانا الامام الصادق ع

للبقيع
.
.
.

يابو صالح .. بينه لوعه وبينه نار
يابو صالح .. عـالزيـاره وعالـمزار
لامـنـايــر لاقــبــاب
والبقيع اصبح تراب
يابو صالح

_____________

مـن كـثر ماشوگ بينه نارنه يالمهدي تلهب
الله يشهد بينه وجت چنها نار اخيام زينب
المـراقد سـيدي مـن هـدمـوها
اظلوع احسين چنهم كسروها
البقـيع استـفردو بيـهـا اولـوها
مثل عمتك يمـهدي مـن سبوها

يابو صالح .. والشـمر رد من جديد
يابو صالح .. امتونها ايـزورگ يريد
جايب ابسوطه عذاب
والبقـيـع اصـبح تـراب
يابو صالح

_____________

مظلمه اگبور البقيع وچنها ليلة وحشه بيها
وراح تـذكر حـال عمتك انته من اتمر عليها
يشبــه حـال زيـنــب والنـساوين
مـن ظـلت وحيـده وتهـمل العين
اتصيح ويرتفع من عدها الونين
لاعـبــاس يــبـرال ولا احــســين

يابو صالح .. صوت اذا تسمع حنين
يابو صالح .. هـذا صـوت ام البـنين
تبچي بس عدها عتاب
والبقـيع اصـبح تــراب
يابو صالح

_____________

اي وحق ادمـوع قبــة زيـنب ودمعـات ناسك
شيبت روس المراقد مثل ماشاب انته راسك
اعيونك سيدي من البچي راحن
مـنارات البقــيع ابيــوم طــاحن
مـنارات الحسين اويـاك نــاحن
عجـل طلعتك يالـمهـدي صاحن

يابو صالح .. صحن ابو اليمه يصيح
يابو صالح .. بالبقيـع ابــنـي ظــريح
قبته ابعلـو السحاب
والبقيع اصـبح تراب
يابو صالح

_____________

اتبـَلل اتـراب البـقيع ابكـثر مـادمعـك تـهله
وحزنك اعله اگبور اهلك سيدي وياك صله
مـايـوگـف ابـد الـهـم بكـائك
اوياهم مسـتمر انته ابلقـائك
نحلفـك يالحـبيـب ابكـربلائك
من اتـزور اذكـرنـه ابـدعـائك

يابو صالح .. اذكرنه يمهم يالحبيب
يابو صالح .. الــك الله يـستــجـيب
يالدعائك مستجاب
والبقيع اصبح تراب
يابو صالح

_____________

يامن ايـدك بـاب الله يمـته باب الله نـقبَله
يمته يامهـدينه تظـهر لاتـظن الغـيبه سهله
على اغـيابك يمـهـدي الله شـاهد
اگلوب الشيعه چن صارت مواگد
يــايـوم وتــحـت ظـلـك نــجــاهد
ونبنـي بالبـقيــع احـنـه الــمـراقد

يابو صالح .. ونبني گبه الفاطمه
يابو صالح .. گـبه تـوصل للـسمه
يمته يخلص هالغياب
والبقـيع اصبـح تـراب
يابو صالح
_____________
حيدر تركي الكربلائي

اللهم. صل على محمد وال محمد

اللهم عجل لوليك الفرج