للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

#قصائد_شهادة_الامام_الكاظم_ع


شـوط كــربـــلائــي في رثاء الإمام موسى بن جعفر عليه السلام


يطارش بشّـر احبـابـه خبر عن موسى بن جعفر
الجمعة الموعد اخبرهم لجسر بغداد خل تحضر
_____

علي يبنَ سـويّـد انـقـل كلام الكاظم وذيعـه
الفرج گلهم گرب يومه يوم الجمعـه توقيعـه
والمـوعـد جسـر بغـداد خل تستقبله الشيعـه
موسى الكاظم المسجون
يطلـع من سـجـن هـارون
لازم شيـعـتـه يحـضـرون
عكب طول الغياب يعود ليهـم سالم من الشّر
__________

غدت شيعة علي الكرار تـتبـاشر رسايلـها
واحـــد يخبـر الثاني وفزعت للجسر كلها
بقـت تـتـنـطـر بلهفـه ولا من واحـد يگلها
سـاعة ولنهـم يشـوفـوه
نعش من السجن جابوه
حماميـل اربعـه يشيلوه
وبن شاهك يصيح بصوت مات الرافضي ومنسر
___________

يصيح السندي ما مسموم مات الكاظم بحتفه
هـــذا البـالنـعـش مـوسـى خـل الوادم تكشفـه
لچـن مـن باوعـوا شافـوا لون السم على چفّـه
گـامت كل هذيچ الناس
تبچي وتلطم عله الراس
وتـلـعـن كـل بني العبّاس
مـن سـمّ العـده الارجاس لون الكـاظـم اتـغـيّـر
__________

شالوا نعش ابو ابراهيم موسى الكاظم المظلوم
مگـيّـد وبسجـن هـارون مـات بلا ذنـب مسمـوم
وشيعـة حيدر الـكـرار تبچي عله النعش وتحوم
خلّص بالسجن عمره
صبور ومانفذ صبـره
امــام وعــالـم بأمـره
مات وچبده منّ السم تـگـطّـع ويلي وتـنـثّــر
__________

موسى الكـاظـم تشيّع جسمـه وبالگبر دفنـوه
تعذّب من بني العباس واللـه بـلا ذنـــب أذّوه
عن موطن رسول الله جـده المصطفى بعدوه
مات بـديـرة الغربه
ذاب من الألـم گلبه
صعبه حالته صعبه
ثار الكاظـم المسمـوم بيد المـهـدي من يظـهـر
__________

غريب الكاظم المسموم صحيح وظلّمته الأمّه
لچن ما خلّته الشيعه يظل عله الجسر جسمه
مو مثل البقه مذبـوح جـده حسيـن ابـواليمّـه
ثـلـث تـيّــام عالغبــره
دامي ومنگطـع نحـره
وبالخيل انهشم صدره
ريحـــانـة رســول اللـه ظـل بـلا دفــن بالبـر

خادم الإمام موسى بن جعفر عليه السلام
سيد زيد الفحام
_____________________________

يا أَبا الحَسَنِ يا مُوسَى بْنَ جَعْفَرٍ، أَيُّها الكاظِمُ يا بْنَ رَسُولِ اللهِ يا حُجَّةَ اللهِ عَلى خَلْقِهِ يا سَيِّدَنا وَمَوْلاَنا، إنَّا تَوَجَّهْنا وَاسْتَشْفَعْنا وَتَوَسَّلْنا بِكَ إِلى الله

♡ السَّلامُ عَلَيْكَ يَا أَبَاالْفَضْلِ الْعَبَّاسَ ابْنَ أَمِيرِالْمُؤْمِنِينَ السَّلامُ عَلَيْكَ يَا ابْنَ سَيِّدِ الْوَصِيِّينَ السَّلامُ عَلَيْكَ يَا ابْنَ أَوَّلِ الْقَوْمِ إِسْلاما ♡

قصيدة كعدية لاختيار الأفضل والاصلح في الإنتخابات البرلمانية


ياشعب اصحه وزين ختار لتضيّع صوتك
لتعيد الفاسد ثاني
باچـر تندم وتعاني
لتضيّع صوتك. لتضيّع صوتك
................... (1)

ياشعب بسّك تجامل اصحه وختار الينفعك
جرّبتهم ذوله فشلوا ماكو منهم من يسمعك
ولو جبتهم مره أخرى لا تعض باجر اصبعك
شحصلت منهم ياشعب
غيـر المـصايـب والتعب
مو هُمّه لا احنـه السبـب
العگرب التجنيه يلسعك

فكّر بالعانيته وصار لتضيّع صوتك
عوف الباگك لتجييه
بفلوسك تارس جيبه
لتضيّع صوتك. لتضيّع صوتك
..................... (2)

كل فرد مسؤول بينه ولايگول آنه شعليّه
اليوم واجبنـه نـغـيّـر كل وجوه العنصريه
والمجـرب لا يُجـرب هـذا راي المرجعـيـه
لازم نـسيـر ونـتّـبــع
للمرجعيــه ونستمـع
احنه النّغيّر هالوضع
يمنه ياناس القضيـه

منّ الفسدوا اخذ الثار لتضيّع صوتك
لخـاطـر أيتـام الفُـقـره
ياشعب اصحه بهالمرّه
لتضيّع صوتك. لتضيّع صوتك
..................... (3)

خمسطعش عام بحكمهم ياشعب شنهو الجنيته
چم حزب مـوجـود عدنه ما يـهـم بسّ بهـويـتـه
والفـقـيــر البيـك ميّـت ياشعـب مـهــدوم بيتــه
بس الاحزاب الفرهدت
بفلـوسك لحدما غـنـت
واعِدت بس ما نـفّـذت
كل حزب مغشوشه نيته

لا تقبل منهـم اعذار لتضيّع صوتك
احزاب الحكمت كلها
ياشعب اطلـع بـدّلـها
لتضيّع صوتك. لتضيّع صوتك
..................... (4)

لا تذب الصوچ كلّه بالسياسي وتنسه نفسك
تصعّد بأيدك حرامي شلون تتمنّـاه يحرسك
بسّك بوجهين تمشي ياشعـب ارجـوك بسّك
فـكّــر ولـو مـرّه بـعـقــل
عـوف المصـالـح والجهل
ما شفنه بس موت وقتل
كافـي وختـار اليقـدسـك

اطلع غـيّـرهـم باصرار لتضيّع صوتك
معروف الخانك واضح
لا تـقـبـل بي وتسـامـح
لتضيّع صوتك لتضيّع صوتك
..................... (5)

عدنه مُرضه وعدنه فُقره وعدنه ايتام وارامل
هـاي كـلــها تـريــد منّك ياشعـب كافي تجامل
انتخب شخص اليخدمك يعرف بحلّ المشاكل
لتگول ما يحصل ابد
عدنه اليوفّون الوعـد
دوّر عليــهــم وجتهـد
وعوف اصحاب التخاذل

زين احسبها ولاتحتار لتضيّع صوتك
ليّغرّك حِسِن المظهر
دقّـق وتـأكّــد اكـثـر
لتضيّع صوتك. لتضيّع صوتك
..................... (6)

نريد ناس تحب وطنّه وتخدم الناس الفقيره
ناس حـرّة بكل فعلـها وكون ما تصبح اسيره
ياشعب مسـؤول انـت وبيدك الكلمة الاخيـره
يمّك بقه هـذا الأمـر
لو تخسر ولو تنتصر
ميّفيد ياشعب العذر
ولحظة الموقف خطيره

اتبع منهاج الأحرار لتضيّع صوتك
تعلّم من منهج حيدر
عالفـاسـد لا تـتـسـتّـر
لتضيّع صوتك. لتضيّع صوتك

سيد زيد الفحام

#شهادة_الامام_علي-؏


هاي ايتامك اجت
حايره ابهمهه انتجت
ابابك تنوح يحيدر
ـــــــــ
بالسلامه اتمنتك يا بالحسن تكوم يمهون المحن ياعلينه
وهل اعمامه جانت اتشافي الجرح باب للعز تنفتح يا علينه
والعلامه ما يهل دمع اليتم دوم يمك نبتسم ياعلينه
هاك اسمعها تون
حزن ويجر ابحزن
بكلب مجروح يحيدر
ــــــــــــــ
لا تسافر وترتحل عن دنيتك ياهو يبقه الشيعتك يا ولينه
والمخاطر تعتني من ترتحل هلال الموادع يهل يا ولينه
الزمن جاير خلاف عينك ياعلي تدري بعدك ننولي يا ولينه
حبل وصلك ينكطع
ياهو الينشف الدمع
ودمع مسفوح يحيدر
ـــــــــــــــ
العيد اجانه جنه بوجودك يحيد نلبس الثوب الجديد وي صباحه
يا رجانه لو رحت النه منو يلي يوميه بعلو وي صباحه
فاركانه ما نصدك هل خبر يعوفنه فارس مظر وي صباحه
انت عيد الله الجبير
بجالك يعيش الفقير
بلسم الروح يحيدر
ــــــــــــــــ
يمك احنه الروس امسحهن بديك بلوعه صدك نعتنيك يا معزنه
بصوت صحنه ما عرفنه الذل ابد انت ابونه وانت جد يا معزنه
كل فرحنه بشوفتك لمن تجي يا كهف بي نلتجي يا معزنه
احنه ما مدينه جف
ها يعنوان الشرف
ومصدر اللوح يحيدر
ــــــــــــ
والله حيره شلون بعدك ياعلي خاف بعدك ننولي يا ابونه
شكد جبيره جمرة افراكك تظل ما نصدك هل حصل يا ابونه
الدنيه ديره ناسهه هموم وحزن بيوتهه ارواح وتون ** يا ابونه
مانريد احنه العمر
خلاف نورك يا فجر
بدرك يلوح يحيدر
ــــــــــــــ
الشاعر محمد حسن ضيغم
7

#شهادة_الامام_علي-؏

🖤الســلام علــﮯ يعســۄب الــديــﮠ🖤
ـــــــــــــــــــــــــــــــــــــــــــــــــ


قصيدة (لا تموت) للإمام علي (ع)   لسان حال السيده زينب (ع)

لا تموت  .. لا تسافر لا تــسافر
لا تموت .. ع لجرح يا بويه كــابر
لا تموت  ..  نموت آنه وياك باجر
لا تموت        لاتموت
****
آنه زينب والدمع يجري دمــه
جيت يم شخصك يحمّاي الحمه
من تفــاركني يســبع الموزمه
لا تضن بجفاك اعيشن سالمه

شلون اعيش * طبرتك تخطفلي لوني
شلون اعيش * ونته غايب عن عيوني
لا تموت * بويه خلينه نصابر
لا تموت          لا تموت
****

مو فقط عيني الكلب هل مدمعه
يجرح اعتابي واعرفك تسمــعه
كلــــبي بغبابك يبويه تصــــدّعه
راح اسولف فاجعة بــ هالفاجعه

لا تطيح * من بعد هاي الرزيه
لا تطيح * استعد للــــــغاضريه
لا تموت * يا شمس كل العشاير
لا تموت      لا تموت
****
بويه باجـــــر مـــن اطب لكـربله
جم مصاب انظر يغــالي ومعضله
خــدري يا حــــيدر توذّر كافــــلة
ونسبي اعله النــــاگه وآنه مــدلله

بالطفوف * جم مصيبه وجم مصيبه
بالطفوف * والجرح ايّس طبيبه
لا تموت * تنجرح بويه المشاعر
لا تموت      لا تموت
****
الـــعزيز حســــين كــونك تنضره
مسلب ومطروح اشوفه اعله الثره
مدري روحي شلـون ظلت صابره
اللعـــين گـــــبالي يگــطع منحره

والسهام * جم سهم نام اعله كلبه
والسهام * شما يطيح يناجي ربّه
لا تموت * داست اعليه الحوافر
لا تموت       لا تموت
****
راح احجيلك حجي كلش صعب
راح اجرحك بويه ويشيب الكلب
من انادي يا علي وآنه انضرب
زينبك يا حيدره ابين الغرب

يا علي * شبّت الخيمه عليه
يا علي * احترك وشكف بديه
لا تموت * تجرح عيون النواظر
لا تموت      لا تموت
****
بويه احس بكلبي يتلاهب جـمر
ما بقت لحــــــظات ويحل الفجر
ريت وياك آنه بويه انهي العمر
ونندفــــن يا حـيدر بنفس الگبر

امنيات * ضاعت وضاعت حياتي
امنيات * ريت احققها بمماتي
لا تموت * فركتك تكسر خواطر
لا تموت        لا تموت
*
كلمات _ حسن الدريعي

#شهادة_الامام_علي-؏


إخـــذها اويــاك بنتك لا تخليهــا
أشعجب ما حسبت يا بالحسن بيها
******************************************

أشعجب ما حسبت بيها يبو الحسنين
هــاي إمخــدرتكـم تمشي بعدك وين
إذا جــار أو تعّــده او حارباها البين
تـرى أخـلافـك تظل وحشــه لياليها
******************************************

يحمــاي الــدخيــل المــا يــذّل جاره
أشعجب زينب عفتها أتعاني محتاره
أوعلى أفراگك گلبها أولا طفت ناره
أو بعد ما ظل دمع يجري أو يطّفيها
******************************************

يمن رحت او عفتها ابـديرة الغُــربه
او دمعها من دمه لـو نــاحت إتصبه
علــى زينب يحيــدر فـرگتك صعبه
او بعــد ما ظن يحيدر تلحگ إعليها




يحمـاي الحمـه يـالماشي عنها أبعيد
ترى أبليّاك مـا تصبـر بعـــد وأتهيد
دريت أشگد تعاني مــن يجيها العيد
وأهــلال الفطـر لــو هــل يبــﭼيها
******************************************
يموش أنتـه النعـرفـك تحضر الشده
الدهر حيل إعله بتك يـا علي أتعـدّه
مفجوعه أو صبرها المُر عُبّر حـدّه
أو تـريـــدك بالعجل تحضر يواليها

******************************************
يهل ماشي العقيله ﭼـا خذتها إويــاك
عدها الموت أهون من حزن فرگاك
مو حسبة سفر حتى أگعـد أتــرجـاك
وأيــام السفــر مجبــوره أتـــانيها

******************************************
يهل ماشي بعيد او عايف أعيـــالك
بعيــون الحــزن مكســوره تبرالك
گبل ﭼـانت عزيزه يـا علي أبجالك
إو هسه أنتـه رحت ياهو اليراعيها

خادم اهل البيت ابو حيدر المجراوي

#شهادة_الامام_علي-؏

ماتمّم علــــي صيامه غابت هالمســه أيّامه
عنّه تناشـــــد أيتامه خالي الليلــه محرابه
*
الليلـــــه الأيتــام اعلــــه بابك ياوليـــــــــها
تدعــــي للبــاري بســـــــلامه تگوم لــــيها
يا أمـــــل دنيــــــاها وينــــــك ياعلــــــــيها
خـــــلاف عينــــــك من بعـــد ينشد علـيها
منّك لوگطــــــع ظنها وساروا بالنّعش عنها
مايبطل حــــزن ونها ولا دمعــــة السّــچابه
*
نادبـــه گلـــــوب اليتامــــــه بنايحــــه ونوح
اشــــلون ياواليــــــها عنها هالمســـه تروح
تعاينك مطــــــــــروح ونتك تفجــــــع الرّوح


مو جـرح خلّــــف مصـــابك ياعلي جـــروح
وي حسنينك بدمعــــه نعشك راحت إتشّيعه اشلون الوالـي تودعه وتـــرد لحدك إتـرابه
*
يللي مافــــــديوم عينـــــــك چانت تنــــــــام
گبل ماتفكـــــد يحـــــــــــيدر حـال الأيتــــــام
بعـــد تشكــــي المن ألمهــا وجرح الأيّــــام
البيك يالوالي إفجعـــــــوها بشــهر الإصيام
يالماخــاب اليگصــدك من لسّـــــائل إنشــدك
والمحروم من بعـــدك ياهـو اللي يــدگ بابه
*
آ يســــــاعه البيهــــــا من نشدت لخــــوها
زينب بدمعـــــــة حــــــزن عن حال أبــوها


گاموا اخوتهـــــا العقيلــــه إيصـــــــــبّروها
وبوضع حامي الحمــــــيّه إيخــــــــــبّروها
أبوچ او والد الفقــره كلفـه بهامته الطّـــبره
آخــر ليله من عمـره حــان المرتضى غيابه
*
اشلون ليلــــه البيهــــا من گعـــدوا ينوحون
وگامـــــوا بدمع الحـــــزن حيــــدر يودعون
ناشــــــدت زينب لبوهـــــا وتجري الأعيون
بحــــــال زينب يابو زينب ماتوصّـــــــــــون
نادى وغورگت عينه العباس وميامــــــــــينه
وحط يمناهـــا بيمينه حامي الخـــدر وحجابه
*
للحســـن ســــــــاعه يدير وســاعه لحسين


بآخــــــــــــر وداع او يودع مــــوادع البين
ســــــاعه عين البيها ينظـر للگـــــمر عين
وســـــاعه اليعاين علــــــي لچفوفه الاثنين
اشـلون بزينب اتشّوفه مرمي مگطّعه چفوفه
وسهم النّابت بشـــوفه لوصخـــر الگلب ذابه
*
غمّـــــض عيونه الوصــــي وأسبلها چفّــيه
وكل هلــــه وأيتامـــه داروا بالبچي اعلـــيه
بالحــــــزن آذانــــــه ينـحب يامـــــــوالـــيه
راح واليكـــــــــم علـــــــــي وراحت ليالـيه
راح الوصـــــي واليكم الينشد كل وكت بيكم
خل بالعــــــبره ناعيكم ينوح العلي ولمصابه
*
الشّــاعر ؛؛؛ أبو ســـجّاد الجعفري؛؛ 20 شـــعبان ؛؛؛ 1437هـ