قصيده بمناسبة ذكرى استشهاد الامام علي الهادي ع

ياسيدي يالحجه
مابقت عندك مهجه

من المدينه الكربله السامره
......................

ماكو كلب مثلك صبر عالصار باهله وناسه
الحمد لله والشكر صدرك يجر انفاسه
اني ادري بعيون البشر ماتحتمل حساسه
وعيونك انته امن الدمع ذبلانه مثل الياسه

فاطمه اول جرحك
البسمار صاير رمحك

وسط الكلب وتنادي آ يزهره
من المدينه الكربله السامره
.......................

عشت العذاب وحسرتك بالروح عاشت ونه
ساكن الطف وتنظرّه تسمحلي اسولف عنه
تشوف الخيول الي اعتنت لحسينك ورضنه
وحته الي شايل محبسه كصو وباكوه منه

ثاني جرح لحسينك
ماخله دمع بعينك

ابلا راس ومغطي تراب الغبره
من المدينه الكربله السامره
.....................

باب الفرح ماتنفتح بالحزن سدّو بابك
ولجل التحبهم سيدي مافاركاك مصابك
جان الدمع ماي وصبح دم على غياب احبابك
وبكل عزه من ينصب دمعك يصير اخظابك

وعالراس تشبج ايدك
والعزّه نوح ايزيدك

ودموعك امن العين تطلع حمره
من المدينه الكربله السامره
.....................

حاربك مولاي الوكت واليل يلجم صدرك
ايضيك النفس لو ضلمت جن سوط يضرب ظهرك
تشوف الخيم من تلتهب من هاي زايد جمرك
تحرّكك نيران الخيم ونتّك تطول الخدرك

وعمتك تصيح افزعلي
عباس خويه الحكلي

ضلت وحيده ونادته هالحره
من المدينه الكربله السامره
......................

واليله ابد مامستقر تسمع اصوات اتنادي
السامره روح بدمعتك يالمهدي مات الهادي
والسفر ادري تعبك من وادي تمشي الوادي
مسموم جدك بالغدر سم الغدر مو عادي

والباري عظم اجرك
سيدي الباكي بعمرك

من هل بشر ماشفت غير الحسره
من المدينه الكربله السامره
......................

ندعيلك الرب بالفرج ويخفف من الامك
خدامك احنه سيدي ونصير كلنه حزامك
شتاكينه والله الشوفتك وبيمنتك صمصامك
منك حجايه ننتظر با لموزمه كدامك

خافن نغمض باچر
وانته تظل مسافر

وماننظر الوجهك يمحله النظره
من المدينه الكربله السامره



محمد هادي العقابي اسألكم الدعاء لي ولوالدية

#قصائد_استشهاد_الامام_الهادي


الشيعي نزلت دمعته..الهادي طاحت كبته
الهدمك اذانه..انصيح يامولانه
نذكر احنه السمته
&&&
نذكر اليوم المصاب..وعظم ذيج الفاجعه
من زمن ماضي سحيق..العتره ليش ملوعه
سممو جبد الرسول..وفاطمه المتوجعه
كسرو الظلع الشريف..وحيدره ويامصرعه

نعرفه العادانه..اعلينه حد اسنانه
انعادي كلمن عادته
&&&
ولو ذكرنه احنه الحسن..والجره بيوم المصاب
والجره عل حسين بيه..ونته وصوت الرباب
وزينب تنادي و تدعي..تريد من عنده الجواب
تصيح وينك يبو فاضل..تزيد ونته بعتاب

حامل انته الوانه..هالترف ويانه
انشيل احنه رايته
&&&
خل نحجي عل السبي..وحالت الحره الابيه
طلعت تنادي يخوتي..طلعت بذيج المسيه
اشلون ترضاهه ياكافل..اليوم انه امشي سبيه
وي بني مروان نمشي..وابن هند ابن الدعيه

وي ابن مرجانه..والشمر سبانه
علينه يفرض رادته
&&&
ونرجع الهادي امامي..ونفس ذيج اهل الملل
بكل عصرظالم علينه.. وعقله اليحمل جهل
اليبغضك ينعرف شنهو..شنهو امه بالمثل
تحملت نفس الظليمه..البيه ظلموهه الاهل

نفسه الظلمانه..ونفس السلبانه
نفس طوله وهيئته
&&&

ندري بالايام تجري..وندري يدور الزمن
الوجه نفسه اليعادي..والوطن هوه الوطن
البغض والحقد عدهم..السممو جبد الحسن
يعرف الهادي مصيره..تحمل اهواي المحن

شكثر هل العانه..من ظلم مولانه
أيه يظلم الغدرته
&&&
الحقد باقي عليهم..وهذا شان المجرمين
الظلمو الهادي امامي..همه ظلمو للحسين
رجعو النوب علينه..وفجروهه الحرمين
كبة الهادي تنادي..تصيح وين المسلمين

هدرو ادمانه.. ليش ذبحانه
هذا صوت الوالته
&&&
خادم اهل البيت
ابو علي السعيدي

#قصائد_استشهاد_الامام_الهادي


لوفاة علي الهادي ع
.....
المستهل
....
ينطق السان الزمان ... دنيه مابيها أمان
يا أمام المنها يسلم لو ذبح بالسيف لوسم
.....
دنيه وبمرّ العصور ... هالظلم بيها يدور
ظالم الظالم يسلم منجزاته
بني أميه أبلا ضمير ... ناس سفاحه تصير
ذبحوا الساجد ل ألله في صلاته
حاربوا حتى الرسول ... شرّدوا ولد البتول
كل أمام أو بالغدر سلبوا حياته
علي الهادي هالامام
غدرته اچفوف اللئآم
هالجريمه النبي منها بگبره عالهادي تالم
......
ناس لا ذمه طُغات ... بالجريمه الهم صفات
للقتل واحدهم اصبح اختياره
شاهد اتظل كربلاء ... طاهره النزفت دماء
للوكت دم الضحايا أيريد ثاره
چفوف ونحور وسهام... ونار ورماد الخيام
وكل بنات النبي اخذوهن اساره
وزينب وذيچ الدموع
وجثه مكسوره الضلوع
سيوف ونبال ورماح اعله الشهيد حسين تلتم
.........
عين عدل الله تشوف ... الصار مروع بالطفوف
طاغي للطاغي يورثله القساوه
سلب تهجير وقتال ... حرموا حتى الحلال
أمن السقيفه أويه النبي عدهم عداوه
بفاطمه خلوا جروح ... حقد ثابت مايروح
الباطل اويه الحق بعد عدهم تساوه
وبني العباس الطغاة
حاربوا ناس الأبات
كلمن ايعود ألمحمد من بطشهم لا ميسلم
........
وين سلطان الوجود ... هالظلم ماله حدود
متى يايوم اليجي للظلم يرجم
بين مغدور وذبيح ... وانذهل حتى المسيح
شلون مسلم يندعي ويذبحله مسلم
الله بكتابه المجيد ... للعدل منك يريد
تعمّر الانسان واجب لا متهدم
بالخلق هذا أخوك
مو شرطها أبن أبوك
دينك أيحتم عليك وگالك لاتسفك الدم
.....
يمته يالمهدي تغير ... مرض صاير بالضمير
تجي ويداويها سيفك للضماير
غيروا نهج السماء ... توغلوا بسفك الدماء
دارت بهل الدنيه عالوادم دواير
بين سلطان ويجور... بين من يشهدله زور
تلوثت بفكار ظلمه هالسراير
انته بس عدلك تقيم
مايظل عُتل وزنيم
بغيبتك ماكو عداله ونته يالمحجوب تعلم
.........
نندعي لألله الرقيب ... بلچن ويومك قريب
تعدّل الدنيه بوجودك من تجيها
أطلب بثار التريد ... وأبدي بحسين الشهيد
وثار امه الزهره وتسكت بچيها
الثار كلهم يندبوك ... جدك الهادي وأبوك
وعمتك أسياط الذي ورمت اديها
زينب اتظل بنتظار
تريد تاخذ الها ثار
أمن الذي أعليها تجسر والمتنها سوطه ورم
....
سيد عدنان الحمامي

زينـــب ابحيــــرة دمعهـــــــه  واقشعرَّ اتراب تلهــــــه
والهــوى صفناته كثـــــــــرن  بعد أهلهه ياهو الهــــــه؟

اعتلت للتــــل حزينـــه ويخشــع اتراب التسحـﮔــــــه
والهوى اهتــز شعــــوره يصفــن ابصفنتهه حـﮔـــــه
تشهـﮔ اجروح ومآسـي مو هوى هــذا التشهـــﮔـــــه
فارﮔــت احبــاب زينب والدمـع باقي اشيفَرّﮔــــــــــــه
اشـﮔـد عظيمــه وبت عظيمــه  اتقدَّس التـل ابرجلـــــهه

ﮁـم درس يرسم صبــرهه وﮁــم كتــــاب ابلا نهايــــــه
وﮁــم قلـم حيَّـــر ورقتـــــه يكتـــب اجــزاء البدايــــــــه
الدنيــه ظلمــه كلــهه جانت نــور زينـــب الهدايــــــــــه
نافــذت آمــال ﮁــــانت والأمل لهــــــل البرايـــــــــــــــه
زرعت الجرئــــه ابـﮔلبنـــــه  الصعبه زينبنــه املـــهـــه

ابكل ثقافــه ابكــل ادبـهه لبسـت اهمـــــــوم القيـــــــــاده
علمت للعالــم أســــــــــــــره الشهــــــــــاده اجمـــل ولاده
وقله ايام التربـــــــــع عالحكـــم بيـــــــــده السيـــــــــــاده
وعايـــش الرخصــــــهه روحـــه بالعـــــــدل نال الشهــاده
ثورة احسين وصمــوده  ابصبـــر زينب كملــــــهه

قدَّمـــت اروح معانــــي بالبلاغــــــــــه وبالفصاحــــــــــه
بيَّنــت باسلــــوب راقــــــي الظالم وصــار افتضاحــــــــــه
انكســـــر أي صـح ظهــــرهه والعقــــل متروس راحــــــه
ولذلــك يــوم خطبـــت كلـــــمـــن الخايــــــف سلاحـــــــــه
هذا ابوهـــه العلَّماهـــــــــه  والعلـــي يعرف فضلـهـــه

يغلط الفكَّـــرهـــه زينـــب أسروهـــه وعذبوهــــــــــــه
فضحــت اوجوه آل اميـــــــه بت ابوهــه بعــد اخوهـــه
حوزه ﮁـــــانت ناطقيــــــــــه هـاي زينب ما دروهــــــه
ما رأيـــت إلا جميلاً هاي هـــــــــــم ما حسبوهــــــــــــه
تنتهـــــي الدنيـــه وزمنـــهه  وعالي اسمه الي يذلهــــه

ﮁـالسفينـــه شآلت الهـــــم والدمــع ﮁنـــه بحرهـــــــه
زينـــب البــــــاري يعينـــــــــﭻ لازم انمجــد صبرهـــــه
انبيــــاء الله وايمــــــــه استلهمـــــت منـهه عبرهــــــه
وآنـــي اﮔـــــول اشبيـــه اخشـع لمـن اسمـع ابخبرهـــه
تالـــي من البــاري سرهــــه  صعبـه محـــد اليحلــهـــه

لخادم الحسين: كرار الحسينات الكربلائي
30/8/2017/ الاربعاء/ كربلاء المقدسة

#قصائد_شهادة_الامام_الكاظم_ع



في رثاء الإمام موسى بن جعفر الكاظم عليه السلام


قصـّــة غيــــابـه. وسجنه وعذابه
موسى بن جعفر نـذكــر مصــابه



قصـة الكاظـم تضـل قصـة عجيبـه
تهـدم اطـواد الارض هـاي المصيبه
حجـة الله الكاظـم وعبـده وحبيبه
تالي مسموم بسجن يخلص نحيبه
عن اهله بعدوه. بالغربه سموه
دين الله ينعــاه. وينحب كتابه



موسى بن جعفر امـام وعالـي قدره
سابـع اهـل البيـت الله ختاره بامره
شلون يگضي بالسجن ياناس عمره
بالحشـر هـارون باچـر شنهـو عـذره
اليقتل امامه. بيوم القيامه
يدخل جهنم. يشتد حسابه



بسجن ابن شاهك يسجنه الطاغي هارون
وحده وبطاموره ظلمه موسى مسجون
ساجــد بليلـه ونهــاره لخـــالـق الكــون
هـذا حـال الكاظـم عله البــاري ميهـون
يدعــي بصــلاته. تخلص حياته
من فعل الاشرار. يشكي غترابه



بالسـلاســل والحــديــد مگيـّـــدينــه
عالعـذاب الشــافـه بـس الله اليعينـه
موسى بن جعفر بقت مشبوحه عينه
عالاهـل مشـتــاگ يـرجـــع للمدينـــه
بسجن النواصب. دلّالــه ذايــب
وعليـــه سجنهم مسـدوده بابه



سمّه ابن شاهـك بسجنه وذاب چبده
موسى بن جعفر گضه مسموم وحده
لا گـــرابـه ولا اهــل لا صُحبـه عنــده
بس علي ابنه الرضا يبچـي عله فگده
عالكاظم ينوح. بقيوده مجروح
تتسـايل دمــاه. شـاهــد خضابه



هــذا موسـى الكاظـم وقصـة حيـاته
بالسجن عمــره نگضه وبالسـم وفاته
مـات مسمــوم وبقـت بس ذكـريــاته
فجـعــت گلــوب التحبّــه نـايبــــاتـه
حضرت تشيّعه الشيعة وتودعه
بالدمـعــه والآه هـالـــوا تـرابــه

خادم الإمام موسى الكاظم عليه السلام
سيد زيد الفحام
_________________________



⚫

#قصائد_شهادة_الامام_الكاظم_ع

الشاعر الحسيني فرحان البزوني:

قصيده لسيدي ومولاي الكاظم عليه السلام 1

طول العمر عابد === يالكاظم المسجون
ياقايم وساجد === وانته بسجن هارون
مامسحو اوجودك
متهمك قيودك
يالكاظم المسجون
🔸⚫🔸⚫🔸(1)🔸⚫🔸⚫🔸
رغم الحزن صبريت
شامخ فلا مليت
شمعة فخر رسميت
بدربك امل زرعيت
ليل العباده اطويل === خلصته بالسجده
دمع المهابه يسيل === لو طالت المده
جدرانك شهودك
متهمك قيودك
يالكاظم المسجون
🔸⚫🔸⚫🔸(2)🔸⚫🔸⚫🔸
نادينه يامظلوم
ياسيدي بكل يوم
بلوعه وحزن وهموم
يالكاظم المسموم
عدوانك الظلموك === بطامورت سجونك
ياوسفه من سموك === وتغمضن عيونك
للشيعه شيعودك
متهمك قيودك
يالكاظم المسجون
🔸⚫🔸⚫🔸(3)🔸⚫🔸⚫🔸
شخصك فلا ننساه
ونادي يا ويلاه
گلبك حزن غثاه
يصبر فلا بيناه
لو ما اجينالك === طعم الحياة يروح
لا ما ضعف حالك === بقيدك حملت جروح
فايض يظل جودك
متهمك قيودك
يالكاظم المسجون
🔸⚫🔸⚫🔸(4)🔸⚫🔸⚫🔸
يالحيرت العقول
بيك الفكر مذهول
سجداتك انته اتطول
من صبرك احنه انول
فوگ الجسر شفناك === كل ماتمر جمعه
والشيعه تتلگاك === گالو نجي انشيعه
يموفي بوعودك
متهمك قيودك
يالكاظم المسجون
🔸⚫🔸⚫🔸(5)🔸⚫🔸⚫🔸
ونشاهد الگبتين
رغمن عله الطاغين
ويواسي دمع العين
سجن الگضيته سنين
وسفه اربعه احماميل === نعشك يشيلونه
النعشك حضر ويشيل === اي والله خيعونه
ويشاهد ورودك
متهمك قيودك
يالكاظم المسجون


✏خادم العتره
الشاعر الحسيني فرحان البزوني

#قصائد_شهادة الامام الكاظم ع


نزلة ..... في رثاء الإمام موسى بن جعفر عليه السلام


شاهد عشگ الرافضيه
نوصل لرض الكاظميه
...........

عهد ياموسى بن جعفر شيعتك وفّايه
سيّـدي بيـوم الزيـاره نـوصـلك مشّايه
رايتك تخـفـگ علينـه وماتطيح الرايه
حبّك اليدفـعـنـه ليـك ونعتنيك اعنايه
لجلك نـتـحـدّه المنيه
شاهد عشگ الرافضيه
.................

ياحـلات المـوت دونـك سيّـدي يالكـاظم
احنه جينه وخل يردنه الناصبي والظالم
لازم نـطـوف بضـريـحـك ما نعوفـك لازم
لاشـك ويـانـه يـزور ويـعـتـنـيــك القـائـم
بسمـك يالحبـك هويه
شاهد عشگ الرافضيه
.................

ويـن هـارون وقـصـوره ما بـقـت آثـــاره
وانـت يامـوسى مــزارك سـاطــع بانواره
باجـر بـيـوم الـقـيـــامـه ما تفيده اعذاره
يـنـدم ويخـسـر عــدوّك مـن يشاهـد ناره
نهتف ياروح الزچيـــه
شاهد عشگ الرافضيه
..................

احنـه نـفـديـلـك مناحـر فدوتك يالغالي
والله ياموسى بن جعفر نعتني ومنبالي
تـالـي حبّـك يبقـه عـدنه واليفـوز التالي
علّمتـنـه عله الشـهــــاده يالمقامك عالي
ثـابـت عـهـد الجعفريه
شاهد عشگ الرافضيه
...............

نعتنيلك بالمـواكـب موكب يشد موكب
تدري مجنونه الروافض بيكم وماتتعب
وانـت تستقبلنه ندري بياهله ويامرحب
يعني كل خطوه زياره والملائك تحسب
ارضك ارض الغاضريه
شاهد عشگ الرافضيه
..................

جينه ياموسى بن جعفر والحزن ويّانه
احنه ما ننسه مصـابـك وانت ما تنسانه
والإمــام المـهـدي يمنـه حاضر ويرعانه
ينـتـظـر سـاعـة ظهوره وعايش باحزانه
يـهـدم حكـم الناصبيه
شاهد عشگ الرافضيه

خادم الإمام موسى بن جعفر عليه السلام
سيد زيد الفحام
________________________

للتواصل مع خادم الحسين ع خادمكم ملا مصطفى الكربلائي على هذا المعرف
@MlleMastafa

#قصائد_شهادة_الامام_الكاظم_ع


شـوط كــربـــلائــي في رثاء الإمام موسى بن جعفر عليه السلام


يطارش بشّـر احبـابـه خبر عن موسى بن جعفر
الجمعة الموعد اخبرهم لجسر بغداد خل تحضر
_____

علي يبنَ سـويّـد انـقـل كلام الكاظم وذيعـه
الفرج گلهم گرب يومه يوم الجمعـه توقيعـه
والمـوعـد جسـر بغـداد خل تستقبله الشيعـه
موسى الكاظم المسجون
يطلـع من سـجـن هـارون
لازم شيـعـتـه يحـضـرون
عكب طول الغياب يعود ليهـم سالم من الشّر
__________

غدت شيعة علي الكرار تـتبـاشر رسايلـها
واحـــد يخبـر الثاني وفزعت للجسر كلها
بقـت تـتـنـطـر بلهفـه ولا من واحـد يگلها
سـاعة ولنهـم يشـوفـوه
نعش من السجن جابوه
حماميـل اربعـه يشيلوه
وبن شاهك يصيح بصوت مات الرافضي ومنسر
___________

يصيح السندي ما مسموم مات الكاظم بحتفه
هـــذا البـالنـعـش مـوسـى خـل الوادم تكشفـه
لچـن مـن باوعـوا شافـوا لون السم على چفّـه
گـامت كل هذيچ الناس
تبچي وتلطم عله الراس
وتـلـعـن كـل بني العبّاس
مـن سـمّ العـده الارجاس لون الكـاظـم اتـغـيّـر
__________

شالوا نعش ابو ابراهيم موسى الكاظم المظلوم
مگـيّـد وبسجـن هـارون مـات بلا ذنـب مسمـوم
وشيعـة حيدر الـكـرار تبچي عله النعش وتحوم
خلّص بالسجن عمره
صبور ومانفذ صبـره
امــام وعــالـم بأمـره
مات وچبده منّ السم تـگـطّـع ويلي وتـنـثّــر
__________

موسى الكـاظـم تشيّع جسمـه وبالگبر دفنـوه
تعذّب من بني العباس واللـه بـلا ذنـــب أذّوه
عن موطن رسول الله جـده المصطفى بعدوه
مات بـديـرة الغربه
ذاب من الألـم گلبه
صعبه حالته صعبه
ثار الكاظـم المسمـوم بيد المـهـدي من يظـهـر
__________

غريب الكاظم المسموم صحيح وظلّمته الأمّه
لچن ما خلّته الشيعه يظل عله الجسر جسمه
مو مثل البقه مذبـوح جـده حسيـن ابـواليمّـه
ثـلـث تـيّــام عالغبــره
دامي ومنگطـع نحـره
وبالخيل انهشم صدره
ريحـــانـة رســول اللـه ظـل بـلا دفــن بالبـر

خادم الإمام موسى بن جعفر عليه السلام
سيد زيد الفحام
_____________________________