#قصائد_استشهاد_الزهراء_ع


قصيدة دموع الانتماء ....الوزن ثلاثة ارباع الشيعتي

.
.................المستهل........................
طــر الفــجر....هـذا الصدر.....ينـشد والجروح
منـــچ كسر...ماينـــجـبــر....يالزهــــره ويروح
.....آنه انتـمائي ................. من دم عـزائي
.
.
أفدي كل عمري وحياتي آنه بخدمتچ
أشعر بمعنى الكــــرامه مـــن عرفتچ
ما شفـــت حره وكـــريمه آنه مثـــلچ
بعمري ظلت حسره كون اشتم تربتچ
.
دمــع الحــزن .....مــا ينـــوزن.....وي دمعـتچ هاي
يم الحـــسن .....لمـــن يــون....وينــــادي بلــواي
........اعلــن ولائي................. من دم عـزائي
.
.
مــن أوالـــي آنــــه اثبــت انتــــمـــائي
وأشــــعر بــزودي وأبــــائي وكبــريائي
آنه خـــــادم للـــزچيه اعلــن ولائــــــي
فاطــمي وشيــعي ويعني هم كربلائي
.
أبقــه انتظر.....لأبـن الطهر......هــذا انتـــسابي
للمنــــتـظر.....هــذا العمر......فــــدوه وشبابي
.......ويرف لـــوائي................. من دم عـزائي
.
.
أم ابـــوها والنـــــعم هــــاي الكـــنايه
أنتـــي يانجــــمة صبــــح يــوم الولايه
أحــنا خدامــچ نظـل حتـــى النــــهايه
رافضــيه ونســـحگ ضــلــــوع المنايه
.
هــاي العده.....اهــل الرده......ترميــنا بسهام
يالفــــاگـده..... يالـــوالــده......سجلـــينا خدام
.........جمرة وفائي................. من دم عـزائي
.
.
يلي حبـــچ خله كل ما ممـــكن ايكون
يالمصـــابچ زلزل المعــمــــــوره والكون
العيــــون الماتـــونلچ عمــــيه العـــيون
فلســـفة حبـــچ يبـــضعه ما يفهـمون
.
والفلـــســفه......يعني الـــوفه......يابــت نبـــيـنه
والمعـــــرفـه......والمــــدرسـه......أمـــي الحنيـنه
........... تعرف بلائي................ من دم عـزائي
.
.
من المهد يالبـضـــعه اعـــرف بالمصيبه
أمي توصــــفلي مصـــــابـچ يالغــــريبه
من ضلعــــها فاطـــــمه يمه خضــــيبه
يمه انـدب يالمـــــوالي عالحبــــيـــــبه
.
من انــولت......يعني انسبت......يُمـه الـــزچـــيه
زينـب بچت...... وتعــــــذبـت......بــالغــــاضــريه
........حزني ورثائي................ من دم عـزائي
.
.
آنـه يـاالمـــرضــيه ابعثـلچ ســـــلامي
آنه اوعـــدچ ثابت وهـــــذا التـــزامي
أيدي جربه والعــــذب حزني الإمامي
وصــدري مايـــروى لطم لساته ظامي
.
اجـري الدمـه......بالمــــوزمـه......من اطبــر الهام
اروي الظـمى.....بــالملـحــمه.....يــــانـور الاسلام
....... تطهـر دمائي ................ من دم عـزائي
.

.
حسن الموالي الفاطمي

#قصائد_استشهاد_الزهراء_ع



وصية الزهراء لزينب عليها السلام
.............هجري..........


هـــاي ...يالحره هــــاي أوصيتي
هـــاي...تكتـــــبها جمرة دمعــتي
هـــاي...ليلة وفـــــــاتي ودفنــتي
.
يزينب........يزينب
.
.
هـــذا آخـــر يــــــوم لـيه ...وعمري كله اثمن طعش
بعــــد يمـــــــچ مــا أنامـن....راح أنــامن بالنـــــعـــش
يمـــه اوصــــيچ أبـوصيه....مــن يمر يــوم العـــطش
من يظل احســـيني وحده....وبالـدمه دربــه انفــــرش
.
حــيل....ظمـي أعله ضلعچ عبرته
حــيل....شميـــلي صدره بغــــربته
حــيل....مـــن نحـــره قبـلي ذبحته
.
يزينب........يزينب
.
.
يمه تنـــــتظرچ مصــــايب....ينكـــسر منـــها الظـــهر
شـــدي حيـــلچ ياالعـــــقيله.....يا جــــبل مــن الصبر
على صــدر أحسين أخيچ.....يـمه من يگــــــعد شــــمر
اثنــــعش طـــبره يطبره..... يحــــز بيـــده للنـحر
.
نــــار....تلهــب ييمه ابخيــمــتچ
نــــار....تچـــويها جمـرة دمعـتچ
نــــار....ترسم مـــــلامح غربتچ
.
يزينب........يزينب
.
.
شفتي فوگ الوجنــه لطمه....تطـــــفح بجـــمر الدمه
صعــــبه بعيـــونــچ يحره....ينســـطر خــــد السـمه
خلـــــف بـــاب الغاضريه....الف سطــــره ابـفاطمه
والعطش بســـــماره يلهب....يهــــشم ابچبد الظــمى
.
آه .... نحــره أخوچ الـدم يدر
آه ....طبــعة حـــوافر عالصدر
آه ....تهظمني ضحكات الشـــمر
.
يزينب........يزينب
.
.
يــاهــظــيــمه الـما مثـــلها ....لو مشيــتي ويه الغــــرب
يمه حمـــلي هالـمصـــيبه.....وهــالدرب كـلش صــعب
غربه وجــــروح ويـــتامه.....عبره واحــــزان وضرب
اورقـــــيه دم أذنــــــــــها.....تــرك دمعه اعله الـدرب
.
ليش ...تنـــشـــــد يعــمه انصــفع
ليش ...شو راح ابـــويه وما رجع
ليش ...الصوتــي شــو محد يستمع
.
يزينب........يزينب
.
.
آنه يــوم الطــــف أحـظره ...بس أظل عالـمشــــرعه
يم أخـــوچ الــرابع احضر....بيــدي جســـمه أجمــعه
كنيــــته بـــــدر الهـــواشم....نشــــمي طــــاهر منبعه
أمه تهــــدي يمه لبــــــني....البــــنـــــين الاربــــــعه
.
نــــور ...نور وتشـع ابحــضرتچ
نــــور ...أم البنــــــين ابخـــدمتچ
نــــور ...حره وتنـــــشف دمعتچ
.
يزينب........يزينب
.
.
هــذا فجــر وداعي اســفر... لابــس اثيـــاب الظــــلام
شــــدي حيــلچ يالحبيــبه....يمـــه يـــابنــــت الكـــرام
خـــل اشم عطـــرچ ييمه ...وأغفه بحضـــــانچ وانام
منچ اشـــــتم بالقــــــيامه....يمه عطـــــاب الخــــــيام
.
راح ....راح العـــــمر مــا يرد
راح ....بهاي العشيه انفكد
راح ....جرح الـمـــصــيبه ينولد
.
يزينب........يزينب
.
.
انتهت ولله الحمد ...لاتنسوني ووالدي من فضل دعائكم المبارك
تمت في 1/جمادي الاول/1437
10/2/2016
.
حسن الموالي الفاطمي
القصيده محرمه على رواديد ال DJ

الـى فـاطـمـه الـزهـراء عـلـيـهـا الـســلام
〰〰〰〰〰〰〰〰〰〰〰〰


بـعـد عـيـنـك عـيـنـي مـتـفــارگ دمــع
بـعـد عـيـنـك انـكــســر مـنـي الـظـلــع
بـيـتـي مـهـبـط لـلـوحـي وحـتـرگ بـعـد الـنـبـي
بـعـد عـيـنـك بـعـد عـيـنـك

➖➖➖➖➖➖➖➖➖➖➖➖
1
بـويـه عـجــلـت ابـرحـيـلـك مـن عـفـتـنـي
بـدنـيـه مـابـيـهـــا امــان انـتـه اتـركــتـنـي
مــن بـعــد عـيـنـك يـبـويـه لــوشــفــتـنـي
ضـلعـي مكـسـورواثـرسـوط اعـلـه مـتـنـي

ادنـيـا ضــلـمــه نـورك الـيـضـوي انـطـفـه
ادنـيـا ضــلـمــه جـرحـي بـعـدك مـاشـفـه
وكـشـر انـيـابـه الـزمـان مـاشـفـت بـعـدك امـان
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
2
بـويـه شـأشكـيـلـك مصـايـب قصـه الـبـاب
دفـعـــو الـبـاب اعــلـه بـتـك ام الـحـجــاب
وقـدمـت اول شـهـيـد الـمـحـسـن انـصـاب
والله يـابـويـه جـريـمـه اتـسـمـو اصـحـاب

اشــم گــبـرك واحــبـس ابـريـتـي الـهــوه
اشــم گــبـرك واضــلـم بـعـيـنـي الـضــوه
الـدنـيـا بـعـدك مضـلـمـه ويـنـسـطـرخـدفـاطـمـه
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
3
ارتــفــع صــوت الـمــؤذن بـالـشــهـــــاده
اشـــهــدو ان مـحـمـد بـســــمــه نــــــاده
وانـي اغــرگـهـا بـدمــع عـيـنـي الوسـاده
مـــارعــو بـتـك يـبـويـه بــكـــل جــــلاده

دفـعـو الـبـاب وبـنـتـك الـصـارت مـصـد
دفـعـو الـبـاب ونـبـت بـسـمـــار الـحـقـد
بضلعي واسقطت الجنين وصحـت يارب المعـين
بــعـــد عــيـنـك بــعـــد عــيـنـك

➖➖➖➖➖➖➖➖➖➖➖➖➖
4
انــضــر اولادي وبـنـاتـي يــمــي يـبـجــون
وانـضـرلـزيـنـب حـزيـنـه وحـمره الـعـيـون
تـگـلـي لـيـش الـنـار يـم بـابـج يـشـعـلـــون
يـمــه ويــضــربــوج بـسـيـاط اعـلـلـمـتـون

يـمـه زيـنـب گـــعــدي ارويــلــج خـــبــر
يـمـه زيـنـب عــن مـصـــايـب هــالــدهــر
الـي عـالـزهـره هـجم يحـرگ الـزيـنـب خـيـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
5
گـــعــدي يـازيـنـب اوصــيـج اواســمـعـي
نـفـسـه بـسـمـار الضـربـنـي وكـسـرضـلعي
يـكـبـر ويـصـبـح ســهــم ويـصـوب ابـنـي
يـخـلـي لـحسين عـله اخيه ضهـره محني

مـن يـصـدلـه نـابـت ابـعـيـنـه الـســـهــم
مـن يـصـدلـه واگـــع ابـصــفـه الـعـــلــم
ينكـسـرضـهـرالحـسـيـن من يصدلـه بلايه ادين
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
6
يـمـه ســوط الـيـضــرب الـطـفـلــه رقــيــه
نـفـسـه هـذا الطـگـنـي مـن هـجـمـو عـلـيـه
بـــس الــوجـــوه اتــغـــيــر بــالــقـــضــيـه
هـــذا يـمــنـه وذاك بــرض الــغــــاضــريــه

نـفـسـه هـذا الاسـقـط الـمـحـسـن جـنـيـن
نـفـسـه هـذا طــفــل يـذبـح لـلـحـــســيـن
يـسـتـمـر هـذاالـعـداء مـن الـمـديـنـه لـكـربـلاء
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
7
سـمـعي يـازيـنـب اسـولـفـلـج مـصـايـب
تـمـرعلـيـجـن مـن بـعـد ذبـح الحـبـايـب
تـنـسـبـن وســفــه وتـبـاتـن بـالـخــرايـب
بــس نـعــم مـنـج تــراويـهــم عـجــايـب

بـكـل صـلابـه واگــفـه بـمـجــلـس يـزيـد
بـكـل صـلابـه هــمــه صــارولــج عـبـيـد
مـن تـخـطـبـيـن ابـعـزم ادنـگ الـروس الـزلـم
بــعـــد عـــيـنـك بــعـــد عـــيـنـك

➖➖➖➖➖➖➖➖➖➖➖➖➖
تـمـت بـعـون الله
بـتـأريـخ/ 2017/12/12
✒ كـلـمـات الـرادود الـحـسـيـنـي
عـقـيـل حـسـيـن الـگــرعـاوي

لاستشهاد الزهراء ع


وداعاً....يم الحسين وحسن....وداعاً
..............

دمعتي تبقه اعله خدي  والهضم ماليني
بس فتحت اعيوني يمه حمره صارت عيني
صار وسط الجمر كلبي  مصابج اليجويني
وانه اضل انحب يزهره اعليج وعلى حسيني

وداعاً ....عذباني هالزمن....وداعاً
.................

ابنادم اليفكد عزيزه ماتهيد انفاسه
يحزن امن الزمن فتره ابين اهله وناسه
وحزني متفصل عليه وزايد  بمقياسه 
اني فاكد اهلي كلهم وجدي كطعو راسه

وداعاً....عايش ابلايه وطن....وداعاً
..................

المهدي انه يالزجيه يمه هاي اجدامي
منالمشي صبح ومسيه جفني اصبح دامي
ماكو يوم ايمر عليه ماازور الضامي
ولو وصلت الحضره يمه تزيد كل الامي

وداعاً....ضل ثلاثه ابلا جفن....وداعاً
...................

تسري هل الام بيه مثل دم شرياني
يمه وغيابج يزهره اليله حيل اذني
لحظه مامل المدامع عايش اعله احزاني
ذكرة استشهادج انتي اصبحت عنواني

وداعاً....والكلب لجلج حزن....وداعاً
...................

كل عزاء الدنيه يخلص والعزه يبقالي
ماامله ولايملني وساكن بدلالي
عله ضلعج يالزجيه العزه يبجي الحالي
اتغيرت ونخطف لوني الج صوره ابالي

وداعاً....ضلوعج امن اتكسرن....وداعاً
...................

انه عد عينج الحمره مستعد فقاري
ماكو ساعه تمر عليه بيهه تخمد ناري
للظهور بكلبي حسره ربي بيهه الداري
ماتهيد انفاس صدري  اله  اخذ  ثاري

وداعاً....اخدودي يمه اتجرحن....وداعاً



 محمد هادي العقابي

#قصائد_استشهاد_الزهراء_ع


،،،،،،،،،،،،،،،،بسم الله الرحمن الرحيم،،،،،،،،،،،،،،،،
يــــــمــــــوت
من ينكطع غصن الورد يـموت
والــيفكد ومــاينــفــكد يـموت
ابنـي كـبـل لا يــنــولــد يمـوت
★★★★★★★★★★★★★★★★★★★★
قـصة جنــين ابلا ذنب…شنو علـئ امـه حرب
وانمدت اعلئ وجنتـهه الجفوف

مـن يذبح الليل الصـبح…هيـج الـبـراءه تنـذبح
باقــة ورد وانكطــعت بســيـوف

يخاف الحمام وينخمش…ذبحه ولا تحركله عش
يبقئ عـلئ عـشه بقــهر يطــوف

يــــــذوب
حتئ الحجر من ينضلم يذوب
جرح الكلب مـن ينلـجم يذوب
العود الترف مــن ينمرد يموت
★★★★★★★★★★★★★★★★★★★★
يوليدي ياطير الذهب…يارقـة اوراق الـعنب
يل طيحة الماي بأرض تطيح

بسـمــار باب الصــوبك…عذبنـي كد ماعـذبـك
للينـضـلـم ثاري الدمـع مـريح

يبسو گلبي امن القـهر…جن يبست اوراق الشجر
والشجره تفزع من يهزهه ريح

يــضــــيــــع
ماي اليطيح اعلئ الارض يضيع
وبلا وضـو هـوه الـفـرض يضيع
ثاري الضـوه مــن يبـتـعد يموت
★★★★★★★★★★★★★★★★★★★★
الهل مصــيبه ماجـنــت…ولا بيــها مـره حسبت
ولاجنت اضن بهل عمـر تضـيـع

طحت بحضن امك برد…قطــرة نـده بحضن الورد
لا مو جنـيـن انـت ولا رضــيـع

يمه الفقـير بهل عــمــر…لــو ينـضــلم لـو ينغـدر
لو تنكـضي ايـام الـعـمر سريـع

يــــغــــيــــب
من تخلص الشمعه الضوه يغـيب
عاليفــكـد احـبابـه الــهـوه يغـيب
واللــي بــروحــه يـنــفــرد يموت
★★★★★★★★★★★★★★★★★★★★
جنت احلم بتالي العمر…انضر بنـيـني وابتـشر
هـذا الحلـم ماضي ومشه انسه

عمري كضه ومات الحلم…بخد السمه مات النجم
كلبي بجـروف الفاجـعه رسـه

اليــهـدم ابــواب الســتـر…مــن الله لازم يــتعـذر
يقسي عليه باجـر مثل ما قـسـه

بــــعــــيــــد
كلب اليتيم اعلئ الـفرح بعـيـد
وعن السعاده اشما نجح بعـيـد
لا يــفـرح ولا يـنــســعـد يموت
★★★★★★★★★★★★★★★★★★★★
يابــويه شـحـجيـلك بعد…والمشكله الخان الوعد
لو يستحي امن الله اعتقد ماخان

جنت بوجودك اخــتلف…شو ضيعو بيه العرف
حــتئ الحـلـم مـابــي بعـد امــان

والتنمسح كصـته بحقـد…لو مي بحر ماضن ترد
لا يــعتــذر فـات وكــضـــه الأوان

عــــجــــيــــب
ع اللي نكر ضلع وكسر عجيب
ع الضـيعو منـي العمـر عجيب
وشما كبر عمـر الحـقـد يمـوت
★★★★★★★★★★★★★★★★★★★★
خادم العترة/علي حسين الفرطوسي
نسألكم الدعاء

اللهم عجل لوليك الفرج

قصيدة في رثاء فاطمة الزهراء عليها السلام


ليش ياحيدر علي تصبـر وآنـه انولي
يالـگلتـلي ادّلّـلــي. صوّبوني
.............................................................

فاطـمــة آنـه الحبيـبــة ياعلي وانت الحبيـب
عـاهـدتنـي بقـربي تبقه مثـل ما ظِلّي قـريـب
گتـلي ما واحد يهضمچ وانـه يمّـچ ما اغـيــب
شلون وصلوا داري گلّي ياعلي وطگني الغريب
ياعـلي بـابـي انـدفــع. ونكسر مني الضلع
وجهي ماتدري انصفع. صوّبوني
................................................................

ما اريــد اجـرح شعورك ياعـلي بهـذا الكــلام
تبقـه حـامي الجـار انت ياعلي وتبقه الإمــام
لـكـن اسمـحــلي اگـلّك وانت ابوالغيره الهمام
شلون تصبر وانت تدري قتحموا عليّة اقتحام
يدفع ابّـابـي الرجس. اشهگ وضاع النِفَس
وختنـگ ابنـي احس. صوّبوني
.................................................................

عـشـنـه آنـه ويـــاك مُــدّه وردة وتغازل ربيـع
الله لا يـنـطـي الحسـدنـه وخلّه ايامي تضيـع
ابـقــه عالثّــانـي والاوّل اشكي للباري السميع
صـوّبـوني وانـه فاطـم بضعـة الهادي الشفيـع
وسفه واليدمي الگلب. لدارك الظالم يطب
وبـوجـــودك انـضــرب. صوّبوني
..................................................................

شگـد عـزيـزة آنه عندك ادري اغله من الهـوه
على المُرّه وعلى الحلوه عشنـه ياحيـدر سوه
شلون صابوني بوجودك طفـوا بعينـي الضوه
تصبـر وصـابـوا جنيـنـي وضلعي بالباب التوه
زهرتك آنه وطحت. عـذبـوني وماصحت
تدري ماتدري متت. صوّبوني
................................................................

گلـها حيـدر انتـي روحـي فاطمة وانتي العمر
لا تـجـرحينــي بعتـابـچ كافي جارحني الصبر
والـدچ وصّـانـي اصـبــر وانه مو بيــدي الأمـر
واللـه مـو سـهـله عليّــة تـنـتـخـيـنــي واعتـذر
تـگـلّه مـن كثـر الألم اشتكيلك وبچي دم
ياعلي وحيلي انهدم. صوّبوني
.................................................................

هـذه آخـــر ليــلة يمّـك ياعلي حـان الوداع
خـلّي اشبـع شوف منّك هـذا آخــر اجتمـاع
هالله هالله بهاليتــامـه لا يحـسّـون بضيـاع
منّـي ما شبعـوا حنــان ومايحملون افتجاع
من تشيع جنازتي العذّبوني بدنيتي
لا يجـون بدفنتي. صوّبوني
...............................................................
لحن القصيده // ملا باسم الكربلائي
آخر انفاس الورد

خادم فاطمة الزهراء عليها السلام
سيد زيد الفحام
________________________________________________________________________________