🔅 *ӨБҮГЭ ҮГЭҺЭ 2022*
📆 *Муус устар 9 күнэ 10ч.*
⚜️ *Буолар сирэ*
Аллараа Бэстээх "Торфянник" күөлэ
*КҮӨН КҮРЭС ТҮҺҮМЭХТЭРЭ*
1️⃣ _Дуулханан сүрүү_
2️⃣ _Кумахтаах куулу көтө5өн сүрүү_
3️⃣ _О5унан ытыы_
4️⃣ _Сааны ыһыы - хомуйуу_ (МЦ 21-12)
5️⃣ _Салгын саатынан сыал ытыы_
6️⃣ _УАЗ массыынаны соһуу_
*КҮӨН КҮРЭС ИРДЭБИЛЭ*
🔸 Күөн күрэскэ 5 киһиттэн турар хамаандалар кытталлар;
🔸 Биир киһи икки түһүмэххэ кыттара көңүллэммэт;
🔸 Хамаанда кыттааччыта 18 сааһыттан үөһээ саастаах буолуохтаах;
🔸Эт - хаан өттүнэн чэгиэн - чэбдик буолуохтаах;
🔸Күрэххэ кыттыы иһин хамаанда хас кыттааччытыттан төлөбүрэ - 1000 солк.
*КҮӨН КҮРЭС ЫЫТЫЛЛАР ТОРУМА*
♦️ Күрэх түһүмэхтэринэн эстафета быһыытынан ыытыллыа;
♦️ Бастың бириэмэни көрдөрбүт хамаанда кыайыылаах аатын ылар.
*НА5АРААДАЛААҺЫН*
🥇 миэстэ - *25000 тыһ. СЕРТИФИКАТ*
🥈 миэстэ - *15000 тыһ.СЕРТИФИКАТ*
🥉 миэстэ - *10000 тыһ. СЕРТИФИКАТ*

*ЭБИИ КҮРЭХТЭР*
🤼‍♂️ *_Хомуур Хапсагай_*
Күрэххэ кыттыбыт ба5алаах хамаанда кыттыыны ылар
🥇 миэстэ - *25000 тыһ. СЕРТИФИКАТ*
🥈 миэстэ - *15000 тыһ.СЕРТИФИКАТ*
🥉 миэстэ - *10000 тыһ. СЕРТИФИКАТ*
🌀 *ОЙБОН АЛЛАРЫЫТА*
Күрэх тус бэйэни тургутуу (личное первенство) ыытыллар. Ким ба5алаах кыттыан сөп!
🥇 миэстэ - *10000 тыһ. СЕРТИФИКАТ*
🥈 миэстэ - *5000 тыһ.СЕРТИФИКАТ*
🥉 миэстэ - *3000 тыһ. СЕРТИФИКАТ*

📩 *_Биэс бастакынан толору (взнос төлөөн) регистрацияламмыт хамаанда, биэс сыаналаах сүрүн бириискэ, сүүйүүлээх оонньууга кыттар!_*
📲 +79142693630
🍢 *_Минньигэс сылаас астаах кафе үлэлиэ_*
*ЭР ХОҺУУННАР ТУРГУТУУТТАН ТУОРА ТУРУМАҢ*
_БАР ДЬОММУТ КҮРЭГИ КЭЛЭН КӨРҮН - СЭРГЭЭН АЙЫЛХАЛЫЫН АЛТЫҺЫН_

🔊Күүстээх репост до5оттор ✊

💥Встреча двух мастеров спорта России на чемпионате Якутии по боксу завершилась победой 🔴Михаила Скрыбыкина со счетом 3:2 над 🔵Виталием Стручковым

#спортякутии

Муус устар 2 күнүгэр Мэҥэ-Хаҥалас улууһун Араҥас нэһилиэгэр VI Саха АССР норуоттарын кыһыҥҥы Спартакиадатын уонна 1974 с. ДСО «Урожай» күрэҕин биатлоҥҥа 20 км. дистанцияҕа кыайыылаҕа, буулдьанан ытыыга Саха сирин спордун маастара Гаврил Васильевич Цыпандин - Кыырт Гаанньа бирииһигэр биатлоҥҥа II аһаҕас республиканскай күрэх ыытыллар. Күрэхтэһиигэ тэрилтэлэр, нэһилиэктэр хамаандалара эстафетаҕа 3 группаҕа кыттыыны ылыахтара: 18-гар диэри, 18-тан үөһээ уонна аҕа саастаахтар. Тэрийээччилэр ытар саанан хааччыйаллар. Хамаандалар сайаапка биэриитинэн +79148290519 эрийэн билсэргитигэр.

🔹🔸🔹🔸🔹🔸🔹🔸🔹🔸🔹🔸🔹🔸🔹🔹🔸🔹🔸🔹
“КИЭҤ КУЙААР ОЛОҤХОҺУТА”
Г.Г.Колесов бэлиэ айана саҕаланна!
Бүгүн 2022 сыл кулун тутар 24 күнүгэр Гавриил Гаврильевич Колесов аатын сүгэр Мэҥэ Хаҥалас улууһун Олоҥхо дьиэтигэр Дойдубутугар Россия норуоттарын культурнай нэһилиэстибэлэрин сылынан, Саха АССР төрүттэммитэ 100 сылынан, Саха Чулуу Олоҥхотун Аан дойду үрдүнэн аар –сааргы аатырпыт Саха АССР үтүөлээх, Саха АССР норуодунай артыыһа, ССРС Суруйааччыларын союһун чилиэнэ, П.А. Ойуунускай аатынан Государственнай бириэмийэ лауреата, уһуйааччы Г.Г.Колесов 90 сылыгар аналлаах Сахабыт Сирин бары улуустарын хабар "КИЭҤ КУЙААР ОЛОҤХОҺУТА" бэлиэ айана хамсааһын саҕаланар үөрүүлээх түһүлгэтэ тэрилиннэ. Ыалдьыттары алгысчыт Спиридон Григорьев - Илгэлээх Испиридиэн алгыстаан, арчылаан көрүстэ. Сахабыт сирин 21 улууһуттан культура управлениеларын салайааччылара, СР культураҕа уонна духуобунай сайдыыга министрин солбуйааччы Левочкин Владислав Валерьевич, СР норуот айымньытын дьиэтин салайааччыта Семенов Сергей Степанович, СР Олоҥхо театрын салайааччыта Турантаева Мария Васильевна, СР Олоҥхо Ассоциациятын салайааччыта Шишигина Февронья Васильевна, Аллараа Бэстээх, Бэдьимэ, Майа нэһилиэктэриттэн олоҥхоҕо үлэлиир, олоҥхоҕо сүгүрүйэр дьоммут кыттыыны ыллылар. Ыалдьыттары Мэҥэ Хаҥалас улууһун баһылыгын 1-кы солбуйааччыта Потапов Семен Семенович, баһылыгы социальнай эйгэҕэ солбуйааччы Свинобоев Мирон Анатольевич, культураҕа уонна духуобунай сайдыыга управление салайааччыта Аргунов Дмитрий Иванович, Г.Г.Колесов бэлиэ айанын тэрээһинэ бүтүн Сахабыт Сиригэр тарҕанан ыытыллар саҕалааһынынан эҕэрдэлээтилэр. Сахабыт Сирин бары улуустарын хабар «Киэҥ куйаар олоҥхоһута» бэлиэ айан тэрийээччилэрэ СР культураҕа уонна духуобунай сайдыыга министерствота, СР Олоҥхо театра, СР Олоҥхо Ассоциацията, Мэҥэ Хаҥалас улууһа. Олоҥхо театрын салайааччыта Турантаева М.В., Олоҥхо Ассоциациятын салайааччыта Шишигина Ф.В. айымньылаах киэҥ айан саҕаламмытынан истиҥник эҕэрдэлээтилэр, талба талааннаах, Саха Олоҥхотун үйэтиппит Гавриил Колесов албан аата ааттанан араас хабааннаах тэрээһиннэр тиһигин быспакка Сахабыт Сирин улуустарынан киэҥ далааһыннаахтык ыытыллалларыгар баҕа санааларын, эрэллэрин эттилэр. Бу дьоро түһүлгэҕэ хас биирдии улуус культура управлениетын салайааччыларыгар "Киэҥ куйаар олоҥхоһута" Гавриил Колесов айана саҕаланар бэлиэлэрэ туттарылынна. Үтүө саҕалааһын, үтүө дьыала Сахабыт Сиригэр киэҥник тарҕанан, бэлиэтэнэн, айылҕаттан талба талааннаах, албан ааттаах Гавриил Колесов саха норуотун тылынан чыпчаалын Олоҥхону уһун үйэлээн, тарҕаппыт үтүө үлэтэ өлбөт сүппэт үйэлэнэн уһун тыыннанан "Киэҥ куйаар олоҥхоһута" бэлиэ айана айымньылаахтык, дириҥ хорутуулаахтык, киэҥ далааһыннаахтык барарыгар Мэҥэ-Хаҥалас улууһун дьоно-сэргэтэ саха ытык сиэринэн алҕыы хааллыбыт.

Майаҕа култуура уонна ийэ дойдуга бэриниилээх буолуу тула улахан сүбэ мунньах ыытылынна
Бу дьыл кулун тутар 24 күнүгэр, Дмитрий Ходулов аатынан норуот айымньытын киинигэр республика култуураларын салалтатын салайааччыларыгар Култуура уонна духуобунай сайдыы Министиэристибэтин сүбэ мунньаҕа олохтонно. Мунньахха 19 улуус култуура салайааччылара, ону сэргэ республикатааҕы култуура тэрилтэлэрин директордара кэлэн кытыннылар. Маны таһынан кэтэхтэн холбонуу оҥоһуллан, ыраах сытар оройуоннар бэрэстэбиитэллэрэ кыттыыны ылан айымньылаах алтыһыы тэрилиннэ. Мунньаҕы култуура уонна духуобунай сайдыы Миниистирин бастакы солбуйааччы Владислав Левочкин сүрүннээтэ.
Мунньах пленарнай чааһыгар дойду үрдүнэн ыытылла турар «Культура» национальнай бырайыак хас биирдии хайысхатынан бастыҥ үлэ опытын атастаһан улуус бэрэстэбиитэллэрэ дакылааттары оҥордулар, хардарыта ситимнээх үлэни тэрийии суолларын дьүүллэстилэр. Мэҥэ-Хаҥалас улууһун култуураҕа уонна духуобунай сайдыыга салайааччыта Дмитрий Аргунов биир бастакынан республикаҕа олоххо киллэриллибит «Пушкинскай карта» туһунан киэҥ хабааннаах иһитиннэриини оҥордо. Бу бырайыакка улууска бастакынан холбоммут Дмитрий Ходулов аатынан норуот айымньытын киинин үлэтин уопутун сырдатар видеоролигы республика хас биирдии тэрилтэтигэр тарҕатар туһааннааҕын Владислав Левочкин бэлиэтээн эттэ.
Мунньах иккис аҥаарыгар култуура уонна ийэ дойдуга бэриниилээх буолуу тула дискуссия тэриллэн санааны аһаҕастык атастастылар, салгыы үлэни хайдах тэрийэн өссө тупсарар туһунан дьүүллэстилэр. Кэпсэтиини Республикатааҕы норуот айымньытын дьиэтин салайааччыта Сергей Семенов иилээтэ-саҕалаата. Тыҥаан турар кэмҥэ олус тоҕоостоох санаалар, кэскиллээх этиилэр киирэннэр мунньах силигин ситтэ.
Тэрээһинтэн салайааччылар саҥа соруктанан, сонун көрүүлэнэн барбыттарыгар саарбахтаабаппыт!

#ЗаРоссию #ЗаНаших #МыВместе #ВремяПомогать #СвоихНеБросаем