💻 “Uzbekistan’s IT Drivers” ruknining navbatdagi qahramoni — Nodira Tillayeva

🟣 Bugungi kunda o‘zbekistonlik yosh olimlar sun’iy intellekt, kosmik texnologiyalar va geofazoviy tahlil yo‘nalishlarida xalqaro ilmiy hamjamiyat e’tirofiga sazovor bo‘lmoqda. Navbatdagi ruknimiz GeoAI, sun’iy yo‘ldosh ma’lumotlari va kosmik texnologiyalar orqali ekologik muammolarni o‘rganayotgan yosh olima Nodira Tillayevaga bag‘ishlanadi.

📌 Raqamli texnologiyalar vazirligi ilm-fan, sun’iy intellekt va kosmik texnologiyalar yo‘nalishlarida faoliyat yuritayotgan o‘zbekistonlik yoshlarning xalqaro maydondagi muvaffaqiyatlarini hamda ularning ilmiy salohiyatini qo‘llab-quvvatlashga alohida e’tibor qaratmoqda.

🟢 Hozirda Yaponiyaning Nagoya universiteti magistratura bosqichida tahsil olayotgan Nodira yaqinda Xalqaro Astronavtika Federatsiyasi (IAF) tomonidan O‘zbekistondan "Emerging Space Leader" ("Kosmik sohaning istiqbolli yetakchisi") sifatida e’tirof etildi va IAC 2026 Butunjahon astronavtika kongressida ma’ruza qilish imkoniyatini qo‘lga kiritdi.

👉 Shuningdek, u "30DayMapChallenge Uzbekistan" tashabbusi orqali ekologik ma’lumotlarni ochiq xaritalashtirish loyihalarini rivojlantirib kelmoqda hamda qariyb yetti yildan buyon xotin-qizlarni STEM yo‘nalishlariga jalb etish va mentorlik qilish bo‘yicha faol tashabbuslar muallifi hisoblanadi.

🚀 Qahramonimizning ilmiy faoliyati, xalqaro yutuqlari hamda kosmik texnologiyalar sohasidagi loyihalari bilan karusel orqali batafsil tanishishingiz mumkin.

❗️Siz ham "Uzbekistan's IT Drivers" ruknida ishtirok etishni istasangiz yoki shunday ilhomlantiruvchi mutaxassislarni tanisangiz, quyidagi manzil orqali bog‘lanishingiz mumkin:
📧 o.raximova@it-park.uz

Telegram | Facebook | Instagram | Youtube | LinkedIn | X

🇺🇿 🇯🇵 Yaponiya biznes federatsiyasi bilan raqamli texnologiyalar sohasidagi hamkorlikni yangi bosqichga olib chiqish masalalari muhokama qilindi

➡️ Raqamli texnologiyalar vaziri o‘rinbosari Rustam Karimjonov Yaponiya biznes federatsiyasi (Keidanren) huzuridagi Yaponiya va MDH mamlakatlari o‘rtasidagi ishbilarmonlik hamkorligi qo‘mitasi raisi Takeshi Hashimoto boshchiligidagi delegatsiya bilan uchrashuv o‘tkazdi.

⚫️ Uchrashuv davomida O‘zbekiston va Yaponiya o‘rtasida raqamli texnologiyalar sohasidagi hamkorlikni yanada rivojlantirish, istiqbolli qo‘shma loyihalarni amalga oshirish hamda investitsiyaviy hamkorlikni kengaytirish masalalari muhokama qilindi.

🌎 Xususan, Yaponiyada axborot texnologiyalari mutaxassislariga bo‘lgan yuqori talabni inobatga olgan holda, O‘zbekistonda xalqaro standartlarga mos malakali kadrlar tayyorlash, ularning salohiyatini xalqaro mehnat bozoriga yo‘naltirish hamda Yaponiyaga AT xizmatlari eksportini kengaytirish istiqbollari yuzasidan fikr almashildi.

🔗 Shuningdek, delegatsiyaga O‘zbekistonda ma’lumotlarni qayta ishlash markazlari (Data Center)ni tashkil etish, raqamli infratuzilmani rivojlantirish va yirik texnologik investitsiya loyihalarini amalga oshirish uchun yaratilgan qulay shart-sharoitlar haqida batafsil ma’lumot berildi.

Uchrashuv yakunida tomonlar raqamli iqtisodiyot, AT xizmatlari eksporti, raqamli infratuzilmani rivojlantirish hamda inson kapitalini yuksaltirish yo‘nalishlarida amaliy hamkorlikni izchil davom ettirishga tayyor ekanliklarini bildirdilar.

Telegram | Facebook | Instagram | Youtube | LinkedIn | X