⚡️Qarshida “American Makerspace” yangi innovatsion markazi ochildi

Qarshi shahrida tashkil etilgan “American Makerspace” Qarshi markazi o‘z faoliyatini rasman boshladi.

🟢Ochilish marosimida Raqamli texnologiyalar vaziri Sherzod Shermatov, Oliy ta’lim, fan va innovatsiyalar vaziri Qo‘ng‘irotboy Sharipov, IT Park Uzbekistan bosh direktori Abdulahad Kuchkarov, AQShning yurtimizdagi favqulodda va muxtor elchisi Jonatan Xenik, shuningdek, Yevropa va Afrika bo'yicha “Air Products” prezidenti Ivo Bols va Markaziy Yevropa va Markaziy Osiyo bo‘yicha “Air Products” vitse-prezidenti Vatslav Harant ishtirok etdi.

⚡️ Tadbir davomida mehmonlar markazda yaratilgan sharoitlar, zamonaviy jihozlar hamda yoshlar uchun mo‘ljallangan STEAM (fan, texnologiya, muhandislik, san’at va matematika) yo‘nalishlaridagi amaliy mashg‘ulotlar jarayoni bilan yaqindan tanishdilar.

➡️ “American Makerspace” 3D printerlar, lazerli kesish uskunalari, dasturlar, elektronika, kodlash, robototexnika hamda yog‘ochga ishlov berish va boshqa innovatsion texnologiyalar bilan jihozlangan bo‘lib, markaz yoshlarning raqamli va texnik ko‘nikmalarini rivojlantirish, innovatsion salohiyatini oshirish hamda bilimga asoslangan iqtisodiy imkoniyatlarni kengaytirishga xizmat qiladi.

Batafsil: 👉 https://digital.uz/oz/news/view/123744

📩Telegram 📱Facebook 📱 Instagram 📺Youtube 🌐 LinkedIn 🐦 X

⚡️Qarshida yangi ish o‘rinlari va AT eksport salohiyati o‘rganildi

Tashrif doirasida Raqamli texnologiyalar vaziri Sherzod Shermatov va Oliy ta’lim, fan va innovatsiyalar vaziri Qo‘ng‘irotboy Sharipov Qarshi shahrida joylashgan ikkita korxona – SSMART zavodi hamda Avangard Call Solution MCHJ faoliyati bilan yaqindan tanishdilar.

🫥“SSMART” zavodida zamonaviy texnologiyalar asosida maishiy texnika va elektron mahsulotlar ishlab chiqarilmoqda. Mahsulotlarning bir qismi ichki bozorga, bir qismi eksportga yo‘naltirilgan. Zavodda 240 nafardan ortiq ish o‘rni yaratilgan.

🫥 “Avangard Call Solution” MCHJ xorijga masofadan IT-call xizmatlari ko‘rsatib, 30 nafardan ortiq yoshlarni doimiy ish bilan ta’minlamoqda. Tashrif davomida korxonaning ish jarayonlari, infratuzilmasi va masofaviy xizmat tizimi ko‘zdan kechirildi.

🤩 Tashrif yakunida IT-outsourcingni rivojlantirish, ishlab chiqarish jarayonlariga AT yechimlarini keng joriy etish, shuningdek, yoshlar bandligini ta’minlash va AT eksport salohiyatini oshirish bo‘yicha kelgusidagi ustuvor vazifalar yuzasidan fikrlar almashildi.

Batafsil: 👉 https://digital.uz/oz/news/view/123897

📩Telegram 📱Facebook 📱 Instagram 📺Youtube 🌐 LinkedIn 🐦 X

📶 Beeline Uzbekistan tarmog‘i uchun yangi monitoring va boshqaruv markazi taqdim etildi

🟢 VEON kompaniyasi Toshkent shahrida Beeline Uzbekistan’ning yangi Tarmoqni monitoring va boshqaruv markazi — Network Operations Center (NOC) faoliyatini rasman taqdim etdi.

🤩 Ochilish marosimida O‘zbekiston Respublikasi Raqamli texnologiyalar vaziri Sherzod Shermatov, VEON Group bosh direktori Kaan Terzio‘g‘lu, shuningdek, Beeline Uzbekistan kuzatuv kengashi a’zolari va boshqaruv jamoasi ishtirok etdi.
🏪 Toshkent shahrida joylashgan NOC Beeline Uzbekistan’ning raqamli “boshqaruv markazi” sifatida faoliyat yuritib, 24/7 rejimda 5 850 dan ortiq bazaviy stansiyalar ishini uzluksiz monitoring qiladi hamda 7,7 million nafar Beeline Uzbekistan abonentlari uchun barqaror aloqa ta’minlaydi (abonentlar soni 2025-yil sentabr holatiga ko‘ra).

✔️ Markaz proaktiv boshqaruv modeli asosida ishlaydi — ya’ni tarmoq ko‘rsatkichlaridagi og‘ishlar real vaqt rejimida aniqlanib, muhandislar tomonidan tezkor choralar ko‘riladi. Bu esa ko‘plab holatlarda foydalanuvchilar xizmatdagi uzilishlarni sezmasidan oldin muammolarni bartaraf etish imkonini beradi. NOC tarmoqning asosiy samaradorlik ko‘rsatkichlarini doimiy nazorat qilib, Beeline Uzbekistan mijozlari uchun xizmat sifati va foydalanuvchi tajribasini mustahkamlashga xizmat qilmoqda.

Batafsil: 👉 https://digital.uz/oz/news/view/123905

📩Telegram 📱Facebook 📱 Instagram 📺Youtube 🌐 LinkedIn 🐦 X