مليح بكل كتفي خف شوية توة نقدر نرقد

هي تصبحو على خير جميعا عسى الله ان لا يكون لنا اخر لقاء

للفائدة

بما ان فيه عدد كويس منكم كيف طلعو من الثانوية وفيه من عندة طموح يقرا برا ليبيا في البكالوريوس
فيه موقع اسمه فرصة الموقع هذا موجودة فيه فرص الحصول على منح تمويل كامل ( اقامة وسفر ودراسة كل شي على حساب المؤسسة ) وفيه منح تمويل جزئي ( اعفاء من الرسوم الدراسية لكن قاعد لازم تدفع من جيبل للسفر والحياة غادي )
فلو حاب تجرب خش عالرابط وتصفح المنح المتاحة وشوف شروط القبول قبل كل شي وابدا جهز الاوراق المطلوبة
https://www.for9a.com/opportunity/category/منح-دراسية

وفيه نصيحة بنعطيهلكم اللي هي اجل تقديمك الى انك تخش في السيمستر الربيعي اي في بداية العام الجديد لان توة موسم خريجي الثانوية وكلهم حيحاولو يخشو فالمنافسة قوية لدرجة كبيرة
في الربيعي كل منافسيكرحيكونو اما ناس فشلو في دخول المنحة في الخريفي او ناس زيك اجلوها وهذا اخف عليك بهلبا

للمهتمين بزيارة معرض الكتاب بعد شهرين راهو توة نظام الدخول بالQR كود ومجاني مفيش مصاريف لكن لازم تسجل في منصة المعارض ومنها بيعطوك الكود ولما بتمشي للمعرض في نقاط تفتيش لما يوقفوك لازم ادير سكان بالكود اللي عطوهلك
بلا الكود انت مش حتقدر تخش لهلبا مكانات

https://www.facebook.com/share/1EGJibJaYu/

اهوه منشور الهيئة العامة وحتلقو فيه رابط المنصة

قصة جميلة بقيت لنا من العصور الاشورية او البابلية لست محددا في اي عصر كانت

وهي اقدم عريضة او شكوى من مستخدم او زبون تم ايجادها في التاريخ

كانت مقدمة الى EA-NASIR وهو تاجر نحاس في مدينة اور البابلية

واللوح يسجل شكوى احد الزبائن عن جودة النحاس الرديئة وان ايا ناسير قد قام بخداعه وطالب بامواله

ادرك ان بعضكم يتذكر اني حكيتها لكن المغزى هو ان اذكر بما يبقى

بعض الناس يظن ان محاسن ومساوئ كبار القوم هي فقط التي تبقى

ولكن الواقع يقول ان مساوئ ايا ناسير الذي لم يكن له منصب ولا جاه ببابل بقيت الى يومنا هذا بل وتحولت الى مادة للسخرية والضحك

مرات انت فيك مش اذكى من حولك
مرات انت مش المفضل لمن حولك
مرات انت مش معبر من من حولك
مرات انت تشوف روحك اقل ممن حولك
مرات تشوف روحك قملة او حشرة مقارنة بولد خالتك بس لانه جاب اعلى منك
مرات تشبح في المراية وتحس بالقهر لان ولد عمك طلعلة شنب ولحية وانت قاعد تعاند في هالشعرتين بيش يطلعن
مرات انت تشوف ناس تتطور اسرع منك
مرات تشوف ناس صحتهم افضل منك
لكن هل كل هاذم فعلا افضل منك هل انت فعلا نكرة ؟ هل انت فعلا اقل منهم في كل شي ؟
Bro انت عبيط رسمي

انت مرات تشبح كلب/قط مريض تطعمه هم لا
انت مرات تحل مشاكل محد قدر يحلها غيرك وقتها
انت مرات عندك هوايات ومعلومات مفيدة فعلا مش مجرد تيك توك وانستاغرام ونصور مع صاحبي وننشر ستوري
وانت وانت وانت وانت انت عندك محاسن انت تشوفها عيوب بشكل غبي انت بني ادم كويس اصلا لانك تفكر هكي
انت مش معيوب بمزاياك لكن انت تعيب في نفسك بتفكيرك