AquaAsia — дастурхон учун яратилган премиал ичимлик дизайни.

Янги брендни ишлаб чиқишда олдимизда аниқ вазифа бор эди: маҳсулот биринчи қарашдаёқ сифатли, замонавий ва дастурхонга муносиб кўриниши керак.

Шунинг учун AquaAsia учун премиал шиша идиш, совуқлик ҳиссини берувчи енгил визуал услуб ва ҳар бир таъмни ажратиб турувчи мева образларидан фойдаландик.

Логотипда тоғлар ва тоза сув манбаси ғояси акс этган. Этикеткадаги оқ майда текстура эса муз, қиров ва салқинлик ассоциациясини беради. Шу орқали маҳсулот рафдаёқ “совуқ ва тетиклантирувчи” деган ҳисни уйғотади.

Натижада 6 хил таъмдан иборат, ягона визуал тизимга эга ва дастурхонда ҳам, рафда ҳам ўзини ишончли кўрсата оладиган AquaAsia бренди яратилди.

AquaAsia — нейминг ва қадоқ дизайни MINIM томонидан.

Doctor Ali — АҚШ бозори учун премиал қадоқ дизайни.

Mehrigiyo’нинг янги саббренди Doctor Ali Америка бозори ва Amazon учун тайёрланди. Аммо аввалги дизайн маҳсулотнинг сифати, сертификатлари ва қийматини етарлича кўрсата олмасди.

MINIM 4 та маҳсулотни ягона премиал визуал тизимга бирлаштирди:
Detox Clean / Multivitamin / Antistress / Omega 3-6-9

Оқ ранг тозалик ва ишончни, олтин акцентлар эса премиалликни ифодалайди. Ҳар бир маҳсулот учун унинг вазифасига мос алоҳида паттерн ишлаб чиқилди. USDA Organic, Halal, EU Organic Bio ва NON GMO сертификатлари ҳам дизайннинг муҳим қисмига айлантирилди.
Натижада Doctor Ali Америка бозорига мос, ишончли ва рақобатбардош янги визуал образга эга бўлди.

Doctor Ali packaging design — MINIM.

Lattico — грек йогурти учун қадоқ дизайни

Грек йогурти бозорда оддий сут маҳсулотидан фарқ қилади. Унинг асосий аудиторияси — спортчилар, вазн назоратига эътибор берадиганлар ва соғлом овқатланиш тарафдорлари.

Шунинг учун вазифамиз маҳсулотни сут маҳсулотлари полкасида таниш ва ишончли кўрсатиш, бир вақтнинг ўзида унинг куч, соғломлик ва юқори оқсилли маҳсулот эканини визуал тарзда етказиш эди.

Биз бозорда шаклланиб улгурган грек йогурти кодларини — оқ ва тўқ кўк ранглар, грек алифбосини эслатувчи типографикани сақлаб қолдик. Аммо дизайнни қадимги Юнонистон эстетикаси билан бойитдик.

Қадоқда икки хил образ қўлланилди:
— бақувват эркак атлет — куч ва спорт тимсоли;
— амфора ушлаб турган аёл — табиийлик ва антик эстетика рамзи.

Натижада маҳсулот категориясига мос, аммо рақобатчилар орасида ўз характерини йўқотмайдиган визуал тизим яратилди.

Лойиҳа биринчи тақдимотдаёқ тасдиқланди ва кейинчалик шу концепция асосида 15 дан ортиқ SKU ишлаб чиқилди.

Lattico packaging design — MINIM.