O‘zbekiston, Malayziya va Xitoy kompaniyalari o‘rtasida “yashil” energetikani rivojlantirish bo‘yicha Hamkorlik kelishuvi imzolandi

Joriy yilning 13 — 15-iyun kunlari Xitoyning Shanxay shahrida “Quyosh fotoelektr stansiyalari orqali elektr energiyasini ishlab chiqarish va “aqlli energetika” bo‘yicha 17-xalqaro konferensiya va ko‘rgazmasi bo‘lib o‘tdi.

Ushbu xalqaro tadbir doirasida “Yashil Energiya” MCHJ, Malayziyaning “Fabalous Sunview” va Xitoyning “Huawei Tech. Investment Tashkent” kompaniyalari o‘rtasida Hamkorlik kelishuvi imzolandi.

Ushbu kelishuv O‘zbekistonda “yashil” energetikani birgalikda rivojlantirish hamda ijtimoiy soha obyektlari, davlat idoralarining bino va inshootlarida umumiy quvvati 50 MVt bo‘lgan kichik quyosh fotoelektr stansiyalarini qurishni ko‘zda tutadi.

Telegram | Facebook | Instagram | YouTube

Подписано соглашение о сотрудничестве между компаниями Узбекистана, Малайзии и Китая по развитию «зеленой» энергетики

С 13 по 15 июня текущего года в городе Шанхай (Китай), прошла 17-я Международная конференция и выставка «производство электроэнергии с помощью солнечных фотоэлектрических станций и «смарт» энергетика».

В рамках мероприятия подписано Соглашение о сотрудничестве между ООО «Yashil Energiya», малазийской компанией «Fabalous Sunview» и китайской компанией «Huawei Tech. Investment Tashkent».

Данное соглашение предусматривает совместное развитие «зеленой» энергетики в Узбекистане и строительство малых солнечных фотоэлектрических станций общей мощностью 50 МВт на зданиях и сооружениях объектов социальной сферы, государственных органов и других организаций.

Telegram | Facebook | Instagram | YouTube

Farg‘ona viloyatida quvvati 2,2 MVt bo‘lgan “Shohimardon” va 430 kVt quvvatli “Vodil” mikro gidroelektr stansiyalari ishga tushirildi

Farg‘ona viloyatining so‘lim aholi punkti – Shohimardon qishlog‘idan o‘tgan “Ko‘ksuv” daryosi bo‘yida bunyod etilgan mazkur mikroGESda 2 ta gidroagregat o‘rnatilgan bo‘lib, ular orqali yiliga o‘rtacha 13 mln kVt·soat elektr energiyasi ishlab chiqariladi.

Buning natijasida yiliga 3,5 mln metr kub tabiiy gazni iqtisod qilish hamda 5 ming 400 ta xonadon elektr energiyasi bilan ta’minlash imkoniyatiga erishiladi.

Ahamiyatlisi, GES ishga tushirilishi orqali 8 nafar yangi ish o‘rni yaratildi.

Ma’lumot uchun: bugungi kunda Shohimardon qishlog‘idagi 1 205 ta xonadonda 7 000 nafar aholi istiqomat qiladi. Mazkur mikroGES markaziy tarmoqdan uzilgan holda ham qishloq aholisiga elektr energiyasini yetkazib bera oladi. Hudud aholisi va 40 dan ortiq ulgurji iste’molchilar tomonidan 2023-yilda 9,8 mln kVt·soat elektr energiya iste’mol qilingan. Endilikda mahalliy iste’molchilardan yiliga o‘rtacha 3,2 mln kVt·soat elektr energiyasi ortishi ko‘zda tutilgan.

Shuningdek, 430 kVt quvvatga ega “Vodil” mikroGES foydalanishga topshirildi.

Uning yillik ishlab chiqarish quvvati 2,17 mln kVt·soatni tashkil qilib, 904 xonadon, ya’ni, “Yuqori Vodil” MFYda yashovchi aholi ekologik toza elektr energiyasi bilan to‘liq ta’minlanadi. Ushbu mikroGES ishga tushirilishi natijasida yiliga o‘rtacha 615 ming metr kub tabiiy gaz iqtisod qilinishiga erishiladi.

Loyihani ishga tushirish orqali 6 nafar yangi ish o‘rni yaratildi.

Ma’lumot uchun: “Yuqori Vodil” MFY hududidagi 1 907 ta iste’molchi tomonidan 2023-yilda 869,6 ming kVt·soat elektr energiya iste’mol qilingan. Mazkur mikroGES ishga tushirilishi natijasida mahalladan ortgan o‘rtacha yillik 1,3 mln kVt·soat elektr energiyani qo‘shni Bo‘ston va Obod mahallalaridagi iste’molchilarga yetkazib berish imkoniyati yaratiladi.

Telegram | Facebook | Instagram | YouTube