O‘zbekistonda soatlik va kunlik elektr energiyasi iste’moli rekordi yangilandi

Anomal issiq fonida O‘zbekistonda elektr energiyasi iste’moli 2022-yilning yoz oyidagi rekord ko‘rsatkichlarni yangiladi.

Xususan, 2023-yil 16-iyunda Respublika bo‘yicha elektr energiyasi iste’moli 242,6 mln kW⋅hni tashkil etdi. 2022-yilning xuddi shu kunida jami 208 mln kW⋅h elektr energiyasi ishlatilgan bo‘lib, kechagi ko‘rsatkich avvalgi yildagidan 16,6 foiz ortiq bo‘ldi.

Shu bilan birga, energetika tizimining soatlik iste’moli 11 301 MWni tashkil qildi. Bu 2022-yilning shu kundagi holatiga nisbatan 1 800 MW (+18,9 foiz) va 2022-yilning yozida qayd etilgan mutlaq maksimal ko‘rsatkichdan 500 MW ko‘pdir.

Ma’lumot uchun, 2022-yilda maksimal elektr energiyasi iste’moli 27 iyulda qayd etilgan bo‘lib, bu ko‘rsatkich 239 mln kW⋅hni, kunduzgi iste’mol quvvati 10 800 MWni tashkil qilgan.

Energetika tizimidagi elektr stansiyalari tomonidan kunlik elektr energiyasi ishlab chiqarish hajmi 233,7 mln kW⋅hni tashkil etdi. Bu 2022-yilning shu kungi holatiga nisbatan 36,6 mln kW⋅h (18,6 foiz) ko‘pdir.

Telegram | Facebook | Instagram | YouTube

“Menimcha” teleloyihasining navbatdagi sonida tahlil qilinadigan mavzular:

- Prezident Shavkat Mirziyoyevning “yashil” energetikaga o‘tish tashabbusi - amalda: Navoiy viloyatida birinchi shamol turbinasi ishga tushdi;

- Davlatimiz rahbari sog‘liqni saqlash sohasiga qaratayotgan e’tiborning natijalari Qashqadaryodagi kardiologiya markazi misolida;

- Xalqimizning boshini osmonga yetkazayotgan Yangi O‘zbekiston yoshlari: jahonning 46 ta oliy o‘quv yurtiga muddatidan avval qabul qilingan maktab o‘quvchisi haqida.

Ko‘rsatuvni bugun, 17-iyun kuni soat 20:10 da “O‘zbekiston 24” telekanalida tomosha qilishingiz mumkin.

Ertaga, 18-iyun kuni soat 12:20 va 17:20 da takroran namoyish etiladi.

Telegram | Facebook | Instagram | YouTube

Samarqand viloyatida kuchli shamol natijasida soat 11:30 holatiga ayrim elektr uzatish tarmoqlari xavfsizlikni ta’minlash maqsadida o‘chirildi.

Buning natijasida Jomboy, Pastdarg‘om va Bulung‘ur tumanlarining ayrim hududlarida elektr ta’minotida uzilish kuzatilmoqda.

Hududda kuchli shamol esishi pasaygandan so‘ng elektr ta’minoti qayta tiklanadi.

Keltirilgan noqulayliklar uchun iste’molchilardan uzr so‘raymiz.

Telegram | Facebook | Instagram | YouTube

Avval maʼlum qilinganidek, joriy yilning 16-iyun kuni XXVI Peterburg Xalqaro iqtisodiy forumi doirasida Rossiya gazini Oʻzbekistonga yetkazib berish boʻyicha shartnoma hamda respublikamiz gaz-transport tizimini ushbu gazni qabul qilishga tayyorlash boʻyicha “yoʻl xaritasi” imzolangan edi.

Gaz oldi-sotdisi boʻyicha shartnoma “UzGastrade” AJ va “Gazprom eksport” MCHJ oʻrtasida 2 yil muddatga tuzilgan boʻlib, uni ishonchnoma asosida Oʻzbekiston Respublikasi Energetika vaziri J.Mirzamahmudov va “Gazprom” OAJ boshqaruvi raisi A.Miller imzolaganlar.

Taʼkidlash lozimki, shartnoma toʻliq tijoriy shartlarda ishlab chiqilib, respublikamiz isteʼmolchilarining tabiiy gazga boʻlgan yildan-yilga oshib borayotgan ehtiyojini qisman qondirish hamda kuz-qish mavsumini betalafot oʻtkazishga qaratilgan chora-tadbirlardan biridir. Shartnoma doirasida joriy yilning 1-oktyabridan kuniga 9 million kubometr tabiiy gazni import qilish boshlanishi moʻljallanmoqda. Yillik hajm esa qariyb 2 milliard 800 million kubometrni tashkil etadi.

Tabiiy gaz narxi mintaqadagi bozor narxlari asosida, shuningdek, respublikamizdagi amaldagi narxlar hamda ularni bozor tamoyillari asosida shakllantirish boʻyicha amalga oshirilishi rejalashtirilayotgan islohotlardan kelib chiqib, kelishilgan.

Yuqorida koʻrsatilgan “yoʻl xaritasi”ga muvofiq, avval tabiiy gaz “Oʻrta Osiyo – Markaz” magistral gaz quvuri orqali Qozogʻistondan tranzit bilan Rossiyaga yuborilganligi va endilikda gazning revers rejimida (teskari oqimda) Oʻzbekistonga yetkazilishini, shuningdek, respublikamiz hududida yangi gaz oʻlchash stansiyasi qurilishini hisobga olgan holda, belgilangan tadbirlarni joriy yilning sentyabr oyiga qadar yakunlash rejalashtirilgan.

Jumladan, “yoʻl xaritasi” doirasida respublikamiz gaz-transport tizimidagi 3 ta gaz haydash uskunasi yangilariga almashtiriladi va 11 ta turli rusumdagi gaz haydash uskunasida mukammal taʼmirlash hamda tiklash ishlari bajariladi. 22 kilometrlik yangi magistral gaz quvurlari quriladi va 56 kilometrlik gaz quvurlari taʼmirlanadi.

Telegram | Facebook | Instagram | YouTube

DXX: Davlat manfaatlariga 9,6 mlrd so‘mlik zarar keltirgan mayning ferma faoliyatiga chek qo‘yildi

Davlat xavfsizlik xizmatining Buxoro va Navoiy viloyatlari bo‘yicha boshqarmalari xodimlari tomonidan Iqtisodiy jinoyatlarga qarshi kurashish departamenti hamda Ichki ishlar organlari xodimlari bilan hamkorlikda Qiziltepa tumanida o‘tkazilgan tezkor tadbirda noqonuniy mayning ferma faoliyatiga chek qo‘yildi.

Tezkor tadbir davomida mahalliy xususiy korxona rahbari 6 nafar fuqaro bilan o‘zaro kelishgan holda, korxona hududiga xorijda ishlab chiqarilgan 195 dona mayning qurilmalarini o‘rnatib, elektr energiyasidan noqonuniy foydalanishlari natijasida, davlat manfaatlariga 9 mlrd 661 mln 402 ming so‘mlik zarar keltirganliklari aniqlandi.

Hozirda holat yuzasidan mazkur shaxslarga nisbatan Jinoyat Kodeksining 185-2-moddasi 4-qismi bilan jinoyat ishi qo‘zg‘atilib, tergov harakatlari olib borilmoqda.

Telegram | Facebook | Instagram | YouTube

“BAAning “Masdar” kompaniyasi Oʻzbekistonni oʻzining eng ishonchli va istiqbolli hamkori deb biladi” — “Masdar”

“Masdar” kompaniyasining Oʻzbekistondagi loyiha rahbari Fernando Vilyanueva Oʻzbekistonda qayta tiklanuvchi energiya manbalarini rivojlantirish boʻyicha amalga oshirilayotgan ishlar va kompaniyaning bu jarayondagi ishtiroki haqida intervyu berdi.

“Zarafshon shamol elektr stansiyasini unikal deb atashimizga sabab, bu loyiha nafaqat Oʻzbekistonda, balki Markaziy Osiyoda eng katta shamol elektr stansiyasi hisoblanadi.

Loyiha 111 ta turbinani oʻz ichiga oladi. Har bir turbina 4,7 МWni tashkil qiladi. Umumiy quvvati esa 500 МW.

Hozirgi paytda “Masdar”ning Oʻzbekistondagi portfoliosining umumiy quvvati 3,75 GWni tashkil qiladi. Oʻzbekistonning energetika sohasidagi maqsadlari juda katta va qatʼiy. Shuning uchun davlat barqaror iqtisodiyotni taʼminlash yoʻlida megaloyihalarga qoʻl urmoqda. Bu esa investorlar va ishlab chiqaruvchilar uchun jozibador.

Bundan tashqari, ekologik toza energiyaga oʻtish yoʻlida ishonchli qadamlar tashlanmoqda. Muqobil energiya loyihalari boʻyicha juda qatʼiy dastur mavjud va buning ustiga mamlakatdagi quyosh va shamol resurslarining koʻpligi Oʻzbekistonning energetika bozorida muhim oʻrinni egallashiga asos boʻla oladi.

Mamlakatning yildan-yilga oʻsib borayotgan iqtisodiyoti koʻplab xorijiy investor va ishlab chiqaruvchilarni oʻziga jalb qilmoqda. Eng muhimi, davlat quyosh va shamol resurslaridan unumli foydalanishda katta imkoniyatlar, imtiyozlarni yaratmoqda.

BAAning “Masdar” kompaniyasi Oʻzbekistonni oʻzining eng ishonchli va istiqbolli hamkori, deb biladi. Ayta olamanki, kelgusida Oʻzbekiston bilan bunda-da katta loyihalarni amalga oshiramiz”.

Telegram | Facebook | Instagram | YouTube

Gidroenergetikada istiqbolli loyihalar: Oltinko‘lda ikkita GES ishga tushdi. “Yavan” GESi qurilishi boshlandi.

Bu haqda “O‘zbekiston 24” telekanalining “Tahlilnoma” dasturida efirga uzatilgan reportajda batafsil tanishishingiz mumkin.

Telegram | Facebook | Instagram | YouTube

Перспективные проекты в гидроэнергетике: введены в эксплуатацию две ГЭС в Алтынкуле. Начато строительство Яванской ГЭС.

Подробнее об этом вы можете узнать в репортаже телеканала «O‘zbekiston 24».

Telegram | Facebook | Instagram | YouTube

“Menimcha” teleloyihasi: Prezident Shavkat Mirziyoyevning “yashil” energetikaga o‘tish tashabbusi - amalda: Navoiy viloyatida birinchi shamol turbinasi ishga tushdi.

👉To‘liq lavha

Telegram | Facebook | Instagram | YouTube