O‘zbekiston Respublikasi Prezidenti Shavkat Mirziyoyev “Air Products” kompaniyasi prezidenti va bosh ijrochi direktori Seyfi Gasemini qabul qildi.

—————

Президент Республики Узбекистан Шавкат Мирзиёев принял президента и главного исполнительного директора компании «Air Products» Сейфи Гасеми.

Telegram | Facebook | Instagram | YouTube

“ACWA Power” kompaniyasi bilan 1,7 million dollarlik investitsiya loyihasi amalga oshiriladi

O‘zbekiston texnik jihatdan tartibga solish agentligi va Saudiya Arabistonining “ACWA Power” kompaniyasi o‘rtasida umumiy qiymati 1,7 million dollarni tashkil etuvchi investitsiya loyihasi bo‘yicha memorandum imzolandi. Ushbu memorandumdan maqsad — Qoraqalpog‘iston Respublikasida qayta tiklanuvchi (shamol va quyosh) elektr stansiyalarida qo‘llaniladigan o‘lchash vositalarini kalibrlash xizmatlarini joriy etish hisoblanadi.

Metrologiya yo‘nalishida so‘nggi besh yilda amalga oshirilayotgan islohotlar natijasida mamlakatimizdagi Milliy etalonlar soni 3 baravarga oshdi. Sanoat tarmoqlarida o‘lchash vositalarini kalibrlash qamrovi esa 78 foizga yetkazildi. Xorijiy davlatlarda o‘lchash vositalarini kalibrlashga sarflanadigan valyuta miqdori 4 baravar qisqardi. Shuningdek, sanoatning jadal rivojlanishi barobarida aniq o‘lchashlarga bo‘lgan ehtiyojning ortib borishi natijasida doimiy ravishda metrologik laboratoriyalarni takomillashtirib borish yuzasidan bir qancha tadbirlar olib borilmoqda.

Shu sababli, O‘zbekiston milliy metrologiya institutining Qoraqalpog‘iston Respublikasi filiali negizida yuqori aniqlikdagi zamonaviy o‘lchash vositalari bilan jihozlangan laboratoriyalar kompleksi tashkil etiladi.

Hozirda ushbu filial uchun xalqaro tavsiyalarga asosan zarur infratuzilmaga ega laboratoriyalar kompleksi foydalanishga topshirilmoqda.

Ma’lumot o‘rnida aytish joiz, “ACWA Power” kompaniyasi Orolbo‘yi mintaqasida yiliga 18,5 ming GVt soatga yaqin toza energiya ishlab chiqaruvchi shamol elektr stansiyalari qurishni rejalashtirgan. Ushbu loyiha besh bosqichda amalga oshiriladi, bu esa O‘zbekistonning toza energiyaga o‘tish strategiyasiga erishish yo‘lidagi muhim qadam hisoblanadi.

Telegram | Facebook | Instagram | YouTube