#ШЕЪРИЯТ

• ОНАЖОН

Топмоқ – йўқотмоқдир,
Йўқотмоқ – топмоқ,
Сен сўлиб,
Мен яшаб,
Тўлишимга боқ.
Сенсиз топганимдан
Кўпроқ йўқотдим –
Сен мени юпатдинг,
Сени йиғлатдим,
Сен мени яратдинг,
Сени тугатдим.
Уялмай ОНА деб,
Келишимга боқ!..

Соғинич ҳақда шеърлар
Ёздим ўзимча,
Мендан пешонангда
Доғлар тизимча.
Ўғил бўлмай ўлай,
Аттанг, минг аттанг.
Қиз туғсанг нетарди,
Кўпроқ қиз туғсанг!..
Тиргак бўлолмадим
Битта қизингча
Уялмай шоирман
Дейишимга боқ.

Жонингдан айланай,
Тургил жонажон,
Йўл қараб бўлдими
Жигарингдан қон?
Боқма, кўзларимга
Бемажол, хаста,
Менинг топганларим
Гулми бир даста,
Йўқотганим сенми
Энди ОНАЖОН?..
Ўз этимни ўзим
Ейишимга боқ.

Билсанг, юрагимни
Бир алам элар.
Буюрсанг, қўлимдан
Келмайди нелер,
Айт,
Пичан йиғайми,
Ўтин ёрайми,
Ерни ҳайдайинми,
Кўк ағдарийми?..
Итдек оёғингга
Сўйкалгим келар –
Учиб-учиб, мана
Қўнишимга боқ.

Ҳеч нарса керакмас,
Болам, ҳеч дейсан.
Энди кеч дейсан-да,
Энди кеч дейсан.
Юзимни боса­ман
Муздек юзингга,
ОНАЖОН,
Зор қилиб кетма изингга!
Ўлим олдида ҳам
Ғамимни ейсан,
Мен-чи, жим, тақдирга
Кўнишимга боқ.

Шеърим битди,
Хайр,
Дўстлар хуш қолинг.
Бедил яшамакка
Ўрганманг мендай
Боринг,
Волидангиз
Кўнглини олинг,
Эртага
Кеч қолиб
Ўртанманг мендай.

©️ Муҳаммад Юсуф
©️ Ўқиди Аброр Мухтор Алий

Solihlarni yaxshi ko'raman, garchi o'zim ulardan bo'lmasam ham.
Shoyadki, ular sababli men ham shafoatga erishsam.

Gunoh ma'siyatlarni o'ziga kasb qilib olganlarni yomon ko'raman, garchi amalda ulardan farq qilmasam ham.

©️Imom Shofi’iy

Agar qalblar xastalansa o'ziga zararli narsalarni hohlab qoladi va o'ziga foydali narsalarni yomon ko'rib qoladi

©️Ibn Taymiya

Aytadigan gap ko'p, lekin o'zgaradigan hech narsa yo'q.

Agar qilgan gunohing tufayli qalbingda qorong'ulik his qilsang, bilginki, qalbingda nur bor ekan. Nur bo'lmaganida o'sha zulmatni his qilolmasding.

©️Tobeinlardan maktublar

Hamma bir-biridan nimadir kutadigan zamonda, sendan hech narsa talab qilmaydigan insonning qadri boshqacha bo‘ladi.

Kimdir seni puling uchun, kimdir imkoniyatlaring uchun, yana kimdir unga berayotgan e’tiboring uchun qadrlashi mumkin. Ammo seni hech qanday manfaat kutmasdan, shunchaki sen bo‘lganing uchun qadrlaydigan insonlar juda kam uchraydi.

Mening kimligimni
Bilmaydi hech kim.
Men bir g‘alatiman,
Men alohida.
Ko‘zimning yoshini
Keladi ichgim,
Tilimni chaynagim
Kelar gohida.

©️Muhammad Yusuf