ما شاء الله في إقبال على الفكرة 🤩، لكن نحتاجوا نعرفوكم على برنامج Anki قبل ما ندزولكم بنوك الأسئلة عشان تعم الفائدة.

برنامج (أنكي) يُعتبر ثورة في التعليم الحديث، التطبيق يعتمد على مبدأ (التكرار المتباعد Space repetition) بحيث أنه يوريك المعلومة بطريقة سؤال ويختبرك فيها وبناءً على جوابك تختار بصدق بينك وبين نفسك صعوبة المعلومة هل كانت قريبة وجاوبتها طول ولا المعلومة أول مرة تعرفها ولا بينهن.
لو اخترت أن المعلومة أول مرة تشوفها حيعاود يكررلك السؤال أكثر من مرة في الدقائق الجاية عشان يشوفك حفظت المعلومة اللي جاتك جديدة ولا لا وهكذا 🔄.
ولو اخترت أن المعلومة هذه كانت ساهلة وبسيطة وعرفتها بسهولة فـالبرنامج حيعاودها لك مرة كل بعد كم يوم.

خلونا نحكوا على التجربة الشخصية لطالب سنة ثالثة:
أول ما بديت قريت كورس ANS قرايتي الطبيعية وبعدها نزلت بنك الأسئلة وبديت نقرأ في كورس جديد مثلاً (CNS) وفي الوقت اللي نقعد مكسد أو الضي مقطوع وماعنديش نية نقرأ نخش على البرنامج (يشتغل بدون نت) نختبر في روحي ونراجع في الكورس اللي مكمله، كل يوم نص ساعة (أقل أو أكثر باختيارك) زاد حفّظني الكورس كويس بكل ومع المراجعة عرفت وين الحاجات اللي يبن تركيز زيادة مني وقدرت نثبت الأدوية الواجدة ومانلخطبش بينهن.
أغلب الجامعات برا يديروا في subgroups بين الطلبة وكل مجموعة تاخذ كورس وتجهزله Flashcards نفس فكرة قناة @flashcard2022 وكلهم يقعدوا يقروا ويراجعوا بيهن، والحمد لله المناهج شبه موحدة في الكورسات الكبيرة ف نقدروا نستفيدوا منهن حتى نحن 🙏.

هذا مثال للسؤال

وهذا الجواب كامل ولوطا تختار شنو صعوبة السؤال بالنسبة لك 🙏

رابط البرنامج للأندرويد
https://play.google.com/store/apps/details?id=com.ichi2.anki

جماعة الios بحثت في قوقل ماطلعش معايا رابط لكن أكيد تلقوه البرنامج في Apple store

كورس ANS 👆

في نسخة من البرنامج على الكمبيوتر برضو:
https://ankiweb.net/