Attestatsiya nadir?!

Bugun biroz oʻzimga keldim. Yigʻlab-yigʻlab xumoridan chiqdim. Uch oylik qiyinchiliklarning ham zahrini chiqardim. Qaynonamning koʻzlarini "loʻq" qilib, "oʻqigan kelin ..." deganlari, erimning "shu ustozingning ovozi jonimga tegdi,oʻchir telefonni" deb zarda qilishlariga chidab uch oy attestatsiyaga tayyorlandim. Qaysi telegram kanaliga qaramay "ehtimoliy test, tushadigan test, bizda oson, bizda arzon" degan reklamalar. Telegramim yuzlab bunaqa kanallarga toʻlib ketdi. Dunyoda ona tili adabiyot deganlarida maʼlumot ham koʻp ekan, savol ham koʻp ekan. Buni oʻrgansang, bunisi chiqadi, buni oʻrgansang bunisi.
Bitta qoʻshimchaning 10 xil nomi bor. Nomini yodlasang, sinonimi, sinonimining antonimi, antonimining paronimining omonimi. Eh-heee...
Xullas, buni ham epladim.
Maktab?! Maktabni soʻramang. Kun boʻyi dars oʻtasan, darsdan keyin BSB ,ChSB... Falonchining onasining telefonini koʻtarmasang onasi janjal qiladi. Falonchaning sochidan yigiti tortgan, boshqasi uyiga bormagan. Bunga ham chidadim.
Imtihondan bir kun oldin hamma kitobni oʻqib boʻlib tasbeh oʻgirishga tushdim. "Astagʻfirulloh"...
"Imtihon biz uchun bayram" ,deganday attestatsiya kuni ertalab qaynonani tinchit, bolani maktabga, erni ishga joʻnat, tushlikka ovqat qil qilib choyni chala ichib yoʻlga chiqdim. Yoʻl boʻyi tasbeh oʻgirdim. Axir attestatsiyadan 86 ball olsam, 70 foiz ustama. Yomon pul emas. Harna roʻzgʻorga madad. Prezidentimizdan aylanay. Oʻqituvchiga eʼtibor boʻlsa,shunchalik boʻlar-da. Shu joyiga kelganida, tasbehni qattiqroq oʻgirib "astagʻfirulloh" duoga ham aylandi. "Umringiz uzoq boʻlsin".
Attestatsiyaga kirdim. Gerdayib komputerga oʻtirdim. (Eng kuchli ustozda oʻqiganman axir). Testni ochdim. Peshonamni sovuq ter bosdi. Paygʻambarimiz "xor boʻlsin, xor boʻlsin, xor boʻlsin ", deb uch marotaba aytdilar. Sahobalar kimni aytyapsiz deganlarida, "ota-onasining xizmatini qilmaganlar", deb javob berdilar. Ishoning, shakkoklik emas, paygʻambarimiz tirik boʻlganlarida "oʻqituvchiga qiyin test tuzganlar xor boʻlsin" ,deb ming marta aytgan boʻlar edilar.
20 minut ekranga qarab turdim. Zal oʻrtasida turgan suvdan olsam maylimi dedim kuzatuvchiga. Suv olishga ketgan vaqt ham hisoblanar ekan. Suvni olib bir qultum ichdim. Xayolimdan qilgan gunohlarim, savoblarim ,xatolarim oʻtdi. Xudoga nola qildim. Ey Xudo, ozgina bandam degan joying boʻlsa, oʻzing qoʻlla. Bu yogʻi "chimchuq childiriq"...
"Chin" soʻzining kabutar ekanini shu yerda bildim. Kitobning qaysiki burchagida maʼlumot bor, shu yerda bor. Bu kalla oʻlgur qaysini eslab qolsin.
Eganing kesimi, kesimning egasi. E savil bir gapda 9 ta sintaktik shakl yasovchi. Odil Yoqubovning otasi olib bera olmagan muzqaymogʻi, Anbar otinning zamondan kuygani-yu, "Choliqushi"ning maktabi ham qolmagan. Eng hayron qoldirgani Navoiy tirilib kelsa, oʻzi ham eslolmaydigan "Farhod va Shirin"mi, "Saddi Iskandariy" mi farqlab boʻlmaydigan ming misrali dostonning ikki misrasini olib, qaysi dostondan degani yetmaganday, testologning oʻzi ham maʼnosini lugʻatdan zoʻrgʻa topgan soʻzining maʼnosini topish azob boʻldi.
Pastga oʻtsangiz pedagogika. Shu joyiga kelganida ekranda qoʻlini bir xeyli shaklga keltirib "mana olasan 70 foiz ustama" deb turgan vaziramiz Hilola opamgilarning jamolini koʻrganday boʻldim.
Ikki koʻzimni chirt yumib testni yakunlashni bosdim.
"Mana sanga 70 foizli ustama".
Lekin yelkamdan togʻ agʻdarilganday boʻldi. Attestatsiyaga qarz olib toʻlagan pulim, kurslarga toʻlagan pullarim, asablarim, tushlarimda yiqilib tushganlarimni oʻylab qiynalganlarim hammasi tugadi.
Xayolimda uyga borib qotib uxlasam...
Lekin uyga kelib erimning nima boʻldi degan gapidan keyin oʻkirib yigʻlab xumorimdan chiqdim.

Xullas, endi jaydari qilib aytganda "toʻlagan pulim teshib chiqsin" deb oʻtiribman.

P/s: Ushbu matndagi sintaktik shakl yasovchi qoʻshimchaning sinonimining antonimi ishtirok etgan Chin soʻzining paronimi ega boʻlib kelgan va kesimga bevosita bogʻlangan bogʻlovchisiz qoʻshma gap tarkibidagi sodda gaplar orasiga qanday tinish belgisi qoʻyiladi?
Mana senga savolning jinnisi...

Assalomu alaykum hurmatli vazirimiz HILOLA UMAROVA! 2025-yil 22-aprelda o'tkazilgan attestatsiya sinovini qaytadan o'tkazishingizni iltimos va talab qilamiz. Bunga bir qancha asoslarimiz bor:
1. Testlar qiyin darajadan tashkil topgan. Shunga qaramay yaxshi bajardik. Lekin natijalarimiz qoniqarsiz. Biz bilishni istaymiz: nimani bilmas ekanmiz?
2. Murakkab testlar juda ko'p Vaqt inobatga olinmagan.
3. 15 talik ped mahorat, kasb standartidan tushgan testlardan umuman norozimiz. O'qituvchilarning dars sifatini oshirishga yordam bermaydi. Shaxsan o'zimga tushgan kasb standarti faqat tamoyillardan tashkil topgan murakkab testlar edi. Umuman ishlolmadim.
3. Texnik nosozliklar( internet "qotishi") kuzatildi. Tizimga kirar ekanmiz testlar o'zgarib ketyapti. Balki,natijalarimizda ham angloshilmovchiliklar bordir.

Hurmatli Vazirimiz, men avvalgi attestatsiyalarda 95,95,94 ballik natijalarni qayd etganman. Milliy sertifikatga ham egaman. Bu oson bo'lmagan. Lekin testni qiynalib bo'lsa-da, tahlil qilib javobini chiqarganman. Bu yilgi natijam - 74. Xullas, bu yerda bir gap bor. Bu 90 % ustozning fikri. O'qituvchi shunday insonki, arzimagan gapga ham quvonib yuradi.
Biz Vazir ustamasi, 70% lik ustama haqida xayolgina sura oldik, xolos. Kasbimiz bilan faxrlanib yashaymizmi yoki afsuslanib?

Sirdaryo viloyati Sardoba tumani 6-maktab ona tili va adabiyoti o'qituvchisi Tursuqulova Yulduz

Kanalga obuna bo'lish:👇👇👇
@RESPUBLIKA_FILOLOGLARI

1. Imlo: Laxcha tovoq
2. Oy koʻrindi... choʻmich... she'ri muallifi va tarjimoni: Mayakovskiy, Husniddin Sharipov.
3. Maugli muallifi va tarjimoni: Muhsin Zokirov.
4. ........takovaringgʻa suvor... : Anbar Otin
5. Uydagi motam... Otaning alanglashi Hamma hamdardlik bildirdi: Baliq ovi, Qamchibek Kenja
6. Solilok : oʻzing oʻziga aytiladigan gapi
7. Metafora : oʻxshatish, samolyotning qanoti metafora
8. Sayohatnoma
9. Qildi- ayrildi toʻq qofiya
10. Fonetik oʻzgarish: haqqim, dovrugʻi
11. Urgʻu birinchi boʻgʻinga tushmaydi : mengina, oʻn bir
12. Havoyi :sirgʻaluvchi tovushlar
13. Zavja : Ilgida
14. Salom bilan tugagan she'r : Ibroyim Yusupov Esar jayhun shamollari (Otajon Xudoyshukurovga)
15. Hamza: Salom ayting
16. Qoʻzivoyning Tosh togʻasi nima sovgʻa qildi? Tosh granata, yogʻoch avtomat
17, Nodirshoh bilan tushgan surat : Xolid Husayniy
18. Ilvasin soʻzi - ovlanadigan qush
19. Ruju san'ati
20. Ilmdin kasb qilgʻinki : qit'a, sud - foyda
21. Maktabda hamma aralash oʻqiydi: Ot egasi
22. Emgak ekinda qolmaydi- mehnat
23. Tulki oʻz iziga qarab ulisa_ vatan
24. Koʻr... jazz
25. Qashqir deb boshlanuvchi she'r. Matnazar Abdulhakim, ot haqida soʻralgan
26. Gung qoʻshni yogʻochni aytardi qaysi asar? Cholliqushi
27. Oyogʻingni yechib kir_ metonemiya
28. Zamona argʻumogi. M. Ali, Sohibqiron oʻylari
29. Tanho qayiq, hovli tasvirlangan
30. Yaydo_ekin etilmaydi
31. Umar Xayyom boʻlishni orzu qilgan. Tungi taqqoslar Sirojiddin Sayyid
32. Chin soʻzi_sinonimi Xitoy, koʻk kaptar
33. Grammatik bogʻlanish: ergash gap bosh gapga bogʻlansin, nimadandir ranjisin
34. Meni olib keting oʻz diyorimga_.A. Oripov
35. Tokzor orqasiga yashirinib kitob oʻqigan_. Pirimqul Qodirov
36. Uslubiy xato : Hozir (hozir soʻzi) boʻling, bolta oyoqqa tushmasin.
37. Xalloh soʻzing ma'nosi
38. Hozir boʻlmoq- ehtiyot boʻlmoq
39. Hurufu hijo Anvar Otin, arab alifbosing har biriga she'r bitish
40. Samolyot qanotidagi_vazifadoshlik, lugʻaviy
41. Yaqo chokin koʻrib koʻksin qilur chok, Farhod va Shirin
42. Dedi: "Bu ishdan oʻlmas kasb roʻzi,
Dedi: Kasb oʻlsa basdur ishq soʻzi" xatosi_qisqa radif
43. Qaysi javobdagi bogʻlovchisiz qoʻshma gapda tire qoʻyiladi? Jismimiz yoʻqolur - oʻchmas nomimiz.
44. Yigʻlab borsam - hoʻngrab chiqdi. hol kesim-hol kesim
46. Boshlash-ega
Hamisha-hol
Qiyin-kesim
Ayniqsa-kiritma
Tugatishni-toʻldiruvchi
Boshlash-ega
47. Oʻzgardi. Asos+soʻz yasovchi_sintaktik
48. Yurak xolos. Rauf Parfi
49. Mitsiri tarjimasi, Hamid Gʻulom
50. Koʻylagiga siyoh toʻkilgan adib? A. Koʻchimov
51. Illiadada xalq choʻponi? Agamennon
52. Oilada 9 nafar farzand onam-otam erkalashga vaqt topmasdi. Abdusaid Koʻchimov
53. Kutubxonachisi Solihajon opa? Matnazar Abdulhakim
54. Murod chilim kimdan qoʻrqadi? Otabekdan
55. Anbar Otin " Risolayi Falsafayi Siyohun"
1. Barcha qaro narsalar
2. Farqi qarolar, ayollar
3. Baxti qarolar
4. Qaro zulmat
56. Xalloq-Yaratuvchi, Allah
57. Maktabda hamma aralash oʻqiydi. Ot egasi
58. Shubxa-Shirinzabon
Shukasheni-Zulfizar
Shuxashini-Xushtabassum
59. Oʻn besh yoshli kapitan tarjimoni? Malik Rahmon
60. Laboning tarjimoni? Togʻay Murod
62. Chol va dengiz tarjimoni? Ibrohim Gʻafurov
63. Mauglidagi daryo nomi? Vayngang
64. Manjaniq _ qurol
65. Burchaklari yoʻq shahar? Janni Rodari
66. Qora quti qaysi asarda bor? Ohu she'ri
67. 3-sinfda birinchi she'r yozgan adib? Muhammad Ali
68. Mahabrahatning tarjimoni? Sotiboldi Yoʻldoshev
69. Induksiya- xususiydan umumiyga
70. Analogiya- xususiy xulosalardan xususiy xulosalar chiqarish
71. Deduksiya - umumiydan xususiyga
72. Rahmat sizga xonim. Lengston Hyuz Rahmat sizga xonim Nodira
73. Ayolmand - koʻp bolali erkak bolhttps://t.me/milliy_sertifikatOlimjonovnaali

Bugun attestatsiyaga kiradigan ustozlar omad yor olloh madadkor bo'lsin

Agar sizda ham yuqoridagi vaziyat bo'lsa o'sha joyning o'zida e'tiroz bildiring.

Qisqa vaqtda ko'rib chiqiladi

Ravish va sifatdan o’tgan ko’makchilarni qanday farqlash mumkin?

Beri kel-chi. Beri so’zi ravish.
Shundan beri kelmaydi. Beri so’zi ko’makchi.

Qanday farqlash mumkin deb o’ylaysiz❓

📌 Biz bu orqali sizga kitobdagi qoidani o’quvchiga yodlatish emas, balki o’zi uchun tushuncha hosil qilishni o’rgatish kerakligini bildirmoqchimiz.

samgin_qurbonov jamoasi

Zo’r qaror! Ta’lim o’zbek tilida bo‘lmagan maktab bitiruvchilari endi davlat tili fanidan majburiy imtihon topshiradi

Maktabgacha va maktab ta’limi vaziri Hilola Umarovaning 22-aprel kungi buyrug‘iga ko‘ra, barcha maktab bitiruvchilari uchun davlat tili (o‘zbek tili) imtihoni majburiy bo‘ldi.

Bu yangilik ta’limi o‘zbek tili bo‘lmagan (masalan, rus, qoraqalpoq, qozoq, tojik, turkman, qirg‘iz tillaridagi) sinflarga ham taalluqlidir.

Boshqacha aytganda, o’zbek tilida o’qiyotganlar ona tili va adabiyot fanidan imtihon topshiradi, boshqa tilda o’qiyotgan bitiruvchilar davlat tili fanidan imtihon topshiradi.

Attestatsiya fanlari va shakllari:

9-sinf bitiruvchilari:

➖ ona tili va adabiyoti (taʼlim o‘zbek tilida olib boriladigan sinflar uchun) fanidan — yozma;
➖ davlat tili (taʼlim tili o‘zbek tili bo‘lmagan sinflar uchun) fanidan — yozma;
➖ matematika fanidan — yozma;
➖ O‘zbekiston tarixi fanidan — yozma/og‘zaki;
➖ jismoniy tarbiya fanidan — amaliy shaklda o‘tkaziladi.

11-sinf bitiruvchilari:

➖ ona tili va adabiyoti (taʼlim o‘zbek tilida olib boriladigan sinflar uchun) fanidan — yozma;
➖ davlat tili (taʼlim tili o‘zbek tili bo‘lmagan sinflar uchun)dan — yozma;
➖ matematika (asosiy) / matematika (chuqurlashtirilgan) fanidan — yozma;
➖ tarix fanidan — yozma.

Xorijiy tillar yoki umumta’lim fanlari bo‘yicha milliy yoki xalqaro tan olingan sertifikatga ega bo‘lgan o‘quvchilar, ushbu fandan imtihon topshirishdan ozod etiladi. Sertifikatlar ro‘yxati vazirlik tomonidan tasdiqlanadi.

Imtihon jarayonida kuzatuv kengashi va fuqarolar o‘zini o‘zi boshqarish organlari vakillari kuzatuvchi sifatida qatnashishi mumkin.


👉 @xushnudbek 👈

Attestatsiya testlarining validlik (xulosa chiqarishga yaroqlilik) dalillari bor yoki yoʻqligiga har doim qiziqqanman.

Bor boʻlsa, qayerda u? Nega ochiqlanmaydi?

Yoʻq boʻlsa, unda nega bu testlardan foydalanishyapti? Baholash ilmida bunday qilish yaramaydi-ku. Chunki bu testlar yuqori taʼsir kuchiga ega hisoblanadi.

Shokir Tursun.