‏"والريح تاخذ من شعرها غمر.. تلعب معاه شوي وتثرّه"

ما حلا تله في قلبي وسهيانه
‏كن لا قبله صباح ولا مدينه
‏كل هذا بس من ضحكة ثمانه
‏قاد خفاقي معه قود الرهينه
‏الله أعلم لا فتنا خيزرانه..
‏من نصدق قذلته .. ولا جبينه ؟

قلب الهواوي ما يفز الا على طريّا وليف
وعين الهواوي ماتشوف الا هواوي فيّها

"تعال سولف عن تباريح الغرام وريّها"

من يشب عن محجر العين طريّا للرقاد ؟
من يقول انه عن النوم كله في غنى ؟

وَل لا عادت لياليك ياليل الهجاد
من هنا كنت أحتريها وجتني من هنا :)

"حتى لو كنتِ السنين.. اللي راحت
ماقدر أنا أحبّك
حتى لو كنتِ الحنين.. اللي في جِراحك
ماقدر على قُربك..

والله مافيهم من لونك لازين أوصاف ولا مذهب

‏وين انت دورك الخفوق وماوجدك ؟
‏ولاجاز منك ولا استخار ولاسلا !

‏السماء مرقاب والقاف محبوك
‏من غمام ومن بروق ومن برد
والخطاوي ما تقول الدرب شوك
‏واثق الخطوات ما يشكي " لأحد "
َ

يسعد صباحك يابعد كل عمهوج
يسعد صباحك لو غشى الصبح ظلما

‏لا تقول شفني وأنت لعيوني الشوف
عمرك سمعت اللي قبل شاف شوفه؟

الشتا يرثعّ ورا البال والليل يحبي
‏ والطعون أقفت فراداً وجت متخاويه

‏مدّي يـدينٍ .. عَاهدتها يديّا
‏ياللي سماك ملبدة برق وغيوم
‏لا تشتكين اللوم! وأنا هنيّا
‏أنا هنيّا.. لجل ما يلحقك لـوم!
‏ياللي جبينك من غلاه الثريّا
‏ما عَـاشرت شمسٍ ولا خاوت نجوم
‏إن كان ما جتني عليك الحْميَّا
‏ماعاد لي في باقي العمر: ملزوم

يالحبيبه لا تلوميني على قل الكلافه
‏ماذبحت الا الطعون ، ولا عزمت الا الحنايا :)

‏شيّب الراس لكن مابعد شاب قافي
‏كل يومٍ وسيف الشعر يزداد حِدّه

أحد ربي يحطك له حبيب ولا يجيه غرور !
أنا ليه ألتفت للناس وعيونك جماهيري

من شمال القلب يلفن الطواري
‏قلت هبّن من جنوب.. ولا اجنْبَني
‏ليتني عن خافي الايام داري
‏قبل اجضْ ..وقبل احنْ .. وقبل اوني

‏" تشبهين البحر"
‏قالت : أشبه البحر وتخافه؟
‏قلت يتشرد سنا نجمه و لا تظما مرايا
‏-مساعد الرشيدي رحمه الله