Россияда ишлаш истагида бўлган фуқаролар диққатига!

Россия Федерациясининг Амур ўлкасидаги Космодром қурилишга ишлаш истагида бўлган фуқаролар ишга таклиф этилади.

☝️Талаблар:
- камида 1 йиллик иш тажриба;
- РФга кириш таъқиқ бўлмаслиги;
- муқаддам судланмаган;
- жисмонан соғлом;
- хорижга чиқиш паспортига эга бўлиши лозим.

☝️Талаб этиладиган мутахассисликлар:
- Электр монтажчиси;
- Пайвандчи (камида 3 йиллик иш тажриба);
- Кафел терувчи;
- Гипсокартончи;
- Сувоқчи-бўёқчи;
- Арматура ишлари;
- Битон қуйиш;
- Сантехник ва бошқа ишлар.

Юқорида кўрсатилган йўналишларда ишлаш истагида бўлган фуқаролар биометрик ва хорижга чиқиш паспортлари билан келишлари сўралади.

💵 Ойлик маош: 33 000-50 000 рубль атрофида (соатбай тўланади).

Иш берувчи томонидан яратиб бериладиган шароитлар:

1. Авиа чипта;
2. Патент харажатлари;
3. Ётоқхона ва 3 маҳал иссиқ овқат;
4. Махсус ишчи кийим.

Танлов ўтказиладиган жой ва сана:

Наманган вилоятида 23 сентябрь соат 09:30 да.
📍Манзил: Наманган ш., Нодира 3-уй (Мўлжал: Сардоба бозори атрофи, Зангори экран корхонаси ёнида).
☎️ +998692279727.

Фарғона вилоятида 23 сентябрь соат 14:00 да.
📍Фарғона шаҳри, Б.Марғиноний кўчаси, 4-уй. Мўлжал: 10-мактаб, Вилоят Бандлик бош бошқармаси биноси.
Мурожаат учун:
☎️ (73) 244-40-01.

🔻 Ахборот каналларимизни кузатиб боринг

Телеграм | Facebook | Youtube | Веб-сайт

🏴󠁧󠁢󠁥󠁮󠁧󠁿 Англияда қишлоқ хўжалиги соҳасида мавсумий ишларда вақтинчалик меҳнат фаолиятини амалга ошириш мақсадида юртдошларимизнинг ушбу давлатга жўнаб кетгани хабар қилинган эди.

Ушбу юртдошларимиз белгиланган манзилга етиб бориб, иш бошлади.

🔻 Ахборот каналларимизни кузатиб боринг

Телеграм | Facebook | Youtube | Веб-сайт

🇩🇪 Германияда ишлаш истагида бўлган фуқаролар диққатига!

Ташқи меҳнат миграцияси агентлиги ҳамда Швейцариянинг “GLOBOGATE Concept AG.” ташкилоти ўртасидаги ҳамкорлик келишувига асосан тажрибали тиббиёт ходимларини Германия тиббиёт муассасаларига ишга жалб қилиш дастури ишлаб чиқилган.

Номзодлар учун талаблар:

Умумий ҳамширалик учун – шифохонанинг турли бўлимларида камида 4 йиллик тажрибага эга ҳамширалар агар реанимация ва интенсив терапия бўлса 2 йил (фақат беморларни парваришлаган) бўлиши;

✅ 39 ёшдан ошмаган бўлиши;

✅ шифохонада иш тажрибасига эга бўлиши (стоматолог, ўқитувчилик ва доришунослик, гинекология, шошилинч тез тиббий ёрдам, педиатрия, поликлиника-патронаж, акушерлик соҳасида шуғулланган номзодлар қабул қилинмайди);

✅ судланмаган бўлиши;

✅ жисмонан соғлом бўлиши;

✅ тиббиёт коллежи (фақат 3 йиллик диплом ёки ОМХ) тамомлаган бўлиши;

✅ беморларга ғамхўрлик қилиш қобилиятига эга бўлиши;

✅ Тошкент шаҳрида ташкил этиладиган немис тили курсларида 10 ой давомида ўқиш (2 босқичли танловлардан муваффақиятли ўтган номзодларгина дастурда иштирок этади);

✅ номзодлар немис тили курсларида қатнашаётган вақтда меҳнат фаолияти билан шуғулланмаслиги;

✅ Тошкент шаҳридаги Гёте институти имтиҳонларидан муваффақиятли ўтиши;

Лойиҳада иштирок этиш истагида бўлган фуқароларга қуйидаги шароитлар яратиб берилади:

📌 Тошкент шаҳрида бепул турар жой;

📌 ўқув хонаси;

📌 ойлик стипендия.

Шунингдек, "GLOBOGATE Concept AG." қуйидаги харажатларни қоплаб беради ва хизматларни кафолатлайди:

📚 немис тили ўқитувчиси ва ўқув материаллари;

📌 тил даражаси учун Тошкентдаги Гёте институтида имтиҳон топшириш;

📌 ҳужжатларни таржима қилиш ва тасдиқлаш;

📌 ўқув дастурини муваффақиятли тамомлаган номзодлар учун виза олиш ва Германияда ишга жойлашиш;

🛫 Тошкент халқаро аэропортидан Германияга авиачипта ва Германиядаги аэропортдан иш жойигача трансфер;

💵 меҳнат шароитлари немис ҳамширалари билан бир хил (ойлик 2 100 евродан бошланади, нафақа, суғурта, таътил) ва бутун жараён давомида доимий қўллаб-қувватлаш.

👉Рўйхатдан ўтиш учун

👉 Батафсил маълумот олиш

☎️ Мурожаат учун: 71-202-33-55 (ички рақамлар 40, 88) ёки 1282 қисқа рақами.

🔻 Ахборот каналларимизни кузатиб боринг

Телеграм | Facebook | Youtube | Веб-сайт

Коррупция – тараққиёт кушандаси!

Хорижда иш таклиф қилинганда фирибгарлардан эҳтиёт бўлинг!

🔻 Ахборот каналларимизни кузатиб боринг

Телеграм | Facebook | Youtube | Веб-сайт

Икки нафар фарзанди билан қийин аҳволда қолган аёлга ёрдам берилди

Юртдошимиз Ш.П. 2022 йил июль ойида Россия Федерациясига икки нафар фарзанди билан вақтинчалик меҳнат фаолиятини амалга ошириш учун боради. Аммо август ойида ишсиз қолганлиги сабабли мураккаб молиявий аҳволга тушиб қолади.

Шу сабабли Ш.П. Ташқи меҳнат миграцияси агентлигининг
Санкт-Петербург шаҳридаги вакиллигига Ватанга қайтишда амалий ёрдам сўраб мурожаат қилади.

Фуқаро Ш.П. куни кеча “Uzbekistan аirways” компанияси ҳамкорлигида Санкт-Петербург – Тошкент йўналишидаги авиарейс орқали Ўзбекистонга қайтарилди.

🔻 Ахборот каналларимизни кузатиб боринг

Телеграм | Facebook | Youtube | Веб-сайт

Буюк Британиянинг "AGRI-HR" ташкилоти раҳбарияти билан учрашув ўтказилди

Буюк Британияда қишлоқ хўжалиги соҳасида мавсумий ишларда вақтинчалик меҳнат фаолиятини амалга ошириш мақсадида кетган юртдошларимиз билан биргаликда Бандлик ва меҳнат муносабатлари вазирлиги ва Ташқи меҳнат миграцияси агентлиги вакилларидан иборат ишчи гуруҳи ҳам жўнаб кетган эди.

Ишчи гуруҳи "AGRI-HR" ташкилоти раҳбарияти билан учрашув ўтказди. Унда дастлаб Ўзбекистоннинг ишчи кучи салоҳияти ва мавжуд имкониятлари тўғрисида маълумот берилди.

Шунингдек, Ўзбекистон фуқароларини ташкилий тарзда қишлоқ хўжалиги соҳасида меҳнат фаолиятига жалб қилиш масалалари муҳокама қилинди.

🔻 Ахборот каналларимизни кузатиб боринг

Телеграм | Facebook | Youtube | Веб-сайт

Ташқи меҳнат миграцияси агентлиги огоҳликка чақиради

Россия Федерацияси ҳудудида вақтинча меҳнат фаолиятини амалга ошираётган Ўзбекистон фуқароларидан Россия ва Украина ўртасидаги зиддиятли ҳудудларга жалб қилиш ҳақидаги даъватларга эргашмасликни, зиддиятли ҳудудларга бормасликни ва ҳарбий ҳаракатларда иштирок этмасликни сўраймиз.

Эслатиб ўтамиз, Ўзбекистон Республикаси Жиноят кодексининг 154 прим 1-моддасида чет давлатларнинг ҳарбий хизматига, хавфсизлик, полиция, ҳарбий адлия органлари ёки шунга ўхшаш бошқа органларига хизматга ёлланиш уч йилдан беш йилгача озодликни чеклаш ёхуд уч йилдан беш йилгача озодликдан маҳрум қилиш билан жазоланиши кўзда тутилган.

🔻 Ахборот каналларимизни кузатиб боринг

Телеграм | Facebook | Youtube | Веб-сайт