🇰🇷 Kambag‘allikni qisqartirish va bandlik vaziri Behzod Musaevning navbatdagi uchrashuvi Seulda Koreya Mehnat va bandlik vaziri bilan bo‘lib o‘tdi.

Uchrashuvda dastlab, ikki davlat o‘rtasida mehnat sohasidagi aloqalar tobora rivojlanib borayotgani qayd etildi.

Ta’kidlanganidek, 2024-yildan boshlab Koreyada o‘zbekistonliklar vaqtincha ishlashi uchun xizmat ko‘rsatish, kemasozlik, qurilish, qishloq xo‘jaligi, tog‘-kon, o‘rmon xo‘jaligi kabi yangi yo‘nalishlar ochildi.

Bu o‘z navbatida ishchi kuchiga bo‘lgan ehtiyojni yanada oshirib, O‘zbekiston uchun ajratilayotgan kvotalarni qamrab olish - saralash jarayonlarini tezlashtirishni talab etadi.

Ushbu masalaning yechimi sifatida koreys tilidan imtihon topshirish jarayonlarini yengillashtirish, hududlarda imtihon olish markazlari sonini ko‘paytirish taklif qilindi.

Bundan tashqari muloqotda E9 vizasi (noprofessional ishchi viza turi) asosida o‘tadigan EPS testlarida “Qirol Sejong” o‘quv markazi sertifikatiga ega nomzodlarga qo‘shimcha imtiyozlar berish, qurilish sohasiga ishchilarni jalb qilish, qishloq xo‘jaligi sohasi uchun mavsumiy vizani joriy qilish bo‘yicha ikki tomonlama manfaatli takliflar o‘rtaga tashlandi.

Shuningdek, mehnat inspeksiyasi faoliyatini takomillashtirish, kasb-hunarga o‘qitish markazlariga investitsiyalar kiritish, hamkorlikda yangi loyihalarni hayotga tatbiq qilish bo‘yicha ham muhokamalar bo‘lib o‘tdi.

Sayt | Telegram | Facebook | Instagram | Youtube

🇬🇧Kecha, 7-may kuni Buyuk Britaniyada mavsumiy qishloq xo‘jaligi sohasida ishlash uchun bir guruh yurtdoshimizning jo‘nab ketgani xabar qilingan edi.

Yurtdoshlarimiz Buyuk Britaniyaga tashkillashtirilgan holda yetib bordi.

Maʼlumot uchun, vatandoshlarimiz ushbu davlat fermer xo‘jaliklarida 6 oy davomida mavsumiy ishlarda mehnat faoliyatini amalga oshiradi.

🔻 Axborot kanallarimizni kuzatib boring

Telegram|Facebook|Youtube|Instagram|X|Veb-sayt|Xorijda ish

KOICA prezidenti Janob Chang Won Sam bilan uchrashuv bo‘lib o‘tdi

Kambagʻallikni qisqartirish va bandlik vaziri Behzod Musaev Seulda Koreya xalqaro hamkorlik agentligi (KOICA) prezidenti Janob Chang Won Sam bilan uchrashdi.

Unda agentlik tomonidan O‘zbekistonda amalga oshirilgan loyihalar holati muhokama qilindi. Jumladan, Toshkent, Samarqand, Shahrisabz va Farg‘ona shaharlarida qulay sharoitlarga ega 4 ta kasb-hunarga o‘qitish markazi (KOICA)da 13 mingga yaqin ishsiz fuqaroga zamonaviy kasblar o‘rgatilib bandligi ta'minlangani, Urganchda esa 9 mln dollar grant mablag‘lari hisobidan shu kabi yangi markaz barpo etilayotgani ta'kidlab o‘tildi.

KOICA prezidenti joriy yilda Toshkent shahrida loyiha qiymati 5,5 mln dollarga teng bo‘lgan Milliy texnik malakani baholash va malaka oshirish markazi qurilishi boshlanishini katta mamnuniyat bilan qayd etib, ushbu markaz faoliyatini tashkil etish bo‘yicha O‘zbekiston Respublikasi Vazirlar Mahkamasining 2024-yil 6-maydagi 267-sonli Qarori qabul qilingani uchun minnatdorlik bildirdi.

Uchrashuvda bu kabi loyihalar sonini yanada oshirib, hududlarda yangi kasb-hunarga o‘qitish markazlarini barpo qilish, Kambag‘allikni qisqartirish va bandlik vazirligi huzuridagi boshqa o‘quv markazlarida ham Koreya texnologiyasi asosida qo‘shma markazlar tashkil etish, ularni zamonaviy va innovatsion o‘quv jihozlar bilan yangilash kabi masalalarda kelishib olindi.

Sayt | Telegram | Facebook | Instagram | Youtube

Endilikda Koreyaga mavsumiy ishlarga hamyurtlarimiz jalb qilinadi

Bu haqda Kambagʻallikni qisqartirish va bandlik vaziri Behzod Musaev Koreya Adliya vaziri Pak Son Je bilan uchrashuvda kelishuvga erishdi.

Seulda boʻlib oʻtgan uchrashuvda, dastlab ikki davlat o‘rtasidagi hamkorlik aloqalari xususida so‘z bordi. Mehnat munosabatlariga oid mavjud muammolar o‘rtaga tashlanib ularning yechimi yuzasidan fikr almashildi.

Olib borilgan muzokaralar natijasida endilikda yurtdoshlarimiz Koreyada qishloq xo‘jaligi sohasidagi mavsumiy ishlarda mehnat qilishi mumkin bo‘ladi.

Xususan, qishloq xo‘jaligi, agrotexnologiyalar bo‘yicha ishlab, malakasini oshiradi, bu orqali ayni yo‘nalishdagi bilim va ko‘nikmalarini boyitib, yurtimizga katta tajriba bilan qaytishi mumkin.

Bundan tashqari professional kasb-hunarga ega boʻlgan oʻgʻil-qizlarning ham Koreyada ishlash imkoniyatlari paydo boʻlmoqda.

Aytish kerakki, ushbu yoʻnalishda yaʼni, maʼlum bir kasb-hunarga ega boʻlgan, qoʻlida diplomi bor mutaxassislar koʻp. Endilikda ular ham oʻz sohasidan kelib chiqib Koreyada faoliyat olib borishi yoʻlga qoʻyiladi.

Ayni yoʻnalishda Adliya vazirligi bilan kelishuvga erishildi. Uchrashuvda yurtdoshlarimizning namunali faoliyat olib borishi, Koreya davlati qonunlarini hurmat qilishi ikki davlat hamkorlik munosabatlarining yanada taraqqiy etishiga xizmat qilishi qayd etildi.

Koreyaga vaqtincha ishlash uchun boradigan har bir nomzod bilan mutaxassislar alohida shugʻullanishi, ushbu davlatning mehnat va migratsiya qonunchiligi, madaniyati, urf-odat va anʼanalari xususida axborotlar berib borilishi maʼlum qilindi.

Koreya Respublikasi Adliya vazirligi tomonidan alohida qayd etildiki, agarda o‘zbekistonlik ishchilar Koreya Respublikasining mehnat qonunchiligini buzmasa, nolegal faoliyatga o‘tmasa, o‘z ish joylarini asossiz tashlab ketmasa Koreya tomoni hamyurtlarimiz uchun har qanday ishchi viza turini eng yuqori darajada ochib berishga tayyorligini bildirdi.

Sayt | Telegram | Facebook | Instagram | Youtube