Mohammed Seid - Miftah

THE MAN WHO BEAT THE WORLD WITHOUT SHOES

543 views15:23

🏃‍♂️ የማይቻልን የቻለው የጀግናው ስንቅ፡ የአሸናፊነት ምስጢር 🇪🇹

ታሪኩ የሚጀምረው አለም በጥቁር ህዝቦች ላይ በነበራት የተሳሳተ አመለካከትና ንቀት ነበር። በወቅቱ የነጮች የጥናት መደምደሚያ «ጥቁር ህዝቦች የማራቶን ሩጫን የመሮጥ ተፈጥሯዊ ብቃትም ሆነ የጽናት አቅም የላቸውም» የሚል የትዕቢት ድምዳሜ ነበር።
በዚህ መሀል ነበር ከአረንጓዴዋ ምድር የበቀለው ጀግናው አበበ ቢቂላ ይህንን የዘመናት ታሪክ ለመቀየር ወደ አደባባይ የወጣው። ነገር ግን ጉዞው አልጋ በአልጋ አልነበረም። ውድድሩ ከመጀመሩ በፊት «በዚህ ሰዓት መሮጥ አትችልም» ተብሎ ተንቆ፣ ብቃቱ ተጠራጥሮ፣ እንደ ውሸታምም ተቆጥሮ የነበረበት የፈተና ሰዓት ነበር።

ሩጫው ተጀመረ... ጀግናው ባዶ እግሩን የሮማን አስፋልት እየቀደደ ወደ ፊት ይገሰግሳል። ነገር ግን ፈተናው ከውጭ ብቻ አልነበረም፤ ከውስጥም ጭምር እንጂ። እየሮጠ በጽናት ተጉዞ ሠላሳ አምስተኛው (35ኛ) ኪሎሜትር ላይ ሲደርስ፣ ከባድ የተኩስ ህመም የመሰለ ውጋት ሆዱ ላይ ተሰማው። አካሉ ዝላለች፣ ህመሙ ከአቅም በላይ ሆኗል፣ እግሮቹ ሊታዘዙት አልቻሉም። ያኔ አእምሮው «አቁም! ውድድሩን አቋርጠህ ውጣ!» የሚል የሽንፈት አማራጭን አቀረበለት።

ነገር ግን... በዚያ የሞትና የሽረት መስቀለኛ መንገድ ላይ፣ እጅ ከመስጠት ያስቆመውና በውስጡ እንደ እሳት የነደደ አንድ ታላቅ የልብ ስንቅ ነበረው። እርሱም ውድድሩ ከመጀመሩ በፊት አስተማሪውና መሪው ሻምበል አለቃው የለገሱት የወርቅ ቃል ነበር፦

“መጀመሪያ እንድትሸነፍ የሚያደርጉህን ምክንያትህን አሸንፍ!”
ይህች ቃል በህመም ከተሰቀዘው አካሉ በላይ በረታች። አበበ ቢቂላ ያንን ህመሙን፣ ያንን ንቀቱን፣ ያንን «አትችልም» የሚለውን የነጮች የውሸት ጥናትና የራሱን የውስጥ ድካም — ሁሉንም ምክንያቶች መጀመሪያ በውስጡ አሸነፋቸው! ምክንያቶቹን ሲያሸንፍ ደግሞ አካሉ ታደሰች፣ እግሮቹ ክንፍ ሆኑ።
በመጨረሻም ታሪክ ተሰራ! ያ ተንቆ የነበረው ጥቁር አንበሳ ባዶ እግሩን ሮማ ላይ ድልን ተቀዳጅቶ የነጮችን ጥናት አመድ አደረገው። ሁሉም ሰው በአንድ ድምፅ :-

"THE MAN WHO BEAT THE WORLD WITHOUT SHOES"

የታሪኩ መልዕክት ለሁላችንም፡
ማንኛውም ኢትዮጵያዊ ሊገነዘበው የሚገባው ትልቁ እውነት ይህ ነው፦ በህይወት ሩጫህ ላይ ስኬት ላይ እንዳትደርስ የሚከለክሉህ ውጫዊ መሰናክሎች ወይም ሰዎች አይደሉም። መጀመሪያ ማሸነፍ ያለብህ «አልችልም፣ አቅም የለኝም፣ ሰዓቱ አይደለም» የሚሉትን የውስጥህን ምክንያቶችና ሰበቦች ነው። ምክንያቶችህን ስታሸንፍ፣ የአለምን ታሪክ ትቀይራለህ!

❤4

621 views15:23