What is Portfolio?

ፖርትፎሊዮ፦ ከቃላት ባለፈ በተግባር የመመስከር ጥበብ!

ዛሬ ብዙዎቻችንን በሙያ ጉዞአችን ሊያግዘን ስለሚችል አንድ ወሳኝ ጉዳይ ላጫውታችሁ ወደድኩ። በተለይ በቴክኖሎጂውም ሆነ በሌሎች የፈጠራ ዘርፎች ለምትሰሩ ጀማሪ ባለሙያዎች ይህ መረጃ የጨዋታ ለውጥ (Game Changer) ሊሆንላችሁ ይችላል። ስለ "ፖርትፎሊዮ" እናነሳለን።

ትናንት ፓርቲፎሊዮ ምንድን ነው ብዬ ጥያቄ ባነሳም ከዚህ በፊት እንደነበሩት ውይይቶች ብዙም ተሳትፎ አላየሁበትም ይህ ደግሞ ምናልባትም ለጉዳዩ እንግዳ ሆነንም ሊሆን ስለሚችል ጥያቄውን ሊመልስ መልኩ እንደሚከተለው አሰናድቻለሁ።

ፓርቲፎሊዮ ምንድን ነው?
ፖርትፎሊዮ ማለት የአንድን ባለሙያ የክህሎት ደረጃ፣ ስኬቶች እና የተግባር ስራዎች የሚያሳይ የሰነዶች ስብስብ ነው። ብዙ ጊዜ በስራ ፍለጋ ወቅት እንደ "ማስረጃ" የሚያገለግል ሲሆን፣ የሰለጠኑበትን ወይም የሚወዱትን ሙያ በተግባር ምን ያህል እንደሚችሉበት ለቀጣሪ ወይም ለደንበኛ የሚያረጋግጡበት መንገድ ነው። ፖርትፎሊዮ ስራዎን ለማሳየት ብቻ ሳይሆን፣ ባለፉት ጊዜያት በሙያዎ ምን ያህል እንዳደጉ ለመገምገምም ይጠቅማል።

ቀለል ባለ ምሳሌ እንየው፡
ብዙ ጊዜ በስራ ፍለጋ ወቅት ሲቪ (CV) እናዘጋጃለን፤ እሱም ማንነታችንን በወረቀት ይገልፃል። ፖርትፎሊዮ ግን ከዚያ ይሻገራል። ልዩነቱን እንዲህ እንየው፦ ሲቪ "ምግብ ማብሰል እችላለሁ" የሚል ፅሁፍ ሲሆን፣ ፖርትፎሊዮ ግን ያበሰልነውን ምግብ ፎቶ፣ አዘገጃጀቱንና የተመገቡ ሰዎችን ምስክርነት ለዓለም ማሳየት ነው። ባጭሩ "እችላለሁ" ከማለት ይልቅ "ይኸው የሰራሁት!" ብሎ በተግባር ማረጋገጫ ማቅረብ ማለት ነው።

የት እና እንዴት እናዘጋጅ?
አሁን ባለንበት የዲጂታል ዘመን ፖርትፎሊዮ ለማዘጋጀት የግድ ባለሙያ መሆን አይጠበቅብንም። ለምሳሌ፦

➡️በቴክኖሎጂ ዘርፍ ለምትሰሩ GitHub የኮድ ስራችሁን ለማሳየት ወደር የለውም።
➡️ለዲዛይንና ለፈጠራ ስራዎች Behance ወይም Canva በጣም ቀላሉ አማራጮች ናቸው።
➡️ምንም አይነት የቴክኒክ እውቀት ከሌላችሁ ደግሞ የሰራችሁትን ስራ በምስልና በፅሁፍ አደራጅታችሁ ወደ PDF በመቀየር ወይም በ LinkedIn "Featured" ክፍል ላይ በማስቀመጥ መጀመር ትችላላችሁ።

መጀመሪያ አካባቢ "የማሳየው ትልቅ ስራ የለኝም" ብለን ልንሰጋ እንችላለን። ነገር ግን ዋናው ነጥብ የፕሮጀክቱ ትልቅነት ሳይሆን እናንተ የሄዳችሁበት "ሂደት" ነው። በትምህርት ቤት የሰራችሁት ትንሽ ፕሮጀክት ቢሆንም እንኳ፣ ምን አይነት ችግር ለመፍታት እንደሞከራችሁና ምን አይነት መሳርያዎችን እንደተጠቀማችሁ ግልፅ አድርጋችሁ አቅርቡት። ጥራት ከብዛት እንደሚበልጥም አትዘንጉ።

በመጨረሻም፣ ፖርትፎሊዮ አንድ ጊዜ ተዘጋጅቶ የሚያልቅ ሰነድ ሳይሆን ከእርስዎ ጋር አብሮ የሚያድግ ህያው መረጃ ነው። ዛሬውኑ የሰራችሁት ትናንሽ ስራዎች ማደራጀት ጀምሩ፤ ምክንያቱም እድሎች መጥተው ሲያንኳኩ ዝግጁ ሆኖ መገኘት ትልቁ ስኬት ነው።

ይህ መረጃ ጠቃሚ ሆኖ ካገኛችሁት ለሌሎችም እንዲደርስ "Share" ማድረጋችሁን አትርሱ።

#ProfessionalGrowth #Portfolio #CareerTips #Innovation #TechLife #Ethiopia #PersonalBranding #Skills

ኮርስ አልሰራልን አለ ብላችሁ ለጠየቃችሁኝhttps://youtu.be/6s0-aiCiZiA?si=zolB9Ds0wvVg9gYV

በሴፍቲ በኮዲንግ እና በፕሪሲሽን ምርጥ ነው የተባለለት የኤአይ ሞዴል ሀገራችን ላይ መስራት ይጀምራል👇

ለበለጠ YouTube አካውንቴን ተመልከቱ:
https://youtu.be/VLnQ1LDGdIc

AI በስልጠና ሂደት ውስጥ በኢንተርኔት አለሙ ውስጥ ያለውን መጽሐፍት፣ የድረ-ገጽ ጽሁፎች፣ የኮምፒውተር ፕሮግራሚንግ ኮዶች እና የተለያዩ መረጃዎች ወ.ዘ.ተ ያልበላው አለ ለማለት ይቸግረኛል። ፍቃድ ይኑርም አይኑርም That is Pre-training model.

እነ #OpenAI ክስ ከሚቀርብባቸው መካከል አንዱ ያለፈቃድ ዳታ ተጠቅመዋል አይደል! ሌላኛው ከጊዜ ወደ ጊዜ ሞዴሉን እንዴት እንዳሰለጠኑት ግልፅ እያደረጉ አይደለም ይህ ሁሉንም የ AI ሞዴል ይመለከታል !

እነ #DeepSeek ሆነ #Gemini መጽሐፍ ስትሰጣቸው ለምን በደስታ የሚቀበሉ ይመስልሀል የ ኤአይ Ethics የሚባለው ለዚያ ነው። ችግሩ ቢወጣስ ማን ያከብረው ይሆን? ማነውስ ተቆጣጣሪው?

በኤአይ አብዮት ዘመን በማንኛውም ሙያ ውስጥ ውጤታማ ሆኖ ለመቀጠል ቁልፉ የያዙትን እውቀት በቴክኖሎጂ ማገዝ እና ማላመድ (Adaptability) ብቻ ነው ፤ ምክንያቱም ኤአይ የተለመዱና ተደጋጋሚ ስራዎችን ሙሉ በሙሉ ሲረከብ ፣ ሰዋዊ ክህሎት እና ስልታዊ ውሳኔ የሚጠይቁትን ክፍሎች ግን ለባለሙያው (ለእኛ) ይተዋሉ። ስለዚህ እንደ መምህር፣ ሾፌር፣ አካውንታንት፣ የጤና ባለሙያ ወይም ሶፍትዌር ኢንጂነር ወይንም ሌላ ስኬታማ ለመሆን “ኤአይ ስራዬን ይወስደዋል” ከሚል ስጋት ወጥተን ፣ በየሙያ መስካችን ያሉትን አዳዲስ የኤአይ መሳሪያዎች(እድገት) ቀድመን በመላመድ ስራችንን የምናፋጥንበትና ጥራቱን የምንጨምርበት እንደ ዋና ረዳታችን በማድረግ ልንጠቀምበት ይገባል።

ምንም ጥያቄ የለውም አሁን የምናውቀው የስራ ባህል ይቀየራል በአይናችን እያየነውም ነው፡፡ ቴክኖሎጂ ጋር የተላመዱ እና የሚጠቀሙ ወደፊት በመውጣት ቦታውን ይረከባሉ!

በተለዋዋጭው የቴክኖሎጂ ዘመን ተፈላጊ ሆኖ ለመቀጠል ብቸኛው ግልጽ መፍትሄ ትናንት በተማርነው ብቻ ሳንወስን ሁልጊዜ ራሳችንን ለአዳዲስ እውቀቶች ክፍት ማድረግ እና ከዘመኑ ጋር አብሮ መዘመን ነው።

እናንተስ በዚህ ሀሳብ ትስማማላችሁ? ወይስ ተጨማሪ ምክረ ሀሳብ አላችሁ? ሀሳብ ሼር አድርጉን አሰተምሩን የሚታረም ካለም አርሙን ?

#ShareThisPost
በፌስቡክ መረጃዎቼን ለመከታተል 👇👇👇
https://www.facebook.com/share/1ANudUpgYu/

😘የሞባይሌ Adobe Photoshop or Illustrator

ብዙ ጊዜ በሶሻል ሚዲያ ገጾቼ ላይ የምታዩትን የግራፊክስ ስራዎች ተመልክተው ሰዎች፤ 'በምን አይነት ሶፍትዌር ነው የምትሰራው?' ብለው ይጠይቁኛል። እውነታው ግን ለብዙዎች አስገራሚ ሊሆን ይችላል... ይሄን ሁሉ ውበት የምፈጥረው ሁልጊዜ በእጄ ላይ ባለው ስልኬ እና Ibis Paint በተባለው አፕሊኬሽን ብቻ ነው! በጣም ነው የምወዳት የሞባይሌ አዶቤ ፎቶሾፕ ብያታለሁ ስእል (Illustration) ሁሉ መሳል ትችላላችሁ!

ለግራፊክስ ላፕቶፕ የለኝም ብላችሁ አትጨነቁ! አስፈላጊ ከሆነ ስለ አጠቃቀሟ YouTube video እሰራላችኋለሁ ! የግራፊክስ APP ወይም ሶፍትዌር ሞክሮ ለማያቅ ትንሽ ወሰብሰብ ልትል ትችላለች እኔ እራሱ በየቀኑ እየተጠቀምኩበት በቀን የማወቀው አዲስ ቱል አለ!
ለሶሻል ሚዲያ Content creator ብትጠቀሙባት ሀሪፍ ነው ብዬ አስባለሁ!
🔗 Link 👇
https://play.google.com/store/apps/details?id=jp.ne.ibis.ibispaintx.app

🚀 አርቲፊሻል ኢንተለጀንስ (AI) በዓለም ዙሪያ ለምን መነጋገሪያ ሆነ?
ብዙዎቻችን ስለ AI እንሰማለን፤ ግን "ማሽን ለርኒንግ"፣ "ዲፕ ለርኒንግ" እና "ጄኔሬቲቭ AI" ያላቸው ልዩነት ምንድነው? ዛሬ ሁሉንም በአንድ ላይ፣ በቀላሉ እንያቸው!👇

1️⃣ አርቲፊሻል ኢንተለጀንስ (Artificial Intelligence - AI)
አርቲፊሻል ኢንተለጀንስ ማለት ማሽኖች እንደ ሰው ልጅ የማሰብ፣ የመማር እና ውሳኔ የመስጠት ችሎታ እንዲኖራቸው የማድረግ ጠቅላላ ሳይንስ ነው። ይህ ዘርፍ ሁሉንም ንዑስ ክፍሎች በአንድ ላይ በውስጡ የሚይዝ ትልቁ የትምህርት ክፍል ነው።

2️⃣ ማሽን ለርኒንግ (Machine Learning - ML)
ይህ የAI ሞተር ነው። እያንዳንዱን ነገር በኮድ ለኮምፒውተሩ ከመንገረግ ይልቅ፣ ማሽኑ በተሰጠው ከፍተኛ መረጃ (Data) እና ስታቲስቲክስ አማካኝነት ራሱን የሚያስተምርበት ዘርፍ ነው። ዳታ በመገብነው ቁጥር፣ ቅጦችን (Patterns) የመለየት እና ትክክለኛ ግምቶችን የመስጠት አቅሙ እየጨመረ ይሄዳል።

3️⃣ ኒውራል ኔትወርክ (Neural Network)
የሰውን ልጅ የአንጎል የነርቭ ሴሎች (Neurons) አወቃቀር በመምሰል የተሰራ የሂሳብ ሞዴል ነው። መረጃዎችን በተለያዩ ንብርብሮች (Layers) ውስጥ በማሳለፍ ያቀናጃል። ኮምፒውተሮች እንደ ምስል እና ድምፅ ያሉ የተወሳሰቡ መረጃዎችን እንዲረዱ የሚያስችላቸው መሠረታዊ የግንባታ ጡብ ይህ ነው።

4️⃣ ዲፕ ለርኒንግ (Deep Learning - DL)
እጅግ በጣም ብዙ የኒውራል ኔትወርክ ንብርብሮችን በመጠቀም ግዙፍና ያልተዋቀሩ መረጃዎችን የሚተነትን የላቀ የማሽን ለርኒንግ ክፍል ነው። ማሽኑ ያለ ሰው እገዛ እጅግ ረቂቅ የሆኑ ምስሎችን እና ድምፆችን በራሱ ይለያል። ለፊት መለያ (Face ID) እና ለራስ-ነጂ መኪናዎች እምቅ አቅም መሠረቱ ይህ ቴክኖሎጂ ነው።

5️⃣ ጄኔሬቲቭ ኢ.አይ (Generative AI)
ይህ ደግሞ መረጃን ከመተንተን ባለፈ፣ እንደ ሰው ልጅ አዳዲስ ይዘቶችን (Content) የመፍጠር አቅም ያለው የAI ክፍል ነው። ካሉት ነባር መረጃዎች በመነሳት አዳዲስ ፅሁፎችን (እንደ ChatGPT)፣ አስደናቂ ምስሎችን (Midjourney) እና ቪዲዮዎችን በሰከንዶች ውስጥ ማመንጨት ይችላል ።

ይህ መረጃ ከጠቀማችሁ ለሌሎች ሼር አድርጉት!
#AI #MachineLearning #DeepLearning #GenerativeAI #TechInnovation #AmharicTech

📱 ሶሻል ሚዲያ ፍላጎታችንን አውቆ ይዘቶችን የሚያቀርብልን እንዴት ነው? (ከጀርባ ያለው የ-AI ምስጢር!)

ቲክቶክ፣ ዩቲዩብ ወይም ፌስቡክ ላይ ስንገባ የምንወዳቸው ወይም የእኛን ፍላጎት የተከተሉ ቪዲዮዎች ብቻ ለምን ተከታትለው እንደሚመጡልን አስበንበት እናውቃለን? ይሄ በአጋጣሚ የሚሆን ሳይሆን የምክር ሥርዓት (Recommendation System) የሚባለው የ-AI እና የማሽን መማር (Machine Learning) ክፍል የሚሰራው አስደናቂ ስራ ነው።

የሶሻል ሚዲያ አልጎሪዝም (Algorithm) ማለት የትኞቹ ፖስቶች፣ በምን ቅደም ተከተል እና ለማን መታየት እንዳለባቸው የሚወስን የሂሳብ ቀመር (Mathematical Rules) ነው። ሲስተሙ እኛ መተግበሪያውን በከፈትን በሰከንድ ስብርባሪ ውስጥ የሚከተሉትን 3 ዋና ዋና ደረጃዎች ያከናውናል፦

🧠 አልጎሪዝሙ የሚሰራበት ባለ 3-ደረጃ ሂደት
1️⃣ መሰብሰብ እና ማጣራት (Retrieval): ሲስተሙ በመድረኩ ላይ ካሉ በቢሊዮን የሚቆጠሩ ቪዲዮዎች ውስጥ የማይጠቅሙትን ያስወግዳል። እኛ ባለንበት ቦታ፣ በምንጠቀመው ቋንቋ፣ በስልክ አይነት እና በዕድሜ ላይ በመመስረት ፖስቶቹን ወደ ጥቂት ሺዎች ያጠባቸዋል።

2️⃣ ደረጃ መስጠት (Scoring): የማሽን መማር ሞዴሉ የቀሩትን ፖስቶች በመገምገም ለእነሱ የሚሰጠውን ምላሽ ይገምታል። ቪዲዮውን እስከመጨረሻው እናየዋለን? ላይክ፣ ኮሜንት ወይስ ሼር እናደርጋለን? የሚለውን በማስላት ለእያንዳንዱ ፖስት ነጥብ ይሰጣል።

3️⃣ ማቀላቀል እና ማቀራረብ (Diversification): ይህ ደረጃ አሰልቺነትን ይከላከላል። በአንድ አይነት ርዕስ ወይም በአንድ ሰው የተሰሩ ቪዲዮዎችን በተከታታይ እንዳናይ በማድረግ፣ የተለያዩ አዳዲስ ርዕሶችን እና አዝማሚያዎችን (Trends) ቀላቅሎ ያቀርብልናል።

🔍 ፍላጎታችንን ይበልጥ የሚለይባቸው 2 ስልቶች
👥 የሰዎች ስብስብ ትስስር (Collaborative Filtering): ሲስተሙ እኛን ከእኛ ጋር ተመሳሳይ የመመልከት ልምድ ካላቸው ሌሎች ተጠቃሚዎች ጋር ያቧድናል። ለምሳሌ «ሰው ሀ» እና «ሰው ለ» ሁለቱም የእግር ኳስ ቪዲዮ የሚወዱ ቢሆኑ፤ «ሰው ሀ» በድንገት አንድ የቴክኖሎጂ ቪዲዮ አይቶ ቢጨርስ፣ አልጎሪዝሙ ያንን የቴክኖሎጂ ቪዲዮ ለ«ሰው ለ» ወዲያውኑ ይመክራል።

🎬 የይዘት መግለጫ ትንተና (Content-Based Filtering): ትኩረቱ በራሱ በፖስቱ ይዘት ላይ ነው። አርቴፊሻል ኢንተለጀንስ (AI) የቪዲዮውን ምስሎች ያነባል፣ የትርጉም ጽሑፉን (Captions) ያጠናል፣ እንዲሁም ሙዚቃውን ይለያል። ከዚያም ቀደም ሲል ከተከታተልነው ይዘት ጋር የሚመሳሰሉ አዳዲስ ፖስቶችን ያቀርብልናል።

📈 3. ለፊዳችን (Feed) መወሰን ትልቁን ሚና የሚጫወቱ ምልክቶች
⏱️ የማየት ቆይታ (Watch Time) [ከፍተኛው ክብደት]: በአንድ ቪዲዮ ላይ ምን ያህል ሰከንድ ወይም ደቂቃ እንደቆየን የሚጠቁመው ይሄው ምልክት ከአልጎሪዝም ሁሉ በላይ ትልቁን ኃይል ይይዛል። አንድን ቪዲዮ ደጋግመን ካየነው ወይም እስከመጨረሻው ከተከታተልነው፣ አልጎሪዝሙ ለዚያ ዘርፍ ቅድሚያ ይሰጠዋል።

💬 ንቁ ተሳትፎ (Active Engagement): ጽሑፍ መጻፍ (Comment) ወይም ለጓደኛ ማጋራት (Share) ከፍተኛ ፍላጎት እንዳለን ያሳያል። ተራ «ላይክ» (Like) ግን በጣም አነስተኛ ጥረት የሚጠይቅ በመሆኑ ለአልጎሪዝሙ ዝቅተኛ ግምት አለው።

🚫 አሉታዊ ምላሽ (Negative Feedback): ቪዲዮዎችን በፍጥነት ማሳለፍ (Fast scrolling) ወይም «Not Interested» የሚለውን መጫን ይዘቶቹ ከገጻችን ላይ ወዲያውኑ እንዲጠፉ ያደርጋል።

ከወደዳችሁት ሼር አድርጉት⤴️
ተጨማሪ ሀሳብ ወይም ጥያቄ ኮሜንት ላይ አስቀምጡልኝ?
መልካም ምሽት Mohammed Seid
#TechInnovation #ArtificialIntelligence #SocialMediaAlgorithm #MachineLearning

#TechNews
Google ያለ ኮዲንግ Android አፕሊኬሽን መስራት የሚያስችል አዲስ የ-AI ቴክኖሎጂ ይፋ አደረገ
ጎግል ምንም ዓይነት የኮዲንግ እውቀት ሳይኖር፣ በፅሁፍ ትዕዛዝ (Prompt) ብቻ ሙሉ አንድሮይድ አፕሊኬሽኖችን መፍጠር የሚያስችል አዲስ የ-No Code AI አሰራር በይፋ ማስተዋወቁን አስታወቀ።
​ይህ በGoogle AI Studio አማካኝነት የቀረበው አዲስ ቴክኖሎጂ "Vibe Coding" የሚል ስያሜ የተሰጠው ሲሆን፣ ተጠቃሚዎች የሚፈልጉትን የአፕሊኬሽን ሃሳብ በፅሁፍ በመግለጽ ብቻ በጥቂት ደቂቃዎች ውስጥ ሙሉ የኮትሊን (Kotlin) አፕ ማዘጋጀት እንዲችሉ ያደርጋል።
​አዲሱ አሰራር የተሰራውን አፕሊኬሽን በብሮውዘር ላይ በቀጥታ ለመሞከር የሚያስችል ኤሙሌተር (Embedded Emulator) ያካተተ ሲሆን፣ ተጠቃሚዎች የሰሩትን አፕ በ-USB አማካኝነት በቀጥታ ወደ ስልካቸው መጫን ወይም ወደ Google Play ማስተላለፍ እንደሚችሉ ተገልጿል። ይህ ቴክኖሎጂ የአፕሊኬሽን እድገት ፈጠራን ለሁሉም ሰው ተደራሽ ለማድረግ ትልቅ እመርታ መሆኑ ተነግሮለታል።

አፕሊኬሽን በሌሎቹ LLMs እንዴት እናውርድ የሚለው ጥያቄ ይፈታል ማለት ነው! ምክንያቱም የሰራነውን ፕሮጀክት ወደ ተጠቃሚ ለማድረስ የግድ በትንሹም ቢሆን የኮዲንግ እውቀት ግድ ነበር። በዚህ ደግሞ ሁሉንም መጨረስ እንደምንችል ነው የተነገረው።

ስለ አጠቃቀሙ በቀጣይ ቀናት መረጃ የማደርሳቸሁ ይሆናል።

#ShareThisPost

🦾 ቴክኖሎጂውን ተረድተን እንምራው እንጂ እሱ እንዲመራን አንፍቀድ!

🏫 በ AI ዘመን የፕሮግራሚንግ መሰረታዊ እውቀቶች (Foundations) ፋይዳ ምንድነው? መማርስ አስፈላጊ ይሆን?

በአሁኑ ጊዜ የሰው ሰራሽ አስተዋፅኦ (AI) እድገት ፈጣን መሆን ብዙዎችን እያነጋገረ ይገኛል። በተለይም እንደ ChatGPT እና GitHub Copilot ያሉ መሳሪያዎች ውስብስብ ኮዶችን በሰከንዶች ውስጥ መጻፍ መጀመራቸው፣ "በዚህ ዘመን የፕሮግራሚንግ መሰረታዊ እውቀቶችን መማር እና መጻሕፍትን ማንበብ ምን አስፈለገው?" የሚል ጥያቄ በብዙዎች ዘንድ እንዲነሳ አድርጓል። ይሁን እንጂ የዘርፉ ከፍተኛ ምሁራን እና የኮምፒውተር ሳይንስ ተመራማሪዎች የሚነግሩን እውነታ ከዚህ ፍጹም የተለየ ነው። የ AI መምጣት የሰው ልጅን አስፈላጊነት አላጠፋውም፤ ይልቁንም የመማርን አስፈላጊነት ከመቼውም ጊዜ በላይ አግዝፎታል።

የዘርፉ ሊቃውንት እንደሚናገሩት፣ AI የሚያመነጨው ኮድ ሁልጊዜ ፍጹም እና ከስህተት የጸዳ አይደለም ብዙ ጊዜ ትክክል የሚመስል ግን በተግባር የማይሰራ ወይም ከፍተኛ የደህንነት ጉድለት ያለበት ኮድ (Code Hallucination) ሊያቀርብ ይችላል ፣ ይህንን ስህተት ለይቶ ለማረም ፣ ኮዱን ለመፈተሽ እና አስተማማኝነቱን ለማረጋገጥ ደግሞ ጠንካራ መሰረታዊ እውቀት ያለው የሰው ኃይል የግድ ያስፈልጋል። መሰረቱን ያልተማረ ሰው AI የሰጠውን ስህተት መለየት ስለማይችል የቴክኖሎጂው ምርኮኛ ለመሆን ይገደዳል።

በተጨማሪም የሶፍትዌር መሃንዲስነት (Software Engineering) ዋና ተግባር ኮድ መጻፍ ብቻ ሳይሆን ውስብስብ የሆኑ ችግሮችን መተንተን (problem solving) እና ትልልቅ ሲስተሞችን መቀየስ (System Architecture) ነው ፣ AI በአሁኑ ጊዜ የሚተካው መስመራዊ የኮድ አጻጻፍ ስልቶችን (Syntax) ብቻ ነው። አንድን AI ውጤታማ በሆነ መንገድ ለማዘዝ (Prompting) እንኳን ትዕዛዝ ሰጪው ሰው የኮምፒውተር ሳይንስ ህጎችን፣ የአልጎሪዝም አስተሳሰብን እና የዳታ ስትራክቸር መርሆዎችን ጠንቅቆ ማወቅ ይኖርበታል።

AIን በጥራት ለመምራት መጀመሪያ እራስን በዕውቀት ማነጽ ያስፈልጋል።
በጥቅሉ ሲታይ፣ የ AI መምጣት እኛን ከድካም እና ከተደጋጋሚ እና አሰልቺ ስራ ያድነናል እንጂ ከማሰብ እና ከፈጠራ አያግደንም። የዘርፉ መሪዎች እንደሚሉት "AI ፕሮግራመሮችን ሙሉ በሙሉ አያጠፋም፤ ነገር ግን AIን በአግባቡ ተጠቅመው ስራቸውን የሚያቀላጥፉ ባለሙያዎች፣ የቴክኖሎጂውን ፍልስፍና ሳይረዱ በባህላዊ መንገድ ብቻ የሚጓዙትን መተካታቸው አይቀሬ ነው"። ስለዚህ አሁንም መሰረታዊ መጻሕፍትን ማንበብ፣ ፅንሰ-ሀሳቦችን መረዳት እና ጠንካራ መሰረት መጣል የነገው የስኬታችን ብቸኛ ዋስትና ነው። ቴክኖሎጂውን ተረድተን እንምራው እንጂ እሱ እንዲመራን አንፍቀድ!

መልካም ቀን 😍

የእናንተን ሀሳብ ኮሜንት ላይ ሼር አድርጉን ፣ ምን ትላላቸሁ AI Code ከፃፈ መማር አስፈላጊ ነው? ፣ ሀሳቤን በመረጃ የመደገፍ እና የመንቀፍ ሙሉ መብት አላችሁ!
#TechPerspectives #ProgrammingFoundations #SoftwareEngineering #ContinuousLearning #EthiopiaInTech

“ቫይብ ኮዲንግ” (Vibe Coding)🔥💻
​ዛሬ ዛሬ አርቴፊሻል ኢንተለጀንስ (AI) ሁሉንም ነገር ያቃልላል እየተባለ ይነገራል። ነገር ግን AI ከምንም በላይ ጎልቶ የወጣው እሱን በራሱን በሰራው ነገር ላይ ነው—ያ ደግሞ ኮዲንግ (Coding) ነው። በአንድ ወቅት ከፍተኛ የቴክኒክ ክህሎት እና የዓመታት ትምህርት የሚጠይቀው የኮምፒውተር ፕሮግራም መጻፍ፣ ዛሬ ላይ ተራ የሰውኛ ቋንቋን በመጠቀም ብቻ ማንኛውም ሰው ሊደርስበት የሚችል ቀላል ነገር ሆኗል። ይህ አዲስ ክስተት በቴክኖሎጂው ዓለም “ቫይብ ኮዲንግ” (Vibe Coding) የሚል ስም ተሰጥቶታል።
​
ቫይብ ኮዲንግ ምንድን ነው?
ይህ ቃል ለመጀመሪያ ጊዜ ይፋ የሆነው የOpenAI መስራች በነበረው አንድሬ ካርፓቲ (Andre Karpathy) ሲሆን፣ ትርጉሙም የኮዲንግ ህጎችን እና ሲንታክስን (Syntax) ሳያውቁ፣ ልክ ከሰው ጋር እንደምናወራው በተራ እንግሊዝኛ ለAI በመንገር ብቻ ሙሉ የሶፍትዌር መተግበሪያዎችን የመስራት ሂደት ነው። በአሁኑ ሰዓት በርካታ የፈጠራ ሃሳብ ያላቸው ነገር ግን የኮዲንግ እውቀት የሌላቸው ሰዎች (Non-technical creators) የራሳቸውን የሞባይል አፕሊኬሽኖች እየሰሩ ወደ App Store እና Play Store እያወጡ ይገኛሉ። የንግድ ድርጅቶችም ያለምንም የሶፍትዌር ቡድን ድጋፍ በAI አማካኝነት የራሳቸውን ሲስተም በጥቂት ቀናት ውስጥ እየገነቡ ነው።
​
ታዲያ የሶፍትዌር መሃንዲሶች (Software Engineers) እጣ ፈንታ ምን ሊሆን ነው?
ብዙዎች AI መሃንዲሶችን ሙሉ በሙሉ ይተካቸዋል ብለው ቢሰጉም፣ የዘርፉ ምሁራን እና የGoogle Cloud AI መሪዎች ግን የሚሉት ሌላ ነው። AI የሶፍትዌር መሃንዲሶችን አያጠፋቸውም፤ ይልቁንም ሚናቸውን ከኮድ ጸሃፊነት (Coder) ወደ ውጤት መሪነት (Manager) ይቀይረዋል። በአሁኑ ጊዜ በጎግል ውስጥ ያሉ ዋና ዋና መሃንዲሶች ስራቸውን የሚያሳልጡት የ AI ወኪሎችን (Virtual Agents) በማዘዝ እና በማስተዳደር ነው። የአንድ መሃንዲስ ዋና ዋጋ ኮድ መተየብ ሳይሆን የሲስተሙን ጥራት መጠበቅ፣ ደህንነቱን ማረጋገጥ እና በሚሊዮን ለሚቆጠሩ ተጠቃሚዎች የሚሆን ጠንካራ መዋቅር (Architecture) መገንባት ላይ ይሆናል።

ስለ Vibe Coding ምን ሀሳብ አላችሁ? እድል ወይስ ስጋት ? Vibe Coding በመጠቀም ምን ችግር ፈታችሁ ?

ሀሳባችሁን ሼር አድርጉን 👇
https://t.me/ethio_codersofficial

Artificial Intelligence: A Modern Approach (AIMA) - የአለም አቀፍ እውቅና

ለቴክኖሎጂ አፍቃሪዎች እና ለኮምፒውተር ሳይንስ ተማሪዎች፣ በዘርፉ ቁንጮ የሆነው መጽሐፍ "Artificial Intelligence: A Modern Approach" (AIMA) መሆኑ ይታወቃል። ይህ መጽሐፍ በአለም ዙሪያ በሚገኙ 1,556 ዩኒቨርሲቲዎች በመማሪያ መጽሐፍነት ጥቅም ላይ ይውላል።➡️Artificial Intelligence: A Modern Approach, 4th Global ed.

መጽሀፉን አውርዶ ለማንበብ ይህን ተጠቀሙ፡ books/Artificial-Intelligence-A-Modern-Approach-4th.pdf at main · sxcong/books