هاذه الحن المطلوب وانه بخدمتكم

الشاعر الحسيني ظاهر حبيب الهليجي

الليله كلها بنايحه
والمدامع سافحه
الها تقره الفاتحه
فاطمه أم البنين
*
الليله أم عباس وافتها المنيه
انتقلت الربها ومدامعها جريه
من نعشها ينسمع ونها الوفيه
عله الضامي ونذبح بالغاضريه
الماتت بعبراتها
عل وجن دمعاتها
للسبط حسراتها
فاطمه أم البنين
*
عله أوداع الطاهره مخنوگه الانفاس
الطاهره الحره الابيه طيبت الساس
الما مثلها ينوجد مابين هل الناس
وبل النسه وين المثلها امخلفه عباس
شگد أليم امصابها
محد أمن احبابها
يهيل بيده اترابها
فاطمه أم البنين
*
حته الطير البسمه عاش المصيبه
ينوح الها جن محب فارگ حبيبه
الفاطمه أم البنين الكلها طيبه
الماتت بديرتها لاكنها غريبه
من بعد وليانها
والحزن صيوانها
والاسى عنوانها
فاطمه أم البنين
*
رحلت ام گلب الحنين اوبيها حسره
الجانت اتخلصه النهار بدمعه حمره
عله السحگت خيل أميه فوك صدره
وظل عله التربان عاري ويدمي نحره
ذكره عاشت بيها
اتذوب من طاريها
كربله اوماضيها
فاطمه أم البنين
*
الشاركت زينب حزنها بذاك المصاب
اتموت محد من ولدها أيهيل التراب
عينها ظلت تباري الدرب الاحباب
الفارگوها وما اجوا بديار الاجناب
الليله فاظت روحها
من سگمها ونوحها
لسه تدي جروحها
فاطمه أم البنين

عباس معيدي الكريطي بصوت حسين عدنان الكوبعي

غيمة وفه وتمطر حنين أحوال هاي ام البنين
شمس الله الساطعه لليحبهه شافعه
أحوال هاي ام البنين
++++++++++++++++++++++++++

قصيدة  (  استشهاد  السيدة  ام البنين عليها السلام )

(  ذكرياتي  ) . 1445. هج.


  مرات  الدمع هم  يجبر الخاطر

  بس شيفيد اذا هو الضوه مسافر

         ضعت مابين حسبات

        اكولن  عدل  لو  مات؟  

                  ذكرياتي

----------------------------

إقنع  روحي  بالصدفه

واكول حسين  جا وينه""  يجيني

شوكت يايوم  نتلاكه

حته  الدمعه  تحجيله ""  حنيني




   اني ام البنين  وهاي  سالفتي

   هيه الذكريات  الزادت بعلتي

          كلسا   تمر   لجمات

         اكولن  عدل لو مات؟

                   ذكرياتي

----------------------------

جم  باجر  يمر  بيه

نار  الفركه  تِحركني  ""  جروحي

عطش بشفافي  حَسيته

اخاف الروح  عطشانه  "" يروحي




    لو   زمزم   بِديه  اني  ياعيني

   عكب  الغالي  والله ما يِرَوِيني!

           كلها  ابالي  صدمات      

          اكولن  عدل لو مات ؟ 

                  ذكرياتي

----------------------------

كلما  أقره  بالمصحف

سورة  ( والفجر ) تطلع ""  اويلاه

تفسير  الذبح  هذا

وليال العشرِ  بالعاشر ""  حُسيناه




صحت لا سامح الله هيج ماصاير

لا بالخيل  صدره رافسه الحافر

            دم  تنزف  الآيات

          اكولن  عدل لو مات ؟

                  ذكرياتي

----------------------------

رمح  وبكلبي صوبني

سورة امن  الكهف  أقره ""  بالأونين

صحت ياربي ادخيلك

خافن عالرمح راسه ""  الِحسين




  اذا بالطف قراها  منحر العطشان

   يعني  عالرمح  و يرتل  القرآن

           يارب   السماوات

        اكولن  عدل لو مات ؟

                  ذكرياتي

----------------------------

هو  الينتظر  غايب

يِخلص عمره بس دمعه ""  جراحات

واني حسين  موتني

اخير  انفاسي احجيها  ""  يدمعات




     جانت  امنياتي  وآخر  أيامي

     يحضر  موتتي ويشيّع الآمي

           وِبعيده  المسافات

          اكولن  عدل  لو مات ؟

                  ذكرياتي

----------------------------

الخادم _ ابو فدك الشامي ✍https://t.me/ahh_md92

بهيده يل شايل نعشها ام البنين
تريد تحضرها ولدها ويه الحسين
╌────═❁═────
╌────═❁═────╌
جروح بيها الروح ياجرح التروف
تحتضر وعيونها اعله أرض الطفوف
واحد من اولادها رادت تشوف
وبيده لو حان الاجل يغمض العين

╌────═❁═────╌
مناطره الغياب گضت هالعمر
والحزن يعگوب عدت والصبر
لا حضرها حسين لا جاها الگمر
الگلب بيش تصبره فاگد حنين

╌────═❁═────╌
يامره الضحت مثلها يامره
باربع اولاد وتكول امقصره
وخلصت ليل ونهار مناطره
وبدموع واااه گضتها السنين

╌────═❁═────╌
جعفر وعثمان لا عون الرجع
يشل نعش الحره ماواحد فزع
ولا حضرها بيمنته الخيبر قلع
والدفن سلمان امير المؤمنين

╌────═❁═────╌
لون طارش يگصد الطف بعجل
أو يذب خاجيته يم گبر الكفل
أو يگله الموت يم امك وصل
ولينزل امه الحد ليث العرين
╌────═❁═────╌

✍نور الولايه الفاطميه

عـمود بهام راسي من سهامك
أحس طعـنات بيه من سهامك
يعيـش وياي همك من سهامك
يخويه ألصار بيك يصير بيه
..........
عليك الروح حنت من يودها
إلك زينـب يخوها من يودها
بديها حـبال شـدو من يودها
الم ومصاب شافت والأذية
.........
الحزن زينب نفسها من وداها
وصفت بهموم تلها من وداها
الشمر بعـدك يكافل من وداها
الدواوين الزلم دخلت سبيه
..........
مثل طبرة علي روحي شجاها
دواويـن الحـزن كـلبي شجاها
عـلينه الـناس تتـفـرج شجاها
ويسمـوني يخـويه الخارجية
...........
كـوم من القهـر شفته بعدكم
احبابي والـزمن عـني بعدكم
ابـد ما غبتو عن بالي بعدكم
بالي الغاب وانتو السه بيه
........
الحـزن نيران إلي بكـلبي شجرها
حطبها ضلوعي صار لها شجرها
من اجر بأنفاسي ما اكدر شجرها
أشـم دخـان مـن خـيـمة رقـية
..........
بعد روحي يروحك من تروحي
أروحن وين بعـدك من تروحي
تروح وياج روحي من تروحي
فـداج الروح لـو رحـتي سبيه
.......
نشف ريج الزلم من طب كًلبها
الشريعة بجفه أبو فاضل كًلبها
سكينه من العطش يسعر كًلبها
تنادي أرجوك عمي الحك عليه
..........
عيوني من الدمع صبت وشلها
وشاني الـدهر لهمومي وشلها
أضمد جـروحي بشوفك وشلها
لان شوفـك يطيب جروح بيه
............
الـعرش صله أبأبيها أم أبيها
انكـسر ضلع الـزجيه أم أبيها
شكـثر بيها مـصـايب أم أبيها
جـرح بـسـمـار راواهـا ألمنيه
...........
صبر ما ضل بعـد بيه وجرآه
أريد اكعـد عـلى بـابك وجرآه
لهـب نـيران البكـلبي وجر آه
شرار يطير من عندي عليه
.........
الليـالي جـروح دلالي فلنها
صرت بعـدك فـلا أمر فلنها
أختـك بالغـرب تاهت فلنها
أميرة وضلت خلافك سبيه
...........
سهم جودك كطع بينه وعينك
يخويه من الخيم أنضر وعينك
وأريد جـفـوفي اوديـلك وعينك
وبدل عينـك اخذ عـيني هديه
.....
هـاي أم ألـوفه الطـاهر لبنها
المصايب بالحزن لمن لبنها
ضحـت بـالـولـد كـلهـم لبنها
حسين وفركته تصعب عليه
........
وجودي ينعـدم لـوما وجودك
يعباس العـمر لجـلك وجودك
غيرة تظل بطن جفك وجودك
منو ألبعـده يطـفي النار بيه
.......
الحزن مني اخذ حـزنه وشمرا
عـدوي شلون يحديني وشمرا
تلف باقي العمر بعـدك وشمرا
شمرت الروح يم جفك هديه
..........
هـدم حيلي فـكـد ولدي وانه بناي
الحزن خيم على كلبي وانه بناي
العـمر فـدوه إلك يبـني وانه بناي
نـذر كـلهم فـده لبن الزجـيه
..........
الشاعر
إياد الفرح التميمي

لحن اهوازي

سجليني يا زهراء

كون بدفتر الخدام يم حسين سجليني
خادم كون حد الموت وبالخدمه تقبليني
من الشيطان والارجاس بسم حسين حصنيني
خاف يزلن الأقدام يالزهره وتعوفيني
سجليني يا زهراء
****
اتكول ليخدم ابخلاص يصبح للبشر غدوه
بغير حسين وأهل البيت والله الدنيا ما تسوه
لو كبريت واسمك صار تدري الكبرك هوه
جفوف حسين الك ميزان بالك منهه لاتهوه
سجليني يا زهراء
****
بين الناس متباهين لحسين احنه مولانه
كون اخلاق موش الثوب موش اتميزه الوانه
الخادم كون بين الناس طيب الينكط السانه
واحذر حيل لو ظحكيت لن الزهره ويانه
سجليني يا زهراء
****
هذا الصيت يامحلاه الزهره السمتك خادم
لأجل حسين خادم صار والاجله اتجلك الوادم
اشكر نعمتك ودوم ها بالك ترد نادم
اشكد ايصير عمرك عاد ها يوم الحشر قادم
سجليني يا زهراء
*
ربك وفقك ونطاك ربعك سمتك مله
هذا الصيت من حسين بالك عنه تتخله
شمعه اتصير بين الناس بيك اتبين الخله
عليك امصلطه الأنظار وناس ادور الزله
سجليني يا زهراء
***
موش اثياب اتميزك لا لازم يختلف طبعك
تره الخدام ربع حسين وانت اتميز ابربعك
ليل نهار لأجل حسين لازم ينذرف دمعك
لغير الله وحب حسين بالك يدخل لسمعك
سجليني يا زهراء
**

للخادم العتره الطاهره الشاعر ابو عباس

ها يا الشمر وين    يم نحر الحسين
وينك يسبع الگنطرة
ــــــــــــــــــ
وينك يخويه والشمر يــــم نحر ابــــو اليمه
تقبل يسبع الگنطرة وجــــــه السمه ايلجمه
اني أدري اذا جفك زعل حتى الهوى ايثلمه
والكون اذا سيفــــــك غـضب يطشـر بجلمه
حان الزعل حان   طك للعدة السان
وينك يسبع الگنطرة
ـــــــــــــــــــ
يـــــــا خوية شحت والزلم يم راسة مجمعة
والشمر علــى صدر الولي وما واحد يمنعة
فزعولـي ودموعي صفت منهم ردت فزعة
بهل الدنية مـــــا ظل الوفي اليتحشم بدمعة
وراح أصفك براح   وجه السمه الاح
وينك يسبع الگنطرة
ـــــــــــــــــــ



صلفه الزلم يـــا ابا الفضل وعيونهم وكحه
سل سيفك وطـــر العدة خلي الشمر يصحه
عباس يـــــا راعي الوفـه يـــازادنه وملحه
مـــــا ترضه راس ابن الولي يتعلك برمحه
ما تقبل بهاي   يا سلوة أحشاي
وينك يسبع الگنطرة
ـــــــــــــــــــــــــ
عين الـخـيـام اعلـــــــه الشمر واتمعن الحاله
مــــــــــــاريد راســـه ينگطع واتشاهد اطفاله
يا ضوء عيوني ويـــــــا گمر يل هيبتي بجاله
انهض ولــــــو لحظه وعلي مــــا تبقه خياله
فنه التحداك   لو رفرف الواك
وينك يسبع الگنطرة
ــــــــــــــــــ
انخاك يبن أمــــــــــي بعد لـــــو حانت الفركه
وجفوفـــــــــك الحلوة يخي يتحملــــــــن ملكه
طاح ابو اليمه اعله الترب خيل العدة اتسحكه
من الخجل مو بس الارض حتى السمه مدنكه
من جور الايام   دم تبجي الخيام
وينك يسبع الگنطرة
ـــــــــــــــــ
للخادم
ابو محمد الموالي
ونسالكم الدعاء