خلف_الشناشيل_حكاية٧١
من بارتات غريب الدار...
بقلمي.....

صار عندي خطأ بالسرد مدري وين ضاع بارت جبير اتعاجز اراجعة غلسوا عود كون ما تتخربطون
ــــــــــــــ
تلفتت محد جان اجرها بحضنة قوية عصرتها بلهفة واني اشم بيها
ـ اااااخ يا بعد الشهور و برودة الروح بلياج ااااخ يا شوكي الج... لج حتى شيب راسي يشتاك لمسة صابيعج
رادت توخر جريتها اكثر وتلاصقت اجسامنا
واني اتنفسها بحنين لذيج ايامنا..

رفعت راسها الي و هي تهمس..

ـ استغفر الله.

رمشت بعيونها وفركتهن وهي بين ايدي بس احس نظراتها بعيدة..

ـ شبيج حبيبة النوب تستغفرين بدل ما ترحبين بيه هسة زعلانه علي على الاقل رحبي ضيفكم اني.

رجعت تحجي وهي تركز بوجهي

ـ اعوذ بالله من الشيطان الرجيم على وسوسة الي بداخلي....

ضجت وخرت وكفت بعيد.. وكلت
ـ تعوذتي من شياطينج مو مني.

درت وجهي عنها وصلت بيها هيج تستقبلني..
وظليت انتظر هاشم.. الي ترخص مدري وين ولى.
مررت اصابيعي بين تمويجات شعري الي خالطها الشيب بنثر.. هنا وهناك. وزادها لماع بلون بين الاشيب و فاتح اللون كلون شعري الاصلي.

عائشة..

رغم وخرت الشك من داخلي بس بقيت ما مرتاحة.

و بيوم كلت الهاشم..

ـ هاشم مرة اكول اطلك منه مرة ما ينطيني كلبي. شكد جرحني واذاني بس كون اكص كلبي. اليدك بس اله.

ـ عيل اش تبين ينبض هذا الگلب لغير خياله. الله يهداج عاد لا تجفصين وتتحجين جذي حين اجمعكم واسمع اش مشكلتكم ...

رجعت باوعتلة وكتلة
ـ بلة زين شعرك.. و بتسريحة لورى..

ضحك..

ـ ايواااه بدينا.. اش بلاك مع شعري
عاجبني كذا...

ـ بس احلقه ابني... اريد اشوفك...
بدون هاي كناكيرك...

جنه ضاج ورد من ورى خشمه.

ـ ايواااه ايش الملحة هذي اتركيني وال يسلم راسك..

رديت بضوجة
ـ براحتك.. اكول هاشم خاف احجي وتزعل.
ـ مافي زعل اش تودي تتحجي اسمع ليك.

ـ ابني... شلون افتح الموضوع. بس ما اذكر اكو خدامة عد امك وديعة حامل او.. بيها اوصافك شو وحدة جبيرة و كلش داكن لونها...

ووحدة متزوجة و زوجها جان حارس بقصر شيخ بوحمد بالعراق

رد بسرعة وهو معصب يرجف وهو موسع عينة و يخزرني..

النظرة النظرة يا الله شنو هذا الوسواس سنين ما اوسوس اكيد تخبلت...

رغم العين مايلة للاخضر بس الرسمة.. و النظرة الحادة...

مسحت كصتي.. وهو يصيح بوجهي اول مرة يعصب علي هيج...

ـ ليه تفتحي موضوع بالنسبة لي ابي انساه. ليه تعصبيني منك
اسمعي يا خالتي مافيني اسمع الحزة لهذا الموضوع...

طيب انت مانك عارفة بسببه دجلة تركتني ايواااه لا تنظري لي جذي...

عيرتني باصلي ... جرحتني هضمتني هني كرهتني بجنسكم.
انتم جنس قاسي وكاد انت الي جارحة السيد عشان جذي ما تبين تشوفيه.. ولا تواجهيه تهربي من نفسك هني كبل لا تهربي منه.

انت مثل دجلة مافيك بس تجرحونا احنا الريايل.. ابرياء من سموم تحجيكم..
الحين من صجج تبين تسألي مين ممكن تكون امي.

جان انفجاره قاسي يرفع بيديه مرة لشعره مرة يضرب على قلبه ويكول هني مجروح لا تشوفيني اتضحك..واتگشمر...

ظليت انحب قسوته...

ـ هاشم اسفة وعد ما احجي بالموضوع بس ردت اساعدك امك الجابتك.. يمكن مو خدامة. يعني ملامحك و ماكو خدامة تشبهك عد وديعة... اعذرني هم فاتتني يجوز تشبه ابوك عموما الله يسامحهم.

هنا ضرب الطاولة الي بصفي جلاق طارت فيت هدف برابع باية الدرج لهناك طيرها و تكسرت..

ـ للحين تاخذي وتعطي بالموضوع هذا تحجيت معك اتركيه فاهمة لا تطهكيني من روحي اش اعمل وتتركي سيرة نسبي تبين اروح السعودية و تخلصي مني

خلا وطلع ركضت وراه شفتة راح لاسطبلاته شوي شفتة طربك بعيد بحصانة ومن طريقة قيادتة الفرس معصب...

ـ استغفر الله يا رب شحجيت..
هسة شعلي بس مدري ..

ما اتوب. اااخ يكلبي بس والله شلون ما دققت بوديعة..

منيلها خدامة حامل ماكو ولا اذكر..

مين جابت هاشم.. اهووو هسة شعلي شو هم ما اتوب جني نزل يدبج على السطح الولد سندني وما مقصر وحي الله مرضعته.

المن اخسره اسكت انجب..

وبعد ما اجة السيد اول ما دخلوا ثنينهم من الباب. هنا هم ركزت بس
شحجي دخت بالموضوع

ومن حضني رفعت عيوني اركز بملامحة وهمست استغفر الله.

لان بعد هاي السنين بديت ادقق باي واحد..
حتى من يجي نشأت ادقق خاف هم ابن نشأت و منطيه لوديعة ومسكتها..

مثل السواه بيه...

دخت كلش،اشوف بيه شبه لنشأت نشعة وهسة السيد عكدة الحاجب

النظرة الحادة و الابتسامة اكو شي مألوف

تعوذت من الشيطان و السيد زعل بس بالي مو يمة بالي اني تخبلت.

مثل غمامة سنين على عيوني هسة كمت اتخبل اشبه هاشم باي واحد عرف...

اشوفة وادقق..

السيد ما قبل الخدم يدلوه غرفتة النوب ضاج من الخدامة كلش...

ـ يا بنتي روحي اني عاتب عليج
شنو ماكوا مرة تدليني منامي وين.

هو ناقصني بس هذا. شوفي عائشة
سوالف نسوان غريبة هتا ما تلوكلي تصرفوهن لو شلون عود من اروح براحتكم..

اضطريت احاجي الخدامتين ياخذن اجازة لمن نتصل بيهن..

ـ عبد الله على كيفك.. هاشم تربى بمكان ك

لة هيج..

امه وديعة وهم اهلة بالكويت. شتريد منه بكيفه بيته وبكيفة..

ـ شفتي لبس هاي
عائشة خو ما امشي واظل مدنك واستغفر اريد ارتاح كم يوم يمكم..
لذا اي نسوان طلعوهن..

ـ و الله يا عبد ششفت منها شو مدنك بس حسيت اكو خدامات..

ـ هو الناقص تردين اباوعلهن.

ـ امشي ارتاح.. اكيد جيتك لهاشم هم ابنك بالرضاعة ما امنعك..

ـ ايــــــــــــــه لو تدرون بالحال.. من وراكم الليل ما نام شسوي...

مشيت واني اصعد الدرج ااشرله

يجي وراي...

بالممر نمشي و جن عاملة تنظيف طلعت وهي بيدها لبنى. ما انتبهت دعمت بالسيد بسرعة جريته حيل...

و خزرت المرة الي ارتبكت.

ـ انت مجازة الى ان نتصل بيكم.

خلت وراحت وهي معتذرة والسيد كلش توتر.. النوب شلون جريتة حيل...

ـ ترى كطعتي دكم القميص شبيج... متوحشة...وهاي التبجي بت هاشم

باوعتله بخزرة و ما جاوبت

و اجت عيني بالوحمة هم يسرى توصللها غير احركهم حرك.

اشرتله
ـ هاي الك..

ـ ما لايكلج تأمرين وتنهين..؟ توليتي الخدم كدامي عود شوفني خلي كدرتج على اخوج الحقير مو على الناس البسيطة.. كرهت اسلوبج

بغيرة كتلة..

ـ لازم عجبك شلون دعمت بيك.

رد بخزرة
ـ اياا..
وسكت
دخل الغرفة وصاح..

ـ تعاي ادي واجبج كزوجتي ولو خلال وجودي ورتبي ملابسي بالكنتور..

ـ شعجب الخدامة ما رتبتهن..

ـ هذا الناقص.. عايشة كفي شري..

ـ جاي بزيارة لهاشم لو تعاركني..؟

احتدينا..مو عايشة قبل تغيرت.. كتلة
ـ صدك شذكرك بية.. خاف مرتك معاركها وجاي على القديمة ام كلب جبير

رد وهو يغيضني

ـ انت ام كلب جبير..الله لا يكولها كلبج جبير وهيج مبهذلتني لو كلبج زغير شلون...(صغير)

رفعت عيني بعينه..

ـ عبد الله لشنو اجيت حتى هم تحجي وياي بتكبر.. لو تهيني..

هنا طلع باكيت جكاير.. و شعل جكارة

وبين مرتبك...

ما تحملت شكد يدخن يا الله..

جريت منه الجكارة و ذبيتها ودعستها

ـ كافي انت ما تخاف على روحك..

تلاكت عيونه وهو بعتاب يباوعلي ويكلي.

ـ وانت.. تخافين علؤ لا اتمرض؟

سكتنا بس العيون سواجي تتشابك نظراتها وتحجي..

دخلت واني افتح جنطتة اول ما طالعتني مفكرة.. شلتها خليتها على الكبت.. يم الجرباية

بس همس...

ـ هاي الج.. سنين عشكي هنا.. كل ما طيفج يجيني..
فتحتها... يكتب مذكراته بس مو يومية من التواريخ مبين كل ما يضوج او كل تاريخ مهم..

ـ اول ما كتبت واني عمري خمس طعش.. عد بيت خالي. بس كتبت الم واحساس سنين طفولتي.

هذا عبد الله بين ايديج..

رجع طلع بعد ثلاث دفاتر..

رفع واحد منهن..

ـ هذا بالسجن.. كل يوم يمر اموت بيه..

ظل يرفعلي دفتر دفتر وهو يتحسر..

صفن بدفتر ملون و مبين مال مدرسة و ابتسم..

ـ حياة اليمة.. طفولة ضايعة من ماتت امي.

عبد الله..

جنت محتاج انو تقرا هاي الامور الي شكد جانت تلح علي شكتب وليش اقفل عليهن..
من تفوت هاي بفترات الي تتواجد..

رفعت دفتري.. هذا امي اشترتة الي عود للمدرسة.. بس ما كتبت بيه.

دروسي..
كتبت بيه اجمل طفولة لحد سنة 1948...
بداية صراعي وي الحياة..

اباوع الاوراق الخشنة وغليضة صفرة اوراق اخذ،منها الزمن.

اكلب بيه..

رفعته لوجه عائشة..

ـ هنا... تشوفين دموعي هنا..

اذكر يومها ارجف وطعم رماد امي لسة بحلكي...
قريت بيوم شكتبت
»يمة كلها تكول رحتي للنار و منتحرة يمة انة ادري بيج كل الي ردتيه بس تعشينا لو ادري ما عايفج و ادري بيج تنسين جا ما احتركتي..»

شوفي ما احب اكتب تفاصيل هاي هيج كلما اضوج..

كل ما اعيد اقرا هذي الاسطر.. اني ارجع احس بريحة الدخان وطعم الرماد..

ذرات امي الي دخلت ريتي.

ما استعطفج..

بس هاي حياتي الامور الي بداخلي.

ما عندي وسيلة اكثر من هيج حتى تفهميني لان تعبتيني..

خليت الدفاتر على الكبت.

ـ الشخص الوحيد الي سمحتلة بيهن انت...

هنا بهاي تخصج..

اقري هاي وتعرفين شكد احبج حتى من تأذيني.

غمضت عيني وكملت.
ـ و حتى من ااذيج الانسان ما معصوم..
واني اعرف عصبي. يمكن شوي مندفع.. بس احبج..

وثقي زواجي من يسرى رضخت بس لان قطعت الأمل ما ترجعين وانت حجيتيها الي...

حسيت بيها محتارة...

ـ عبد الله توني استقريت ورى علاج نفسي حبك دمار لا ترجعني اله.

جريتها رافض رفضها الي.

حاولت تبتعد تدفع بيه اخذتها حجزتها بيني وبين الحايط وطخيت جسمها.

بجسمي..

نزعتها حجابها.. الي التزمت بيه بسبب وجود عمال رجال..

همست..
ـ حتى الموظفين صرفوهم هذا كنكورة محسسني مو بيت شركة شسالفتة اذا كلش عاملة تنظف وتروح...

حجت وهي بين ايدي تدنك تريد تفلت من جوة ايدي الي ساندها الحايط وهي محصورة بيني وبين الحايط..

ـ هو دوامهم للتسعة بالليل الكادر اليوم وصل اجرهم عندة شغل بديكور البيت..

ـ و هل شغل وي جيتي خل من اروح عود يجون بس ها ذمة بركبتج ما تفترين وذول بالبيت..

رفعت وجهها و تدنيت ابوسها رادت توخر..

ما خليتها..

ـ بس شوي لا تصيرين عاد كلش.

ـ عبد الله انت مو مراهق استحي احنا بينا مشكلة شو بكيفك تحضن تبوس

.

بوزت و ضميت ضوجتي من ردها وكتلها..

ـ والله يا حبيبة منو اتصل بينا بالليل و يتحارش..

اذكرج فاضل شاهد انت خابرتي انطيتيني ضوة اخضر صرتي زينة ترى ما عايفج...

بس ردتج ترتاحين وشكد مارست صبر وقهر و حنين وشوك من ورى فراقج....

وسعت عيونها

ـ من عقلك بعدك تذبها براسي ليش تكابر شصار عليك لو تكلي جايج ما اكدر بدونج..

ـ ليش اني ما كتلج؟.. بس انت مدري شلونج... ما افهمج اوقات شتردين...

حضنتها اكثر.. و اني بلهفة ابوسها

اول رادت توخر بس منطيتها مجال لمن بين ايدي حسيتها رخت
وخرت وابتسمت.

عاشقتني وتكابر والا شلون بسرعة داخت بين ايدي

جريتها للجرباية

شفت بعيونها دموع...

مسحتها..

ـ ما اتقرب الا من ترضين وبرغبتج..

عايشة بس تعبانلج واريد بس حضن لا اكثر

جريتها بحضني وتمددت مغمض عيني.. واني منعس وتعبان ولسة احس صوت ضجيج السفر البري بأذني..

عائشة...
محبوسة بين ايديه لا وفوكها حاوط جسمي برجليه.

واني وجهي مدفون بصدره..

رفعت راسي فوك لوجهة..

شفته نايم.. مبين تعبان...

بس عجبني موقفة احترم ارادتي وما تقرب..
ولو مكلبجني بيديه ورجليه جسمي الصغير عصفور يم ضخامته و طولة رغم هو مو سمين...

لانه كل اكله صحي ميحب اكل دهون او ياكل هواي..

اريد اكوم جدري مهدرتة..

جاي اتحرك ما اكدر باوعت للوحمة من الدكمة الي مكطوعة

بطراف صبعي احاوطها ارسمها بخيالي ولو ميحتاج.

على كيف لا يكعد طبعت شفتي عليها وتنفستها الله مشتاقة لوحمتي وهاي شاركتني بيها.

رجعت وخرت ايدة عني اليسرى و كدرت اوخر من بين رجليه

لزمت جف ايده اباوع لابس حلقتين..

عشتوو شوفوني مثني يكول للعالم..
النوب شنهااي شو حلقتي جوة وحلقتها فوك..
يعني يحبها اكثر مخليها فوكي اقصد الحلقات.

حلقة سكنة ماكو..

هنا قست ملامحي.. لا اكدر ابريها ذمة لا اكدر العنها ماتت.

رجعت اباوعلة ما يرمش مبين نايم كلش من تعب..

صفنت بالحلقات...

شلون هيج يخلي حلقتها فوك حلقتي..

على كيف نزعته حلقتها ضميتها بصدري ما حسيت الا فتح عيونة
ـ رجعي الحلقة مكانها انت ناضجة سيطري على غيرتج برزانة

فشلت واستحيت

ايده بين ايدي نزعته حلقتي

ـ فهمت غلط.. ترى ضميت حلقة الزغيرونة مرتك بصدري لا تضيع على ما اخذ حلقتي من ايدك وارد حلقة الاقو. الزغيرونة ام شعر الاحمر..

القهرني ضحك ومد ايدة واصبعه

ـ رجعيهن.. اموت على غيرتج اذا توكف لحد هيج موراها مصايب..

وبعدين شكو تاخذين حلقتج طلاق ماكو..

مديت ايدي بصدري طلعت حلقتها واتي مبوزة وهو جنة متونس
بغيرتي عليه...

خلا ايد اليمنى تحت راسة يسندة ويباوع وين مديت ايدي وطلعت الحلقة همس يتغزل..
ـ نيالها.. بخيته..

تعجبت..

ـ شتقصد..؟
ـ الحلقة نيالها.. احسن مني ما محرومة مو اني.. مهجور محروم..

استحيت دنكت...

و مديت ايدي اخلي حلقتها بالاول بصبعة..
و رجعت خليت حلقتي فوك حلقتها واني ابتسم... واخزرة

ـ هنا مكاني..
بس ردني..
ـ كل وحدة بيجن احب بيها اليميزها..

ـ شنو.... يعني حبيتها.. مو... اي حبيتها المن جايني.

ـ هدأي شبيج.. تدرين بمشاعري لا تحاولين تسوين روحج مضلومة

ـ هاي حلقتي لوك حلقتها ما طولني بذمتك.. ما اقبل تخليني جواها..

ضحك وهز ايده
ـ عليج سوالف.. المهم افهم من هذا ترجعين وياي

ـ لا.. هنا مرتاحة وبعدين هاشم هو الوسيط عود تفاهموا يلة اكوم اشوف جدري ناملك شوي..

كمت واني احيي نفسي شلون احاجيه بقوة..
الحمد لله ما رجعني شوفتة لذيج الايام الي انهاريت و تخبلت بيها..

ساعة زمان حضرت مائدة..

ظل هاشم يجي ويروح..

يحضر وياي الاطباق
ــ طيب فين الخدم..

ـــ السيد طلب اصرف الكل رجال نساء انت غلطت اجرتهم على مود جيته مو كتلك ما يحب هيج.

ـ حبيت ادلعه..

ضحكت على كلمته.
ـ شدلع كون يسمعك ينهد بيك.

ــ هو بالبيت يحب ياخذ راحتة ما يتقيد بمائدة. ابني لو جايب مفرش شي و نحول بالكاع..

ـ حين اييكم اتقيد الجلوس بالأرض لكن ابحترم عاداتكم...

لويت بوزي
ــ اها فهمت.. يلة لعد اذا حجة علي عود كله فكرتك.. هاي.

اروح اكعده.. بما ان الخدم غادروا..

ـ ايوااه حنينا ممنوع تنفردي معه لحين نتواجه...

بلعت ريكي ابتسمت.. خفت اكله احنا شوي انفردنا..

بس بشرف و براءة بس بوس واحضان.. خاف المحلة و يترك موضوعي ما يكعد يتفاهم وي عبد الله واني محتاجة
اخلي نقاط على خروف.

ببالي صراحة مخطط يسرى هي علنت حرب.
بس ناوية هل مرة ادوس كلبي وخلاص بعد لازم الواحد يصير اناني وي الناس.. وناوية استو السيد واكبخة كلش قبل رجعتي...

شحصلت من طيبتي شو سكنة لعبت بية لعب.
و السيد استغل على ابو طيبة بكلمة ارضيها تحبني وما تزعل..

بس خلاص ناوية العب بيهم كلهم..

بس ما احجي لهاشم مخططي لأن ما يقبلي.. ناوية اخلي السيد يستوي بدوني ما يكدر..

هنا ارجع واعلمج يا يسرى..

ـ فين شرد فكرك...

ـ ها.. لا هيج.. هاشم اريد تشد الحبل يريد ارجعلة بس اني هنا بالأردن..
ـ طيب. فهمت تبين تخليه رايح ياي عليج
ـ اي ابني.

وهنا نشوف شكد يعزني يتحمل...

كام وهو يضحك..

ـ مممم ليه اشعر في عگلك حكاية و مخططات..

ضربته بجتفه.
ـ يمعود.. الدنيا خذت مني وخلتني بظليمتي.. اجر حسرات مخططيش ما تكلي. كل الي اريده يحس بقيمتي.

راح يكعده..

اجة شعرة ندي مبين سابح ومبدل تراكسود...

باوع للمائدة سكت و كعد

انتضرناه يبدي هو اول

بسم الله الرحمن الرحيم...

مد ايده..
ـ عاشت ايدج عيوشة.. كلت بس لا مسويتها حالية ما احبها..

شفت هاشم ملتهي ياكل حيل يحب طبخي. ففصل فيشة عنا وكل انتباهة للدولمة..

اتعمدت انطي السيد نضرة وهمستلة بشفايفي دون صوت.

عوافي.

ابتسم اول استغرب تبدل موقفي بس رجع ابتسم فرحان.

باوعت لايده.. زين بقى حلقتي فوك حلقتها..

ناكل وبينا ابتسامات و نظرات

شوي غمزلي بحاجبة على فوك.
عود نروح للغرفة

ابتسمت و هزيت راسي لا...

شوي هاشم رفع راسة رجع السيد مدنك ياكل....

واني هم سويت روحي مبوزة..

شفتة يباوع علي مرة ومرة على السيد..
سعل غص باللكمة انطيته ماي.

ـ هاشم اكل بهدوء شجاك.

ـ يويلي معدتي يا امي. حين تشوف اكلة عراقية ترفع راية البيضة ومافيني افكر فقط اعيش استذواق الطبق جذي.

رفع دولماية و بدة ياكلها مغمض عينة باستذواق.

ـ عوافي ابني

باوع للسيد..

ـ اش رايك.. نروح للساحل اباااه من المناظر الي نطالعها.. رهيبة يا عمي...

باوع عبد الله.

ــ ابني ما ارتاح للفكرة اعرف الأردن بلد سياحي اجانب يجون لهيج اماكن وتعرف يا وليدي..

ما اريد اوكع نفسي بنظرة محرمة حتى لو دون قصد اذا منتشرين هم ع الساحل خو ما امشي ومغمض.

ـ نشوف مكان منعزل. ابي اطعمك اكل بحري...

ـ لا تلح ابني.

ـ طيب نروح جولة على الخيل الله يا عم اش وادي عندهم وادي رم بتربته الحمرة الله يا عم تستانس وايد...

ـ ابني اذا بسيارة عادي.. ما اعرف للحصونة. لا النوب اوكع انكسر منو الي خليني شايل روحي بروحي.

هنا باوع علي بقصد..

ماعجبني بسماره درت وجهي.

ـ طيب انت تسوق سيارتي وانه اسابقك بالحصان..اش كلت..

ـ طيب.ما اكسر خاطرك خليها العصر

ـ حلو جذي وايد وايد عشان نلحق الغروب ابي تشوف الغروب و الوانه مع ارض وادي رم. التربة الحمرة

ظلوا يسولفون هو وهاشم يسألهوعن اموره وشعجب ما تزوج
ـ شعجب ما تزوجت. بنتك تحتاج ام لا تعتمد ابقيلك عايشة عدها بيتها و زوجها.

رفع هاشم وجهة وبحزن..

ـ مافيني زواج.. كذا انه مرتاح وبنتي ان غادرتني امي عائشة..
في مربيات اعتمدهم وقت انشغالي بعملي...

ـ زين خو ما رديت مكسراتك.

جان عبد يحقق وياه والولد انكلب احمر..
و ظل يتهرب بنظراته

ـ لا فين... مافي شي من الي تتحجى فيه. هو فين الوقت ملتهي اتدرب بالمستشفى..

ـ الله يوفقك ابني ويرفع من شأنك ويرزقك بنت الحلال الي تصونك.
عائشة جاياتج يابة... مو جنج مكثرة للدولمة بهارات بيها حسيت طعم مرورة

عبد الله...

تعمدت اضوجها و كتلها مخلية بهارات هواي للدولمة...
شفتها وجهها زمبر
ـ وين اصلا بهارات هنا عبالك مال البصرة الريحة تعط.. و جاي ماكو عدنا بن قهوة...

ـ اي شي يمعودة...

كامت و رى ربع ساعة اجت بيدها دلة وفناجين.

ـ كهوة بدوية.

ـ عاشت ايدج عيوشتي.

خزرتني و باوعت لهاشم الي مبتسم يباوع يركز بينا.

ـ هاشم ما شفت بنتك..

ـ نايمة...

العصر ركبت سيارة هاشم وياي عايشة وبت هاشم بحضنها...

ـ هاي البنية تشبه ابوها..

ـ اي بس مو ملونة عيونها على امها ماخذة من الاثنين.

ـ هذا وين ولى...

ـ ورانا.. بحصانه يطربك..

ضحكت.

ـ صدك يطربك ومخبل شوفي الخبل واكف ع السرج هسة يوكع..

مديت ايدي لزمت ايد عائشة وخرتها..

ـ عبد ما تصافينا بعد...

شوي وفات هاشم وهو يسبقنا ويصيح

ـ ابي تسابقني...
باوعتلها..

ـ مخبل.. كل بالة اسوق سريع وياي مرة وطفلة..

اشوف الحصان ابتعد وشوي رجع علينا..

ـ يهووو. فزت عليك ياسيد..

اشوي حاجيته من جامة السيارة..

ـ لو اريد اسبقك.. لا تفرح.

جان الوادي حلو.. و عبالك طالع من اسطورة... قصص الخيال..

وكفت السيارة ونزلت شلت لبنى
الي شبكتني..

و باست خدي....
ضحكت.. وباوعت لعائشة
ـ حفيدتنا بالرضاعة جنها ما استغربتني..

جانت مبينة سنتين وكسور او راح تصير ثلاث سنين..

ـ انت يتنا من كويت..

ضحكت..
ـ لا.. من عراق..

شوي واجة هاشم نزل من حصانة و على راسة كاسكيتة لابسها بالعكس الظهر كدام والكدام لورى يعني طاقية الكاسكيت ورى صارت...

شفت عايشة صفنت بوجهة ورجعت بوجهي

ـ شكو..

ـ لا ماكو شي.. هاشم لو نرجع احتريت..

بس هاشم صفر...
و شفته انتبه على شلة بنات وهن بجولة تخيل

غضيت بصري وهذا صاح...

ـ اش هذا يا عم... اش جمال رم.. احمر يعم.. عجبني الاحمر وايد..

ضربتة على جتفة

ـ اوكف عدل وغض بصرك ما تسوى نظرة حرام يا ابني لا تخليني انسى حدودي وهنا اعجنك.. كدامهن وافشلك.

دنك و بس عيونة عود ممنتبه شوي وزاغت
رجعت برجلي ضربت رجلة
ـ دنك وظل استغفر على ما يرحن..

شنو هل مصيبة عسى عيونك فكس..

ـ يا عم انكسرت رقبتي وانه محني مافيني يصبح في رقبتي تشنج

ـ اششش

فات هذا الموقف وعائشة تضحك على هاشم الي ضاج.. لان قيدته

كل ما تفوت بنت بس اشوفة يبصبص

انطيه كفخة...
يرجع يدنك ويستغفر مثل ما أأمره

شوي سمعته يشاور عايشة

ـ كم يبگى هني... احس راح اصبح من وراه شيخ جامع.. عيل اذا اغض بصري كيف انظر نظرة شرعية للي اختارها تتم زوجة...

رديته...

ـ لا دردم.. النظرة الشرعية الها اصولها اعلام اهى البنت ولقاء مع محرم مو وانت تمشي توزع نظرات شرعية لبنات العالم.. حتى الشرع تتلاعب بيه شنو مصيبتك مفجوع...

سكت و هو شوي وكال لي..

ـ طيب خلصت نزهتنا نعاود للبيت يا سيد نبي نتكلم ونتعاتب ونتواجه..
رديتة بضحكة

ـ مو كلت حق الضيف ثلاث ايام ووراها نحجي...

ـ يا عمي و اليسلم راسك... خير البر عاجله.. نتكلم الحين.. و نحدد مواقف..
ـ يلة.. عبالي ضجت لان احاسبك على الغلط و تريد.. تخلص مني.

ـ ما هكيتك تظن فيني الظنون..

بس وصلنا رحت سبحت و رجعت لكيت هاشم كاعد وعايشة هم مدنكة..

ـ اجلس يا عم.. تعرف انة اعطيتك وردة مفتحة.. اش عملت رديتها لي ذابلة يا عم اشهر حتى طبيب نفسي ارسلتها..

هنا باوعت لعائشة دنكت و احس برطمت..

كمل هاشم..
ـ اش مشكلتكم مافيكم توافق ايش جرالكم..
ردت عايشة
ـ يومية مزوج علي.. هم الي كرامتي

باوعلي هاشم..

ـ طيب اش ردك..

ـ اسألها اول زواج تعرف هي طلبت طلاق وانتهى كلشي كدام عمامي فشلتني

و طلبت افسخ وجان هذا اليصير و عمامي وخوالي قيدوني بمرة..
يعني وراها دزلي شيخ عمر رجعها و اني اتكفلها.. اذكرج عائشة شنو ذنبي انت غلطانة

ـ هاشم هواي امور شكد حاولت احميه حتى هاي من رفضته حتى لا يأذوه بدل ما ينصفني صار ضدي..

ـ و الله يا عايشة طلعي روحج مظلومة.

ظل هاشم مثل يستجوبنا. مدري ناصب علينا
مرة يكلي انت غلطان مرة يكللها انتِ غلطانة

اخر شي
ـ لحد الان ابي اكوللكم ثنينكم تعادل وثنينكم فيكم خطأ على تحجيكم بالعراقي الغلط راكبكم من راسكم لرجليكم...

هنا عصبت عليه مو جنة تجاوز.

ـ شكلت ولك.. انت وهاي دناديلك صايرلي واسطة خير لو شر ما فهمت.

ـ يا عم اعطني مجال اتكلم الله يهداك. لا عتد تستعيل

اسمعوا مني..
يا عم انت اخر مرة حگك هملتك
و انت يا امي حكك تزعلي و ثنينكم حككم واثنينكم غلطانين و اثنينكم.

قاطعته
ـ عود حليتها شفهمنا منك غير اثنينكم غلط وثنينكم مو غلط...

ـ الله يهداكم ابيي اكولكم شغلة انه
مافيني اكف مع واحد منكم..
عشان جذي،الحين ابكولكم مافي حل غير اما تطلقوا او ترجعوا..

هزيت ايدي..

ـ يابة هواي تعبت روحك.. هذا اليكدرت عليه لو تطلقوا لو تبقوا ابني هاي رجعتنا لنفس النقطة احنا ندري ماكو حل وحدة من ذن.. و الله يا الله عود جايب فد شي جديد..

ضحك هاشم..

ـ طيب امي ليه ما ترجعي وسبق عشتي حياة ضراير.. يعني ماهي يديدة عليج.

ردت..
ـ تعبت اعرف نفسي اغار و ما اتحمل اشوفه يمها و هم ترجع مشاكل وهم يعصب وهم...

قاطعتها..

ـ انت مال طلاق ايسي منه يا عايشة.. كلش.. لو اعرف اموت ولا اطلقج..

رفعت عينها بعتاب وكلتلي..

ـ اذا هيج تحبني ليش تزوجت علي.

رديت

ـ كالعادة نرجع لنفس النقطة.. و تعرفين الجواب.. ومنو المذنب..الحقيقي

هنا قاطعني هاشم..

ـ هني ما اتفگ معاك.. انه ابكلكم ثنتنكم غلط. و ثنتينكم صح و ثنتنكم مذنب وثنتنكم بريء..

كمت..
ـ اعتقد وقت صلاة.. المغرب.. و ما نوصل لحل يا هاشم.. الموضوع وصل اما نطلق واني لو اموت ما اطلق او نرجع وهذا القرار يمها غيره ماكو حل...
ممعقولة اطلك بنت ضحية مشاكلنا اني وعائشة واهمالها..

ردني. هاشم.
ـ عيل لا تنسى وتسرعك ضيفه ايضا..

سكتت...
وهنا حجيت مقترحي..

احول الطابق فوك واعزله درج على الشارع لا تشوفيها لا تشوفج اصعد يسرى فوك..
و من اروحلها اعتبري مسافر..

ـ ما اكدر عبد..

ـ لا اله الا الله... اعتبريها سكنة شلون من رجعتي وهي موجودة وطالبت حقوقها.. ولو سكنة ما اريد سيرتها بعد تنذكر..

ـ تختلف.. يسرى تزوجتها برضاتك يعني ممكن تحمل الها مشاعر بيوم من الايام اذا ما حملتلهة
ـ عايشة لا تصعبيها

ـ شصعب.. و بعدين خل اكلك.. شنو هي تصعد فوك واني جوة ما اقبل تصير اعلى مني حتى بالأماكن..

باوعت لهاشم..
ـ ها يابة استلم..

ابتسم هاشم وحرك شفايفة لفوك ونزلهن.. رجع رفع متونة نزلهن عود شمدريني بيكم دوختوني.

رحعت عايشة

ـ اي شنو.. انه.اصعد فوك..

ابتسمت..
ـ يعني اعابر موافقة تردين وياي.

ـ لا طبعا نحجي لو رجعت مثلا..

ـ يلة لو رجعتي مثلا اصعدج فوك.

وتدللين ولو عود ردتلج القيادة لان البيت الاصلي جوة.. ولانج الجبيرة و احتراما الج...

صفنت..

ـ اي اي عود الجوة الي خل تولي هي فوك..

ـ يعني اتفقنا...

ـ لا...

ـ استغفر الله واتوب اليه و الحل..

هنا تدخل هاشم

ـ يا عمي افضل تبقى هني وانت كل شهر تيي اسبوع
ردت عايشة
ـ اسبوع يمي ويمها ثلاث اسابيع هذا ظلم..

ظليت افرك بكصتي صدعت..

كمل هاشم

ـ امي طلعت من از

مة نفسية حادة و الحين ما ابي بس تتوار ترجع للصفر هي للحين تحتاج هدوء
انه اكول. تبقى هني لحين تحس نفسها قوية..
وانت تكدر امتى يعجبك تيينا.
مرحب فيك هذا اخر حل..

هزيت ايدي
ـ اخر حل يا هاشم وانه اظل رايح جاي مشلوع كلبي. حسبي الله ونعم الوكيل يا عايشة مسلمج بيد الله

الغريب اتحسب وهي ضحكت بدلع.

ـ لعد شلون غير اشلع كلبك كد ما اذيتني و اشوف معزتي عندك..

كمت وانة دايخ
ـ جنة حان وقت الصلاة. المهم راجعي نفسج وهم شوفي ما شالعة كلبي؟ لو ما تعرفين شكد احبج..

بقيت اسبوع وكبل لا اسافر بيوم نمت من وكت..
ما احس الا الباب انفتح و اجت تدحست بية وحضنتني.
استغربت هسة شنو ترجع وياي لو تريد بس تحركني بنارها

ـ ها عائشة.. باجر اروح. شنو من كلب عندج تكدرين تفارقيني.
حرامات والله
باستني وهمست..
ـ راح اشتاقلك. وحتى تبقى مولع بية وما تطول بزيارتي.

نامت بين ايدي العب بشعرها

ـ حيرتيني لو اعرف شنو بداخلج. هسة انت بين احضاني لا انت زعلانة ولا انت الي راضية

ضحكت وهي تلعب بشواربي وخرت ايدها تكره هل حركة.
ـ ايدج..

نزلت للحيتي
ـ صاير تخفف اللحية ممم كل هذا ليسرى
ـ لا يابة قبل لا اجيج خففتها بلكت اصدمج بوسامتي وترضين

ضحكت...
واحسها مو عائشة الي اعرفها حتى من تدلع او تسوي اغراء احس برائة طفولة او على حسن نيتها ليش احس كل خطوة باغرائي هسة مدروسة..

تقربت بشفايفها..

ـ باجر تسافر واريد تاخذ وياك ذكرى ليلتنا هاي.

ـ ممم شو ممرتاح..

عائشة...

يمتة المرة تستخدم كل اسلحتها..
من تنجرح بعمق وهذا حالي.
اريد كرامتي اردها..

من اخليه ميندل دربة وبس يلهج بأسمي اريد استعيد حبه الي الي نساه خاف عبالة صدكت يحبني ويتعذب اكيد يريد ارجع مو حبا بية

بس كدام الناس ليكولون طلك مرتة وجابلة الزغيرونة
ظليت بظنوني و صدكتها

شفتة ارتاب من تصرفي
فهجمت عليه بوس وحتى الوحمة تعمدت اخلي بيها اثر
حسيت نشوة انتصاري من شفتة وكع اسيري..
و كام ميسيطر على شهوته.

حضني.. و استغليت اني نقطة ضعفه استغليته..

بعد ماكو طيبة منا ورايح اصير حقيرة وانانية وي الناس كلها
و حبدي اصفي حسابي وي ضرتي.

ثاني يوم كعدت على بوساته وهمساتة

ـ عائشة.. امشي وياي يمعودة لا تموتيني و تعبيني. امشي وياي والله ادللج..

هزيت راسي مبتسمة
ـ تؤتؤ.
يلة عبد لا تتأخر..
كام يسبح وهو عينه علي منكسرة بس دخل الحمام بجيت شلون اتحمل هسة فراكه...
شنو هذا العذاب بس لازم اتحمل..
هاي الفترة لمن اسيطر على عبد الله ويضل يخاف يخسرني.
لازم انطيه هاي كرصة اذن.

سافر... و سافرت وي دروبه روحي.

ــــــــــــــ باقرـــــــــــ
قوت علاقتي بهواي عرب و حتى عراقين..

و اليوم حفل مسويه الجالية.. العرب
و حضرت...

ابتسمت لسلطانة طالعة انيقة

مرت هواي اشهر على وفاة ماري

اولادي خليتهم بالحضانة..

لابس قاط و جسمي يوحي هذا الشخص اما جان عسكري او رياضي

ما همني نظرات اعجاب البنات.
بس لاحظت وحدة بيضة الجذب نضري...

هواي بيها من كمرة ما اكول شبه لا بس صفات...

تصورتها اجنبية بس ركزت دمها مو جامد يلعب..

شفتها راحت تسلم على سلطانه..

لابسة اسود.. مبين عليها تعب.. بوجهها

رحت بحجة اسلم على سلطانة

مدت سلطانها ايدها تريد تسلم بس من ابتسمت رفعت حاجبي ضحكت..

(كلام.اللغات الاخرى كلة مترجم عراقي ما نتعبكم وترجمون😂👌)
ـ نسيت باقر.. اسفة ...

التفتت الى الي يمها..
ابتسمت انتظر سلطانة تعرفني بيها

ـ هذي انعام.

هزت راسها انعام وابتعدت

هزيت ايدي

ـ هذي معدها احترام للمقابل..

ـ عوفها مرت تجربة زواج و ترملت من سنتين وهي ما تذب الاسود..

مات زوجها بشهر....،عسلهم غرك..

ـ اها خطية.. ردت ادعوج لنادي الانشطة الرياضية...

راح اخوض مسابقة رماية..

ـ حلو ان شاء الله اجي.

خلصت الحفل... رحت اخذت ولدي للبيت.

ـ يا اولاد.. ابوكم تعبان مو تبدي قوانة الباجي..

صفنت بيهم احتاج ام الهم تداريهم..

دمعت عيني اذكر امي لحد كبل لا ازوج بايام بحظنها تلمني
يا ترى عايشة ميتة.. ياترى شنو وضعهم..

شكد مشتاق الها..

حصلت واحد من البصرة بالحفل..

ردت اذب عليه حجاية يخبر. اهلة من يخابر بلكت يحاجون عبد الله..

بس ترددت ما اعرف ليش.. شي بداخلي يبعدني...

حضنت منصور الي بدة يكبر وشفته يشبه اخوي عيونه شهل.

شلون طفرة طفر على اخوي..

بيمن تذكرني.. كل هذا عذاب الي و عقاب من رب العالمين.

شفت شجاع منعس...

ـ شجاع ...
فتح عيونة وضحك
ـ هيري

ضحكت عود يصحح اسمه
ـ لا شجاع لانك شجاع ابن لوتي هههه

شعور الغربة حيل هاي الايام مأذيني

طبعا ورى فترة عرضت على سلطانه الزواج وافقت وخطبتها...

حاولت اطبعها على مرامي بس جانت تعاند مثلا تحب تسلم على الرجال تختلط بيهم..

و كثرت روحات للكرنفالات ودعوات وي عرب.. و حتى هولندين و رحلات تخيم. بما انه صيف. و من هل امور..

و طبعا اشوف انعام هناك..

هادئة رزنة..

حاولت اخذ وانطي وياها. بالبداية تصدني

بس بمرور ال

صدف واللقاءات

حسيت بنظراتها بس من اباوعلها تدور وجهها

لمن ما بيوم قبل زواجي بسلطانة..

تخاربت وي سلطانة...
جانت تريد نرجع بلدها اني رفضت

ـ باقر اني اريد ارجع لبلدي اذا ما ترافقني لهنا وينتهي كلشي

وفعلا انتهى وطلكتها...
صح ما تممنا الزواج مجرد عقد بجامع... و جنا ننتضر الرخصة حتى نتزوج مدني حسب قانون هولندا

يمكن الله ابعدها عني ما تلائمني.

بيوم وبشهر الواحد من سنة ١٩٩٤
بأحتفال راس السنة.

التقيت انعام و ابتسمت من شفتها ذابة الاسود و تلبس حجاب...
عبارة عن طاقية تغطي شعرها و وشاح تلف ركبتها...

رحتلها.. و هل مرة بالعراقي..لان انعام عراقية الاب و الام هولندية

بس تعرف عراقي..

ـ شلونج..
دنكت وردت

ـ الحمد لله... ردت اتوسط بينك وسلطانة ليش مسافر تخسر حبكم على مود هاي القضية
ترى انت مو بالعراق ودكلك عوف العراق وتعال وياي

رديت.

ـ مجان حب جان صداقة توافق.

ـ زين هي راح تسافر ماكو امل ترجعون.

ـ لا.. هي دزتج مو. ؟

ـ لا.. اني اكول حرامات. هيج حب.

تدري تزوجت كلي امل واحلام. كلها راحت من اول ايام عرسي.

جنا اني و مهند نحلم اطفال هواي و بيت و و و بس هو مات واركني عروس ارملة
ـ الله يساعدج.. الاطفال تتعوض.. بس مهند اكيد لا.

ـ فعلا.. بس نسأل الله النسيان
ـ امين.. شعجب هل مرة سولفتي وياي وانت كل مرة متنطين اي وجه لاحد حتى تعلوقتج هنا المغرورة و عند العراقين شايفة روحها ام خشة...

خلت ايدها على خشمها منحرجة.

ـ ترى هم يكولون خشمج حلو بس وخري ايدج. لا تحسسي مقابل عندج نقص بشي دوم خليج واثقة
وصاحبة كبرياء

ـ ممم هيئتك ومنطقك و احس قسوة عندك توحي انت احد محاربي الي طلبوا لجوء صح لو غلط..

ـ اي نعم جنت اسير بأيران.. شوفي نعومة

ـ عفوا..؟

ـ ها اي.. انت امج معلمتج ماكو ميانة بين الغرب حقها ولو امج هولندية بس عاشرت وحدة وتزوجتها..
يمشن البيت والاطفال على قانونهن.

بس يا نعومة خلينا اصدقاء و عذرا ع الدلع بس عجبني.
احنا بالغرب.. على كولة كمرة واحدنا يجوجي على الثاني.

ضحكت وهي متعجبة مني.
ـ عجبني نعومة..
ـ تجين عازمج.. على بوفيه مفتوح.

اشرت لطاولات طويلة عليها مالذ وطاب..

ـ ما اتقرب اللحوم ممضمون ذبحة..

رديت عليها
ـ اني هم بالم
ناسبات ما اكل هيج قضايا الا اذا اتأكد مصدره.

ـ شوف جامبو روبيان.. مقرمش راح اكلة الاكل البحري حلو..

رديت
ـ فعلا.. ااخ وين ايام الصبور وايام الكطاطين...

و المكشت.. بلة امج شفهمها بهذا..

ردت..
ـ اني رايحة عراق قبل الحرب..

نروح نجي ببغداد بيت جدي اهل بابا...

بس شنو مكشت..

ـ يجي يوم اطبخة الج واعزمج.

بس ببيتي مكدر الا اذا تقبلين عزومة دائمية وضيافة دائمة وامومة لولدين و ترحمين حال ابوهم مشلوع كلبه

ردت بضحكة

ـ تمزح ما فهمت... هههه.

ـ نفهم بعدين بمرور الايام.

و كانت فعلا انعام رابع امرأة في الغربة.. اتزوجها...
اذا احتسبت سلطانة رغم مجرد عقد...

ــــــــــــــــــــــــــــــــــ

سجاد...
ضايع بأرض.الله الواسعة الفلوس العندي مطلعني.

بس اكضها الحيالة النصابة..

بس الزمها. عندي عناوين عمتها وتلفوناتهم

شكد اتصلت يردون علي تركت بيتهم بس اجرت شقة ردت تلفون الشقة..

كوة حصلتة
ويومها نزلت بيها غلط

ـ لج بس الزمج..
جانت تبجي مثل المنهارة
ـ اضطريت اسوي هيج ياريت ما غدرت بيك..

ـ نفس...؟ كلش ضايج منج.. بس اوصل اخذ ابني وننتهي

ضلت تبجي..

و استمرينا نتخابر كالت احولك فلوس البقن
بس اني انسرقت البقى ميسوى

يومها شعوطت تعبي وشغلي و غير الي انطاني ياهن رضوي..

كلة ضيعته..

رغم مشاعري متذبذبة بين حنيني لرقية واشتياقي وبين مشاعر تجاه نفس..
بس رجخت كفة رقية لو مكان نفس مدكت بية دكة ناقصة..
همزين بجيبي التلفونات والعناوين الي انطاني ياهن خالي.

حاولت احصل اتصال ما اعرف صوج الخطوط الضاهر..

طبعا تعرفت على ناس منهم تركمان اصول عراقين هاربين.

كلولي اقوى اتصال بين العراق واردن و لبنان
حتى من الدول نحول عن طريقهم للعراق نسوي تحويل مكالمة..

ـ اهلي ما اكدر اخابرهم.. شلون احتاج فلوس.

ـ شوف ابن عمي يعرف كردي يشتغل بتهريب هيج شي كردي عراقي نكدر من ديار بدر..
نهرب رسالة الى اهلك انت اكتب الي تريده..

ـ اريد فلوس اريد اهاجر لامريكا ابني هناك.. خطفتة امه.

طبعا الفتلي قصة توب استجلب اهتمامهم..
بس بقت فلوس المهرب..

و شهر جر شهر دخلت ب ١٩٩٤ واني مفارق ابني اعتمد اتصل بنفس.

طلبت منها ترجع تركيا وي الولد رفضت..
تكول عدها وضيفة والولد صار يمشي ويلفظ اول كلام..

تقهر بيه يومها صيحت عليها بالتلفون..

ـ ولجج ابني يا ظالمة بس كون اوصلج...

تقهريني تنتقمين مني اكيد لهاي الدرجة تكرهيني..

كدرت اوصل رسالة.. و كتبت لابوية كلشي حتى عن زواجي.
و ابني اني طبعي ما اكذب صريح بهيج امور مصيرية...

وهم طلبت يخيرون رقية.. تجي رغم كل هذا اخليها على راسي و خبرت ابوية زواجي بنفس بس عقد سيد...

وظليت انتظر قر

ايب صديقي.
وصلتلي رسالة بس و ماكو فلوس هبطت معنوياتي. كلش

بس من شفت...

رسالة ابوية

بيها رزالة على زواجي.. و شلون بهذلتهم
وهواي امور اخر شي طلب مني اطلق نفس...
و اشوف حل لابني اما يبقى وي امه الى ان يكبر...

او اخذه بس بموافقتها ودون ظلمها او تهور خاصة هي ببلد القانون عدهم صارم.. بهيج امور..

و امرني.. اروح امريكا بس احل اموري و اقترح علي الاردن..
دزلي رقم اردني و تاريخ بهذا التاريخ اتصل ع الرقم هو متواجد هناك

اما رقية بين حيل انهارت لزواجي بس كدر ابوية يقنعها تقبل تسافرلي بس بشرط طلاق نفس
فهمت هذا شرط ابوية ورقية
اما خالي يكول بينا العلاقة اصلا متوارة وانت وترتها

لان خالي رافض سفر بتة ويطالب بطلاق رقية..

نصحني احل اموري وي نفس يا الله يدولي رقية الي حتعوف اهلها و تجي،غصب عنهم شرط تطلق الايرانية..

بخصوص الفلوس بلغني بيوم الاتصال لاردن بتاريخ المتفق عليه
يبلغني... بحل مناسب و لمح الافضل اذا عندي فلوس تكفي تذكرة اردن..
اسافر واروح هذا العنوان.

رسالة ثلاث ورق وجة وكفى...
اخر شي بلغني
ثلاث اخبار لازم تعرفهم
الاول سافرت ورقية حامل وعندك ولد اسمة محمود..
نصا كاتب
وهاي صور.. تلكاهن بضرف الداخل الرسالة

كلبت الضرف تلمستة اول عبالي رسالة من رقية ففضلت اقرا رسالة ابوية

حسيت بضوجة اكيد جرحت لذا اي كلمة موجهتلي بس عندي ولد خلاني افرح اكثر..

كملت
الخبر الثاني تزوجت و عندي ولد.. مؤمل..
و اخر شي البقاء لله بموت امك..
بتاريخ..... ١٩٩٢

هنا وكعت الضرف الرسالة وضرف الصور


تطشرت

بيد ترجف لميتهن و داخلي احساس،مبهم.. اكثر،من سنة ماتت
و ما يوم حبتني ولا كلتلي يمة.

لميت الصور ومسحت خدودي

اكلب الصورة بضهرها اسم مؤمل
هذا عبالي ابني لان ابيض
بس انصدمت ابني اسمر مملوح

هذا ع اهل امه. رغم رقية بيضة
بس وجهة محبوب.

ابتسمت
ـ خوش ورطة وي نفس ورطت روحك وهسة طفلين بعمر واحد
فرق شهور..
شلون تحلها و زين شلون تطلك نفس
و ابنك شلون اسئلة دوختني وما اعرف حلها شلون...

بس ابوية من بينتلة ممتفقين واني حجيتلة كلشي عن نفس وعلاقتي
لذا نصحني بطلاق مدام متريدني شكوا مجلب..

بس من حروف ابوية مبين معصب مني يمكن اني كلش مبهذلهم والامن مأذيهم من وراي..
ـــــــــــــ

كمرة...

ـ عفية بيت يومية مصيبة
من عيوش الي تدلع هسة تموت السيد..
لسويجد...
النوب مزوج و مخلف وهاي المسكينة من سفرة لسة هاملة روحها

كل ما اشوف مواقف احمد الله واشكره.. رجلي ميت...

باوعلي السيد و كال...
ـ يابة عندج رجلج ميت ولا متزوج؟

رديت
ـ اكيد شسوي بيه مزوج..

ـ الله يهديج يابة.. على تفكيرج..

ـ والله يا عمي مو كل وحدة تتقبل تصير حالها من الدجاج ملتمات ع فد ديج واحد

شفت السيد خزرني بس لا اخذ على روحة...

بس ما قصدتة النوب كام وكلي

ـ تأدبي انت وامثلتج هاي عود دارسة وفاهمة هنيالي

ـ لا تروح عمي مو يمك والله..
انت شعندك هن دجاجتين.

عضيت شفايفي.
وهنا عمتي بس طلع عبد شمرت علي نفاضة جكاير عبد

ـ بت الخوثان. تدعين ابني ميت ولا يزوج و الله لو عايش الا اخليه يسطرهن ثلاثة عليج

مرمرتيه لمن موتيه
ـ استشهد.. قابل كتلة روح حارب.

ـ شو صاير كلامج مدري شلونة

خليت وكمت و رحت لغرفتي
طلعت صورتة وبجيت
ـ شلعت كلبي.. حتى وانت ميت تقهر بية

لبست عباتي و جاي اطلع
ـ وين..
ـ هاي نضال راحت على الجدول و ما رجعت من الجيران اخاف عليها يا عمتي.

لكيت نضال بالشارع و يمها هذا حارس بيوت الشركة الي مقابيل منطقتنا...

رحت لبتي

ـ تعاي..
وخزرت هل شايب..
الي كال.

ـ الله يستر ع الجمال.

اكول البنية عيونها ملونة

ما تحملت انة منا فايرة ومنا هذا

ـــ طياح حظ وغسل والله لشيباتك

ظل يصجم..
دنكت و اخذت طابوكة جان افشخة.
و ما حسيت الا بوسام هد

بوكسيات بالرجال...

شوي وكع وسام وسعت عيوني من شفتة.. پ و شفت...

يتبع..
ــــــــــــــــــــــ حاشية...
قارب اشتراك النت يخلص يعني ما اعرف بعد يمتى الاشتراك لان صاحب البرج او الشركة بلغ المشتركين هذا الشهر ما يستلم اشتراكاتنا الا يكمل تصليحات و صيانة
كم يوم ما اعرف
المهم خليتها ببالكم خاف اختفي فترة
وان شاء الله ميطول و نرجع نكمل حكايتنا
احتمال اشتراكي يخلص باجر او عكبة

بالنسبة للاتصال تلفونيا بتحويل ع بدالة اردن او لبنان هيج جان الي بالخارج يتصل او الي بالعراق لان مباشر بين الدول فورا ماكو
الا بواسطة اردن او لبنان

و الله اعلم ماكنت بهذا الزمن و رغم الي انطرحلي هم بحثت وخليت بنية تنزل باحد كروبات استعلام عن الامر

شغلة الرسائل والتهريب من شمال لجنوب ايصال رسائل امانات
موجودة لكن بقلة و الي يشتغلها
ع الاغلب يلزموهم جماعة صدام و بيهم ما ينلزمون..

سفر سجاد بخصوص ابنه
لكن استقرارة بسوريا لا ميستقر
نبقي موضوعة للاحداث

بما اني بعيدة عن زمنهم لذا احيانا ما اركز بامور بسبب قلة معلوماتها وعدم تعاون الشخصية معي بخصوص هيج امور فاذكر الي ين

طرح بس بصورة عامة.


زواج باقر كان فية امور فقهية ما حبيت اطرقها اختاريت التعميم و ما تعمقت بموضوع رأي الشيعة بزواج كتابية
خوفا من انقسامكم و الطائفية لذا تقبلوا ما ذكر بالقصة يعني اعرف الفتوة واعرف هو اول شلون عقد عليها و حسب الفتوى الى ان اسلمت.. بس مريد اتفصل بهيج امر.

.

ــــــــــــــــــــ

#خلف_الشناشيل_حكاية٧٢
من بارتات غريب الدار...
بقلمي....

ــــــــــــــــــــــــــــــ
شوي قبل القفلة ندخل مشاهد لرقية وعبد ويسرى ونرجع للقفلة.

ــــــــــــــــ

عبــــــــــد الله...
رجعت من الاردن..
جبت بطريقي يسرى.
اسوق و التفت الها ساكتة حاضنة ابنها..

ـ ممم سكته خير ان شاء الله.. مو جن اخوج غريب اليوم صاحبي واعرفة بيه شي...؟

ابتسمت وكالت..
ـ لا ماكو شي..
ـ و الله شكلج اخوج مبين متوتر و حتى حجايتة رخية مال ليش ترحون فندق ابقوا الليلة يمنا! ...

دنكت و اشوف دموعها تنزل همست..
ـ اخوي ما بيدة شي صاحب جهال شيريد يصير.. مرته شالعة كلبه.

يسرى/.....

اكتفيت بهذا...
وبداخلي اعاتب ابوي.. واني احضن ابني الي كأي طفل بالسيارة ينعس ينام بس ظل يناشغ..
ابوه عينه عليه
مد ايد خلاها على كصتة

ـ ما مصخن؟ بس ليش الولد هواي باجي ليش يسرى وين جنتي؟ نايم هسة ويناشغ كد ما باجي.
ـ بعد هو جاهل حس انت ماكو و افتقدك..

ابتسم

ـ تعلق بيه جنه اخوانة بزغرهم بس مؤمل اوفر حظ عنده ام تحبة تهتم بيه اااخ يسرى سجاد وفاضل عاشوا ايتام الام والام موجودة كدام عينهم.

وكفت السيارة يم مطعم..

ـ انه جوعان.. بس نزلت من سيارة سفر اردن بغداد.. كبل للكراجية الكرجت بيها سيارتي واخذتها واجيتج.. حتى بطريق السفر ما نزلت بالأستراحات.

باوعلي مدنكة و بشك حس اكو مشكلة فكلي...

يلة ننزل ناكل شي جنج ما متغدية هم.. الظاهر اكو مشاكل وي بيت اخوج..

نزلت دموعي .

ـ هي البيوت كلشي يصير بيها..

استغرب دموعي..
ـ شبيج يسرى. لاه لاه شنو هاي الدموع..
ـ ماكو شي بس متكأبة بدون سبب.

ـ ما اعرف شأكلج والله خل نتغدة ونسولف بعدين....

ورى ما عزمني على غدة..
ظل مثل عادتة وياي يحب يسولف يناقشني او ياخذ رأيي...

ـ طريق طريبيل للاردن مزعج... يا يسرى
اشر للكرسون..
ـ اريد سفن يا ابني و للجماعة عصير طبيعي ثنين..

الجماعة يقصدني اني وابني...

كتله..
ـ عبد الله عوف السفن اخذ عصير

ابتسملي لأن اهتم بأدق اموره.

و حسيته مثل طفل فرحان من اكو يهتم بيه ويحسسه انه مهم..
بكلبي اوكات اكول شكد هاملاته نسوانة خطية.. خاصة من اشوفة يبتسم بفرح لاهتمامي بيه.

ـ ابني ما اريد سفن بطلت يابة.. بعد اوامر عليا لا تشرب سفن جيبلي عصير كوكتيل مثلهم..

ابتسمتله
ـ اي هيج احسن..
ـ والله يا يسرى اكره الأكل هواي حتى التخمة او الأكل الدسم وجن هل كباب دسم كلش فردت سفن.

رديت بهدوء
ـ لا العصير احسن و اكثر فائدة الك.

ـ تخافين علي ام مؤمل.؟

ـ اكيد زوجي وحبيبي وراعي بيتي شلون ما اخاف عليك..

رجع مؤمل متنحس يباوع لأبوه ويبرطم.. و يريد يشتكي بس كضاها يناشغ..

ـ ها بابا ليش تبجي.. اكلج خاف جوعان لو يحتاج تواليت امشي اخذكم للحمامات..

ـ لا بس منعس كضاها بجي عليك.

ـ شلون النوب اخذة وياي شيفضها وي ام عباس وترجع وكافي بهذلة

ـ ان شاء الله ترجع.. مولاي.

ورى ما شربنا العصير كعد عبد الله مرتاح رغم بين على وجهة تعب سفر وجنة يحتاج ينام..

ـ ابقي هنا اغسل واجيج اخذج حمامات تغسلين انت وابنج.

شوي ورجع كمت عدلت عباتي طخيت شوي بمؤمل بدة يبجي..

ـ شبيه ابنج بس لا مريض عيونة وجهة مو تمام.....

لاعب شعره الاحمر و ضحك مؤمل على ابوه من يشاقيه..

لو يظل يحركله بشفايفة و مؤمل ميت ضحك. يمد ايدة يريد يخمش شعر ابوه.

بس مينوشه.
دنك عبد وقرب راسه لأبنه

ـ يلة سبحان الي خلا لعباتك تشبه اكبر اوجاع الي اندفن بكلبي.

باوعتله دوم يقارن بين مؤمل وابنه المات.. بداخلي اكول الحمد لله والشكر لله يارب احفظ ابني..
و نسي السيد المه و حزنة على عباس حتى يرتاح لأن احس بداخل السيد غصة.. على ابنه..

يمكن ميبينها لأحد.. بس يمي يرتاح ميكتم... الي يأذيه.

اعتقد يرتاح لطبعي الي يسمع و ميحجي للغاوي فاضية بس بالمهم..

شوي رفع راسة عبد الله ورى ما وخر ايدين ابنه المجلب بشعره ويعت بيه

ـ هسة تمام سيدنا ومولانا مؤمل.. من مشعتني وهوست شعري..
هسة ارتاحيت من ضحكت. لأن
كضيتها مبرطم تبجي و انة ابوك مشتاقلك.

عبــــــــد الله/
اخذتها لحمام النساء وكفت بعيد بالممر...

انتظرها طلعت مغسلة للولد
اخذته عنها وشلتة ضم راسة بركبتي
ضحكت..
ـ ولك لا وجهك مبلل.. بس ظل شابكني و ايده يدور يريد يدخلها لصدري..

كلما يسوي حركات عباس كلبي يلجم و بداخلي اتحسب بسكنة ولو راحت دار حقها..
و انرفعت قضيتي وياها للحاكم الاعلى والقاضي الاكبر.

ـ يسرى جنة يريد يرضع البسكت الوكلتيه اله ما يشبع ليش ممعلمتة ياكل مو زغير
اذكر خالتي خولة بعباس ابني الله يرحمة علمت ام عباس يمتى تطعمة وشنو توكله..

نمشي للسيارة ونتناقش

ـ عبد الله زغير ترى اخاف على معدتة هو اوكلة خفايف سوب لحم افلسلة شوي دجاج او لحم هيج شوي
خل يصير سنة ونص و اوكلة

ـ عمره سنة و ثلاث اشهر بعده زغير؟ لا يا عمري.. بهذا العمر لازم ياكل ع الاقل اكلات مبيها دسم.

وهاي سيارتنا يلة ركبوا ترى كلش
تعبان الليلة ننام فندق و ب

اجر ننطلق للبصرة الفجر شكلتي..

ـ بكيفك.. لو باقين ببيت اخوي مدام ما بنيتك نرجع اليوم.

ـ لا يمعودة.. ما ارتاح. واخوج حجايتة رخية مال ابقوا ما اريد نضايق احد يروحي.

كعدت بالسيارة خليت ابني جوة عباتي و اني اطلعلة صدري يرضع
وبيدة رفعها يكض صدري و يفر بضافيرة لحم صدري وهو يرضع ويدردم لو يجرها حسره

ابوه يسوق و يضحك عليه....
بس اني صفنت بمشاكلي وهمومي..

بعد مشكلة وي مرت اخوي طردتني ومنا المشتمل العزلني بيه اخوي من تزوجت مأجره.

ظليت احسب الايام رجعة عبد الله.
رغم طردتها الي بقيت لمن يجي رجلي.

بعد قررت الزم بيتي ومن يسافر ما اجي هنا.

مرة ما تنجرع يعني لأن مؤمل جر شعر بتها شسوت شعملت..

كضت ابني كطعته تكطع كون عبد الله ما ينتبه لجسمة فشلة شكلة..

ابتسمت لعبد الله الامان. وطوق النجاه رب العالمين دزه الي الله يخليه ويسعده ويحقق كل الي بداخله.
كد ما احبة اتمنى الله يجمعه بام عباس ضرتي لا تستغربون حبي اله اسمى من حب الدنيا واوساخها الدنيوية

حب خالي من الانانية بس ما خالي من غيرة رغم روضت غيرتي وهم لاجل راحته اضمضم بالغيرة لأن هي عشكه الاولي واني صعب امحي عشك سنين.
و مو من حقي هم اطالبه يعشكني بكدها
كل الي اطلبه كلما تمر سنين حياتنا يحبني اكثر العشرة ما تهون بس على ولد الحرام

وعبد الله ملتزم يخاف الله وادري ما يظلمني مدام اني طايعته و ما اسوي مشاكل الي تخلي الرجال ينفر مرته.

... بغرفتنا بالفندق بعد ما جاب عشا للغرفة.

تعشينا تالي كال اسبح
فمن طلع عفويا سألته.

ـ شخبار ام عباس.

جان توة طلع من الحمام بس بالبجامة...

وينشف براسه
ـ و الله يا ام مؤمل معاندة.. سويت العلي خليها تفكر.. اني ما غلطان هي وصلتنا لهاي النقطة...

باوعلي وسكت عض شفته..

ـ بس لا ضجتي..

ابتسمت اني متعودة اضم داخلي وما اضوج المقابل.

ـ لا انت سولفتلي لو ما تعوفك و تهملك ما تزوج
ـ هذا صار قديم الحجي هسة اكو حق...
و يابة لا تتوقعي اظلمج.. مالج ذنب..
انت تزوجتي على اساس منتهين اني وزوجاتي.

و هي لازم تقر بالواقع.. وتعترف انو اكو مخافة الله و حرام تنظلم مرة وطفل بسبب مزاجياتها.

ـ الله يهديكم ويرجعها..

ـ هي لو ذكية ما تفرط بيه..

حسيتة ضام قهره.. لان مرتة فعلا مثل ميكول مزاجية يمتة ما تعوفة يمتة ما ترجع على راحتها.

الانسان اذا مو عشك يداري عيشتة.. و اشوف السيد وردة مو ظالم لو مكانها اتباهة بعشكة الي ولا اعوفة

بس هو كال هم يحبني.

و كافي علي حبه و مراعاة الله بيه..

هو الحب شنو.. هاي سوالف العشك ما افهم بيها..

ولو اغار. شكد محظوظة هي يعشكها.

كون هيج يعشكني.. بس اني كلش اغار منها..

لكن عبد الله عصبي وما اريد يرجعني بيت اخوي.. يعني حتى لو اغار.

اكو وسائل للغيرة بدل المشاكل استحوذ اهتمامة ادللــــــــــه واشوفة منسجم وياي و مدللني هذا كافي.

كمت حضنته.. و تدللت..

ـ ما اشتاقيتلي.
ـ انت شتكولين..؟
ابتسمت.

ـ هسة نشوف شكد مشتاك...

.......

عبــــــــــد الله
حضنتها بشوك هي زوجتي الها حقوق ممقصرة شايلتني بالصلاة على النبي حرام علي ااذيها..

احب يسرى اي احب بيها امور و تعلقت بيها لان بنت بلسم...
بس،ما توصل للعشق.

وهي تحس بيه وساكتة متأذيني لا بزن ولا ملحة وهذا يخليني يمها عقلي مرتاح.
هذا حبي الها اذا اريد عقلي يرتاح
اذا اريد اعصابي تسترخي حب يسرى بلسمي...

بس جنوني هناك و رعشات الحب المجنون..
حبي ليسرى مودة. فكل العشق لعائشة..

ويسرى متقبلتني بهذا. وهذا خلالها معزة خاصة داخلي.

بستها بشوق..

ـ يمج كل الاسترخاء خاف دارسة طب نفس ومدري ليش يمج كل تعبي يروح.

ـ لأنك تحتاج زوجة صديقة.. سولفلي عن حبك لعائشة ما ازعل والله اني متقبلة وضعي واعرف كل التملكة الي حب مودة وحقوق وصداقة..

مو عشك ولا حب عنتر وعبلة ولا قيس وليلى. هذا الحب لعائشة..

بس شكد حلو.. حبكم تدري هاي الفوضوية والجنون تخليكم من تلتقون انسجامكم اكبر..

سرحت شعرها الأحمر..

ـ يابة احس نبرة غيرة بصوتج على منو تقشمرين؟
هههههه زين حجي القصص بطليه ههههه ثنينجن كل وحدة احب بيها اليميزها لا تطلعيني اعشكها وما عاشكج..

شفتة يحجي ومستحي مثل الي انجبر يكذب

ضحكت اشيل منه توترة

ـ حبيبي.... ترى كتلك وياي لا تتقيد اني متفهمة. شريد منك عشكك الها طول عمرك طفولتك و شبابك اني اجي هسة اكلك بطل منها هم عيب علي..

اني شريد اكثر موفرلي كل الي تتمناه بنية حياة مستقرة بلا مشاكل.
طيب مو ظالم و كريم وسخي و انطيتني اجمل هدية مؤمل..

باوعت لابني النايم.. وابتسمت حتى النومة على عباس بس العيون مو خضر بنية وشعر احمر

بست راسها ساكت ورحت لابني ابوس بيه

ـ راح تكعدة.
ـ ليش يناشغ وهو نايم شبيه الولد يا يسرى كضاها اليوم منحس على حضي..

ـ ها كل ساع تسأل شبيه الولد و شبيه الولد دعوفة حبيبي ليش تزعج نومته.. مو كتلك يبجي عليك..

شوي وفز يصرخ و هو حجية كوة ينفهم..

شاله وهو يربت على ضهره

ـ

اشش اسم الله اسم الله يبزر شيبي.. حبيبي بس.

اربت على ظهره. اشوف الولد يوخر ايدي يبجي...

باوعت يسرى دنكت تشرد مني شكيت ابني بيه شي

ـ مؤمل شبيه مو اسألج المن ساكته شغلة تعرفيها بية ما احب التضمضم والكذب نص عمري ضاع من وراهن....

سكتت وهنا صحت معصب..

ـ لا تعلميني ااذيج احجي اشوف الولد مو طبيعي،.

كلت هذا وارد انزعة ملابسة خاف كارصة شي.

بس يسرى عرجت الي بساع واخذتة

ـ باردة الدنيا شتنزعة هسة ينام..

جريتة منها بخزرة وشكي كبر، الولد بيه شي وهاي تريد ما تحجي..

رفعت بلوزتة.. وشفت اثر ضربة صوندة بضهر الولد...

عفته وجريتها من زندها...
ـ ضاربتة بصوندة يا ظالمة.. طفل حتى موصل سنة ونص...وتضربيه.

حلفت..
ـ وداعة عشكي الك ومحبتي الك وداعتك مو اني والله مرت اخوي..

عصرت زندها معصب..

ـ وانت وين جنتي..؟ وشلون تتجرأ على ابنج وسكتين اميش انت شلون قبلتي ينضرب ابنج هااا وبصوندة... وهو طفل

ـ ... عبد الله اخاف من نظرتك لا تباوعلي هيج.. فدوة نتفاهم بهدوء.

دفعتها كعدت على الجرباية صاحت اخ وهي تلزم صفحتها..

باوعتلها.. وبهدوء سألتها هاي المرة.

ـ وين جنتي وابنج انضرب..؟ يلة احجي..

بجت..

ـ جنت.. جنت.. انظف بيتهم..

ظليت اروح وارجع بالغرفة و ايدي على كصتي..

كد العصبية اتنفس حيل...

شفتها تفرك بصفحتها.

ـ شبيج..؟

دنكت و ايدها على وجهها تبجي.

ـ شبيج؟ عود من اسأل ليش هيج تسكتين...؟

ـ من دفعتني لجمتني.

ـ لجمتج؟ بلة رفعي ثوبج انت هم جنج مضروبة عفية لؤي خوش مأمن يمك مرتي وابني.

ما انتظرتها جريت ثوب الابسته
شفت اثر صوندات..

ـ ذبيت روحي احمي مؤمل من ضربته النوب اني وابني...كوتلها.
ليش شمسوين كل هذا لان مؤمل مشع.شعر بتها..

باوعتلها ورحت للجنط. اخذت قميص وبنطلون
لبستهن بساع هي تبجي وتعدل ملابسها..

ـ وين رايح..؟

ـ الي حساب وي لؤي.

ـ لا عبد الله...و الله اخوي تعب منها ابوس ايدك هو خجلان منك و عدته ما اكلك...
ـ اكول يشرد بعيونه حتى من كال ابوقوا عدنا الليلة. ...

ردت اطلع ولزمتني.

ـ توبة ما اروحلهم بس لا تحرج اخوي وعدته ما اكلك...

باوعتلها وخرت ايدها.

ـ استغفر الله واتوب اليه شوفي يا بنت الناس تنسين بيت اخوج يريد يشوفج ذاك بيتج يجينا للبصرة نحطة على روسنا هو وعائلتة. ونراويه اكرام الضيف على اصوله.
عاجبج لو لا جاوبي.

ظلت تبجي زمخت بيها.
ـ انتظر جواب شكد احب رزانتج بس سكوتج من استجوبج يدقني.

ـ اي اي شتريد اسوي ما اعاندك والله...

ـ هيج احسن حل.

ـ بس لا تروح و الله اخجل يكول اشتكت لرجلها.

كعدت ضايج ايدي على خدي مراضي بلي صار نار بكلبي طفل كل عمرة سنة وكم شهر هيج ينضرب لا وكاتلين امه هم حسيت انمس الموضوع بكرامتي.

بس هديت الوضع و بحسرة كتلها..

ـ هل مرة لخاطر هل عيون و الشعر المتوهج.. فوتتها والا اروح والي حساب وياه.. اذا مرتة سوت هيج ماتتجاوز ع ضيف لو شايفة منه عين حمرة بس ثبتلي لؤي طلع خرقة مسح.

نزلت راسها وبين زعلت مني
ـ مولاي شيسويلها ما تردع ومفشلته..
ـ يســــــــــــرى لا تبررين.. انت خطارهم واذا تنضربين انت والطفل الأهانة ملحوقها الي يعني مو بعينهم اني ولا حسبوا الفشلة مني يعني كرامتج تنهان من كرامتي هانوني معناها . فهمتي يعيوني لو افهمج؟

جنت اخزرها لان تبرر للغلط وين صايرة خطار يضربوه...

استشعرت خايفة مني...
رخيت نظرتي. و ابتسمت
اباوع ع كلبيتها

ـــ اممممم يسرى... ليش خايف حبيبي.. وترجفين.. شو تعاي..

اجت متوترة وهي تدنك.

ـ خزرتك تخوف..

هنا ضحكت اهدء الوضع..

ـ مو كنالج لا خوف وانت مع السيد.. بس...
سكتت ورجعت قويت لهجتي و خليتها حادة واني اهز اصبعي بوجهها..بتنبيه وتحذير اضبها من هسة مريد تتكرر مآسيي وي عائشة وسكنة.

ـ بس بشرط عدم الكذب علي
و ما اقبل تضمين علي
ذن كلش ما اقبل بيهن وحسابج يصير عسير..

و ما اقبل التمرد على النقاط الي حاطهن الج و الحدود..، و العناد وياي مو بصالحج خليها ببالج.،

بس ما تنفذين اي نقطة منهن من هسة اكلج واكون واضح وياج.. السيد يراويج غير وجه وهنا اكلج صدك خافي مني....

ارتبكت وهزت راسها اي..

ـ والله ما اسوي مشاكل بس لا تخزر والنبي كلبي حسيتة وكف وكلت راح تجيني ضربة..

دنيتها الي وبست راسها...

ـ ابقي هيج مثل ما انت رزنه لا تراددين لا تحتالين لا تنغرين ولا تعانديني هواي تعبت من العنيدات خليج محطة راحة الجأ الها لا تصيرين نقمة..

هزت راسها دنيتها وكتلها..

ـ تعبان كلش يا يسرى.. نفسيا وجسديا.

بداخلي كلت شيصير على عائشة لو احتوتني و شالت همومي بدل ما تزودها.. اااخ منج يا عيشتي..

اصبر ونشوف وين توصلين والا اسحلج للعراق لو مدري منو يوكف بوجهي.

عبـــــــــد الله
بالبصرة ورى فترة....
وبيوم من الايام سيارتي مدري شبيها
حاطها باب بيتي و الصباين يمي واني افحصها.

اعرف للسيارات من اشتغلت عد خوالي وي جعفر بفيترجية..

شوي و كردي
ـ كاكا... المختار انطاني

عنوانك انت سيد عبد الله.

ـ وصلت..

تلفت و خلا رسالة بيدي
ـ من سجاد.

فرحت.. و كلي على ثمن التهريب ابنه وضحلة اني ادفعله
دخلتة للبيت و انطيته حقة توصيل الرسالة
و طلبت يبقى عدنا بس رفض

ـ كاكا سيد اني ما يكدر يبقى ثلاث ايام وانا يروح انت اكتب جواب بعد باجر اجي استلمة.. اروح للعشار كاكا صديق هناك عندي..

زتيتة للباب وسديت الباب..
لكيت رقية تتلصص ابتسمت و دهلت المضافة اول اقرا اني اشوف وين وصل يا دولة هو زين ليش من الشمال بس لا رايح كردستان..

اني قريتها واني من العصبية كمت ما اشوف..
ضربت الحايط وشمرت النفاضة طكت بالباب.

ـ سجاااد... حتى برة وسويت مشاكل موتوني وارتاحوا

اجت يسرى ورقية يركضن..
على صايحي... وصوت انكسار النفاضة...

ـ ها ابو عباس... بيك شي..؟

باوعت لرقية..

ـ يسرى طلعي وعوفيني وي رقية

رقية بخوف
ـ مولاي ما مسوية شي والله من باوعت من باب المطبخ ما يشوفني الرجال بعيدة ومن راح مديت راسي لا تحاسبني توبة واذا على كصة مؤمل..

ترى محمود فشخة هم يتعاركون عبالك رويسية ومحمود ضرب مؤمل بس زوركت كصتة ما طلع دم والاه..


باوعتلها وهزيت ايدي من سوالف النسوان.. من يحرضن طفل ضد طفل ما يحسبن العواقب..
عبالها ما اسمعها كم مرة تعلم بمحمود اذا ضربة مؤمل يضربة مرتين وما يسكت..
بس اغلس اكول عقلها بعدة مال جهال وحالها من حالهم...

ـ هاي بعدين احاسبج عليها لا زرعين بين الاطفال حزازية ومؤمل وان محمود اكبر منه بس مؤمل عم محمود ..

و لا تعلمين ابنج يصير متوحش..

ـ عمي والله ما اعلم بس الله يسلمه مؤمل سولتة بالشعر يهو الكاضة يجر بشعره و محمود يضوج احد يلزم شعره

هزيت ايدي...
ـ هو شمحصل من سجاد وخلفتة بس الضيم. كعدي نسولف..

ـ عمي خاف مليت من عدنا و شو جنك تتحيز لابنك..

صحت بوجهها..

ـ مليت يا رقية خاف عبالج مؤمل ابني واتحيز وانت كلتيها... الفكرة الي ما جاي توصليلها ما اريد محمود تعلميه عنف.

اني مؤمل اعلمة ميصير بابا عيب ومحمود مثلة هم اعلمة.. على العيب بس اكو من ديخرب تربيتي للجهال...

هنا بجت..
ـ اخاف احجي وزعلون اسأل فاضل هو يجمعهم ويكلهم تعاركوا مثل الديوجة
لو يوز مؤمل يمشع محمود ويروح لمحمود يكلة اتفل على مؤمل و طكه...
والله فاضل راح يعقد الولد يصيحة ياسويدانة و ابني مو اسود اسمر مملوح لو معلمة يركص ع غنية سويدانة...

ـ استغفر الله اربي الزغار يارب لو الكبار. تعبت منا سجاد ومصايبة و منا فاضل وانت جنكم رويسية و جهال ومنا بزر الزعطة لازم نحاجزهم ما يتكابلون مؤمل ومحمود الا يتعاركون..

ردت.. بلهفة من سمعت بسجاد.

ـ ليش شبيه سجاد وصلك خبر عنه..

ـ اي يابة حتى اختصر عليج اقري هاي وبعدين نسولف..

وهاي رسالة الج.. تقريها بحدج ما فتحتها خاصة بيج..؟

اول قرت رسالتة الي ودمعت عيونها دنكت..

ـ الله يهنيه النوب مخلف واني انتظره احسب الثواني عافني حنتي مناشفة بيدي.

جريت نفس قوي .
ـ قريتي الرسالة عدل يا رقية. هو بمشكلة وحسب ما اتوقع ما يستمرون البنية متريدة.. وديخيرج.. تبقين وياه لو لا شرح ضروف الزواج جان مجبر بنتي.

حاولت ابرر لسجاد ما اريد اخسر جنتي رقية على مود غريبة احتمال استحوذت على انتباه ابني.

ردت بحدة وتنحب

ـ ما يهمني البنية المهم هو الظاهر حبها يا عمي واني تاركني هنا مجبر مو... لعد الطفل الي خلفه منين اجه
ليش خلف منها اذا مجبر....

حسمت الموضوع..

ـ رقية الترديه اني حاضر بيه والج وعد ما ادزج الا يطلك.. و راح اكتبلة هذا حتى ما يتماهل ويحسم امره وياها...
وخل بس نتواصل وسهلة اني متحلف بيه...

ـ عمي ما اكدر اعيش دونة احسب الثواني ما اعوفة لوحدة ما نعرف اصلها فصلها.. الغربة غرته وكعته بت العجم بفخها بس اني استعيد زوجي.. اني بيه اريده والله.

لو اعرف اعادي اهلي اتركهم بس ما اريد مرة تشاركني بيه
ـ تدللين.. خل التقي بيه او يتصل ونشوف.. وترى البنية من كلامة مرايدته.. يعني لا تخافين الاحتمال الاكبر يطلكون...

بحرقة و نحيب ضحكت.. ابجي واضحك قهر...
ـ مبين هواي متريدة ربطت نفسها بيه بطفل.. بس مو رقية الي تستسلم وينباك زوجها وتسكت..

بس الحمد لله اهون من عمتي الله يرحمها على الاقل سجاد الي اخذها ما توصلي.. و بسهولة اكنسلها من حياتة..

الله يرحمج عمة والله يساعدج عمة عايشة.. حقج من تهجين زلميش زلم هل عائلة ميشبعون..

وسعت عيوني غاضب بس سكتت هاي مو جنها رزلتني اني هم.. لو غلطان..
سكتت مراعاة لنفسيتها و بس عاتبتها وكمت
ـ رحم الله والديج وبالمناسبة عمتج مو فقيرة ولا هي مظلومة يكفي السوتة بأبني.
وصح اخذتها كبل عائشة بس ترى عاقد ع عائشة قبل يعني شوفي منو الي دخل على منو؟

ردتني..
ـ عمي رغم كلشي تبقى عمتي ما اقبل تجيبون طاريها.. اهاليتها لسة ممصدكين موتتها وهي ناقصة عمر..
ومظلومة وهاي التهمة الله يدري منو منهن الي انطت الدوة.. ماكو دليل يثبت عمتي فعلا مذنبة واذا حجت مجانت واعية و الي بحالتها كلشي يحجي لا قانون

لا دين ياخذ بكلامه..

هو الولد الدوة انطوه ياه مو قصد موت قصد يهدأ سواء امه او عمتي الولد مات وطير من جنة..

حسيت برقية كلامها خناجر بس عذرتها معصبة من سجاد ومو يمها تطلع حركتها بية طحت بلسانها الي اول مرة هيج ترادد...

رديت بزعل..

ـ عفاا عليج يبتي.. مو مقبولة منج.. تعلين صوتج.. لو ما ابني السواه قاهرج ما اسكتلج ترى..

طعت من يمي تبجي...

رقية....

الخيار صعب...

يمكن وقتها تمنيت سجاد انسان مو صريح.. و يكذب ويضم علي ولا اعيش هذا اليوم..

ورى ما انفجرت بكلام ادري جارح بس انفجرت بقهري منهم..

طلعت من السيد واني ابجي

ليش سجاد.. لا وفوكها مخلف.
بس مو رقية التخلي مرة تاخذ حبيبها..ارجعك الي ارجعك.
و هذا الخلفتة منها لا اريده لا اريد شوفته...

اي خل اشوف شتصفى و من هسة اكللهم مالي علاقة بأبن العجمية..
يدبر اموره بيه..

عبـــــــد الله
مرت الايام بالبصرة بين شغل وتعب وبين اتصل.. بعائشة.. خطوط مو كلش زينة رغم اقوة الخطوط للعراق من الأردن.
تبين مشتاقة وتعال اشوفك..

هي عبالها تكدرلي تريد تلعب بية بس الا اني امشيج عدل..

بيومها كتلها انت الخليتي نفسج بعيدة واني ما فارغ يومية رايح و جايج.
حسبي حسابج الجية الجاية ترجعين والا هاي هي ابقي شبعي بالأردن وما اجيج ولا تشوفيني وهاي ضرتج تستولي علي كليا..

حسيت ثرت غيرتها و هي بجت
ـ لا ما اخليها تاخذك بس الها.
ـ اشوف مبين عليج نفسيتج مستقرة
لعد هاي هي تجين وياي وكافي بهذلة
ـ عبد الله بس تجي نتفاهم..

بيوم خابرت هي وتترخص مني على طلعاتها.
ابتسمت انو ما استغلت الغربة وهم خذت اذني بلكت تعلمت من خطأها دروس بس هل مكالمة لاحظت تغيرها..

تغازل و تثيرني النوب اني بعيد عنها و حتى كمت من اتقرب ليسرى شيطاني مسيطر عليه هل ايام..
تبقى عائشة بنفسي.. زرعت بيه شوك و مثل الي يتوق للشيء وميحصلة يبقى يتمناه حتى لو رغباتة تشبعها امرأة اخرى.

حسيت هيج حبدي اظلم يسرى لازم تجي عائشة حتى اوازن بينهن
ما اريد اوكع بمحظور ظلم يسرى
.
اتكلب الليل كلة روحي هناك مسافرة لعد عايشة..

حاولت يسرى تتوسط كالت خابر احاجيها جنك ما مرتاح يعمري اني اتوسل بيها ترجع

رفضت مقترحها ما اريد ليسرى توكع بلسان عايشة..

رجعت توجرت بليلة من الليالي من ورى ما سدته بعد ما شعلتني بتلفون اسدته كلش سودنتني الحالة.. هاي..

انتبهت من صفنتي و شرود فكري على همساتها الي احسها تتعمد تثيرني. من تهمس بصوت تسويه متناعس و مغناج...
بدلع ..
ـ حبيبي.. شنهاااي شو ساكت اكيد تفكر بية..
ـ صراحة اي شنو هذا التغير والدلع البهذل حالي شنو هل اهتمام باغوائي وانت بعيدة حرام عليج
ـ اووو غير احبك مشتاقة الك يعمري على مود طلعاتي تأذن الي مو؟

ـ تمام بخصوص طلعتج هناك الج كامل الأذن بس لا تستغلين الامر لطلعات تافهة...

جان كلامي كلة بين شد و رخاوة وبيه تهديد اضبها شوي..

عائشة...

اعرف السيد يلمح يا طلعات ممنوعة لسة عبالة مثل قبل ..

ـ ما اروح حفلات و اماكن الي تكرهها
بس عندي مراجعة وي خبيرة اقصد طبيبة جلدية ع مود حساسية طلعت لبشرتي

كذبت... اذا اكلة وين اريد اروح يمانع لو يضحك على افكاري ومخاوفي من ظهور اول تجاعيد ضواحك..
او يعتبر اهتمامي بجلسات وعمليات جمال ومساج بشرة تضيعة وقت..

فكتلة لجلدية اروح..

ـ روحي يابة ومنين جتج حساسية اهتمي بروحج لتخليني بس افكر بيج..

همست اذوبة..
ـ لا تفكر حبيبي بصحتي فكر بأشواقنا.. بحبنا.. ذوبني بغزلك كبل لا تسده اصبر نفسي على الفراق..
غذي روحي بهمساتك اريدك تهمس همس حتى توصلي جمرات وحرارة مشاعرك..

حسيت بتنفسة تخربط و بين توتره
بديت استغل حبه الي حتى اكثر اذوبه استغليت ضعفة لعشكه الي حتى استعيد حبه بس الي.

همس
ـ عايشة.. لج.. بس اجي الاردن اموتج اذا ما تجين وياي اصيرلج من زمن الكهوف و سحل من شعرج يا قاسية

ضحكت تعمدت بدلال وادري نبرتي بالتلفون تصير مغرية

همس
ـ اروح احسن تشلعين كلبي تحركيني وممحصل شي النوب تضحك تشعل ناري...

همست
ـ مشتاكة لطعم شفايفك حبيبي

حسيت بيه سكت عرفت اججت داخلة مشاعره وخبلتة
همست هم.
ـ و الحضنك.. يحتويني وحتى رجليك من تحتوي جسمي وتخنكني ما احوس كل هذا مشتاقتله.. اووف كون انت يمي..
الا اخليك تذوب..
نصيت صوتي كلما انطق تذوب و اكررها.. تذوب تذوب تذوب

همس
ـ شلون بية ولج اريدج هسة...

همست..
ـ ويسرى..
ـ الها حقوقها ومحبتي واحترامي
بس هسة انت بفكري من ورى كلامج الي ذوبني صايرة كلش جريئة حبيبتي.
اوف ولج حرام التسويه بية..
اتقي الله عايشة هم بعيدة هم تتلاعبي بية وبمشاعري

همستله..
ـ ومن احضنك.. شفايفي تستراح على صدرك بالوحمة الي بنص اعلى صدرك... تدري شسوي الا اخليك تهمس كل حرف من اسمي خاطرة من خواطرك القريتهن بدفاترك..

حسيت بيه استوى كلش وهو يهمس
ـ عايشة سمعيني شكد تحبيني تغزلي بعشكنا اني اسمع حبيبتي..

هنا همست.
ـ الو.. الو.. شنو هاي عبد الله تسمعني
ـ وياج صوتج واضح..
ـ ما

اسمع شنو انقطع حبيبي عبدو.. عبودي..

صوتي اخليه مغناج.. واني اضاهر الخطوط ضعيفة
سديتة وعفته بلهفتة اصيدك اصيدك.

هسة القائمة تجي تكرع الراس و شكد فشلة من هاشم.

ابتسمت وغمضت عيوني منتشية باول خطوة استعادة عبد الله بمشاعره كلة الي.

من راح زادني شوك بعده عني اجه شعل بداخلي المشاعر وراح بكل برود وكلما اتصل كلت رضخ و تمكنت منه...

بس هو يقود الحجي هو الي مسيطر بس بديت دروب الكيد و اصيده بتوليعه بالمشاعر قريت مذكراته و اني من قبل ادريه رومانسي كلش بس مذكراته دون قصد منه انطاني نقاط ضعفه

يحب الغزل يحب احد يهتم بيه ويحسسه ملك زمانه يحب المرة الي تترومس و تصيرلة مغناج و تدلع عليه ميحب المكدرة والي بس تشكي وتنوح.

بيوم. ورى ما اخذت منه الاذن بطلعاتي..
واكفة كبال مراية طويلة تعكس كل الجسم.. اراقب نتائج جلسات سويتها.

لابسة كيلوت ابو كسرات طويل نزل للسوك.. من فترة اليشوفة يكول تنورة ام كسرات بس بالمشي يبين كيلوت عريض...
وفوكة قميص كصة كلاسيكي قماش اخضر مطفي مقدف نزل هذا القماش ااي تقديفتة اليشوفة يكول موهير..

جان طباقيات بيه جيوب بالصفاحي بزمات تدخل بيها قيطان اسود بلون الكيلوت و القياطين على شكل مشبك شلون شدة قيطان الترانشوز..(هاي موديلات قمصان البرنسيسة اسمها...)

اخذت جنطتي. الي قفلها مغناطيسي ولبست جبة فوك ملابسي اباوع لنفسي مبتسمة... طلعت جني بت الثلاثين خاصة بعد جلسات تجميل و مساج سويتها ودفع فلوسها هاشم يحولي.
طبعي احب الجمال. احب نفسي وما اريد اكبر..
اريد ابقى زغيرة..

لذا دائما كل فترة اروح لدور الجمال..
وعلى ايدين خبيرات..


شعري الاسود اختفى وحل محله شعر كستنائي فاتح بيه لمعة شقار خفيف بس رفضت تسريحة اخاف الفكرة لا متلوكلي ومنا ادري بعبد يحب شعري و يحب يسحب الكناكير ويتركهن مثل سبرنكات
ابتسمت مشتاقة لهاي حركاتة وشقاه. .
رجعت بفرح اباوع لوجهي.
مشدود.. جني بنت الثلاثين..
وحتى رجعتني هل خبيرة لعمر نص العشرين.

هاي راح استمر عليها... هسة احس بثقة و يسرى اذا سلاحها عمرها زغير..
اني هسة احس بالشباب
و حتى جمالي مميز لون هذا الشعر برز رونق ببشرتي. و انطاني اكيد جاذبية.. فوق جمالي وجاذبيتي..
دمي مو جامد مثل يسرى... مدري غيرتي منها توحيلي بهيج او فعلا دمها مو مثلي يلعب وجه بشوش.
و نصاع بياضي ورقة رابحة..

بس لو طويلة اااخ اني كصيرة..

احس نفسي ضايعة من اوكف يم عبد الله....

لفيت حجابي.. و طلعت...واني
اكض بيد لبنى..

ـ يلة نروح نفتر شو ابوج بالسعودية ما يجي الا شهر سادس يبقى اسبوعين ويرجع لشغله..

هاي الفترة خطية ميكدر دوم يجينا..

الله يفك عقدته من النسوان ويبطل مكسراته و يستقر يرادلج اخو يا لبنى

ـ اني... اخو..

ضحكت..

ـ اي الج اخو حبوب مو انتِ اخو...

لبنى اخذت مني هواي كلام عراقي وعدها كلمات اردنية و الخليجية. بقت تختفي كم كلمة من ابوها حافظتهن..

نتمشى وشوي اسمع احد يحجي.

ـ يا انسة يا انسة بدي نتكلم. انا من فترة بسيطة جيت الاردن و كنت متابعك.. هذي اختك. فيها شبه منك الله يخليها يارب ليك.

استغربت جسارته و دون احم دستور.
مبين اربعيني هيج شي...

باوعتله و نزعت نظارتي الشمس

ـ نعم؟.. شو ماخذ راحتك بالحجي وصجمني..
بس اصر واشر اتجاه المزرعة.

ـ انت تعيشي هنيك.؟!

ـ اي.. ليش... اكلك ترى اني العراقي اذا يصجمني اوكلة تبن مو بعد اردني..

ـ يا انسة انة من اصل فلسطيني.. لا تفهمي خطأ مابدي اضايقك.. بس بنت عجبتني احتشامها وجمالها غكرت اخذ اذنك حتى اخطبك من اهلك..
مابدي اكون زعجتك. او تعديت حدودي
انت مانك؟ مخطوبة؟ مجوزة؟.. انا معجب فيك كتير.

داخلي فرحت والله ياعبد تكبرت علي وجبت الزغيرة واني حتى اخوانا العرب تنعجب بية وتخطبني.. وانت ظالمني شايف روحك علي.

تونست لأن جاذبيتي و شكلي يبين اصغر من عمري..

باوعتله و كتله...

ـ اني مزوجة.. لو يشوفك السيد يكولون يبقلك سن بحلكك.

ـ كيف..؟ خسارة..

تركتة واني ابتسم و اباوع للبنى

ـ اني بيبي لبنية بالرضاعة واليوم انخطبت ههه ها لبنى جدج شايل خشمة شفتي شكد بيبي حبوبة وكلها تنعجب بيها..

تعاي نفوت مناك...

ورى فرة وتعب رجعت حاولت احصل مكالمة

بس سديتة رن التلفون.
اجاني صوت تعبان
ـ مزرعة هاشم ال يمعه الكويتي.

خفت الصوت مألوف وتعبان.

ـ منو..؟
ـ سجاد.. منو انت..؟ لا تكليلي الرقم دازيه الي غلط انتحر بروحي.. الله يخليكم هاي بيت هاشم السعودي مو...

دمعت عيني..

ـ ابني الحمد لله على سلامتك من الاعدام.. اني خالتك عائشة مرت ابوك.

ـ انت هنا يعني ابوي يمج.. انطيني ياه ما كدرت اتحمل انتظر التاريخ الي طلب اتصل بيه شلون ما دزلي ولا فلس لو بس دازلي ع الاقل مصيريف ع ما اخابره.

ـ لا ابني وين.. مو هنا بس هو قريب يجي.ان شاء،الله.

محتاج شي سجاد..

ـ اي محتاج فلوس كل العندي خلصوا وشغل محد يشغل عراقي الا بالكوة. وصلت حتى سباك اشتغلت

مسحت دمو

+ مسحت دموعي
- شكد تريد احولك.. بس اامر.. عندي مبلغ محترم هاشم
! حولي ياه.. شلون ادزه الك..
- ما ادري مكمت اثق بالناس هنا اليمي.. راح يكتلني
القهر..و الجوع
ليش ابوي ناسيني ولا فلس دزلي..
والله يا عبد الله بيك عضة عليج الله بس يجي عضيه مكاني
13 كليلة سجاد زعلان.
شوي سكت وسمعت شهكتة مثل الضام بجيه كلش، قهرني
: الأخ عبد خطية ليش منازلة فلوس.
. اعتقد اكدر احول باسمك حساب نقدي بس تروح تسحب
شلون ودائع مرسلة..
سألني
- شكد المبلغ يمج.
) بس كتلة ضحك
- ما يكفن يا خالتي اريد الحك ابني يا خالة ما انام ابني ما
اعرف شلون صفت بيه الدنيا اخذته امه
و ابوية خيرني انتظر لتاريخ جيتة الاردن ونتواصل او اجي
اسافر. بس منين تذكرة
۔ ابنك محمود شوداه الك ورقية شوداها امريكا
ضحك بقهر وحسيت بضحكتة نبرة بجي..
فحجالي شنو صارلة بأيران ضجت كلش. عليه.وظليت افكر شلون اوصله لابنه
كلش عاطفتي تحركت.
اعرف شنو واحد ينحرم من طفله بس ع الأقل ابنه عايش.
ما كتله ادبرلك لامريكا فلوس خاف ما احصلة واتفشل بس
وعدتة انو هاشم يساعدة للجية لهنا...
وطلبت منه يروح للبنك يستلم حوالة أحوله وديعة يستلمها يدبر
امور معيشتة لمن يوصل اردن.
رجعت.. احاجيه ع التذكرة..
. كمل امورك التذكرة سهلة هاشم يرتبها الك ويحجزلك. من
: شركات تركيا للأردن..
: الأفضل تجي يمي وتنتظر ابوك هذا احسن حل...
۔ ابوي ما دزلي ولا فلس مبین خوش مهموم
د علي.. تركني ،مفلس یا خالة...
۔ ابني الله اعلم شنو بباله اذا مسولفلة جفصاتك احتمال راد
يربيك شوي ع ما يوصل الاردن يشوفك ثقتك بهاي العجمية
و الباكت ابنك وفلوسك وين وصلتك...
- دخيل بختج ولا فلس دز شهل قساوة واني بغرب مو.. دزيتلة
! مهربجي..دزلي بيده رسالت بي وفلوس ماکو.
. لا يمة لا تظن بالسيد اكيد ما يثق بشخص میعرفة اكيد
میدز.. ومدام مخيرك تجي هنا الافضل تستعجل هسة اتصل
بهاشم
سديتة وبلغت هاشم..
ه الي کال اتكفله هو وسفره للأردن

- يريد يروح لامريكا يكول ابني هناك...
سولفتلة محور المكالمة وردني هاشم
3 - متى تتركي التدخل يا امي كل مشاكلك انك طيبة زايد..
لا تدخلي لو كان ابوه يبي يرسله فلوس كان ارسله لكن
هكيته يبي... يسحبة هني للأردن وانت تبين اعطيه فلوس
و يروح يهرب لامريكا وما يراوينا بعد ركعة ويهة...
لا تدخلينا مع السيد ما فيني اتحمل عصبيته... اياك. تورطينا
: مع السيد بطلي تجيبي مصايب لروحك..
السيد احتمال يبيه ويتفق معه اول...
انه كل العلي ابجيبه هني يمك..
ينتظر ابوه يصفون امورهم لا تدخلي واليسلم راسك.. توبي
من طيبتك.. تكعي انت فيها..
بنت
- يمةةة يمةة اكلتني حاصل فاصل شجاك
عميد
بطلت
: رتب جيتة خطية متبهذل كلش
طبعا ما اخذت النصيحة وفكرت ادزلة مصرف لمن يجي
الاردن..
رحت للبنك وسألت شلون احول مبلغ لشخص وديعة يستلمها
واني اخذت ارقام تواجد سجاد اتصلت بيه و فهمتة شيسوي
حتى يستلم التحويل..
+
* مرت ايام و فترة طويلة اكيد وصلت الرسالة..
و السيد كال يسافر وری اسبوع حسب التاريخ بس يخابر
: اسحبة للأردن..
اقترحت اروح وي السيد..
* كلبي طاك لشوفة سجاد..
بس كال خل يصفي اموره اول
تركت الموضوع واني احاول اقنع السيد اروح اذا ما اروح
خاف ذيج تقشمره
او ما يطلكها...
: خابرت ابوية بلغتهم بقراري.
|
اجة ابوي معصب لسة هو متحامل على عمي السيد من
اتهامهم لعمتي وراها موتها الي دخنا بيه و كملها سجاد
بزواجه..
.. و بيوم وصول الرسالة و بلغنا ابوي بمكالمة...
هم تعارك و هم کال اتبری منج فالسيد كلي حكتب لسجاد
يشوف وين وصلج ووصلنا بطيشة
وهاي المرة قررت قرار نهائي اسافر وي عمي...
اروح وياه.. جنت حدية و بلغت عمي يرتب سفري شو جوازي
وری سفر سجاد طلعناه احتياط خاف يرسل بطلبي...
فاليوم الي بلغت ابوي اخر قراري..
اجه و هد يعارك عمي ويتهمة ضغط علي لوقنعني لاجل
مصلحة ابنة..
كاعدين بالضيافة..
ابوية يهز برجلة معصب ويخزرني
و اني مدنكة و امسح بخدي
و عمي بيده سجلات اشغاله يدقق
: و هو متجاهل عصبية ابوي ميريد يبادلة عصبية وتتأزم الأمور
سد الدفاتر ورجع لموضوعنا...
بس ابوي تعارك و هو يلوم بسجاد فهنا عمي صيح بوجه
ابوي وهو يشمر بيده.
- جعفر.. لو موصي ربعك عليه ما ظل يهبد هناك. وشرحلي
عن احمدي صاحبك رايد يوكعة بمشاكل يعني شيسوي..
: وكعوه بفخهم..
۔ احمدي انتهينا اني وياه من زمان اني جاي اخذ بتي وابنك
وكوه ما وكوه خوش كلاوجي.. رايح مخلف..
المن ماخذها ومخلف منها لو صدك حجيه جا بس عقد بقاها
ويطلك.
مو رايح يخلف بس حوبة هاي المسكينة عافها عروس بحنتها
و وحامل خلت هل ايرانية تشرد بابنه و خوش نچلت بيه..
. اسكت اسكت.. شنو تشمت بزرنا خطفته امه وربك اذا ما
: رجعة سجاد ادخل وشوف الزلم شسوي.
ارجع الولد لحضن ابوه او تنحل يم امه يبقى بس يطلكها
: ويشرف ع ابنه كل فترة يمه...
و انت كل شويه تصيح اخذ بتي. هااا شو ما تعرف تحجي..
: وين تاخذها؟ هي بتنا صارت وخلفت منا ولد..
. خلاص يطلكها يطلك.

بتي على ضرة لو تعلمتم يا بيت عبد الرحمن.. هاي ام نور ما فكرت ازوج عليها لو غيري خلفتة بس بنات ياخذ ثنين ثلاثة اربعة لمن يجيه ولد...

هنا تدخلت ابجي

ـ يابة فدوة اروحلك اريد رجلي لو يزوج علي مية اني ارجعة للدرب. اريد رجلي و ما اعوفه و ما اطلك..

هجم علي ابوية يضربني ومنا عمي دفعه
ـ احترم.. البيت الأنت بيه يا جعفر..

ـ و الله يا ربيب طفولتي و صديق عمري يا الي ابوي رباك بمي عينة و انطاك العزيزة يا صاحبي.
شلون رجعت الأمانه هااا شلون رجعتها.
وانت هسة متونس
وهسة تظلمون بتي...لا والله الا اخذها...

هنا عمي عصب وصاح.

ـ جعفر؟ كون الله يموتني اذا ظالم اني...

هنا ابوي بكسران كال.

ـ اسم الله عليك عبد تدري مكانتك عندي بس ليش يا خوي كسرتم بخت اختي وهسة ابنك كسر بخت بتي
رديت ابجي والطم خدي

ـ والنبي راضية يابة و داعتك راضية بس لا تفرقوني عنه ما صدكت يدز علي. يابة والله غلطة ويطلكها..
ـ رقية لهنا حدي وياج عنيدة مثل عمتج و النتيجة على مود زلمجن تموتن روحجن..

اني غلطان انطيتج لهاي العائلة وغلطت غلطة ابوي من انطة سكنة

ضحك عمي وهز ايده..

ـ اي عبد نسب الهاشمي ما يشرفك يمكن..؟

ـ لا والنعم منكم اخلاق ودين يا خوي بس هي قاعدة ابوك تزوج ثنين اكيد ولدة يزوجون يثنون و يثلثون
انت ثولثت سجاد ثنى و و و جراركم ما يبطل.

اليريد يزوج بتة لعائلة يسأل على سابع جد... الابناء تقلد الاباء

رده عمي...

ـ وخالي روبع لو نسيت ابوك يا ابو نورة.. مو قياس ولا وراثة يا هوي بس الظروف تحكم الشخص.. فلا تجي تحجي بكيفك وتشيل راس ابوي وهو ميت.

خلا ابوي وطلع بس التفت وكال اخر شي..
ـ عود باجر لو كعدج وي العجمية تآمر عليج لا تخابريلي تكليلي الحكني يابة ورجعني العراق انظلمت. انسي عندج اب

هنا انهاريت ابجي.. ضحيت بأهلي لخاطر سجاد يارب هم يضحي لخاطري...

بيوم ما حسينا الا فاضل يركض وهو يكول
ـ وسام داجيه سجين ..

ما فهمت شي رحت اسمع البجي ومراكض بيبي خولة للشارع...

فاضل...
طلعت لكيت....

نضال تركض تبجي تصيح بالشارع
ـ ماما كتلت حجي وحجي موت اخوي وينك يابة فاضل الحك..

لكيت بيبي خولة تصرخ...

ـ راااح لحك ابوه وراه.. ولك باااقر اليوم تجدد موتك..

الجوارين لزموا الشايب. و اني اشيل بوسام جثل الله يخليه ما كدرت وحدي
صحت بامه وبيبي
ـ فوتن للبيت يلة.. وصوجن نصيه مابيه شي..

عمتي ام وسام
ـ كلة مني من شافني اعارك الزلمة هد.
هنا بيبي ضربتها
ـ يكمرة موتي ابوهم وهسة درتي على هل ولد الوحيد... يتمتي خواتة بيه مثل ما يتمتيهم بابوهم.
صحت

ـ ترحن لو شلون.. ما بيه شي كتلكم

كاض بطنه التنزف و هو جنة انتبه صاح
ـ يا حقير ... تمد ايدك ع امي
رديتة
ـ اسكت خوية اسكت هي امك احد يكدرلها هاي ابو منتظر جاب سيارتة يلة اسند روحك.

مو قوية ضربتك بطنك كونكريت ابو كرش السجين فاتت بالشحوم. المدرعة...

ـ فاضل دايخ ولك ما اكدر اكوم..
هواي نزفت
ـ لو نازف هواي ما تحاجيني.

اخذتة للمستشفى زين السجين مو قوية. الضربة.. ويمكن من الالم اول اغمى عليه او شوغة سجين.. بس اخذناه منتبه.

من الاستعلامات خابرت ابوي بالشغل.. وبلغتة
تالي رحت رادوا دم.

المهم لليل فك من البنج و هو يبتسم.
ـ فاضل صدك جذب.. شجابك وياي للجنة... وروح ابوي ولا حورية انطيك من الله مغثوث منك النوب لحكتني.

ضحكت هلا هلا لو جايب كامرتي الفيديو ومصورة.

ـ اجيت بلكت تدورلي مرة على ذوقك حور عين مولانا وسام.

ـ فاضل اكعد راحة لا تكول اكبر مني بتسع سنين ترى ما جاي اهلوس ولا يأثر بية مخدر بس ردت انصب عليك.. بس ما بية اضحك من بطني فبطلت مكملت النصبة

يحجي بصوت تعبان و هو يجادلني.

ضحكت.
ـ حرامات والله لو مهلوس وانصب عليك... بعدين عين الحارة باردة عليك تجادلني وانت مخيطين بطنك خوش بيك حيل.

جان ابوي برة اجة من الظهر.
دخل وهو تعبان و بيدة الادوية

ـ شوداك للعرايك يابة والنوب رجال كد ابوك رحت تنازلت خطية سجنوه

هنا صاح وسام

ـ والنبي اموتة اذا دخل منطقتنه و احتك بأمي.. يابة شوفلك صرفة لكمرة طلعاتها متعجبني امي حلوة اخاف عليها اذا ع السوك
اكثر مسواكنا تجيبة انت لو فاضل واني هم خلولي يوم دور ولا امي تطلع..

ـ ابني امك ما ينخاف عليها واني من ورى ابوك خفت عليها لان تكبت داخلها كلت تطلع تشوف ناس احسن ما تنعزل تتمرض

ـ هذا ابوي هسة حتى عضامة فنت بعد واقع ونعيشة وامي قوية تتحمل..
ـ و الله يا وسام الله لا يكولها شنو عضامه فنت ااااخ يلي بكلبي ضامه بس انت كبرت.. ابني مثل ما تريد... طلبك اوامر

ـ يبة هم صح شهيد حي عند اله بس هاي نضيلة بس اطيب انة الها ساس المشكلة هي
ـ هنا حدك الا البنات.

طلع ابوي وتبعته

ـ ليش من ينجاب خبر عمي احسك تضوج من نكول ميت

ـ لان نشأت ذبلة حجاية عمك هارب من العسكرية وهواي تهم.
و ما اعرف صح من خطأ و كم مرة اروح اسال يضحك و يكلي اخوك متونس وانتم مقهورين. زين هو شمدريه اكيد كذاب بس بقى داخلي هاجس

. رحت ساهر اكد ما بيه روح

ومن استشهد ما كدروا يسحبون جثته
ابني تعبت بين ها ميت ها عايش ها مفقود هارب اااخ لو تشوفون هموم كلبي..
رغم كلام ساهر.
حاولت ارفع طلب باسماء،الاسرى الاجئين للخارج..
ولسة ماكو جواب ولا الحكومة تسهل الامر فتركت الموضوع شو دخلوني يحققون وياي ويسألون
خفت لا كل العائلة تنجر.. تركت الموضوع و العايش يا ابني يبين

ـ و الله سالفة تدوخ

ـ عمتك ما اقتنعت واني بين وبين. ما اعرف ابني هي امنية يكون عايش.

حالي وي عمك مثل الي يدور ابرة وسط بحر. ....

صفنت..وكتله
ـ يجوز ممنطي اسمه الكامل او خاف مبدله ...

ـ ابني لو عايش جا بين هذا ملخص الحجي. جنت اكول شهيد و نترحملة هسة مفقود..

لانعرف اراضيه اذا عايش ولا نعرف ميت...

ـ لا حول ولا قوة الا بالله شيخلصنا من صديم و نفتك اخذ زينة شبابنا

ـ فاضل اسكت لا تصير مثل سجاد لسانة يطش حجي وكعنا بمصايب.
خليك بحالك..

مصيبة عمك الما ادري عايش ميت ومصيبة سجاد الي ظل على كولة. امثال كمرة الما تخلص لاحظت برجيلها لاخذت سيد علي...

كافي علي ذن المصايب هاي غير حياتي المخربطة بين نسواني.

مر على طلوع وسام من المستشفى اسبوع وقبل سفر ابوي التمينا عدهم...

و ابوي طبعا حاول بلطف يحاجي كمرة لان يدري بيها عمرها فنى ع مود جهالها.

واوقات احس بابوي يعرف شي بس مثل الي مهموم بيه وساكت..

ـ يابة كمرة سيدنا وسام يكول امي ما تطلع لا سوك لا اي مكان..
شو يابة سوك ونسوك.. المن تطلعين..

هذا حجي ابنج..

هزت ايدها...
وهي تخزر ابنها الي متجين ورى ظهرة مخاد ..

رفع وسام راسة
ـ ها يمة تباوعيلي اني زلمة البيت من بعد ابوي طبعا عمي مكانتك محفوظة وكل القرارات بموافقتك اكيد.
بس اني عندي ثلاث حرم امي واخواتي يعني الوحيد ذكر عند ابوي و ما اريد الناس تكول امه تطلع ومو بعينها لا ابن لا حماها.رادعها... يمة والله جماعتي يبسمروني....

هزت كمرة ايدها...

ـ اكلك خايب ما تنجب وتسكت لا ادفرك ببطنك وافك خياطك. شنو شايفني اتونس اضوج اروح يم ربيعاتي..بعدين شنو يبسمرونك ربعك بايكة ناهبة هااا وسفة عليك
المعيبر يبين بالعبرة و هذا ثالث وراح امتحن وياك ونشوف منو بينا الي يجيب معدل..
ذيج الساعة فك حلكك عود..

والله يا الله... ناقصني هل فصمة يأمر ددرس ادرس مو فرحان نمت وداجيك بسجين ولك انة اخلي زلمة يدجني سجينة جا غير امه ما جابتة الي يدجني بس انت زلمة بس علي صاير...

ـ يمة عمري ١٥.. مو بعينج شنو هذا الحجي عمي ما تحاجيها مو ام حاطلي بالبيت راجمة..

بس يا عمي اشهد علي اذا طلعت اكض عبيها احركهن واشوف شلون بعد تطلع.

ابوي يبتسم وسكت. مثل متفاجأ بوسام وانفجاره.

كلنا نشوفه هاديء و لطيف و ما توقعناه هيج كبر...

رجع لنضال.
ـ وانت ولج بطلي فرة منا ومنا وشوداج ذيج المنطقة..

باوعتلة نضال مثل مصدومة كلتلة
ـ اني.
ـ لا اني... سنة التجي تتحجبين ترى.. شتكول عمو تصير ملكفة..

ضحك ابوي..

ـ ابني الله كريم لسنة تجي وانت شوي خفف عصبية لا ينفتح خياطك..

اليوم يجون من عشيرة الحارس...

يتعذرون ابني مدام مابيك شي والحمد لله مرت بخير نفوتها الرجال جبير..

ـ يابة اسأل امي شسوى..هذا الجبير

باوع هنا ابوي لعمتي الي تشردت من عيون ابوي
ـ سدوا السالفة منريد مشاكل وعمي بطلنا نطلع ما لازم...

بس يوسيم.. شحتاج من السوك الا انت بالذات تجي وياي خل نشوف العجوزي الي بداخلك من يكلي ما بية حيل غير الصوندة تلعب طمة خريزة ع ظهرك...

انتبهت لوسام فرحان فرض رأيه على امه..

نفش روحة وهو يصيح اختة يأمر وينهي

ـ نصيرة ماي بعد اخوج. وانت نضال فرجي رجلي..

هنا ابوي ما تحمل طكها ضحكة..
وكام..

ـ يلة يابة مشافاه اتمددلي ساعة كبل لا تجي الوادم..

دزيت على ساهر وعمامنا..

بس طلع ابوي رحت ضربت وسام على هامة راسة

ـ شوف ولك كبلك بعمرك نفشت ريشي بس وربك السيد كلي اعلمك

لا تشوفة ايدك و ساكت يضحك.

دبس اغلطلك غلطة صوندة السيد بيها الشفة و يطلعلك الجني الوكيح الي يتلبسك..

ورى ما خلصت هاي المشكلة وبيوم

دز علي ابوي..

ابني رقية مصرة.. تسافر وياي..

اني مطلعلها جواز من سافر سجاد كلت اي خبر منه ندزها.

و رحت للامن وقعت و كفلني فنك منو كفيلي هههه

ـ اكيد واحد من ربعك

ـ لا.. النسيب.. لاكيته صدفة و كال اني امشي اوراقك..

ـ مو غريبة هل مساعدة.. اليقدمها يابة
ـ والله ابني غريبة غريبة.. بس يلة الله يهدي المهم تسهلتلي هل مرة طلعتي كلش..

اااخ كون امك عائشة ترجع هل مرة و تنحل امور سجاد بسهولة والله ابني يعني اذا احسبها تبقى معناتها اضطر بالسنة اربع مرات سفر هذا متعب..

الحمد لله شو ربك مسهلها الي كلش الي اصرفه يتعوض اضعافة

ـ يابة رب العالمين يرزقنا على كد اعامالنا ونياتنا..

ـ ابني هذا رزق الي بيه تجارة وي ربنا.. تجارتي الي والكم بأذن الله
والي يشارك رب العالمين بتجارته ميخسر..
ابني هذا تجارتي بكفالة ايتام ومساعدة الناس هيج تعلم.

خاف اموت يا فاضل هاي وصيتي ام عباس معدها خلفة لا تأذوها وتهضموها تبقى العزيزة ابني وام مؤمل و ابني... امانتكم و يعيشن معززات مكرمات
اخوك مؤمل تربوه شلون ربيتكم..
و نسواني اذا رادن يتزوجن من بعدي هذا حك و شرع الله حلـله الهن.. بالنسبة ليسرى ابني انتم تربوه..

ام عباس ادري ما تزوج وما تخلي غيري بحياتها لو تموت وراي ادري شكد تحبني.
بس اااخ من رعونيتها و عنادها وعدم طاعتها وتمشي ورى غريزة الام للناس حتى لو على حسابي اني عشكها...

هاي الوصية اذا متت وملحكت اوصي بيها سجاد انت تكله..
تدري الواحد من يطلع ما ضامن روحة يرجع...

ـ عمرك طويل مولاي... اليوم تحجي بالموت..
ـ ابني هاي دنيا ما نعرف يا يوم ننشال على الاكتاف..

فلازم الواحد يوصي احترازًا..

هنا دخلت خالتي يسرى تبجي رادت تبوس ايد ابوي وخرها
و حضنها باس راسها دنكت مستحي..

ـ مولاي الك طول العمر.. كون عمري يكصر ولا يجي هيج يوم..ولا تتوقع اتزوج من وراك..
لا مولاي..
سيد عبد الله يبقى الاول والاخير بحياتي..

تنحب وهي خايفة من حجي ابوي.
ـ بنتي ترى ما متت ولا كلت راح اموت الاعمار بيد الله مجرد وصيت كلشي يصير هي دنيا ومنعرف يمتى الاجل يجي العلم بس عند الخلقج و خلقني ويارب نسألك حسن الخاتمة.

كمت و بست ايده و راسه

شبكني وباس خدي..

ـ يابة اني بصلاتي اندعيلك طولة العمر ولو يجي اجلك اندعي الله ياخذ عمري وينطي طولة العمر الك..

حضني
ـ لا ابني. كلمن وعمرة لا يزيد لا ينقص كلشي بمشيئة الله يفاضل.

ما اوصيك ابني من اسافر دربالك ع بيت عمك و على ام مؤمل ومؤمل.

وعلى الشغل ابني...

ـ صار يابة ولو ردت اروح وياك..

ـ لا ابني.. انت بمكاني،من اغيب.
منو الي شو ولدي تطشرت الي اخذ ما تستاهل نسبنا لخباثتها ومضيع روحة يركض وميلحك والي
ضاع بين الدول سويجد من ورى نقاشاته..

كبل سفر ابوية بيوم...

اباوع لمحمود الي يسميني بابا..

هذا شلون افاركة لو ادري ما متعلق بيه هل اجلح..

اجاني وهو يبجي على فلوس
اخذتة ابوس بيه واشتريتلة نستلة يمد ايده يريد يوكلني..

ـ اكل عمو اكل كلة من لحم ثورة اي سويجد كاضيها يزوج يخلف وعايف هل اميلح مفلس جيوبي.

باوعلي وكلي وهو مستغرب الكلمة...
ـ عمو

ـ اي بعد تعلم تكلي عمو هاي اذا شفناك بعد شلون افاركك وانت ابوك ما تعرفة تعرفني اني ابوك هسة هم تنساني اي اربي وسويجد يستلم على الحاضر.

مو تنسى تربيتي... اول ما تشوف ابوك كلة كخ ما احبك احب بابا فاضل..

ـ بابا فاضل... حلو...

ـ اكلك ابو جسام شو كلما احجي تردد ببغاء جنك انتصار كبل لا تسجل مدرسة

ـ ددسة...
ـ هاي شنو النوب.. ها عود مدرسة اي حبيبي.مدرسة كخ بابا كخ

ردد يبجي.. ويبوسني عبالة احجي على روحي
ـ لا.... انت حلو..

ظل يهز براسة..

شعره مثل ابوه كلش سبل وسرح ماي..
ويطول بساع..
اخذتة حلاق امس كص شعره كاريه وكذلة على الكصة

ظل يفر براسة عرفت شيريد
نزلتة بالكاع.

ـ اااخ يلعزيز شلون افاركك...

ظليت ابجي وهو يفتر و يباوعلي
ـ تريد نغني ونركص اغنيتنا لاخر مرة
يا يمة للـــة وللــــــــة يسويداني
خلونا نلعب سلة يا سويداني
اه اه للة..
شفت الحلو عالگاري يا سويداني
لابس عبا زنجاري يا سويداني
حاجيتوا هيج ناري
واه واه للة...

شفت الحلو بعرض الشط
و سنونو ليلو مسفط
شفت الحلو بعكد سهيل
يمشي ويفلس هيل
صار الوعد نص الليل
واركض وراهم واطيح
نوب انجبح نوب اطيح
ما ضال بيهم عضم صحيح
لركض وراهم حافي
وعبيتي ع جتافي..

شوي وصوت معصب..

ـ شكد ما تستحي تعيب على محمود تتقصد مو ترى مو اسود هو اسمر مملوح حتى مو داكن وكلما يكبر لونة يصير اصلا برونز..

رفعت تك حاجب لنورة.

الي دخلت ووراها رقية
ـ نورة شبيج عمة يلعب وياه
هذا هو لعبه وشقاه
ـ رقية خاطرت و اجيتج ابوية منعنا..

اخذت اجازة من الشركة وكبل الج
اشوفج كبل لا تسافرين..

بس هذا قهرني ولا يكبر يبقى جاهل الفكر والتفكير

كمت معصب
ـ شكلتي ولج. ؟ وياي تحجين؟

ـ اي وياك.. الا محمود ما تعيب عليه

ابتسمت صفح و شلت محمود
ـ اصلا محمود زين من يعرفج خالتة محمود بابا تحبني لو