ط بالجسد عاطفته.. مو مثالي ابد اعترف
بس كل الردته تسويلي حياتي حب و تفاهم..
فكري وجسدي واني وي كمرة فقدت الاثنين جامحة بنت الهور معتدة بنفسها.
خلتني اغلط. اصاحب اخابر..
بس ما زنيت..

هزيت راسي اطرد باقر.. اي روح عني اني حسنين
ظليت بحياتي بالغربة اتخبط بين باقر وحسنين الي اتولد بأيران...

انتبهت على كلامها...
ـ ليش تضوج من ابتسم.

رديت بغرور..
ـ شوفي يا زردة
اتعمد اصنف على اسمها وهي مفاهمة شي. ببالها ما الفظة صح..

كملت.
ـــــ تزوجنا من شهر مو.. لو اكثر..شوي؟ اول ليلة النا ذكرتيني بابو خنجر من ردت ادخل عليه بس بلسانج هددتي بسجين تكتلين روحج تحبين رجلج الشهيد ومجبورة.
تكضين ايامج ..مبوزة بوجهي. بس اليوم وامس تبتسميلي.
بس لا حبيتيني ترى ما اريد حبج..
هو من ورى ابو خنجر ومنجل اوكع بزردة..
وسعت عيونها وهي خجلت مني و جن نص حجيي ما تفهمة اصنف براسها اكضي ضوجتي...

بس رجعت تباوعلي عيونها تلمع..
ـ شفت بيك شي يشدني الك انه..
انه...
سكتت واني هنا ركزت بيها..

ـ يمكن كشفتها اهووو عشكتني هاي شبيها التشوفني توكع بحبي.

ردت منحرجة و بالعربي..

ـ خیلی بیهوده.... – انت مغرور جدا..-

ضحكت كمت اتونس بيها انصب عليها اصنف و اضوجها جاي ادخل للغرفة وكفتني ايدها على زندي تعصرها حيل حسيت بضافيرها بلحمي..

ـ یک لحظه لطفا(لحظة من فضلك..)

بقيت منطيها ظهري بس درت راسي عليها من بين جتافاتي..

بعيون قلقة كلتلي..
ـ انت ما تطلكني.

جريت نفس بيش ورطتني محمد..
رجعت كالت..
ـ اكثر من شهر عايفني وانه عروس.

بكلبي كلت اهلا.. هاي الهرموانت الفارسية الحارة الوصفلي عنهن محمد
جنها عشكتني يعني حتبدي سوالف
هرمونات الفارسية... تشغل..

رديت..
ـــ بسم الله الرحمن الرحيم منو كالت انتحر. اكتل روحي بالسجين بس تتقرب رغم مجنتي ببالي ولا ناوي اتقرب...

مو اكلج انت ذكرتيني ببو خنجر بس ذاك نوى يكتلني.. ااااخ. ذكريات ماضي صارت وجني مكتوبلي بليالي عرسي وي نسواني خناجر سجاجين...

شو هاي شبكتني و راسها على ضهري وهي تهمس..
تحتضني بكل قوة..

ــ دوستت دارم. (احبك)
من عاشق شدم(صرت عاشقة)

رابطة جفوفها وي بعض على صدرب فتحت راحة ايدها
و راسها على ضهري و بيديها تحيطني بجفوفها تريد تفتح دكم قميصي

توترت وحسيت راح اوكع فريسة للهرمونات الفارسية..

فتحت جفوف ايديها عن صدري الي من فتحت دكم قميصي تلعب بصدري بصابيعها تثيرني تريد

ـ بس شويه اختنكت. سبحان الله ان كيدكن عظيم.
روحي زليخة اني مو يوسف الصديق..

وخرتها ودرت عليها لزمت ايدها حيل

ـ لا تتقربيلي.. عيب عيب اكبر منج و ما املك هل جرائة و الله يا الله

بس هي بتحدي كالت

ـ انت زوجي.. والي حقوق. اريدها..

استهزأت
ـ ما احبج.. هي كوة. فهمي و ركزي
عمرج زغير اني كلي 37 وانت تسع طعش..

ردتني وهي تصيح تأشر بيدها

ـ الحب ما يعرف عمر..

اريدك لا تحبني خليني احبك وتنطيني حقي و شوف اغير الك مشاعرك..

هزيت ايدي
ـ لا انت ما تفهمين نايم بعقلج جحيش زغير و ما مكمل رضاعته الطبيعية
فصاير نقص كالسيوم بالدماغ..

صفنت تحاول تترجم كلامي للغتها

باوعتلي باستغراب
ـ شنو كلت ما افهم..

ترجمتلها للفارسية..
وسعت عينها وهاي مدت ايدها ضربتني

خاف عبالها خنيثة فارسي اقبل انضرب لااا انه باقر..

رجعتلها الضربة ثنين
ـ شوفي زردة انت مو جحش بدماغج و فاطميه من وكت لا بدماغج مطي شكبره

بس راضع رضاعة صناعية يلة روحي من وجهي.

بس هي هم ما فهمت محتارة ومتأثرة بالراشدين

بتحدي همست
ـ اليوم لو اني لو انت حتى خجلي اعوفه...

صدي الها حفزها تتحدى تكسر طابع
البرود الي تحاول تبينة خاصة من غلست و ما تقربت منها...

ذبت حجابها شعرها عسلي على بني وعيونها جانن صح سود كلش بس بيهن رسمة تغوي اكبر واحد اكيد الا اني والا اخذتها من اول ما عقدت عليها..غصبا على خشمها حتى لو ما تقبلت وكتها...
بس شنو هاي شسوي...

توترت من تقربت وهي تذب عنها ملابسها قطعة قطعه درت وجهي

ـ شسوين.. شوفي ما مسموحلج تتقربين مني.. ترى انه رجال استحي..

خليت وشردت منها برة البيت افتر بالشوارع معصب..

من سنة 1987 دون مرة... من ذاك اليوم وهجرتني كمرة وطردوني..

نوع جديد هاي شلون شلحت ملابسها كدامي.. غسلت وجهي بحنفية بالشارع ابرد داخلي رغبة رجل محرومة حواسة
من مرة من سنين.
طلعت جفيتي و...مسحت وجهي وغريزة الرجل داخلي احاول اكبتها..

صفنت اريد اذكر اسمها...

صدك شسمها.. نسيته كد ما اصنف على اسمها واكلبه نسيت الاسم الاصلي
ضحكت على روحي ومن هدأت من رغبتي الي ثارتها بجسمها الكشفته الي،
امشي بالشوارع...

رحت كهوة..

و ظليت هناك.. وانه متردد ارجع للبيت

اضحك على روحي خجلان و متخوف من تجربة وي غريبة

وبداخلي حب لأنسانه ما يوم بادرت الي بالعلاقة الزوجية جنت اني الابدي

لذا انصدمت من هاي زرده مدري شيسموها..

شلون بادرت تغويني..

رجعت للبيت وانه متردد فتحت الباب وشفت بعيونها وكاحة..و تبتسم

دنك

ت و بتردد وخجل كلت
بالايرانيه

عصر بخیر(يلفظ ال ص العربي سينا بالفارسية اي عسر بخير والترجمة مساء الخير )

ردت وهي تلمح
عصر بخیر آیا قبل از من با یک زن ازدواج کرده اید یا هستی ... هنوز در یک رابطه صمیمی بی تجربه هستید

(انت تزوجت كبلي مرة لو بعدك معندك خبرة بالعلاقة الزوجية)

رديتها بحدة و اني انطيها نظرة

_گذشته شما تجارت من نیست و مال من است
(مالج علاقة الماضي ماضي وهذا يخصني )

ردت بعربية مكسره
ـ اها... انت خجول... راح اخلصك من هذا اني تزوجتك و النا حقوق..

درت وجهي عنها و رحت اكلب بالجدور..

حكيت شعري الي من تأسرت اخففه كلش اخو الكرعة ما كمت اطولة احس اكو بقايا لشضايا تحركني ويضل يحكني راسي بس اطوله..

ما عجبني العشا.. اكلهم كلة ما احبه
بحنين لايام كمرة وين ذيج الطبخات..

طلعتلي بيض وطماطة وبصل

ظليت اثرم وهي تباوع..

ـ شنو ما عجبك طبخي..

سكتت عنها و بديت احمس بالبصل

الطماطة وطكيت البيض.

استوى كعدت اكل.. اااخ وين خبز تنور كمره

اكلهم ما بيه طعم..
حتى بالاهواز اشوى لان اغلبهم عراقين الاصل..
عربستان...
تقربت مني.. و شبكتني من ورى يعني خليت ايديها داير ركبتي بحيث كفوفها استراحت على صدري

جنت كاعد اكل وهاي تتحارش

وكفت اللكمة بين صابيعي بالهوى قريب حلكي انحنت اكثر براسها واكلت اللكمة من صابيعي وطخ شفايفها بشفايفي
حسيت هاي ما تتركني

كمت وكفت رادت توكع..

ضحكت على من توترت وهي رجعت بلغتها تتوكح

امم خجالتی هستم که دوستت دارم(ممم يا خجول احبك)

هسة شلون شيكضي الليل وهاي زردة تفتر وراي
باوعتلها
اسمت چیه (شسمج)

ضحكت
تو من را خنداندی (ضحكتني )

اكو رجال ما يعرف شسم زوجته اسمي ازاده يعني البنت الحرة

عكدت حاجبي و انه معبس
ـ عاشت الاسامي زرده خانم

ـ نه(لا ) مو زردة هههه اسمي آزده
الحرة او المتحررة

عجبني استمر انصب عليها
ـ وانه يعجبني اصيحج زرده

تعرفين شنو زردة..
ـ نه(لا ) لا تكول زردة تلفظ زرده اللون الاصفر واسم الريف بمقاطعة دلاهو بكرمنشاه..

وصفتلها الاقصدها هي اكله مو لون

صفكت بيدها وهي تضحك

ـ آه فهمت.. انت تقصد" شله زرد "
تسمونها زردة..

باوعتلها ملامحها عادية رغم فارسية ولونها خمري ..

بس جانت جميلة..

انتبهتلي مركز بوجهها..
كعدت وتتهرب...

وين الجرائة شو بس عيوني تفحصت وجهها وجسمها توترت.

ـ هل مرة انت خجلتي.. جيد يا زردة.. عبالي معندج خجل..

ـ اذا ما تتمم الزواج يتسائلون و تخلي نفسك بمشاكل وصاني سيد محمد هواي عليك...انو تستمر تزوج
طلب مني انسيك الشفته بالعراق من نظام صدام.

كعدت..
ـ اي بلة.. و شكلج علي

ـ مشکلت چیه (شبيك) حسنين

ـ ما اعرف.. احس اكو شي دسم من وراي عموما يا اخت زردة..

جنها البيض وطماطة عجبتج عوافي

ـ اسمي ازاده..

ابتسمت و جن طبعي تغلب علي
ـ لا تعلين صوتج اعرف شنو اسمج اكيد اسمج زرده

ـ اااه

صاحت بعصبية وراحت للغرفة وقفلتهاضحكت.
خوش تخلصت من واجبي كزوج..
على الاقل الليلة...

تمددت بغرفة ثانية وطلعت الصورة
اتلمس بصابيعي وجه كمرة عيونها اللماعة

السمائي. و بنتي و ابني...

ااخ يابة انتصار شلون شكلج حتى ملحكت اتهنى بيج

ما حسيت الا خلوتي تقتحم..
ضميت الصورة بالجرار

اجت تبتسم

ـ شنو.. تتوقعني اتركك فدائي

ضوجتها
ـ لا طبعا لانج لزكة.. لان كلش عامل اللزوجة بيج كبير يا زردة
.

ـ ازاده..
ـ زردة.. يعني شيله زرد...
هههه.. واحنا الشيلة عدنا هاي ام جنكال الجانت كمرة تلبسها تلفها على شعرها...

توترت منها من تمددت يمي وهي تحاول بطرقها تغويني..

انفاسها و لمساتها.. جديدة علي..
كمرة جانت لسان و صح تبادلني بس ببساطة و بعد ما تتعبني...
و عدم خبرة
الا هاي..
حتى عقلي.. خلاص خدرته مو بس جسمي
همست بين انفاسي بعد ما تم الزواج
ـ المعتاد الرجل هو من يستبيح جسد امرأة خاصة اول يوم بس وياج انعكست الشغلة..

ابتسمت هي برضى.. لان كدرت توكعني.. و همست
ـ قربونت برم... فدات بشم(اروحلك قربان اروحلك فدوة)

عائــــــــــــشــــــــة

تحضرت للسفر بس اجتني مكالمة من هاشم تأجل عرسة وحيصير بالعراق طلبا من اهل العروس
دكيت بابهم دخلتني كمرة اشرتلي تضحك

ـ هناك مكانه روحي مو غريبة ههه

دخلت المضافة جان مخلي ساند تصميم و يرسم خريطة بناء
بعتب كلت..

ـ اخابر ماكو.. ليش عيوني ماكو وراك مرة النوب عروس بعدني

رفع وجهة فرحان بجيتي واسأل عليه..
ـ شتردين عائشة.. جيتج مو خاليه

ـ اهوو سيد عاد لا تضوجني.. اجيتك متلهفة عليك..تكلي عائشة. وين عايشة شنو مو عايشة اني بكلبك لو مو بكلبك..؟
ابتسم
ـ انت الي تقررين هذا اما تكونين عايشة او عائشة اختاري. و تعرفين اذا عايشة شريد و اذا عائشة هي الي تفرض وتريد و اني ما اريد

ـ هاي اخر فوازير شيريهان شنو ترى الحزورة صعبة ما افهم
بس ما علينا بس خرب يومك عليك دعوة بالمكان بهذلت هاشم و راح يجيبوه اهل مرتة للعراق يعرس..
خطية ضايج من خابر
عمامها مقبلوا الا تطلع

من بيت جدها وهم امها هنا.
فكال اعرس يمكم تستقبلوني
كتله هلا بيك..
كال من عمامي بس ثنين قبلوا يجون وين نحطهم كبل العرس يومين يجون..
رد السيد
ـ اكيد ببيتي هنا ان شاء الله زلم غرب ناوية تفوتيهم لبيتج ااا هااا اقصد بيت نشأت الي اشتراه

خوش بسمرني..

ـ سيد لا تلح..
الله يخليك ليش تلزك..

كام سد المضافة بالقفل
ـ ها سيد شنو؟ مولانا ببختك احنا شناوي...

ـ الزك مو.... ناوي الزك لانج ما تحسي بية.
لج جم يوم و لزكت بت اخوج وانة شاب توني معرس ملحكت اشبع

ضحكت
ـ يااا و الوعد.. يابة كبرنا والشيب اخذله خيرة بشعرنا شبابيش

ـ انت كبرتي انه شباب تردين اراويج شلون شاب بعدني

لزمني و حظني و السيد الشاب الي بداخلة خطية دك الباب طلعوها من عينة كام عين على الباب و مرة كل حواسة و جسمة يتقربلي..
يهمسلي بحبه و عشكة
و يرجع يباوع للباب و يصيح

ـ منو روح ما افتح سجاد عوفني لزكت....

من انفاسة تغيرت بفعل انتشاءه.

مكام يجاوب. خاف يحسون شنسوي...

شوي و الباب رجع يندك اقوى..
لبس ملابسه و ابتسم كرص خدي

ـ الج وحشة والله بس شسوي للمتلونة الحرباية العندج

ـ سيد ترى جاهل حالك حالها شنو
سكتني
ـ اشش..
ارتاحت انفاسه و جاوب الي يدك..

ـ لحظة يابة منو غيرك سويجد مو..

رجع شاورني وهو يدردم

ـ واحديش هذا مال واحد مستعجل
همزين اندك الباب ورى ما..

سكت وصفن..
ـ .. لازم اسبح.. هسة شجابج علي عجوز وشكبرج و تسوين اغراء و انة شاب.. كلبي رهيف بلة ما خجلتي تغويني..
رديت بصدمة
ـ اني...

لبست ملابسي وانه متفاجأة شلون ذبها براسي..مو سيد و ما تكذب حرام..

شفتة غمزلي
ـ اكيد بكلبج تكولين.. متدين وكذب يذبها براسي بس الله عليج جيتج مو لاجل حضني و حجتج التلفون ما اجاوب...

صرت حمرة حرترة من خدي
ـ كافي عفية افتح الباب لابنك ضرتي.

اندك الباب جن سمعني صاح عبد معصب..
ـ شكو شكو.. خبصتونا منو بلة.. سويج لو فاضل..

صوت طفولي
ـ نضال افتح يابة

ضحكت..
ـ روحي هسة شوي و تعاي
ـ سجاد يمي هو يدكة حيل و كلي مو تكولين اني موجود و كلي كولي نضال بالباب هاا و فاضل هم موجود ثنينهم يابة كلولي احجي وهم يدكونة حيل..
فاضل يكول عليك عمج مرارق.و سجاد يكول عليك بعد ما شاب ودوه كتاب. رجال شكبرة يدورلة مرة (مراهق و اغلب كلامها لثغات طفولية بس مكتبت للسرعة ).

صاح يضحك
ـ كوليلهم عيب.. و روحوا ترى بس افتح الباب راس براس شنو لاحكيني على راحتي كافي سنين انة ام واب كبرتم طلابة طالبيني يابة ما تستحون نا تخجلون تدزون نضال..
ولك سويجد فاضل لازميلي الباب ادري مرتي الزغيرة وتغار روح يابة باجر النتائج وجوه تصفر ووجوه تحمر ووجوه تسود

صار هدوء التفتت عليها.

ـ شردوا..

رديته فرصة هاي
ـ شفت ثنين عندك يغارون وتلوم اسراء على سوالفها
ـ اسراء ضاحكة على علاور ليومنا اسئلة رجع الفلوس يتهرب مني..

ـ لا مسويها شنو بنية مراهقة هاي سوالف كبار
كيفج لا تقتنعين..ضلي قشمر لمن تنصدمين تصفين بالشارع و تعاي دكي بابي. و كولي الحكني..

سجــــــــــاد

اليوم النتائج كعدنا متوارين انة وفاضل
انه خايف من مادة ممجاوب. وفاضل يكول كل المواد مدبرهن بس مادة وحدة متأكد امتياز
ـ لا يافاضل مسوي زحمه كل المواد تتوقع ترسب بس بمادة تنجح..
و الله كليتك سهلة بس انت براسك حمار ينهك عاااا عااااا( ما اعرف شلون اكتب صوت الحمار تخيلوه يمكم..)

اجت نضال ضايجة مبينة تبجي

ـ خير نعال شبيها اليوم

برطمت وكلتلي
ـ انت و فاضل نعال نضال حلوة

ضوجتها
ـ منو يكول حلوة نعال مو حلوة وسخة مكوشة
بجت...

رد فاضل
ـ لا يا خوي جرحت مشاعر نعولة و احاسيسها.. لك هاي زوجة المستقبل
ـ انجب... انت زوجتك احتصار الشكرة

ـ شنوو احتصار جديدة
ـ اي انتصار احتصار و نضال نعال نضال..

ـ على ما تكبر تمشي على عكازة زوجها لابنك يا سجاد..
بس انه الوكلها فرق قليل انة واحد وسبعين هي ستة وثمانين
نعال ناهي عليج مو تنسين

كومي وبجي زايد
ـ تمرة و انتم مو حلوين انتم نعولة تمرة نعال بس تطك

باوعت لفاضل
ـ كاتلتها امهاةخطية

ـ تعاي ولج ليش طكتج
ـ العب وي منيضي

باوعت لفاضل

ـ اهلا.. ولج نضيلة تدوسين على شواربنا و لج منو هذا منيضي

ردت تاشر من كل كلبها مقهورة

ـ منيضي منيضي.. هذا مناك جيرانة العب وياه العصر ما تقبل اطلع...

روح سجاد لا تضوجني

رد فاضل
ـ لج ام السان تلعبين وي منيضي من ورانة لا خوش وراج زلم
استلم سويجد تلعب وي منيضي شتكول
ـ و الله اكول كبعها واخذها بالعافية عليك هي ومنيضي
ضحك فاضل
ـ شوف برطمت خطية عصبت منك
ـ قشمر منك عصبت
تعاي تعاي نعولة حبيبتي انة ابن عمج شيال همج شحدة اليوصل عندج...

باوعت للساعة
ـ لك الساعة تأخرت النتائج.
حتى ريوك ما لازم كلة من نعال ومنيضي....
ابوية طلع من الفجر..

لبست بساع و رحت شغلت سيارتي خوش فال ما اشتغلت
ـ بيج فاولت ..

عفتها و اخذت تكسي للكلية..
استلمت النتيجة كل درجاتي عالية طبعا مو درجات تقدير يحطون

يعني اما مقبول للناجح ع ال

حافة و جيد جيد جدا ممتاز.

طلعت ما اتحاجة ورقة نتيجتي مكحلة وحمرة بمادة يعني تصعد وياي للثاني...
بس....
.
.

اليوم حيل ضوجني الأمن جامعة

الي بالباب...
رحت على مود النتائج..

منا طلعت اكمال.. بالتصميم الهندسي للطرق السريعة Highway engineering design

اليوم اتعلك بالبنكة... و منا هذا لزكلي..

فتت و كدامي بنية شفت سحاب تنورتها مفتوح و طالع الاحمر من السحاب شاع

اني صريح نبهتها سويت غلط؟

ـ يبنية يبنية
تلفتت الي وخزرتني عبالها اصجمها

ـ نعم؟ شرايد

ـ بس لا هيج الملابس طالعة

بيدها لفكس بيها كتبها رادت تركعني بيه
هنا جفصت

ـ و الله طالع الاتك من السحاب

شو ضربتني راشدي و تغلط
ـ يا منحط الا ابلغ الامن تربية سز اهلك تخلف تذب بالشارع

عصبت شنو تضربني

جماعتي وراي وصلولي

ـ ها ابو صادق... يسموني هيج... من مرة سمعوا ابوي وهم خطار عازمهم يكلي ابو صادق..
و ناس تصيحني ابو باقر. تكنيني لان سجاد ابو باقر بس لان عمي باقر الله يرحمة ابوي يكلي ابنك تسميه صادق...

ـ شصاير يخوي

ـ من كد تنورتها ضيكة طاك السحاب طالع اتكها النوب طالبة وتلبس احمر ملابس تحتانية

نبهتها كامت تغلط
البنية هنا خلت ايدها ورى

و هي تتلفت..
رفعتلها حاجب واول مرة اجريء
ـ اهلي ربوني عاد منو امها الي ما تعلمها شتلبس.. التوب احمر

تذكرت ابوي بلحظتها ابني استغفر نظرة حرام
جاي استغفر واجاني حزبي فيكة
وهو من الامن..

بالباب
ـ اي يا ولد.. كاض الباب للطالبات تتحارش
ـ دروح انت.. ما اتحارش
ـ شو ضربني ما تحملت كتلتة واجو باقر ربعة الامن دارو علي بعصيهم..

و سحبوا هويتي الطالب و باجي و كلبجوني سلموني للفرقة الحزبية..
بسيارة خذتني

يومها شبعت دك....

اخذت الكتلة من الرفاق مقدما

صحت بيهم

ـ شبقيتوا بية خلو مجال وراي كتلة من ابوي مكمل..

واحد باوع للثاني
ـ تصنف اليوم نبولك على روحك...

هنا خفت بس مو بيدي حجيي يجي هيج

ـ جا هذا الاكلته شنو. خلو مجال كتلكم وراي الوالد...

هنا تذكرت وكفة نشأت اخو مرت ابوي اي ليش لا خل نستفاد من مرت ابوي شوي.

ـ اوكفوا اكلكم.. ترى نشأت... قرايبي

انطيتهم وظيفته و منصبه و اسمه كامل..

باعوا هويتي

ـ لا تبيعهن.. انت موسوي هواشم..

وهو ال..د...

ـ يجوز من الخوال..
كلب بهويتي وكلي شايل جنسيتك
ـ لا و الله سيدي استحرم..

اجاني راشدي...

ردت اهد لزموني كتل حتى الدم من خشمي و حلكي صب..

شوي و دخل نشأت.
و التحيات تطك اله

جنت بمكتب رفيق..

بفرقة.. ال.. بمنطقة ال..

كضني بلهفة
ـ لحكت عليك..

شلون عرف.. خاف مراقبني هذا من حجالي ابوي ابتعد عن السياسين..

كمت امشي واكول مراقب. مراقب احذر يا ولد...

كعدني وبكلينس يمسح الدم...

و رفع راسي لفوك..

جابولة ثلج...
وهو يمرره على كصتي وخشمي...

وانة متعجب للاهتمام..هذا..

الرفاق والحزبين ظلوا يطكطكون خوف

اهتمامه بينلهم بينا صلة قرابة وصدكوا كذبتي.

شوي واشر للحرس وياه

على الضربني
ـ ربوه
اريد كل عضمة بيه تتكسر وماله علاج يموت بطيء

كمت مصدوم و دنكت رجع خشمي نزف
كضني من متوني وزجرني

ـ انت اكعد...
و رجع رفع راسي

ـ لا دنك.. زين..!

ظلوا يتوسلون.. و طلب اسامي امن باب الجامعة الي اعتدوا علي وسلموني للفرقة الحزبية

بعد ما اخذ معلومات سلمهن لواحد وياه

ـ اريدهم بمكتبي باجر يمي ذول..
ـ امرك سيدي..

باوعت للضرب سجاد

ـ وذول وياهم اعتقلوهم..

وكف النزف وكفت و كتلهم

ـ مو كتلكم كرايب اللواء.. لو جارين ندل احسلكم هيج..

يمكن رغم توجهي ضد نشأت بس عجبني اتفاخر بمنصبه
على ذول الرفاق..

يتوسلون يتركهم
ـ سيدي صاحبين جهال.

هنا كتلة
ـ عمو سيدي اللواء لخاطري عوفهم بس هل مرة

ردت كدامهم اتفيك عبالي راح يسمعلي بس شو هذا بنتر كلي..
فوت كدامي للسيارة اوصلك... يلة بلا كلام.

ما لحكت اطلع طلع سلاحة...
و هو يكول
ـ لكينا بحوزتكم منشورات تابعة لحزب.... علمانيى
و عدنا عنكم اخبارية انظمامكم للحزي لاغراض تجسسية
لذا اثناء،محاولة اعتقالكم..

هذي هي تهمتكم و التقرير المرفق وي جثثكم.. وارفع بيكم تقرير لفوك
تم تصفيتكم بسبب تبادل اطلاق ناري اثناء هربكم.

هربتم و الي صلاحية اعدامكم.. ضربهم براسهم
وسعت عيوني بخوف شردت..

انعدموا من وراي.

بالشارع ااشر لتكسي.. خفت اروح وياه

بس هو طلع و انطة اوامر للي وياه بخصوص الي جوة..

كضني من متني.. و سحبني دفعني

يم السيارة كضيت حيل.... بسها لا اوكع على وجهي

ـ كتلك.. اصعد سيارتي.. مو تاخذ تكسي. لازم نحجي.

وكفت و بلعت ريكي بخوف

ـ امرك عمو سيدي.
هز ايده
ـ كول عمو و بس احنا منطيكم مرة و لعيونها ترى...

باوعلي.
كتله اسأله بخوف هاي بس لا شاكية يمه علي

ـ ها اي تدلل ام عباس.
رد بحدة
ـ ام اسراء ابني. بنتي معدها بس اسراء.. شوف سجاد شكد خططت لامور. و فرقت ناس عن ناس بس احيانا رد فعل طبيعي داخلنا.. من نشوف شخص بخطر وهو بالنسبة النا يصير....

سكت ما كمل...

ورجع احتد..

ـ اسف ابني دفعتك حي

ل بس دفعتي لا شيء من جلسات كهرباء لو قص اللسان لو بتر اصابع لو لو فنون التعذيب

مو كل مرة اكدر احميك انتبه لنفسك وعوف عايد و عواد وحيدر و عقيل.. هاي شلة عليهم اشارة اكس..

وصلني لبابنا وصادف بطلعة ابوي ووسام..

وكف ابوي بخوف
قميصي الابيض كلة دم من خشمي
اجاني ملهوف بس نزلت
ـ سجاد شبيك يابة
باوع لنشات هجم عليه لزمت ابوي

ـ يابة انقذني.. من الحزب مو هو اذاني
سولفت لابوي بس تركت فقرة البنية وبدلتها اني بسبب صديق تدافع وي الامن هديت اضربهم

عمو نشأت يبتسم رافعلي حاجب عود يكلي صدكتك.. هذا اكيد جاسوس علي يبلغة تحركاتي لذا اجة بس انلزمت..

هنا ابوي باوع للعم نشأت وكله
ـ ليش تنقذ ابن عدوك. لازم اكو غاية

ابتسم و بعثر شعري شسالفتة هو و اختة وي شعري الا ازين صفر واخلص من ملحتهم..

ـ لان الي اسبابي منها سجاد هو...

يتبع...

ـــــــــــــــــــ حاشية ٥٥٨٠ كلمة مع الحاشية...

الپرستو يعني سنونو احد انواع الطيور
و اسم يصلح لتسمية بنت اي عدهم هم يسمون بناتهم برستو. شلون مريم زينب الخ
پرستو عدهم منطقة بهيج اسم ايضا
بــــــــــــــــــــــــــس.....
اطلق مصطلح پرستوها اي طيور السنونو
او پرستو طير السنونو على فتيات تجندهم استخبارات ايران كجاسوسات حتى لامريكا ترسلهم.
يعنــــــــــــــي..
هسة عرفتم شنو پرستو او پرستوها
لغويا طيور السنونو بس ارتبط هل اسم بسياسة الاستخبارات الايرانية

اي اطلقت استخبارات ايران پرستوها او پرستو. على مجندات يرسلوهن جواسيس
لرجال مهمين بعهد بهلوي كعشيقات

بعهد الاسلامي كزواج..
لكن الغاية اما تجسس او دفع الهدف الى الانضمام لساحتهم عن طريق امساكه بامر يجبره و تخديدة بكشف اسراره
الاسم الاصح لبرستو هي
پرستوها اي طيور السنونو..
پرستو تعني سنونو..
ميترا استاد كانت احدى سنونات الاستخبارات الايرانية ارسلت للنجفي عمدة طهران و قتلها عام 2019

الاستخبارات الايرانية اقوى من استخبارات حتى امريكا. يعني ما خفي كان اعضم قوية لدرجة جندت امريكان نفسهم ضد. بلدهم...

الشعر السبل هو الناعم دون اي تمويجة..



سجاد شعره اسود يعني ما يشبه هذا هنا بس اراويكم نوع الشعر.. بسهذا نخليه سردار بعدين يعني تقريبا ملامح منه و نعومته

هذا شعر سبل
و هذا هم هيج السبل بس طبعا تسريحات قبل تختلف ولو سجاد من يكلبه لفوك بس يطول هيج هسة يطلع هو مخترع هاي التسريحة 😂

خلف_الشناشيل_حكاية49

من بارتات پرستو طائر السنونو

بقلمي
ممراجعة بارت كون مبيه خربطة بحبكة سرد والا اضطر الغي نشره

تفاعلكم قليل
تعليقات رئيسية + فقرات + تصويت = استمرار البارتات
والا..... ❌❌❌
ــــــــــــــــــــــــــــــــــــ
عبــــــــــد الله...

نشأت..
لأن. ـ لان الي اسبابي منها سجاد هو..

صفن وسكت ورجع كال
اولا نسيب اي شائبة تنحسب علي.. و سجاد ابن النسيب

لازم سجلي نظيف حتى من الاقارب

ظل يبرر و حسيته يخفي شي

و رجع كال
ـ انقذت ابنك لذا تردلي فضل ما تزعج اسراء..
احسبها بنتك

مدري قصده يساعد حتى يوفر عائلة لبنته او خلا بنته حجه

ما اهتميت للي بداخلة شنو يعني مثلا...
اكتفيت بلي كاله..
راح نشأت صوب بيت عائشة..

و يتلفت لسجاد يباوعله.. بعيونة نظرة بيها حنين فسرتها شلون الي مشبه بشي

بس كلت هذا شلزك لابني وشنو هاي النظرة

ابني وجه اصفر و مبين خايف مرتبك خليته وراي ابعده حتى عن نظرات نشأت الي انرسمت بين عيونه.. شيء مخفي نظرة رحيمة وحنان اذهلتني.

بكلبي كلت معقولة هذا نشأت.. لا اكيد اني الي فهمت هاي النظرة خطأ
و اكيد هو ميباوعله نظرة حب حنان
لانه شخص قاسي
مجرد اوهامي هاي وهو ما ساعد ابني الا لمصالحة ولاجل الا ينمس منصبه..

دخل ابني...

اخذته للمغاسل اغسله ما اعرف اذا اسلوبي غلط شاب جبير اغسله عبالك ذاك الطفل الي ما علمته ام ابسط امور النظافة والطهارة اني الي علمته

نزعته قميصه بيدي

ـ اسبح يابه هاي نكاسة دم..
وهذا نشأت شراب استنكسه اني اوسوس منه اشطف..

وتعال ما اقتنعت شو حجيك ناقص نظرات هذا ابو انور. تكول يعرف شي مسويه شمسوي يابه..

(ابنه التوم عندة توأم ولد من نوال سفرهم خارج).

عافني مدنك وراح كعد بالمطبخ على الكاشي خلا راسه بين رجليه بيدي قميصه و هو يرجف شوي ركض للسنك تقيأ

لعبت روحي درت وجهي

استغفر الله بالسنك؟

ـ سجاد نظف مكانك لو خلصت يابه

اباوعله بقلق..

الولد ليمونه صفره

رجع تقيأ

ـ شبيك.. شوف جسمك مشخط كاتليك حيل امشي اسبح ونام..

لو اوكف مو زين تسبح لمن تستقر مو زين على راسك وانت بحاله تقيء

خلص التقيء

اجيت يمه رغم اضوج من ريحة التقيء بس هذا ابني..
مبين ما ماكل شي بس ماي ذبه

ـ امشي ارتاح اول يلة وليدي اسويلك علج بستج مفيور زين لمعدتك

هسة اكرطلك هاي الهيلة تغير طعم حلكك بس اكلك شو تقيأت بس غسلت..؟

باوعلي مستغرب وايده على معدته و مندنك شعره نزل على عيونه

رغم مو طويل كلش مثل الي ببالكم بس مدري هل شعر مشكلة

هنا كتله

ـ اقصد لازم تفرج ابني مو بس تغسل فكفيان شر لا وليدي

رحت للمغاسل اخذت المعجون اسنان وفرجته الزركة اني كل واحد جايبلة لون شكل

رجعت انطيته الفرجة واشرتله

هو طاعني رغم على وجهة علامات الم و ايده على معدته

شوي وتمضمض شطف حلكة ورجع غسل وجهة

ـ هاي انه فرتله علج بستج..
ـ يبرد وشربه..

دورت نومي بصرة مخلص جا سويتلك اطعملك من البستج ولو البستج افضل للمعدة

مخليله الكلاص بفريز الثلاجة ابرده

هو كعد هل مرة على كرسي بالمطبخ و مد صدره و راسه على الميز النايلون وجهة ساندة صفح على الميز..

مديت ايدي على كصته.

ـ بس لا تيفو..
شوي جنك مصخن

هنا كلي

ـ اكلت كتله ما خلو مجال لكتلتك يابة مكمل انه بتصميم طرق ومواصلات

هنا رزلته بس بهدوء..

لان مريض

ـ طياح حظ تكمل بمادة سهلة

ردني

ـ تدوخ سهلتيش المهم صعدت وياي للرابع

هزيت ايدي

ـ بيها خير..

شوي ودخل للمطبخ فاضل يهلهل..

ـ كلللوووش... سيدنا خوش سيد سيدنا خوش سيد و احنا الناخذها و ما ننطيها.

ظل يخرط بكيفه يفتر علي بيده ورقة نتيجته

ـ بشر
ـ ناجح و تقدير عالي يابه جيد جدا

ظل يبزخ... يغني لربيعة..

سيدي يركب طيارة
وانه اركب باص عماره
سيدي يركب باخرة
وانه اركب لنج الفاو
ستي تلبس باروكة
وانه امشيلكم كرعاوي
اها و رور اها احجيلكم ما عندي سمعوا كلشي من عندي يس ام. اها يس ام.

يفتر علي يأشرلي بورقه نتيجتة ربعت ايدي على صدري و خزرته جايني يغني ويهز وركة لو جتفه لو ايده مرة يضرب صفاحيه مرة يرفعهن يضرب براسة ببزخة...

صحت بيه بغضب

ـ بس... خليت الشياطين تطب وياك انت واغنيتك..
دنك مبتسم. و يحاجيني كصديق

ـ و الله مولاي العزيز فرحان ناجح بتقدير

همزين الانفجارات الي سببتها بالمختبر بالعملي .. ما اثر على تقديري

جيد جدا يابه.. بس اكمل ادرس دراسات اصير استاذ...

ابتسمت و باوعت لسجاد المسنح بحسره وكلت

ـ اي يابة انت شاطر احسن من ذاك الولد...
رفع سجاد عينها وركض يتقيء
رحت يمه و فاضل جفص

ـ سجاد تخيلتك مرة توها تدري بروحها حامل وتركض تتقيء اعذرني خوية بس تخيلتك مو بيدي..

ضربته على علباته

ـ تأدب لا تكول ناجح و افوتها شهل كلام التافه..اتأدب يلة

بس هنا فاضل صفن بوجه
اخوه كضه من جتفك. وبلهفة

ـ شبيك خوية..

رجع باوعلي

ـ يابه عود صدك تحجي ليش يابه
هيك جارم بيه هو درس ممجاوب..

ها سجاد مكمل

اشر لاخوه براسه اي بس رجع كع

د على الكرسي وسنح على الميز يبجي هنا نحب نحيب

بصوته الي بالقران حلو و بس من يبجي يجرها بطريقة نشوز و اتمنى الزكه بالكاع

لان يفك حلكة كله و يجرها ينعر...

صحت بيه منزعج من بجيه ونحيبه

ـ ابجي يابة ع الدرس صعد للرابع وياك لو على كتلة الرفاق الك بس لا تنعر بنحيبك. و الله جنك صافرة انذار تنغمها..

حجة و هو يشرب العلج مر الخليته كباله

ـ كتلهم يابه كتله عوفهم لخاطري كتلهم..

رجع ينحب خليت ايدي على اذني لصوته جهوري(عالي بازعاج)

ـ بس نصي صوتك لا تفزع الجوارين لا عبالهم صاير شي..

ـــــ يابه خفت لا يقتلني عيونه جانن قاسيات يابه ماتت زلم رفاق من وراي احس انه سبب

ـ كافي سجاد مصيرهم ابني...

شوف ابني مستحيل قاتل ينجو بفعلته باجر كما تدين تدان.
هي قواعد وقوانين الهيه الله خطها النا احنا البشر..
واذا ما نال القاتل عقابه دنيا يؤجل للاخرة بس راح يكون اشد العذاب الا من تاب.

كوم ابني اسبح وتوضى و صليلك ركعتين حمد و شكر لله اشكر ربك طلعك من موت.

واني هم اصلي جنت ناوي العصر اروح اخذ ام عباس للسوك ما فرغت...

سجاد انت تاخذها..

ردت اطلعه من تفكيره بالذنب بس جبت ام عباس..
كعد على حيله و عيونه تلمع ضوجة
ـ شعدها مرة شكبرها تروح وحدها..

رديته مبتسم
ـ و من يمتا بناتنا وحرمنا يطلعن وحدهن؟

هنا فاضل ردني
ـ عمتي ام وسام مو تتسوك اوكات وتطلع وحدها

ضحكت..
ـ ما ينخاف على عمتكم والله احسها زلمة اكثر مما مرة

هنا طلت ولمعت عيونها بضوجة من حجايتي خليت ايدي على كصتي
و ضحكتلها
ـ نشاقه يابه...
ردت
ـ ما عاد يهمني. بالعكس احس مدحتني لاني فعلا بعد باقر لازم اكون مرة ورجال حتى اربي جهالي.

ضجت
ـ ما عايفج وحدج ذول بزرنا نربيهم بما يرضي الله.. مو بالعنف يكمرة

خلت وراحت. بكامل السواد كلبيه حجاب و عصابة تغطي الراس حتى بالبيت متذبهن..

بس حسب ما اعرف انو بس ساعة النوم تنذب العصابة مو زينة على الميت بالليل.

شفت بيها امرأة بالاربعة وثلاثين من عمرها.. حسب تقديري

او خمسة وثلاثين...

ارملة اوفت لشهيد..

احس بفخر. بيها بس احس انظلمت هواي
صحتلها..

لازم ابري ذمتي منها..

ـ كمرة تبعيني للمضافة اريدج براس كلمه...

باوعت لسجاد
ـ شلون صرت عمه
ـ زين.. احسن
اي وجهك بدة يرد لونه
بس المطبخ ترسته ريحة زواع اشوف السيد شيرير وانت اطلع من المطبخ ارد اغسله واعطره

واكف بباب المضافة فاتت
ما سديت الباب..
اصولا و احتراما

وكفت بنص المضافة اباوعلها
ـ باقر استشهد ما يرجع.. جرحج اي نعم رغم برائة الزنا منه بس خانج فكريا و بالمشاعر من صاحب عليج

انت انظلمتي ويانا. و بعدج زغيرة

اكو رجال بالجامع الي ااذن بيه يشتغل توفت مرتة هو عمره صح شوي جبير 45...
اكبر من باقر بس الفرق اعتقد افضل ..
ما نجح زواجج باخوي ثنينكم زغار تزوجتم ماكو فرق هواي بالعمر..
اني اكلج اخوي مات ميرجع وانت شابه
اتزوجي يابة جهالنة مفتوحلج الباب يمته متردين

افضل مما والية البنات ولية بالضرب كل هذا لان داخلج نفسيتج تعبت تطلعيها بالجهال..

ما اعرف شلون اوصلج الموضوع...
بس بنتي ما اريد نظلمج ونكسر عمرج..

تسرسحت من عينها التضوي دمعه

و رفعت جفها لطمت كصتها المغطاية بعصابة سودة وكالت
ـ يااا تريدني اعرسن عمي...
المهرة الي يومية يركبها فارس شكل ما تسمى اصيلة يا عمي

ابتسمت بفخر بيها
ـ بنت اصول و شحدة اليكول غير هيج

انه ردت ابري ذمتي خاف تالي تكولين تكسرت على جهالهم و ضاع عمري
ردتني
ـ و جهالكم طلعوا من بطني يعمي
و ما يوم فكرت ادخلن غير باقر علي.
الله يرحمه جرحني صح ولسة احس بالمرارة بس ياريتة عدل و اتحمل سالفته وياي
ولا ميت محرومين منه جهاله

هاي نضيلة كد ما نكلب بالالبوم كبالها ترسم بداخلها ابوها

لو تكلي شو باقر الي اجة ذاك اليوم ماهو

تقصد ابن الجيران لسة تذكره

دنكت...

ـ دربالج على العلويات امانه الله ورسوله يمج ما اريد اطلع افكر،بيهن

ـ عمي نضال برعة واختها تقلدها

تطلع تغافلني اقفل الباب تروح من بابكم تطلع وتدري الولد طابين طالعين ما يسركون باب بالسرگي.

لو تلعب وي منيضي

ـ منو هذا النوب

ـ ولد عمره عشر سنين وهي كلها ثلاثة ما امن يا عمي اخاف على بتي

ـ اي حقج.. ممنوع تلعب وي واحد اكبر منها
بس بالتعلوم علميها صح من غلط

ـ عنيدة

صحت بيها
ـ طفلة حصير ثلاثة ونص شفهمها بالعناد عالجي الموقف من هسة علمي بناتج يكونن صديقاتج حتى ميتعلمن يضمن عليج

و بنفس الوقت واللزوم كوني ام حازمه..

هزت راسها اي وادري دخل تعلومي منا وطلع منا المهم شفتها ما ببالها زواج..

كلت خاف تريد رجال و تخجل لذا تطلع قهرها بالجهال.

بس طلعت رايح بعيد

شكد وفية رغم اخوي اذى مشاعرها كلامه اذكر شكد جارح من كدامها كال ورطتوني بوحدة جاهلة همجية

توضيت وصليت لله احمده واشكره انه واكفلي بالشدات واطلع منها كل ما تجي مصيبة

الله الخالق الواحد.. الرحوم بعباده

حاشاه يظلم بشر بس احنا الي نظلم نفسنا بطغيانا و معاصينا.

اباوع للساعة وكت غدة

جنت توني جاي من المحلات و مريت على علاوي للمقلع.

صاير اسمر طوخ من الشمس والشغل تحسرت وضجت

ـ جنك ما ترتاح يا علاوي بس انت عنيد. ضيعت مستقبلك وثقتي بيك

وصيت عليه الي وياه..و كتله اتبعني بسيارتك ضل يمتمت عنه شغل

ـ يابة طلعلي رزقك

باوعلي
ـ ها يابه مو.. مو؟

ـ دجيب جيب..
طلعلي وهو مبوز جيزدانه جريته منه وخليتله مصرف..

ـ باجر وراك حصبة وجدري. لملك جم فلس لا تعتمد علي

اني اجمعلك.. و الله خايف عليك لا يوم ما تلكالك اللكمة
باجر اموت كلمن يا روحي اخوتك يلتهون عوائلهم تظل انت بس تعض صابيعك ندم لان ما تسمع كلامي.

تبعني بسيارته و بس وصلنا نزلت انة ووسام الي بدة يتآلف وي الناس
و علي دخل للبيت يسبح ينام وهنا اجة نشأت وسجاد مدمه...

بدلت ملتبسي كلبيه وانة استعيد احداث اليوم.

و عائشة الخابرت تذكرني كم يوم و كلتلي على السوك وما اخذتها..
على اساس العصر اخذها بس صارتلي شغلة ومنا اريد سجاد شوي يتعدا الصدمه يطلع

تمددت على القنفه..
دك تلفون

رفعت السماعة
ـ نعم تفضل
صوت دلع
ـ مشتاكين يالهاوي فراگنه..
ابتسمت لروحي وكتلها
ـ هذا بيتج تعالي هلا بيج كتلج تردين عائشة لو عايشة.. مجاوبتي شتردين

ردت وهي تتحسر
ـ اهوو ليش تخرب لحضات غزلي بيك؟ مو اسراء اخذها ابوها يمه.
و كلت اكلك تجي.. و جاي اغازلك انت والله صاير حيل تغث بيه من تملي عائشة

ــ هووووب مو انه على مزاج بنتح تروح اجيج تجي اروح زواجيش هذا.. هااا احجي.

شوفي هذا انه و هذا بيتي ومرجعج هنا ببيتي..
عاجبج ايام بتج مولية لابوها تعاي معاجبج انه البيت الي انطرد منه ما ادخله..

و الافضل ترديهن لنشأت تستقرين عندي

تفاجأت من بجت

ـ اي تمسكن لمن تتمكن مو هاشم شارط عليك...

دك الباب وسام وهو كلي

ـ امي تكول تتغدة

ـ اي يابة امك ابتلت بيه اني وولدي مزوج ثنين و حالي حال الاعزب...

بس ما نكول الا نحمد الله ونشكره على القسمة..

راح وسام و شهكات عايشة وهي تبجي و تعاتبني

ـ يا سيد صدك عود هيج تحجي من باجر كمرة مالها شغل انه اطبخ اوديلكم..

مشيت وياها خطوة خطوة
ـ اي.. و التنظيف هم مبتليه كمرة

ردت وهي بس شهكات بجيها..

ـ التنظيف على سكنة وعلي الطبخ ادزلكم جدركم ثلاث وجبات حتى الريوك ادزلكم..

انتجيت و احز برجلي ضام عصبيتي ايا غبيه اكللها بيتج مرجعج يمي تدور حلول تقسم شغل هي سكنه منو شايفها زين من تنام اكدر ادخل اطمن عليها بس تشوفني وهي كاعد تطردني تصيح

ـ هي سكنه مريضة.. و الله ياريت تردين بيتج بلكت تصحصح من الغيرة وتسويلنا فضل

ردت بغيرة تتهمني..

ـ جنك حنيت لام علاوي. انه ابني نايم النجف و هي ثلاث ولد بطولك..

هنا وسعت عيوني وتعوذت من الشيطان على حسرتها وعلى فطنتها

ـ صلي على نبيج صلي على نبيج لاحكة المرة على ولدي شبقالي انه ها
من ايديج ضيعتي عباس شلون عيون تتحسد على الولد. استغفري ربج و تعوضي من بليسج و صلي على نبيج.

صوتها متوتر
ـ مو قصدي بس هي موتت ابني ترى وانت مصدك..

ـ من تنطيني دليل مقنع اصدك..
بس هسة لا.. و الدليل نفسج ذيج الفاهية نفسج ذيج الي قشمر لاخوها واختها..

ـ عبد اروح كافي،... اجيت بلهفة مشتاقة الك اتغزل بيك.. ضليت تجر و تنعر حالك حال بتي.

عصبتني طبكته بوجهها...

و رجعت خليت السماعة مرفوعه حتى لا تتصل

و كمت تغديت..

لكيت ولدي ببيت باقر ينتظروني حتى لا اتعبها فكتلها الغدة و العشا ناكل ببيتكم..

اشوف المرة تعبت وياي و ما تشتكي..

كعدت افلس لخالتي.. اللحمات.

باوعتلي وكلتلي..

ـ ترى عندي سنون مو عجوز اني..
و تفلسلس اللحمات اصلا اكبر بشويه
ضحكت..

ـ يمكن خمس طعش سنه..بينا من رديتي لابوي جان عمري عشرة و انت نص العشرينات تقريبا.. بس اريد ادللج.. ترى بعدج شباب. ها تكولين مو عجوز... خاف ترديلج رجل.. شويب...

جنت اشاقيها...

ما حسيت الا بيها نكتت ايدها من الاكل ضلت تنوح و تبجي على ابوي و هم جرت حنت لباقر..

تالي تندمت.. على شقاي جان ثكيل وهي صدكت..

ـ ترى اشاقى ادري بيج فنيتي شبابج.. ورى ابوي ولليوم وفيه اله

ولدي ثلاثتهم كاعدين بس يراقبون بسكته..

اريد اسكتها حتى الغدة تركته.

و زودتها كمرة بعتب وعيون مدمعه كالت..

ـ مولاي خاف مضايكاتك اطلع انه و عمتي منك شجايك اليوم تدورلنا رجوله

رديتها

ـ امي جنت اشاقيها بس متصورت هيج تتحسس وانت بريت ذمتي تريدن تبقي ارملة اخوي عندي معززة مكرمة مدلله بس لازم اخيرج لا باجر تكولين تكسرت و فنيت عمري على مود جهالكم.

سكتت..
خزرت ولدي من كام التبسبس

ـ اذا خلصتم عاونوا عمتكم.

القوم الي تعاونت ما انذلت يلة ولدي...

نحاول قدر الامكان نساعدها.

باوعت لكمرة
ـ يابة سكنه تغدت..

هزت راسها..

ـ دزيتلها غداها بيد علاوي تطرد بالوادم مرتك..

حتى هل مساكين نابذتهم عدها الدنيا بس علاوي

ابتسم علاوي و حرك حواجبة يغور اخوته الي دنكو
لان هم اكثر ثنين عاشو يتم الام..

كام فاضل و بعينه حزن

ـ الحمد لله و الشكر يارب زيدها وخلي كادودها

..

ابتسمتله وشكرته على دعائه الي

و مثله هم سجاد.
ـ سجاد يابه مو تنسى العصر ناملك هسة ساعة ساعتين كون بالاربعة تاخذ امك.. عايشة..

ردني و بوجهة ملل...
ـ تدلل..

سجاد راح نام...

و فاضل ينكل او ياخذ الماعين للسنك..
و نضال تعدل بالمخاد جنت اوجههم هم يشتغلون..

انة اخذت مكناسة ودنكت ارد انضف دنكت كمرة جرتها مني

ـ عمي.. اضوج من تسون هيج شنو فاضل يغسل اماعيني شنو انه خايسة خارمه
لو انت تكنس..

ابتسم
ـ يابه نهارج كلة تفترين و هيج تتمرضين..منو النا... شو الحمد لله مزوج ثنين ولا بيهن خير..
كملنا ساعدناها.

وخالتي تشوفني دور وجهها زعلانه ابتسمت

اليوم جفصت وياهن هواي

دنكت بست ايدها وراسها
ـ طالع اروح اتمدد شوي تعبان..

العصر عندي شغل

كمرة سجاد راح ياخذ عايشة اذا تحتاجين سوك روحي وياه

ـ اذا اريد انه اروح شعلي

ـ ولو ما راضي لو باقر موجود ما يقبل

ردت بعنف..

ـ لو موجود خل يسكت.. احسلة
هاي العصابة ما ذبيتها بس ما اريد اجرحكم لو عايش،انه تفس موقفي منه

البشر دون كرامه حيوان يا مولاي وهو جرحنيى..

انطيتها نظرة و طلعت...
عبرت من الباب بالحديقة بينا
لكيت نضال يم الباب و لد يمها رحت

ـ نعم عمو.. شرايد.

ـ العب وي نضال..
ـ لا يابه نضال مو بعمرك..

العب وي ولد بعمرك بعد لا تجي على نضال..

ـ بس عمو نضال.. نحتاجها تخرب اللعبة نلعب بيت بيوت كلنا مجمعين ونضال عود بني.

ضحكت..

ـ خلولكم لعابة عود بنيتكم. يابة حتى اللعب خرب وين ايام الصكلة والويل..

ـ عمو اعتذر ما ادري ما تقبلون.
شفته مؤدب.. و مو مثل ظن كمرة بس احتراما لرغبة امها متريد تختلط وي ولد بتها

رغم هي،طفلة.. مو جبيرة..

بس هم ما اريد نضال تتعلم على الشارع

شوي انفتح باب بيت عايشة واجت لافة العباية بيدها جنطة زغيرة ملابس..

درت وجهي عنها انه تكلي جر و تنعر..

وكفت كبالي..

ـ اجيت امري لألله ادري بيك صاير تدور حجج شسويلك ما اريد ازعلك

رفعت تك حاجب اشرتلها تدخل

سديت الباب...
باوعت لنضال

ـ لبيتكم يلة..

رفعت نضال عينها لعايشة

ـ عمة عمة

دنكت عايشة شالتها تبوس بيها

ـ فدوة للبنيات التكلي عمة

ـ لا مو هيج ردت اكلج على سجاد وفاضل يحجون عليج.. يكولون نشردها نشردها.
و سجاد يكول اخوها كتل..
صفنت ما عرفت تكمل
رجعت تفتن..
ـ اي كتل ناس هوااي ويكول هاي بعد ام خشم منو يحاجيها اخوها ..

هم سكتت و حجت كطفلة
ـ عنده مسدس.. اي و هيج هواي جبير عمة اخوج جبير بكد عمو عبد لو هيج هواي كلش؟

سجاد اكيد قصد جبير بالدولة وشلون يحجي كدام نضال يريد يورطنا هاي لسانها مو الها

جريت اذنها..

ـ ليش تفتنين يابة عيب عيديها وشوفي.

نزلتها عائشة وضاجت.

و نضال برطمت تباوعلي..
ـ زعليت ما اكلك بعد على سوالفهم من وراك وي وي.. غير علاوي شفته يخابر وسمعته يكول احبج

عمو المن يكول احبج سألته ما جاوب طردني..

عصبت اشرت لعائشة

ـ روحي عائشة للمضافة على ما تنظفيلج غرفة من الغرف..

رحت لغرفة الولد فتحت الباب دون ما ادكه
جريت المخدة من راس علي

ـ اكعد شو.. اكعد يالدثو نامت عليك طابوكة.. بعدك تتصل بهاي مو شوف اذا ما ضيعتك ما اطلع سيد عبد الله

كعد منعس بس،فاك عيونه

ـ ما اتصلت

ـ نضال ما تكذب

انتفض
ـ الكذابة الا اروح ابسطها

ـ دمد ايدك وشوف.. ترى اريد الفلوس البكتهن ما ناسي انه بس صابر عليك اذا ما ترجعهم ابدي اقتطع من رزقك اليومي لمن تسدني

طلعت و باوعتله نظرة اخيره بقسوة

رجعت لعائشة نظال من عصبت شردت...

بدت مرتبكة

ـ ليش عصبي
ـ مدام بت اخوج موجودة علاوي ما يلحكة خير

ـ اهوو عبد هم رجعنا عوف البنية يمعود شجلبت تجر وتنعر وترجع لنفس القضية

جريتها حيل

ـ هيج اجر مو..
دعيدي هل كلمتين مرة ثانية وشوفي

سكتت بخوف من شافتني معصب..

امشي نضفي غرفة النا..

ـ ليش وغرفتك..

ـ ما عندي..
انام هنا..
ـ عادي ابقى هنا.

ـ اي بلة وشلون تبدلين
ـ بالحمام.
ـ و الله العجز مالجن انت وذيج لا يطاق..
سمعي لج انت مو مال احترام.
جريتها وهي بيدها جنطتها محتارة من عصبيتي..
ارد اصعد بيها فوك ردت خصوصية عندي غرف جوة بيتي جدا كبير
بس ردت فوك

جان تكلي.

ـ يااا كبرنا شيصعدني وينزلني

ـ اهاا صلوات تتعاجزين هاي من يمته عرفتج نشيطة
ـ من كبرت.
ـ عائشةةةةة

بجت
ـ اختنك من تكلي عائشةةة

سكتنا من انفتح باب سكنه جوة

عائشة رجل بالكاع رجل اول باية واني على ثالث باية

تلفتت وجان بينهن نظرة سنين اختصرت بلحظات...

همست سكنة وشعرها منكوش

ـ كلة منكم حياتي تدمرت حسرة انام اذا ما اتعذب...

طبكت الباب حيل

اشرت لعائشة

ـ اول غرفة فوك نظيفة تقريبا مرة صديق اجاني من بغداد يومين بقى عندي
بس نفضي ترابها و مسحيها متلحكين تشطفيها وراج طلعة العصر

اشرتلها تصعد صعدت و هي عينها على غرفة سكنة شافتني دخلت لسكنة.جاي اسد الباب
اشرتلها تصعد..

رجعت لسكنة الي كاعدة على جربايتها..

و هي ايدها على راسها تحك بشعرها

ـ هم ما سبحتي مو كتلج اكره القذارة شجاج ما

تكليلي.

كضيتها من ايدها نترت ايدها حيل وهي تدفعني

ـ روح مالي علاقة بيكم بعد..

حاولت احضنها لان مدت ايديها تريد تبخز عيوني بضافيرها

شفت نفسي التهيت بولدي حياتي و هاي البشر هاملها.

عود من تنام اروح اطل عليها

استغفر الله البشر بعافيتة دونها يتبهذل..

شجاها كلش..

رادت تتهجم علي ضربتها راشدي

ـ سيطري على البيج ...

كعدتها طلعت الكرطافة كرطفت ضافيرها هي صافنه على ايديها..

تالي طلعتلها ملابس.

و كضيتها من ايدها..
ـ انطيتج كل الوقت انت ما بيج شي...

انت انعزالج هذا بارادتج
جليل استشهد كل هاي السنين انت تسوء،حالتج رجعتيه؟

دموعها تكت على خدودها همست..

ـ انت ما تعرف شي ولا انه الي اكدر اكول.. ادري نهايتي هنا... ما احجي لان تصير نهايتي على ايديج

استغربت حاولت اميز تهلوس لو صاحية

ـ شنو الي ما تحجيه.. انت كلج قهر. لا انت زوجة مثل العالم لا انت ام مثل العالم انت لاشيء
شنو بعد ضامه علي..

مثل الجفلت انتبهت من هلوستها

ـ شضامة يعني غير سوالف مرتك الرجعتها هاي تولي. المن رديتها

جريتها للممر برة دخلتها الحمام

ـ خليج بحالج و تعاي خل اغسل هذي القذارة من يمته ما مصلية انزل بيج عقوبة قاسية الا واجباتج تجاه الله.
اليف بيها وارزل

ادري هي بارادتها جاي تقتل نفسها ببطء حالة نفسية بس بارادتها و اجه وقت اخلي حد..

لازم على الاقل تنتبه لروحها

ـ سكنة من اليوم واجبات بيتج على الاقل كمرة تعبت ترى.
و الايام العائشة هنا تساعدج

ضحكت
ـ ههههههه ما اريد اشوف لا فاضل ولا سجاد

وانه انظف
ـ استغفر الله يا رب. لج بابا ولدج عيشتيهم ايتام منج حرام عليج
ـ ذول التوم ما اريدهم مو ولدي ما احس بيهم

وسعت عيوني
ـ بدت تهلوس لج يا توم فاضل واحد وسبعين مواليده و سجاد اكبر منه بثلاث سنين...

النوب صاروا توم.. و الله الحمد لله على نعمة العقل

شطغتها وبدلتلها...

طلعتها

ـ ماكو غرفتج روحي شوي تطكج شمس وهذا مشط مشطي...

خليت وصعدت لكيت عائشة منظفة مرتبة وتخلي ملابسها بالكنتور...

حضنتها بشوك رغم كلشي احبها..

ـ ارد اراويج الجر و النعر على اصوله..
اشرتلها بحاجبي على الجرباية

عايشــــــــــــة

العصر.. اخذني سجاد للسوك..

و كضة الطريق درمه..

و كلما يدردم..
يرجع يكلي

ـ ترى ما اقبل تنقلين نگرتي وياج لاخوج...

شفت بعينه خوف.

هذا نشأت شمسوي والولد يخاف منه.

ـ امور عائلية اكيد ما توصل لاخوي..

ـ زين جيد.. خالتي مرت ابوي.

ـ كلي يمه. اذا تريد.

ـ هو امي ما معترف بيها اعترف بيج..

ركن سيارتة بالكراج و انطه كراجية
نزل اشرلي

ـ يلة استعجلي. ترى ما فارغ لنسوان ابوي..

هزيت ايدي..
ـ يلة عيني هل نعبر..

فتنا من يم سينما الكرنك. وهو عينه عليها يقرا عروض الافلام

باوعلي وكلي
ـ ليش ما تسوكين تكملين على ما اشوف هذا الفلم...

زجرته

ـ ممنوع يلة كدامي لا تشلع كلبي وابوك ما يقبل هذا فلم مبين مو خوش

ـ شعليج.. اكيد ما تكليله

ـ تذكر ابوك من الدنيا تميل تغويك للخطأ...

صفن كال.
ـ استغفر الله واتوب اليه اي هم صح..
لاف الموضوع عباله غبيه
ـ مو تحجين جنج نضال بلبل البيت..
ترى جاي اختبرج ما بنيتي اروح اشوف فلم.....

اشوفج تصلحين ام بلكت حبلتي باخوي الجديد يطيح حظة بهيج ام مثلج..

هزيت ايدي..
ـ انت ليش تحجي هواي امشي
عبرنا اول سايد وجاي اعبر الثاني كال

ـ مو بكيفج تسدين حلكي.. احجي و..

اباوع عليه اريد اعبر
عثرت بالجزرة الوسطية وتكومت نص عل جزرية ونص بالشارع...

سيارات رادت تدعمها وكفن

المرور... ركض صفر بنص الشارع وكف السير كومتها وشلتها...

ـ مرة شكبرج تكومتي بالشارع

صاحت تبجي رجعني للبيت يمة ما ينطلع وياك...
ساعة سودة جا متت ناقصة عمر
ـ ستينية وناقصة عمر!
المرور حاجانا

ـ سلامات..
ـ ماكو شي ما انتبهت...

رجع بيه ورى و رجعنا للسيارة لان مكدر امشي رجلي انلوت شكول عليك سجاد يبن سكنه..

ـ ولك بهذلتني كلة تدردم لمن تلوهتني دوختني يا فشلتي كدام الناس

تكعبلت

ليش ولك الله يعاقبني و خلا السيد اطلع وياك..

النوب القهر يكلي ستينية.. لك كبرتني عشرين سنه...

ضحك
ـ ترى ما تعبر علي تردين تبينين ازغر من عمرج ثلاثينية ههههه

ـ اربعينية يمة قابلين بس مو ستينية
ـ عمرج سبعة واربعين شبقى على الستين

صحت بيه
ـ نزلني منا الوادم تباوع المن شايلني نزل...

ـ وصلنا للسيارة هههههه جنج باتري قلم هم ضعيف هم كصير..

كعدني بسيارته و كلي

ـ كليلي شتردين من السوك انه اجيبلج..

باوعتلي بجت..

ـ اخاف يمة منك تجيبلي كونية ردت فستان بسيط لعرس هاشم..

يولي السيد ذوقه حلو..

رجعني رجعني رجلي النوب انلوت

ـ مو تحجين لابوي تذبيها براسي.. و هم اخوج مو توصليلة لاف بالسيارة

و مبين تعبان

ـ غلط طلعتك. وانت الرفاق مورميك

ـ اوامر السيد... رجع انتفض طفى سيارته و كال
ـ شلون اخوج يقتلهم.. ليش حرام لو شما يصير حرام..

بعد عيونة التحولت خضار مائي بسبب انفعاله...

ـ مبين متأثر غلط طلعتنا اليوم

..

رجعت ما لكيت السيد هو كال عنده شغل..

خابرت مكتبه كتله انلوت رجلي ورجعنا. وصيته بلي اريده

و ادري حيجيب خيمة مسترة...
بس شسوي...

يومين و وصل هاشم..
ردت اروح لبيتي..

بس ما قبل السيد.. كال يجي عندي..
ما عندي بنات اخاف عليهن وكمرة انبهها ما تجي سكنة هي وينها ما تطلع.. كد حاجتها..
انوم هاشم بالمضافة معزولة عن البيت واني عندي مغاسل وحمام تواليت برة ورى البيت خاص للخطار..

سكتت.

و خبرت هاشم الي انحرج..

بس من وصل استقبله السيد دخله المضافه..

هاشـــــــم... حسب طلب الكثير خففت لهجة هاشم...

ما بگة شي على زواجي...

بس وصلت بيت السيد حضنته..

ـ يريال.. شوگي ليك وايد..

وخر عني وضحك
ـ خنكتني.
ـ داخل عليك يا سيد.. ابييك تحلها يبون يأجلون العرس ألحين لشهر الثنعش...

يا سيد حالييييي انت ما تدري بحالي
ما اقدر اصبر لازم اتزوج.. و الا انفجر .

ـ بسم الله بعدك ما وصلت تعال فوت...

انت و كناكيرك تهتز وياك..

دخلت وانه اطالع تصاميم البيت اعجبتني.... واو.. وايد يينن(يجنن )

جالس في المضافة اتت خالتي..
حضنتها ...
كانت تعرج..

ـ اش اش.. هذا. اش جرالج يخالتي..

ـ انلوت رجلي.
صاير تخبل هشوم... فدوة.. كل هذا الاهتمام للعرس..

ضحكت..
ـ ما صار عرس يا خالتي اهلها يننوني. (جننوني ) والله قاسم قسم.. بس ينسد باب حجرتنا.
ابيي انتگم انفجر.. اتوحش..

ضحكت.. و تلتفتت خالتي خلت اصبعها كرب شفتي تسكتني
ـ اشش خايب يسمعك السيد اسكت..

ويلاااه.. نسيت انه الحين في بيت
السيد

شوي واتت بنت.
ركزت فيها هاذي وكاد.. نضال اش الروعة هاذ.. كبرانه والنخلة على راسها ضفيرة طويلة مع كتفها..

استغربت لحظات و لكن شوي وابتسمت فرحة
ـ بااااقر.. اجيت انتظرك.. برة العب وي منيضي بس عمو و تمرة ما يرضون..

اجت كعدت بحضني..
ـ منيضي نلعب بيت بيوت..

ضحكت كرصت خدودها..

ـ ام الشورت الوردي...

طالعتني وهي بحضني ترفع بدلتها تباوع لشورتها و بطفولة وسعت عيونها

ـ لا لابسة ازرك..

هنا خزتها.. خالتي.
ـ نزلي ملابسج ولج عيب عمو يعاقبج ما يقبل بعد لا ترفعين ملابسج عيب..

ما يصير.. وانت هاشم بطل سالفة الشورتات.. ترى بحجايتك رفعت ملابسها تراويك لون شورتها عيب يمة لا تعلم البت سوالف مو حلوة.

طالعت لنضال

نزلتها من حضني و امسكت جتوفها.. و خزيتها
ـ اياك ترفعي فستانك يبنت..
عيب.

طالعت خالتي
ـ طيب كيفني الحين.. علمتها تحتشم..

رجعت كلمت نضال الي خلت بهامها في فمها..

و هي حنت راسها بزعل..

قرصت خدها
ـ يا بنت.. من منيضي هاذ..

ردت مبرطمة
ـ صديقي..
ضحكت..
ـ طالعيني انت قد ايش تحبيني
رفعت ايديها علامه وايد

ـ هوااي.
ـ طيب.. مافي بعد لعب مع منيضي.

و تسمعي كلام عمو وماما وعمة عائشة
و سجاد وفاضل و علي لا تسمعي منهم ما ابيك تتعلمي الفاظ الولد منهم..
غمزت خالتي
ـ كيفي الحين.. بكلمتين البنت علمتها..

تگربت نضال مني تفاجأت حضنتني باست خدي

ـ ما تروح بعد تبقى.. عدنا مكان ببيتنا هناك اطرد انتصار من البيت واخليك مكانها
ضحكت
ـ افااا باعت اختها هههه

شوي و دخل السيد..
بيده ببسي و كلاص
ـ عايشة خاف الولد جوعان
ـ تسلم يا سيد.. ما ابيي بس تحلي مع عمامها.. ابيي اتزوج بيومين

ـ بعد شوي نروح الهم..
طالعت نضال راحت

شوي وعودت.. بيدها صورة فيها شريط اسود دلال ان صاحب الصورة ميت..

تنظر للصورة و تطالعني..
راحت لعمها

ـ باقر شعره سرح. و مو اشكر . بالصورة بس هنا

اشرت على راسي عود مكنكر

عبد اللـــــــه

اخذت الصورة من نضال وجريت حسرة خليتها فوك المعرض تجيتها

بس كلبتها مناحة

ـ لا عمو.جيب بابا وين صعدته فوك جيبه

دمعت عيوني انطيتها الصورة الي تبوس بيها..

و ابتسمت
ـ انت باقر بس ثاني شعرك فلافل مثل منيضي العب وياه لان فلافل يشبهك

ـ نضال يابة روحي لمج شلزكتي لهاشم يابة مو ابوج هذا هاشم

ـ هاشم؟!

برطمت و ركضت طالعه

عايشة كالت
ـ الله يرحمك باقر الك وحشة والله عبد ترى صدك اكو شي بهاشم جنه باقر.. سبحان الله.. يخلق الشبه اربعين

رديت بحدة
ـ محد يشبه باقر..
شوي ودخلت سكنة الي اجبرها شوي تشتغل تنظف روحها
السيد بالجامع يكول مضرورة

كمت اقرا قران يمها.

و كال لا تنعزل قدر امكان فكمت امنع انعزالها

دخلت و ايديها ورى ظهرها
مجتفتهن تباوعلنا
وكفت كبال هاشم و كالت
ـ انت.. سمعتك تحجي خليجي بس لا ابن وديعه
ابتسم هاشم و هو يشاقى
ـ ايواااه امي مشهورة كذا..

شوي و طلعت سكنة من صدرها سجين ياي.. فتحتها و يم ركبة هاشم وهي بحدة تكول
ـ اموتك.. انت و فاضل و سجاد

صرخت عايشة
ـ الحك عبد راح تذبح وليدي...

وسعت سكنة عيونها و هاشم بحذر و صار اصفر من الخوف يحاول يراوغ سكنه

ـ ابنج؟
ردت سكنة وتضحك بهلوساتها

ـ اي ابن اختي ابني ربيته

ـ اذبحه كون اذبحكم.

شفت خط دم من ركبه هاشم الي صرخ
ـ وجعتني ابعدي سكينك يا مرة ما ابيي ارفسك..

تقدمت ارد اكض سكنه هنا باوعتلي و بجت
ـ اموتكم..
كتل

ها
ـ عوفيه رجال غريب تعاليموتيني اني

فتحت صدري كبالها..

ارد اراوغها ضلت عين علي عين لهاشم والسجين على ركبه الولد.
و جنها قررت منو فريستها و...

يتبع...4744 كلمة
هم ما طلعت من هاي السنة بس اعرس هاشم و اخلص من مؤامرة اسراء ضد السيد نحول لحرب الكويت ناخذ بارت بارتين عنها وراها الانتفاصة و ننتقل لايران كم بارت كبل لا نختم برستو ونبدي رجل من بلد اخر و بطلنا يصير هشوم ابو الشورتات..



نضال الطفلة...



غلاف رفيو هذا البارت.. الي حتنزلة زهراء،
هذا البارت احداثه شوي عادية تمهيد لبارت يجي
ـــــــــــــــــــــــــــــ حاشية

يبزخ (هاي ركصة تشبه الردح ههه بس على طريقة المطربة ربيعة المفروض هنا فاضل يغني اغنية لربيعة سيدي راكب مرسيدس )

(نعتذر عن تنزيل فيديو الشعر الغنائي بسبب محرم اني ناسخة هل اشعار بالمفكرة حت يمتة ما يجي مشهدهن مدور بس نسخ لصق...)

( خولة.... اقدر عمرها على الاحداث لان ما اعرف مواليدها بالضبط بس اعتقد اكبر من السيد ب 15 سنه )

صالون كرستاله
باانسب الاسعار
والعمل ممتاز جداا
بنات عن تجربه ..
كرستاله شغلها روعه..
صبغ و تاتو ووشم وتسريحات وميكاب .
افضل صالون😍😍👇👇

https://t.me/joinchat/AAAAAFWavOn2zfdAKPlKyA

صباح معطر بذكر الله. صلوا على رسول الله محمد. #زينة_الحمداني

هذا بارتين دمج سوى بوست بارت ٥٠

#خلف_الشناشيل_حكايه بارتين دمج(50+51)
من بارتات برستو طائر السنونو..
بقلمي..
تفاعل تصويت تعليق عام و تعليق على الفقرات لا تنسون صوتوا قبل لتقرون..

ــــــــــــــــــ نبدأ
عدد كلمات البارتين ٩٤٣٤ قسموه يومين لان طويل
الي ينزل مخربط او بيه نقص او ما ينتهي بيتبع او اي اشكال يحذف القصة ويعيد تحميلها ـــــــ

..
.

هاشم...

وش الحظ هذا ما توهكت اكون بين يد مينونة... اشعر بدم رگبتي و حرتني هذي الحرمه .. طب ليه جذي علشان ايش وش تبي مني ليه تبي.. تذبحني وانه للحين ماني معرس...

حسيت بروحي تبي تطلع على يدينها الحرمة هذي..

طيب ايش العمل الحين وش اساوي.؟

ـ يا حرمه..! طيب ابيي اتفك معك اتفاگ (اتفق اتفاق) انت.. فيك تأجلي ذبحي.. اتركيني الحين.. عشان ابييي اعرس ادش دنيتي.

ناظرت.. السيد يسير بحذر و خالتي الخايفة ابتعدت عني بخوف كانت خالتي حذاي...(يمي)

طب ليه الخيانه يا خالتي.. وهكتي الموت و هربتي. تركتني بالواجهة يويل حالي احس بالغدر من اگرب ناسي تركتني و طبگت الاية..

قال تعالى (يوم يفر المرء من أخيه وأمه وأبيه وصاحبته وبنيه) صدق الله العظيم

و تركتني...

اناظرها الحرمه الي ينادوها. سكينه..

كانت بتطالعهم واحد واحد..

تبي... تختار غيري او تبي تذبحني..

وش جابني الحين هني.

ياويل حالي مالحكت.. ادش دنيا..

ـ يامدام وش اسمك ايوااه سكنه
طيب لحظة ايش تعملي لا تضغطي
السكين ابيي اتفاهم معك تكفين و اليسلم راسك لا تستعيلي..(تستعجلي)

وتذبحيني .. للحين ما صرت معرس طيب اتركيني اتزوج و بعدها اذبحيني..

السيد كان يبي يحاول الوصول ليها بهداوة.... طالعته بعتب

ـ يا سيد في العراگ تگولون على بختك طيب يا سيد على بختك ايش الضيافه هاذي ما هكيت جذي.. تضيفوني والا ما يتكم..(اجيتكم)

شوي و بگت تطالعني.. تخز فيني بعيونها وهي تكولي..

ـ اسكت... جنك سجاد و فاضل هواي تسولفون..

دش فاضل ... و هني ركضت و هي تبي تطخه بالسكين..

لكن فاضل گدر يتلاوى معها و هو يتبجى

ـ ليش يمة تكرهيني شمسويلج وتردين تموتيني حسافة انت امي.. بس شسوي

هنا تدخل السيد ضرب جف يَدها(فتح الياء سكون الدال ) و اخذ منها السكين وهو يقيد يَدها.

و يصرخ في ويهها(وجهها )

ـ كافي شسويتي انت.. لج اذكري الله شجاج.. ؟

اعذرني ابني هاشم هي مريضة نفسيا.

امسحها بوجهي.

رجع يعنفها بصوته وهو يگول لها..
ـ اضطر اقيدج اذا بقيتي هجومية..

توضي اقرأي قرآن.. اذكري ربج

اخذها.. و هو يستغفر و عود لينا وجه ما هو يتفسر و لكن عيونه كانت حمره و يمسح لحيته الطويلة

رديت وانه اخرج من جيبي منديل قماش اضغط جرحي السطحي..
ـ ايواااه.. يويل حالي ايه الظلم هذ.
يا سيد ابيي اروح لفندق.. او خالتي تعطيني بيتها استعاره..
مافيني ابگى عندكم. مافيني اجازف بحياتي و للحين ما دشيت دنيا وعرست..

بين في محيا السيد حرج و خجل مني.
ـ لا ابني ابد ماكو.. روحة انت ضيفي. الصار حالة طارئة عدت انطيتها علاجها اكيد تهدأ.. اطمن هو لان نسيت منطيتها دواها من يومين فهاجت علينا...

.

رديته
ـ لله عزتك.. يا سيد ماني ابجرب حسن ضيافتك مشهود لك. الكرم.
لكن يا عمي.. ما ابي. انام ليلي وانه بوسوسة عشان اخاف ما انهض الصبح بتم ذبيح..

ضحك السيد

ـ عفااا لا تخاف كتلك ما تكرر.. وانت ضيفي اطمن اطمن.. هههه

استمر يتضحك على خوفي..

ـ طب يا سيد ابي اتروش و اغير ثيابي.
طالعت عليهم وانه وايد منحرج وحاس بالغربه..
دگايك ما تمت و عاودت الحرمة المينونه تبي الا تطخ فاضل بالسكين..

ايواااه اش بلاها اش بلاها..

ـ يا سيد ابي اترخص مشكور ضيافتك.. باين العلاج مجاب معها نتيجة.

مافيني ابگى... بس الولد حتكتلوا الحرمه..
كنت ناوي اهرب من بيتهم.. خفت لا تكع فيني.. الطخة..
لكن وگفني شعور داخلي.. عيون فاضل.. الملونه. الخضره وهو يتبجى من موگف امه منه..

حاولت اساعد.. فاضل شعور داخلي. وايد جايد. خفت لا تاذيه..

بديت اتكرب منها ابي اخذ السكين والسيد عرك جبينه و نبض فيه عرق وهو بحذر يبي يصل ليها
لكن و الله انصدمنا..

شفت فاضل يتلاوى معها وغرز السكين في صدرها كذا ظنيت بالاول.
رجع فاضل ورى وهو.. يرجف ويتبجى ..

ـمو قصدي.. يابة ماتت امي كتلتها...

السيد تلقفها وهو يحملها و يصيح

ـ اسكت فاضل عايشة ضربة مو قوية استغفر الله يارب شيسير بعد بيه شتحمل جريتها تعب بتعب من عمري عشر سنين يابه سجاد حضر السيارة بساع..

حاول يزيل السكين وگفته.. امسكت يده وابعدتها..
بقيت يد السيد بيدي امسكها
ـ اياك يسيد مافيك تخرجها احتمال تموت ان اخرجتها تزيد الجرح او تغير اتجاهه من تحت يصرب رئتها او قلبها احذر.

انتبهت من اغمائها و ناظرت فاضل

و هي تطالع فاضل وعيونها تنسكب بصمت شوي وهمست

ـ فاضل ابني ليش. شنو الصار وتريدني اموت؟

مثل الي كانت مغيبة وصحت على نفسها بعد مدجها ولدَها

طالع السيد يدي الي تمسك بيده..
همست اعاود التنبيه
ـ لا تحرك السكين يا عمي انت مان

ك عارف شو يصير ان حركتها...
اتركها..

جلست وانه اطبق معلوماتي الدرستها لاربع سنين..

ـ حضر سيارتك في وحدة الاسعاف يتكفلوها..(الطواريء )

ان حركت السكين وازلتها من جسمها ممكن بحركتك توسع جرحها و تطخ اماكن خطرة ...
انت مانك طبيب.. و تعرف كيف تزيلها دون ان تسبب ضرر..

تبعتهم وانا رابط ركبتي فقط حين احرك راسي تنزف قليل ماهو جايد جرحي.. سطحي..

اسوق بسيارة خالتي..

عبـــــــــــــــــــد الله

يم ردهة الطواريء رفضوا يسولها شي الا بلاغ شرطة.. شروع بالقتل

اعترضت وكتلهم
ـ كان حادث لدفاع عن النفس.

اخر شي منا منا كوة يعالجوها..

حضر طبيب جراحة عامة(تخصص)
تركته يفحصها طلب خروجنا من يمها.
و عفت سجاد و علي الي بس سمعوا لحكوني وجابوا فاضل مبين مضروب
وكفت كبالة
ـ شبيه وجهك؟
دنك و باوع على اخوه علي

ـ استغفر الله واتوب اليه ها علي بلشت رحمة الله.

ــــ يابة ضرب امي شتتوقع احضنه

ـ يدافع عن نفسه.. فاضل لازم اسلمك الشرطة روتين واطلعك انت دافعت عن نفسك شبيها امكم تخبلت كلش..

شوي واجه جعفر نسيبي.. باوعت لعلي
ـ منو بلغه؟

ـ اني يابه يجي يشوف اخته المظلومة.. هي امي ششافت بدنيتها لا تزعل يابه تخبلت من سوالف النسوان عندك تزوج عليها اكيد تضوج.

خزرت علي و كتله

ـ لا يا طايح حظك انه عندي سوالف نسوان ولك انت لو ما مخافة الله جا كلت مو ابني شنو هل تفكير الي عندك...
الله لا يريحك بكل دنيتك دومك تصرف كيفك رايح مفزعلي خواله ضد ابوه واخوته ولك كون تضل بالحسرة مثل ما حركت كلبي كون تعيش فكر لك موتتني ابتليت انت ابني...

مظلومتيش ما قصرت وياها.. امك خبلة شسويلها بس كلولي لاخليت طبيب لا سادة.

قران اقرا يمها يلة عاد شسوي المن فزعت الرجال المن للمشاكل

وصل جعفر ليمنا وجهة مزنبر. و معصب ولزم فاضل دك بالعكال.. و بوكسيات..

وكفت بينهم و الضرب طاح بيه.
ضربة بضلعي بوكسي خنكتني..
رجعت ورى ودفعت فاضل وراي

و سجاد هد وكف كدامي

ـ حـــــــــــدك الا ابوي السيد. لو مو تكونون خوال ما اخلي هل اعتبارات اذا تمسون شعرة من ابوية والله احرك عشايركم حرك
هيج بنفط اشبنها شب. تضرب ابوي.. واسكت لا والله و اختك عود هم ام لا مو ام هي مخبلة اخذها ما نريدها شو بس اكل ونوم وعود بالسنة حسنة تذكر بيتها اما كأم ما اعرفها اعذرني ما شفتها بيوم مثل الامهات و لا يوم من الايام حسيت بيها ام...
جان فاضل كمبص و دفن وجهة بين ايديه ينحب ويرد..
ـ سجاد اسمها امي.. شبيدنا واقع ما يتغير امي .. لا تنكر واقعنا...
مد جعفر رجلة ورفس فاضل وكعه على ضهره...
وراد يرفسة على بطنه

دفعته عنه
ـ شو جعفر صاير ما ترد.. ترى هااا نسيت انه منو؟

باوعلي جعفر بخوف و تكتر
خايف شارتي تطلع بيه.

رجعت لسجاد اادبه تصرف غلط...

درت سجاد صوبؤ وضربته راشدين.. كدام الناس مثل ما هان خاله كدام العالم وسولنا فضايح..

ـ لسانك اذا تطوله على خالك اكصة
الخال والد يبني وما ربيتكم هيج
توكف بوجه خالك و تلاسنه و الله اكسر راسك

دنك سجاد وكف جانب منتجي على الحايط..
و الناس الي بالممر،تراقب بسكتة العركة.

و احد من الممرضين عصب و

يكول
ــ وين الامن شنو هيتة مستشفى شنو هاي المعدنه يمتى نخلص من سوالف عشاير وعراكهم

رديت احاجي جعفر ربى صباي وصديقي رفيجي...

ـ ابو نورة.اسمع مني لا تصير عربانه و عليوي يدفع بيك

اسمع مني...
المرة هاجت تريد تكتل ضيفي و تالي جلبت الا تموت فاضل..
الولد دافع عن نفسه خوية مبيها شي ضربة سطحيه... احنا اهل و الصار صار..
ردني بقسوة...

ـ تحجي صدك... اخذها عندي بناتي يدارنها... خبلتوهة هاي مظلومة كلة من ابوي الله يرحمه هو ظلمها هاي الظليمة ونطاها الك..

انت رجال عاشك صديقي ادري بأسرارك نصحت حجيت ما سمعولي عاشك يعني ابد متحب اختي و اكيد يوم ترد ذيج الخاينة الطيحت حظك ورديتها واختي عروس..
و هسة رديتها رغم شيناتها...

بالسحورة و كتلتلك ابنك عباس و مكفاها هذا.. لا موتت الي ببطنها..

جليل اخوي كال استلمت الطفل ميت وهو الي دفنه... بمكبرة الجهال...
بالزبير.

ـ لاحول ولا قوة الا بالله هسة شرد عليك اسكت احسن وانعم الله و رحم الله والديك ابني حسلمة للشرطة بس دفاع عن نفس وعندي شهود منهم الغريب ضيفي يشهد بالصار وهم اعتدت عليه شوف ركبته ضمدوها اله..

باوع لهاشم و رد بتعجب...
ـ سبحان الخالق يخلق من الشبه اربعين الله يرحمك سيد عبد الرحمن

هزيت ايدي شبيه هذا هم

جر خيط مثل اخته..

بس هاشم رد جعفر بخزرة

ـ تتحجى عن خالتي هذي المرة سكرت فمي ما ابيي اقلل شيبتك
لكن مرة ثانية امسك لسانك اكصه.

هز جعفر ايده..

ـ ناقصني بس الخليجي..
ابتعد عنا وكف بعيد ينتظر وضع اخته.. من الطبيب...
سلمت فاضل للشرطة ما طلعوه الا بعد يومين.. تجرجر الشرطة و الواسطات..

و بس عرفوا بينا سادة تشددوا اكثر.. وتحولت اليومين جحيم.
انو لازم يتأكدون ما عنده سوابق او مطلوب امن دولة او تابع للدعوجيه..

طلعوا يردون فلوس صدمني هاشم من انطاهم مبلغ بعملة س

عودية
هاي بعد ركض يومين. و تعب
لان جعفر ما خلا سكنة تتنازل
ضجت ابني يطلع برشوة اول تالي يطلعوه مبينه القضية دفاع عن النفس اصلا نكدر نشتكي على سكنه

بس ما اريد هيج شي.. وهيج حل..

و المفاجأة الثانية طلع هاشم متصل بخاله الي خابر للمركز فطلعوا فاضل
هم دفعلهم فلوس هم اتصل بخاله ضليت ضام عصبيتي من كنكورة..

باوعلى و لزكة طبية بركبتة

رغم عصبيتي من تصرف هاشم شكرته...
ـ ما اعرف شلون اشكرك لان ما قدمت دعوة ضدها.. راح ابقيها فترة يم اهلها بلكت هناك حبايبها خواتها شوي يرفعن معنوياتها تصير زينة

الضابط كال اذا نريد نقدم دعوة ضدها شروع بقتل

باوعلي فاضل..

ـ لو ما عيب وامي اسجنها يوم عن يوم تكرهني بنفسي لاني ابنها..
بس للاسف واقع اعترف بيه هي امي...

جريت حسرة بس نترت بيه مريدة يتعلم يجاوز على امه

ـ انجب واسكت.. يلة للبيت وانت هاشم فلوسك اردهن الك و بعملتك اصرفهن ما اقبل ترى اصلا شنو ذول وترشيهم..
اول تالي يطلعوه قابل يطيح ماي ورده اذا بقى كم يوم...

و خليت خالك هم يسوي علي فضل يمعود جنبني هل خال الاعوج الي عندك..

سكتت و اشوف هاشم ما اهتم ولا باله بالحجيته باله بغير سالفة..

وهو يحوس ادري بيه على مود زواجة اليومية مأجليه
بس يستحي يذكرني

ابتسمت و جريت كنكورة من كناكيرة

ـ اليعرس شيسوي يروح حلاق يا ابني

انعفس وجهة و دنك مغلس.

هنا كتله
ـ احسب احسابك نروح لربعك نشوف ليش جاي يأجلون خاف سامعين شي او انت خاف مسوي شي كلي من هسة مو هناك و انحط بالأمر الواقع...

ـ الحين وش حجتهم علي مافي شي يا عمي.. واليسلم راسك خلصني... يويل حالي يعمي مافيني اتحمل... للسنة اليديدة ...

بس وصلنا البيت كتلهم...

ـ يابة المركز يلم الزين والشين والي يشرب والي ما يشرب
احترازا كلنا نشطف يلة فاضل روح لحمام البيت وانت هاشم حمام الضيوف برة

اني اصعد للطابق الثاني حمام اشطف

استغرب هاشم..
وفلت لسانه
ـ ايش مناسبة نتروش.. على الفاضي ماني مِعْرس واتروش.. واليسلم راسك مافي اي نجاسة طختني اتركني بهمي يعم..

دفعته بلطف
ـ فورا للحمام يلة شو كدامي ماهو معرس والله يا الله مو هو بس المعرس يسبح هسة تطلع كاتلك الوسخ اذا تنتظر تعرس و تسبح...
لانك عازب لتزم ما سابح شنو هاااي.

ضحك فاضل وسجاد الي سمع كلامنا اجة بلهفة وهو يضرب كتف هاشم

ـ يمعود تعود على الوالد... اذا بقيت عندنا شهر تبربع كد ما يخليك تسبح وربك حتى كناكيرك طبيعيا تسبل..

عفتهم يضحكون وجاي اروح لغرفتي فتحت الباب ع الممر معندي حرم ولا بنات صبيات يحلن على هاشم.. سكينة واخوها اخذها

و عائشة خالتة..

ـ البيت بيتك هاشم لا تنسى اسبح.. والا ما تمد ايدك وياي بالغدة اعزلك مو تزعل

رد سجاد
ـيابة يابة اوكف اوكف..
تلفتت على سجاد الي من حادث قتل كدامة اصفر ونحلان بس بين اليوم صاير احسن..

ـ ها يابة كول.. شوراك؟
ـ طخيت هاشم وفاضل وجانو بمركز الشرطة انه هم اسبح افتي بأمري

هزيت ايدي وصعدت ادردم

ـ يصنف علي.. لو يدرون بالمراكز شرطة و السجن شبيهن من مصايب..
سبحتم بتيزاب مو ماي.. صوجي مو صوجك ها سويجد ولك تصنف علي..

سجــــــــــاد

من راح ابوي جريت فاضل
ـ ولك لكفت علي يخابر
فاضل خلا ايده على حلكي وباوع هاشم الي استغرب

رجعت كلت..
ـ هاا اي هم صح.. فهمت نظرتك
و باوعت لهاشم الي عكد حاجبه

مستغرب همزنا و تلامزنا..

رديت لفاضل
ـ رموز رموز وانت افهم.. غير زالغلة واير فوك السطح وجايبلة تلفون يضمة بكنتوره بالليل ينوم ابوي يصعد فوك...

لك اخوك اكص ايدي اذا ما واصل مراحل..

يحجي وياها امور عيب.

هنا اجة هاشم بفضول هل ولد مو مريح صار بيها عيب فك ذاناته

ـ تلمحون حتى لا افهم وش تتحجون هههه ترى اعلمكم و اعلم مية مثلكم.. مافي عندكم خبرة بس بالحجي خبرتي انه يا لربع قول وفعل...

لوى حلكة و كام وهو يكللنا يعيد معنى كلامه

ـ انتم امامي وامام خبرتي اطفال وش تردون اعلمكم حاضر..

تلفت فاضل و راح باوع من الباب و هو يحجي ويرجع يباوع

ـ السيد جنه ما ينزل عاشك.... هههه عاشك خالتك يكنكورة على كولة ابوي..يلة احجي بساع شتعرف عن العيب احم اقصد العلاقة يعني مو الحجي اريد عن الفعل انه اعرف بس زيادة خبرة
نتعلم من نزوج حتى ما نظل فاهين. احجي بساع
علم يخوي ليش لا منكم نستفيد

رجع تلفت للباب..و هنا كمت جريت فاضل من ياختة من جهة علباته

ـ مالك علاقة بهاشم واعرفة منحرف لا تتعلم خليك ياخوي بريء لعرسك فشلة من المرة تفقد برائتك..

ضحكوا علي. .. و على تصنيفي

كتلهم سبحوا لا ترى السيد يسويها صدك يشحوتكم ما تاكلون وياه..

فاضـــــل..
سبحت و ما رجعت يم الشباب رحت لغرفتي علاوي نايم و مبين يتهامس

رفعت اللحاف شفت بيده تلفون..
تتبعت الواير ثاقب الحايط قرب الارضية و ضامة جوة الجرباية

هزيت ايدي

ـ نفرض ابوية دخل و كمشك...

ـ روح ما احاجيك تدج امك.

شفت عيونه باجية عرفته يشكي لحبيبته وطلع ابوي الظالم.
ـ علي سد التلفون لا تسمع حبيبتك.

ـ كتلك روح عوفني هججتوا امي.

لو حابها شيصير عليه لو ما يفرق لو حابها و معاملها بعشك ما صارت هيج
المرة تريد الي يعشكها و يحسسها بامان
بس اوعدكم ما اعيش بظل تسلط ابويه..

اني اعيش واحب وازوج،و اشتغل مثل ما اريد..
روح فاضل زعلان منك. و اكلك شغلة ابوية ميدخل الا يدك باب
مرة وحدة جفت من عصب مني وهسة ما معصبة بشي عوفني اشكي همومي للي يفهم علي

عفته هزيت ايدي وكتله
ـ الله يهديك..

عفته وكعدت ورى ميز و بيدي قلم ارسم ام تحتضن ثلاث اولاد اطفال بس الام بالصورة الي رسمتها
ما عدها ملامح
ام بخيالي اني.. مو حقيقية لان الي بالواقع.. ام ملامحها قاسية ومعدها حنان الام وصعب اخلي بلوحتي ملامح امي بالواقع..

حيل انهضمت من امي..

رغم مجنت احس عندي ام بس تأثرت من تهجمت علي.

ورجعت مرة ثانية الا تقتلني مثل الي تريد تقتل الوسواس الي بداخلها بصورتي...

من جنت زغير هملتني

دائما تكرر بس يمي هاي العبارة
متت و رجعت للحياة تنتقم مني...

بيني وبين سجاد شوي شبه دورة وجه بس سجاد ابيض كلش.. على احمرار

اني احمر بشرتي مو كل هاي بيضة يغلب الاحمر على بشرتي

اوكات احب اكتشف السر الي خلاها بالذات اني و سجاد تكرهنا. و تطردنا من امومتها...

بينما علي عدها هو كلشي..

ما ننكر اني وسجاد نغار من علي.

اخذ الاهتمام من امي وابوية

الا احنا عشنا ايتام.. الام.

مرة كالتلي.. انت وسجاد بوجهكم روح ابن عائشة المات... ابتعدوا عني..

بديت اربط شي بشي

وزاد كرهي توصلت بذكاء انو امي كل البيها بسبب انها ظلمت او سوت شي جبير.. خلاها هيج.

كمت اتعمد اتواجد كدامها..

وهذا خلاها كلش متنرفزة مني لابعد درجة..

لدرجة رادت تموتني

كم مرة بسكته عن ابوي واخواتي ادخل غرفتها احاول استفزها بهدوء من حقي اعرف امي شمسوية

صدمتي الاكبر جانت...

ـ اطلع برة انت عباس اطلع انه ما كتلتك ردتك تسكت دوختني ببجيك.

هنا الصدمة الدفنتها داخلي.
لان ادري وراها ابعاد جبيرة ومشاكل فصرت شيطان اخرس

وهم بسبب اذا احجي ميصدكون او تطلع مو بوعيها بس،متأكد عيونها بعيني وهي تتخيلني الطفل كبر واجة يعذبها

سجاد بيه شبه..

الجنت اعرفه من ابوية مرة كال عباس ميشبهني يشبه اهل امه

شكد نشوف ابونا وهو حزين مكابل الصور،

بس متوقعت خالة عائشة نفسها ام عباس

طبعي ادرس الشخصية..

شفت كل التهم الزرعنها خالتي و بيبي ام جعفر،بداخلنا كذب

الي مثل شخصية عائشة متعنف طفل

وما اعرف ليش سجاد يضوج منها

المرة ممقصرة... بس اعترف اعار على ابوية بس بديت اتعود عليها و حسستها وجودها مهم عدنا تقربت منها بس سجاد يكلي خاين هاي باكت ابونا.
جريت حسرة

صفنة توديني صفنة ترجعني

حبي لنورة صار اكثر مستحيل خاصة بعد حجي خالي..

يضرب بيه وهو منفعل وابوية كوة خلصني منه
رجعت من صفنتي هي نور تريد علاوي مدري شيعجبها بالدثو

جرحت كلبي البقى يحبها..

ردت اوشم اسمها بزندي كد ما احبها... بس سجاد كلي بطل.. ابوية متفوتة ويشوفة يعلكك فلقة..

عفت سجاد وهاشم واحد يصنف على الثاني..

وفضلت ابقى بالغرفة انعزلت...

افكر.. بحظي وي نور.

اجت ببالي نهى. بت خالي الشهيد جليل

وجهها الاصفر جنها بيها منجلي.

و هي ونظراتها. الي..

اعرف تحبني هي بس بالي ابد مو يمها..
بالي يم نور الي ما تريدني

عائشة...

موقف صعب الشفته..

لا بية اشمت بيها.. يبقى المرض ما بيه شماتة بس احلف حوبة عباس ابني فرفحتة بحظني

سبحان الله خلاها تهجم على ولدها تريد تموتهم.. اي ابقي بعقابج الموت راحة الج عساج تبقين معلعلة تتمنين الموت متحصليه

دمرتيني. موتي ابني.

سبحان الله ابنج الي مد عليج السجين..
حتى ولدج ميردوج

شنو من بشر انت.. شنو قيمة حياتج دون زوج و اولاد.. موجودين بحياتج بس مطوليهم

حقدج عليهم و عنفج هو عقوبتج.
تنحرمين من الامومة مثل ما اني انحرمت الفرقولدج بطول ابوهم عايشين..

بس متكدرين تنطيهم امومتج تجردتي منها وكل هذا حوبة عباس

يومها انعزلت. بس اخذوها

لملمت البيت نظفت كلشي وصعدت الغرفة اجت كمرة تطمن لكتني بصفناتي تحاجيني ما ارد

نضال وهي وجهها اصفر،و تشرح لامها

ـ مو كتلج اراقب من زرف باب غرفتها شفتها هيج عيونها كلش هيج هوااي(عود تنططهن)

فتحت الباب ردت اشرد لزمتني تكلي بت باقر جنج ابوج اكرهج

راحت للمضافة لعمو وعمو كدر يطلعها رجعت تريد تذبح باقر مرتين تالي هجمت على فاضل وفاضل هيج طاااااا طكها سجينة

ابتسمت و نضال تعيد وتصقل السالفة وتكمز تقلد مرة فاضل مرة سكنه لو هاشم تقلد كل واحد شسوى تشمر بيديها و تلهث تعبانة كد انفعالها واندماجها بالسالفة...

امها جرت اذنها

ـ شكد فتانة. ولا تتوبين كافي دخنة مليون مرة عدتيها والسجين ما تسوي طاااا قابل مسدس ورصاصة

اجت نضال يمي.

ـ عمة عمة.. هذا باقر ركبتة دم..
سرحت شعرها و كتلها

ـ نضوله عمه اسمه هاشم .

باوعتلي بعيونها الكبار. و كورت شفايفها بزعل

ضحكت

ـ ها زعلتي بس هذا الواقع بابا هناك فوك بالجنة ياريت نوصل لمنزلة الشهادة مثله. منزلتها كبيرة عند الله

ردت نض

ال
ـ باقر باقر.. هاشم يولي اسميه باقر الثاني...

وشردت وهنا كمرة كالت

ـ عوفج منها.. تدرين وسام علمني اكتب و يدرسني رياضيات و علوم قرآن.

عايشة حاجي السيد امتحن اريد اكمل خارجي.
ترى موش غبية انه الكفها.

ـ اي حبي اذا تردين ادرسج....

امتحني خارجي شوفي اكو معلم جان ويانا جان امي بس الاصرار خلاه يدرس خارجي و دخل معهد معلمين من الثالث

بس سمعت كمل سادس خارجي و كمل جامعة و جاي يدرس هسة دراسات عليا

الاصرار،.. و هدفة يكون الافضل. خلي هذا المعلم قدوتج
ردت مستحية
ـ اسمي.. يعني كمرة. كلش دارج ريف
اريد ابدل اسمي

ضحكت..
ـ لج هاي معاملة و شلعان كلب وامر محكمة والسبب شنو وليش و ما ليش

ـ ميخالف حاجيلي اخوج بس لا تكولين علي للسيد فدوة

السيد عندة حساسية من ابو انور..

ضحكت...

ـ ممم تردين اتوسطلج اول تالي يعرف من يتغير اسمج وسين جيم تالي اني الي اتعلك مكانج لان ضميت عليه..

و الله ضحكتيني عندة حساسية من ابو انور اااخ ذكرتيني بباقر خوش معلمج تصنفين الله يرحمك خوية

هنا غيم وجهها وكامت و بكبرياء

ـ الله يرحمه و يغفرلة استشهد بس يبقى مديون الي الغفران

وسعت عيوني
ـ عزة ام وسام الرجال بين رحاب الله و برحمته و ما باريتة الذمة يمعودة حرام عليج..

عدلت عصابتها
ـ باريتة الذمه بس بقى داخلي زعل الليل كلة ابجي مسمعتي حجية شكد جرحني

انة فتشت عيني عليه(فتحت)

قاطعتها
ـ كولي فتحت.. مو فتشت. بس والله عفية.
كلبيتج صح سودة بس موديلها حلو فصال خالتي مو

ـ انة تعلمت منها كلشي من جنا ببغداد

بس مو مثل خياطج.. يعني اكثر شي احوك كوشايات وهل امور(كروشايات وهل امور)

ـ كمرة...

قاطعتني مدنكة وهي تلعب بصابيعها بتوتر همست وبين بوجهها حنين ودمعة نزلت غصب
مسحتها بساع

ـ باقر بينا بالليل من يغازلني يكلي قمر. مجان يحب كمرة اثاريه اي شي يوحي بالهور اعتبره مو من مستواه حتى اسم كمرة اعتبره همجية

حضنتها
ـ كافي كمرة الرجال راح يمعودة ياريت عايش و نتحمل سوالفة..

ـ اريد اسمي يصير قمر..
خلاص كمرة مريدها..

اريد ادرس اتعلم..
ـ شكلج السيد يقبل نشأت يدخل و يرتبلج موضوع تبديل الاسم.

ـ بلكت...

نزلت دموعها مرة ثانية ومسحتهن وكامت

ـ اكوم.. و الحمد لله على سلامتج ياما كلت هل سكنة لو تنهينا لو تنهي روحها
و الله طلعكم من بين موت..

ـ كمرة لا تبجين ولا تنكرين تحنين لباقر لا تكابرين عوفج مني ومن سكنة تردين تضيغين علي هل دموع ليش.

ترحميله فدوة لا تشيلين بكلبج عليه خاف يتحاسب على السواه والكالة الج.

تركتني وراحت اسمع شهكات بجيها

رجعت لوحدتي وهاي فات يومين..

و كدر السيد يطلع فاضل..

بس بقيت اذكر شلون هجمت..
و شلون الابن دج امه

و يزورني هنا طيف ابني الله من زمان ما حلمانه بيه

ـ اشتاقيتلك عباس..

رتبت الغرفة عطرتها وطلعت بالممر ارد انزل لمحت علاوي نزل و دنك من شافني
ـ شيسوي على السطح بهل حر وعركان حالته حالة

ـ يمة شعندك على السطح لو عدنا طيور جا كلت..

ـ هااا..

بس كال هاي وشرد نزل حسيت العلاكة البيدة ضام بيها شي

ركض على الدرج هزيت جتفي نزلت
الغدة استوى طفيت الجدر شريت ملابس الاولاد الغسلتهن

بس ملابس سجاد افرك مراح الصبغ اباوع للقميص النشرتة على الحبل

لطخاته شلون واحد بصابيعة متعمد يلطخ القميص..

رجعت من ورى البيت هناك الحبل عبد الله ميقبل اصعد السطح واشر
هاي كبرت والشيب بدة براسي وبعدة يخاف علي عبالك بت خمس طعش..

شفت سجاد لاف من الجهة الثانية للبيت

ما اهتميت رحت للبيت استخدمت الحمام جوة ادري السيد يريد اربع وعشرين ساعة نظافه و طهارة
تعطرت طلعت بكلبية محتشمة...

لاكاني هم سجاد ابتسم وهو يدور علي

ـ وين علاوي

اشرتله على غرفتهم

بس شوي وطلع
ـ ماكو..
صعد فوك
وانة الملم بالبيت
شوي نزل يضحك باوعلي وما عبرني دخل للمضافة

نزلت شفايفي لجوة و رجعتهن طبيعي عود معاجبني الوضع

شوي هم نزل علي هل مرة عركان كلش وبيدة جلابتين درنفيس

وراح لغرفته
ـ شعندة هذا عود...؟

صعدت تمددت وبالي كلش يم اسراء

لا خابرت لا سألت تختفي يم كوثر لو ابوها و فجأة تجي و تكلي انت مترديني شمرتيني

صوت ضحك جوة نبأني بجية السيد وفاضل وهاشم..
كمت ارد انزل...بس انفتح الباب ودخل السيد ابتسم وكال
ـ طلعت فاضل..

ـ الحمد لله على سلامته

ـ تعبان ولعبت روحي تذكرت اول ما جرجروني للامن.
رغم هذا مركز شرطة مو الامن.

اسبح و اجي اسولفلج

اخذله ملابس وراح يسبح

طلع بتراك.. اشتريته اله من دلالة تفتر على البيوت خوش عدها ملابس وامور مال نسوان جان زي الفريق العراقي تراك اخضر و بيه علم عراقي..

ابتسم وكلي.

ـ انت خربانه كلش عيوش.

كعدت على حيلي وصفنت بوجهة
ـ با ليش سيد..؟

ابتسم..

ـ اي والله خربانة ناسية قياس طولي جايبتلي تراك.. الحجل مال سروالة طافر...

نزلت عيوني للسروال كصير
ضجت عاد بارز لون عيونة صايرات خضر على زيتوني بيه..
و يضون...

ـ حرامات اشتهيته الك..

اخذته من ام جلال.. اكلك نزعة