#خلف_الشناشيل_حكاية29
واحترقت بجحيم احضاني،
وئام علي،

حبايبي عذرا البارت مبيه احداث هواي ولا مهمة
لان تعبانة من امس،بس نوم كاضيتها
ومردت ادخل احداث مهمة تحتاج سرد وادارة وتحكم قوي
لذا ردتم تعرفون شصار لكمرة ونزلتلكم
صح البارت مبني على حدث واكد وهو المشكلة بس طويل 5421
كلمة لذا تفاعلوا تفاعل تام وباجر او عكبة بارت كلة حلغومات وترومس الجديد و نهايتة احتمال مصيبة 😜😜😜😜😜😜😜😜😜😜😜😜😜😜😜😜😜😜😜😜😜
.................

گمرة...

من بعد ما باغر جسرني تجسر، بگلبي حسرتين حسرة لين باغر ضربني، وانة أحسب الايام لجيتة، اندعيلة بصلاتي يرد لية عبن عشگتة، صح گبل لا نزوج اهلنا موش يغبلون نعشك بس باغر گلي أنت هنانة بگلبي احبنج، و الله موش جنت اريدن اكلله على الترومس الي احسنة بگلبي بس هو شجعني، و هسة ورى ما رجع ما لحك يخلص يوم على ردته من بقداد طكني.

حسرتي الثانية من ورى ام عباس موش مغبولة منها السوتة..

عبني صديجتها رفيجتها، ليش عودن ذبتها براسي...

هي هاي النخوة هاي الحمية العدها انة شعلي انتن ضراير تعاركتن جيت افجنجن..

تتفقن علية هي هيجية كالوها..

بس هسة تذكرت موش حسرتين ثلاثة ثنين من ورى باغر لان كلالي معيدية هاي اليسمونها تهمج(همجية) لو كالالي عربية...

جيف ولك جيف تنكر امك البطن النگلتك، جا هي مو عمتي. شنهيي تنكر اصل امك..
و تعيرني...

شنهي عود انت سيد تتفاخر لو شنوو عود انت معصب و تزمخ..

وينك بوية ابو صالح.. وين ايام الهور اكف شغل البيت واطلع خواتي واخواني الزغران العبن وياهم..

نبلطش بريولنا بالنهر و نحوش البرديات

اعدلن الشبج. و اطلع شكد بنيات(سمك بني ) و سميجات..سمتية..

عمتي حضنتني وسدت باب غرفتها..
وهي تخرط خدودها

-تغلطين ولج على سيد عبد الله يااااااع ولج شسويلج أجويج.
الا هسة احمي سجين واجويج
رادت تطلع كضيت بدشداشتها

-عمة لاع تبت و ابو فاضل...

-خمدي اروح اسوي عشا للزلم الي فحطت من وراجن ثلاثتجن...

-لاع.. موش اهدنج ترحين ويطب باغر يطكني.

و صكد شوي وانفتح الباب باغر وجهة مطعون احمر وعيونة بياضهن خابط ع حمار عرج عندة طك ينبض بين ذاك هو

وكف وهو يحاجي عمتي..

- شارمة ذان المرة و ما كفاها تغلط علي وعلى اخوي هسة انة افوتلها و فوتلها هواي يلة حليها، عاد عبد الله.
ابو عباس يمة تكول عليه خنيثة وطلي لمرتك.

الرجال مدوهن محتار بزمانة من ورى نسوانة.

وانت تزيدين فرعنة.. ركزي هذا مو الهور الي لفيتي منه...
و لا عدنا هنا ثارات ولا حروب..

درت وجهي موش احاجنة صاح بيه

-هي احاجيج...
لسة ما مستوعب شلون تغلطين على عبد الله..

عمتي كلتلة

-فدوة يمة لا تعصب جاهل وغلطت اربيها من جديد بس عوفها خطية طحت بيها دك هاي وين حمل ضربك... و بس يجي اخوك تروح تطيح عليه و هم على سكنة

هنا وسعت عيوني الي جثير ورمن من البواجي...

وانة اناشغ

-موش اعتذرن هي شنهي فرهود گوترة اعتذرن على شي انة موش مسويتة..

حسيت خشمي من البجي بدة يسيل تلفتت ما لكيت شي امسحنة بي

جريت من ردن دشداشتي التشككت كد الطك...

و كطعتلي وصلة امسح خشمي

شفت باغر لعبت روحة من حركتي. هز ايده و طلع.. جا شني اسويلك نفنوف شككتة علي بطكك اخذت منة وصلة امسح خشمي...

عود نظيف براسي ابو نغفة...

بكلبي غلطت عليه لان كلش مغثوثة منه...

جابتلي عمتي العشا بصينية..

جان وكت غروب و الصلاة فاتت بس صوت.باغر يصلي المغرب.

و العشا.
ما اكدر اكومن اتوضا..
ولا اكدر اكل ...
اجت عمتي متوضية لكت الاكل على حطتة استغفرت الله

-بالي على عبد يكولون طالع معصب الله لا ينطيج لا يصير بالولد شي و صاحب عايلة...

فشلتينا يكمرة.. هم باقر وعبد يلوموني شكلك بت اخوج ما مترباية لج يا فشلة الفشلة من عبد الا اسنعج..

-موش انة الشرمت مسلوبتها...

-بس اشش ولا كلمة...

ورى ما صلت كعدت يمي جرت راسي بحضنها.

-نامي يمة سودة بوجهي، لسانج عام عليج، خل اسولفلج يمة واعلمج.

يمة الرجال ما يحب الي ملسونة وعبالك زلمة تهادد وطك..
و الجبير احترامة واجب، عبد هم سيد و هم متدين وهم حسبة اخوج الجبير يمكن لو مزوج بعمر باقر جا خلف بنية كدج...

المعذربة مكروهة....

باستني بس انة بعد هيج قفلت منهم عبن هنانة موش الهور كلشي لازم عيب حرام...

هناكة جنت اطلعن و اطبن هيج عيشتنا..

الاعب خياتي الزغار و اخواني الزغار..

مامش احد يكلي دشي الصريفة...

نزلت دموعي و حركت خدودي المورمة مجرحة من طكات باغر.. شكد كمت اكرهنه..

بعد موش اغبلن يسويلي ترومس بالبداية ولا بعدين علاغة زواج..

-نامي يمة لا تبجين والله يهدي السادة عليج..

بس يجي عبد الله روحي بوسي ايده و تعذري منة كولي ساعة شيطان.. غلطت عليك وشرمت اذن مرتك..

ظليت الطم و بعلو صوتي اصرخ عبالك ميت احد..

-يبوووووي يبووووي يبوووي موش انة شرمت مسلوبتها موش انة انة بس غلطت وكلت ع السيد خنيثة طلي...

وردت ادفعنه عبن قهروني...

اجة باغر و فتح الباب.

-يما شصاير بب

اب البيت واكف اتاني عبد تأخر وصريخ و...

سكت وخزرني ورجع اجاني..

-شنو هذا الصوت ولج... تردين تفزعين المنطقة يا مشهورة...

خل بس اخوي بيه شي الا اذبحنج اخلي طلقة براسج...

ما تصبحين الصبح.

هو كالالي هيج كلت يع انذبح شنهو ذنبي نهبت صاحبت زنيت..

سكتت و تمددت كدام عيونة وغطيت حتى راسي بس اشهك..

اسمعه
-لا تراويني وجهها يمة لتخليها تطلع من الغرفة لمن أهدأ و يجي اخوي واطمن عليه..

هاي بس اشوفها اخلي بيها رفسة تكطع كلبها...

حسي جان مجرح وانة احاجيه هية هيجية صارت وين الترومنس وين سوالف النقلد بيها شلهوب وطيرة...

-موش ابغى وياك اروحن للهور، عبنك موش عاشكني تجذب..

ظل يستغفر و خلا ايده يم حلكه وهو يبرز صبعة يموشفايفة

-اشش خمدي.. خل افكر شلون اركع سوايتج و غلطج على اخوي..

ركع الباب حيل و ظليت أتكلب شوي وتمددت عمتي تحضني و تستغفر الله...

-يمكن باقر راح يصر على اخوه يعزلنا فوك هاي تاليتها يگمرة من طلايبج انة الاصعد فوك وانة مرة جبيرة و بيتي هذا...

شهكت.. موش حك هذا باطل احنا النصعد فوك وهاي سكنة تلزم البيت هي وذيج ام حلك الفاهي عويشة..

عساجن بعركة موش ردة وراها...

بديت اغمض عيوني...

فتحتهن وعيني الساعة صارت بثنعش احسبن عدد الدكات..
انة اعرفن احسبن بس موش اعرفن اكتب الارغام..

على صوت مشي بالممر رحت كوة امشي وانة اعاينن من زرف الباب جان هذا عبد الله غميت زرف الباب اكرهنة هو وباغر.

باوعت لعمتي نايمة وتشخر.
فتحت كنتورها على كيف لكيت شيلة..
باوعت لملابسي مشككة..من الطك والجر و العت مال باغر..

شلون اطلعن بيهن ذن...

والله ولا ابغى اروحن لبيت عمتي ذيج كالتلي ذول ظلام بس موش صدكتها...

طلعت دشداشة من عمتي صح سودة...

بس،ميخالف هوا انة المفروض محزنة على هلي بس قير عمتي وباغر...

كالو موش يصلح عروس و تلبسين اسود هاي تابعة تتبعج... و تتأذون انت ورجلج
انة موش لخاطري ذبيته لخاطر باغر اكولن احبنة و بس هو الي بالدنيا شو هلي وراحوا منهو الي قيره..

بس هضمني..

نزلت دمعتي مسحتها ونزعت دشداشتي دحستها بين ملابسها وانة عريانة..

اباوع لجسمي الفانوس منصيتة عمتي كلش بس اكدرن اميز زنودي المحصرمة من طكة بوكسيات لو زروري من دفراته...

ما جنت لابسة على صدري شي ما البسن بس من يجي باغر لين كلهن كبار علي و عمتي مامش ما حصلتلي غياسي...

و صدري زغير وموش يبين نفنوفي عريض..

حتى مساع من نام باغر وترومسنا و سوينة علاغة زواج... گبل لا نسوان باغر يشعلنها واوكع بيه.

باغر كلي ممنوع ما تلبسين هذا مدري شسماه تلبسة النساوين الجبيرة المزوجة..

انة البس جوة دراعتي جسوة طويلة خيطتها الي عمتي بدون اردانات وي الركب و هم جابتلي
جسوة للصدر والورك بس موش يكدن الصدر علي ما البسهن بس بالكلعة ومن يجي باغر عبن اعرفنة يسوي شغلات واستحي يشوفني موش البس ولا محشومة جوة الدراعة...

بس اليوم ما لحكت و شافني و كال مموع...مدري شيسمونها هاي...ممنوع

لبست جواريب و اخذت وحدة من عبي عمتي ورى ما لفيت شيلتها و ضميت كذلتي عبن موش يغبل باغر اطلعن كذلة ولا كصايبي من جوة الشيلة..

طلعت على كيف رحت المطبخ اخذت سجينة هاي اليذبح بيها عبد الدجاج
شديتها على رجلي و رفعت الجوراب اغطيها ومشيت فتحت البيبان ورحت..

ركض انة اندلهم مرة عمتي خذتني للسوك كالت هذا بيت ام حاتم.. قريب على بيت سيد عبد الرحمن الي احتركت بيه مرتة ذيج عبر، الجسر..
و كالت هذا الي بصفنا جان بيت لاهل عايشة هدة عبد الله وبناه ضافة لبيتة كبره بيه
و اليمنا صاروا بيت عم حاتم دمة هنا يتعمد يجي...
وياما مشاكل صارت و مكاتل على مود عايشة. .

عبرت الجسر وانة ارجفن خوف و برد سمعت حس اغاني بعيد و بزوية شباب بواحد من الافرع يمهم كعدة وبطالة خفت.

ردت ارجعن...

بس التفتت واحد يطوطح يريد يعبر الجسر..

دكات كلبي، ونفسي الي ضاك.. ضغطت على الم جسمي و عرجتي ورى رفسات باقر بزري

و ركضت وانة جسمي يون الم..

وصلت لبابهم دكيتة حيل..

ادك مامش...
شوي وفتحالي الباب زلمة شاب بعمر عمي عبد الله شوي اكبر لا موش عمي بعد ما اغبل اسميه عمي..هضمني.

عيونة حمر بيدة كلاص بيه شي مثل جاي العروسة خفيف
يع شمالها الوادم تشرب جاي بنص الليل

-فوت صيحلي عمتي شنهي واكف و تعاين لا بعويناتك هاي الحمرة

حجة وهبت ريحة موش اعرفنها شني

-منهو انت..

-كمرة...

جرني جوة

-هي ليلتي جنها اليوم كمرة.

وخرت ايده عني وركضت.

بس هو كالالي...

-منهي،انت.. وين شايفج.
صفن ورجع عايلي.

-انت تشبهين مرتي،..لجشجابج من الهور انت من اهالية خوالي.

شاردة انت مسوية مكسورة وشاردة وجيتي هنا.

شرب الكلاص البيده كلة وضحك...

-اكللك انت مثل شلهوب يشرب جاي حتى بنص الليل انة اروحن. لباغر حتى لو موش اجبنة بعد.

بس انت تخوف موش مرتاحلك

-شني تحجين ما افهم اكعدلج امي. تشوف وي منو شاردة بس اوكفي مرة شفتج وي خالتي ام باقر

باغر قصدج باقر انت مرتة هههع

صاح

وهو يدفعني للبيت
-فوتي
-اخ باغر جسرني لا تدفع

-يمااااا..
واكفة بباب ممر ما اغبلن ادخلن..لمن تطلع عمتي هذا يشرب جاي ريحتة مثل نعناع..

بس موش مغبولة لعبتلي روحي ارد ازوعن...

شوي واجت عمتي تركض
-حاتم ما تبطل شرب تخلينا ننام وتشرب

-يمة كاس واحد واعي مو سكران كمرة بالباب مال الاستقبال ما تقبل تدخل..

-يااا عود تحجي صدك تتقشمر(تشاقى)
يمة كمرة هسة نايمة وما تطلع ما يخلونها السادة

ضحك

-سادة خرطي البنية مبينة مضروبة.. هو هذا الياخذ سادة...

صوتهم تقرب من يم الباب الواكفة بنص ممر.

طلعتلي
-ياا هاي كميرة خايبة شبيج..
حضنتها ابجي.

-طكني باغر والسيد ذاك عود جبير وفاهم يصلي يصوم بلوني شرمت ذان سكينة...
عمة موش ابغن بعد يمهم وديني للهور هسة اروح لهلي..

-تعاي دخلي.. حاتم صحي مرتك مو على اساس تاخذها اهلها الصبح لو هسة تطلعون توصلون وي طر الفجر
-كتلج مو سكران هو كاس واحد.. روحي طكت عليه جاي اترك الشرب.

عاينت عليه شنهي يسكرن عود.. جان هذا ضعيف وجهة و شاربة جنة الشفناهم ببقداد

حلوين بقداد بس باغر احلا اهوو موش اكولن على باغر حلو عبن جسرني تجسر..
-هسة اخذها بيت سيد عبد الله يكعدون قبل الصلاة بس يفتقدونها يجون ويذبحوها

ضربت صدري يع شمسوية وانذبح.

رد هذا الي شيسمونة حاتم..

-خلي مريتي نايمة اوصلها لهلها قابل اكلها بالطريق

خزرتة امه
-هاي مو عائشة و تدور شلون تصيدها هاي بت اخوي يا غبي. ما تروح بحدها وياك اكعد مرتك..

تعاي يمة وياي

رحت وراها وانة اقلد باغر وعبد من يخزرون مديت عيوني عليه هيج حيل فجيتهن..
و كتلة
-شنهي عبالك موش افهمن عيب اروحن وياك وحدنا.. حتى طلعتي بالليل اعرفن عيب بس عمتي اجيتها خاف باغر يكعد يطكني وكال اذبحنج.
كل ما يفوت يكللي اموتنج اذبحنج هي شني مامش حمولة عدي اروحن للهور المن حاد سجينة علي و يهاددني...

صفن بية وهم كلي
-شكد تحجين دخت منج..

يمة كعدي مرتي خل اوصلهن لا هاي تصدعني شوفي اكلج حلكج تسديه...

عافني وراح مكان مثل غرفة زغيرة بيها كرسي بابها بقاه مفتوح و يمه تلفون بس موش مثل الي عدنا هذا حمر الي عدنا اغصد عد السادة بعد انة موش منهم...

لونة ذاك ابيض...
و بيه فريرة..

هذا فريرتة سودة فريرة بيت السادة مامش بيها لون هيج تشفف تشفف يسمونها(لون شفاف )

بقت عمتي تكلي لو قابلة بحاتم ولو هم منطوج...

ردتج والله هذا حاتم ابنة مات و اي ولد يموت...

بس عندة بنات ثنين و مرتة مكامت تحبل..

هم غلدت سيد عبد الله و باغر و فجيت عيني بوجهها

-شنهي ترديني لهذا ابو عيون حمرة و جاي نص اليالي وتعاي يكمرة كل ساع خدريلة جاي..

عمة خل اكللج ترى انة احبن باغر اموتن عليه بس هضمني موش مغبولة ابغى ويكول ورطتوني بيها يكلي معيدية عربية تهمج انتي تهمج(همجية )

طلع حاتم مبدل واجتنا بت عمب اعرفنها شايفتها من تجي لهلها وياما اروحلهم العب وي بنياتها..
عدها بنية شوي ازقر مني..

صاحبتي شبكتها وكتلها

-ها ولج ما تجينا بيت السادة وتلعبين وياي
-بابا ما يقبل اطبلهم..

هزيت ايدي
-خايبة شنهي نعض...

صاح حاتم وهو يهز ايده

-بالعة بوتغراف سدي حلكج مكسريج تكسر والج خلك تحجين.

بت عمي تباوعلي بعين ضيجة هاي شمالها عود
سلمت عليها بس تكلي هلة خية هلة.

شني جاتلتلها احد..
بتها صويحبتي وهي تخوزر وعين علي وعين ع الزلمة ابو عيون حمر وجايات نص الليل...

الطريج كلة لفلفت روحي وكاعدة ورى يم بناتهم نعست نمت الفجر بس وصلنا وصعدنا مشحوف روحتي كبل وي بت عمي لهلها...

عبن ابوها عمي رفض ياخذني لابنه يكول شردناه بالاردن و ما يريد يزوج..

و ظليت واحد ذابني على الثاني لمن الشيخ مكان ابوي غرر يهديني لسيد عبد الله..

مرينا بصريفة هلي خالية الهوا يلعب ببيبانها

دمعت عيني هنانة جان مكان كعدة صالح ع الراك وضحكة وسوالفه امداج يدنية اخذتي عزاز كلبي وخليتيني بيد الطامات...
ظليت ابجي وانوحن وانة الطم على خدي،مكابلة مجان صالح و كعدت وهذا حاتم تململ مني كلش، مرتة اريد تكومني بس يريد يذبني ع عمي ويخلص.بس انة ظليت الطم.
ابوي رجب صالح.
ثلث ازلام شالوا من هذا البيت.

ادك على روحي وانة كاعدة فزعت زلم ونساوين سلفنا
هاي مو بت شيخ ابو صالح الله يرحمة
والي يكول مو هاي هدية السيد شرجعها
ظل الحجي ومنه يكول شوف شمسوية وطردوها ومن الي يكول شنوا السادة هاضميها

ظليت انوح متنكبة بعباتي مكابلة مجان صالح و اتوح اخوتي.

يمة يالدلل اختة... الله وياك يالدلل اخته

وشلون عفتة اخيك من مشة شلون عفتة
يكلها يمة و تفاركينا امس جنا سوى وتفاركنا
و البيه ربينا والبيه ربينا رجعنا البيتنا البيه ربينا

خوية رديت بيتنا مامش حدن بيه. خوية الهوا يلعب ببيبانهم و كلبي توجر بنارهم..
يمتة يعود الزمن و تريد ذيج الايام والمسية..

اجة عمي رحيم رفعني

-شبيج بوية..شجرالج

واجة عمي ابو مرت حاتم...
هنا حاتم حاجاه ومبين عمي موش على حال وي حاتم بس ذبنا راح..

اخذتني بت عمي لهلها

وياها...

بس دخلنا سلمنا..

شافني النساوين مطكوكة بجيت.
كون اني عايشة تحضني مثل ما ام بت عمي حضنتها...

دز علي عمي سولفتلة كلشي جا شني خو ما اجذبن موش،كمرة تجذب عيب..

حتى من باغر حجة علينا على المعدان..

بس شو عمي نزع عكالة وكام طكني و لد عمي وخروه

-خزتنا وي السادة شاردة منهم موش يعرفون
سيد باقر و سيد عبد الله شلون نراويهم وجهنا سودت وجهنا لو جاية وحدها الا اكرن راسها وروح اخوي ابو صالح..
بس الي خلصها من كتلتها جاية وي بتي ورجلها موش وحدها هسة شلون نركعها هسة السادة تجي تطالب و يعتبرونها شردت..

امش كومي تلفلفي بعباتج يحرمة اردج لعيالج

-موش اروحن باغر يجسرني اردود

-و جسرتهم جا تغلطين على السادة بختهم يعثر ويسكتولج
و مندكة بسيد عبد الله انة شكبري جبير ربعي اشوفنه اتراجف من هيبتة وشارتة

امش ذليتينا بس ادخلنج عليهم تطيحين تحبين ايد سيد عبد الله ورجلج..
امش اكللهم جاهل موش عاگلة بلة شلون اركع شردتج..

ما لحكت ارتاحن.. رد بية عمي وجاب وياي مرت عمي تهدي عمتي علي و تستسمح منها شينة فعلتي

.............

عبد الله..

شفت باقر.. هد على سلاح
و منا ام حاتم صاحت

-باقر اوكف اكللك وداها حاتم وي مرتة مو بحدهم...

جريت نفس حمدت الله الي دوم واكفلنا وصاين عرضنا من حاتم وامثاله.. وي مرتة وجهالة..

يعني ميكدر حاتم يسوي شي...

للبنية والله يا كمرة مو خوش طلعة طلعتج بس هم باقر كلولي مأذيها..

اكبر غلط طلعتج هاي.. وهذا هسة كام يكمز.

احس اخوي عاشك مريت بحالته هاي.

بس اول مرة باقر يعصب من صدك من تجاوزت علي والله مردت يضربها
بس عصبت و طلعت لمن اهدأ طلبت يأدبها مو يجرم بالطفلة..

احساس ذنب بداخلي انة جنت سبب للسواه باقر..

رحت لزمتة واخذت سلاح منه

-هذا السلاح متروك اجة هدية لابوية وبقى...

لا تخلي الشيطان يوزك...

مرتك مو وحدهم وي حاتم.. وياه بناتة و مرتة الي هي بت عم لكمرة..

اهدأ...

و اذكر الله كوم غسل وجهك اسبح حتى نروح نجيب البت..

باوعلي بعيون حنرة تلمع بالدمع
-اطلكها كسرت حجايتي ومشت كلمتها علي..

-شوف لو ادري بيها هيج عقل ما عدها ما ازوجكم اخليكم ع العقد ولو الناس تحوس شكلك عاقد عليها بيتة الله يعلم ماخذها لا.. دون عرس..

ما ردت الناس تخلينا علج و تلوج بينا رغم عاقدين وحلالك بس الناس ما ترحم..

ابني ساعة شيطان وعصبنا وهي ما تفهم غلطت علي قابل انة امهد افهمها واثقفها دينيا يومية حنطيها دروس سمعية هي متعرف تقرا تكتب.

بس لا تكول تطلكها لا تعيشني بذنب خطيتها

كمت جبت لباقر ماي يشرب شفتة يرجف و يحاول يتماسك ما يبين انو رغم اشهر،العسكرية ورغم تزوج لسة داخله هش.. ممكن ينكسر

حضنته
-الدموع تريح و تبرد الاعصاب ليش تكتمهن يبني...

رفعت راسة الي و كتلة
-تنحل..

-ما نادم على ضربها استحقت.. اصلا ع شغلة سكنة مضربتها كتلها ابقي بالغرفة لا اضربج جنت معصب..

بس الي خلاني اضربها تجاوزها عليك و علي وانة حتى جم مرة تجاوز علي اسكت او اخذها بالضحك اكول هاي عقلها ما متوازن..

بس غلطت عليك انة شكبري شطولي اذا تخزرني اخاف منك شنو هاي الصلافة العدها

ـ مو هيج ابني كلتلي خالتي موتها موت ملابسها كد الطك متشككة عليها.

شوف انة سكنة من ضربتها مفوتلها هواي محذرها ناذرها
و مستخدم كل الطرق يا الله مديت ايدي وعائشة كذلك..

الله يسلمك انت لازم اول تفهم تعلم ما طاعت تنذر،كررت الخطأ تحذر مو فورا توليتها وهي بنت مختلفة عن طباعنا شردتها بدل ما تطبعها على مرامنا.

ظليت اهدي بيه وانة احس الغلط غلطي...

انضربت البت من سوء تصرفي.. شعور الذنب طغى علي رغم هي تجاوزت استحقت التأديب بس مو التعنيف العنيف...

انة داخلي احس اكو شي خطأ من امس افكر

كمرة من النوع مضم شي حتى لو هي تسويه تحجي..

ما تكذب صريحة لدرجة المبالغ..

باوعلي باقر..

-يابة... تريدني على طلعتها كسرانها لكلمتي افوتها الها.. لا هاي هي خل ازين شاربي بعد

ابتسمت وانة اباوع اله ولك انت يمتة كبرت هيج..

امس بفاتحة ابوي اشيلك منا اخليك منا.

-باقر... هي التأديب بنضرك بالضرب يا حبيبي احنا بشر ما معصوم من خطأ نصلي نصوم نتقرب الى الله تعالي بس بلحظة غضب...
نرجع لمكانة وهو احنا بشر...

بشر يا ابني شكد ما نحاول ما نذنب لازم نخطأ..
و الا صرنا متكاملين والله تعالي عن كل البشر و كل ما دونه.. هو الكامل...

لذا مستحيل نكون متكاملين شكد ما كنا متدينين ونخاف الله تجي لحظة ضعف يدخل الشيطان..

الغضب من لحضات ضعف البشر الي من خلاله الشيطان يدخله...
و يزله بالغلط.. شوف ابني لذا لازم وقت الغضب نغير مكانة نستغفر الله نكثر الاستغفر حتى نطرد الشيطان..

و ما نوكع بالخطأ.
بس نبقى بشر ما معصوم قابل للخطأ..

اذا ارتاحيت خل نروح نجيب كمرة ونتعذر من اهلها...
بتهم جتهم شاردة مطكوكة... و هسة ببالهم مطرودة
خلا باقر ايده على شعره الخفيف.

-تصور،كمرة جرت ترجية سكنة

-سد الموضوع مريد يسمعن ذكن من ترجع كمرة و احطهن ثلاثتهن...

رغم انة متأكد مو كمرة من طلعت وهديت اعصابي كمرة طبعها ما تكذب متحتال متعرف تضم سالفة حتى لو هي الي مسويتها

غمزت لباقر اشاقيه ردت ارفع معنويتة خطية

بعيونة حب وغيرة وهم...

الولد عشك مرتة ما توقعت بهاي السرعة يحبها

اشوفة يباوع للساعة الي دكت بالستة الصبح..

اجت خالتي

-يمة اروح وياكم الله لا ينطيج كمرة حتى جاي ما اشتهي،... و راسي موتني

رحت حضنت خالتي تحس فشلانة مني بست راسها

-راح اجيبها بس ذمة ما تضربيها...كافي سواية باقر بيها..

شفت عيون عايشة من الباب انتبهتلي انتبهتلها وخرت

مثل ما توقعت اااخ ولج ليش حرام انت وضرتج ليش بليتن البت سهلة اربيجن...
مسويات تحالف...

شوي و سكنة اجت مرتبكة..

-باقر عليمن تكتلها على مود ذاني لخاطرك انة باريتها ذمة سدوا السالفة

تعاي خية عايشة شتكولين

طلت عايشة مرتبكة...
-هاا اي اي،... نفتح صفحة جديدة ماكو عرايك شكلتي سكنة

-اي اي،...

اباوعلهن وانة مبتسم و ايدي على حنجي،العب بلحيتي افكر.. المجرم دوم يفتر على مكان جريمتة حيالات تردن تسدن الموضوع حتى ما اكشف حيلتجن...

هاي عايشة الجرت الترجية او يجوز سكنة نفسها الي مستعدة تأذي روحها بس،حتى تمتلكني بس الها...

بس لازم اعرف سبب المشكلة و كلشي بس مو هسة اول خل نجيب كمرة...
واواجهن...

-كوم اسبح و بدل ورانا اكثر من ساعتين للعمارة ومناك للهور هم تدك السيارة

خالتي حتمت الا نتريك...

-اي اي جيبيلنا انة وباقر نتريك هنا...

ردت سكنة وعايشة سوى
-جا انت مو ما تكدر تاكل دونا

-نتعلم نتعلم يابة يلة روحن تريكن. خالة تاكلين ويانة
ردت سكنة
-عبد الله انت تظن بينا مسوين غلط وعزلتنا...

و عايشة الي بخوف كالت
-اي صدك..ليش تعزلنا ما مسويها

ابتسمت بكل هدوء وانة العب باعصابهن اوترهن كلش امهدهن للمواجهة برجعة كمرة

-روحن يابة ماكو شي ريكن اولادجن...

يلة...لا تبقن واكفات على راسي

راحن وحدة تباوع للثانية

خالتي كالت

-ما اشتهي يمة انتم تريكوا..

جابت خالتي الصينية و انة ضربت جتف باقر بشقى ارفع من نفسيتة الي تعبت وحقه..

بس ما اريده يسرع. و البنية مو واعية وفاهمة ولا هي جبيرة شردت خوف منه.

-اكل اكل يمعود شايل الهموم شبيك وكلك سبع طعش سنة..

-مالي نفس... لسة جسمي احسة يرجف

-يمعود الحياة تجارب ابني.. هاي اول مشكلة وي مرتك هيج وجهك صار نحلان و حالتك حالة انت رجل لازم تكون قوي شلون حصير ضابط وخلك طفلة طلعتك من انضباط النفس..

يمكن بثمانية ونص قررت نروح.. بالي بارد مدام عد اهلها وشفت سيارة حاتم راجع
يعني موصلها هي ومرتة وما باقي هناك..

هي،كمرة شرسة حتى لو يندك يمكن تذبحة بمكانة هو رجلها شالت خنجر و منجل عليه بليلة عرسهم مو بعد هذا التافه.

-يابة شو بارد وانة راسي نار،...

-لان مرتك سباعية ولك رجلها ما سلمت روحها اله بسهولة لا تخليني اذكرك بالخنجر والمنجل الي انطيتني ياهن من الشباك

شفتة ابتسم..

و صفن بعيد...اي ذكريات ليلة العرس تبقى ببال كل رجل..

بحلاتها او بمواقف مو حلوة....

كمت اريد ابدل اندك الباب

راح باقر يفتحة شوي وعاط.. و صوت

رحت ركض..

شفت باقر يرادد

-وفرت علي وكت الروحة وجبتوا هاي طايحة الحظ
-باقر شكلنا تفضل خالي تفضل.

لان خال اخوي اكله خالي.
.............

باقــــــــــــــــــــــــر

جريت نفس وانة اريد اكسر اوامر اخوي بس تفوت اتناوشها تكسر كلمتي من كالت ترجع الهور و كتلها روحي اكسر رجليج

يعني انة مو بعينها...

اباوع لخالي ولكمرة الواكفة ورى مرت عمي ترجف تبجي وهي تكول
-ردوني وياكم شوفوا موش كتلكم يريد يذبحني

عبد الله طمنها

-ما اخليه يطكج لا تخافين يابة....
تعالوا دخلوا دخلو تفضلوا زارتنا البركة....

بس التها خالي يرزلها لان ما قبلت تدخل خايفة لابدة ورى مرت خالي...

سكتها خالي
-سكتي صوتج ما ينسمع لو هسة كدامنا يكسر رجليج

خالي تفضلوا ليش واكفين...

كلت هذا وعيني عليها اريد بس كون انوشها نار بكلبي بس ادري عبد ما يخليني

كل همي كسرت حجايتي وعاندت وطلعت..

ما مخليتلي اعتبار..

لو تحترمني ما تطلع وتكسر حجايتي...

دخل خالي وكال
يا الله يا ستار...

اشرله عبد..
منا منا حجي المضافة..

راد خالي يروح كبل ع الهول و الحرم.

فنبهة عبد الله.

جاي تطب خالتي و مخلية كمرة وراها...

بيدها و عين خالتي او مرت خالي علي بحذر لا اجر كمرة واضربها

-ها يمة شلونك.

-هلا بيج خالة تفضلي منا النسوان
مديت ايدي ارد اجر كمرة بس عبد كض ايدي و جرني

-للمضافة كدامي يلة
باوع لمرت خالي الحاضنة كمرة تبجي تتوسل ما يعوفوها هنا...

-بس يمة مامش شي.. بيتج هذا... وانت سباعية وسنعة و بعد ما تفشلينا يم عيالج..

صاح عبد ع امي لان ظلن برة بالطارمة. .

يستحن يدخلن..
اجت امي حضنت مرت خالي
-يا هلا من جانة.. يا مرحبا توة نور البيت بيكم يمااااا ريحة هلي..
و تشم بمرت خالي وتكابلن يبجن على الماتوا محزنات والعصابة تزين كصتهن...
عيني على عبد التهى وي خالي امي ومرت خ

الي ملتهيات ينوحن على خوالي الي انكتلوا وولدهم

هم هواي بقوا العايشين ثلاثة بس..

درت بسكتة ضربتهاةراشدي بقوة شمرها ع الحايط ورجعت جريتها من خناكها صرخت
-اختنكت ديل بختك باغر...

-ترحين وي عدوي.... تكسرين كلمتي...

وتردين افوتها الج.

امي تدفع بية و مرت خالي تتوسل..

-يا باقر السموحة موش من شيمكم فرخة غلطت... و الله عمها نزل بيها بالعكال وكلها ما تكعدين ما احتر مجانها وجبنها رادينها نستسمح منكم....

صوت عبد الله الحاد

-شحجيت وياك ساعتين افهم انت هسة كسرت حجايتي

عفتها وانة اشرلها بصبعي

-ما يهمني مشكلتج وي نسوان اخواني الهمني تربيتج الزفت غلطج علي على اخوي و طلعتج من البيت شاردة..
نزلتي من عيني. كلش

عفتها ودخلت خالي حاط ايده على خده سمع حجاياتي وياها...

و بين الفشلة والخجل بعينة
.
-مولاي سيد عبد الله ما اعرفن بيا وجه احاجيكم

بنيتنة غلطت تجاوزت على رجلها وعلى حماها.
و شردت بس عذري كمرة بت اخوي ابو صالح جانت مدللة عد ابوها عبنها بت مرتة الزغيرة

و الي عاشكها...

تشبه المها الراحت فدوة من بعد ذبح رجب.

جانت فنة اليحاجي كمرة..

صح دللها بس موش ما مترباية يبن اختي

اشر على باقر و هز راسه

-والله بس وصلت شبعتها بالعكال طك.. سودت وجهنا جايبها رجل بتنا وي بتي..

و بناتها..

بس هم موش اقبلن بالغلط لفلفتها وجبتها ومكانها موش احتر
سولفتلي كلشي

يباقر يبن اختنا...
احنا عرب معدان مثل ما عيرتها

باوعلي عبد مستغرب

-بس بينا شيم و نخوة وحمية يبن اختي والي يتبرى من اصله موش ابن اصول حشاكوسيد وتعرف الله ورسولة ومن نسله بس تنكرت لاصل امك

موش،عبالك المدينة العاشت بيها امك تخليها تنكر هي ربات الهور ومشاحيف

عبد يخزرني
ويعتذر
-خالي احسبها علينا ولد طايش و حجاها وطك المحروسة ساعة غيض

-موش ادخل اذا طكها الرجال المرة كلشي بينهم يصير،تجاوزت وهو شاف يأدبها واهتار الضرب

بس شنو الخلا بنيتنا هيج تغلط

انة احلفن عنها بالقرعان بنيتنا موش تعرف حيل نساوين ولا تعرف للجذب

عبنها الي بكلبها على لسانها و موش هي الي مأذية حرمتك.

-خالي اعرف

و حكها علينا

وسعت عيوني هذا ناقص تكول على اخوي خنيثة طلي ويريد يتعذرلها

ظليت احوس مكاني متحكرص اخوي بس يريد يسد السالفة

حجي وعتاب خالي واعتذاره شوي كال نكوم.

-ابد تتغدون وتبقون العصر طلعوا..

بس اصر ميبقى..

و عبد عاند

-ما ترحون..

-موش نكدر نطول ابني الويلاد و حدهم ونخاف غدر عدونا

-ما تفضوها هل ثارات.. و الله شتحصلون منها بس ارواحكم تنحصد غدر....

-موش ناوي يعوفنا بحالنا شنسوي بوية قدر مكتوب علينا.

.......

كمرة

دخلت وخايفة عمتي تعض شفتها عود اصطبري،

و مرت عمي تمسح بدموعها...
وهي.تسولف عن الحروب الخذت ولدهم..

-شردت منيظر للاردن.

هناك يشتغل... وي ابن الافندي... سايق اله
-زين تسوين راحت اهاليتنا الله لا ينطيك يمنيهل الجلب..

اجت سكنة سلمت ودخلت غرفتها حتى ما باوست المرة
و اجت عايشة سلمت و اجت تباوسني وهي بعينها نظرة فشلة خزرتها كلش،هيج فجيت عيوني حيل شلون باغر وعبد الله

حضنتني جان الكطها عضة مال واحد كلبة موجر،

صرخت...

و عمتي كرصتني رجعتني

-هيدي لمن يموتج باقر،ترتاحين

مرت عمي هم حجت علي يا عيب موش يصلح

مو جاهل انت..

عايشة شردت المطفوكة

رجعن يسولفن على الماتوا ويذكرن ويبجن

هنا كالت مرت عمي تبجي

-خايبة خولة.موش تدرين جا غير مرية صالح الله يرحمة...بس خلصت عدتها عرسولها اهلها

ضربت عمتي ام باقر صدرها
-ياااع يووومة.(تركيز ضمة و تطويل الكلمة كتبتها واو للسهولة)

شنهي تهرفلت على الرجل سنة ما دارت على صويلح الي جنة جمار
ظلت تبجي وتنعي عمتي تنكبت بشيلتها وتنوح تنعي
و مرت عمي كابلتها
وانة دموعي تصب حنيت لخويي صالح...

لو موجود موش يغبل باغر يطكني ويهضمني بأصلي..
نعت مرت عمي ع ابنها الي هم راح بالثار

كبريتة ربيت الولد وكبريتة..
دليليتة ذاك الدلال دليليتة
يا وسفة خالي بيته
سولف وياي اكعد يا يمة وسولف وياي

من نومتك هاي،من نومتك هاي كلي شعاجبك من نومتك هاي..

ظلت تنعي عمتي ام باقر وامتونهاةتهتز وهي تبجي
كلش اعزاز كلش اعزاز يلي مشيتوا كلش اعزاز
يبوية مدري شراد انة عتبي ع الزمان مدري شراد
تكلة لب الفاد لب الفاد اخذ مني اخوتي لب الفاد..

يالحدر التراب يمتة تردون لية يالحدر التراب
و نكول جذاب يبطي الهجر ونكول جذاب.

سكتن وظلن يسولفن يتعاتبن...
لمن اجة باغر وكال...
-خالة خالي يكول تمشون
-اي يمة ما نكدر نتيه بيوتنا نخاف الغدر يمة

عينة علي دنكت دار وجهة عني ما يغلدلي و بين زعل وهم بعيونة

طلعت مرت عمي وودعوهم انة خليتهم ملتهين كمت اريد اشرد بس سيد عبد الله صاح
-حدج...
وين شاردة شلون تطلعين بنص الليل ما خفتي احد يبوكج..

لو يأذيج

دنكت موش اكدرن اباوعنلة

دخل باقر وهو يروح ويجي موش يكدر يكسر كلمة اخوه الي كلة دربالك تمد ايدك

-كمرة تعاي للمضافة اريدج
باقر تعال انت هم...

خالة

حرسي ما اريد وحدة تصنت...
.......

سكنة...
بعد الي صار حاجيت عايشة مو مصلحتها تحجي تنضرب وتنطرد..
مو بس انة الي انطرد ويجوز نطلك..
كتلها خل نتفق هل مرة كلمة وحدة وهاي هم نخلص من الملسونة الي توزع الشغل ع كيفها

سكتت عايشة وبس تبجي عافتني وطلعت

وانة خايفة لا ننكشف..ونروح بيها...

هسة شفتة خذاها المضافة وي رجلها عشتو يردون يعرفون هاي ام الخوارة الشوارع بنصاص الليالي شسوت

رحت اريد اتصنت بس خالتي وكفت و اشرتلي لغرفتي

-ممنوع...

طلعت عايشة
-شفتيها عضتني.. متوحشة..

باوعتلها و خالتي كالت

-الله يستر من كيدجن ثلاثتجن خليتن الزلم من امس لليوم تصايح تطافر علينا

-بلة خل نسمع شيحاجونها.

-شلج غرض انت..
دنكت
-انة مستحية اريد احجي شغلة بس اخاف
-شنو من مصيبة بعد احجي احجي

-خل اسمع اول..
دفعتها خالتي
-امشي غرفتج.. ممنوع...

..........

باقر..
اشرتلها تكعد على الكروتة..

-كعدي يابة..
هسة تحجين من اول ما طلعتي منا لرجعتج.

عيني على باقر الي انتجة ورفع راسه و ايده سندها على عيونه..

و بس يسمع حسب اوامري

بدت تسولف وانة اسألها...
وهي كعادتها كتتهن كت..
حتى السكارى الشافتهم وشلون شردت وشلون حاتم يشرب جاي...
نص الليل جاي ابو ريحة نعناع
ابتسمت و داخلي ضايج

بس ما اريد باقر يعرف بضوجتي...

لا يهد يضربها.. انة كوة كاضه

بس من كالت ع حاتم شلون حاجاها وحاول يكضها بطارمتهم وكف باقر وصاح
ولج اكسرج... هذا النكس يريد يتحارش بمرتي

اشرتلة اسكت واكعد

ردت تبجي بخوف من شافته يهادد
-بس انة موش ما اعرفن عندي سجينة شنو يصير الا احطنها ببطن الي يتكرب مني

نزلت ايدها وجرت سجين من جورابها

شفت بنصلها دم
-هذا دم منو.
دنكت ورجلها نزفت من سحبت السجين جرحت روحها

صحت

-باقر معقم شاش لاصق وعالج مرتك شوي وجاي

بس ها ما اوصيك.. مرتك ما عدها ذنب و كلبها ابيض ما تكذب احمد ربك العندي حيالات كذابات دواهي..

شوي ورجع باقر بيدة المعقم وبس ينفخ ما يريد ينطيها وجه
بس جذاب عيونة التدور الجرح بلهفة قلقان كشفتة الي
خليت وطلعت..

باقــــــــــــــر

رفعت دشداشتها عبايتها مشمورة ع الكروتة
نزلت الجوراب جرح سطحي

بديت اعقمة بس ابد ما حاجيتها...
-باغر انة بعد موش احبنك.. عبن طكيتني
ظليت ساكت عقمت الجرح و لفيتة وصحت عبد الله

الي كمل وياها وتطمنا عليها...
هنا صاح نسوانة اجن يتراجفن

-صحتلنا

-اي يابة..
ثلاثتجن تحلفن
بالقران كمرة تحلف هي ما شرمت اذن سكنة وانتن تحلفن كمرة الي شرمت الاذن او تختارن تحجن الصدك

شفت اخوي هاديء و ما اعرف شنو بباله

كمزت كمرة تضرب صدرها
-وانة ادكن القرعان على شي ممسويتة فشلة زحمة من رب العالمين شنهي القرعان لعبة

سكتها باقر
-تدكيه وانت الممنونة.

وسكنة كالت..

-مبينة مدكة تخاف لان هي الي شرمت اذني

بس هنا عايشة حجت
-لا سكنة..
انة وقتها بصدمة الصار تبردت وخفت تالي ردت احجي بس صارت هوسة عبد طلع باقر ضرب كمرة

من رجع عبد بالليل ردت احجي بس خفت مو بيدي بس مستعدة ادك القران سكنة تهجمت علي لغرفتي ومن تكامشنا كمرة تفاككنا انة جلبت ببلوزتي ترجيتها بجرة ايدي انشرمت اذنها ابد ما تقصدت

رد عبد
-سكينة ليش هديتي ع عايشة السبب شنو

-هااا ما اكدر اكول

باوعت لباقر واستحت وعايشة هم صارن حمر

-الا تحجين مرتة الي انضربت

كمت جبت صوندة بس للتخويف

-تحجن لو شلون مو حذرت طلايب ماكو..

شنو المشكلة العضيمة الي خلت سكنة تهد عليج

ظلت عايشة تمت خايفة

-نكلك بس يطلع باقر

-وليش بلة

كلت
-مرتي تهمتنها الشيطان حضرنا تجاوزت وطكيتها

حرام عليجن انة شلي علاقة بمشاكلجن مال ضراير
خليتني من وراجن اجرم بمرتي

اريد اعرف المشكلة العضمى الي خلت البيت امس بس صايح

-دنكن و عبد يهدد يستخدم الضرب

لو يزينهن صفر.. ادري بس يخوفهن

بس كلت يجوز يسويها تذكرت مرة سواها بية وبمرتة

هنا حجت عايشة

-تعاركنا على الوحمة الي بصدرك

رد اخوي شنووووو

وانة فلتت صار بيها وحمة وحدة تكول للثانية ما تبوسيها خل افلت استحيت

اشرت لكمرة بعيني تطلع

بس فكت حلكها على السالفة
رحت جريتها

خلف الشناشيل بارت تسعو وعشرين بيه نقص بالنهاية
وهذا التكملة

رد اخوي شنووووو

وانة فلتت صار بيها وحمة وحدة تكول للثانية ما تبوسيها خل افلت استحيت

اشرت لكمرة بعيني تطلع

بس فكت حلكها على السالفة
رحت جريتها
و امي كاعدة تسمع حضنت كمرت تبوسها وهي تبجي

بس انة كتلها
-اعتذر بس لان ما صدكتج.مو انت الشارمة اذن سكنة
بس لسة موقفي منج علة تجاوزج على وعلى اخوي وشردتج من بيتي نصاص الليالي
تنامين غرفتج وانة من الليلة هاجرج

ردت
-منهو كللالك اخليك تترومس بعد قبل علاغة زواج

موش احبنك حتى انة موش اريدنك

بالليل شفت عبد فارش بالمضافة دخلت انة ومندري وبطانية ومخدة فرشتة

باوعلي
-روح يابة لمرتك طولة اللسان يتكصر بالتعلوم والتأديب مدام الكلب ابيض نضيف بس يا ابني اذا الكلب معفن حيل مؤامرات هنا شينضفة
حالك مو مثل حالي احمد ربك

-اذا ما تحس بغلطتها تعيدها اقل عركة بيني بينها هم تشرد
و هم تجاوز..

قررت اهجرها فترة وهذا تأديبي الها
ابتسم عبد

-جا انت شنو صفيت وياي

-انت هم هجرتهن هههه يلة نكضي الليل انة وياك نتحاضن نواسي بعضنا

فشلني
-انجب ونام طاح حظ منطق كلامك

اتكلب الليل كلة وعبد الله هم حالة من حالي و ثعولنا بدخان الجكاير
-باقر راح اعزل سكنة فوك واخلص

-ليش،تفرق الضراير اخذ امي،ومرتي وفوك نصعد

وانت ابقى جوة

باوعلي ورد علي
-نقسم البيت عادي وتاخذ امك مو عادي ما تنقسم حتى اقسمها

تعجبت معقولة هيج متعلق بامي

بس ولا يبينلها..ولت يبين لاحد

-اهااااا و الله عمي،امي طلعت عزيزة عدك

-عشرة يابة وسدت مكان امي،بهواي جوانب لو ما هي ما ادبر امور بحياتي و تريدها بس الك
اعزل سكنة وهاي هي وعايشة و كمرة وامك جوة
-بكيفك

يتبع....
...............
باقر مو عصبي بطبعة وما ضربها الا لمن تجاوزت عليه وع عبد الله تجاوز كبير ولا رادت تدفع عبد الله

و شغلة طلعتها نص الليل هم ضوجتة وطلعته من هدوئه لوما عبد هم جا كسر رجليها
صراحة رغم مظلومة بشخلة الذان بس مستحقة

اسفة ع التاخير مجان اكونت ❤️

خلف الشناشيل حكاية تكملة 30

عدد كلمات التكملة 4261 كلمة
المجموع بالبارت الاول ولو زادن عليه من الملاحظات بس محسبت الزيادة الاخيرة

وقت ممتع....

................

عبد الله....

بين فترة وفترة امر على ابو تحسين.

حجي باقر ربكني و رحت اسأله

-ابن بتك ليش ما طلع اول الاعتقالات خوما مشارك او اله انتماءات ضد الحكومة وكشفوه...

-و الله ابني هو شاب طايش و جاب جماعتة لبيتي هنا.

بس ما اعرف بس هو جان شيوعي وحاربوه هسة ناس يكول متأكد منهم بعث الاشتراكي مو من حزب الاتحاد العربي.. الاشتراكي

شفتهم كادولي.. ردت اقابل واحد جبير بالحكومة بس تفاجأت بمفكرة اعتقالي ولازم اطلع من العراق...

-ابنك حاليا بعثي..

-اي بس نكروه يكول الي بالحكومة اكثرهم نشاطهم البعثي سري..

-شوف ابو تحسين هي السياسة ما تراد.. تريد الصدك لو الكذب.

لو ما جماعة حفيدك خايفين منه من شغلة ما لبسوه تهمة حتى يبعدوه. المهم خل يحضر روحة بشهر السادس او السابع....

راح ما اجيك.. لا افتح العيون علينا.

اتصل بيكم... شوف من اكلك دزلي الامانة

خل يجي منير..

لبيتي بس كون بلبس دشداشة ويشماغ سيد
.

تفضل هذا يشماغ اخضر يجيني بيه وقت الصلاة الفجر

من بيتك ما اريد يطلع.. وديلة طارش للمكان الي هو بيه يجي مناك اشك بيتك مراقب لا والله اكيد

كض ايدي بجة

-منير صاحب نخوة ما ينسالك هذا الموقف..

يجي يوم يردلك الفضل..

-يعمي اموت من السياسة وين ورط روحة ما تكلي..

-ابني شاب زغير و مندفع... تدري راد الخير للبلد..

-يا الله اترخص... اريد امر على الگهوة متواعد وي ربعي

دنكت بست ايد ابو تحسين جر ايده بجة

-مولاي تبوس ايدي... لا ابني فشلة من نسبك..
(الناس قبل تحترم السادة كلش و الهم مكانة عد عوام الناس بالمجتمع و خوف منهم... )
ابتسمت..

-انة بشر يعمي و تعلمت احترام الكبير،..
بيك ريحة ابوي يكفيني عشرتك وصحبتك اله.

كمت طلعت اتلفت حسيت حركة بركن البيت هيج تهيألي خيال شخص فورا ابتعد بس طلعت..

عكدت حاجبي ورحت صوب المكان بس مشفت احد الا سيارة صارت بعيدة..

ـ استغفر الله كمت يتهيألي شيجيب الصيف واخلص..

تمشيت وانة بين الأزقة الى الجامع الكبير،درت وراه

مصطبات الشباب كاعدة و تسولف الي يشرب جاي الي لازم العود و يغني و مسوين حلقة بكراسيهم دائرية يتناقشون...
بالفن..

فتت و رفعت ايدي الهم
-السلام عليكم.

-يا هلا.. مولانا وعليكم السلام شباب نأجل حلقتنا الادبية و الفنية السيد يستحرم الغناء واحتراما اله

ابتسمت للشاب الي اجة ينبه الفنانين

-عوفهم بحريتهم انة اكعد جوة... يم ربعي مو يمنا هم...
اخذوا راحتكم اخواني انة ما باقي هنا شوي وارجع بيتي..

دخلت لكيت صديقي جرجيس و ناصر و چاسب...

كاموا سلموا علي

-ها سيدنا شو صايرين بس بالدوام نشوفك...

-و الله يا جاسب ملتهي... ما الحك اجي للگهوة..

اجة صاحب الكهوة سلم علي

-يا هلا عمي. دزلي صبيانك يلحكوني بالجاي راسي راح يطك..

تغديت وطلعت بشغلة ما شربت جاي..

شوي واجاني الجاي المهيل كلت اي هذا اليعدلي الراس....

ورى كثير من احاديث ترخصت ارجع للبيت...

اليوم عجبني اتمشى.

و تعبت كلش هواي مشيت..

رجعت البيت..
تلكوني ولدي طلعتلهم حلويات بجيبي كمرة كاعدة تعجن للعشا.

ذبيت بحضنها علاكة حلويات و رحت اطلعلي ملابس...

سمعتها كالت
-الله يساعدك عمي السيد ابو عباس.. عمتي كالت اذا احد ينطيني شي اكلله شيكرن(شكرا )
فشيكرن.

درت وابتسمت وشفت باقر يباوعلها ودار وجهة اشرتلة شكو.

-طلعت انة بوجه القبيح. يعني انتم تصافيتم وانة متحجي وياي.

دنكت و ما حجت وي باقر الي احسة تورط بشغلة يهجر مرتة ويريد يتراجع

ضحكت و دخلت اخذ ملابسي اسمعة يدردم
-اضحك يابة ع حظي جبتلها بطوط.. تلتهي بيهن
حتى شيكرن على كولتها ما كلتلي.

لكيت سكنة تحزم تسفط ملابس

-بالصيف ارتبلج الفوك و بهيج مثل متردين عزال اول مزوجتي دكيتي على العزال وبلة ناخذها ونشوف فعلها خل نشوفج بلة.

بوزت
-دومك نابذني تحسسني بية جدري خاف اعديكم..وتعزلني،..
-استغفر الله يا رب ولج انت شنو قضيتج

شنو الترديه بالضبط..

تقدمت الي وبدلال كلتلي
-كلك الي اريدك كلك امتلكك بس الي..لان اعشكك

-هذا مو عشك بصراحة.. هذا حب تملك و خبال.
كبري عقلج يابة. لو ابقى انام بالمضافة؟

حضنتني،..
-و اهون عليك ترى من تخلص العقوبة تبدي يمي ليلتي اذكرك.
بليلة العركة جنت يم عايشة

-مو انتن حافظات الجدول ما يحتاج ازغلط و هم تتعاركن.
سكنة تصعدين فوك

-اشك بروحي حامل واخاف مو زين صاعدة نازلة خل من اجيب عود نعزل
-وراج مصيبة جديدة احجي؟

-اخاف على الي ببطني سبق طرحت..

-عجيب امرج هو انت متأكدة حامل؟

-لا.. بس احساس

-احساسج غلط من تحبلين تكضيها على تخبطين الاكل خبط حاشا نعمة الله

بعلاوي خليتيني ما اكل وياج تخبطيلي بكاسة مرك وروبة و تاكلين

انطيني كلبية ما بية البس بجامه مشكت زروري من المشي يمكن سمنان
لازم يومية امشي انزل وز

ن
الابدان امانة لازم نهتم بيها..

-وينك سمين شو ما مبين انت محافظ على روحك وصحتك...
-حضريلي الحمام وكافي ما ناسي سوايتج...

انت وعايشة بمرت باقر شديتن وياها...

باستني بحنجي و خلت شفايفها على شفايفي وهي تنزعني قميصي

-الغيرة كلشي تسوي يا ابن عمتي هيلة.

وسعت عينها و لمست البلاستر الي لازكة على الوحمة

-شبيك حبيبي مجروح سلامتك

خلت راسها على صدري وهي تبوس البلاستر
-لا حبي مو مجروح غطيت الوحمة لمن تتعودن ما توصللها تزعجني

ضحكت
-ياا صدك شو خل اشيل البلاستر

والا ابوسك من كل كلبي غير احبك اعشكك انت ووحمتك بس الي

وخرتها ودفعتها
-شبيك عبد الله الي حق بيها مو لعايشة هاي وتجي تتفاخر علي وحمة عبد الله بس الي
مغطيها حتى لا اشوف طكعة بوستها مووو

شلت البلاستر راويتها و رجعت البلاستر

-يا سالفة الوحمة الي ما تخلص شوفي انت او هي الوحمة بصدري ملكي الي.. مو لاي شخص
استغفر الله هسة المرحومة امي ما لكت غير هل مكان تتنسى وتحكة... و تطلعلي هنا وحمة و نسواني تتعارك عليها..

اشرتلها بصبعي اهزة بوجهها

-والنبي التتقرب تشيل البلاستر وتتحارش بوحمتي اكسر ايديها...
لا انت ولا عايشة توصلن لوحمتي الوحمة وحمتي و بكيفي..شنو طالباتني طلابة..

جريت الكلبية منها وطلعت.

سبحت ورجعت البلاستر ع الوحمة شو خبال وارد اتخبل عليهن. طلعت من الحمام بالكلبية

شافني عباس و تختل شرد لغرفة امه..

عكدت حاجبي رحتلة...

-تعال بابا شبيك...

دنك و هو بعمر ثلاث سنين تقريبًا..
-علاوي...

طلع من وراه سيارة لعبة زغيرة...

مكسرة

-كسرتها.. و اضمها لا علاوي يشوفها مكسرة يبجي

-وانت ليش تكسر غراض غيرك

استغفر الله يا رب. عايشة. عايشة

انت نايمة شنووو.

فزت وكالت
-ها اجيت الله يساعدك... اي شوي نعست
-ما تنامين الا ابنج نايم بحضنج مفهوم و علمي ابنج لا يضم العابة ويلعب بالعاب غيره يكسرهن ترى صار يفهم علميه

برطم عباس الي ابوه لوى ذانه على كيف
و ضربة ضربة خفيفة على مقعده

-بعد لا تعيدها و حتى تتوب تكسر غراض غيرك السيارة الي تكسرت صارت الك وسيارتك لعلاوي..

اخذت السيارة الحمرة وطلعت

لكيت علاوي خاتل... يبجي

شلتة

-ضربني عبسوسي كسر سيارتي

-اي هو عبسوسي وكيح شوف هاي صارت الك..

بوستة ونزلتة للكاع

رجعت لعايشة الحاضنة ابنها

-خوش توز بيك سكنة النوب على الجهال

-تأدبي.. مو انة الي مرة توزني الظاهر هحرجن ما ينفع وياجن..

اجتني تريد تغريني حضنتني وهي تمد ايدها للوحمة.. و رفعت روحها حتى تلوحها

كالت مصدومة

-شنوو مجروح صدرك شنو لاصق طبي هنا

-لا حبيبي بس هذا حتى اضمن ما توصلن لوحمتي وتسون عركة بسببها

-تحجي صدك عود مدت ايدها تريد تشيل البلاستر

رجعت ورى عثرت رادت توكع كضيتها وكتلها

-لا تستغلي حبي الج انت طلعتي مو فقيرة وطيبة تعلمتي الحيل
شوفي الوحمة ملكي ممنوع انت او ذيج توصللها مفهوم

خليت وطلعت..
.......

باقـــــــــــــر،...

الايام تمر،. و بدل ما كمرة تحاول تصالحني لكيت نفسي ما عدي صبر على هجرها..

اولا انة بس هاي العطلة و اروح اداوم بعد منا لشهر السادس او السابع اجي.

ششفت منها.. اذا ضربت عيرت جنت معصب وهي تجاوزت وهي لسان و برعة.

جبتلها بطوط اخذتهن وهي النوب معلمينها اي مدري منو معلمها تجاهلني متباوعلي ولا تحاجيني

ليش اشك هاي سوالف امي عود امي ستر وغطاي..
بس زعلت علي من كمرة فتنت و كلتلها شحجيت على اهل الهور..

جان فجر ورى الصلاة توة الوقت بدة يكشف رحت غرفتي هي هل ايام ملتهية بالبط..

من مشحفات الشباج اباوعلها متشوفني بس اشوفها كاضة البط تفحص بيهن لعبت روحي والنبي وين تخلي ثبعها شنهاي..

-خايبة وين يروحن بيضاتج.. شو خل اشوفج امس العصر حسيتج بيج بيضة.. هسة ماكو يعني مبيضتها...

منهو ياخذهن.

ابتسمت..
الفجر كبل الصلاة لكيت مبيضة اخذت البيضة
و خليتها وي ابطوط امي...

كمرة اعتزت ببطوطها عزلتهن عن بطوط امي و الدجاج.
كالت بطتي بياضة يختلط بيضها وي بطة عمتي وما اقبل..

مديت ايدي فوك الكنتور طلعت مصيادة الطفولة..

انة الج اخوفج و اكيد تجين تتحامين بية.

طلعت من جيبي حجارة زغيرة وفتحت الشباج شوي و رميت الحجارة عالحايط ظل البط يصيح و يشارد

وهي.تتلفت سديت الشباك

شوي صاحت

-يمااا طنطل بس موش اخافن ولك اطلع جاي تخوف بطاتي انت تاخذ البيض شوف انة اعلمنك

راحت ورجعت بيدها جيس و ترش بالهوا

-هذا ملح عبنك تخاف منه و راح ادكلك بسمار..
موش كمرة يخوفها طنطل ولك لو تعرف طنطل الهور شردتة وروح ابو صالح ما اجيتني

تمددت على الجرباية مبوز...
-وانة فرحان كلت تجي هسة تجلب بية تعال الحكني اخاف...

هزيت ايدي عمي انة الي اخاف..

شوي ودخلت الغرفة..

باوعتلي.و دارت وجهها

ما بقى على اجازتي بس ثلاث ايام..

كمتلها

-انة مو بعينج.. شو انت ما تردين ومالج رداد يا صلفة

وسعت عيونها الي دمعن
-موش غاثتك عبن عمتي كالتلي ادي واجباتج كلها اله بسكتة بس لا تنطيه وجه م

موش حجيت عبنه اخوي الجبير عيب موش يصلح ارادده شنهي قابل مامش عدي عرفة...

ابتسمت وكرصت خدها احاول استميلها افهمها اعلمها..

-زين شلون قبلتيها ترادديني وتراددين عبد وتغلطين واحنا اكبر منج.

نزلت راسها وسكتت

-شفتي حقي اعصب لو لا.. جان الشيطان حاضر وعصبيتي اجت بضربج...

بست كصتها.... و خدودها ضحكت

-شواربك ثخنانة تدغدغني...

كررت شقاي و هي تضحك..

-بعد لو شما يصير بينا ما تطلعين من البيت دون علمي او تشردين.. لو احد مسويلج شي شنو حالي اموت وراج...

-بس موش تعيرني واغبلن

-لا ما اعيرج بعد جنت متفشل من السويتيه ما حسيت على روحي.. بس اي شي يصير بينا زعلي بغرفتج لا تطلعين..

وهنا نتعاتب...
حضنتها الي والساعة دكت بثمانية
بستها من شفايفها شو هاي ما صدكت حضنتني وبادلتني ببوسه عميقة جدا

وخرت عنها وكمت
-روحي كملي شغلج كلشي اله وكتة الضهر اريدج الي..

طلعتلها لبسه
-لبسيها الضهر واريد زواكة. خفيفة ما احب الشي الطوخ ما يلوكلج

طلعت مرتاح من راضيتها واندعيت لاخوي الله يوفقه..

مثل ما هو حقاني ويزرع بداخلي هذا الشي...

هو كلي لا تروح للورشة بس ما اريد اشغلها عن شغلها وتالي الوياها يذمرن ويدورن حجج..

للمشاكل...

اجمل يومين عشتهن وي كمرة حب ودلال

كمت احاول بالليل والظهر من تجي للغرفة يومية اعلمها على شي واضربلها مثال ما اكذب عليكم قلة خبرتي وصغر سني تدفعني الجأ لاخوي الي من شفت تشجيعة الي ورى زواجي ويحاجيني دينيا وعلميا بامور الزواج كمت اسره

اموري الخاصة يعني من احس اريد نصيحة
يعني كل الامور الي اثقف بيها كمرة و القصص الي اضربلها امثلة حتى تفهم علي شريد منها كلها تعليم اخوي الي

يعني هو يكول الافضل انت الي تبادر تتعلم منك انت زوجها...

ما تخجل او ترتبك لان متعودة عليك..

باجر اسافر و اليوم قررت اكضيه وياها اخذتها الصبح للسوك و تسوكتلها هواي شغلات...

و سمحتلها تطلع وي امي لبيت العلامة تستفاد من الملة دروس تعليم دين

وهم تشوف صبايا بعمرها...

بس اليوم من الصبح ما عاجبتني احسها شاحبة وكل شوي لزمت بطنها او ظهرها..

للعصر شفتها طلعت من الحمام متوترة و تمددت نايمة

رحتلها..

-كمرة بيج شي؟

بصوت متألم و دمعة
-لاع...

خليت ايدي على وجهها

-جنج مصخنة خاف مستبردة اصيح امي

-لاع...
و شوي و لزمت بطنها تبجي ونامت على بطنها وتنحب

بخوف كتلها

-حبيبتي شبيج...
-مامش.. مقص.. بطني تاذيني

كعدت و كتلها شو كعدي اشوفج.

اخذج طبيب شتكولين يلة بدلي شنو هذا المغص كل فترة صحتي مغص...

-موش اروحن عبن عيب..

-شنو العيب...خاف ماكلة شي تافخج

-باغر موش بية حيل اتحجة موش تفخة ولا شي بس هيج نيشان يطلع..

عكدت حاجبي
-شني هاي النوب جديدة

-ذاك الشهر طلعلي نيشان مرة وهذا الشهر مرتين

ذاك الشهر نيشان موش كثير و المرة الثانية هم بس اليوم هواي متت ومقص

صفنت وضحكت تمددت يمها حضنتها امرغ بضهرها

-حبيبتي كبرت وصارت مرة.. بعد انت مو جاهل مرة مثل كل النسوان

-شنهي هاي هنوبة....

-حبيبتي النيشان بس بليلة الزواج عجيب امرج غير تكولين لامي امي ما تسألج

-شتسأل موش الي حيل اتحجة باغر..

ضحكت
-كمرة كل شهر منا ورايح تجيج شهرية..

شرحتلها طبيا شنو شهرية... بس اعتقد لازم امي تعلمها انة مو كلشي افهم بهاي الامور

بست راسها وكمت

-ابقي نامي مرتاحة...

رحت لأمي و بخجل كتلها..

-كمرة مريضة يمة روحي علميها

-يمة شخيرها
-هاا هيج هي تكلج...

راحت امي بلهفة تركض

......
كمــــــــــرة

شكد استحيت طلع موش نيشان وانة اخافن احجي لعمتي..

هي تكلي ما بلغتي اكللها ما اعرف وتسكت اي جا شمدريني النيشان الشهرية هو نفسة بلوغ.

النوب باغر يكلي يعني هسة انت يجوز سنة اغل رحمج يستقبل تحبلين.

استحيت... شنهي شلون تود يدخل بطني.

استحي اكللة.

خاف تطلع عيب.

بس اجت عمتي وكفت يمي و شوي كعدت تضحك

-هاي يمة شمالج مريضة.

-باغر يكلي بلغتي عبن تجيني النيشان مال شهرية

بوستني وكعدت تسالني كتلها كم مرة

-هاي تنتظم بس شوي يمر شهر شهرين.. ولج من شهرين مدري شكد وما كايلتلي بس حرامت ما حبلتي.. بهذا الشهر

يلة كلما تكبرين احسن.. شوي هم تكبرين.

بعد كبرتي..

كعدت هواي تفهمني و حضنتني وكالت اسويلج حلاوة دافية تقلل الالم

سافر باغر وبيوم روحتة بجيت عليه باس كصتي

-تمرون علي لبغداد يحلو..
كمرة مالج علاقة بالضراير يتعاركن تدخلين غرفتج اخوي تحترميه مدت راس من الباب مو حلوة بحقج ولا حقي انت كبرتي

و طلعة اي شي اخوي موجود مكاني تستأذنيه حتى لو امي تطلعج..
الاحترام حلو من يكول مرت باقر مخليتلي احترام وتقدرني،.
ما اوصيج

حضنتني
-اريدن اروحن وياك موش ينكونا قرفة بحيدنا بالكلية

ضحكت و بكلبي كلت عاشت ايدج اخذج للكلية

-لا حبيبتي. نتشاوف هم تجيني، دربالج على روحج

وانطيني بوسة طويلة وشبكيني حيل اتلهى بيها لمن اشوفج مرة ثانية

شبكتني وباستني حسيت بدت تتعود علي.
-عبن شهرية عم

تي تكول موش تغبلين يتقربلج حرام و موش يصلح جا من امس،ترومسنا

ضحكت
-عاد انت طيبة.. هو امس اكلج احضن ابوس كضيتيها شهرية موش يصلح.. حبيبي هاي الكلمة ما تنحجي يم اي رجال غيري عيب.. مو تكتينها يم عبد الله ترى عيب

-يع واروحن امول لاخوك اجتني نيشان الشهرية شنهي مامش،حيا مامش فهم عندي

-لا عاد انت ام الفهم بس انة اوصيج

راح باغر... واحنا شهر خامس.....سكنة حبلة وعايشة هم وبشهر السادس جان الجو حار.
الحوامل تتمضيك و انة الشغل براسي عمي عبد.كال يلم جم فلس بعد و يعدل الفوك..
فلوسة يكول نغصن ومحتاجهن بشقيلة..

التهيت شقل بيت بس اشوفن عايشة من يطلع عبد الله هواي تحجي تلفون وي اختها ومرة اخوها كون عدي مثلها اخت جبيرة شو كلهن مامش عدهن هذا تلفون ابو فريرة...

كعدت يمها وانة ابتسم اسمع لشقاها وي اختها.

شو هاي كالت لاختها موش بحيدي كمرة اجت ما اكدر اجاوب سؤالج
النوب كلتلها يمعودة يا فاهية هاي ما عدها بريك بعقلها شتسمع تحجي مفضوحة

كتلها
-يعععع تحجين علي موش مغبولة منج.

رحت وعفتها..
من اجة عبد الله سمعتها تكلة.

-عبد وديعة حامل

عايشـــــــــــــــــــــة

باوعلي و هز ايده

-وانة شعلي بوديعة.. حامل او مو حامل.

-راح تروح للطبيبة كلت ارافكها اذا تقبل

-لا ما اقبل
-عبد هاي اختي الزغيرة وانة لازم اروح وياها وضعها خطر..

-استغفر الله هواي جاي اساهل وياج. شوفي تاخذين كمرة وياج او خالتي بحدج وي وديعة ما امن يابة بعد هذا عقلي قفل عدج مانع

-خالتي تمول مابية مفاصلي.
-كمرة شحلاتها هم ونسنها وياجن..
-شمعنا كمرة ليش مو سكنة وهم تفحص ويانا
-سكنة تكول انة ع امي من اروحلهم اراجع.

-هسة شلون
-هذا اللون كمرة شحلاتها ليش مترديها وياج عدج سبب..

-لا عمي ماكو سبب.

رحت لكمرة لغرفتها

-حبيبتي كمورة تدرين نطلع نسولف نتعرض مواقف مو تحجين لاحد ما اوصيج البشر كلشي يتعرض..

-ميخالف بس هاا تشتريلي شنهي اريدن بعد موش اسويلج شي ببلاش شنهي اروحن واتعبن بلوشي

-ياااا صدك تحجين
-جا ما اروحن
-خايبة اذا ما ترحين ما يخليني اطلع

-وانة شعلي باغر كالالي بس من عبد اسمعن كلام ومن عمتي موش منج ولا من ذيج..
بس عمي كالاج الا انة وياج تشتريلي

-صار يابة صار بدلي امري لألله...

رحت للدكتورة و فحصتني كالت شوي انتبهي لروحج

انطتني فيتامينات.

دخلت وديعة ما طولت رجعت وهي مصفنة
.-ها خية شكلتلج.

-زين حملي

-جا شبيج..

-امشي عايشة ماكو شي...

افترينا واشترينا وحتمت كمرة الا نشتريلها جنطة وحذاء،

-موش اطلبن لعبة بعد عبني مثلجن صرت تجيني نيشان الشهرية

عقجت وديعة وجهها
-هاي شتحجي

-سمعي وسكتي تريد تبينلج هي جبيرة لان كل ساع تكليلها يا حلوة شسمج و من هل حجي..

-يااا.. بس ترى حظها احسن منج انت مكبعة بوشاية بهل حر و هاي وجهها طالع عادي عود شنو هاي تفرقة

-كلمن ورجلها مسؤول باقر ما يحب يبوشيها رغم جمالها فتنة وشرعا تتبوشى بس بعد كيفهم.

ظلت توز وديعة وانة اضلها شفايف منا كمرة الي تباوع بفضول
لمن طكتها
-اكللج اكللج ام غايب جا انت مامش شغل عمل عدج بس تدفعين ام عباس على ريلها بس يلة شعلي ما احجي باغر ما يغبل ادخلن...
خزرت وديعة
-سكتي الله يخليج ناوية انكتل اليوم

-شبيج خوافة. يمعودة شحجينا.

رجعنا للبيت.

-ها يابة شكلتلج

-كالت عدج فقر دم و انطتني مقويات و فتامين

صاح كمرة

-يابة كمرة كون ونسوج
خلت ايدها على حلكها
وهزت ايدها كللها شبيج سادة حلكج بيدج

باوعتلي بلعت ريكي..

-نزلي ايدج واحجي

-مامش ما بية اي تونست بس خفت احجي شي وعيب انغل حجي.. هن هم خوات تسولف ويحجن على ارجالهن حتى عايشة تكول لوديعة رجلج موش تمام هو بيه عيب وجبير فحملج تعبان..

و منانة هي يعني وديعة
سكتتها
-شبيج كمرة انفتحتي خيات نسولف
-يااع شمالج وياي فوكاها رحت وياج.. و موش اكلله على اختج تحجي تغلط على السيد وانت موش تردينها وتكتلينها عبنة زلمتج هذا وتاج راسج

كعدت و انة ايدي على خدي
-عبد تعرف وديعة يعني ما غلطت والله هي بس متلائمها عاداتنا و تنطي رأي لا اقل ولا اكثر

ردت كمرة
-خليني ساكتة ساكتة وهذا ابو الجرك موش راحة عبنة يترومس عمي السيد عمي السيد هيج يباوعلنا وسوى حاجبة هيج رفعة نزلة ورجع غمزنا بعينة
كالالي انت هيج حلوة جا الي مغطينها شلون شكلها اكيد احلا منكد حلوة مغشاية ترى هواي نفوت يحجون..
و فتنا بسوك الجنط جااا صخام موش تدري..
غير واحد كرص عايشة و رزلتة وديعة والله تعذرني عمي موش ادخلن عبن باغر موش يغبل..

ادافعن عن عايشة جا كتلتة كتلة انة موش اعرفن اطلع ومامش وياي سلاح شوف خنجر ابو صالح بجنطتي فتحت الجنطة وطلعت خنجر
ومعزة باغر جا بطيت بطنة وزوعته دم بس موش الي قرض بيها عبن دافعت مرة عنها وشنهي حصلت نكرت وانة انكتلت وباغر راح وموش، مرتاح عطلتة خربت..

خلا عبد ايدة على راسة

-يابة ليش صوتج عالي والانسان يمر بمواقف بس مو كلشي ينحجي يا الله يلة عايشة وراي

هزت ايدها

-جا

وش مغبول حجيك..
موش مسويتلك شي

رحتلها...

-تدرين الي تتمنع عن زوجها يلعنها الله رجال تعبان وين يروح يروح للحرام هم حرام ما يصير..

-شنهي تريد ملابسك مغسولة مكوية و كلشيمسويتة بس موش انطيك وجه عبن هضمتني موش اغبل بالترومس بعد

كمت بخباثة..
و طلعت الملابس النظيفة

-ابقي معاندتني.. هاي بدل ما تطيحين علي تعتذرين.. غلطتي علي وعلى اخوي بعد انت صاحبة الحق

شوفي ملابسي ما مغسولة عدل وانة رجال اكره البهذلة

اطلع بالملابس المكوية المغسولة اعقجهن اشمرهن بالسلة
-اليوم الكنتور كلة ينغسل

خليت وطلعت ضايج انة رجال اريد احس بمرتي تحبني ما تكدر على زعلي

مو هاي سكنة و عايشة ١١ يوم يركضن ورى السيد...
ليش عود ما مرتي تحبني هيج وتريد رضاي قهرني ما تحبني.

رجعتلها وهي اخذت الملابس للحمام ومحتارة تدردم
-شبيهن عود وسخات شو نظاف الملابس. عليش اعيد غسلهن

وكفتلها بالحمام و ابتسمت

-تعاليلي للغرفة كون تتوسلين بية ارضى عليج ترى سيد اشور بيج وانت مضوجتني

سوي الاريدة وانة اكلج لا تغسليهن

برطمت
-موش مغبولة سوالفك شنهي تعيرني تطكني تريد اتوسل بيك عليش على الترومس..و العلاغة

لا موش اجي. هو اغسلهن احسن عبن تكول وسخات...

ضربت باب الحمام و بجية عبد الله استغرب

-شصاير..؟!

رديت بضوجة

-ماكو شي يابة هاملة ملابسي تقبلها
اروح للورشة احسن

خليت و طلعت...

اسمعها تبجي،تشتكي علي يم عبد ضخام بعينج يا فتانة

-شمر،الملابس،النظيفة و تعاي غسليهن.. موش اكدر اكللك عمي كل هذا السواه شنو يريد..

لو اغسل ملابسة مرة ثانية لو..

سكتت

رجعت عليها

-انت ما تستحين تشتكين علي

ردت تداهرني

- انة ساكتة موش فتنت عليك عمي ترى كل سوالفة بس..

كال عبد
-شبيه وياج باقر شنو سالفتك يابة

-عمي استحي اكللك انة زعلانة و هو يدور شقلات مال ناس موش زعلانين

رد باقر
-خجلي خجلي شنو هذا الحجي و يم اخوي

رد عبد الله
-فهمت مشكلتكم

تعال باقر.
اخذني وحاجاني علمني شغلات تطيح الحطب

-المرة كتلة مشاعر واحاسيس ابني....

-نسوانك مسوياتك ملك وهن جواري يتوسلن ليش ما تحبني مثل ما احبها تجيني

-لا تقيس كل امرأة وشخصيتها وكتلك المرة كتلة مشاعر بينلها حبك مو تكعد تهدد

وشوف سوي العلمتك عليه و عاتبني اذا ما نست ضوجتها منك..

اليوم لا تروح للورشة بقالك ثلاث ايام كضيهن بالبيت..
روح عاونها خطية ملابس نظيفة و حملت هاي الطفلة الا تغسلهن من جديد حرام عليك..

طلعنا من المضافة

رحت للحمام خليتلي تختة

و كعدت افرك الملابس وياها

-الي بالسلة ما بيهن شي لا تغسليهن
باوعتلي ورجعت دنكت..

تفرك

-اغسل اول ذن الي لبستهن امس وسخات ذن وذكن اعيد غسلهن

-اكلج شو ما تشاقين راح ارجع اعلكهن
-تعقجن
-ما بيهن شي..

ورى ما علكتهن لكيتها تريد تشر الغسلتهن
-عنج عنج روحي للغرفة اريد احاجيج بشغلة.

باوعتلي متوترة

-بس ما اغبلن تترومس وياي بعد انت هضمتني

ابتسمتلها كرصت خدها

-صار... مدام اهون عليج عايفتني وانة الاحبج العاشكج براحتج

وسعت عيونها و خجلت و شردت

ضحكت.. يمكن الاسلوب العلمني عليه اخوي صح...

كملت شر الملابس وانة افكر يمتة يعزل سكنة نظراتها سم..

تشر ملابس وتباوعلي بحقد

-همزين احنا نحترم السيد ما نخليه يشر ملابس ابد..

صوت ورانا و نفس الابتسامة الهادئة رغم العيون تحولت للون ذهبي ومبين بيها نظرة حادة

-ام علاوي روحي انة اشر الملابس الامام علي كان قدوة لكل رجل... انو يقتطع من وقتة بمساعدة الزوجة باعمال البيت ولو البسيطة..

-هاا لا انت رجال ما اقبلها على روحي

فشلها
-انة اقبلها بس فكينا شرج يمعودة..

راحت و هي تتلفت مرة الي مرة لعبد و من اختفت ضحكت وضحك اخوي

-شو اليوم ناوينها ع الملابس..

-لو ما اجي اشر الملابس مكانها ما تعرفها راح تقارن وتجيني باقر مدلل مرتة و يعاونها ووو حجي ميخلص المن اشتري دوخة البال اختصر الموضوع واشر الملابس واخلص من المقارنة.

-يمتة تعزلها

-من اطلعلي درج على الحديقة الخلفية ناوي اعزلها عزل تام للصيف اباشر ابني درج و ارتب الفوك يراد احول غرفة لمطبخ و حمام اكو بس يراد بيت الراحة(تواليت )يعني شغل و بالصيف افضل..

كملت شر الملابس رحت للغرفة لكيتها كاعدة تدردم وي روحها
-عود شيريد شنهي يحجي خوما يطكني

-لا ما اطكج ردت اكلج احبج هواي هواي هواي..

لدرجة صدمني تتجاوزين..

خليت ايدي على راسها نزلت فوطتها العب بشعرها اخذت ضفيرتها اشمها...

-تدرين يا قمري... السويتيه غلط..

يعني تجاوزين على اخوي الجبير وهو رجل ما مأذيج.. اولا احترام اله كلنا بخيره عايشين وبعدين اسألج سؤال

-هم جنتي تجاوزين على المرحوم صالح اذا يوم تعاركتي وي حرمته و حجة عليج...

وسعت عيونها و ضربت صدرها
-يمة لاااع شنهي موش مترباية موش يصلح عيب حتى حرمتة جانت تطكني وصالح موش يغبل و مرة يا باغر شسولفلك جا غير كالت علي ضيعتجنكالها جنت العب بيه وطاح مني بالهور هو قالي كلش وتعزه رزلني صالح لين العب بشقلات قيري

بس انة

شنهي موش زحمة تلعلموني انة جبيرة عبن تجي لا موش اكولن عيب بس ترى انة اعرفن عليش تعلموني تكلولي لا تحجين كلشي ادري موش كلشي ينحجي شنهي مامش عندي فهم عرفة..

جان عبد بالباب اشرلي بحاجبة و راح وهو يمرغ راسة يدردم..
-صدعت والنبي...

رحتلة

-انت ليش تدخلين اماكن مزدحمة بلة واحد طايح حظ سوالج شي
-لا والله بس هي كمرة تبالغ
-صدعتني هاي سنو ماكو بريك. انتن نسوان كللها مو كلشي ينحجي للرجال يعني مواقف تصير تخلي الرجال يضوج عايشة ضجت بعد طلعتج بس وياي شنو هاي تكرص و يتحارشون لو وياج محد يفك حلكة

حضنتني
-تغار علي...

-اكيد مو انة عديم الغيرة والناموس وما اغار..

فتحت الدكم و بوزت

-هم مغطي الوحمة بلاستر
-اي لمن تتوبن كلش..

اليوم عدي مهمة ادعيلي اخلص منها والتفت اعدل الفوك

-يارب...

عبد....

الفجر..
واكف بباب البيت انتظر اجة منير متنكب بالشماغ الاخضر مثل الاتفاق

-شوف ما ابقيك ببيتي اليوم تروح تعبر انة مرتب وي جعفر كلشي امشي جعفر ينتظر بالجامع
اسلمك ياه انة احس مراقب اذا رحت وياك نلزم..

نتمشى و عليت صوتي

-و الله يا سيد خسن ناوي افتح حلقات دينية لتعليم رثاء الحسين عدنا حلقات قران وتفسيرة.

قضية الحسين لازم تستمر الشعائر

همس منير

-ها شنو
-اسكت اكو من يتبعنا
-شنوو راح الزم
-اسكت تعرف تسكت لو لا امشي طبيعي
-لو رايحين بسيارتك

-يدرون طبعي من فترة اتمشى حفاظا لصحتي..

ما اريد اغير النمط واجلب العيون..

يم الجامع نزعنا نعلنا...

ودخلنا...

سلمت على العلامة..

-هذا الي تريد تنقذه
-اي عمي هو بس وين جعفر وصل؟ انة غيرت الخطة اشك حاتم عيونة علي.. و غيرت موعد تهريب الولد...

و فضلت الجامع ع بيتي مكان اسلمة لجعفر

التفتت لمنير
-هذا مبلغ يبقى يمك.. و هذا من دين يطلبني ياه جدك..

شوي وبين جعفر متلثم..

سالمت عليه

-يا هلا ببن الخال بشر الجواز الهوية كملن

-اي.. انة معبري ايران تريد سوريا اردن شغلتك تطول لازم ايام

-ردت اروح عن طريق اردن سوريا

-تطول اتفقلك وي مهربجي ولازم تكعد ببيت عبد القديم

اعترضت
-لا يا جعفر طلعة ايران و مناك يكدر يعبر لاوربا اي دولة يمعود ماكو وقت حاستي ما تخيب وعدت جدة يطلع

-زين مثل ما تردون

انطاه الجواز الجنسية باوعتهن شغل مرتب

ولا مبين تزوير او يجوز يعرف ناس تخلي ختم اصلي

كال جعفر
-سلم مستمسكاتك الاصلية لعبد يوديهن لجدك يبقن ذن ميطلعن وياك...

-هواي طلعوا بجناسيهم

-مكثفين البحث عنك ومفارز مريد يعرفوك عموما انة اخذك طريق صحراوي..

يلة سيارتي برة توكل بالله العلامة كال الجامع يطل ع سرداب ينتهي ببيت منه نطلع.

باوستهم و اندعيتلهم وراحوا

بقيت بالجامع طولت ومن طلعت جان

اشوف مفرزة وكفتني.وكلبجوني
اجتني ضربة ودفعة للحايط فتشوني طلعوا مستمسكات منير الاصلية يمي..
كتلهم

- شنو هذا التصرف؟

......... يتبع...

شوي نسرع بالاحداث
الي متابعني يقرالي لاول مرة يعلق هنا ويعرف نفس الي قاريلي اول مرة اقصد♥ عرفونا عليكم الجدد

لان عندي حجي وياكم بس بغير حاشية لبارت هذا طويل مو مال اسويلة حاشية تعريفية لاسلوبي وسردي و محاضرة عن توزيع افكار البارت والاحداث حسب نوعيتها لاحظت الي مقاريلي ينصدم بسردي لان متعود ع السرد الي دون مخطط مدروس اني تخصصي واكتب حسب مخطط شلون خطة المدرس الي يحطها لدرس طلابة المعلم المدرس يعرف شقصد بالخطة...

اكو عرب بالطيارة اخوانا العرب علقو هنا نتعرف عليكم لان لاحظت هواي لهجتهم مو عراقية يعلقون ♥

وهسة نجي لتعليق بالفيس ضحكني. 😜
(بربكم اكتب وحمة تكولون حلمة صدرة عيب بابا كلنا كتبنا مجون مخفف بس مو لهاي الدرجة.... هم تردون انزل تعريف للوحمة 😐)

-

31#خلف_الشناشيل_حكاية31
واحترقت بجحيم احضاني..
الحلقــــــــــــــــــــ31ــــــــــــــة

وئام البصري ام مصطفى
نعتذر عن التأخير.
أ 5220 كلمة و دون مراجعة غلسو سحكات
ارجوا رفع مستوى القصى بتفاعلكم تام يعني بارت 31 و القصة تفاعلها مو تمام........

نبـــــــــــــــــــــــــــــــدأ♥♥
عبــــــــــــــد الله

ـشنو هذا التصرف؟

ما حسيت الا ضربة بمقبض السلاح بجتفي

-منير وين بالجامع.؟ عسكر اقتحام...

وخرت بجتفي عنهم رغم مكلبج.

-الجامع اله حرمته..

دفعني وكعت على ظهري ايدي مكلبجات لورى حسيت الوكعة عليهن...

والم بساعد ايدي....

ماتوقعت هم مسوين كمين كل الي توقعته مراقبين ببيتي خاف اختل بيه منير

لذا غيرت مكان خطة تسليم منير لجعفر..

جرني وكفني....
و دفعني على سياج الجامع....

و اشر جبيرهم لجماعتة

-فتشوا الجامع

رديت معترض مو خوفا ع منير لان ادري هسة طلع وامن مكانة.. مايلحكوه.
بس لان يردون يخترقون حرمة الجامع..

-للجامع حرمته خافوا الله... حسبي الله ونعم الوكيل.

ما حسيت الا ضربة بوكسي ع خشمي صب دم...

-انت وامثالك خائن شيوعي.. و تسوي روحك سيد متدين.

ارفع بوجهي للسمة و لمعت دمعة قهر اشتكي لربي تعنتهم علي....
و سيل خط دم من خشمي لخدي المسار لركبتي لياخة دشداشتي....
شماغي او جفية السيد الخضرة وكعت بالكاع و رجعت عيني عليها نزلتة..

طرفها جوة بسطال هذا الضابط...

همست..

-يارب كفلتك امري يطعنوني شيوعي، ملحد...
وانة رجال اصلي اصوم اؤمن بالله شجابني للشيوعية يمعودين زمن الشيوعية انتهى وبعدكم تنادون بيها.

اباوع قطرت دم خشمي من دنكت توكع للكاع
العلامة اجة يركض بعد ما هتكوا الجامع فتشوا وطلعوا

-منير ماكو....

هرب... احتمال من سطح الجامع.

اشرلهم جبير العساكر

-طوقوا الجامع... و انت سيد عبد الله تشرفنا انت معقل..ع ذمة التحقيق كونك ساهمت بهروب هارب..من العدالة.

وكف العلامة وهو يحاول وياهم مفاد..

بس بجفيتة مسح خشمي و هو يصيح

-اذا بقى خشمة ينزف يموت.

رد الضابط

- بالتحقيق راح ينزف بجسمه اكثر من خشمة

سحلوني للسيارة وانة مقيد عيني على السيد العلامة الي نزلت دموعة ومكدر يسويلي شي

-مولاي العلامة بلغ عمامي..باقر طايش لحد يخابرة جاي يمتحن خطية

بس هذا لحكت اكولة و مشت السيارة واني بس اردد

-اللهم اني احتسبك فيهم. اللهم العنهم كما لعنت عاد وثمود...

التفت علي الضابط

-اسكت...

بس وكلت امري الى الله و دعيت بدعاء زين العابدين على من يعتدي عليه و يظلمة

-(أللَّهُمَّ
لاَ أَشْكُو إلَى أَحَد سِوَاكَ، وَلاَ أَسْتَعِينُ بِحَاكِم غَيْرِكَ حَاشَاكَ فَصَلِّ عَلَى مُحَمَّد وَآلِهِ، وَصِلْ
دُعَائِي بِالإِجَابَةِ، وَأَقْرِنْ شِكَايَتِي بِالتَّغْيِيرِ. أَللَّهُمَّ لا تَفْتِنِّي بِالْقُنُوطِ مِنْ إنْصَافِكَ، وَلاَ تَفْتِنْـهُ
بِالأَمْنِ مِنْ إنْكَارِكَ، فَيُصِرَّ عَلَى ظُلْمِي وَيُحَاضِرَنِي بِحَقِّيْ وَعَرِّفْهُ عَمَّا قَلِيْل مَا أَوْعَدْتَ
الظَّالِمِينَ، وَعَرِّفْنِي مَا وَعَدْتَ مِنْ إجَابَةِ الْمُضْطَرِّينَ. أللَّهُمَّ صَلِّ عَلَى مُحَمَّد وَآلِهِ، وَوَفِّقْنِي
لِقَبُولِ مَا قَضَيْتَ لِيْ وَعَليَّ، وَرَضِّنِيْ بِمَا أَخَذْتَ لي وَمِنِّي وَاهْـدِنِي لِلَّتِيْ هِي أَقْوَمُ
وَاسْتَعْمِلْنِي بِمَا هُوَ أَسْلَمُ. أللَّهُمَّ وَإنْ كَانَتِ الْخِيَرَةُ لِيْ عِنْدَكَ فِي تَأْخِيرِ الأَخْذِ لِي وَتَرْكِ
الانْتِقَامِ مِمَّنْ ظَلَمَنِيْ إلَى يَوْمِ الْفَصْلِ وَمَجْمَعِ الْخَصْمِ، فَصَلِّ عَلَى مُحَمَّد وَآلِهِ ، وَأَيِّدْنِي مِنْكَ
بِنِيَّة صَادِقَة وَصَبْر دَائِم، وَأَعِذْنِي مِنْ سُوءِ الرَّغْبَةِ، وَهَلَعِ أَهْلِ الْحِرْصِ، وَصَوِّرْ فِي قَلْبِي
مِثَالَ مَا ادَّخَـرْتَ لِي مِنْ ثَوَابِـكَ، وَأَعْدَدْتَ لِخَصْمِي مِنْ جَزَائِكَ وَعِقَابِكَ ، وَاجْعَلْ ذَلِكَ
سَبَباً لِقَنَاعَتِي بِمَا قَضَيْتَ ، وَثِقَتِي بِمَا تَخَيَّرْتَ، آمِينَ رَبَّ الْعَالَمِينَ ، إنَّكَ ذُو الْفَضْلِ
الْعَظِيمِ ، وَأَنْتَ عَلَى كُلِّ شَيْء قَدِيرٌ(جزء من نهايات الدعاء )

التفت الضابط بس سكت وهو يفتح دكم قميصه العسكري

-رشيد اطبك خل اتنفس... احس اختنك..

باوع رشيد للضابط وهمس
-سيدي اعتديت على سيد و ضربتة راح افك قيده هو ما يشرد.. سيد عبد الله معروف بالمحلة وكلها تحبه وحقاني هو مو مال نحتجزة
لو نعوفه ونكول ما لكينة منير..

-ما نكدر.. باوع وراك..

تلفت العسكري وانة هم من داخل السيارة التفتت لمحت نشأت و حاتم بسيارة تابعة للامن ورى سيارتنا هاي بسيارتين

جريت نفس حسبي الله ونعم الوكيل شلون حسبتها غلط...

باوعلي الضابط الي وجهة كد ما اختنك ازرق.

و رجع يحاجي الملازم اول عسكر داخلية...

-اوامر من فوك. اليوم نعتقله.. لازم نسلمة للامن للنقيب نشات... سيارتة ورانا.. ماكو مجال نتركه...

بس هذا ما اتعرضلة بعد.. حتى ايدي ثكلت..

ارجع سوق...
المفرزة و

رانا ينتظرونا.. لان توقفنا وقفت باقي سيارات الشرطة...

طول الطريق اردد امن يجيب المضطر اذا دعاه و يكشف السوء..

و الملازم يباوعلي بالجامة وهو يهمس دخيل بختك.. خل نوصل سلامات انة عبد مأمور صاحب جهال..

اما الضابط انتجى. وهو يجر النفس بالكوة..

افرك بيدي الي فكو قيدي...

اباوع للساعد مورم اعتقد رض بسيط لان الم قليل احس..

طول الطريق بين تسبيح و دعاء، لفك كربتي

-اللهم اني عبدك ابن عبدك ابن امتك ناصيتي بيدك ماض في حكمك عدل في قضاؤك اسألك اللهم بكل اسم هو لك سميت به نفسك او انزلته
في كتابك او علمته احدا من خلقك او استأثرت به في علم الغيب عندك ان تجعل القرآن ربيع قلبي و نورّ صدري و جلاء حزني و ذهاب همي و غمي

رفعت ايدي رغم الم الساعد وكلت يا الله امين..
راضي بمشيأتك اذا هذا اختبار لصبري وثباتي على دين جدي بأذنك انا من الصابرين وراضي بمشيئتك..

اللهم استودعتك اهلي و حرمي و اطفالي استودعتك امي التي لم تنجبني واخي عضيدي ان تمنحهم الصبر وان تعينهم على ما ابتلوا بي من قضيتي..
اللهم ثبتها على رجاحة العقل..

اخر كلامي خصيت عائشة وانة متخوف لا كل تعب السنين يروح.
اعرفها مو متزنة العقل... بس شبيدي امر الله وعسى ان تكرهوا شيءً فهو خير لكم...

استغربت من دخلوني مكان ما اخذوني غرفة التحقيقات اخذوني مكان مثل سرداب...

و بزنزانة منفردة

باوعلي العسكري
بنظرة اعتذار الضابط يتهرب مني الغريب انو مو شرطي دون رتبة الي دخلني الزنزانة

شوي و كتلهم...

-اريد مصلاية وتربة وقرأن سبحة اذا ممكن.

بس العسكري
-عدنا اوامر نضيق علبك. عبد مأمور مولاي.

ابتسمت

-لا تشيل هم الله هو حسبي وكفيلي بمن ظلمني.
كعدت وانة افكر.

اذا منعوا عني القرآن انة حافظ القرآن..

و قررت من اليوم ابدأ بختم القرآن حفظا عن ظهر،قلب لعدم توفر كتاب القران بحوزتي

انتجيت و عبيت نفس وحبستة وانة ابدأ نية ختم القرآن.

ظليت اقرا ما اعرف شكد فات علي من وقت..

بس اضواء شعاع شمس من شباك مربع صغير جدا للتهوية

رفعت نفسي شفتة يطل على ساحة... سيارات المنتسبين..

هسة شنو حال سكنة وعايشة مرت ابوي شحالها

اولادي ينتظروني يم الباب يتلكوني.

هذا علاوي الي ما لحكت افرح من كام يتفاعل وياي و يلعب..

حمل زوجاتي يارب اشوف ضناي الي ببطن زوجاتي لو لا...

انعدم انسجن شنو مصيري...

.............

عايشة...

شوي واجت خالتي الي طلعت بالستة اندك الباب..

و العلامة مخبرها بالصار لطمت وجهها ودخلت تبجي

-ولجن يمة.. راح الولد..

يومها رجف كلبي... ركضت الها

-شصاير خالة عبد تأخر...

-عبد اعتقلتة الحكومة..

لطمت وجهي

-شنووو شلون... هو شله علاقة بالحكومة

-مهرب واحد مطلوب للعدالة

-وهو شله غلرض ما فكر بينا...

هذا اليوم جان كلش اسود علينا

شوي و طلعت سكنة...

من سمعت وظلت تبجي

-عود وصيت جعفر لا تطيعة يمة رجلي ابو اولادي

تبجي وهي تروح منا وتجي منا.

-والله كلت لجعفر لا طاوعه. خلي عبد بعيد عن سوالف التهريب

عندي عبد هو كل حياتي هو الهوا الي اتنفسه.

رحت هديت على سكنة

-واخوج طلع منها عساج كون باخوج تلجمين وعساه موت ويروح فدوة لعبد...

-فوك همي برجلي انت تدعين ولج انة الج

رادت تدفعني خالتي وكفت بالنص...

-كل وحدة تذكر حامل سترن علينا...

رددت

-لازم اشوفه... اخابر اخوي هو بالامن اكيد يكدر يطلعة

هزت خالتي ايدها..

هنا اندكت الباب..

جانت ام.حاتم

-يا خية صدم سيد عبد الله طلع شيوعي

الناس تكول..

ردتها خالتي

-الناس ما تحجي بعبد بس بالسيرة الحلوة...

هسة يعرفون ما عدة شي ويطلع

شوي وسكنة كعمزت ااخ بطني.

راحتلها ام حاتم دخلتها للغرفة و خالتي وراهن
-بيج شي

-لا بس مغص...

-اروح لعمام عبد ابلغهم و بلكت احصل احد يخابرلي باقر

خليت خالتي طلعت

و ام حاتم يم سكنة...

و انة رحت للمضافة خابرت بيت اخوي

ردت نوال

-ما موجود من طلع الفجر لسة ما رجع

-فدوة بس يرجع خل يخابرلي رجلي معتقليه ومدام شغلتة ما واصلة لفوك او القاضي يكدر يرتبها يمه

-لا والله ما يستاهل ابو عباس...

-فدوة قنعيه ادري مو على حال وي عبد بس نشات خال عباس لخاطر الولد.. والي ببطني.
-ان شاء الله بس يرجع.

-انطيني رقم مكتبة

-هاا ما يقبل احد يخابرلة لمديرية الامن

نهيت المكالمة واحس الدنية اظلمت بوجهي

حتى كمرة التجنبني اجت.

-عمي السيد ابو عباس عبنة طيب خذوه زمنا ادغش يدور وين العدهم طيحان حظ صكد احبن باغر بس ادغش عدة طيحان حظ ترومس

ما شوفينه مامش احد يعتقله.

هزيت ايدي وسكتت تفاول روحها برجلها صدك غبية

جن خالتي سمعتها هدت كتلتها

-بس طبيت بديتي بحجيك الفاهي مفاولة باقر ولج من ترحيلة سبع فدوات..

باوعتلي
ـرحت لعمامة لصناعية.. و بلغتهم..

موصليلهم خبر من المنطقة ما لكيت عمه الجبير..

كعدت فاحطة و تبجي..

-اليدخل مديرية الامن شيطلعة..

هاي هي راح الولد راعي بيتي...

ضربت جف بجف...

الجيران وي ارتفاع الشمس بدوا يجون

يواسون اهل السيد..

الناس قبل جانت ع الفطرة ما يهمها هذا اخذوه الحكومة يعني منيوذ..

جانوا ايد وحدة و ما تهون العشرة بس على ابن الحرام.
محلة وحدة وعشرة عمر...

كاعدين ونبجي بلكت يجي خبر،..

عمام عبد بالمضافة.
و خوالة التموا..

الولد رادوا يسلموه للحكومة حتى يطلع عبد..

بس جعفر كلهم عبر.. بليلتة...
سكنة تحوم لا اخوها ههم يبتلي...
الكلام انحصر بين العمام والخوال..

كدام الغرب محد يحجي. .

شفت سكنة تحوم...
اندك الباب ودخلت نسوان وياهم ام حاتم.

اشرت خالتي
-اششش بعد لا تحجن...

كعدت ام حاتم..

-حاتم ما ساكت جا شلون غير عبد الله عزيز و اخو باقر ابن اختي..

بس هو ملتهي يدرس قانون وعود حصلولة وضيفة عن طريق نشأت..

رجعت باوعتلي تتلامز بحلكها...

-يمة ما حاجيتي اخوج يكولون معارف عدة يطلعة رمشة عين..

النسوان تلفتت علي و الاحراج جبير

كمت وانة اتمشى.. و الله لو بيدي طلعتة افدي بحياتي ويطلع...

نشأت ما خابر شسوي...

اباوع للساعة و ارجع للنسوان..

اسمع خالتي تكللهن
-عمامة ما قبلوا نبلغ باقر هو جاي يمتحن.

خل يكمل وهو يجي.. هو شيسويلة هل طفل هذا..

بس يبقى يمنا يشتغل...

بالورشة..

كل ساع ورادوا جاي،
النوب لزكوا للغدة و تحزمنا..
خالتي محتارة... يعني لازم تقشف...

شوي ووصل خال عبد الرباه ابو سكنة و ي ابنة الوسط و الزغير جعفر اجة وي عمامة سبقوهن
اجت ام جعفر وي رجلها..

كملت السبحة....

اجتني خالتي

-- يمة عيوش ما تحاجين خيج الله يحنن كلبة يمة عبد والينا...

باوعتلها و دنكت..

-كبل لتحجين خابرت البيت بس ما موجود انتظر منه مكالمة

-اي بعد امج.. يمة اليروح هناك ما يرد.
لو يكتلوه بالتعذيب لو يدفنوه بالحياة.

و يضيع خبره وين ابن ام صيهود مو خذوه بس اجة عبد السلام عارف و كرفوا الشيوعية.
و ليومج محد يدري عايش ميت. .

نزلت دموعي تدحرج.. وانة احس بحنجرتي الم.

غصة بلعتها يا خوفج عايشة نشأت يضيعلي الزلمة
-خالة اسوي كلشي الي اكدرله...
مسحت دموعي...

شوي وجاب واحد من خوال عبد.

تلفون يسحب بالواير

-منهي عايشة بيجن عليها تلفون..

لفيت حجابي على وجهي شبيه هذا يدخل هيج..
تقريبا بعمر باقر ازغر بس ولا دك باب

اجت اختة سكنة
حضنها بيد
-سويلي طريج

هزيت ايدي الحمد لله يا رب يا طريج هذا.

و انت فتت نص الهول..

حتى خالتي اشرتلي بحاجبها افوت للغرفة وهي خذت التلفون منه تسحل بالواير..

-سيد مشكور بي نبه اهل البيت ترى مو بس اختك بيه تشوف نساوين كاعدة وضرة ام علي هم بالبيت..

رد من ورى خشمه
-ومنهي انت انت عجوز البيت..

صاحتلة امه

-ياا هذا جليل..
ام باقر هذا بس طول ترى موش فاهم بعدة ما بالغ

حتى عمرة توة 14
هزت خالتي ايدها وهو طلع من فشلتة خالتي
-اربع طعش ما بالغ يا ام جعفر؟

حرام يدوس بيت السيد يكشف حرمته ضرة سكنة دون ما ينبه ومنا نساوين تواسينا اجت نطبب زلمة خاطة شواربة عليهن هي هاي الاصول شو مدري شلونكم احس بس عبد طلع منكم فاهم يالخوال..

طلعت اخذت التلفون جانت وديعة

-ها خية صدك السمعتة عبد ماخذتة الحكومة..

-اي والله خية. بعد شسوي امر الله..

-الله عليج اذا محتاجة شي فلوس اي شي انة خيتج

-ما تقصرين خية...جوة ايدي جم فلس..
بلكت نشأت يطلعة خية حاجيه..

خاف ماخذ،موقف من عبد..

بكلبي كلت ااخ زمن خلاني اتوسل بس ع مود يطلع ابو بيتي..

-عائشة... رجلج ما موجود المن باقية ام حاتم كلتلي تعبن كل ساع طبخ و جاي وناس رايحة جاية وهن حوامل هاي سكنة امها كضت شغلها..

وحبايبها انت انة مكدر ادخللهم ناس غرب و مو من مرامي و انطردت

لمي ملابسج وتعاي من يرجع رجلج رجعي

-لا ما اكدر هم شكلك ما صدكت رجلها انسجن..
انت بس حاجي.. نشأت شو ما خابرلي

هنا شهكت ابجي

-فدوة وديعة نشأت شوي وياج زين. حاجيلي ياه شتردون اسوي والله بس يطلع ما ينعدم...

ما اكدر والله احس روحي راحت وياه.

-لا تبجين... ولو ما يستاهل دموعج هذا الهمجي شكد جنت وياكم و تذكرين بس هو يريد ياخذج منا من بيئتج اخوتج.

-وديعة عليج بلي ببطنج ويكومج الله بالسلامة تطلعولي عبد الله.

احس كد ما بجيت غصيت بنحيبي واكح

همست بصوت غريب
-تحبيه؟

-اي والله..
-ممم وهو هم اكيد يحبج... و ميكدر بلياج. يلة اترخص اتصل بيج بعدين...

...........

عبد الله...
المكان احسة قذر.. و احس جسمي ما تقبل حتى الكعدة بيه تعبت رجلية من الوكفة

اروح وارجع..

الدم ميبس على خشمي...

و وجهي احس ماكو طهارة

شوي وجابوا صينية بيها حشا نعمة الله نحمده على كل حال هي نعمة من نعم الله ما بطران بس القذارة حتى بماعون الاكل قززني كلش

اكو سراحية ماي...
بديت اغسل وجهي واتمضمض...
ما اكلت بس خبز خالي اشرب وياه ماي

شوي وانفتح الباب و دخل..

ابتسامة تشق شفايفة..بحقارة

-والله زمن... سيد عبد الله بضيافتنا

رديت وانة ابلع الخبزة كوة

-يا هلا بنشأت... تصدك كلت اذا مو انت ورى هاي

الدكة مو قبول..

الكلب دليلي يا صديقي العدو..

ابتسم..

-تذكر صداقتنا مو؟

كمبص كبالي وانة هم مكمبص ما اريد اكعد بالكاع

الي ريحة غريبة وعفونة تملي المكان...

-صداقة..! للأسف يا نشأت... اخذت جانب حاتم...
و نسيت صحبتنا...

-تدري ناوي ادفنك بالحياة.. كل اوراق التهم موقعة كاملة...

من صالحك عبد الرحمن عارف ما يأمر بحكم اعدام امثالك...

حكيت شعري وايدي من الساعد ورمت

-مممم امثالي...؟!

-المشكلة بيك يا نشأت تكذب الكذبة و تصدكها..

لزمني من ياختي و بيدة الثاني بوكسي على عيني

-هاي العيون ياما وياما نظرتلي احتقار..

شميت بيه ريحة عرك
-شارب مو؟...

-اريد اضربك بكل مزاج

صاح
-يا ولد رفعوه فلقة من ايديه

ما حسيت الا مربط و بعتلة ترفعني فوك..

بيده عصا وبدة يضرب وي كل ضربة احس روحي تشيغ..

حاولت اكتم المي وما اسمعة صياح عذابي بس

انطلقت مني صيحة من كل اعماقي من حسيت

بيدة شي مبوز دخلة بلحم فخذي

و طلعة
والدم كام ينزل

-وين منير،.. ؟

بيا مكان خاتل...

ما احجي... اعرف عبر بس مريد اكول منو عبره يعني جعفر يروح بيها

ضحكت وانة اغثه
-منير منو..؟ ما بقت منه بس جناسيه.. اصلا هو هسة اسمة غير اسم و راح محافظة ثانية

كذبت.. امري لألله...

صاح ع عسكري

-جيب السوط

يضرب وانة اصرخ يمكن دشداشتي البيضة تشطبت دم ويمكن تشككت مكمت احس..
بشي...بس الم السياط..

صاح

-نزلوه..

تقرب من اذني وهمس

-ما تشرفني نسيب كتلك اختي ما انطيها عاندتني اخذتها غصبا علي بس اقسم بالله العظيم اذا ما بلسانها تكلك عوفني و ترفع عليك قضية طلاق مو نشات اني

الدم ينزل من جسمي دوخة.. و الم همست

-نشأت انطيت اختك سنيني...و حبي و روحي اذا هي تبيع ذن شسوي بالمرة التبيع هنا بالعافية عليك اختك..

ضربني راشدي وهو يرجع ورى و صاح

-عالجوه ما اريدة يموت....

فكوا قيودي و شوي جابولي ملابس خاصة بالمعتقل...

واحد من السجانة بعيونة نظرة اعتذار ابتسمت وكتلة

-رجلي تحتاج خياط.. احتاج دكتور

-راح نوديك للطبابة مولاي.. بيا وجه اباوعلك وشلون انسى فضل سيد عبد الرحمن الي بسكتة ينطيني فلوس اكمل دراسة مدرسة المفوضين. الشرطة..

-واجبك هذا يا اخي.. مو بيدك عبد مأمو.... بعد ما حسيت بالدنيا...

...............

باقر...

بعد الي كم مادة اخلص امتحان. ع اساس يجيني عبد.. شو ما بين كال بس اخلص شغلتي اطلع من الجامع اسلم ع اهلنا واجيك

خابرت رد علي عمي

-هلا عمي هلا

-ها عمي انت هنا.

-اي بوية..اجينا نشوفكم

-هلا بيكم انطيني عبد الله
-ابني هاي بيبيتك متخربطة. وهو وياها وياها..
-زين من يجي يخابرلي

-ابني ادرس وكمل امتحانك اخوك هاي الايام مشغول.. ببيتك...

ردت احاجي امي استحيت ادز عليها او على كمرة ومنا عمي..

سديتة منه وكلبي مدري شبيه لاعبني كلش..

مرت الايام وانة امتحن. بالي مشغول اخابر يومية عذر يا الله اخلص الامتحان واروح اشوف شصاير.

..............

عايشـــــــــــة.....

الليل يمر ما انام.. اشبك مخدتة

-عبد الله شلون بية هو ليلتك يم سكنة ما اتحمل مو النوب ما اشوفك...

يارب شلون لو قتلوه لا فال الله ولا فالج

ضربت كصتي وغميت روحي اخاف فالي يصيبة بشر

كمت توضيت واقرأ قرآن.. ودموعي تتساقط. على الحروف كدامي

-خلوك تصلي تقرا قرآن ضربوك خاف ما انطوك

ماي... لو اكل.. نايم.. كاعد شنو حالك حبيبي...

حضنت ملابسة النزعهن كبل لا يطلع

وانة لشم بيهن

-افيش شلون تتحمل السجن وانت الترف.. انت النظيف..

للصبح ما نايمة

من كعدت حبايب سكنة لزكن.
النوب يسألن امور عنصرية تعاي ليش متأمنين بامير المؤمنين
ذن فاهمات الموضوع غلط..

-اولا مو وكت نقاش ديني بس حجاوبج انة احب امير المؤمنين واؤمن بيه هو و الصحابة

ظلن مدري شيحجن ما اهتميت.
شعليهن هن لو جنت مسيحية او من غير دين هاي قناعتي ما من حقهن يحاسبني

-عيني سكينة اليوم نروح عود نمر عليج..

ام جعفر كالت يبقى...جليل يمج خو ما بيت خالي من الزلم و ناس رايحة جاية

هنا خالتي كلتلها...

-حبوبة عدنا نساوين حرم ولدي ام عباس وكمرة حرمة باقر وين بعد ابنج يبقى طاب طالع على حرمة عبد وباقر

-والله بتي اخاف عليها.. عبن موش امان صاير

-اخذيها وياج ومن يطلع عبد يجي يجيبها

-يع... تطردين بتي من بيتها
شوف الحظ... بيت هيلة هذا

احترك كلب خالتي وردت

-موش بيت هيلة الله يرحمها ذاك بيتها هذا بيتي

ردتها ام جعفر يلاسننها..

-شوف شوف.. كليلة الخجل خذت الرجال من مرتة وخلت المرة تدوهن تحترك بليلة عرسج يالفكر ططوة

كمرة كفت ردنها ووكفت كبال عمتها

-ولج ساكتتلج منهي ططوة .. تهدين على عمتي..
خليني حاشمتج جبيرة موش من تربايتي اضربن مرة عجيز مثلج

ردت ام جعفر وهي تريد تسوي مشكلة

-انة عجيز.. انت ام نصاص الليالي اكيد متواعدة وي صويحبج شردتي...

وردتج الزلم عبن موش بيهم خير جا كروج كر

وسعت خالتي عيونها-هاي عليمن تغلطين... خلي الطبك مستور.. امهات السحورة مو معل

مة بتج سحر..
تضمضمة جوة الكناتير

اجت النسوان تهدي...
شوي وصاحت

-حرامية طلعي فلوس عبد الله اليمج حك بتي وابنها.. مو الرجال انسجن و تردين تبوكينهن

-بتج الظاهر شيصير تحجيه الج وهاي بيت ذمة واسرار.. وفوكها تزود حجي.. ربي بتج جنها وجه فرس الريس

جرت خالتي كمرة

-مالج غرص فوتي غرفتج و قفلي كناتيرج الظاهر هنا ناس تدور ذهبات فليسات ما شايفين..

هجمت ام جعفر وجرت خالتي من شيلتها

-ولج منهي الي ما شايفة يالمجرودة يالمعيدية انت عدنا عد عبد الرحمن نظفتي وسويناج مرة معتبرة

رادت خالتي تهد تكتلها كضيتها دخلتها الغرفة

ومن يومها بدت حرب سكنة تحارب كمرة تتأمر.

لو كالت فلوسي مبيوكة.وتعال نفتش

طلعت البوكة يم كمرة الي بجت و تريد تكتل سكنة

-موش انة مدري منهو حاطهن هنا..
حسيت البيت بلايا عبد تفكك...

و ماكو رداد لسكنة..

اخالتي تعبت كلش من المشاكل...

كلتلي فلوس عبد دزيتهن يم العلامة امانة الله ورسولة ذن..
كلشي يصير يمة ينباكن وابتلي بيهن اتفشل وي عبد..

كتلة متنطيهن لاي بشر الا عبد الله

-خالة شبيج
-خالة هاي شاخت علي باهلها.

رايحين جاين..

وراسي ما يحمل عرايك..

افكر اكعد بالبيت القديم شو محد يسكنة اليكعد بيه ميطول فترة يشرد. خليني انة والي بالبيت راس براس..

ضحكت رغم القهر

-خالة روح المرحومة ولنها تجيج.....

ابتسمت و بقهر

-شفايتلي بلكن تبريني الذمة... يمة انة اذنبت بحقها جنت وكحة اوكح من سكنة.

بس احب عبد الرحمن وجان رجلي اصلا اخذني زغيرة..

جنت برعة شلون كمرة بس وسفة يمة مامش عمة تعلم خلت عكلها بعكلي و لمن كلش طلعتني من طوري..

تعاركت وي عبد الرحمن و ضربتة بيومها كتلني كتلة وطلكني هم جان مسرع

بقى يودي ناس يجيب ناس كلت ابد مامش ردة

لمن كبرت و نساوين خوتي اذني اهلي ما دايمين ورجع حلا بعيني عبد الرحمن بس مزوج و عدة ولد بنية
كلت هي الي دخلت ع رجال وكايل لاهلها انة مرتي اريدها اردنها ترى وكايليلة الرجال ياخذ وحدة وثنين ثلاثة اربعة

ومرتك ما تريدك وهاي هيلة بتنا هدية الك..

المرة مريضة وما حجوا...

فضة بت عبد الرحمن الي هملتها بقت ذمة بركبتي بس اريد الله يسامحني جنت احبل ويروحلج فدوة اسم الله عليج..

المهم راحت و انة ذنوبي محملتني

شما اسوي لعبد الله ما انطيه حق سنين طفولتة الضيعتهن اله..

ولا امه الي من وراي ماتت حركت روحها او احتركت الله اليعلم

لو اختة الامانة الي ما صنتها

شبكتها وبست راسها

-ما نروح هناك اخاف خالة ما تعرفيني اظل اتخيل امور وغصب عليهم شلون نعوف البيت

شوي واندك الباب راحت خالتي تفتحة وهي تصيح

-ياااهلا بضي عيني..
يمة افيششس ردت نص روحي

صوت باقر وهو يبجي عيونة الي حمرة دخل نسى ينبه مثل عادتة

شمر جنطتة وكعد بالكاع ببسطالة

-ليش ما خابرتولي اعرف من الشارع ما لحكت اوصل وخبروني

-يمة اخوك ما يقبل عليك هيج تبجي لا يمة جا شلون احنا نستقوي بيمن اذا انت بس تبجي..

دراستك يمة تروح عليك سنة نفرض كلنالك واجيت.. يفصلوك لو يرسبوك

انت شنو تسويلة ما بيدنا شي

خلا ايديه يغطي وجهة وينحب

واحنا ننحب وياه.

احنا النساء ناخذ،قوتنا من الرجل بس اذا انهارت الرجال و اودعت الهموم دموعا فبكاء. هنا نعرف ان الامل مفقود والقوة منهارة

حتى سكنة كعدت على الدرج وخلت ايديها على وجهها وبجت

تنكبت خالتي بشيلتها تهز راسها تنود بالم و تبجي تركت باقر ينفض حزنة بالبجي...

-يمة هذا ابوي مو اخوي ما اذكر على ابوي من مات زغير.. هيج لمحات تمر

بس عبد الله ابوي شلون بية شلون اطلعة يمة ما تعرفين الي يدخل هناك يعذبوه.

ياما يموتون بالتعذيب

-ربك يمة ارحم بيه ...

اباوع للموقف وكمرة اجت...

وكفت وهي تمسح دموعها

-باغر موش شيمالزلم تتباجة الفعل موش بجي الفعل ان تصير مجان اخوك.

باوعلها متفاجأ

كعدت يمه حضنها باس،كصتها

-موش احبنك اذا تبجي انت زلمة جان فكرت اذا.تتبجبج يمنا جا منهو اليسكتنا من نبجي
كمت للمضافة و رجعت خابرت

نشأت كلما اخابرة ما يقبل يحاجيني

تنطيني مرتة عذر
بس،فرصة اتحمد السلامة الهيكولون داعمينة من راجع من الدوام من كم يوم

طلعتلي نوال

-نوال اريد احاجي نشأت ضروري..

-نايم...

-لا ما نايم.. ليش يتهرب مني اريد اتحمدله السلامة

-خية يكلج عدي بيت وتعاليلي تحمديلي السلامة بيه

-ياا تحجين صدك ما اكدر اطلع...

شوي واجه صوتة

-عايشة جواز طلعة رجلج تتركيه.. انت تزوجتيه دون اذني اعتبر زواجكم اصلا ولا كان ولا صار انة حتى ابنج اعتبره ابن حرام

-بيا شرع تحجي هيج ابوي زوجني مزوجت من كيفي..
وماكو شرع يخليك الا توافق

-اكو شرعي..
-شن هاي النوب شنو شرعك تحلل تحرم كيفك اكلك انت سكران صاحي
-تلمين ملابسج تجين.. تجيبين تطلكين تشمرين جهالهم عليهم هنا رجلج يشوف النور
ترى رجلة ملتهبة احتمال تنكص...

-شنو شنو شتقصد

ضحك و حجالي يومية شيعذب بعبد الله هنا ايست انو ممكن نشأت يحن و ينسى الماضي...

بهاي الفترة وخلال الثلاث اشهر البق

اهن باقر

جان يشتغل ليل نهار..

و راد مقابلة لعبد انرفضت نشأت جان ورى انو محد يكدر يقابل عبد

حاولنا وي ناس عرف نعرف شنو مصير رجلي انحكم لا...

بس الابواب انغلقت خاصة الحكومة منا ملتهية بدلت الوزارة بشهر الخامس رجعت هم غيرت و رجع هم عبد الرحمن تنازل عن رئاسة الوزارة

و بقى كرئيس جمهورية بمرحلة ضعيفة جدا من حكمة...

بدا يبين بية الحمل.. وديعة راحت الكويت مرة بس شفتها..
صلوات مثل امي ما يبين بيها حمل الا من تدخل الثامن..
كالت ترجع ورى ما تجيب و تطلع الاربعين...

ام حاتم استمرت وسكنة بالفراش حملها متعب وتكول من القهر على عبد الله عبالك انة بطرانة

كمرة على طكتها رغم باقر يستخدم الرزايل وياها خاصة مهموم على اخوه و هاي بعدها على سوالف خليني اطلع اسير على البنات اصادقهن..

جاي اعجن اجت خالتي كالت

-كومي يمة... ظهرج انكسر اكلج يمة شو بطنج جبيرة..

خاف غلطانة بالحساب
-خالة احنا بالتاسع و هاي اربع اشهر اي جبيرة بطني يمكن لان كصيرة وجسمي مملي

-هاي سكنة عليها خامس يمكن بس ما يبين يمة جايبتلج الاثر وهاي تتحسدلج اقري المعوذات
بوجهها من تصد لبطنج..

الله يتمملج بخير وينورلج بيتج براعيه وطلعته

-خالة ماكو خبر...
-لا يمة رحت انة وباقر للمديرية طردونا

محد ينطينا مواجهة...ونشوفة

بس عمه كوة مرة وحدة شايفة سودة علي شمسوين بية ساعة سودة الشرد ذاك

بيها عليها.. ااخ يا عبد كون حاجي والله لخربها وما اخليج هيج تسوي بحالك..

-خالة باقر يرجع يدرس حرامات تروح عليه سنة ثانية هي سنتين يكملهن ويرتاح

-يكول المعيشة شلون

-الورشة العمال يدزولنا الوارد.. و نحمد الله ونشكره

-و الله يمة شكلج الله كريم...

بيوم بدلت عباس،بحجة مراجعة كال باقر اوصلج

-خوية روح الشغلك خالتي تجي وياي

باوعلها

-يمة دربالج عليها حويتم ابن خالتي النذل يفتر يم بابنا ووياه نشأت

يكلي تريد تشوف صور اخوك بالتعذيب صورتة

يمة قهروني وهضموني،

نزلت دموعة وهو يريد ما ينحب يريد يكون قوي و يبرز انو رجل كبر.. و انتهت مرحلة الطفولة انتهت الى الابد..

اخذت خالتي وعلى اتفاقنا رحت لبيت نشأت خالتي مخلوها تدخل شكد تفشلت...

-نشأت على بختك رجلي اريده ليش خوية

باوعلي مبتسم و جان عندة حاتم وهو يراجع اوراب احتمال امتحان دور ثاني لكلية القانون
و تجاهلني وهو يحاجي حاتم

-محامي المستقبل الوضيفة وفرناها الك الى ان تتخرج..
عوفك هسة من الدراسة.. شايف فترت و صار عبد بين ايدي

نزلت دموعي...وانة حيل متأثرة..

صعب اخوي ابن امي وابوي ويعصا بية..

ـخوية ابنة يومية بالباب ينتظر ابوه ما يرف كلبك الله يرزقك الذرية والله بخيت سيد عبد الله

كام حاتم وهو يبتسم

وكأنما ما موجودة

- نشأت اترخص و نصيحة اختك مشحططة عدهم بقيها ببينك خطية رجلها ايامة الاخيرة هاي

تخبلت عليهم..

-شنوووو انتم شتحجون بلة...

عود صدك تحجون...

ابتسم نشأت

-اصلا جنت ناوي اجيبج بالقوة هذا الطفل طلعوه لبيبيتة برة

لزمت ابني احضنه

-نشأت اعتبر ما اجيتك والله كفيل بحالي

دفعني وكعت ايدي على بطني

-حتى الي ببطنج اشمرهم عليهم ال(غلطة يقصد اولاد الحرام. على الي ببطنها وعلى سيد عباس )....

شفتة يسحل بعباس الي انخبص يبجي

-ماما نروح لبابا عوفني ماما تعاي..

الالم الي بظهري حسيت انتهيت كلش،مكدر اكوم..

منا عباس يرافس ويذب روحة الكاع يريدني،..

-يمة وليدي يظلام ردلي ابني خليني امشي لبيتي..

ازحف اريد اوصلة مكدر ضربتي جانت بضهري على الطاولة جانت..

.....................

باقـــــــــــر....

شوي ورجعت امي تنهت و تبجي وهي تتحسب الله عباس بيدها ميت بجي كد البجي يبجي بلا صوت حتى صوتة رايح

هو شافني بالباب كاعد مد ايديه الي

اخذتة من امي وهو يشتكي بصوت مبلوع من كثر البجي

-هناك ماما جيبها

باوعت لامي

-وين ام عباس..

-يمة مدري والله رحنا لاخوها نقنعة ما دخلوني بس هي شوي وطلع اخوها...

وهو يسحل بالولد مفرفر بجي وكال عايشة ما يشرفها تكون مرت خاين للبلد..

-استغفر الله معقولة متفقة وي اخوها ترحين توديها وما ترجع شو ما اصدك

-يمة على اساس تقنعة يتوسط يطلع عبد بس انة عايشة ادري بيها متقلبة احتمال قنعها بس هل ولد شنو ذنبة عافتة

-يمة مدام ما سمعنا الحجي منها يعني اكو احتمال مو صحيح...و نشأت يكذب...

رحت لعمامي بس مبين هم اصلا مرايدينها ولو لا عبد من زمان طردوها

-هاي مو ثوبنا ابني مال اطخ راس لاخوها ابد ما تعرفة نذل و احمد ربك انطاكم عباس احسن مما يتربى على عاداتهم و تخرب تربيتة ويظل يشرب..

والي ببطنها بس تجيب ناخذه... خل تبقى عود من يطلع اخوك يتصرف.

هي مبينة مرة كدامنا ما حشمتة وكالت ما اريده هاي مو مال تتحمل حلوة ومرة وي رجلها
-عمي يعني ما تجي نرجع مرت اخوي

-لا عمي وانت هم لا تروح..

عفت عمي وانة حيل مهموم صغر سني و كل هذا الهم هسة حسيت بيك عبد شكد جنت شايل همنا..

وكفت يم باب بيت نشأت طلبت اشوفة الخدم رجع انو مموجود

طل