-لاع موش هيج بس شنهي اعشكنك شني طايحة حظ انة واتمعشك...

-لازم تحبيني رجلج و حلالج

جريتها صارت فوكي وانة العب بشعرها و كتلها

اسولف عن بغداد وحجيتلها عن البنيان هناك وطبيعة وادمهم...

و رجعت حجيتلها عن السينمات ودكة جماعتي بيه...
-كل اسبوع مسموحلنا ننزل يوم و نص. اوكات اروح للحلة اوكات افتر ونروح سينما

مرة اخذني ولد من بغداد هو...
سينما بس شنو الفلم جان كلة طياح حظ.. يعني مو كلش بس تعلمت شغلات منه

رجعت وخرت عني وهي تخلي ايدها على صدرها متعجبة

-وشموازيك تباوع طياح حظ جا انت سيد شبقيت للعوام...
شفتة موخوش فلم اطلع...

الا اكولن عليك لعمي عبد.. خل يربيك تباوع طيحان حظ

كعدت و جريتها تريد تروح تفتن

- ولج لاااا تعاي نتفاهم.. هو تمثيل بس ما عجبني وطلعت....

-هدني اهووو شني اسكتنلك وتروح للطيحان حظ.. غير اخافن عليك اكولن لعمي عبد الله يسنعك و حتى توب...

-ما ترحين سمعي مني ولج... شوفي... انت مرتي تضمضميلي مو ترحين تفتنين الفتنة اشد من القتل.. خليج محضر خير..

-جا شلون تباوع طيحان حظ جا كلت فشلة من رب العالمين انت تصلي تصوم..و تريدني اضملك حتى باجر رب العالمين يحاسبني لان سكتت عن شي موش حلال شي بيه طيحان حظ...

رديت بخوف لا تروح لعبدالفلم انجبرت اشوفة بس من صار كلش امور مو حلوة خليت وطلعت
بس بقى ببالي الشفتة اطبقة وي مرتي وهاي شهرتنا...و فضحتنا الا تروح تحجي.

-گمورتي. انت مو كلشي احجيه تخلي بذان امي او اخوي
تعاي خل اراويج الطيحان الحظ الشفتة ترى اخذت اجازة على مود اجيج..واطيح حظ وياج...

-يااع اخذت اجازة حتى تسويلي طيحان حظ..
شنهي مامش نخوة حمية..فشلة تعلمني على الطياح حظ والعباس افضحنك.. واخلي عشيرتي تدكك...

خليت ايدي على حلكها اسكتها و جريتها الي....

بفورة شبابي واني متلهف... اعيد التجربة مال اول ليلة عرسي بس هل مرة بجرئة وامور جديدة...

شوي و حضنتني و نست لازم تروح تفتن.

-جا تعضني بركبتي واسكتنلك الا اعضنك شوف حتى لو تطكني موش كمرة تنعض وما ترد العضة عضتني سكنة رديت العضة يومين ايدها مورمة...

صحت من عضت ركبتي بس لزمتها من مكان رخت عضتها و همست
-ليش.؟

.
.

ماخذ راحتي وياها كلش جن الباب يريد ينفتح بس قافلة وامي تكول
-خايبة كمرة شمالج قافلة الباب

صاحت

-موش انة ترى....
قاطعتها بحلكي على شفايفها اسكتها ورجعت وخرت و اخلي ايدي على حلكها...

و اهمس باذنها

-يطكوج لا تكولين انة يمج... شوفي كليلها جنتي نايمة وهسة تفتحيه...
وخرت ايدي واخزرها بس.داخلي متخوف. من اخوي...

كسرت حجايتة اكيد يلعب بية طوبة...

بس حرام يمنع مرتي مني... و خلا شرط

-عمة نمت و هسة كعديت ع دك الباب جايتج افجنة..
كمت البس بملابسي بساع لبست قميص الجامعة وما دكمتة مستعجل.
هي لبست ملابسها و لفت الفوطة.

-فتحي شباج غرفتي...

وانة طفرت من الشباك غرفة امي وغرفة عبد وي عائشة.. شباكهن ع الشارع و بيهن شرف فلكلورية عكس غرفتي حديثة بنيانها ضمن الملحق

بطفرتي اجت ع حجارة متت حافي ظليت انكت برجلي الم..

رفعت راسي شفت العلامة مار وشافني صاحلي

-سيد باقر... خو ما بيك شي يابة... ليش من الشباك...
بضحكة كلت

-مولاي ما لحكت اوصل ولوني وليةامي واخوي.يتيم مالي احد مظلوم يا عمي.. و هاي امي تريد تطكني وشردت..
مولاي عليك بعزازك لا تكول لاخوي شردت من الشباك...

ابتسم وهو ينصحني
-سيدنا... اخوك يريد يحس بيك كبرت.. انت تزوجت... و بعدك.. تكمز من الشبابيك امك لو ما شافتك غلطان ما...

سكت السيد وباوع صافن بية استغربت خاف لان دكم قميصي مفتوحة دكمت بارتباك.

الرجال انحرج و دنك وكال
-الله يهديك وليدي... رجال مزوج تكمز من الشبابيج.

وراح... رحت درت اريد ادخل من الباب لكيت عبد مخلي علاوي بجانب حضنة و عباس ع رجلة الثانية...

رجعت لبدت شلون سالفة هاي... هسة يكلي وين جنت وحافي...

رفعت راسي.... و بديت اشلبه الحايط طفرت جنت ناوي من الباب افتحة لان ادري ما مقفول وادخل..و ادور ورى الحديقة وادخل من شباك غرفتي...

بس عبد كاعد هناك

درت ورى الحديقة...

لكيت مفتوح الشباك دخلت وانة اجر نفس

-الحمد لله فاتت... ما يرهملي الغش... جا انلزمت...

لازم اسبح....طلعتلي ملابس....
و طلعت من غرفتي لكيت امي كاضة كمرة وتكللها

-خاف مريضة ليش عركانة.و ترجفين هيج من شنو خايفة يمة

-مامش هيج مو تطكيني. بس عركت محترة اروحن اسبح . ....

- تردين تسبحين الجو بيه برودة مو اخاف تنشلين هو وينة الحر يمة.

كمرة تدنك وهي مرتبكة
-لاع انشف بس خل اسبح وسخة....

-لا يمة ما بيج شي شو تلجين لج...
رفعتامي راسها... وشافتني...
-ها يكلب امك.. كعديت...

سويت روحي اثاوب
-اي توني ما لحكت انام ما ارتاحيت صوتكم شعلوه و منا اريد اسبح اذب عرك الطريق...

-هاا اي يمة سودة بوجهي... كعدتك ادك الباب على هاي المطفوكة قافلتة عليها وخفت بنية حديثة احاجيها مترد كلت بيها شي جاي اصيح لخويك يكسر الباب...

ضحكت اصنف..

همزين ما كسرتم الباب تشوفون اشياء تصدمكم ..

-ياا شني هاي النوب.

لاحكت روحي

-اقصد كمرة هههههه يمكن جانت تلعب بيت بيوت بحدها ومتريد نعرف...

هزت امي ايدها...
...- خايب خليلك خوف على هاي الطفلة هم محسوبة عليك لويت ذانها اذا تقفل عليها غرفة وهي وحدها.

باوعتلها بنظرة و كلت...
-ولج گميرة كون امي تشتكي منج وتقفلين عليج غرفة.... الوي اذنج....

باوعت وسعت عيونها لمست بكمرة ع الفطرة صريحة.. ما عدها مكر ولا حيل..

-جا مو انتة جنت...

بلعت ريكي خوف من امي وسكتتها

-اششش ولا كلمة كطعي نفس... مفهوم مو لو....

امي تتوسل عبالها صدك معصب واريد احاسبها متدري تلاحكت لروحي.

-يمة على كيفك انة اتكفلها ما تعيدها اذا عادتها انة اجيبها بيدي تحاسبها يمة شحلاتك كبران و تأمر وتنهي....
بس هلا هلا بمريتك علمها بالتفاهم...

بس تغلب طبع گمرة..

-شني.جا اسكتنلك الا افتن....عمة . موش تدرين يعرف طيحان حظ جديد عبنة يعرف وادم موش راحة مقشمريه و معلميه هذا الشيسمونة طيحان الحظ الجديد...تمثيل تمثيل هيج يسمونة

امي ما فهمت عبالها تغلط علي كتلتها كدامي

-امشي للحمام الثاني سبحي و انعدلي تغلطين على رجلج ولك باقر لا تصير رخي هاي مو مال تتفاهم وياها هاي مال صوندات

تبجي وتكول...
-ما غلطت هو ابنج كام يسوي الطيحان حظ انة شعلي...

دفعتها

-خايبة دمشي فوك الطابق الثاني اكو حمام و سبحي خلي الولد يسبح سودة بوجهي تويعبان وعركان...وانت تداهرين... اوف يمة حظك بهاي الجاهل بس تكبر تسنع...

عدلت امي شيلتها وكملت.

-اخوك جنة زعلان يكول البنية بغرفتها حكها وباقر ينام بالمضافة او اي غرف البيت جبير..
يكول يتهمني ورطتة. هاي الورطة وخرناها من يمه ورى ما يتخرج يطلبها ويبقى الخيار الها.
والله ضجت يمة....ليش هيج محاجي اخوك الجبير تعب ورباك... ويعرف مصلحتك..

هاي هي اخوك قرر عود ورى ثلاث سنين اذا تريدها الا يخليك تتوسل....

حكيت علباتي مصفن... واضحك....ما يدرون بالسويتة من وراهم...

رجعت گمرة وهي تبجي

-ليش ما تصدكيني ابنج يسوي طيحان حظ.. هو كلي شفت فلم طيحان حظ خلي نسوي مثلهم...
و...

رحت جريتها للحمام الجوة

-سبحي وبسج من طيحان حظج

-يع والنبي موش مرجوة منك تتهمني اسوي بطيحان حظ جا منهو الي ظل..

-خايبة سبحي بسكتة...كر. كر... شكد تحجين

دفعتها داخل الحمام وسديتة وامي ترزلني

-يمة ما رايدها بس خطية لا تحسسني اذنبت زوجتك هل كمرة...لا تظلمها هاي بسمك مسماية بس خلاص ما رايد خليها لمن نشوف.تاليها
هي هم فاهية كلشي ما تعرف ما عبالي هيج
جاهلة الفكر...

ما جاوبت امي بس كلت اصعد للحمام فوك اسبح

صعدت....

ضايج من تدخل عبد.. يعني واحد يريد..ياخذ راحتة وي مرتة

النوب ادوهن من اشوفها هو هذا العشك؟ ااخ يباقر طاح حظك وكعوك بمرة و عشكتها....
بس اخوي جنة زودها يقبل ادخل وي نسوانة واوز وامنعهن منه

النوب الغرفة انطوها الها... وانة انشمرت هي هاي المرجية منك خوية

واكف كدام مراية بالحمام وسعت عيوني

-لج يا مفترسة... اثر عضتج مبينة

اكول سيدنا العلامة صافن علي بلة شيكول...
اخذت محكاكة الرجلين و كعدت افرك ركبتي حيل زلغتها اضيع العضة صلخت مكانها...

عبد الله...

العب وي جهالي مر بية العلامة...
كتلة تفضل..

-لا ابني اريد اروح للجامع مريت بابو كريم
بس قبلها شفت شغلة ما حبيتها منك عبد الله

-يا ستار شنو اذنبت مولاي.

-والله ما عولت اسلم ع ابو كريم و اجيك. ابني.. اخوك كبر لا تعاملونة مثل طفل رجال مزوج وكبر ع اقل شي تضربوه ما يصير وليدي.
يعني زحمة شواربة..وهو هم يتيم هلا هلا باليتيم

كسر خاطري شارد منكم ويكمز من شباك خايف من امه و اكيد منك...

عكدت حاجبي
-مولاي اخوي بس اجة نام ما شفناه..

صفن العلامة واستحى
-هاا يجوز انة متوهم مو باقر الكمز ها يعني مو بيتك غلطت ب....

سكت.. ما عرف شيرد...

وبس يمسرح لحيتة صافن..ابتسم وهو كلي

-سولفتلي عن اخوك ما راغب مرتة ويتهمك ورطتة وانت خليتلة تقويم.. انو تمنعه. كتربية روحية.. لشاب

-اي صح مولاي ردت رأيك... حتى بس يعترض على امري بالمنع... القي الحجة علي ومو كل مشكلة تصادفة وي حليلتة يجيني انت السبب انت دمرتني ورطتني او يفشل بالدراسة ويتهمني.

حبيت انطيه درس بسيط... بتحمل المسؤولية...

-اها اذن يا عبد الله احذر مكر الثعلب الي بداخل اخوك...
و تأكد مخططك ما يخترق

-يعني شنو..اعرف يمكن سوايتي غير محبذة شرعا وحرام علي.. بس غايتي اعلمه درس...

كام السيد وهو يبتسم بضحكة
-يتعلم يتعلم بس لا تأمن... اخوك مو طفل مثل ما تصوره..

خلا وراح وانة مستغرب...

دخلت الهول..

لكيت باقر توة نازل من الحمام الفوك...
و ينشف بخاولي شعره

- شو فوك...
-اي الحمام الجوة مشغول...

-اها...

بيدة ملابسة العسكرية ولابس دشداشة...

ومبين مرتاح وجهة مورد

لمحت ركبتة مزلغة

باقر بيش متعور...

-مدري شكرصني وحكيتة بمحكاكة الرجلين..(المحجارة)

-مو هيج يابة صالخ جلدك..المفروض تعقم الكرصة..

شو تعال.وراي

طلعت ادوات تعقيم عقمت جرحة ولصقتة بلاستر..وكطنه..

-بالشفا ابني

-مشكور يابة بس وين كمرة اهووو شكد اضوج من الاسم ثقيل منا ورايح اسمها قمر..

باوعتلة وارد اشوف وين يوصل بلة...

كلام العلامة يرن بداخلي لاتأمن داخل اخوك ثعلب...

شوي واجت كمرة..
-توني خلصت سباحة من ورى طيحان الحظ
مالتك... بعد موش اغبلن ذبيتها براسي وطكتني عم...
سكتت من شافتني....

ركزت بحجيها
-شنو يابة؟

شفتهم مرتبكين... .

وباقر انطاها ملابسة

-غسليهن وسمي عليهن مدري شنو فات عليهن من علكتهن بالحمام حشرة

و طلعي الملابس من الجنطة وكلهن غسل يلة بساع

تدخلت
-لا ما تغسلك انت مو ما معتبرها..

زعل باقر،جر الملابس من مرتة حيل

-يااع شنهي،شبيك عورتني ابو طفكة شمالك....
-لا تجاوزين علي حذرتج...

وصاح امه
-يمة غسلي ملابسي

اجته خالتي وهي تباوعلي غمزتلها بسكتة ضحكت وهي تحجي....

-يا يمة المن زوجتك بعد عدك مرة وتغسلك جا انة للتالي،..

ضاج كلش..

ابتسمت وكتلة

-اغسل ملابسك بنفسك كمرة مو خدامة من تعتبرها زوجة الها حقوق و عليها واجبات عود آمر،عليها

طلع وهو ساكت بس يخزر بكمرة لان طاعتني

ما طاعته

اجت يمي

-عمي اكلك شغلة مو تكلة علي عبن يطكني. ترى ولد ماخذيه يشوف فلم طيحان حظ..

-يعني شلون

دنكت...

-طيحان حظ جديد هو هيج...كال تمثيل تمثيل
هو هيج يكول كلش طيحان حظ جديد...

-يمتة كلج مو جان نايم هو... انة مو موصي خالتي تفهمج يابة نفذي الوصيت خالتي تكلج بيه الله يرحم هلج.. اريد الوي ذانه

دنكت
-جا انة شسويت هو كالي على طيحان الحظ ترى موش يمة هيج بعيد واكف ويسولف ابد ما شفتة
-ماشفتيه.. واكف بعيد لا تخربطين يابة ارسيلج راي والا....

هزيت ايدي وكملت...

-شكلج والله. روحي،يابة روحي،... و اذا سولفلج طياح حظة وصبغة مرة الثانية عوفي المكان

-لا عمي هو ممباوع فلم طياح صبغة بس طيحان الحظ الجديد... هو كال.. بس انة ابد ما كعدت يمه.....

-والله يابة طيح الله حظكم ثنينكم...

هزيت ايدي وصحت سكنة

-سكنة يابة ام عليوي جاياتج...

-صار من عيوني

-تسلم عيونج...

رفعت وجهي لكيت عايشة مدت راسها وهي تخزرني

غمزتلها بعيني...

هاي يهي التغار اراضيها بغمزة...

صحت باقر

-وينك يابة تعال سولفنا شنو ما شنو شخبار بغداد

صاح
-جاي اغسل هديماتي بالطلعة..(طارمة ) ماكو رحمة عدكم رجال تعبان من سفر السيارة قبطت وكلت شنتظر مستعجل لشوفتكم

والله كضيت الطريق بين واكف يم باب المنشاة و بين على درج الباب كاعد.. تكسرت وروح ذاك الاب الطيب...

رديت بعلو صوتي

-تستاهل تستاهل يابة...

بيوم من الايام خابرت وديعة واجت عايشة تبجي

-وديعة مريضة ورجلها مو هنا مسافر

خل اروحلها خيتي هاي

-لا عايشة ما امن بيهم اخاف عليج

-والله ماكو شي اصلا نشأت يريد يصالحك

-عكارب ذول يابة عكارب ستري علينا

اندك الباب وانتهى الموضوع
طلعت ودخلت خطاري التهيت وياهم...

و بقت عايشة تلح..
هم كلت كل ممنوع مرغوب و اختها هم حرام امنعها تداريها

وصلتها بيدي وشفت نشات راد يسلم دخلت سيارتي وحگرتة.

وصحت ع عايشة

-طلعة ماكو.. ودربالج ع ابنج....
لا يطلع بالشارع ممنوع

اي غريب يجي انت بغرفة مطلعين

-تدلل ابو عباس

-ما يدلل عليج ظالم..يا الله

عايشة...

فرحت حيل من قبل اواصل اختي واخوي

تعاتبنا وتحاضنا

كالي نشات
-حاتم رجع لجماعة ميشيل عفلق..و انة وياه اشتغل هذا عبد الرحمن عارف ضعيف بسرعة ناخذ الحكم...
بس ناخذه نصعد...للأعالي... والله اخاف احاجيج تزعلين لو باقية ع حاتم شوفيه صاير شحلاته

و راح تصيرلة مكانة...

ضلمتي روحج بهذا السيد الشيعي.. ضامج وخانكج حسرة عليج الطلعة...
-اهم شي احبه وابو بيتي وابني خوية سد الماضي بعد انة صاحبة بيت وطفل...

-تعال يا بطل..

باوع عباس لخاله و كف كباله
-ابودي اريد ابودي... ماما انلوح بيتنا(عبودي اريد عبودي /نروح)

شالة نشات وهو يفشر عود بشقى ويشيل الولد ويبوسه(الفشرة الي كالها تعني سمسار وبالعامية تبدي بحرف گ)

رديته بزعل
-خوية لا... تعلمه هيج

باوعلي وضحك
-والله من ورى هذا ال***** اريد ازوج واخلف....
(هم فشر كلمة تعني ابن غير شرعي بس بالعامي و تبدي ب ن)

ضحكت وديعة
-موجودة المرة صديقتي.... حلوة ومناسبة

-خطبيها واخذي عيوش تخطب وياج

ردت عايشة
-رجلي ما يقبل اطلع

وديعة:
-يابة جيراني مو بعيد شمدريه رجلج عاد مو كلشي وكلتي رجلي ما يقبل... هو همجي ما انسى طردته الي هاي ورطة ورطتينا بيه

سكتت...

-بس انت كذبتي خابرتي كلتي مريضة شو طلع ما بيج شي

ضحكت

-حنيت ايام قبل هاي مجمعين ثلاثتنا...

عازمتكم مطعم

-ما اطلع....

رد نشات
-عوفيها عوفيها
مر اول يوم عادي بس ثاني يوم بالليل...

فرشت انة وابني جن اسمع الضحك
على كيف مديت راسي لكيت نشات وحاتم بالهول ويسكرون..
هاي وديعة شلون تقبل يسكرون ببيتها

دورت قفل الباب ماكو...

ما لكيت شي اسد الباب ظليت اتكلب وهذا ابني كعد الا يطلع يفتر بالبيت هناك هيج طبعة بحيث ابوه يسد الباب...خاف يطلع ونايمين

مالحكت ركض ورحت وراه بس خفت اروح للهول

خفت مو بيدي ثنين سكارى وحاتم ما اطمنلة

اباوع بسكتة من الباب بس ما دخلت ااشر لابني بستة بيدي اشارة تعال
بس ابني بالة مو يمي يم ذول اليتمضحكون
وهو كابلهم يضحك عبالة يلعبون وياه
مكابلهم وكام ياكل من المزة الخيار.
و الزيتون...

و اكو حلويات هم...

وراد ياخذ من بطل لطمت خدي

نشات كلة
-ها ابن السيد ولك(نفس الفشرة ام ال...ن )

كض ابني و عصر حلكة فتحة و يريد يفرغ ربع كاس بحلك ابني

ركضت و ادفع بيه والله حتى ما ركزت بلا حجاب و بدشداشة ربع ردن انام بيها

اهم شي جان وليدي شلون خالة يريد يشربه عرك

بس نشات دفعني وشال الولد الي خاف و بجة

-الوح بيتنا... ما اريدنك انتة مو حلو(اروح)

خلا من الكاس بحلكة وابني يتخوء و يتفلة بوجه خالة

تضاربت وي نشات

-ولك حقير هذا سيد نتنكسة بنكاستك عوف وليدي ويعةةةةة وديعةةةة لحكيني خية

حاتم كاعد بس يتفرج و عينة على جسمي...
الي مليان بسبب الولادة والزواج بس مرتب

كام حاتم اخذ عباس من خالة..
ابني مفرفح يمسح بحلكة ويتفل لعبانة روحة من السم الخلاه بحلكة

-عايسة هذا مو حلو.. كخة... يحلك(يحرك)

حجة حاتم... مبين ما سكران.. واعي

-نشات عوف الولد لامه.. شلونج عائشة.. حليانة

اخذت ابني وركضت غرفة وديعة دخلت عليها نايمة كعدتها

-اروح البيتنا ولج كعدي اخوج يشرب ابني عرك

فتحت عيونها صفنت شوي وشوي كالت

-منو نشات؟ شنو جا.هو شرب
-انت نايمة وبيتج مسويه مشرب عرك ما تخافين الشيخ يجي ويشوف هاي الحالة

ضحكت
-ابو حمد يشرب.. ومن يجي يتسامر وي نشات

حسيت انة بمستنقع.. لازم اطلع منه
وصدك بس صبح صبح.... كتلت اروح ردت اخابر عبد
بس نشات تعذر وطلب ما احجي وكال جان مو بوعية سكران وكال هو يوصلني.. بيتي.
.......
-

عبد الله....

يومين قلق. مو بيدي اول مرة انطي لعايشة اجازة زوجية ممتعود تبات برة بيتي..

الصبح اليوم عطلة... صليت الفجر ورجعت نمت كتلهم نا اريد ريوك...
للعشرة الصبح...كمت سبحت و كعدت بالهول..

اقرا قرآن بالهول..
جان اجت سكنة...

خلت كدامي بطل بيه شعر وريش....

سلمت و باوعت مستغرب

-شنو هذا...
-لكيت هاي ام الاهوار.. مدري شتقرا عليه تابعتها لكيتها تضمة جوة كنتورنا خليتها تطلع و طلعتة

شوف حل هاي تسويلك سحر اكيد عينها عليك

كمت اهادد
-انت شتحجين اششش لا تكولين باقر زغير يسمعج تردين تدخلين الشك بگلبة علي...
و تتخارب خوتنا..
هاي مثل اختي الزغيرة..

-لا... ترى حيالة دائما تكول باقر موش خيالي هدوني لعبد الله اتمناه

-زين راح امشي وياج.... وحدة وحدة منو يكول هذا صدك سحر اعوذ،بالله من كيدكن.. جائز انت جبتي شعر و ريش و عبيتيه عود سحر

-هذا شعرها اصفر
-يتحصل باي طريقة وهي نايمة او اي طريقة انتن امهات حيل يالنساوين. حاشا الي يخافن الله...

دكة ع الباب..قطعت كلامنا. رحت فتحتة جانت عايشة و عباس موصلها نشات

دخلت سديت الباب واجه نشات منطيتة مجال يسلم..
ما ارتاحلة

-شعجب جيتي

-اليوم شفتها زينة ورجعت ما كدرت ابقى اكثر متعلمة عليك..

دخلت و باوست سكنة الي لوت حلكها

ورادت تفوت غرفتها

صحتلها
-لا...تعاي يابة وين رايحة مو ذبيتي حجاية شكبرها ورحتي

-حجيت الصدك

البنية مو راحة وملفيها...عينها عليك سحارة تسحرك عينا خايبة عايشة مرت حماج عينها على رجلنا ما تارس عينها بويقر...

صحت بيها اسكتها...
-اش ولج اش..صوتج تردين تسوين مشكلة وراها مذابح بين خوان

تلفتت خالتي واكفة وعيونها نار على سكنة ويمها كمرة...

-ولج تطعنين بشرف بت اخوي

اليوم انة الج اراويج نساوين الهور شنو فعلها من ينداسلها طرف...

كفت ردنها وهجمت ووياها كمرة

ما احترمن وجودي

-يابة مو هيج انة احلها بس ع كيفكم خالة انت يا يوم تهدين... انت الجبيرة

-اربيها الك تاخذ بشرف اليتيمة وانت ساكت

-ما ساكت خلوني القي عليها الحجة وادبها

هزت كمرة ايدها
-يا حجة يا مدري شنهي هة هووو هة هووو
شنهي اسكتن لا و لا اسكتن

تعالي الا اهلسلج شعراتج من زمان متحلفة بيهن.

لزمتها من شعرها.

لا اكدر احتك بيها والزمها
-يابة عايشة حاجزيهن. يمعودة مو هيج وين احنا(مدري تذكرني كمرة بمنو هاااا بام فزعة الي شاف تجاوزها يعرفها هل تافهة الممترباية 😒)

نزعت كمرة نعلها ونزلت بسكنة الي تصيح

-خايبات موتني عبد وخرهن...

عايشة تحجز بينهن... و الضرب يجيها مدري منين...

صحت

-بسسسس ماكو الي احترام...

شوي ودخل باقر جان يشتري مسواك يسولة كليجة ياخذها وياه باجر يسافر

شاف الحالة وركض جر كمرة

-ولك سفاح الهور...تفرهدنا وعلي...

حضنها حتى يبعدها عن سكنة وهي تريد توخره

ضلت بعكسها تدفعه ببطنة

-خايب شني عوفني اعوفنها عايشة ذاك اليوم كلتلي هاي من تحجي هيج تغصدج انت وعبد عدكم موخوش تغصد اريد اسوي طيحان حظ من وراك وي اخوك...

-ولج.... هدي هدي ابو ذراع الطرشة مو ايد موتيني بطني انزرفت . يمة شبيجن...

ردت امه ترزله وجها الاحمر من العصبية
-اسكت يالفاهي ما تعرف بحيل هل نسوان انت واخوك اكبر فاهين

صحت. و اجر بسكنة ادفع بيها للغرفة وسد الباب عليهم

- تهجمين بيوت...باقر حگ الحجي الي نكال اخذه من عيون هل سكنة لشيل هم يابة

عايشة...

هنا باقر لزم كمرة من شعرها

-شنو هذا الحجي نسوان طايحات الحظ.. تردن تفرقن بيني واخوي ولج هذا ابوي مو اخوي

تبجي وتشاهك تريد تخلص شعرها

-موش انة.. هي تكول... وعايشة علمتني اردنها

رديت لا يجرني طرف بعركتهن...

-ما كلت تطكيها... بس وكفيها عد حدها.

-ما استحيتن من اخوي

ظل يدفع بكمرة

-گمرة ... ما اشوف رگعة وجهج.
يمة الي وياج عتاب..جا انت تهدين الوضع لو تشعليه

بقت امي مصفنة من رد فعلي الحازم متعودة علي ماخذ،الحياة ضحك ما تدري داخلي جبير بس ما احب اكسر خواطر.

بس الفترة القليلة بالكلية علمتني ضبط النفس الكلام بثقة وحزم...

رغم احيانا يبقى هناك من باقر المرح لان الطبع غلب التطبع....

دنكت وكالت

-تتهم مرتك بشي باطل عليه كسران رگبة ويفرقك عن خيك فلازم تتربة

-ماكو شي يفرقني عن اخوي غير الموت...
لا نساوين ولا سوالف عرايكجن

-يا بويقر هيج صاير،تحجي

-يمة اخوي متعوب مكسور ظهرة من زغره

يجي بيتة يريد يرتاح اذا مرتة خبيثة ما نخليها تستفزنا. ننطي اذن الطرشة واخوي فاهم قابل يصدك حجيها.

اكيد يستجوبها ويأدبها... بس انتن تدخلجن ازم الوضع لا تخلني اعزل بيجن عن بيت اخوي الرباني واخلص من الطلايب

صوت عبد الله الي مبين متأثر بالصار وخجلان مني..

-احسبها بوجهي ابني... اخذت المقسوم اكو ناس تجيب الأهانة لروحها.
شكد ما نتلطف ونكول كائن رقيق ولازم نتلطف بيه بس السرائر اذا تكون مسمومة و النفسية الحاقدة...

تعلوم و نصائح متفيد... اضطر للضرب حالها البهائم هم البهيمة تنضرب مرة تتعلم.. الا هاي تزيد...

كل عذري غيرة نسوان وغيرة سكنة بحقد

-يابة لا تبرر ما مهتم لان اعرف شنو گمرة وتربية خوالي شنو واعرفك شنو..

بس يا يابة اذا ما مرتاح و مرتك يومية طلايب وي مرتي وانة بعيد...

اكول اخذ الطابق الثاني. كفا للطلايب

-ما اقبل... التغلط تتحاسب شنو احنا نخلي وحدة بكد الفصمة تسير زلم مشوربة

فرحت من خصصني زلمة وعلي الاعتماد

-التشوفة يابة.... و انة هم راح افهم كمرة تجنب المشاكل

ردت كمرة بصوتها العالي
-شنهي،انة هم تحجون علي هي العالت بية لو هاي كرابة السيد ما تنطون بيها

صحت بيها
-اش جا انت هم كرابة سيد باقر وسكنة كرابة سيد عبد... و الغريب بيجن عايشة

ردت عايشة مبوزة

-مكرودة يا روحي... هاي تاليتها كرابتكم يتعاركن والصيت علي..

شوي الجو تلطف. و عبد طلب من عائشة جاي

-جاي يابة...راسي صدع

-تدلل.. بس الحك.. ادخل جنطة ملابسي نساوينكم تلكني بالعرايك..

عفتهم وجريت كمرة بس عبد كلي..-ها يابة وين..
مو انت ثلاث سنين... يا الله عود هااا عود تعقد محكمة....

قاطعتة
-يابة اريد افهمها لا تتعارك هم محسوبة علي

-لا يابة شكرا هي شافت شصار،وفهمت.
وهي صاحبة الحك وسكنة تجي تعتذر...

-جا يابة مو هيج... غير اريد احجي اعلم..

-امك تعلمها ولو الحجية ما قصرت اليوم... بدل ما تهدي شعلتهن شعل...

باوعتله امي و فتحي اديج و غمي روحج
ثلاث مرات بعدها معصبة
-امداني امداني امداني... زلم مشوربة عشتو..

شوف عبد باجر تطلع شغلك تسافر و سكنة تكول شفت رجال غريب طب بيتك..
تتهم باجر بنية اخوي... شتكول...

-ما تسويها... لان تدري ما اصدك بيها ابد..

و ماكو دليل

-هم من تروح اهاليتها تلفق وتكول مرت اخوه عينها على رجلي..

-خالة شنو الترديه موتتها دك...

-مو حل..الحل انة اعلمنك لانك فاهي هم..
تروح تدز على ابوها امها اخوتها وتكول الهم بالصار.. هم يربون بتهم.. و تخلي كلشي كدامهم باجر كلشي يصير

-اهووو خالة كتلج ما تعيدها وحتى ترتاحين اطردها لاهلها واحجي لابوها.. بعد تردين مني شي بس خل العصر اخذها هسة جسمي تبيرد من الهبطة مال عركتجن..

-اريد الامان والستر لبنية خيي هي مو بس جنتي..

-بشري..

رديت
-يمة كافي لا تزوديها وتأزميها مرتة وحاسبها

-ابني انة اعرف ام جعفر ما ترتاح الا تهجم بيتة من جانب وتهجم خوتكم.. طلابة ثار مني.

اروح امدد روحي راسي وجعني يمة كمرة ما تحتكين بهاي فكينا المشاكل تعاي يمي بنيتي

باوعتلي كمرة بخزرة...

فخزرتها وكتلها من ورى خشمي

-هااا شنو بعد هم تخزر حجي شقاوة

-جريت شعري طيحت فوطتي.. ما اغبلن بعد تجيسني عبن انت موش صاحب نخوة

خلت وراحت هزيت ايدي

-ها يابة استلم... بلة شسويتلها طلعت حركتها بية مو اكلك مو مال زواج ورطتني بعد وشيعالجها

ردني
-لا ورطتك ولا شي ما ردتها باقية بعقد لمن تتخرج ننظر بامركم بس مو معناتها كدامي يابة ورطتني وبس ادور ضهري تتختل بيها

صرت احمر ودنكت بس لا عرف..او يعرف ومغلس علي

-ترى من اسبح الظهر وبالليل جسمي بيه حرورة من التدريبات طلعت علي بهاي الايام الي كعدت بيها.. ابرد بروحي يابة وين بالك الله يرحم الغالي

ترى ما بالي ابد مرة اصلا متقيد و.....

قاطعني
-اصص انت خاف ترسب حتى تذبها براسي لان زوجتك.. خوش حيال ولك شايفني غبي

ترى اشوفك تتسحب للغرفة مثل الحرامية

بس مغلس...

اكول هسة يحس ع روحة بس مال تنكر...و كدامي تسوي روحك ما راغب البت لا ما اقبلها

خلا وراح.. وانة قررت ما اجي بعد اكمل دراستي واعتمد شوفة امي على جياتها بغداد...

داخلي خوف من لهفة مشاعر واحاسيس...

وخوف لا تكون گمرة سبب ضياع مني مستقبلي كضابط...

ليلة سفري نام الي بالبيت الا اني اتكلب بالمضافة مشتاكة روحي الي لسة بعمر الورد..

وتريد دفو و حنان...
الشمس الي نايمة بغرفتي بكل براءة وفطرة الهور
ما تدري بلي يتكلب يريد يلمها بين احضانة ويحس بحنانها
ودفوها و يلثم بمفاتن التقاء،شمس شعرها وي كمر بشرتها يضوك طعم ورد خدودها

حسرة داخلي.. و كبريائي مانعني اروح لأخوي اوكف اواجهة اكلة يابة حس بية حس..
ليش تعزلني عن مريتي المن زوجتني ياها وعلقتني بيها يابة انة بعيدة دراستي..

والله من حقي بالسنة عشر ايام اجازة اثناء الدوام الرسمي(من غير العطلة الربيعية والصيفية ممكن اجازة عشر ايام ياخذها متقطعة او كلها بوقت واحد)

بثنعش كلها نايمة كمت كعدت وخرت عني الغطة
و انكت عركان ارجف حنين...
كمت اسحب.. باوعت بالممر.. الخاص بالغرف

بسكتة افتح باب غرفتي مقفول

-خوش معلميج
بس مو علي

رحت للمطبخ اخذت سجين وطلعت بالحديقة من ورى لشباك غرفتي وبجيتة ودخلت وي كمزة گمرة
-يااع منهو حرامي جايني والنبي اصرخن صوت واخلي ريلي الضابط يموتك

ابتسمت وكتلها همس
-اشش كمرة هذا انة.. ريلج الضابط...

-روح عبني زعلانة منك....

رديت وجسمي يرجف ...

-لا زعلين.. هو هيج ومانعيج مني. شفتي يا گنرة ما يردونا نعيش حبنا وعشكنا

-مامش حمية يا باقر.. بس خاف تقشمرني على مود طيحان الحظ

ضحكت

-لزكتي لو ادري ما حاجي الحجاية هاي
شوفي

كعدت على الجرباية و تقربت شوي افك كصايبها بيد ترجف واتنفس،كوة

-احم.. ماكو شي بين الرجل ومرتة اسمه طيحان حظ... اسمه عشك حب مشاعر داخلنا روحية بس الجسد يا گمرة رغباتة تخلينا نعبر عن حبنا بطريقين طريق روحي تغذية للمشاعر و طريق جسدي اشباع حاجة

تدرين بس احس صرتي بعيدة حسيت فقدت شي هنا بروحي..

گمرة احبج والعباس احبج... بس محتار بينج وبين مستقبلي...

شوفي اريد منج شغلة تحجين يم امي تكولين ليش تمنعوني من رجلي احبنه..

انت بيني تردين ابقى يمج بالغرفة حتى تحاجي اخوي ولج والله اذا بقى هيج الوضع بعد ما اجيكم ابقىالثلث سنين ببغدا

صفنت وتثاوبت
-جا فززتني على هاي شني انة زلمة واكولن اريدن اتمعشك وي رجلي غير انت الي تحجي زلمة خشن شاربك صاير ثخين وتخاف تحاجي اخوك

هزت ايدها

-انت طيحت فوطتي وملشت شعري هسة جاي مدري شبيك تحجي جنك نعسان وترجف وتعاي غنعي امي(قنعي ) جا روح لخيك و اطلبني منه
عبنة كال موش اغبلن بيك الا اشلعن كلبك.

-
جريتها لحضني اتوسل حبها
-مالج غرض بيهم خليج وياي. بحبنا

-ما احبنك ملشت شعري

-استغفر الله...
حضنتها ابوس بيها

-امش امش راح اصرخن وافزعن عليك عمتي وخيك شني جايني بس ع مود طيحان الحظ
-العلاقة الزوجية اسمها هيج و لا مجايج بس لهيج بس راح اسافر وتعلقت بيج حبيتج
وردت احضنج اشمج لاخر مرة كبل سفري بس ما مقسوم..
درت ورجعت طلعت من الشباك..

ثاني يوم جان ورى صلاة الفجر..

گمرة تسوي سياح تلوف السياحة بيدها.. جبيرة تسويها

تفور حليب دواب جابوه من الهور امس دزته مرت ابوها بيد اخوها الي مر بشغل للولاية

و زبد ودبة روبة

دهن حر..
هاي صوغة الناس البسيطة بس احلا صوغة ترم العظم

امس عبد ودة مرتة لاهلها..ورجع ضايج ما حجة شي بس انعزل... امي اصرت يبلغ اهلها...ونفذ وجن من وجهة منطوه اي حق...

ما ردت ضغوطات على اخوي لان ادري عايش صراع ضراير عليه و شغل وتعب يحتاج راحة نفسية و جسدية

بس بعد امي.. حتمت يسوي الكالتة لو تعزل عنه

شفت بعبد الله رجل يحب اللمة وميحب يتفرق عني...بسبب النسوان...

اسمع امي واكفة ترزل بكمرة

-ليش ما مزهبة جنطة رجلج

رفعت عيون زرك الي وكالت

-موش رجلي بعد هاي خربنا لين طكني من ورى ام زلوف وانتي مو كتيلي لا تصيرين رخية
ا

هزت امي ايدها

-هو يمتة جايج وخربتم.. والله يا الله حكمتك ربي و شنو يمة تتبلين علي انة يمتة وازتج ع زلمتج
شلي غرض بيكم رجال ومرتة

شفت امي عضتلها شفة عبالها ما انتبه....بس هاي هي اخذت قرار ابتعد مو حمل عشك كمرة ادريه يضيعني ويضيع حلم الضابط

-سمعت عمي عبد كالالج تكليلي گمرة موش خدامته يصخرها بس بخدمتة من يكول رايدها ويحفي عليها عود نتفاهم...

-وانت تصنطين كتلج بطلي هاي العادة

باوعتلي امي

-ها يمة ماشي

-اي يمة زهبت جنطتي.

طلعتلي جيس كليجة بالسوك شونه
-هاذ يمة تكروط بيه بالطريج

و هم حسبت حساب ربيعك

ضحكت
-يمة مشتهي اكروط بس يا حسره

-يا يمة شمشتهي جا كتلي من امس اسويه

-لا يمة بعد ما يفيد.. الي مشتهيه اااخ. حسرة بكلبي

-اسم الله سيدنا من الحسرات كلي شتريد والخميس من الفجر يمك.

عيني على كمرة...
-بطلت يمة مشتهاتي . الي ردت اكروطة تكروط و الوج بيه...معلميه علية يصدني....

استحت امي وكالت وهي صارت حمرة

-فلشك يا بويقر... شو ولك انت صاير بلا حيا..

طلعت و كمبصت يم كمرة جريت كصيبتها الطويلة

-هاي تضميها حرام هيج فوطتج لابستها والكذلة والكصايب طالعة المن لابستهن

-هم ملشت كصايبي روح خربنا بعد كمت تطكني موش بت ابو صالح تنهضم و تسكت بس اكولن فشلة زلمة مشورب و اردنلك الملشة

-جا انت اي واحد يسويلج شي لازم تردينها اله..

يا ابنية تأدبي....بعد رايح ما ارجع المن جاي اتعذب بصدج..

وسعت عيونها ولمعت بالدمع

-جيف يبن عمتي ناوي تعوفني وما تجي تشوفني
-انت الي ردتي هيج...

بست راسها
-اودعناكم

-والريوك
-عمي زعلان منج على دكة امس... اكروط بالكليجة احسلي و انعي حالي الما طال شي منج امس

كمت مبتعد من دخلت عايشة وبيدها عباس اول مرة يبين منحس ويبجي

-شبيه ابن اخو البطل. ترى انة بطل و هذا يفتخر انة عمة

ابتسمت على شقاي وبينت متوترة

-ما نام امس للصبح سهارى حتى عبد اخذه ينومة ما قبل.

برطم عباس،و اشر بصبعه بوجه امة هزة

-ما نلوح بعد اناك....(ما نروح هناك...)

-شبيه
-هااا هيج يتمضيك ويدلل ما بيه شي

خلت وشردت..

صحتلة
-عبيس لا تشلع كلب امك وابوك ولك تعال ابوسك رايح وما ارجع بعد سمعتممممم ما ارجع

باوعت لكمرة الي مدنكة تبرطم و خلت خبز سياح بقماش لفتة وبعدين بعلاكة وشدتة

جنطتي جابتها امي وهي تكول
-توصل بالسلامة يضنوتي...

اخذت كمرة الجنطة وخلت الخبز سياح بالجنطة...

وهي مدنكة تضم دموعها عني. ركضت شاردة ما ودعتني ولا انة الي رحت وراها بست امي

ولكيت اخوي بالهول يلاعب عباس ويكلة

-شبيك بابا مو عوايدك... هيج

-ما نلوح اناك عالو مو حلو(ما نروح هناك خالو.

....)

باوع لعايشة
-الولد مخترع من شي؟

-يمعود يتمضيك...

بوستة وخليت بجيبة فلوس.

وبوست عبد و لبست بيرية و البسطال و طلعت وعبد الله وراي....يزتني

-محتاج مصرف

-شدولنا راتب ومدللينا يتوسلون بينا بس صيروا ضباط..

-لا تصنف احجي صدك مو كلشي بالضحك الحياة تجارب ودروس نتعلم منها يا باقر...
دربالك على نفسك وتذكر انت حفيد رسول الله

مسلمك اسمه امانة تقتدي بيه وبال البيت وباخلاقهم ....

المغريات و الملذات هاي فانية يبقى بس الحمل الي مسجل فوك ذن

خلا ايده على جتافاتي وكمل

-بس اعمالك يا ابني.. اصدقاء،السوء،ابعد عنهم..
الشي وراه ذنب اعوفه. ادرس وانجح واتخرج

صلاتك...صلاتك بوقتها لا تهملها... انت اذا عندك موعد مهم بشغل او بالكلية مواعيد الدوام تروح بوقته لان تعرف هذا قانون لازم ما تخرقه والا تتعاقب
صلاتك هيج.. موعدك مع رب العالمين.. اقضي واجبك تجاه الله تعالى بوقته...

ظل يوصي يعلم دنكت بست ايده و جتفة ورجعت باوستة اسلم عليه

-دربالك على امي امانة الله ورسولة يمك
-هي الكل بالكل لشيل هم... بس على امك توصيني؟

دنكت شفتها ورى بردة باب الهول تباوع و ترجع تسد البردة وترجع تباوع ابتسمت

-دربالك على كل العفتهم يمك امانة...

جر نفس اخوي وذبه مراضي مكلت اسمها...

-ابشر ابني والله يهديك...

شفت البردة مسدودة عرفت راحت زعلت مني...

عبد الله...

راح باقر و عرفت اخوي صاحب كبرياء ما عجبة جرة الاذن النطيته ياه والدرس عرفت ناوي يروح و ما يجي بالعطل.

افكر بيه بلكت العسكرية تعدل من طباعة ولو هو من زغرة يحب المسؤولية بس هل كبرياء و التظاهر الي يدعيه شاغل بالي لا يبقى هيج طبعه...

ما قبل عباس يتريك..

بس يبجي ويصيح ما نروح هناك حسيت صاير شي ببيت وديعة مخوف عباس

و جية عايشة بعد يومين اكدلي ما طابلها تبقى

الساعة عشرة صبح كلت افره بالمنطقة..

شايلة وافتر بيه مرة نكعد يم النهر ومرة انطيه بسكت ياكل يصفن و يمسح حلكة ويكول
-كخة مو حلو حار. ...

-حبيبي هذا بسكت حلو

-بسكت حلو عالو مو حلو كخة. هنا.

اشر على حلكة.

-شنو عالو تريد اجيبلك كوجة(الو )

-اي توجة حلو عالو.كخة انا-)خالو/هنا

جاي ادخل للبيت و شفت نشأت مر وياه حاتم نفخت

بس ابني شافه وتخبل

-عالو مو حلو عالو كخة هنا..

ياشر على نشأت و يبجي.

تجاهلتهم ودخلت البيت صحت معصب
-عايشة بلة تعاي بسرعة

صاح عباس وهو يبجي بحركة ويمسح حلكة ويشتكي
-عايسة ما انلوح لعالو.. كخة هنا(عايشة /نروح/خالو )

اجت عايشة
-ها صحتلي هم بعدة يبجـ....سكتت من نظرتي

-بلة سولفيلي شضامة علي...

يتبع.....5945كلمة وقت ممتع.....

#خلف_الشناشيل_حكاية26
واحترقت بجحيم احضاني
الحلقــــــــــــــــــ26ــــــة

بقلم وئام البصري ام مصطفى

نــــــــــــــــــبــــــــــــــــــــــــــــــدأ🌹

عايشة

باوعتلة...

وخفت من المشاكل... ادري يروح يتعارك وترجع الطلايب

-ما متعود يبات غير بيتنا وهذا وترة لذا اجيت

-بس شاف اخوج فرفح بجي.

-اي مو نشأت ووديعة تعاركوا كدامة.

-ما مطمن عموما بعد ما ترحين...

رديت مبتسمة واجيت يمه... مديت ايدي على لحيتة اداعبه
-ما اروح هو قررت ابقى ببيتي

تعلمنا ع بيتنا صعب بعد اتعود ع اجازة زوجية..

هم اهلي ماتوا شعندي رايحة للخوان

-خاف نشات ما محترمج... وياج العركة... ليش تسكتين.. كليلي والا اتوبة منج...

بخوف من المشاكل....

-لا مو وياي بس بعدة ع طباعة خلينا بعيدين احسن

-اي هو هيج احسن.. هذا عباس اليوم كسر واهسي كلش...

اول مرة هيج منحس.

-هو طفل شافهم مصايح و ضاج...

-عايشة الولد ما يقبل ياكل يكول كخة. شنو مسويلة اخوج

دنكت وصارحتة بس مجبت سيرة طلعتي لابني...

يعني حورت شوي
-نشات بعدة يشرب ناسي البطل بالصالة تدري ابنك يفتر لمن يتعب وينام بس خلاه بحلكة تفلة ومنها لعبت روحة هو عبالة ببسي او من هل شرابت

-لا اله الا الله هل سم يخليه ع متناول الطفل..
ابني انة يشرب استغفر الله...

-هو بس ضاكة و تفلة لحكت عليه

-اخذيه سبحيه وسمي عليه هذا نكس ونكسني. انة هم اسبح وانت هم شنو هاي النكاسة وبيتي و انة رجال متدين...
(السيد وسواسي اي شخص ولو يكض بيده هل منكر لازم يسبح..)

-صار تدلل هاي هي بعد ما نروح...

-والله احسن قرار....
اخاف عليج و على ابني لا يفطن على خاله ويتعلم...

تالي حتى خلفه عباس تصير تشرب هذا الناقص.

-ترى عباس زغير يمتة كبر وخلف وخفت ع خلفتة

ضحك وكال يمعودة سبحوواا جايني بنكاسة اخوج لبيتي.... انة استنكس هذا اخوج وصاحبة وصوجي خليتج ترحين...

عافنة وكام.... وراح يطلعلة ملابس..

بكلبي كلت الحمدلله فاتت كون عبيس مو كل ساع يكضيها كخ...

النوب طفل شيفهمة انو يسكت...

.............

ورى ما سبحنة....
كمت العبة و خليتة يم كمرة تلهيه

التهى على لعبها وياه بغرفتها تكمز وتردح وتهوسلة وهو كام وياها ونسى...

و ظل مرة يفتر على روحه مرة يكمز عود يردح..

وكفت اباوعلهم واضحك على خبال هاي الكمرة...

-اطلب و ادلل يا ماي عيوني...

يردد وياها بس بلغة الاطفال ويكمز...

-ولك عبيس اي دك رجليك حيل لا تصير رخي
يلة على هاي بلة ولك.

يا بنية يم ثوب حمر...
يالخدج تفاحة وجهج گمر...
جبنالج كردانة وحجل
واخذناج مرة لشيخنا فضل...

ظل يصفك و يركص وياها ويضحك..

..........

بطريقي لبغداد..

جنطتي خليتها بحضني...

فتحتها هبت ريحة خبز السياح بطحين تمن العنبر..

رفعت العلاكة اشم بيها وغمضت عيوني و بيرية نزلتها ع عيوني منتجي ع الكشن و رافع راسي فوك..

اشم بريحة السياح...

و حنين وشوق قوي...

بكلبي اسولف وي روحي

-ساعات فاتت و ما اكدر على المفارك والله يا باقر وگعت هو هذا الحب..

شنو الي بينك وبينها.. تعرفها؟ لا...
مجرد بت خالي. وانربطت بسمي.

جا شبيك خايب كلبك يرجف يدك...

اااااااااخ يا خوية.. ليش حرمتني من حلالي..
خوية وگعت والله وكعت وانة النجر..

شلون بية شلون ما اشوفها لو ادري ما اخذت اجازة...

لو ادري ما احتكيت بيها هسة شيصبرني...

بس وصلت خابرت طلعلي كالعادة عبد..

-همزين موجود والا اظل ادك ادك محد يشيلة وامي ما تنتبه
-اول شي سلم... وصلت بالسلامة ابني
-اي...

ضحكت..

-جا اذا ما وصلت بالسلامة شلون اخابرلك..

ضحك...
-هي،كلمة الي تنكال...

-خوية مشتاق وروح ابونا.. المشترك...

حسيتة صفن وضحك
-وهاي شنو جديدة ابونا المشترك؟

-جا يا ابو.عبيس... هو بينا الاب مشترك طلعنا من ظهر عبد الرحمن امهاتنا مختلفة بالتالي هو الغالي المرحوم المشترك...

-اش ما تبطل سوالفك.. والنبي...
-ردت اطمنكم واكلكم وصلت ومشتاق للأمانة الي يمك...

واريد اسمع صوتها...

سكت عبد وكلي

-امك نايمة تدري الظهر تحب تاخذ قيلولة.

-جا صيحلي اخونا بالله الي تزوجتة ولازم اعتبرة اخوي لثلاث سنين

اجاني صوت عبد

-صوجك انت هوائي ما راسيلك على بر.. ع اقل شي جايني ورطتك.
زين شتريد من البنية صفي عقلك.وليدي لو تستقر لو...

قاطعتة بمكابرة... اكيد كشف مشاعري... وهسة يكول مو رزن يومية برأي... ما عندة قرار واحد

-لا وين راح بالك.. بس اريد اوصيها بشغلة اوراق خاصة بدراستي نسيتهن تضمهن لا عبيس يعلسهن...و يتلفهن

-اها... صدكت وعبيس صخلة تعلس ورق.. شمخلفلك انة ركز بملافظك..

ضحكت

-والله ابنك وكيح ليش تزعل..

-وانت حيال....شوي انتظر....

شوية اجة صوت كمرة

-آللللوووو منهووووو

ضحكت
-يعني منو غيري يخليج عبد تحاجيه..؟

-شنهووو منهووو انت... شمعرفني غير عمي السيد كالالي التلفون عليج..

-طلعت غبي يا جبار قامة...

-انتةةةة. سيد باقر موووو عبن موش اعرفن صوتك بالتليفون..

-شو انت كل مالج تزيدين... سيد باقر شنو غير رجلج انة...

-موش راضية رحت وتكول موس ترجع و سمعتكم موش رايدني المن تجيني انت وسواياتك وطيحان حظك الجديد التمثيل

-سمعيني اجيتج لان احبج وكبل لا جبار سجينة يطلعلي يهلهل.. و من حجيج المعتاد..

اجيج و اتقربلج لان اعشقج....

وهذا مو اسمة سوايات ولا طيحن الحظ ومدري ايش هذا علاقة زوجية حقي وحقج...

سواء ناتج عن عشكنا او لا هذا واجب زوجي

اسمة علاقة زوجية...

بس اني احبج... ..وانت لا.. وسفة عليج

-هااا.ولا افهمن بهاي السوالف..مرت ابوي توصي خياتي عيب العشك حرام.. الله ما يقبل.

-اكلج اخابر من العمومي كضت فلوسي. وانت قافلة ماكو حرام مدام حب بين ازواج....

روحي هسة و فكري بية يا حلوة اشتاقيلي مو تنسين....ومرة الثانية اريد تكليلي بلهجتج احبنك اموتن عليك..
يلة فيما الله،،(في امان الله )
احاول اتصل بيكم...

سديتة ضايج
بس هي عاشت بمكان مغلق زين وين اليسموه عشك معدان الي يمتاز بالقوة..

بس اعزي نفسي تكبر وتفهم مشاعري

استمرت الايام وكمت اخابر.بحجة او غير حجة
واغازلها واني داخلي روح تريد من نصها تسمعني كلام الحب بس نصي الثاني مطفي كلشي ماكو..

فكرت اذا ابطل ما اكول تورطت اكيد ما يدفع كمرة ضدي

بس شلون و كليتي اوف شلون...

كلش محتار...

بس لازم اركز بدراستي...

الايام تمر و تدريباتنا قاسية بس بدة جسمي تعود

و انة نومة الليل مهمة عدي... بس عدنا سياسة شنو ندرسة بالنهار الاساتذة تراجعة بالليل...

و شغلة ثانية زاعجتني وهي الازعاج الليلي الي بدون موعد محدد يكعدونا باساليب الصدمة او الصاعقة او رمي ماي بارد علينا...

هذا نظام يفاجؤونا بيه نايمين ما انحس الا....

كالاتي....

اليوم كملنا و تعشينا خلصنا المراجعة الليلية

كلمن بملابسة الداخلية العسكرية...

و على جربايتة

بهذا اليوم سهرت تعبت نفسيتي اتكلب واشوف ام زرگة.. تنطبع صورتها بخيالي...

عيونها الي بلون... شط العرب الزگة انعكاس لون السما...

وابحرت سفني بزرقة بركتي عينيك...
فهل لأشرعتي.. ان تصل شواطئك
ام تغرق بتلك البحيرة المسماة عينيك..
بقلمي...

جريت حسرة وحضنت المخدة الي اشم بيها اتخيلها مرتي...

لو ما زحمة ابوس بالمخدة بس خاف واحد كاعد ويسمعني يروح بالة بعيد...

-استغفر الله شينومني بلة وباجر.نكعد من الفجر.

شوي و صار رمي قوي وصوت.. ضرب بالغرف قاعة.... اليمنا..ودفر بيبان..
اصفريت....

بيهم فزوا كعدوا يلبسون وهم متوترين بيهم نومهم الثكيل ما همهم الضوضاء

انة كمزت واكف وصحت

-انقلاب....عبد الرحمن عارف راح بيها. كوموا سقطت الحكومة..
انرفس الباب بعنف...

دخلوا يمكن اكثر من عشرة.... يرمون والي كاض عصا....يضرب ويكعدونة

نريد بس نلبس ماكو صار،المراكض

-ازعاج ليلي كوموا......
هذا اول يوم اخضع لازعاج ليلي عبالي سقطت الحكومة وعبالي رمي حي. كلت هاي هي اجاك الموت يبويقر ولسة ما خشيت دنيا وي مرتك بس مرتين.

طلع هذا ازعاج ليلي يمهدون الطالب نفسيا وجسديا لاي محاولات اقتحام ليلية بالحروب..

يكون مستعد...

بس وربكم احنا الجدد صار المكامز مالة والي..
يمكن من كمزت الدرج دفرت صاحبي سد الطريق كلت تجيني عصا ببلاش...

عفت صاحبي بالكاع و ركضت وياهم برة...
كعدونة بساحة...

و صاحبي الوكعتة انكتل كتلة يريد يكوم تجيه عصا

اساس التدريب القسوة..
نعبر حفاي من فوك نار نذب بالخيس بكل مكان

لو يدري اخوي عبد بتدريباتنا يمكن ما ياكل وياي بماعون واحد

خاصة هو نحس وسواسي بامور النظافة..

وانة اليوم الظهر بالتدريبات غاط بخيس. براز بشري.. شلون منهولة... بس ع شكل

حوض...مفتوح بالهواء الطلق ايبااه من غطست
حابس النفس ولازم مدة محددة اليطلع كبلها تجيلة ضربة ويغطسوه
يعني

لازم اغوص و اكتم نفس.. لمدة دقائق يحددوها

بينا الي نجح يروح مرحلة تدريب اخر و بينا شرب من ماي هاي النكاسة بالعافية ع گلبة...
يخلوه يعيد او يتعاقب....

الي فادني اني تعلمت من اخوي طولة النفس بقراءة القرآن واحبس نفسي ببعض ترتيل الايات لمدة طويلة

سبحان الله القرآن تهذيب النفس والجسد وافضالة علينا هواي...

الي يداوم قراءة القران ترتيل وتجويد صورة صحيحة..
يكون صاحب نفس قوي....

وطويل..
و الوراثة هم الها دور
. ورثنا حلاوة الصوت و طول النفس من ابوية..

خوب من نجحت و كملت الفترة الحددوها غاطس بالمجاري

طلعت راسي اتنفس و شعري الي مليص بما يسمى براز الي من فوائده الاخرى يكون سماد بشري للمزروعات

يعني مو بس لتدريبنا ع كافة الضروف الي تلاقي المقاتل....

وراها غطينا بالطين... اختبار جان صعب لويصة..

لو...
نزحف جوة الشبك و يرمون لو نضرب بالعصي....

من اخابر عبد الله... ويسال شيدربونا ما اجيب سيرة لامور اعرفه تظل تلعب روحة مني....

سكنة.....

بس وصلني عبد الله حجى لاهلي كلشي...

كام جعفر يريد يضربني..

-احنا من يمتة نساوينة تشتغل بسحر..

رديت بخوف

-مو سحر... ما اعرف للسحر بس ردت يطردون كمرة.. كل ما تشوفني تعاركني..

و رجلي اغار عليه.. وهاي تتراكض كدامه بكصايبها وكذلتها

رد عبد الله

-شتعرفوني رجال اخاف الله اروح اباوع لجاهل لا ومرت اخوي ..
بنية يتيمة ولسة طفلة اعاملها مثل اطفالي افرحها بهدايا اشتريلها مثلهم

اخوي يدرس،ما موجود حتى يفرح مرتة ويلبيلها...

وهي جاهل ترى.. بس سكنة شدت وياها تكرهها كرهها لاخوي

طعنت بالشرف و السحر انة اريد تسألون بتكم منين جابت فكرة السحر وهي من بيت سادة

شعرفها بهيج سوالف

انتفض ابوي ضد عبد..

-حسافة رباي بيك.. تشك بنساوين خالك يسون سحورة وعلمن مرتك

-شفتني اتهمتكم بشي.. بس سالوا بتكم وربوها

رفع ايده ابوي وضرب عبد كدامنا... وطكه راشدي..

شفت عبد عيونة دارت علينا بخزرة واستهصام..
هنا دخلت امي وهي تعارك عبد.... بصيغة عتاب..

-تتهم منو يا ابن بت عمنا.. يرباتنا... شفت بينا نشتغل بسحر..

وانت هين يمنا. من زغر.

ها يا ابو جعفر..

موش كتلك.؟ ربيني وانة ابن ابوي... هذا ابن اختك العتنا كلنا وفضلتة واكف يتهم عرضك بسواية السحر..

واحنا بيت يعرف الله ومن ال النبوة... نسبنا...
شتكول...

اشر ابوي على عبد وطرده..

-امش يا عبد الله من تعرف غلطك تجي تطيح ع راسي وتبوس ايد الربتك الهدهدتك الليل تنومك و راس حرمتك المضلومة

بتي لو ما شافت هل شي جوة كنتورها ما حجت لو ما شافت باطل بمرت اخوك ما حذرت

هي معيدية من الهور شتتوقع... اكيد تعرف هيج سوالف اعوذ بالله منك اعوذ بالله

خلا طلع ضايج و جعفر لحكه.

عدلت بوشيتي ووكفت بباب المضاف دموعي تصب جوة بوشيتي
لو ما غيرتي ما اسوي هيج احسة ملكي اريده الي

ما يوم حسيت بيه يحبني..

احترك بداخلي عيونة تلمع بس لعايشة..

و من اجت كمرة وعرفت هادينها هدية لعبد الله

هنا نار شبت بية صح زوجها اخوه بس كلما اشوفها تضحك تسولف كدام عبد انة اموت بالغيرة....

الغيرة صعبة.. و عبد انة من زغري وعيت وانة مسماية اله...
ليش جاب عايشة ليش هسة يهتم بكمرة وهي مرت اخوه

صارت غيرتي تحفزني لظنون و شك...

وقهر انو لازم اتخلص من كمرة و من عايشة...
حتى عبد يبقى بس الي

-ابو علي اوكف

اباوعله و ايدي على صدري احس انة الزوجة المنبوذة.

وهو تجاهلني وخلا عينة على اخوي وخزرتة الي ما يصمد منها اهيب الرجال.... و رفع اصبع بوجه

جعفر....

-احذر تنكر ابني البكر عباس انة ابو عباس هاي كنيتي باسم ابني البكر خليكم حقانين. لا عاد الظلم يعميكم..

-تهدأ الامور واجيبها بيدي تطيح عليكم

باوع صوبي وابتسم بحرگة...و شغل محرك السيارة وراح.

ومن يومها ما اجة..

امي تفكر بحيلة تطيح الحطب ينجبر يجي.

تمر الايام وانة المهجورة... المهيونة

-يمة شني الحل عبد اذا يقفل يقفل.. اخذيني رديني بيتي

-انت غبية ما لكيتي غير هاي الحيلة...

النوب جبتيلنا تهمة ولج شعرفنا بالسحورة..

صفنت وباوعتلي..

-يمتة جتج الشهرية

-هااا. ايام وتنزل صارلي ثمان وعشرين يوم اخر مرة اجت..

ابتسمت..
ورى ما تنزل باسبوع نشيع. حامل

هاي اذا مو صدك حامل بلكت تحبلين....

-يمة نفرض مو حامل وشيعت حامل شلون تاليها...

اذا يعرف اطلك..

-عبد لو يطلك جا طلك ذيج المكرطفة.

سوت سوايات مال طلاك بالثلاث بس ما طلك لا تعلميني برباي..

ربيتة رغم قسوتي عليه بس اعرفه...

يخاف يطلك لا يظلم. ويغضب الله...

شوفي... اذا مو انت تطلبين الطلاق ميطلك لو يعرف داير وجهة سنين

-يمة هذا تعذيب الطلاك ارحم من ديرة الوجه و العيش بعذاب...

باوعت لابني الي مثل عادتة بنظرتة الي تقهرني لمعة عيونة الي احسهن دموع مكتومة..

انتبهتلة...

كام و راح لبيبيتة وجر خشمها..

ما اعرف ليش اي واحد يشوفة الا يجر خشمه لو يعضة بيه

-خايبة موتني وليدج هسة لو خشمي بيه شي جا كلت.

-يمة حتى وي ابوه هيج خوب عبد شحلاتة ما بيه لولة.

بس هو هذا لعبتة هيج

هزت ايدها

-هذا حظج حتى لعب ما يعرف ابنج شوفي ابن ضرتج يخلي الوادم تضحكلة وتحبة

نزلت دموعي على حالي وحال ابني..

-يمة عشك عبد الله راح يسودني.. ما اتحمل احد يتقربلة مو بيدي اغار عليه من مرتة وابنه.

باوعتلي وكالت
-ما يعوفج ادبرها...

............

كمرة...

مر اكثر من اربع اشهر قربت عطلة نص السنة
واحنا..... ١٩٦٧
الليل كلة اتكلب افكر بيه بس موش كادرة اكلـله انة شكد احبنه..

يمكن بديت اكبر واعرف انه يحس تورط بية عزت نفسي علي...

بعد جم شهر ويصير عمري اربع طعش....

هو استمر يخابر ويودي علي يصيحولي احاجيه...

يكلي احبنج اشتاقلج..

بس من سمعت ردودة جم مرة اصنت اسمعه يتململ مني.
لاخوه كلت يقشمرني خاطر هاي الشيسمونها علاقة زوجية...

سوالف عايشة حيل فتحت عيني...
تشكي معاناتها بالشرايج تف تف تف اللهم ابعدنا عما صار لغيرنا..

جا غير اذبحنة هو وياها على قبلة يهود..

بسكون صدك بويقر يسويها ويزوج علي..

لا والله ابد موش اغبلن..
صح متعودة اهاليتنا تزوج ثنين بس موش انة الي تغبل انة مهرة مصلصلة موش عايزني شي ولا بية گصور او نكص

بس لا وكاد موش مثل اخوه... مخليلة ثنين...

باقر گالالي يحبني..

بس هاي عايشة.. خوفتني تكول اذا بغيت هيجية وياه اصدنة يروح يجيب بقدادية مايعة
(للسهولة ما اكتب لهجة كمرة منضبطة و عدها شغلة تكلب القاف غين والغين قاف ببعض الكلمات )

جا وحجي عمي عبد وعمتي..لاااع يبووو اخذ،حجيهم النوب ريلي يروح مني واظلن بس اعض بصابيعي

انة موش عايشة وسجنة متحملات الشراجة انة..

افضها من البداية اذبحنها كدامه و اذبحة واشربن من دمهم....
واكطعهم واشمرهم بالهور موش احد يدري انة جتالة...

رحت لعمتي تصلي....

كعدت يمها خلصت وباوعتلي

-هاا يمة شمالج وجهج مصفر عيونج محومرة تبجين

-باجر خميس تطلعين من فجريات الله حتى توصلين من وكت.

-اي يمة.

-جا اخذيني وياج.. موش ابقى هنانة.. ترة تصيبني مردة واموتن تالي تتحسرين..

ضحكت

وجرت كصيبتي بالشقى

-الطريق بعيد شسوين رايحة

-اااخ شنهي جنج ابنج بس تجرون كصايبي

سكتت و رجعت اتوسل بيها

-عمة اريدن ازورن ابد مزايرة انة.. زوريني الكاظم.. عليه السلام ينولج بية ثواب...
جا ما دريتي انة مريضة و علاجي يم ابو طلبة....
هناك ربطيني اطيبن بشباجة اطيبن...
بس اول اشوفن باقر نمر عليه ناخذ رخصة منه خافن موش يغبلن تبقيني مربوطة بالامام وتردين البصرة...

ضحكت
-يا جذابة... تردين تشوفينة يا حيالة(لوتية)

نزلت دموعي حضنتها

-ابنج جذاب يمي يكول اعشكنج و يمكم يتحجي متورط...

بس انة رايحة لبقداد اشوفنها واتونس وهم ازورن شنو غابل ع مود ابنج الجذاب

ضربتني على متوني

-اشش ترحيلة فدوة خايبة المرة دون زلمتها شنو عيشتها هاي انة مات عمج عبد الرحمن فدوة لاسمه

والله اتمنى اشوفنة اااخ....

تدرين كلبي كلب عشك معيدي... يموت من يموت معشوكة

بس ربج ما وصل يومي لسة...

لان باقر ريحة المرحوم هو المصبرني...

-عمة اكلج شي موش تطكيني ترى انة عاشكة

باوعتلي مستغربة

-ما فهمت..

-عاشكة ابنج الجذاب. واريدن اشوفنة تاخذيني لا والنبي اذب روحي بالنهر،صج اعرفن اسبحن..

بس اغطس وما اردلج...

ضحكت
-هنا...الحجي و لفضي اسمه بحرف ق مو غ....

اخذج... بس اذا حجة عليج لان اجيتي.. مالي علاقة يطكج لو يحجي عليج

-شنهي جا يطكني جيف اريدن اشوفنه... ماكو مروة حمية...

-زهبي روحج(جهزي حضري جنطة سفرج) نطلع ترى ورى صلاة الفجر...

وتلبسين بوشاية.. انة مستغربة ما بوشاج..

-يع جيف... ما اريدن...خليني لا ذكرينة بيها

-ما اخذج اذا ما اساله تطلعين مبوشاية لو يخليج مكشوفة الوجه..

بس خل يخابر ع اساس كال اليوم يخابر كبل جيتي اله بيوم يوصيني شيريد اجيبلة وياي.... .

-جا غير اموتن من الحر

دك التلفون وشوي عمي عبد الله صاح
-خالة هذا باقر

استعجلي ما يكدر يطول

ركضنا ثنينة بعيني لهفة بلكت يطلب يحاجيني ولو اخر مرة زعل استحيت اكلة احبنك
و جلب الا يسمعني احجي حجي مال تمثيل تمثيل مال احبنك و انت عمري وحياتي واريدن كون احضننك
يخابر ويطلب يحاجيني يسال عمي عبد بعد يمي من اكلة لاع طلع و يكول اخذو راحتكم يابة

ينزل تعاي شنهي لابسة و مشتاكلج احبنج وكون احضننج وحجي هواي يخليني احتر وارجف...


يضوج لين موش اغبلن اتحجى مثله

اخر شي ينتر بية و يسدة بوجهي.

-مو اسويها صدك ما اخليج تشوفين ركعة وجهي انت باردة وانة محترك

ويسدة اظل ابجي...

موش بيدي ما اعرفن اكولن مثلة...

اكولن فشلة عيب زحمة موش عوايدنا من تالي يكمرة....تحجين حجي موش زين

انتبهت....لعمتي

اسمعها تكلة

-باجر،يمك يمة بس ردت اسالك البس مرتك بوشلية... لو لا...
هااا خوش براحتك بس خاف اخوك...

ما يقبل...زين يمة اكللة هذا يمي

يمة باقر يريد اذنك يكول ما ابالي ابوشي حرمتي... من بعد اذنك انت اخوه الجبير وما يريد يتعداك

ابتسم عمي وكال المرة مرتة ومسؤولة منه و البوشية مو واجبة مدام تحفظ اللبس الاسلامي

الحنج ميطلع بس قرص الوجه و الكفين حلال..

ابتسمت عمتي وكالت ابشر هي تعلمت مثلنا...

-خالة بكيف رجلها يبوشيها او لا....باقر كبر مو زغير واخذ،عنه قراراته بس تراعي اللبس المستور الاسلامي..

مدت عايشة راسها وباوعت لعبد الله

باوعلها ابتسم و غمزها بعينة

-بلنسبة الي سكنة متبوشاية عد اهلها وعايشة بوشيتها اريدها بس انة اباوعها...

عضتلة شفة ما راضية هي موش تحب البوشاية

اخر شي قرر باقر(غ) ميحتاج اتبوشى...

مدام مطبقة اللبس الاسلامي..
ومحتشمة..

رحت يم خالتي اكرصها اريد احاجيه منطتني التلفون ولا كايلتلة اروح وياها ملحكت ترخص

لان تنحسب عليه تكلفة جبيرة...

سده...

باوعت عمتي

-شوف وعده يمة ما كتلة اجيبلك مريتك..

ضحك عبد

-هاي انت اول وحدة خرقتي تقويم باقر

هزت ايدها

-ياا و شعندي انة شو بس هذا الوحيد تريد اخليه بنفسة المرة.. لا والله...

-جا خالة مو كلشي يكول ورطتوني.

ويذبها براسي هاي انت شاهدة انة العلي سترت هل يتيمة باخوي وسترت اخوي زوجته.. من بنية تحميه من ملذات الي يلجألها الشباب

اثق بشنو ربيته بس النفس امارة بالسوء..

يابة گمرة.. انت بشنو قناعتج شنو ترديه سوي لتخلين احد يأثر بيج

دنكت و شردت مستحية اسمعه

-عفااا طلعت انة العذول الكاطع وصالكم يابة ما ادخل سوو التردوه..

وكفت ورى حايط المضاف اسمعلهم

ردت عمتي..

-الله يوفقك ويترس حضنك بالذرية الصالحة ويخليلك ولدك.. تدري يا وليدي باقر هو الامل العايشة بيه. الهوا الي اتنفسه بلياه اموت والا شنو بقائي انة من دون عبد الرحمن غير هذا الوليد...

عبد الله...

كمت وبست راسها حضنتها
-الاعمار بيد الله مو بيدنة....

تدرين لسة اذكر جان عمري عشر سنين مرة اجت ججية امي مدت جفي الها شافت باطنة
كلتلها يعمر يعيش فوك اكثر من ميت سنة...

ضحكت وكتها هو احنا نهاية العشرين ونكول العمر شطولة مو بعد اصير معمر فوك المية سنة...

جان عدي طبع من باقر عاد كتلها رجاءا حدديلنا

مية وشكد.. مية وعشرين لو اقل..

يمعودة هي الاعمار بيد الله مو بيدنا

ردت خالتي
-عدنا جدة بالهور بس تباوع للواحد تقراه كالت ع باقر ع متونة نسر و بس من يحط النسر ويستقر ع متونة..

يمر بمشاكل او تظلم حياتة او يمر بشي مبينتة...

-خرافات كذب المنجمون ولو صدقوا....

-يا يمة الجدة هي...

رفعت ايدي
-كذب المنجمون ولو صدقوا يا الله اروح اطل ع الورشة و احاسبهم باقر التهى بالدراسة. وقنعوه بالعطل يجي لا يضل يفرفر ببغداد اخاف عليه

بدلت قميص مقلم... خطوط ناعمة... و بنطلون...

و مشطت وتعطرت...

اجت عايشة شايلة عباس
-الولد يمشي و عمره جبير المن تفترين بيه
-فكد علاوي يروح لغرفة سكنة يدوره...

عبد جيبهم علاوي عن علينا

باوعتلها برفعة حاجبي
ما عاجبني...

-انة ما اجيب التزعل كبرنا وفهمنا الغلطان يطبة طوب يريد يجي او يبقى...

ناقص اطيح عليهم ورى...

سكت...

و رجع باوع لعباس الي ضحك

-علاوي..

-لفظ اسمه صح

-غير صار ثلاث سنين نطقة يبدي ينعدل...

-ابودي

ضحكت وكرصت خدودة وبستة
-خربنا كول عبودي.. عبد عبدان عبيد هم قابل خوب اليابة مرة سمعناها وبطلت.

رفع ايديه ذب روحة ع ابوه

-نلوح وياك

-وين اخذك لو اكلك ليش لا بدليلة...

-نجيب اواوي(علاوي)

-هاا ردينا نبلع حروف...

علاوي هو يجي..

بدلتلة واخذت عباس...

وياي للورشة...

باقر......

مثل ما اتفقت وي امي نتلاكة يم الكاظم عليه السلام...
حجزت غرفة بفندق كبال الكاظم...

بالكاظمية مبني ع طور شناشيل بغدادية مزينة بزجاج...
عكس شناشيلنا التمتاز بتصميم زخرفة خشب الشبابيك

لان جونا يتحتم علينا هيج للتهوية من مشخلات الزخرفة..

تبريد لبيوتنا..وستر.

شوي نفس المكان المتفق جان ظهر وصلت ووياها كمرة من كمرة عرفتها كل مرة هي تجي تنبهني
لان مبوشاية... امي...

دك كلبي وكمرة كاضة ايد امي ولافة العبلية كلش عليها بس وجهها مبين

تلج وي الشمس. يتلاكة كمرها بشمس بغداد

رحت و بيريتي خليتها ع راسي

وكفت كبال امي بست ايدها و حضنتها ابوس هامتها

درت على كمرة وضحكت

-يا هلا يا مرحبا بم رعد...منورة بغداد...

دنكت وعضت شفايفها مستحية

باوعت صوب امي
-شني هاي شو ابو ذراع صاير يستحي مو جنه سمنان طولان..

-جا يمة حديثة تكبر...

-تزورون لو ترتاحون اول

-متوضين نزور... و غدي البنية بالسيارة ما كلت شي

-تدللون... يلة نزور(قبل مختلط الزيارة نساء وزلم مدخل واحد وماكو تفتيش..)

جنت كاض كمرة انة بضهرها ومحاوطها بيدي لحد يحتك بيها لان ازدحام.

نبهت امي

-دربالج يمة ع جنطتج...

-اي يمة مخليتة بشمته بركبتي لابستها و بصدري ضامته...

صحت

افلح من صلى على محمد وال محمد.

صلوا الزوار ع ندائي

وانة امشي نريد ندخل واردد بدعاء..

الزيارة حافظة ع كلبي

و كمرة تردد وراي هي ما تعرف تقرا وتكتب اصلا ما داخلة مدرسة

اجتنا روجة زوار رجعتنا ورى...

و انضربت كمرة بعجس واحد بصدرها جان تدفعه

-شني صابك عمى بالامام و ما...

خليت ايدي ع حلكها الرجل مو قصدة روجة الاندفاع شمرتة عليها

-يمة صيري كدام كمرة وانة وراها..

كلش احتويتها بيدي وابعد اي شخص يندفع علينا..وامي تدردم...

-كمرة جاية زورين مو تتعاركين.. اشش ولا كلمة

زرنا وكملنا واتة هاديء غديتهن و رجعنا للفندق

دخلتهن.. بيه جرباتين مو حاسب حساب كمرة

رحت بدلت الغرفة ثلاث انفر

جانت جربايتين لازكة سوى ووحدة منفردة

كعدت على الجرباية و هنا صحت
-كمرة لسانج اذا بمكان عام هيج تصيحين.

اكصة الج... ولج رجال جبير اندفع عليج

هو ازدحام...

-والله اكصن عجسة الطخ بصدري

باوعت لصدرها الي مبين ريان عن اخر مرة نمت وياها...

كبل اربع اشهر...

دنكت موخر عيني عنها لازم اضبها مو هيج تهادد وتصرخ...

ولا جن انة زلمة وياها

-العندي كلتة صوتج كلش عالي شدعوة...

هااا

وتتصايحين ع ما وصلت بيكم الفندق كلت هسة تكضيلج مرة تعاركيها

زين من طلعنا من المطعم شلون بنية تصيحين بوجهها هيج..عيب عيوني انت...

-داست على رجلي..

-ما شافتج..

كمت ولويت حلكي و كلت
-شنهي اعوفنها تباوع عليك مفهية فاجة الحلك واسكتنلها موش كمرة تغبل بهيجية

-يعني ما داست ع رجلج شغلة غيرة على حجيج اي وحدة تباوعلي ترحين تهدين تكتلينها

ضحكت امي على دهرتنا

-وجعني راسي منكم ثنينكم سكتوا تمددوا ننام ظهرية

-يمة ما ادري سنعي بت اخوج... شنو همج.. كاضة الناس تعاركهم وانة ولا جني بعينها زلمة مشورب وياكم

ضحكت تمي وباوعتلي

-تروحلك فدوة ههه يمة لشواربك ذن الحليانات

استحيت وسكتت حتى من اريد ادب مرتي تحجي هيج و تحرجني اخ يمة كبرت مو ذاك الطفل...

كامت كمرة وهي مبوزة زعلانة حجة تريدها علي

-اريد اسبحن..
-كاضج ذاك الحمام حجزتها سويت.

طلعتلها ملابس و اشوفها تضمضم بداخلياتها لا اشوفنها بس متدري بالي كلش وياها

راحت تسبح...

اجت راسها مبلل و مفتوح طويل جوة مقعدها اصفر كلش رغم مبلل انطة لون غامق شوي

كمت استغفر

-الجو برد...
هاي مو البصرة

اخذت خاولي من جنطتهن و اجيت نشفت شعرها ولفيتة

بس هي طلعت مشطها الخشب..
و علبة دهنت.شعرها منه فاحت ريحة ورد من العلبة

و بدت تمشط وامي تشخر و كمرة على انغام شخير امي تغيظني عود ما مهتمة وهي تغني اغاني جهال...

جنت اسمع البنات بشارعنا الزغار. تلعب بيهن بهيج اغاني.

امان يحنة
امان....
حنة البصرة امان
علينا حسرة امان

بدت تضفر شعرها ضفيرة و تباوعلي بغيظ
هزيت ايدي رفعت حاجب و هي تميل بجسمها وهي كاعدة تضفر شعرها وتغني

واليوم عيدي لا لا
فستان جديدي لا لا
فستان مكشكش لا لا
بالورد ملطش لا لا..
فستان مشقق لالا...
امان يحنة حنة البصرة...

كمت بس نزعت بنطلوني العسكري وقميصي بقيت بالداخليات العسكرية

شورت فوك الركب فانيلا تعاليك

تمددت وخليت رجل مثنية وسندت ع ركبتها رجلي الثانية واهز بيها وايدي على عيوني بس اراقبها بسكتة والحجية تشوخر وهاي تغني

مدري اضحك مدري شكول...
النومة طارت مني...

اباوعلها من جوة ايدي وهي تتمايل تضفر شعرها للنص وتفتحة وترجع تضفره

امي فتحت عيونها شوي و رجعت نامت تشخر تعبانة

انطتنا ظهرها

انة حجزت غرفة زوجين و طفل الجرباية المفردة المفروض لطفل وي الزوجين بس جرباية هي منفردة ينام عليها حتى الجبير عادي

اكو بردة خشبية تطبك تعزل الازواج عن النايم ع جرباية منفردة

رحت دفعت الستارة وانة بحجة امي تريد تنام

-كافي لغوة المرة نايمة ما تنامين ما تعبانة من سفر

باوعتلي عبالك جهال. و مزاعلتني

وهي هل مرة بصوت ناصي

-اي اتمدد

تمددت و تمددت يمها هي تدنت للطرف خلت مسافة ورجعت هل مرة تهمس و تلف بين صابيعها اطراف شعرها كعكوشة الضفيرة

تلف بيها وتحجي

-شلج بالشايب هديه
عندة ظهر جنة نهر كل السمج يسبح بيه
شلج بالشايب خايبة شنهي هديه

عندة راس جنة فاس كل الناس تطبر بيه

شلج بالشايب هديه

نفخت اوووف...

استمرت تحجي وصوتها بدة منعس بس استمرت...

يا يمة انطيني خريزة هي هي
يا يمة شلج بيها هي هي
يا يمة العب بيها هي هي
يا يمة انت ويامن هي هي

انة وريلي هي هي(الاصل انة وعمي بس اشتغلت خباثة كمرة...)

يا يمة ريلج شسمه هي هي...
يا يمة اسمه باقر. (لفظ ق غ ) هي هي، (الاصل علوان )

يا يمة صعد للخان هي هي
يا يمة ذبلي طربوش هي هي
يا يمة ملطوش هي هي..

شوي خليت ايدي على حلكها اسكتها

-شلعتي كلبي...
نامي جاية للبصرة بس حتى تنرفزيني ما تكدرين...

كون عبد غير بوكسي يكسر سنونج وين يتحمل هاي صفاقتج

ردت منعسة تثاوب وصابيعي الي ع حلكها كامت تتلمس شفايفها

-شنهي صفاغتي

هزيت ايدي وكتلها

-تفاهة
-شنهي يعني
-يعني سكتي

-
باوعتلها بطرف عيني نامت....

غمضت عيوني حضنتها و فتحت شعرها شمرتة اغطي بيه وجهي وعيوني لفيتة داير عيوني شلون من الف الخاولي ع عيوني وانام

مدري شكد نمت بس امي دكت ستلر الخشب

-يمة باقر نايمين كاعدين.. ارد اخذ،كمرة لسوك الكاظمية

-لا ما تروح تشلع كلبج انة وياكم وشسوت بالوادم تهمش و تمشي

انة اطلعها....

-هسة بالاربعة

-يمة انت طلعي تونسي زوري كمرة خليها يمي هسة نايمة هي العصر اطلعها

-زين يمة كوم اقفل الباب وراي

طلعت بجامة...
من جنطتي بسرعة ليستها وبقيت بفانيلا تعلاكة رحت لامي تبتسم تباوعلي

الحجية عبالها استغليت نومتها ما تدري هاي تلغي لمن نعسنا نمنا.

-دربالك ع بنيتي يمة مو تعاركها...

-يمة لو.تكعدينها.توصينها علي احسن.. خافي علي منها مو عليها مني
ضحكت وطلعت وانة شوي واهز جتف اخيرا

رحت كبل...
تمددت

و انحنيت عليها اكعدها بشفايفي و....

عبد الله....

البصرة رغم الشتا بس احيانا الجو معتدل. وي لمسة برودة او نسمات باردة...

-ما خابرت خالتي تطمني وصلن.

-حبيبي تلكة باقر خابصهن تعرف سوالفة. ومن زمان مرتة مو يمة
-شو بدلوا اطلعكم انت وعبيس

و امر على الورشة هم... امس ما عجبني شغلهم وانطيتهم تعليمات...

طلعنا اخذتهم للسوك والحديقة وبرجعتنا....

مريت الورشة و كلت لعايشة تبقى بالسيارة
بس شلت ابو العبس وياي...

ابتسمت وانة اسلم ع العمال....

شوي واجت بنية...
تسأل على باقر مبينة طالبة...

و من شافتني وخرت عن العامل السألتة و مشت

استغربت منو هاي
-عمران هاي منو
-استاذ عبد الله هاي من فترة تسأل على المحروس سيد باقر

-اها غريب...

رد عمران

-هم ذول الشباب خاف معجبة...

درت وجه معصب عليه وفشلتة وكلبي لعب من باقر....

-و من يمتة سادتنا تلعب بعراض ناس هاااا.من يمتة.. ...

رجعت عباس لامه

واتلفت للبنية الي ابتعدت

-اخذيه...

-شصاير؟ .

-شوي وراجع... سديت باب السيارة عليهم و

رحت ركض...

-بنتي،..
دارت بخوف من ركضت وراها وطكتها ركضة بين الدرابين شكد سريعة ضيعتها

بقيت التفت جان الزمها طالعة من فرع متدري بعدني وراها رحت ركض..

وبدون مقدمات كتلها....

-شتردين من باقر...

دنكت..
-. وانت شعليك....

-ولج بيدي اخذج لهلج احجي لا تفتيني....

رفعت وجه عيون مدمعة.. و همست...

يتبع......

ــــــــــــــــــــــــــــــــــــحاشية..... ٤٦٢٨كلمة

-اللهم ان لي صديقا خصصت له مكانه خاصه في قلبي، مهما تغيرت الظروف و بعدت المسافات وقله المحادثات، يالله احفظه ولا تجعل لا حزنا ولا ضرا يمسه، ولا يمس اهله وعائلته واجعله سعيدا معافى لاجله ولأجل قلبي

المتابعين القريتو امانه الكل تدعيلها الله يوفقها بكل خطوى تخطيها

#للبريئه_حصرآ

لم أجد مآ أبوح به هذآ الوقت غير ..!
أني أفيض شوقآ ل شخص مآ ..!..

ربي لي صديق أحفظه من كل سؤء ومكروه
اني استودعه عندك.
وعندك لا تضيع الودائع ..
من #البريئه الى تيمور. حصرا

بنات موبايلي ديعلك مااكدر انشر اليوم تكملة القصة من الصبح اريد انسخ وينطفي الجهاز 😥😥😥😥ادعو مايتعطل جهازي 🙁🙁

#زينة_الحمداني