#خلف_الشناشيل_حكاية15
من بارتات واحترقت بجحيم احضاني
بقلم وئام البصري ام مصطفى
الحلقـــــــــ15ـة

.............تصويت تفاعل ع الفقراتتعليقات...

سد الباب قفله

وظل يدردم على خوالة وعمامة
-انة يكلولي اذا ما تطلك روح بالرخي اذا مرتك بت ليش لسة ما جايسها

انة يردون يمشون علي الرخي

و الله يا خالي لو ما عيب وفشلة اكللك بتك بخمس دقايق الرخي كسرها واخذها...

شلون انة رخي سهلة ..

باوعلي

-نزعي بساع اريد اراويهم مو رخي

خجلت شنو هي، شله و اعبر لو زواج يعني مثل ما خلاني ادوخ بيه ليلة عرسة من حضني باسني غير،مشاعر مقدمات
شو هذا بدة ينزع ومعصب غمضت عيني بخجل

-لا مو هيج عيب
الخوف سيطر علي الاوهام رجعتلي تشنجت و احسة بيديه ينزعني

وينهش بجسمي بقساوة

معصب مدري منهم مني من الي برة
بس النتيجة وكعت علي
من الالم بضافيري على صدره علمت و جتفة زلغتة وهو وسع عيونة معصب وخر مني
ضربني راشدي وهو يكلي

موسع عيونة يرجف غضب خالتي تكول لازم دم
يثبت انت بنا بس ما بين كعدت ارجف اباوع للفراش الي ما بيه اي اثر او نيشان ينتظره مني

يباوعلي وهو بعصبية كلي

-انت....لج انت ليش شدين بروحج.. لج خل اشوف شغلي موتيني بيج كتلة...
عيونة حادة و يحجي بعصبية

كاعدة اباوع ماكو الاثر كالتلي عليه خالتي خولة..
بديت اربط خيوط الامور الما فهمتها...
بخوف
-عندي تقرير اجيبه وديعة كالت تنطيه لرجلج قبل لا يتقرب شوفه انة بنت صدكني
.

تسترت عنه بالغطا... ارجف خوف عيونة معصبة كلامه منخفض بهدوء و ما فهمت يشك بية لو شنو رد فعله... يحجي ما افرزن كل اعصاب جسمي مشدودة متوترة...
رجعت اركز برزاليلة الي خاصة من راد يتقرب مرة ثانية و دفرته...

-استغفر الله اذا تبقين هيج نبقى ترى كلشي ممحصلين شدي حيلج شبيج خوافه هيج...
خل تفض وترتاحين ليش خايفة باعيلي...
بس هو جنه مل مني...

لبس وكام انطاني دشداشتي

-لبسي مو فرهود هي اذا ما تسلميني نفسج

باريحية ما ترهم.واني هم معصب... هسة..

جوة الجرجف لبست دشداشة بيتية مرتبة

كمت و هنا انمغصت اجت كومتي باستعجال

كعدت ابجي

-شبيج؟

-بس اكلك شي فدوة اروح لطولك لا تطلع والله انة بنية بس مدري ليش هيج

-اريد اسبح بلكت تهدأ اعصابي وهم اشوف تعشوا لا وترى اذن مغرب من زمان
(اهل قبل اغلبهم عشاهم ورى صلاة مغرب )

) ) وهو العصر دخل و اذن من زمان فترك عروستة وقت اذان وصلاة )

رجع
كعد يمي و ابتسم يلمس خدودي الي علمت بصابيعه

-ادري و عذري تصرفي القاسي البرة عصبوني كلش،
من الله اكره تدخلات بامور خاصة والله عيب حتى مجايبين مرة وياهم...

ردت افهم يعني يشك بية لو عرفني بت بس شلون...و ماكو اثر...

دنكت و ما اعرف شلون بيه بس شو هاديء ومرتاح ليش عقلي جمد ما افرزن شي...

كام وطلعلة ملابس ثانية خفت يسالوه و يجبروه يطلكني لو يقتلني رحت ابوس ايديه

-مولاي ابوس ايدك والله يغيروك علي لا تطلع..

وخر ايده ورفعني

-استغفر الله شبيج اريد اسبح واصلي منو يغيرني عليج بنفسي حسيت محد متقربلج مو غشيم انة... ردود فعل جسمج الصعوبة بوصال التقرب كلة دليل..

بس تحتاجين وقت... و ما يهمني ترى الدم...
كبل لا ازوج سائل صاحبي طبيب لاني رجل ما يسوي علاقات غير شرعية..

و مجنت اعرف ممكن الرجل يحس مو بس يعتمد على اثر دم..
فردت معلومات حتى لا ابلي بت الوادم بذنبي

يعني قبل لا اعقد عليج اصلا صديقي طبيب دائما يحجي على بنات اصلا ينقتلن بسبب قلة.الوعي بزمنا لذا عندي معلومات مسبقة عن الموضوع....
صاحبي يكول اكو بنات تتاخر ايام يا الله يبين نيشان
جان كل ظني البنات نوعين نوع بساع مثل سكنة ونوع تحتاج ايام.. يبين او ساعات ...

رجغت افهمها خاف عبالها شامر،روحي عليها و اركض وراها وخاف تنغر علي شكلك ميت علي فكتلها...

-حدي وياج بس تصيريلي مرة و تنسد الحلوك ويا بت الناس ببيتي انت معززة مكرمة
-هو من اجيت مستلمني تعنيف

ا-لوضع اختلف حاليا وهم يعتمد على تصرفاتج

حضريلج ملابس تسبحين ترى صلاة من زمان وهم تعشي سندي روحج ورانا ليل طويل

شافني صوفرت

و عفت كل الكالة وجلبت

-هسة شتكول بنية انة لو لا....شنو برئيك..

هز ايده وضحك...

-والله يا الله اكو وحدة تشكك بروحها شبيج يابة

--خاف تطلعلهم ويقنعوك تطلك وصدك حجيهم عني،

مو انة غبي. مدام انة تاكدت منج طز بيهم
حزت بكلبي جان شاك بية
-يعني جنت ما واثق بية

-ليش انت تركتي،مجال ما اتهمج او حتى ممكن اثق بيج؟

طلع واجت سألته خالتي
- بشر.

-خير،ان شاء،الله خالة شوي فهميها شلعت كلبي كلش،
خل تحجيلج وها خل تسبح وقت صلاة فات

-تدلل يمة جنها ما فضت حظها هذا.

شبكت خالتي و حظنتها وبجيت..وهي تبجي، وياي

التفت علينا
-منو مات ذكروا الله شبيكم.

من بعد اندفاعي بسبب التقول على مرتي،

حسيت براحة وهدوء من تقربت منها بس ما بين شي.

سبحت ورحت سلمت على عمامي وخوالي لكيت السيد الجايبيه رايح بس عارف متصرفين من كيفهم.

و يردون يطلكون رجال من مرتة وهو مقابل

يباوعولي واني متجاهل تماما

-يا هلا بالعمومة والخولة يلة نصلي ونتعشى

بس،خالي ابو مرتي

-ها بوية

-شنو
-تطلك لا...

-ليش اطلك مرتي شريفة والنيشان خالتي شافتة
يعني زحمة اطلعة يمكم صح لو لا..

و تعقلوها وحدة زانية ابقيها ببيتي وي مرتي و مرت ابوي....

اخذوها حجاية من شاربي مرتي شريفة و بلغوا نساوينكم عيب عليهن يحجن بعرضها قسما بالله العظيم.

لسوي سواية متسولف و اخذ،حقي من شواربكم انتم

عصب عمي

-ها يا ابن اخوي تزامط لخاطر مرة ابنا انت وحقنا نخاف عليك
لو مو حقنا

-حقكم على راسي بس تعرفوني لو ما متأكد منها بنت ما احجي بزودي..ولا انة طفل تخافون علي اتقشمر
الموضوع طول وخاص وعيب تحجون بيه بعد
(كتلهم النيشان يم خالتي لان اعرف عقول الناس البسيطة مو مثل الواعي عدهم الدم مهم كاثبات)

يلة حي على الصلاة...

ورى الصلاة عشيتهم و سوالف

خالي راد يشوف بتة سويتله طريق لغرفة سكنة

بعد ما كلت لخالتي تبقى يم عايشة

ركضت سكنة لابوها وجن تشتكي علي

-بوية اخذني وياك هذا بس افك حلكي يكلي سكتي تعلمي تسولفين بهداوة وكلشي مكانة
ها و كلي ماكو ابوج بعد كل ثلاث ايام بالشهر ترحين يابة هايشتي ما يقبل يجيبها

ظلت تخرط كلشي ودخت منها

لا وابوها يشكيها ردت اغم روحي

-بوية انعلج صفحة خوالة شلون يضوج بنيتي
المدللــــــة...

بوية الهايشة معلمة عليج جنها ما تاكل من عرستي و اليوم ذبحناها لا تموت لان نحلت...

هو كللها ذبحت الهايشة تعاركت وي ابوها

-جييييف شكلت بوياااي ذبحت سعدة...

كعدت واني متونس راحة غريبة نزلت بنفسيتي وبالي برد من تقربت لعايشة احساس معشتة ابد وي سكنة جان احساس مو دنيوي وغريزة رجل احساس خلاني منتشي روحيا وجسديا عرفت حبي لعايشة لسة موجود بس حاجز مساس كرامتي هم موجود داخلي جرح فضلت علي الفلوس وحاتم الغيرة عمية

صفنت على البت و ابوها مثل كدامي فلم الصدك ونسني حجيها وي ابوها

ما تدخلت بس اباوعلهم مبتسم...

خالي كللها و بحذر

-بوية لا تضوجين احسن مما تموت

-بويااي ذبحتم سعدة ربيتها بماي عيوني احويلها عنكرات و اشربها ومدللتها تذبحونها ليش بوية ليش...

-بوية هي حيوان اول وتالي للذبح..
جبتلكم لحمات بعظم تازة انطيتهن لخوك باقر يوصلهن للمستورة حرمة ابوك
هنا حجيت وعيوني تضحك كد ما كاتم ما اضحك واحرجهم...

-مشكور خالي ما تقصر خوش لعد باجر نتغدة بيهن تشريب لحم و نندعي لسعدة المذبوحة
ونترحم لروحها وروح موتاكم.....

باوعولي على حجيي وانة كاض الضحك
وهي تبجي تخمش خدودها

-عبد الله صدك عود تريد تتغدة بسعيدة هايشتي عبد الله هاي صويحبتي وتذبحوها وتطبخوها..

رديت اشاقيها شفتها ماخذة القهر صدك

-اي عاد تربات ايدج اكيد بيها لحمة وشحمة

خالي هاي سعدة ما عدها عجل وليدها على جيتك الجاية لحمات عجل لا تنسى

لطمت صدرها
-يااااع عبد الله تحجي صدك دنت نفسك على عجيلها بس همزين مامش عجل عدها بس حولتين مسميتهن وحدة ترفة ووحدة صبحة

رديت اقهر بيها وانصب عليها

-خالي يمتة ما ذبحون صبحة و ترفة لا تنسونا جثرولنا لحيمات...ها ونريد الباجة

خالي ضحك وكال
-نزول عليك عبد فرفحت الفرخة حالك من هل ياهل...

-جاهليش خالي ظل عبي براسها وخربها علي

بوسها خالي وكال بوية نمشي جينا نطمن على ريلج و تطمنا

ردت
-اي كلة منكم خليتوه ياخذ هذيج الجنها جني مرعوص

هنا خالي ابتسم ومثل الي بتة اكدتلة تقربت لمرتي عايشة واكيد الرجل يعرف مرتة شنو...

-خيتج بوية... وانت عبد نجيكم غير مرة نباركلك على العرسين فد مرة

-خالي تباتون يمنا

-لا خالي ما يحتاج بعد لو مطولة شغلتك نبات لمن نتاكد مرتك صدك الكالوه لو تلفيق...

-والله تتعشون ما تطلعون

رحت اشوف سكنة
-ها يابة بعدج تبجين اجيبلج الاحسن من الهايشة بس خل اداوم هناك بطريقي يبيعون حيوانات و طيور

شوفي شراح اجيبلج ينسيج ام ترفة وصبحة الله يرحمها...

اجتني حظنتني وراسها على صدري

-شحجيلك يمكن ما تصدك سعدة امها ما جابتها كوة شدينا حبال برجليها الي بس طلعن وسحبنها ماتت امها بالولادة و عاشت يتيمة جنت الها ام و اخت وصاحبة لمن كبرت بيدي اختاريت الثور الي يعرس عليها

فرحت هواي من جابت توم ترفة وطرفة

راسها على صدري الي يهتز من ضحك مكتوم واسرح بشعرها
-اي والله صدك شكد فرحتلها جابت طبيعي و ما تيتمن التوم

-ميخالف يابة هاي امر دينية شنسوي راحت المسكينة تشاريب و معلاك و باجة..

رفعت راسها باوعتلي

-تضحك علي
-ابد..
بست كصتها ورجعت بجت

-عبد الله.هنا وجع بكلبي ابوي ذبح سعدة شلون اسامحة اقرب ناسي غدرني بهايشتي

-تكبرين وتنسين يلة روحي ساعدي خالتي بالعشا خطار عدنا
والج وعد ما تطبخ لحم سعدة لخالي ما يستاهل لان ذبحها نخليها باجر غدانا و نندعي لسعدة بالرحمة و الله يكثر من امثالها ينذبحن وناكل شورانة

خليت وطلعت بالي يم الثانية...

دخلت الغرفة و لكيت خالتي كاعدة على الجرباية مخلية راس عايشة بحضنها و تسرح بخصلات شعر،قصير جدا...

-خالة مسوية عشى
-اي يمة

-سكنة تساعدج اليوم عايشة اجازة خل ترتاح بلكت تفك من تشنج اعصابها وعضلاتها

-شنو يعني
-ههههه خوافة خوافة خالة
-اكلك اكوم انجب اكل الزلم سكنة ما بيها خير بس صيتها بت عرب

-علميها
-فكني،من امها كبل لا تروح صرحت بتي مدلله مو تكربين عليها و ترى ما تعرف تطبخ ابوها يخاف تحترك مثل هيلة

بسمرتني بامك اعوذ با الله من كيدهن

-ماكو هيج حجي شحدها ما تشتغل تشتغل وتتعلم حالها من عايشة وانت ليش تخافين من علوية ام جعفر. اول مرة اشوفج تخافين من احد عدا ابوي....

وخرت عايشة عن حضنها و غطتها

-مو خوف بس... اووو خل اكوم احسلي..

صحتلها وغطيت عايشة زين وايدي على كصتها جنها صخنت الخوافة..

-خالة عايشة صلت؟!

--اي يمة سبحت و صلت وخطية ذبت روحها نامت

-راقبيها بصلاتها ترى تزغلط

-مدام انت سالم تتعلم منك وليدي..مثل ما تعلمت الدين من ابوك..

-الله يخليج ان شاء الله جيبو عشانا هنا اريد شوي اشيل منها حاجز الخوف والخجل

.-اي يمة بالهداوة...بس تعشى وي خوالك وعمامك عيب تعوفهم و عايشة عوفها نايمة...
ولازم بعد تعدل بينهن

-خالة سدي هاي السالفةشعدل بينهن حدي اخذها نسيتي شلون تخلت عني هي لو عدها احد ما عرفتني ولا رجعتلي ما تريدني بس مجبورة

-فلشك ربي تاخذ البت وتعكطها(تشمرها تعوفها جانب ) ليش يمة حرام وانت مصلي صايم

-امور خاصة ما اكدر اوضحها بس تقربي منها ثبتلي متحملتني بالكوة بس تريد تثبت شرفها ما تريدني هي كوة وين كرامتي اذا اذب روحي عليها

اروح للزلم اجالسهم وسدي الموضوع..

رحت ونكلنا العشا كعدت اسولف انقش وياهم بس مو للشبع وراي عشى وي عايشة

مرتاح اضحك اسولف واشوفهم فكوا مني من شافوني كلش هادي مرتاح ومرح...

-اكول مدام كلكم متجمعين ما تداينون ابن اخوكم واختكم اليتيم مبلغ محتاجهن والله

باوع عمي مستغرب
-شسوي بالدين اذا على مود ورشتك اكيد التعويض كافي بوية لا تداين...

-عمي مدام سديت اقساط سيارتي اريد اشتري بيت ابو نشأت بيتي هذا زغير
اهدهن وابنيهن او افتح البيتين على بعض

و اعمر واغير بيه من داخل

-خوش فكرة لا لا تهد البيتين بنيانهن وين يتحصل بنيان يهودي تكمة

بس شيل الحايط الفاصل وهد بالحيطان من الداخل ورتب بيه و خليلك ضيافة ترى الهول يقيد اهل بيتك.. يعني دخلتنا لغرفة حتى حرمك يكدرن يرحن للمطبخ

-هو لان متقيد وهاي الغرفة سويتها ضيافة مؤقتة

اذا اهدة يطول ويحتاج وقت وفلوس راح اتمعمر بيه من الداخل دمج و ترميم

بس محتاج تداينوني

خالي غلس اعرف طبعة كلشي ولا الفلوس شكد حنين بس ما يحب يداين..

وعندة بخل نوعا ما ويمكن هذا الي خلا جعفر يشتغل بالتهريب. .

خالي يدري و مغلس... رغم خطورة الشغل..

بس عمي العكس تماما

-ابشر ابن اخوي ولا تعتبرهن دين

-عمي الحك حك..

اقسطهن الك مثل فلوس السيارة

-براحتك ابو هاشم...

ورى ما راحوا طليت على سكنة شابكة روحها ونايمة بس شهكات البجي

ابتسمت وغطيتها هي عود صدك هيج متعلقة بهايشة
اجيبلها طير تلتهي بيه هي هم جاهل...

ولازم اشد وارخي...
لمن تتعلم علي و تترك طاعة امها

حيل ضايج،من خالتي ام جعفر.. هي ورى فزعة خوالي وعمامي كايلة لخالي الى رايح جايب عمامي و باقي خوالي..

لكيت خالتي على مكينتها تخيط

-لو تركين هل خياط والله ممخليج محتاجة مو عيونج راحت

رفعت راسها

-ها عبد نسوانك نامت وجاي تعاركني حنيت يمة

لضيجة خلك عوفني الايد البطالة نكسة مدام الحيل موجود ليش اعوف الخياط

وراي هم اروف عبايتين...يردنها ام الفلفلة...(الحدود الخياط يكون بنقشة )

-براحتج انت التتعبين وتالي عيونج تنعمي..

ظل عشا ترى ما اكلت

كامت تصب

-اي بقيتلك الك ولعايشة ومرتك الزغيرة ما تعشت تكول خاف طابخين لحم سعدة ما يهلي كلبي اكل لحمها...

ضحك
-خبلة هاي... لا تكومين انة اصبلي وراح اكعدهن بالهول نتعشى انت وباقر تعشيتوا

--اي يمة تعشينا الياكل بضرسة ينفع نفسة عوف الفرخة ضايجة على الهايشة ما تريد روح للمكرودة ذيج ما شفتم من عرسكم شي لا تهنيتوا يمة اكلك حجاية

خاف توصلها مو بعصبية و ضرب المرة ينضحك عليها بكلمة حلوة و سالفة تنطيك كلشي روح الله يستر عليكم يهنيكم..

-اي صح... بس العشا خل يتعشن ثنينهن وياي

ما اقبل ينامن على لحم بطنهن

رحت اول كعدت سكنة ما قبلت وتبجي زمخت بيها
-تكومين لا اراويج غير وجه كومي يلة كافي دلال ترى انة مو ابوج الخربج..

كومتها و غسلت وجهها بالمغاسل و خالتي تباوع لوت حلكها..
و كالت
-هم جنت بالعمارة وبت عرب نطك الكاع تخضر عشتو. بنات عرب هاي الوكت مدللات

غلست على خالتي

وكلت لسكنة

-كعدي هنا يابة..اكوم اكعد ذيج مسنحة و ذابة روحها جنها ما نايمة شهر

دخلت الغرفة بس صوت شهكات اثر بجيها من تقربتلها...

ندهتها
-عايشة عايشة كومي يابة تعشي...

صوت تململ
-ممم شنوو

تجر الحجاية والنبي ردت اسمطها راشدي

كعدت يمها و همست باذنها
-انت كاعدة لو نايمة...

فتحت عيونها

-جنت نايمة
-لعد كومي لا نكرر الصار العصر شعدنة يابة شو ليل طويل وحضن ناعم الواحد يتمرغث بيه للصبح ما يمل

كعدت وجهها احمر

-ما اكذب جنت نايمة والله بس طبيت فزيت

ضيكت عيوني وهمست بصوت ناصي قربت حلكي من اذنها وهمست بوسط انفاسي
-حشاج من الصدك

شفت عيونها بيهن نظرة مسطورة

-عشى يلة ترى ميت جوع

ساكتة وصافنة على عيوني

-تكضيها صفنات
ردت بثول
-ها
-شها شبيج يابة يلة..
-اي

ركزت بعيونها ردت اغلس على العشا من شفتها تحجي هيج

-شنو بعيوني مصفنة

-اريد اعرف شنو لونهن الحقيقي شو كل ساع ينطن لون

-والله يا الله دكومي يابة و عود بعد شوي تلهي بعيوني وانا التهي بيج

خجلت من صراحتي و دنكت
سحبتها من ايدها لابسة ثوب بيتي وردي..

منطي لخدودها لون مميز..

هاي البنية شتلبس يضوي عليها...

كومتها.بس من شافت سكنة كاعدة انعقج وجه عايشة

و هم للمغاسل غسلت وجهها و هي تضحك فطيرة بس فاجأتني من علت صوتها

-عبد الله مو هيج شبيك...

وسعت عيوني

-شنو همست الي
بصوت ناصي
-الصابون دخل بعيني
ظليت صافن ما عبرت علي يمكن طلعت اني الغشيم بينهن

لواتة مو نسوان

تريد تقهر ضرتها

-شو من شفتي سكنة صحصحتي مو جنتي نعسانة

وهم من رحت للهول لكيت سكنة تخزر عايشة ومصحصحة حتى الهايشة نستها

-العشا خالتي طبخت صبت عشت خطارجن وانتن متنبلات من باجر خالتي ما جيس شي

صوت خالتي
-يمة بجاه عيوش ما مخليتني اجيس شي بس انة طبعي ما اكعد واكضيها نوم لو فرة فاضية بحجة ما اعرف اشتغل

غلست على بسمار خالتي وكلت لسكنة

-لا تبرطمين تشتغلين حالج من عايشة وتتعلمين

-ردني لابوي جا

-بطلي هاي هم وخلنا ناكل جوعانين هلكانين من التعب..

مديت ايدي
بسم الله الرحمن الرحيم...
جان وكت نازل الرطب.. تناوشت سكنة رطبة

-ما لحكت بكيعانة اكل رطب هاي اول اكلة ببيتك با ابو هاشم

ابتسمت
-بالعافية بس لا تنسين تسمين باسم الله لان هو خالق هاي النعم البسملة و من تخلصون الاكل تحمدوه وتشكروه هذا يكثر النعم و الرزق

الله يحب العبد المخلص الشكور

سمت سكنة وكلت الرطبة ورفعت ايدها وكالت
اكلنا جديد وربي اليزيد يارب زيدها وخلي كادودها

رددت انة وعايشة امين بسملت عايشة وبدت تنقش تاكل مبينة مستحية و مرتبكة كل ساع تباوع للساعة

-اكلي عايشة و عوفي الوسواس
الشيطان يوسوسلج و جاي يخليج متخوفة من وهم

ورى العشا كلت لسكنة تشيل الماعين تغسلهن

ردت
-وعايشة
-عايشة من اجيتي تخدمج بس هسة هي عروس
الليلة وباجر اجازة لعايشة

كامت عايشة
-فاهية هاي هسة تكسرهن ما تعرف شي
انة اغسلهن

-لا انت تجين وياي

-ها
سكنة باوعت بغيرة
-مو العصر يمها شنو طلابة كل ساع...
خزرتها
-اش روحي غرفتج
بعدج بكد الفصمة ما تحاسبيني بكيفي انة

ما واجهتني شردت تبجي ودردم
باوعت لعايشة
-انت فوتي كدامي

مرت هاي الليلة توقعت يتقرب و ظليت بهاجس

بس ما سوى شي بس طلعلي ملابس انام بيهم وكعد بالبلكون سد البردة عليه وفتح الشباك يدخن
يومها جنت مصخنة يمكن تمرضت.

من الرهبة.. بس ورى الثنتين كعدت على لمساته وعلى حضناتة
تقربلي هواي وهو يكول شيفضج شنو لزكت..

تالي على صوت الاذان كال يلة نسبح ونصلي اذن.
وراها ما اجة ابد... خاصة من جان يتقرب اقاومة واشبعه دفر عض تمشع و تنتهي يكتلني و يرزل يكسر ايدي التنمد عليه..
يمكن لان ما يجيني بمشاعر حسيت الحب منتهي وجيتة واجب وبس
ما جنت اتصور ما يبرز مشاعره حتى لا اجرحه بالصد او اتصوره ذاب روحة علي..

تركني اربع ايام... يروح يم الزغيرونة

خالتي كالت متحرجة.
-اكيد بس تكمل شغلتكم ليلة يمج ليلة يمها

عايفج ترتاحين وهم يحس ما ترديه والرجال كرامة مهمة عنده

سكتت بطبعي وكل تفكيري بالتقرير وشرح الطبيبة...

الي ما صدكناه.. ولحد هسة ما اصدكه اكيد يبين نيشان بس يتقرب بس جنة مل ما يريدني اكيد يحب الجديدة ليش لا وحدة توها شبت و حلوة

و شعرها سبل و بيه لون.. جنها ع شكار

شنو انة ويجيني...

عبد الله...

تركت عايشة ما اريد ابين لهفتي مدام حسيت بيها بنت رغم سالفة النيشان تحتاج وقت تجاهلت كلت كم يوم وهم اتقربلها وهل مرة احتكرها ليلة وافض السالفة..

بالنهار بين دوامي... و بين خرائط مشاريع واطل على الورشة الي نظفناها..

رغم اجلت افتح الشغل بيها بس جاي العمال شوي شوي ترمم

شما اسوي ما اجازيهم وكفتهم هاي صدك تبين معدن الوادم

باقر يجي للورشة شفت عندة محبة للميكانيك والحدادة

فكلفتة بالعطل يتعلم بالورشة صنعه

هاي الورشة جانت روحي بيها الي ذكريات ابوي واخوي... بيها الي النفس يسكنها بكل جدرانها

كاعد على ميز حديد وهم يصبغون وانة اراقب من بعيد

-باقر يابة بيض ذاك المكان اكثر
-صار يابة
-ما بيه حيل هلكان صاعد الثقيلة خمس مرات(برج لبناء )

عفت الورشة اشراف باقر ورحت لجماعتي كهوة هاتف او الشناشيل

بس شافوني سلمو علي
-هلا بمولانا العريس استريح شنو هاي الغيبة

بدة عزف عود وانغام شعر

طلبو مني كالعادة اعزف و اغني

ابتسمت وانة بيدي سبحتي و لسة بملابس الشغل اطلع من البيت كشخة وبيدي علاكة بدلة وخوذة المهندس بس من يخلص الدوام اتعاجز ابدل اجيب ملابسي بالعلاكة وارجع ببدلة العمل والخوذة البرتقالية..

-بطلت اغني من زمان... اذا تردون انشودة مدح رسول اماماو رثاء انة حاضر

(رباعيات دينية معرف شيسمونها بس هي يمكن نفس نبرة مقام الامي او دشت من هل مقامات الدينية وبالفصحى و استخدمتة سعاد توفيق بالغناء ع مقام لامي )
.
.
كضيت وقت بالكهوة ومن خلصت مقام مدح الرسول صاحوا الله مولانا.. زدنا

حتى الغدة ما رحت للبيت
اشرد من عايشة الي كمت اكتم حبي اخاف تجرحني ما اريدها تحس ابد ما انتهى حبها من كلبي

بس بليلة ما نمت اتكلب يم سكنة اباوع الساعة و كمت لبست قميص بجامتي وتسحبت سديت الباب

ورحت لغرفة عايشة..

عايـ🌹ـشة....

ظليت اغفي و نمت..

ما ادري شكد الوكت بس حسيت جسم متمدد يمي و حاضني يشم بركبتي حسيت اكو شخص يريد يكعدني ينثر بوساته بوجهي
وايده على شعري.. و نزولا لركبتي ونزولا اكثر

يامن تسترق من الليل ساعاته
لتحتضن حبيبا اثر نوم سباته
وتنثر القبلات ورودا مبعثرة
وتحتضن غصن الجسد بخفة
لتعلن ان بين ذراعيك نجمة
فتقبل تلك المنحنيات
بحنين زهور هجرتها الفراشات...
#وئام البصري..

كمزت..
من حسيت احد ينزعني ملابسي و بوسات تتناثر ما بين النحر و الجيد...

-وينج وديعة لحكيني

ظليت ابجي

وتكررت نفس الحالة والمعاناة...

عبد🌹الله

صرخت بوجهها
-كافي ليش ما تحبيني شناقصني وتلعب روحج مني اي اكيد والا شنو سبب متخليني الا اجبرج وتكضيها متقلصة جسمج و تدفعيني
وهذا سبب ما تفض...
كمت منها ضايج .. بعد ما اجيتها باغراء و اغواءها وتقربت

جانت راحتي روحيا مو بس جسديا بس تكرر ردود فعل جسمها برفضي وردودها هي ضوجني كلش

بعد شسوي حاولت وياها هل مرة بهداوة و دون عصبية بس بقت هي مرتبكة وتتشنج بكل جسمها

وكضتها وينج وديعة
كعدت بالبلكون شعري مبلل وبس بالسروال البجامة
كدامي طبلة ونفاضة افكر ليش ما بين شي

ردود فعلها واحساسي اثناء الدخول بها هي بنت محد كاضها قبلي

شوي بدا الشك يداخلني،..

بس يا رب حرام اتهمها ودخلت بيها بنت خاصة اول مرة كلش احس صعوبة

بس شنو السبب
كعدت بين ادخن بين اباوع عليها تنام وتفز تكمز...

سديت البردة وباب الداخلي مال البلكون
و رغم اكدر اشوف من مشخل الشباك المزخرف

بس فتحتة فهبت بوجهي نسيم رطب نبأني اليوم حيكون الجو رطب خانق

ريحة مميزة لهذا الجو تذكرني بريحة البحر...

صوت سيد حسنين وهو يبدي تمجيدات كبل اذان الفجر

وقراءة من ايات القرآن اخذتني عالم ثاني حسيت بحاجة اروح للجامع...

وقررت اوافق على عرض العلامة

اخصص على الاقل الجمعة لبيت من بيوت الله

لبست دشداشة بيضة وشاح اخضر لفيتة على متوني مستريح و لابس طاقية سودة خاصة بالسيد

اخذت السويج واباوع للساعة الحك اوصل الجامع كبل الاذان..

فزت عايشة كامزة

-هم ما خلصت تعبت

باوعتلها مضيك عيوني

-عايشة تقريرج الطبي يمج
كعدت مصفنة واكف صافن بيها

جرت الجرجف تتستر وانة اركز بكل ردات فعلها

-اي وكالت وديعة لازم رجلج يشوفه كبل لا يلزمج تستحي تحجي وياك ..

وتفهمك وهم بعد ما شفتها من رحت بيت الشيخ مرت مرة علي وتوصي من سمعت بية راح ارجع

و على اساس تحاجي خالة خولة
بس الشيخ حمد اصر يسافرون يكضون الصيف
بالشمال..
انة كتلك عندي تقرير تكلي ما اثق بدكتورتج الا اتأكد بنفسي

-اروح للجامع من اجي نتفاهم سبحي وتوضي و صلي مو تنسين صلاة الفجر ترى تنور الوجه

طلعت لكيت سكنة كاعدة تتوضى
و هي تكول
-يقرا قرآن لو يأذن شو ما ينفهم شيحجي

-بعد ربع ساعة ويأذن
تردين تسمعيني من اذن
ابتسمت
-شنو راح تاذننلنا
-بالجامع يا سكنة يلة اروح ماكو وكت

بس وصلت الجامع طلبت ااذن

داخلي كلش موسوس داخلي كلش مهموم

بس الداخل برحاب الله.. يطلع مرتاح

انتظرت السيد حسنين يكمل التمجيدات

وجان العلامة يقرا قران واكو مصلين ينتظرون
وبيهم توهم يتوافدون

من اشوف الفساد الي يخوف ونشره المد الشيوعي وبدايات التيارات البعثية والسياسية اكول على الدين السلام

بس من ادخل جامع واشوف الملتزمين باوقات الصلاة
احمد الله....
و اكول الدنية بخير،.. و الله يهدي العاصين لمباديء دينا

رحت استاذنت سيد حسنين ااذن

وكفت مكان المخصص كدام مكبرات الصوت

و بديت بصوت شجي يصفن السامع...

اول ناديت الصلاة خير من النوم

و اني اباوع للوقت بديت ااذن

حسيت براحة مو طبيعية

كملت الاذان و رجعت كررت يا نائم قم للصلاة فالصلاة خير من النوم..

......

عايشة....

طلعت التقرير بيد ترجف وانة ما اعرف متوترة

ليش ماكو دم...

رجعت بذاكرتي لليوم الرحنا دكتورة

غمضت عيوني وانة اذكر و امسح دموعي

شرحتلنا الدكتورة...وديعة بس طلعنا كالت
كالت
- المهم عدنا تقرير خل تولي وين اكو هيج شي..
شوفي راوي التقرير رجلج

دارس كلة بالانكليزي اكيد يفهم
و لا تخلية يوصلج الا يشوف تقريرج

-جا ما دريتي مو وديعة سافرت واعتمدت علي وانة اصلا ما فاهمة شي هو غير مهندس و يقرا انكليزي انطيتة التقرير كال كل الفهمتة انة يعني هو انة ما عندي مصايب من وراه يعني بنية بنية

جنا المح استحي احجي وهو كاعد

هو مدنك ايدة على بنطلونة و صافن

شوي وحجة وهو مدنك
-ما اشك بيها بس خو ما اظل انتظر النيشان كلت احاجيج تفهمينا ليش كلما اتقرب ما يبين نيشات
اني رجل اكيد اعرف وحسيت انو محد يعني فهمتيني مو؟ ردت بس اعرف اذا اكو خلل صحي

- اني
هسة افهمك....

بعد ما شرحتلة وبسطت الموضوع

كاعدة يم عبد بيد ترجف خليتها ع ايده

عيونه حادة بس ترخصنا احسة يعت بيدي عت
ويسحبني وراه ملامحة جامدة

اشهك وابجي ما خفف ضغطة على ايدي.

اخذني حديقة كبال العيادات..

كعد وكلي
-اسمعج.......
يتبع...4634 كلمة

ـ

-حاجيه
-من صدجك شلون فشلة.... شوفي احاجيلج مرت ابوه تفهمه

بس اول خل يقبل تردين

وصار الصار انجبرت وديعة تسافر و ما شفناها

حتى وكلت شيخ عمر يبيع البيت ويتكفل سداد الديون

كل اعتمادها اكيد عبد الله يشوف التقرير..

يمكن انة غبية....

بس انة بنت اكيد...

بس ليش ماكو دم...

ربع ساعة واسمع صوت عرفتة يأذن

اقشعر جسمي و دمعت عيوني لنبرة الصوت الجميل الملائكي يخلي الواحد يصفن يروح لعالم روحي

بعيد عن الدنيا..

-اموت على صوتك

كمت بتشجيع و التوكل على الله سبحت و تحضرت للصلاة

خالة خولة بدت تصلي هي وسكنة

وكفت بصفهن واصلي

واندعيت ربي بالستر.. و يغفرلي ذنوبي

و غلطتي بكسر كلمة عبد الله و طلوعي دون اذنه

اشتغلت بالبيت عادي

و خالتي كل ساع تشاقيني..

شنو هاي ماكلج اكل السيد ركبتج معلمة

لفيت الحجاب عدل من سمعت صوت باقر ينزل من غرفتة الي خصصناها اله فوك من تزوج عبد سكنة

توضى وهو يحاجي امه
-ثلاث نسوان ولا وحدة صاحتلي اصلي بوقتها الجو كشف
هسة يجي اخوي و يسمطني..

مو تفتنن علي والنبي وابو فاضل اكلة كلها صلت قضاة

رزلتة امه
-انجب.. خاف اكوم الوي ذانك سيد تشور بية ومالي حيل شارتكم.. بس اطيح حضك تالي عمري تكول لاخوك علي اصلي قضاة

شوي و اندك الباب

جانت بالستة الصبح
-رجع عبد الله...

ظل يكمز باقر منا ومنا..

-عليجن ابو فاضل لا تحجن ما مصلي مشي عليجن الزهرة كون تسطرجن ما تكوملجن راية التفتن علي صاعد اصليها فوك...

هي ركعتين افتح عين غمض عين وخلصت كال هذا وهو يكمز تكمز على الدرج بايتين بايتين

ذكرني بالكنكر من يشرد

تردون الصدك حقة يخاف عبد الله هو نظرة عينة تخلي الواحد يروح يركض للحمام لا يسويها على روحة

مو صارت بية مرة...

باوعتلي سكنة

و عيبت علي سكتت مثل طبيعتي

خالتي فتحت الباب اجة عبد جايب وياه ريوك
كيمر و حلاوة شعرية

انطاهن لسكنة..

-جهزي الريوك

برطمت وباوعتلي تاشر بحاجبها اتبعها
غسل و كعد

-باقر ماكو

-ينطي طيوره طعام

-هاي الطيور بس تبدي المدارس يبيعهن لا يلتهي بيهن

كامت خالتي خولة

-ها وين كعدي سكنة اليوم احنا خطارها

جان ظهرة لباب المطبخ تاشرلي اجي

ابتسم و كاعدة مغلسة

جنها ما دبرتها معقولة بت عرب الي يعرفن للنملة من تدب

من غلست ظلت تغم بية

و تحرك بشفايفها تدردم

خالتي كالت

-حبيبة عيوش انت بس جيبي الجاي الاستكاين هاي خاف تحرك روحها ونبتلي

كمت و عين عبد علي بين وجهة مرتاح حمدت الله الصبح نظرتة خوفتني

رحت للمطبخ اجت سكنة كرصتني

-ايدج ولج

-حضري كلشي البيت بيت عمتي ورجلي انت لفو تخدميني انت وام باقر

كرصتها مثل ما كرصتني

هي تكرص اردلها الكرصة

صاح عبد

-وينجن هو كيمر وجايات

-وخري عبد يصيح

اجة هل مرة صوتة حاد

-شكو اسمع لغوة اجيجن

وخرت عني ووخرت انة هم بسرعة و احنا كلمن لشغلها

كلتلي
-عرايكنا بينا توصلين للرجال اوصله جيف ترديني بس انة انكتل

-ما حجيت انة اعتبرج جاهل و طفلة واتحملج

-شني كلتي ولج اراويج بت العرب شلون تعارج
تحزمت بس اخذت الجاي والاستكاين بصينية طلعت متجاهلتها
كعدت بديت اخلي الشكر

و عبد صاح
-يابة سكنة جعنة..
اجت مدرعمة. و خلت الاكل حيل وكعدت

باوعلها بخزرة وكض ايدها حيل
-عيدي هاي الحركة وروح رسول الله املغط سحنتج بالكيمر

طكتها خالتي ضحكة و اني دنكت ضامة الضحكة

صاح عبد

-بااااقرررر

اجة يركض
-ها يابة
-ريوك... صعدتك فوك مو حتى تكض الحمامات وتسكت

النوب السطح يمك شلون سالفة هاي ما ترهملي

بس خل الي ببالي يصير وانزلك جوة من ارمم و ارتب البيتين

باوعناله بس سكت هو

ومد ايده باقر غسل واجة ...

جان باقر واخوه بصينية وحدهم

باوع عبد الله
-بعد كلنا نلتم بسفرة وحدة ابرك..
اكثر بركة

-يمة شلون نخليك وي النسوان
-وشبيهن خالة احب اللمة

مر اليوم وللعصر كال بدلي لبست وخليت العباية على راسي وبوشية جابتها خالتي و علمتني عليها
وطلعنا اول مر على محامي وديعة كلي راح اشتري البيت ليش يجاورنا غريب ما نعرفة منو
فرحت...

تفاهم وي المحامي على سعر منخفض و بالمقابل يتنازل عن التعويضات يعني اعتبر التعويض مدفوع مسبقا

-اريد احاجي دكتورتج مو شكا بيج بس اريد تفهمني بنفسها اكثر

دخلنا للطبيبة كعدنا و انطاها التقرير قرتة مستغربة

-ما اذكر فحصت بيوم وحدة مبوشاية بس التقرير توقيعي

-لبست البوشاية من تزوجنا جانت سفر

-رفعي ماما البوشاية محد يمنا

باعت صوبي
-رفعيها

شافتها
-هاا انت البنية الخوافة شلعتي كلبي بالفحص
رجعت باوعت لعبد الله..

اكيد تزوجتم شنو المشكلة بالتقرير

باوعلي عبد مستحي

-احجي

دنكت مستحية و الدكتورة شبكت ايديها بعضهم ببعض تنتظر رد واحد منا...

همست
-استحي انت احجي

-هو دكتور واحجيله انت احجي

الدكتورة
-ما فهمت شصاير وياكم انة فهمت البنية الاجت وياها

رديت بسرعة

رديت بسرعة
-جا ما دريتي مو وديعة سافرت واعتمدت علي وانة  اصلا ما فاهمة شي هو غير مهندس و يقرا انكليزي انطيتة التقرير كال كل الفهمتة انة يعني هو انة ما عندي مصايب من وراه يعني بنية بنية
جنا المح استحي احجي وهو كاعد
هو مدنك ايدة على بنطلونة و صافن
شوي وحجة وهو مدنك
-ما اشك بيها بس خو ما اظل انتظر  النيشان كلت احاجيج تفهمينا ليش كلما اتقرب ما يبين نيشات
اني رجل اكيد اعرف وحسيت انو  محد يعني فهمتيني مو؟ ردت بس اعرف اذا اكو خلل صحي
- اني
هسة افهمك....
بعد ما شرحتلة وبسطت الموضوع
كاعدة يم عبد بيد ترجف خليتها ع ايده
عيونه حادة بس ترخصنا احسة يعت بيدي عت
ويسحبني وراه ملامحة جامدة
اشهك وابجي ما خفف ضغطة على ايدي.
اخذني حديقة كبال العيادات..
كعد وكلي

المرأة تغفر وتنسى ، ثم تغفر ولا تنسي ، ثم لا تغفر
ولا تنسى.. وفي لحظة غير مبررة تتذكر كل شئ
دفعة واحدة.. وترحل للابد؟. #زينة_الحمداني

صباح الحب 🥰

#زينة_الحمداني

" أريدك أن تعرف جيدة
أن وجودك بشكل فارقة عظيما في قلبي وفي توازني
وفي خطواتي وفي إستقامتي وإستقراري وليس يومي
فقط، وأني معك أستطيع أن أتحدث عن أتفه فكره
تخطر ببالي و أن أتحدث في كل شيء فعلية في كل شيء
حتى في أقل الأمور شأنا.". #زينة_الحمداني

خلف_الشناشيل_حكاية16

واحترقت بجحيم احضاني

الحلقــــــــ16ــة
بقلم وئام البصري ام مصطفى

ذوبي واحترقي..
و تلهفي لأحضاني...
فانا ثورة رجل...
ضد كبرياء النساءٍ
#وئام علي.. .

................. نبدأ
اكثر البارت عن الحياة البيتية خل شوي نحجي بيها قبل لا ندرج للامور المهمة

-اسمعج؟!
-بس ليش معصب.. جا شبيدي خلقة الله بس لا تريد تطلكني بقيني عدك ولا توصلي اذا حالتي نفرتك مني..

جر نفس وشعله جكاره وهو يدخنها وينفخ بقهر
-مو هذا موضوعي هاي خلقة الله وارادته والله اله بخلقه حكمة
عايشة اكره المرة التكذب التضمضم الي ما تطيع زوجها

لج كم يوم محتار بيج

اتقرب وماكو نيشان خصوصا اول يوم ذاك العصر تذكريه حسيت اني ادخل على بنية تماما لو غيري ما يهمه شيحس المهم عنده النيشان تعرفين شيسوي ماكو حاجة ارعبج واكولج؟!

سكت و همست:
-اي اعرف كلتلي وديعه.

ونزلت دموعي

كمل بعصبيه:
-كرهتيني بوديعه تدرين لو لا ما طيح من لسانج
لج حتى وانت بحضني اتقربلج تصيحين راح اموت لحكيني وديعه..حسستيني مغتصب او ماخذج معركة تحرير فلسطين

لو كايلتلي بحالتج.. ما اظل انة محتار بيج اكول خطية ليش مدا تفض..اول يوم صعوبة هذا دليل عذريتج الايام وراها حسيت كانما اسهل و كانما اخذتج بس اثر ماكو حيرني هذا كلش
افكر بيج بقلق وانت نايمة مرتاحة تدرين السبب و مكتيلي.. هذا الضوجني منج

رديت عليه
-كم مرة اكلك على التقرير متسمعلي!

زمخ بيه:
-يا تقرير ها...؟ لج المفروض تحطيني تحجيلي..
مو اراويك تقرير...
كولي كذا وكذا حالتي...

مو اكعد بين الاجيج بين ساكن البلكون ادخن جكاير الليل كلة محتار بزماني

يعني اكول الي اجيسها بنية والله ذيج هي طفراتها من اكض جسمها لو الصعوبة بالوصال..
حين التقرب.. باول مرة تصير بينا...

احجيلي ولج ليش هيج تشلعين كلبي و تدولبيني..

باوعت لايده الرخاها عن ايدي رجعت كضيت ايده بيد ترجف و ابجي..
-رفعي بوشيتج مكاة معزول محد يمنا...

رفعتها ودنكت.. بخجل وتلكؤ صعب اطرح موضوعي يمه لسة ما تعودت عليه...
بس مجبورة ما يعوفني الا يفهم ليش ما حجيت
بديت احجي وما اخلي عيني بعينة حاولت اتناسى وحودة واحجي مجبورة شسوي...

-لو تدري بحالي كمت اشك بروحي وحجي الدكتورة ما صدكناه انة ووديعة

بس احساسي انة بنت طغى وثقتي مستحيل اغتصب و اكوم ما بيةشي و ما احس اي اثر او شي بجسمي وديعه فهمتني شنو احس لو احد مدنالي..

سكتت شوي وعقبت

-تذكر من تقربتلي وسالتك انة هسة بنية لو لا كعدت تضحك و تكول اكو وحدة تشك بروحها
هاا تذكر لو لا..
سألتك تدري ليش

هز ايده
-عبالي تخربطين بالحجي من تخافين و تتشنجي لاحظت كلامج ما تربطيه ببعض
شمدريني انة شنو بيج كل العرفتة انج بنت وحلفتي و عندج تقرير يثبت شمدريني بحالتج النادرة

- لان رحت مو بس هاي الدكتورة لخبطني
الدكتورات كل وحدة تحجي شكل بس اكدلي محد واصلي وهم الضربة على راسي صح وكعتني بس مو معناها ما احس
لو صاير شي جا حسيت... و انتبهت من الاغماء لاني مجنت منومة او مخدرة وما احس..

دنكت اكثر وهمستلة بصوت ناصي

-انت من تقربت مني اول مرة ضليت يومين موجوعة ببطني و بــــ.......

سكتت و هو فهم تلميحي.
جر نفس....
رجع شعله جكارة ثانية..

غمضت عيوني واسولفلة معاناة ذاك اليوم.

-رحنا لوحدة تعذرت انو متكدر تفحص تخاف من العشائر خاصة اكو حالة صايرة من سنة
مثل حالتي منطية تقرير الاعضاء الخاصة بالبنت عذراء،محد متقربلها بس ماكو غشاء اهل البنية ممصدكين بكلام الطبيبة انو اكو هيج حالة جايبين جدة عرب الي اعلنت مو بنت و قاتلين البنية

كش جسمي لرهبة الموقف ظليت اباوع على زرعة تخيلتة مموجود لازم اتجرأ و احجيلة يفهم رأي باقي الدكتورات مني احسن مما يسال و يبحث بالموضوع من دكاترة وناس فاهمة..

كل ما تتقرب خفت منك لا عبالك مسوية مكسورة وتطلكني او تذبحني

ودكتورة.غيرها فحصت كالت بنت بس الغشاء حيرني مشايفة مثله منطقتها المهبل متقلص جدا اكثر من المدا الطبيعي مهما يكن مستحيل احد
مغتصبها والا انفك التقلص..مهما يكن حمدي ربج بنتي حالة صارت بالبصرة ذيج الله خلقها دون

غشاء تام و المهبل طبيعي يعني اذا فحصتها جدة عرب او غير متمرسة تعلن البنت زانية
شوفي هذا رأيي و حدزج دكتورة اضبط

بالنسبة لزواجج اطمأني بعد عدة تقربات من زوجج ذاتيا عضلات منطقتج من تبدي تتوسع تنطي دم الاحتكاكات..
وكثير ناس تظن هذا من الغشاء...

كتبتلي ورقة توصية بفحص تام ودزتنا لطبيبة كالت هاي شهادتها من الخارج هي الي تأكدلكم الحالة افضل مني وتشرحلكم عنها و عن تحتاجين عملية توسيع مهبلي او لا

.(طبيبة من رواد الطب البصري ان ذاك وحتى من بغداد ومحافضات يجوها الي عاصر ذاك الزمن من الوصف حيعرفها منو..)

اول دخلت وديعة وشوي اجت
-تعاي المن برة جاي انة افحص لو انت تعاي خايبة مرمرتينا بين الدكتورات.

جريت نفس سكتت عن سالفتي وعيني على عبد الله و رجعت عيني للزرعة

ومديت ايدي افرك بورقها ضربني على جف ايدي حيل مال واحد مقهور كاض روحة ما يكضني ويكتلني وين اليوجع.

-ايدج هاي سامة

كام
-
ابقي مكانج شوي جايج

اجة جايب وياه بطل مي
-مدي ايديج غسلي وبسملي باسم الله..

طعته و غسلت رجع كعد وهاي المرة نزل بجسمة على مصطبة الحديقة و اتكأ براسة على الساند ايديه ورى راسة تسنده و عيونة مغمضة رافع وجهة لفوك للسما..

ملامحة مرتاحة بس ضايج مني يعتبرني انسانة تعمدت متكلة وتبقيه بحيرتة او عبالة ردت اخدعة بلكت يطلع دم انقباض مهبلي..
حتى اغشه و يتصور اني بنت طبيعيه
ببالة مريد اكلة بيه عيب خلقي..
خاف ميتقبلني.. يمكن هم صح ببالي بلكت الدكتورة كذب ويبين دم...

شوي انفرجت شفايفة من ورى خشمة وبزعل حاجاني..

-كملي اسمعج شو سكتي
عرفتة يحلل حجي كلة ويقارنة وي حجي الدكتورة مو شكا بعذريتي بس يشوف اذا تعمدت اضم عليه لو لا. من خلال نبرتي وانة احجيله

ظليت ساكتة... هواي اليوم ذبيت المستحة وحجيت وهو ولا هامة خجلي اكيد ميحتاج يعرف شلون فحصتني الدكتورة شرحتلة الشي الي انة ووديعة ما عقلناه ابد... بكلبي كتلة مو شرحتلك الدكتورة وانطتك حتى تعليمات المن بعد اكمل الا تحرجني..

استحيت اكله
نمت على السدية يومها وكل ما تريد الدكتورة تفتح رجلي اكمز ادفع ايدها لو رفستها مثل سوايتي بعبد الله

بس عبد قوي كدر يحددني ويتمم الزواج بس مبين شي

اجت لاختي

-ما تخليني كوة فحصت..
منطقتها الي المفروض تتمركز الغشاء بيها داخل لجوة بتشوه خلقي...

محد لامسها ابد ابد ولو طرف اصبع منطقتها عذراء تماما بس دون غشاء البنت ما مارسة اي علاقة بتاتا خاصة انتم وضحتم الفترة والا ترك اثر تخدشات مهبلية و توسع طفيف يثبت انو تم الاغتصاب مهبلها ضيق جدا احتمال اذا حبلت ولادتها الا قيصري اذا ما اخذ وضعة الطبيعي بعد الزواج يعني مهبلها غير قابل للتمدد بسبب تشوه بعضلاتة..

-شنو يعني شو ما فهمنا هسة اختي بنية لو لا

-مدام ما مدخول بيها بنت اكيد.. بس كتلج مولودة دون غشاء ورى ما تتزوج بشهر جيبيها افحصها اشوف وضع المهبل من الداخل وافحص عضلات المهبل و عنق الرحم طبيعي لو هم اكو تشوهات مثل بدايته..

ضربت وديعه صدرها

-يا وشلون نحجي لرجلها استحي.
دكتورة خاف غلطانة

-لا ما غلطانة شنو.. تشريح جهاز النسوي قابل ما اعرفة...

عمق الغشاء الطبيعي ، ثنين سنتمتر.

و هذا اختج ولاديا ما تملكة لو كان موجود و تم فضه لترك اثر حشرفات جانبية..

-شكول لرجلها مو بت والله يتهمها ما تعرفيه متشدد و معقد كلش همجي

-مو بكيفة هاي خلقة الله يعجبة يتقبلها مثل ما هي ما يعجبه طلكوها منه احسن و هي مدام ما مارسة وي رجل علاقة هي بنت...

-زين دكتورة ما فهمنا شني هاي جديدة النوب جا شلون تنطي رجلها نيشان شرفها
-اختي حتى بيهن يملكن غشاء،و ما يبين شي ليش ما تفهمين علي ساعة اشرحلج..الدم

هذا يعتمد اذا متوترة خايفة تنقبض عضلات المهبل تسبب نزف متنقبض وما متوترة احتمال الاكبر ماكو اي دم و اكو حالات النزف انو الغشاء يحتوي اوعية دموية باماكن التمزق

..
يومها مصفنين ما مستوعبين هم اكو هيج شي
شبيه حظي طلعت من النادر...

طلعنا مصفنين وديعة الي عقلها اكبر مني رغم اني اكبر سنا

-تراويه التقرير لتخليه يتقربلج هاي اذا قبل يرجعج

و بس يدز خبر،يقبل ترجعين اروح احاجي خولة ام باقر تفهمه

-اكلج ما فهمت شتقصد
-مثلج والله..سطرتني كلمة كلمتين عربي تلطش انكليزي و الله كضتها علي هايمنلي برنليلي مدري شني هاي ولا فهمت شي طلع انكليزي وشلون انة بالانكليزي فد شي(hymenal membrane

الشيخ يلح ارجع اكمل دراستي وانة بس يجيب سيرة انعس
زين خل احنا نحلل شوفي هي كالت بنت بس غشاء ماكو احتمال غلطانة او ما تفتهم و ما دام كالت ما مجيوسة هذا الاهم وكالت منطقة مركز الغشاء داخل جوة هاي شنو النوب..

جا يسويها حظج... بس اكلج هاي غبية وخبصونا بيها
يمكن غشاءج موجود بس ميبين لان داخل لجوة

بس شني هاي ولا فهمت جديدة هاي النوب...

وهاي انت هم الله يسلمج ما خليتي الدكتورة تفحصج عدل كل شوية و كمزتي لو رفستيها زين ما كضتج و كتلتج ذن من الله ما يتحملن وكدة تتمضيكلهن...

يومها رجعنا البيت كبل لا اترك بيت وديعة رحت للغرفة قفلتها وبمراية ردت اكتشف نفسي بس ما عرفت شي وزدت خوف..

ورهبة خاصة من قبل ارجع بشرط حلفان وجانت حيرتي لان نفسي ما اعرف اني بنت لو لا
بس اعرف محد متقربلي....

على ايده انتبهت

-وين صفنتي...

دنكت
-فهمتك التريده مكدر احجيلك الفحص استحي

حسيتة هدأ
-تدرين عايشة لو مزوجة حبيب الكلب ابو الفلوس الي عفتيني على مودة واحد همجي ما يصدك بيج ابد..
حمدي ربج علي اصلا وين تلكين مثلي..

حسيته انغر او يريد يغثني او لكاها فرصة يقهرني لان رفضته و عرفت بعبد الله طبع مو حلو ما ينسى الاذية و يلح باي فرصة يذكر بيها
و يعاقب عليها..

الحمد لله والشكر وين الكة احسن منك

باوعلي بطرف عينه
-زين الفهمته منج ما فهمتي شرح.الدكتورة
بس هذا تتوقعيه مبرر يقنعني..

-عبد لا تصعبها علي ترى هم وديعه ربكتني و منا الدكتورة . يعني شنو مولودة دون غشاء وين صايرة هاي و منا تكول انت عذراء. دخنا بحجيها. وديعه كالت الي الغشاء،موجود بس،مبين عدها لا.. لان اهووو مو كلتلك الدكتورة كل الحالة ليش تلح
بس شغلة اكلك ياها مو شغلة ما فهمنا الشغلة اصلا ما صدكنا وكلنا هاي ما تفتهم....

-معناتها زواجنا تم من ١ اول مرة كضيتج..

سكت و رفعلي تك حاجب و ضيك عيونة وابتسم بغرور يمدح روحة او يتعمد يحرجني...

-المرات الوراها المفروض تعودتي الشغلة و طبيعية تصيرين...
امممم شو اجة ببالي مكتيلي على الفحص شنو حتى اظل اجيج ع امل نفض الشغلة اكيد متردين تبينين حلتلج الشغلة وحبيتي قربي
بس خوش حيالة انت.

بحجة ننتظر النيشان عبد الله ما خلا طريقة ما اجاج بيها و انت تدرين الوضع ساكتة حتى استمر اواصلج

خوب كولي ترديني حبيتي عشرتي كزوج
بدل اللف و الدوران

وسعت عيوني يحجي صدك معقولة لهاي الدرجة صار يتصورني احتال على مود يتقرب و اني كذبت مكتلة اصلا ميبين نيشان حتى يستمر يجي

خدودي احتركن خجل و هذا خلاه يضحك علي
و ياكد ظنونه متناسي ما متعودة منه حجي بهيج امور كمل

-لان كتلج بس اخذ النيشان اعوفج مو عبد الله الي يذب روحه ع مرة كسرت كلمتة وطلعت دون اذنه وفوكها اعترفت متريدة ولا تحبه

متريد شخص عبد الله مشاعره دواخله بكل حالاته عصبي هاديء فقير غني الخ
بس رادته كشكل جميل و تورطت لان مراهقة جانت..

باوعلي بحدة وتنهد وعصر ايدي حيل

-اخ عورتني ايدي(اذيتني البصرة قديما ميكولون اذيتني ولا ضربتني رغم اني اذكرهن تخفيف لهجة يكولون عورتني والضرب طكيتني 😁)

ظل يعصرها حيل وجهة مشدود

-كبرت المراهقة وشافت اختها تلبس تطب تطلع محد يحاسبها حبت تقلدها بس وين هاي ترهم لعبد الله الي كلة غيرة ونار تسعر بيه ع عرضه يريد بس اله محد يطالعة(يشوفه)

اول مشكلة لعبد الله وي اهلها جان مزامط توكف وياه.. القشمر ما اباله بنية زغيرة وحبت تلعب لعبة العشك وتورطت..

. اذكرج اجيتج للمدرسة اتوسل اخطبج تنطيني اعذار ناجل الشغلة لو ما اخوج لزمنا يمكن لحد الان انة قشمر تلعبين بمشاعره ومن وراه تركضين ورى حاتم لخاطر الفلوس.. و عاجبج هو لان وصولي مثلج

وهسة سترج عبد و اخذج و تقبل العيب الخلقي لانه انسان يخاف الله بس انت نفسج انت
بدل متفهميه وضعج عفتيه للمفاجأت.

وترديني ما اظن سكتي لان تدرين مينزل عندج نيشان... و تعمدتي السكوت حتى استمر اجيج

مو غرور مني بس يمكن حبيتي لحظات قربي رغم تظاهرين متردين و ردود فعلج تدفعيني او...

سكت و باوعلي بزاوية عينه
بلعت ريكي.. صدك مغرور بروحة
لا فاهم غلط الدكتورة كلتلك الالم طبيعي لان تعرف وضعي هيج ....

و صدك حالي منك انتظر نيشان و اخاف رد فعلك من ماكو وهذا خلاني اتصرف بخوف وهسترية.. من تجيني

مو مثل ما تكول ترى اول مرة احجي وياك بهاي المواضيع لو تدري شكد صعب علي

باوعلي ورفع تك حاجبة هاي الحركة الي يكلي يفلانه عود صدكتج

يارب شلون اقنعه مكتلة لاني مصدكت الدكتورة اصلا ظليت بشك بحجيها

وكل هذا خيرته وكتلة تشوف التقرير ما قبل هسة لاف الموضوع لصالحة وصرت تعمدت اضم عليه حتى اخذ راحتي عجبني اليسويلي ياه و عشرتة

و طلعت اتعمد اقاومة مو خوف منه ومن الالم لا حتى يعاند ويستمر ويجي

ظليت ساكتة وهو يتفاخر ومرة تك حاجبه يرفعة مرة عيونه يضيكهن

كام وكال
-خل نتمشى شوي نزلي بوشيتج يابة وتحملي عيشتي شسوين هذا قدرج ورجعتيلي.

ها.. و ترى ما افرض نفسي عليج بس لان حرام علي لازم اعدل بينجن والا ما اوصلج انة جنت حالف بس اخذج اعوفج مركونة للستر و الثواب

جا عبالج انسى دكايكج..

يحجي يدردم ساكته

ردت اكلة لا لا تسوي فضل انة محللتك وواهبتك بحقوقي لا تجي

بس خفت ما اعرف رد فعله
ورى ما فرني لكورنيش

ركبنا سيارتة الركة....

و دخل لسوك الهنود اشترى شغلات منه

نتمشى كاض ايدي و العلاليك بيدة الثانية
خلا الغراض للسيارة ورجع كال نروح للاورزدي

وكف يمة يكلب بيهن...

اكو ملابس هم خاصة.للنوم خياط بيت وعارضيهن بس ما تدنالهن جنة استحى

بس عيونة صافنة من بعيد على واحد...
لونه اسود وبيه نقش ماروني

ضيك يم الصدر و ما بيه ردن بس مو سيور يعني شلون كيموني و من الخصر يعرض بكسرات وكصير جان

تقرب مني و شاورني

-احم جنة هذا النفنوف. حلو بالصيف والشركي حفظتي موديلة وصي خالتي تخيطلج مثلة كلش حتى اللون استحي اشتريه

انة كلت همزين البوشية سترت خجلي

رجع كلي
-ها شكلتي نشتري قماشة موجود اكيد

رديت مبرطمة من جوة البوشي

-لا شسوي بيه هذا مال عرايس انة وهذا اللبس شنو اشتري القماش لسكنة

عصر زندي حيل و بوز

-بكيفج كلت الجو كلما هاي يصير رطب وهذا خفايف لليل انت الخسرانة....

شنو عبالج ميت عليج ذاب روحي عليج شدعوة عمي ردج هذا

حيرني والنبي..

هسة لو كتلة اي ججا كلي ميتة علي و ترديني مو بيدج ويظل ينغر و يبين روحة يجيني بس لاني اني الي رايدة وهو حقاني يخاف الله

وصلني للسيارة و رى ما اشترالي و لسكنة

كلبيات مصرية... بيهن فتحة صفح..
زغيرة وبيها مجال خياط تنفتح للي تريد تفتحها اكبر

يبيعهن واحد مصري مبين عايش بالعراق من زمان لان لكنته عراقي مصري....

كلبيتي اختارها الي لون سمائية و خيوط بيها نيلي

و كلبية سكنة جانت لونها بلون الدارسين طوخ و خيوط تطريزها ذهبي

جانن موديل صعيدي خياط بيت الظاهر مرتة تخيطهن و يبيع...

اشترى لخالتي وباقر هم..

شفت بيه رغم بساطة امكانيتة نفسة حلوة و يحب يدلل المرة...

وصلني للسيارة ومد راسة يحاجيني

-ابقي شوي راجع..

خلا ورجع للاورزدي

وانة وي افكاري شفت بعبد الله يحب العلاقة الزوجية كلش ويحب المرة تتفاعل وياه.

و تبينله راغبه بيه

بس ما يحب يعترف انو يجيني برغبة خول موضوعي سبب
و تالي اول الموضوع انة الي حبيت العشرة وياه رغم حسب ظنة ما احبه يريد يكلي غريزتي وياه قوية..
والله خوش لف الموضوع علي...
عبد الله....

رجعتها للسيارة وانة ببالي النفنوف.. دخل بنفسي كلش

بس شلون اكول للبايع اريد هذا النفنوف هيج شغلات النسوان الكبار تجيبهن يعني المرة توصي عمتها امها...

اروح و ارجع على المحل وعيني على النفنوف معلكه.... بارز بين باقي الملابس

استغربت قبل جانت هاي الملابس ما تنعرض هيج للعيان

ايدي على حنجي التوة بدة يبزز لحية.. الزينتها بعرسي على سكنة...

اجت مرة عجوز اشرت على النفنوف

وراح كلبي وياه راح تشتريه

وانة الخجل كاتلني

بس هاي عايشة ما رادتة اكيد ما تريد تدللني باللبس

بس خوش انة ما بينتلها شكد نفسي بيها خليت الموصوع براسها كلما روحي تتعلك بقربها اذبها براسها واكلها انت الردتي..

اي لعد شلون... كافي هواي ركضت وراها اجة الوكت الا اركضج وراي يا عيوش بس خل اعلقج بية انة الج.

المرة ما عجبها السعر..
دارت علي و دردمت وهي تهز ايدها وتمشي

والله يا سيد من شفت عينك ع النفنوف كلت ما الي نصيب بيه عيونك متشلعة عليه اشتريه كاضتك و نفستة لمن ما طلع غالي

تعجبت و ردت احجي بس استحيت شلت الوشاح الاخضر من ركبتي و مسحت وجهي العرك

جن ابو المحل انتبه ابتسم

-هواي نسوان سولتهن المداهرة هاي مو شراية اذا تريده عندي قياسات اكبر وازغر منه

باوعت للباىع لكنة كلامة عرفتة مو مسلم هذا مبين يهودي

اكول عارض اللبس والموديلات مو مثل الي نعرفهن موديل غربي...

بس هذا عجبني رغم بساطتو مبين خياط مو جاهز

-هااا وياي تحجي

-جنك موشراي

-ها اي لا.. بس..
سكتت
جنة افتهم خجلان اكلة اريده

نزله و خلاه بيدي
-انطيك ياه ب ###
شكلت سعر مناسب
-اي اي بس بسرعة لفة بعلاكة عيب منا الوادم

هاي سكنة لازم هم اجيبلها واحد.... خاف حرام علي اشتري لوحدة ووحدة لا

بس عيب انطيها فلوس و عدها ام تشتريلها عايشة يتيمة

خليت الفلوس بيد البايع و شردت من الاورزدي كلة

بطريقي اشتريت هديتين حق الصبحية هاي عادة عدنا وما اعرف اذا عد باقي الناس بس عدنا قديمة

نبهتني خالتي ام جعفر بصبحيتي ع سكنة شو وين حق العروس الصبحية كتلها ما اعرف بس اطلع اجيب

اخذت قطعتين ذهب سحبت من خالتي خولة الفلوس الاضمهن يمها كالت اخذ شي رمزي وراك خير،من الله...

جانن تراجي بسيطات بس حلوات....

ركبت السيارة وشمرت العلاكة بحضن عايشة
-الليلة لسكنة باجر الج تلبسيه.شفت بعيونج حبيتي الثوب المن ظال ببنفسج الثوب و اني

باجر يمج و كل حاجتج الي تتلبة..

رفعت البوشية وباوعتلة واحلف اله

-وكتاب الله ابد الي ببالك غلط..

شغل السيارة
-ليش تستحين من غريزتج هسة الحب بلة ما تحبيني بس كغريزة ترديني لا تنكرين و تتمنين الثوب تلبسيه الي

-انة
-اي نعم

-تحجي صدك عود
-موضوعج سر بينا لخالتي ما تحجيه الناس ع بساطتها ما تتقبل هيج والله انت بخيتة وكعتي بواحد مثلي..

صلي لرب العالمين صلاة الحمد و الشكر

رديت وانة حيل ضجت اكيد يتعمد ينصب علي ويغثني

-تدلل

بس وصلنا اجت تركض سكنة وهي تشيل العلاليك عنه

-يابة ثكال عليج مو هيج

-جبتلي وياك حلاوة

ضحك
-كلشي جبتلكم حتى كرزات.

-غسلت البيت وي عمتي ام باقر

و اليوم انة ركبت العشا

الشي الحلو بعبد ينطي كل واحد مايتة وينزل لعقل المقابل

خلا العلاليك بنص الهول وكعد وهو يسمعلها

كعدت اشوف شوراها..

بوزت لان يضحك وياها والغيرة اشتعلت بية

-عفية الشاطرة.. شسويتي عشا بلة.

-خالة كالت تمن مفركع بدهن حر و تمر و روبة دواب (اهل قبل يموتون ع هيج عشا )

-عاشت ايدج.. يعني تعلمتي تطبخين تمن

-اي والله طبختة اكيد تحبه

خالتي كاعدة وتهز بيدها

-شطبختي اكلج حبوية شو انة ثرمت البصل انة حمستة و انت عود بس ذبيتي التمن ع البصل
اني هدرته و انة الفركعتة بدهن الحر...

ضحك عبد الله
-خالة انت الخير و البركة بس غير تتعلم منج

بالبداية

ردت سكنة
-اليخلي التمن بالجدر هو الطبخة شتكول عبد

غمزلنا بطرف عينة و كللها

-اي والله حقج يابة سكينة تعبت بالطبخ بيش تطلبوها بعد

اي يابة سولفي سولفي خوب سوالفج تونس الضايج

ما صدكت و كعدت يم رجليه وعلى ركبها وهي تحجي

-بدلت الكلة خليت حمرة

رفع راسة للسكف
-حمرة سكينة ترحين تنزليها و تعلمي تنسقين بالالوان

تعاي شوفي شجبتلج

خفت لا ياخذ العلاكة البيدي و يقهرني ينطيها لهاي ضميتها جوة ابطي بعباتي....
وكعدت لافة العباية زين

عبد الله..

مدنك... بس زاوية عيني ع عايشة شلون ضمت النفنوف جوة العباية ابتسمت و جن اشوفها صارت حمرة من شافت ابتسامتي

سويت روحي ادور بالعلاكة

-انة اخوك يا باقر.... نسيت علاكة بالسوك

شفتها انكمشت تكض العباية حيل وتعصر بيديها على صدرها و ابطها..

ودنكت

اجة باقر
-صحتني

-لا... بس تعال شوف هذا قميص يكديلك
اخذه فرحان

-عرس ابن خالي قرب نروح للهور نكشخ بيه

ضيكت عيني
-ما تروح..

خالتي حجت
-يمة جا منو يوصلني سنين ما اروحلهم ويجوني هم يشوفوني وهذا عرس

-خالة خاف يغرك و بس هل اخو عندي و انتم معدانكم دوم طلايب

-شلقضية يمة عرس ورايحيلة خل نتونس لا ظل تعرضلنا سيد عرضتك تخوف لا تخليني ابطل

-عمي روحوا... بس دربالج ع نفسج وابنج

دنك باقر و باس ايدي وخرتها رجع باس متني وراسي

-الله يخليك النا يابة
وياك مصيريف الي وامي يعني كراوي نكوط عرس غير انة بدالك انطي الزلم واجب
و امي عود من خياطها تنطي عن روحها

ضحكت
-نجر ما تنغلب
باوعتله امه
-خوش ضمنت روحك ....

لاحكني ع الخياط ابن خولة

ضحكنا عليهم انطيتها ثوب سادة غامس بيه شوي تطريز فضي

-وهذا كشخي بيه يم حبايبج والج هم مصرف

باوعت للثوب ولوت بوزها
-اخيط احلا منه النوب جايبة الي يبرج كاولية شنو

ضحكت
-غير وراج حفل زواج

هزت ايدها

-شو ما تستحي ولك عمت عيني اذا البس ابو برجة من ورى عبد الرحمن..
خل اشيل هل تطريز اليبرج البيه واسويه سادة همزين جايبة طوخ لو جايبلي حمر خضر بعد

سكت..

بس من عيونة عرفت متحمل ما يحجي عليها كدامنا

انطيت عايشة كلبيتها السمائي
و سكنة هم...ملابسها

طلعت التراجي وغلطت كلتلهن اختارن كل وحدة تاخذ زوج

اشتريتهن بشكل حلق ينتهي بشذرة وحدة حمرة و الثانية بلون الماس ابيض
العركة صارت على الحمرة

كامت عايشة وجرت العلبة ام الحلق الحمرة

-الي ميجيج هذا اللون يسويج صفرة

ردت سكنة
-هي ترجية مو لبسة شو جيبي جيف تردينها بس الج لان حمرة وعبد الله يحب الاحمر

رجعت عايشة

-يجي وي نقش نفنوفي الاسود ابو نقشة حمرة

الغيرة نست عايشة الخجل و طلعت العلاكة بس فتحت طرفها ما طلعت النفنوف
-شوفي جاية فيت

وسعت عيونها سكنة و بقهر
-ليش تفرقها عني مشتريلها بالسكتة ومضمضمينها هاك ترجيتك الفاهية ام لون الابيض شسوي بيها وهذا هم الثوب الي خاف البسة واشم بيه ريحة دارسين لو جايبلي مثلها

كمت معصب
-شبيجن ها انت كلت امج تشتريلج

-بس مثل ما جبتلها جيبلي شنو امي هي رجلي

دنك باقر وطفر مستحي من الموقف
و خالتي هم ما تدخلت كامت للمطبخ و عافوني بنص النسوان

ردت عايشة بهدوء الي تعودتة خاصة طبيعتها سكوتية
-هو وينة جسمج هذا نفنوفي حاي قالب علي انت عود خليج على دشاديش العرب

هنا ما تحملت شكد ما عايشة عزيزة بس لا ما اقبل هيج تعامل سكنة

-اخذي نفنوفج وولي غرفتج و حتى يصير،الحق
الترجية الحمرة شذرتها لسكنة وانت هاي
بس عاندتني

-اريد الحمرة

-مو بكيفج و باوعتلها بنظرة وكلت لسكنة

-اروح للسوك اخذ خالتي وياي ونجيبلج احلا نفنزف وهاي الترجية الج

روحي غرفتج...

راحت فرحانة تكمز.. و تتغامز لعايشة تغثها
الي خلت العلاكة والعلبة بيدي

-ع شنو تشتريلها انطيها ذن اصلا ما يعجبني

-شبيج انت ها مرة الج مره الها لو جايب نفس اللون احسلي شبيهن اللونهن ماسي ع الاقل احلا
خلت وركضت لغرفتها
استغفرت الله ...

بس ما اعوفها انة الها...

رحت للغرفة بيدي العلبة خليتها على الميز حيل

و العلاكة هم

-حالج من عقل سكنة.. بدل ما تعلميها تنسق الالوان تثقفيها

رديت بغيرة
-ضرتي هي ترى شتتوقع جنت بس الي وجبت وحدة تشاركني بيك

لويت حلكي

-تغارين عبد الله الغبي الي ترديه للتسلية ملت وهذا الكدامج الج بيه شريجة مو بس وحدج تعلمي انت جنيتي على روحج.

ها صدك مو ما عحبج النفنوف شو كتلتي روحج عليه هسة و الا تنسقين ترجية وياه اكيد ترغبيلي شتردين عايشة احجي

اني ابتعدت عنج تسوين مشاكل و بلبلة حتى اتقربلج عبالج غبي مو..
تردين اجيج بس دون ما تبينين هل شي برغبتج او حبج الي انة احق بيه من غيري
اذكرج بعتيني وهسة تسوين مشاكل تتعاركين ضرتج حتى تلفتين انتباهي الج...

دنكت ابجي يتعمد يتمنمن علي

-روحلها خاف ضاجت المن جايني انت كرهتني

ضربت الحايط بيدي

-اوووو... ترى جاي احاول اتأقلم وياج لا تنسين نفسج والسويتيه بية لسة العالم تحجي تكول مرتة تصيح طلكني وتحفى وراها وردها

طلعت عفتها تبجي

بالليل اتكلب.. و ما نمت.. سكنة بحضني نايمة بعمق..شابكها..

تحس روحها بنتي ومرتي..

و انة هم ما مقصر وياها بشي هاي تعلقت بية وذيج بعدها تذلني بكبريائها

بست كصتها وغطيتها وكمت..

رحت لغرفة عايشة
نايمة... بس شهكاتها تحجي قصة ليلة كضتها بحضن الدموع..

استغفرت ربي عدلت غطاها وطلعت...

وانة بين نار تحركني اريدها تحترك بيها وبين حنيتي عليها انتصرت نار الكرامة و رديت حجرتي و لحضن سكنة
الي تكلبت وحضنتني الها عبالك حاطلي جناح ناوي اطير..

ثاني يوم المفروض يم عايشة بس مثكلة وجهها علي...
وانة هم ما تنازلت.. زمن التنازلات ولى و راح

تعلمت علي اركض وراها اذا ما خليتج تتمنين ترابي مو عبد انة اذا ما ربيتج ولج

النوب صاحبة الزايد هي الي مثكلة وجهها وزعلانة عود خايبة شو طزززز


الا اراويها شنو شعوري من كسرتني وذلتني..

و كسرت حجايتي...

حيل مقهور ما تحبني... وهذا يخليني اريد انتقم لكلبي

درت وجهي عنها هم وجن حسوا بينا مزاعلين اول زعلة زوجية

سالتني خالتي وكل جوابي ماكو شي

بيوم جبت جندل و بردي دكيتهن ورى حايط الهول للستر لان حيتفلش و ادمج البيتين

بس جبت وياي مهندس اكثر خبرة مني كلي هدة وابنيه

البيت الاشتريتة بيه ارضة اي اثاث بيه بيعة

وانة الذكي اشتريتة وي اثاثه

المهم خو ما اغش الوادم...

كضيت الغراض الخشبية و حركتهن

و فلشت البيت الجديد بس حبنيه ملحق لبيتي وادمجة بيه

فلشت وياه هول بيتي المطبخ غرفة سكنة
و نص الطابق الثاني

طلبت من سكنة ومرت ابوي ينامن وي عايشة

انة وباقر ننام بمكان الجان هول...


نتحمل لمن يكمل البنيان
خالتي كالت تروح للهور رغم حاولت امنعها

اخوي اخاف عليه حقي...

بس جنة باقر يريد يتعرف ع ولد خواله

وصيتها
-ام حاتم اكيد تروح ما امنعج ترافكيها تحجين وياها لأن اختج بس ذمة مذممة لا تقبلين تجيب سيرة حرمتي يم حبايبج

-تبشر... و هو اخوي داز علينا يصالحنا يريد

جنها ندمانة.

-الله يهديها ويهدي ابنها.. بس كفيني شرها ما اريد عايشة تلتقي بيها فهمتي قصدي

يا الله البنية شوي استقرت تصرفاتها.. لا تخبلي البت...

هزت راسها اي و طلبت شهرين تبقى يم حبايبها اهاليتها

-هو يمتة العرس
-بعد شهرين
-ورايحة شسوين تجلفين العروس العريس
ضحكت
-هو كل كم سنة اشوفهم ابقى شهرين ... لازم اعود لساني ارجع احاجيهم بحجي الهور..
خاف يكولون تثقفت و تكبرت

ضحكت عليها...

-بعد نص عمرج بالبصرة انت بصراوية من المدينة صرتي

-راح اشتاق لباقر...

لو ما شغلي اجيت انة ونسواني وياج

ضحكت
-شني يمة ماخذتكم وياي...

عليت صوتي اسمع عايشة

-بلكت تشوفيلي معيدية من الهور اريد اثولث..

يكلج ذن النسوان الاصليات تضرب الكاع برجلها و ما يهمها

مدت عايشة عينها علي و خزرتني ورجعت لغرفتها شوي واجت سكنة

كعدت كبالي
-جيف بنفسك مرة تبشر اروحن اخطبنها الك...
انة اسوي التريده عبن انة موش بت مدينة اغار عليك من النساوين و اعارج من شانك بس يرويحة كلبي انت اذا بنفسك مرة انة ادوسن كلبي واخطبنها الك..

افحصن اسنونها شعرها اجرة و اشوفنها خاف عوبة ما منها نفع.. من خطبنا لاخوي سيد جواد

راحن امي وشرايجها نخلها لمرتة نخل وزوجنها

وكل هذا تالي سمعنة امها موش عاكلة مخبلة جابت البت تخبلت و صار بيها جني هنا بعكلها

ينطوها دوة يخليها تنام مرد كلبها ماتت و ما خلفت بس هل بت بس بعد اخوي تزوجها والبت خلفت مامش بيها شي
و بعد ناوية تخلف خير من الله

باوعتلها
-ترديني ازوج عليج شنو سويتي انت واعاقبج هيج عقوبة..

عليت صوتي

وكملت هم
-وشكضيتي بعمرج و اجيب ثالثة عليج مو انت التستاهلين ادخل مرة على راسج

ضحكت وهي تبوس ايدي واكره هاي الحالة اجر ايدي...

-استغفر الله شبيج يابة
-الله يجبر،بخاطرك مثل ما جبرتني

جنت خايفة بنفسك مرة انة هاي المكرطفة موش حملها مو النوب ثالثة

خليت صبعي على حلكي بمعنى اشش..
وبصوت هامس كتلها
-عيب اكبر منج...

-حية...

خزرت سكنة

-اشش ولا كلمة.. لا عاد ضجت منج كومي يلة

بيوم الي رادت خالتي تسافر حاجيتها

-خالة... سكنة اجازتها قربت وعايشة يتيمة انة اريد هم اروح يم خوالي كم يوم عايشة وين اوديها

-ابني اثكل مودي الفرخة لهلها المن لاطش

ارجع لمرتك...

هنا خو ما تاخذها الهن ياكلنها نسوان خالك و يشمرنها عظم

ابتسمت

-جعفر يودي علي اكثر من مرة اجلي روحتج للهور شو معرسكم بعد هواي على عرسه..

-جا ام حاتم راحت كبلي
-هنا الحجي هي غيرة نسوان حتى الخوات تغار بينهن...ماكو روحة لمن نرجع انة وسكنة من خوالي ترحين بالسلامة هسة تبقين يم عايشة هذا اخر ما عندي..

فاتت عايشة وهم بعدها مثكلة وجهها
طبعي انة الماي اشرب روحي ما اعتمد احب اتكل على نفسي اكثر الاحيان و قليل اكول جيبلي ماي..

طبعي ما انتظر مرة تغسل رجلي من اجي من تعب رغم سكنة متعلمة هاي العادة تفتر وراي بالطشت من اجي من شغلي لو من بنيان القطعة الهديتها..

والا تغسلي رجلي...

بس هاي المتكبرة علي المصلحجية اريد اكسر شوكتها فاتت و صحت ماي اشرب

رجعت جابت بيدها كلاص ماي شربتة و ضيكتلها عيني ومن ورى خشمي

-ما شبعت جيبي السراحية كلها

راحت وجابتها.. ما شربت كتلها

-هذا حار اريد بارد

برطمت عقجت وجهها و يموتني سكوتها نص المشاكل من تسكت وتضمضم

شفتها تكض صفاحي السراحية تشوفة بارد لو لا عقجت حلكها لان جان بارد و ظلت متحيرة واكفة

-انت مهملة و الله يعاقبج عاقة لزوجج ما تطيعيه

و ما تداريه عطشان جايبة ماي يفور

خالتي هنا ما كدرت تسكت ما تدخل..

-عبد شلعت كلب البت شو جيبيها عاجبة يشرب هذا الموجود ما عاجبة يكوم يشرب روحة عود
جاي،تكعد و تشغل الراديو

صحت

-تعبان مصدع طفيه

خذتة وكامت صحت

-تعاي تعاي بلة كدامج حضينة و تفوتين تاركة المكان وما مكمل حجي

رجعت وكفت يمي هاي المرة

خالتي كامت وهزت ايدها

-اكلك كول تريد... انعلاك يا لساني(لعنة على لساني ) خاف احجي حجاية شكبرها وتنحسب على شيباتي جنك مثل ما كال المثل مشتهي و مستحي

عافتني وهي لبست عباتها و بوشيتها

-رايحة لمرت السيد العلامة(هن صديقات كلش)

عايشة تجين وياي هاي اذا رجلج اذنلج

كمت على حيلي...

-ما تروح...
رفعت حاجبي لعايشة المبرطمة
-لو عندج مانع مدام

فتتني من ما ترد علي جريتها كدامي وعصرت زندها بكل قوتي حسيت عضمها حيطك بيدي وهي دموعها تنزل تبجي تصيح وجعتني

-من احاجيج بعد تردين علي ترى ما اقبل قلة احترامج

بجت
-شتريد مني بحالي انة متجنبتك.. معيشني ببيتك انعم الله.. ساترني كثر الله من امثالك ليش تأذيني

باوعت لخالتي الي تهديني

-شبيك عبد شسوتلك وهيج معصب..

-ما تحترمني
-عبد يمة تدور المشاكل انت لو طارت.. كن مساع تريد حجة لعركة صارلك كم يوم تحوم ابني شبيك شغاثك منها هي مثل نسمة ما مأذيتك

-مو هي مهملة ما تكول رجلي شيريد ما يريد..لا يوم دارتني تعبان فرجتلي رجلي مثلا او تمرغلي راسي غير اتعب انة
شفتي سكنة تفتر وراي وهي جاهل زغيرة..

سكتت من نظرة خالتي ما مصدكة اسبابي يمكن فهمت ضايج لان ما تنطيني حقوقي.. .. بس صدك اكو مرة ما تكول رجلي اشوفة ليش ما يجيني خاف زعلان خاف ضايج..

-روح عبد روح ارتاح سكنة سوالفها تونسك و عوفلي عايشة اضبها الك.. فهمت شبيك جا انتم الزلم كلكم على هاي السوالف... همزبيت العلامة بطلنا ما نروح عود خوش نتعلم دين على ايد العلوية..

استحيت جن خالتي كشفتني شريد..
اي ليش لا غير مرتي والي حق بس هي هاملتني..
عبالها مثل قبل ادور رضاها و انة الي يشمر بروحة عليها لا يابة لا ذاك الزمن راح الغاثني شما اخطط ما يصير هاي راح يصير شهر من جيتنا من الطبيبة و عركتي وياها ولا طخت ولا كالت رجلي خطية خاف اله نفس باقي بية ليش اثكل وجهي امنعه

امشي ورى الستر الي حاوطت البيت بيه للستر ع ما اكمل بنيان.

وايدي ورى ظهري افكر... بلكت خالتي شوي ترزلها والكاها الليلة معدلة بروحها

مو ابني تعبان يا ظالمة..

اول ما كملت غرفة خالتي وغرفة لباقر و غرفة سكينة
بقالي شي قليل و الطابق الثاني ....

بنيت ملحق و دمجتة وي بيتي كبيت واحد.. فلشت البردي و الجندل البنص الجان يكسم بيتي عن القطعة من بنيت بعد ودمجت شلتة و بس حاوطت البيت كلة ستر ع ما اسوي سياج اريد هم اكبر طلعة البيت واسوي حديقة
حورت هواي ودمجت بين الشناشيل وبنيان عصري
مثل بناء بيوت الستينات الي من طابوك احمر الجمهوري..

بس حافضت ع الشرف الخشبية..الشناشيل وقويت البيت ببنيان عصري وضفتلة حديقة عكس بيوت الشناشيل الي اغلبها تفتقر طارمة

طريقة الشرف والشبابيك ع موديل شناشيل.. خشبية وجندل...
لان ستر خاصة للنسوان تكدر تشوف الشارع و الي من الخارج ميلمحها
خاصة نقوش الخشب و الثقوب مزخرفة بطريقة تستر،الواكف وراهن

عايـ🌷شة...

كعدتني خالتي

-ترى ملاحظة من زمان السيد ما يجيج متعاركين مو
-اي من يوم الطلعنا.

-ما سألتج الدكتورة شكلتلج.. مو كال اخذها دكتورة خاف مريضة.. و تحتاج علاج. وكلت يمكن شغلتهم كضت و معورها اخذها دكتورة

دنكت وكتلها
-ها اي بس بعدني اخاف استحي منه وهم ما يبادر انة استحي جنة يريد الا انة اصيحة....

عميت على روحي كلت هيج كرصتني

-عوبة عايفة الزلمة لضرتج هسة تحبل كبلج و تجيب البجرية
لج حبلي انت و خلفي كبلها... البس ازوك اديرم

ادلع عليه خايبة ما تعرفين السادة ونارهم يموتون على المرة التدلعهم...

ظلي ظلي فاهية لمن تصفكين بيديج حتى سكنة الجاهل احسن منج

-ترى هو كلي ما اجيج رغبة بيج اجيج بس ع مود انت ميتة علي و حبيتي قربي.. خالة تكبر علي حاجاني بغرور هم كرامتي،

-تحمليه مجروح منج هو ما فكر بكرامة من اهلج هانوه وتالي فشلتيه خذلتيه
خايبة لمي الرجال تحت كترج لت يطير منج

-و الله خالة ما اكدر ابادر انة هم ما متتودة عليه استحي

هزت ايدها

-ظلي استحي والنبي عبد الله اعرفة هسة يكليج على نار هادية لمن يخلي غيرتج كلش هو البنيان ملهيه عنج..

عافتني وراحت ورحت غرفتي

باوعت للنفنوف بكنتوري

و علبة الذهب الجان قافل عليها مطلعها مخليها بخانتي بعد ما جانت بجرار كنتوره مقفوله

الليل ملة بس اغمض عيني شي يكعدني للفجر اصلي يا الله انام وكعداتي الصبح تأخرت زين لسة محد رزلني عليهن..

العب بشعر البزون

و اوكلها

-يلة ننزل.. لا يحسون بينا و تخرب الشغلة

خل اكبر هذا البلبل شوي وانطيه..

-واذا شافهن اخوك هل مرة يجويك مو يزينك

-ملتهي همزين احتاج اسبوع

راح يروح باجر وي مرتة لخوالة سمعت يبقون اسبوع
يرجع اكلة حصلت هذا رخيص وجبت بزونة لعايشة
لانها مدنفشة مثل البزازين

بوزت
-شتقصد ولك

ضحك وشرد ركضت وراه ارد الزمة اكتله
علاقتي بيه اخت وهو اعتبره زغير العب وياه اشاقيه

بس نزلنا جان عبد مصفن وعينة النا

و راه سكنة تباوعلي غين ونص و كالت

-شعدكم بالليل فوك

ردها باقر
-تغارين لان نشاقى وانت ما مكلبج و كوة متحملج
-شفت عبد..

بس عبد سأل باقر و دار وجهة عني متجاهلني كالعادة

-وكلت الحمامات و كلت لعايشة تشوف فروخهن فرخن

ردت سكنة هاي امها جاية للعشار ومرت خطف بينا كبل يومين وازة البت خوش وزة ومعلمتها والله مدرسة امها

ردت سكنة
-جيف بهليل تطعموهن بلة شافتكم الوادم بالسطوح تكول ذول موش راحة
شو ما اقتنعت اكيد عدكم شي..

دار عبد الله علينا وبين معصب و....

يتبع...٦٢٩٣ كلمة