بعد منعونا نواجه مؤمل طلعنا من المركز اصفك ايد بيد

ـ عليمن ادعي على نصرة يومية مشكلة من ورى اختيارها لو كريم الهتلي شلون وكعلي الولد... يعني مؤمل الي ما يعرف يأذي نملة شلون يتبلون عليه.

لازم نشوف محامي..
سجاد...

اباوع لابوية سوى مؤمل ملاك. بين فاضل و هاشم توهم وصلوا
ـ ها.. ما طلعوه

رد ابوي بتحيز

ـ شيطلعوه متكلي وكريم التافه متهمه.باطل
يعني تعقلوها مؤمل هيج يسوي. ابني اعرفه مو تربية شارعوعصابات

باوع فاضل
ـ يابة مؤمل من يعصب يفلش الدنية مو مرتة كسرها نومها مستشفى

باوع ابوية النا و هاشم
ـ يبه ليه تطالعنا جذي حنا مانا نكص عليك..

رديت
ـ اذا انحكم ست اشهر سنة وي غرامه وتعويض للمجني عليه
لا تنسى هو حدث تعتبر جنحة مو قضية لأنه مبالغ سن قانونوني يحكموه اصلاحية

رد ابوي
ـ اوزن مؤمل عداله ذهب واطلعه ابني ميدخل محكمة احداث ولا اصلاحيه حتى تخرب تربيته و يطلع مجرم شتترجى من اصلاحيات الي بالعراق هاا شتترجى

ـ يابة هدي.. هم جنهم لكوها فرصة على مود فلوس لا غير. مو خسروا بيوت و خسروا فلوسهم.
ـ بيا مستشفى؟
ـ يمكن التعليمي.
ـ اعالجه على حسابي وانقله للموسوي الاهلي.
ـ بس يابه.

ـ هو اتهم ابني لان عقد على انتصار بس اني اتفاوض وياه ولا اخلي مؤمل يضيع.

شفت عمق حب ابوية لمؤمل اعترف هواي غرت

هسة لو اوكع مكانه هم هيج يتنازل عن مبادئة بس حتى يخلصني لو اني يطبني طوب..

ضميت غيرتي.. اذكر جنت ما افارك حضن ابوية بس من اجوا ذول الزغران ووياهم هاشم التهى بيهم.

طبعا رحنا لاهله و حاولنا وياهم قافلين حتى ابوية عرض يعالجة على حسابة رفضوا ومعرفنا شنو الغاية...

شجاع.

كعدت الصبح لكيت نصرة اليوم احسن و تنظفوي زيزفون رغم ايدها لسة ملفوفة
الاشعه طلعت رض و ايام وتشيل تجبيرة

بيدها السليمه بفرجة من ريش تنضف الصور.. و الحايط.. من اتربة

وزيزو ترتب بالديوانية
منصور.. و شهم وغضنفر اليوم خانسين

ـ شبيكم
ـ مؤمل انسجن..

ابتسمت احس بينا منافسة لان فرق شهور مو سنة رغم كل واحد منا بسنة اني نهايات ٩١ وهو بداية ٩٢ يمكن اكبر منه اني شهرين

ـ هاي نتائج الطلطة. الله يساعد عمي. ولد مو مأدب.
انتم لا تتعلموا منه هواي اشوفكم تلتقون بيه..

التفتت اريد اطلع تلاكيت وي بنات سجاد.

ردت حوراء
ـ اجيت العب وي نمر بلي نمر موجود

رفعتلها حاجب

ـ نمر ما يلعب وي البنات المدنفشات خوش ضعفانة استمري..

خجلت و صارت حمرة حوراء كلش هادئة

عكس العكربة الكدامي..
واكفة لابسة تلبيسة جوة الركب وجواها بنطلون..

ـ ليش ملابسة عباية جدج ميقبل هيج تطلعين

رفعت خشمها وكالت
ـمطلعت للشارع اجيت من الباب بينا واني ملابسي عريضة و التلبيسة جوة الركب بنطروني،مو حصر وجاية بيت جدو باقر انت شعليك قابل سيطرة كاض الطريق ترى جنسيتي بالبيت.

رديت واني فرت منها مكروهة
ـ وشكتلج.. احترمي نفسج خاف شايفة روحج ام خشم المكطوم.

خلت ايدها على خشمها..

ـ اصلا حلو خشمي على بابا اني اشبه بابا كلش بس شعري على عمو هاشم.

ــــ لا توصفيلي روحج..
دخل حسين اني طبعي سريع البديهة لاني استمع اكثر مما اسولف.. او انتبه اكثر مما التهي بس حجي.

شفت ورود عدلت وكفتها اللسان الرشاش صار ناعم الصوت العالي انخفض
الخدود توردت العيون لمعت..

ـ هلو حسين شلونك شعجب ما تمر...

ـ و الله يا وردة حتى من خلصت اىفاتحة مرتاحينا الجادر منصوب اسبوع ترى امج توها دخلت البيت..

ـ يعني ماما رجعت اني بابا ياخذنا الصبح باةفاتحة يرجعنا بالليل بس مقبل ورى ثالث يوم اىفاتحة نروح بقينا يم بيبي عايشة

ـ وردة ليش حاجية على مكة قربنها منجن كبرت ترى
ردت بنعومة

ـ يااا هلا بيها شعدنا وياها بس هي عدها تصرفات تجبرنا واختك ما تسبح الا لمن تفوح ريحتها

دنك حسين منحرج ورود خلت ايدها على حلكها من جفصتها
حسين كلي
ـ سويلي طريق

ـ فوت البنات لابسات حجاب

ـ جاي على الولد نريدهم بشغلة لمؤمل خو ما نتركة

ـ والله يا ابو علي خل اكلك من الاخير اليجي من ايده الله يزيده كون يسجنوه بالاصلاحية يتربى..

ـ انت تدري ليش انسجن..

ولك تحجي على الزعيم لانه زلمة من ظهر زلمة تدري شسوى.. اخذثار اختك يالأثول واخذ شكو دليل عند كريم..

ـ همجي.. هو هذا اسلوب ولد مؤدب مجمع عصابات

ـ شوف الموضوع محصور بينا الكبار ميدرون اذا وصللهم اني خصيمك ترى..

اكو ناس حتشهد.. و نطلع مؤمل. ربعنا هواي..

التفتت ضايج من الاسمعة يعني هم حلف كذب ودك القرآن انه ممراسل اختي كذاب و عليه الاثم وهم اكيد متواصل وي جربزته على شهادة زور

وينك مولاي تقبلها!

اجت عيني بعين انتصار وراي تستمع للحجي
اني وياها منتحاجة. اني بالمرتبة وراها عبالك رويسية رغم اختلام الام.

حنيت لهولندا لاقارب امي اتواصل وياها ووي بناتها بمثابة خالة الي احسها

بس ابلغ سن القانوني محد يمنعني ارجع لهولندا كرهت هنا ناس تتنمر حتى على الاسم تعيب..
ختمت الموضوع
ـ لا احجي لا اكول شعلي.. بيكم بس اخوتي خط احمر..
ـ اخوتك شاركو يا عزيزي بلشي المسويته انت يا جبير يا غالي.. الازغر منك اخذوا ثار اختهم..

ـ انتم اغبياء اني افكر احسب النتائج..
ـ لو باقية النقالات يم كريم اكيد يستخدم اشياء ضد انتصار و يدمرها نهائي
مؤمل ميحجي بالعقد جان بيدة نقالة فجأة هجم تصور شنو وصله و انهار مؤمل وخطط يربي الما يتسمى وياخذ جهازه

واذا طلعناه تدري كريم باطل وشهادتنا متعتبر زور

هزيت ايدي
ـ اي خوش...

دخلت للبيت وورود سمعتها

ـ عوفك منه هذا شايف روحة مغرور وعود مثالي هو.. لو بيه خير اخذ حق اخته مو انتظر مؤمل يربي كريم النوب اسمه شجاع والله يا الله

درت عليها

ـ شكلتي ولج.. الا اربيج تدللين..

ـ لا بلة خوفتني..

ـ شوفي.. هل لسان اكصة لو لا..

من يوم خليت ببالي ورود.. اكسر خشمها.

وكلبها الي يعشك حسين.. يمكن اناني بس هي الي بدت...

فاضل..
مر يومين و مؤمل موقوف تحقيقات وشهود كلشي وي مؤمل...

و ما نعرف شنو السبب بالأول كريم رفع دعوة و بعدين ورى يومين تنازل عن الدعوة..

فجأة دون سبب ومبرر يتنازل

طلع مؤمل وهو يضحك..

ابوي مخليتة يستلمه كلت كل ما يجي يحتد وي الضابط و خاف يعرقلي خروج مؤمل...

بس شاف ابوي حضنه

ـ حجي الك وحشة

ـ كلي يابة ممسويها مو..؟

ـ شسويت يابة مسويت شي...؟

ـ لا ضيع تربيتي انت هم عوفه للمخلوق مؤمل اكيد مو انت المتهجم عليه..

ـ لا يابة..ابد..

ـ وداعتي يابة كول وداعتك مو اني..

شفت مؤمل ذب الوان...

ـ كول وداعتك يابة...

دنك مؤمل..

ومن رفع راسه ابوية ضربة راشدي

ـ كول مو انت كول.. لك زامطت اخوتك مو انت طلعت معرف ابني شنو..

ظل مدنك.

ـ مو اني يابة

ـ احلف بمعزتي عندك.

ـ ما اكدر يابة مرة وحدة حلفت كذب مكررها بعد سواءبالكذب او الصح...

هنا تدخلت
ـ يابة اترك النقاش للبيت..

بس وصلنا نزل ابوية و فتح الباب الورى و جر مؤمل من ياخته.
و هو يجر بيه

ردت اتبعهم بس اشرلي..

ـ ابد.. روح بيتك ترى واصلتلي
ـ شكرا على الطردة
رد وهو يفتح بابهم

ـ العفو..

مؤمل...

شبعت طن كتل.. مثل الي موصين بيه انضرب. لو ما اخاف تتأزم قضيتي الا اخلي كلة براس هذا الاصلع..

جان ضابط و شايف روحة. ولك لو اريد اقدم كلية شرطة واصير ارجل منك والا اجي اخذ ثاري..

بس ابوي ميقبل....

الليل بالتوقيف.. وي ظلام و اكو شباب اليكبسل الي داعم شخص وممتقصد والمراهق الي لازميه بامور فساد...

اثق بمحمود وحسين يدبروها. احنا مخلين لكلشي احتياط....

و متفقين انو يدبرون شهود الوقت هذا كنت وي جماعتي بكهوة صاحب الكوفي
هو صاحبنا بالحقيقة

و خلينا ولد ابوه جبير بالداخلية واله مكانة
ان يكون هذا ورقتنا في حال تعرضنا للحبس

شكد رادوني اعترف على الي وياي...

انضربت حتى بوكسيات مو وجه و الله خارطة العراق الصماء صار
بس تعال يا ايها الطالب المثابر حدد اين الجبال الهضاب التلال الي صارت بشكل بقع زرقاءمن ايد السيد للضابط لفاضل

شطلعت هاي....

المهم مكدر السيد ياخذ مني حق ولا باطل..
كالعادة بيوم الجمعة تلتقي الاحباب والعائلة

صادف طلوعي من التوقيف اربعاء ابوية اجل الذبيحة للجمعة

تجمعت عوائلنا...

نساعد البنات مجبنا طباخ.

اصرت بيبي ام باقر الا هي تطبخ..
هل ايام خطية تحن لأمجادها

البنات يسون كلشي هي كاعدة على تختة كبالها الصفاري و جواهن دافور

واني مكتف ايدي منتجي اراقب من بعيد نصرة

الي متعبرني.. مجروح منها هواي شناقصني وهيج تعاملني لو تفتح كلبي وتشوفني شكد احبها متتجاهلني هيج..

احسها تجنبني. بسيطة.. هي مو مرتي وخطوبة شو حتى مكالتلي الحمد لله على سلامتك صارلي يومين من طلعت وهي ولا كالت اشوف رجلي احاجيه..

جان وسام يمي ردت اجفص اذا اكلكم هاي الشغلة ما تصدكون نسيته اخوها وجاي اكلة اذا احضنها و ابوسها خو ما عيب و ميصير قبل الزواج

جريت بريك كبل الجفصة اروح اسأل فاضل...

لاااا هو لااا سجاد والنبي يسببولي فضيحة وينصبون علي

اني ادري مو حرام و عادي.. بس اكول عيب خاف ميصير.. ببيت ابوها و احضن ابوس يعني حسيت احترام لبيت ابوها

بس كلش عجبني اجرب وياها بلة الحضنه سويتها جنت معصب وقتها ونسيت المباديء و الحدود..

ايدها مجبسة وتشتغل. الخفايف

رفعت وجهها اجت عيونا تلاكت.

دارت وجهها عود زعلانه لان ضربتها يمكن
بعد فوك حكة دكة

اجن ببالي حجيها وي كريم قست ملامحي شفت تباوعلي وتبلع ريكها وبان خوف بعيونها من خزرتي

ورى الغدة رزلنا السيد اني و الشباب عدا صادق

هنا شفت كلها تسأل شمعنى فرقه عنا

انتصار ابوها بطلها اني مقبلت مو بكيفهم

بذمتي صارت و مستحيل اسمح لاي شخص يدخل بحياتنا..

هي طلعت دور
ثاني ....

بيوم الامتحان يا الله تلاكيت وياها...

صراحة بعد اخر مواجهة تجنبت... التقي بيها التهيت اشتغل.. ردت اسافر ناصرية بس ابوي مخلاني كل باله يخاف لا اطفر

تركت انتصار بقاعة الامتحان

اباوع لساعتي افتر بالجامعة ساعة كاملة مليت اتصلت بابوية كال ارجع اني اجي

طلعت اريد اركب تكسي اروح
لشغلي اني اشتغل وي ابوي بعد ما رفضت يصرف علي اني و مرتي

بس ادري بالحجي حاسب كلشي يعني اني عامل بالمخازن خلاني و ينطيني راتب

زين ادري حسب مسؤوليته كاب تجاهي بس ميريد يكلي حتى لا ارفض المساعدة الي يخليها فوك الراتب

انتصار ادز مصرفها بيد امي بالبداية مقبل عمي بس ابوية خابرة حقها شرعا حتى لو مو ببيت رجلها مدام متمكن ليش ميصرف عليها

شكد حاولت انسى الجرح و اقرب انتصار مني واخذ نصيحة ابويبستجي ببالي الرسائل و انهضم و ابتعد بس الى متى

اذكر بيوم حاولت افتح صفحة جديدة جانت جاية لهاشم يشرحلها الكرمر لانها اكملت بيه هاي قبل فترة قبل الامتحانات

ورى مكملت و هاشم وقتها تعرقل سفره بسبب لازم ياخذ موافقة لنضال واقامة زوجية..

فجان صديقه فيصل يسعى اله بهذا الامر..

لكيتها كاعدة بالمرجوحة يم نضال كل وحدة كاضة توأم من بنات هاشم الشرفن

من كم شهر

وسام هم صار عندة ولد سمته ليلى حيدر

ردت بس اختلي بيها ماكو.. ظليت بحسرة اذوق شفايفها

ـ احم نضال ممكن شوي تعوغينا اريد احاجي مرتي

دائما من احجي بيها اكول مرتي.. مثل الي يجلب بقشاية.. وهي انها مسماية الي..

شالت نضال توائمها جنها ام البزازين شلون شايلتهم هههه
يارب من ازوج ارزقني من نصرة توأم..

كعدت يمها و اهز بالمرجوحة برجلي.

ـ ابوية كال غرفتي موقعها باتجاه ورى البيت يكدر يفتحها و يدمجها وي سويت النا...

هي ساكتة مبوزة

ـ لسة ملبسنا حلقات شنو رأيج نطلع باجر نجيب الحلقات.. و حفة نسوي

باوعت الي

ـ اذا مجبورة عليك تتوقع زواجنا صحيح

ـمن وافقتي جبروج؟

ـ تعرف شصار وابوية تمرض خفت عليه
ـ وافقتي وقتها بقناعة وعقدنا على هل اساس ترى مو انت التزعلين لان ضربتج المفروض اني ولا اباوع بوجهج
ترى السويتيه توكع بيه عكول الزلم و تنذبح ركابي.

ـمؤمل شتريد مكدر اتقبلك.. نزوج فترة نكول متراهمنا و نطلك وهاي هي

باوعتلها كرامتي هواي ذليتها لج انت شنوو.شنووو

ـ وهاي بيا قصة هذا المشهد الي تردين نتقمصة..

ـ مؤمل!
بكرامه كتلها

ـ حتى اني مريدج ومجبور خليها ببالج..
يعني طز بيج اي والله شايفة روحها ام خشم

خليت وكمت ويلومني ابوية يكلي هامل خطيبتك.. و يا ابني حببها بيك..

مو هو اجيب الحب وبسجينة افتح كلبها وادخل الحب بيه...

جاي انزل تذكرت اليوم موعد مصرفها انطيها اني اسبوعية

طلعت من جيبي ابوي اسبوعي يحاسبني يكول اذا شهري خاف مسيطر و تصرف و ما تدري وهم وصاني اجمع من راتبي

و التفت لدراستي شوي..

حسبت اسبوعيتها و ضفت مبلغ زيادة

خليتهن بحضنها ومشيت انزل

صاحت

ـ لا تصرف علي فدوة ما اريد التزامات حقوق وياك... عوفني بحالي شلزكت

سويت نفسي ما اسمع و نزلت ادري بعمي مو كلش امكانيتة و منا وسام عندة شوي بخل بحجة منعرف شيصير باجر لازم نضم فلوس

رغم اوقات يفاجأنا يصرف بتبذير

اما شجاع واخوته كل شغلهم على كدهم و ملتهين يدرسون

لذا المرة مرتي ليشاخليها بعازة الفلس.

وطبعا انطيت خبر ممنوع احد يصرف عليها غيري

دوم احاول اثبت الها فكرتها عني غلط مو طفل اني رجل وكدها..

بس مدا تتقبلني.

حتى رحت للخطوة مشي و طلبت مرادي تحبني وتتقبلني ادري يمكن حياتها صعبة وياي احبها بسزرعت داخلي شك وخوف ان تكرر الخطأ

صرت مكدر اتركها ولا اكدر انطيها الحرية

ردت البسها عباية راس... و بوشاية

بس اجلت الشغلة ورى الزواج الي حدده ابوية ببلوغي ال ١٨ يعني كال بيوم ملادي يزوجني..

وهذا اني هسة رايح للشغل بس ملحكت اطلع
الا اتصلت علي مخلي يمها نقال عادي اسود ابيض

ـ لسة ممتحنتي
افتريت ساعة بالجامعة ومليت خابرت ابوية يجي عليج

ـ حليت بساع وطلعت تعال لان هذا اجة و اني بالكافترية و هددني

ـ منو.
ـ يعني منو خطيبي السابق اكيد

خليت ورجعت.

ملكيت احد. بس هي كاعدة وصفرة

ـ مؤمل اذا نجحت ااجل ما اداوم بعد لمن هذا ينساني. يكلي اخطفج.. و الي حساب وي مؤمل لو تطول سنين اخذ ثاري.

اسمعها ترجف رحت اشتريتلها لفة و ببسي و اجيت

ـ شربيهذا جبان ميسوي شي.. اجه بس يخوفج لا غير

بس عفية من كتيلي.

انتظرتج كلت تطول الامتحان ساعتين

خل اروح ...

ـ سهلات حليت بنص ساعة وطلعت

ـ اني انتضرتج ساعة يا نص ساعة شلج بهل هنبلة

استحت وابتسمت دنكت

تشجعت من ابتسمت ولزمت ايدها افيشش الله... شكد مشتاق للزمتها..

ـ نصرة ولا طالعين احنا خل اليوم اعزمج و نرجع للمغرب

وخرت ايدها

ـ عندي مغص و توني اكلت و ارجع للبيت انام تعبانة من السهر

دنكت بحسرة واني ااشر لتكسي

ـ براحتج..

مكدرنا نسوي حفل لبس حلقات ابوية يكول استحي من فاضل لان بيوم حددنا حفل تلبيس حلقات ماتت ام حيدر

ابوية سوالها فاتحة تليق بيها

فاضل

انتهت فاتحة ام حيدر.. ارتاحت من ورى سنين عذاب و هي تنوح على حيدر

ارتاحت من بناتها تزوجن و اطمأنت عليهن

حاضن هالة واني اطبطب عليها دموعنا تتلاكة...

ـ اشش ارتاحت ترى

ـ بستركتنا وراها متعذبين..

حضنتني يومها وهي تبجي

ــــ كافي... خواتج اذا شافنج منهارة هن شلون لعد روحي صيري قوية..

و سكتي خواتج ماتن بجي. مكدر اطب نسوان.. جوة

ـ هاي هي خلصت يفاضل وكل وحدة تطش لبيتها الام الي لمتنا راحت

ـ بنتي.. يجن خواتج مرحب بيهن عود على منسافر الله كريم

باوعتلي

ـ انت سافر اني ابقى و عود نمرلك تمرلنا..

ـ وعيشتيش هاي هااة

ـ هذا الموجود مترك خواتي هم يردن اجايز يلتمن بيها يتلاكن اذا اسافر يطشرن والله

و بجت...

ترمتها ضايج من قرارها بين حقها وبين اذا بقيت ما اسكت وانقتل ايتمها هي وخواتها واولادي

اني اب الهم كلهم.

طلعت لكيت مؤمل....

ـ ها يا بطل...

ـ اريد رايك

طلعلي صورة حلقات

ـ شتناسب
ـ مرتك ناعمة الايد الناعمة تلوكلها النواعم اوفر اذا شي ضخم

ـ اي هم كلت هيج بس شلعت كلبي عمتي ام وسام اختارت حلقة شعرضها يمكن ضاع صبع مرتي...ههههه

والنبي شلون بلوة بالاصابع الزغيرونة

ملكيت قياسها ابد..

ـ تدبر..

ـ خوية الحفل لغيناه اخذ مرتي للخطوة هناك البسها و السلام عليكم

عود على الحنة والعرس اعوض الحفلات الي فاتني

ـ ان شاءالله.. اكلك شطولك صاير و شكبرك ههه يمكن دك طولك ١٩٠ او ١٩١

باوعلي وكلي

ـ صلي على النبي عيونك خضر خاف تحركني

ـ خب طير لا تصير وهواسي مثل الوالد..

هاي الاحداث بسنة ٢٠٠٨ مرت سنة ٢٠٠٩ بهدوء الا من صادق الي بدة يبرز شبابه

تقرر عرسي بنهاية ٢٠٠٩ ليلة راس السنة
يعني باجر عيد ميلادي،

مخليت واحد ما عزمته..

خلال السنتين الفاتت وصلني خبر كريم سافر جريت نفس وكلت ارتاحيت منه

السنة امتحن خارجي سادس

هواي تكرر عدنا الدراسة خارجي يمكن نتيجة اخطائنا ومجازفتنا بمستقبلنا

صادق

اليوم عرس الغالي.. و ملتهين ردح ردح

خوب امس الحنة لعبنا لعب مولد حتى اني القيته

صفنتهم على صوتي

شاب متوسط الطول طولي تقريبا ١٨٠ بينت بيه نضج
رافع شعري شامرة مثلالسبايكي جان هذا مودةهاي السنين

رغم جدي يرزل اوقات نغلس جيلنا مو جيل الخمسينات ابو تسريحة عادل امام

مهيمن اطولنا هو وفرزدق

رغم فرزدق بكد مكة بس يبين شكبرة ملك وسامة مؤمل و طبيعة جسمه عدا الشعر فرزدق على ابوية اسود شعره

بقى بداخلي حلم يوم من الايام التقي امي

نبض بداخلي مكدر اكذبه انها مشاركت العمليات وعايشة معرف اذا حلم مبالغ فيه او حقيقة

انتظر اكمل سادس و اطلع معدل و اسافر ادورها

شكد وعدوني ياخذوني ايران بس للاسف مجرد تخدير لعقلي

اني سردار الي انولد من رحم زواج غير متكافيء وبالاكراه

اني سردار الي افقدوه اسمه.. لانه مو اسم عربي

لمحت مكة تخطف من بيتهم لبيت جدي

ابتسمت للولد و انسحبت بسكتة

جان الزمها
ـ ليشمتركدين مثل البنات جوة هااا

ـ شعليك..

ـ قريبا مبقى شي ويصير علي تعبة اشهر اجيب الطب وانت هدية تفوقي
ـ لا بلة.. اصلا متلوكلي

تتلفت و دور

ـ شدورين..؟

ـ ابن خالتي امه تصيحة وكالولي اجة للعرس وي حسين باوعت حسين مو بالشارع

ـ حسين راح وي عميفاضل كال واصل للصيدلية بشغلة علاج احتياط مفهمت شي

ـ هاا و عمر وين
ـ هذا لسانج اكصة اذا جبتي اسمه و بعدين مو ابن خالتج ترى ندري ومغلسين و حجي وياه ممنوع

خزرتني وشردت
ـ معليك بيه قاطك احسن من قاط حسين شنو هاي التفرقة كلة من جدو مكروه

ردت اروح اكتلها بس منا الوادم

شوي و خلص المولد وهوسات
ابوي على اعصابة مؤمل كلش اجتماعي وعندة معارف هواي يعني صديقة زبيري جايب فرقة هيوة
و بابنا
و حتى من السماوة اجوه

هاشم وصل للعراق قبل يومين.. استقر بوطنه الثاني وي عائلته

عيني على مؤمل مبين مرتبك مدري شبيه كعد ابوية يمه ومبين ابوية ضايج من التمركص و الاغاني والفرق الي جايبهم مؤمل وعازم اصدقائه الي جابوا ذول هدية لعرسه

يتبع 4464
نلتقي ثنين او ثلاثاء

ـ الشخصيات الي منذكروا بالبارت بارت الجاي نرجع بالزمن الهم
تصبحون ع ما تتمنون

#خلف_الشناشيل_حكاية٩
♡الجزأ الثاني
دمج صقر البوادي والاحفاد...

الحلقة التاسعة..بعنوان بسبس ميو

اشوفك بعيني ذهب
والناس فضــــــــــــة
يلي حبك ما يفارك بالي لحظــــــة
كلبي حبك مو بيديـــــــــة
و ما يحن كلبك عليــــــــة
هية قسمة والهوى كلمن و حظـــــة
شكد تعبت وياك ما فاد التعب
وانت ناسيني حبيبي بلا سبب
منك الهجران شوفني العجب
ــــــــــــــــــــــــــــــ

انتصار...

اشوف انعكاس صورتي بالمرايا بعد ما كملت ام الصالون...
و لبست بدلتي...

رادت تخليلي لصقات نجوم فوك حاجبي
بس عمتي عايشة كالت.
لا خلي شلون المُذنَب فضي و ينتهي بنجمة فضية على خدها.. الأيسر بصورة( مقوس جان المذنب...ينتهي بنجمة)

جان هذا موديلات هاي السنين...
تسريحتي مرفوعة شعري طبيعي اصفر رادت تخصلة ثلجي... ولو مؤقت لان مؤمل مقبل اصبغ ولا اي شي، ...

هيج وصلت التعليمات اذكر يومها هزيت ايدي هو هذا حظي اصغر مني ويتأمر علي..

ظليت بحسرة ازوج الأكبر مني وانفرض علي واقع لازم اتعود عليه طول عمري انو مؤمل اصغر مني بثلاث سنين و مجبورة انظرله نظرة زوجة تحترمه و تطيعه بس داخلي بركان تمرد....

اني ما ردته هم فرضوه علي.. خلوني بحال صعب ارفضه.

حسيت العدسات تبز عيني ممتعودة على عدسات بس كللي شعرج اصفر و انت حلوة تطلعين تخبلين بعدسات رمادي.

و بالتصوير هذا اللون يبين طبيعي على رصاصي يصير.

حجت علي عمتي

ـ شوفي شسويتي ليش تبجين ماما.. لج والله مؤمل يحبج اخذي اليحبج يعوبة تشبعين دلال بس لعبيها صح.

و هم خالة يسرى توصيني

ـ الرجال يتقشمر بكلمة كلمتين.. غزل على حضنة وبوسة وهو يحبج ياغبية مشي امورج و كسبيه اكثر... و مدام يحبج وتلبيلة وتطيعيه تحترميه لج يدللج دلال ما متدللته مرة لتخسرين مؤمل يا انتصار ابني اعرفه اذا ينجرح يكتم داخله جائز ميبين النا بس والله اخاف يتمرض وليدي هذا دربالج عليه وانت منا وبينا انت وهو واحد ستر وغطى للثاني.

الزواج يا بنتي احترام متبادل احتواء متبادل و امان.واستقرار.

اذا ذن اخذتي نصيحتي بيهن راح تعيشي بسعادة و من غير متحسين يتسلل لكلبج ابني وتعشقيه.

هناك اشياء اهم من الحب ياما ناس حبت و ما استقرت نهايتها طلاق... و تحول الحب لعداوة وياما ناس تزوجت تقليدي بس ورى الزواج العشرة و المودة و التعويد نتيجته حب.

هنا عمتي عايشة اجت ليسرى وهي تكضها من زندها

ـ اكول شلون ساطرة السيد فترة شكيت بيج ساحرته بس ادري السيد مؤمن متكدرين تسحريه محصن باسم الله وكتابه و ايمانه.. و تدينه و صلاته.

بس هسة عرفت شنو سحرج شكد لواكه.

ضليت افر عيني بينهن واني اشوفهن يتناكرن على عمي.. حسيت بغربة امي رفضت رافقني...
بعد عركتي وياها الصبح كالاتي.

ـ ماما انت موكفتي وياي شجعتي اخوتي يضربوني يأذوني ليش احسج تكرهيني.

نضال كرهتيها تشبه بابا حجتج رغم اشوف العيون وبياضها حمارها عليج
لو تركزين اني الي اشبه ابوية رغم شكرة

انت تصافيتي وياه ليش تكرهيني مالج حجة هواي تعبتيني. واذيتيني.

انهاريت ابجي صارت صدك اليوم يزفوني لمؤمل وكل اخطائي بسبب امي

الي واجهتني وهزتني

ـ الج عين تحجين...

رفعت راسي شفت ابوية عينه مدمعة صحت بيه..

ـ عفتنا ومن اجيت لكيت حطام شخصيتنا لا لميتنا لا فهمتنا انتم الاثنين معاناتي..

من احجي اطلع ما متربية ومن غلطت طلعتوني خاينة العائلة الي رادت تجيب العار لأهلها كل ذنبي عشت بعائلة اغلب زواجهم عن حب.

اشهك واني منفجرة كتم سنين الطفولة الرسمتلي اب بخيالي و المراهقة الي كل قصة اقراها اعيش بخيال بطلها..

اشهك افرك عيوني وامي بصوت مرتجف مو ثابت اول مرة اشوف بوجهها ندم..
الام القوية الي ميهمها احد اليوم واجهتها اني طالعة اليوم من بيتهم.. واجة وقت الحساب المواجهة....

ــ ها بابا انت عفتنا واني بس اعرفك بالصور اصدمك شجنت بطفولتي جنت هنا اتخيل الصور و اضيفلك هنا (تأشر على راسها وتحجي )

اضيفلك الحياة هنا.. بعقلي.. وارسمك شلون الرسوم المتحركة صورك الي باللبوم بعقلي ينطقن و يتحركن بالانفعالات...
انت بالخارج تكبر بس انت الاب الي بخيالي الشفتة بالصور مجان يكبر عمره واقف لحد اخر صورة اله يمنا.

واروح لصديقاتي اسولفلهن بابا جابلي كذا.و طلعنا لكذا مكان وبابا ميقبل اسوي كذا... القناعة بداخلي بابا عايش و موجود.. اكول لمروة صاحبتي بالابتدائية مروة هاي جنطتي بابا جابها والسدرية و الحقيقة عمي عبد الله التكفلهن..

بس الناس مو اغبياء تصدك خيالي ووهمي.

لدرجة اصبح مرض افقدني اكثر علاقات صداقاتي من يواجهني تكذبين ابوج شهيد ميت لو التكلي معندج اب.

شي مكدرت اتخطاه انك عايش بخيالي صعب امحيه..
و صعب اتخلى عنه كبرت وكبرت معاناتي اهرب من قسوة امي بقصص الحب اريد مثل حب عمو لعمة عايشة اريد شخص كد ميحبني مينام الليل متعذب بحبي حقي اعيش مثل البنات...

شفت كريم متمسك بيه تجاوزت على امور سواهن و تعلقت بيه..
لان جان متمسك بيه كلت يمكن لان يحبني تصرف بحدة وي اهلي خاف لا يحرمونه مني..
نزوج و ينعدل اهم شي يحبني...
مطلبت هواي طلبت انحب اعيش مثل البنات

همس ابوية
ـ انتصار كافي هذا الموشح ميغير شي.. تردين تنحبين مؤمل يحبج وسوى المستحيل ما قلل من حشيمتنا مثل مسوى كريم دافع عن حبه الج وحاول و جاهد دون ما يخلي اهلج بموضع قلة احترام.
هذا اليحبج صدك هذا اليخاف عليج يسوي المستحيل لاجل الحفاظ عليج بسانت غشيتينا واحتاليتي على شيباتي

وهسة جاية تكولين احنا السبب باختيارج انت متعرفين تختارين وعبالج اصدك مؤمل يروح يتهجم على الما يسمى بس للاسباب الي نعرفها متأكد مضمضملج سواية لا على البال و لا على الخاطر...

بس اكلج ياها المثل هذا الولد رجال من ظهر رجال لو غيره يحجي سوالفج النا ويطيح حظج و يجي يكللنا شوفوا بنتكم..
وتلوموني. وصلتيه راد ينحكم جنحة كحدث و ما انطة بيج لا اني لا عمج اغبياء اصلا كعدنا حللنا تصرف مؤمل وقتها اني وياه ووصلنا لشيء انو انت وراه...
ليش سرق نقالات الولد .. دردشاتج وي مؤمل شو عين الحارة الباردة انفضحت بنص عمامنا لدرجة وكعت بيها المسكينة لبنى. ....

اذا اكو شي عرفه فلا تكولين احنا السبب و محصلت اليحبني هذا عندج ابن عمج وهذا الموجود يحبج ويموت عليج بس انطي نفسج مجال تميزين الرجولة مو عمر ولا رقم الرجولة يا بنتي مواقف ومؤمل كدها وكدود..

طلع ابوية وامي لازمة راسها.

رجعت باوعتلي بزعل.

هنا انهديت بامي

ـ اصلا كلشي صار من ورى تعاملج.. تردين اصدمج هم تخيلتج بعقلي ام تحتوي بناتها رغم انت عايشة بس انت جبروتج و قسوتج دمرتني

ضربتني امي راشدي وطلعت

ـ ادب سز انت... و جبحة... جاحدة..

نحبت لازمة خدي..

ـ اي اي ارتاحي مني سنين ساكته اني بس خلص اليوم طالعة منكم... والي بيتي وكياني بس ناقصني الرجل الي يقنعني وانظرله بعين الجبير مو رجل كضيت نص عمري اجلقة جلاليق...

انتبهت من صفنتي على عمتي عايشة ويسرى وهن متنرفزات..

اليوم كضيتها صفنات مرة ارجع لاحداث السنتين مرة لاحداث صباح اليوم...

عايشة...

نزفزتني من كالتلي..
ـ شبيج عايشة كبرنا على هاي السوالف ومنا البنية... هسة شتكول علينا...

ـ دكافي... اكول الزلمة يدخل يمج مشايف دربة ماكلة عقله بهل دروب و ماليته علي عود يا حب يا عشق مومهم واني القشمر مأمنه بيج على رجلي

ـ يا خية البنية تسمع لا تروح تتعقد من العرس كافي هي ماخذيها تحجج.

باوعتلي عمتي عايشة
ـ شوفي يمة...شوفي وسمعي العشك والحب مهم خليها ببالج مالج علاقة بيسرى تقشمر عليج. الحب والعشق هو اليخلي الازواج سعداء و يخليهم واحد يحترم الثاني بس اذا ماكو حب تصير حزازيات بينهم ...
ردت عمتي يسرى

ـ ولج دادة ام عبيس ركدي خايبة هلا...
تردين تخبلين البنية على ابنا شجاج بدل ما تنصحيها.. تحترمة وتتفاهم وياه وتحبة.

ظلن يتناكرن لمن خابروا على عمتي عايشة

ـ الو.. ها مولاي اي كملوا البنية وينكم..؟

فتحت مايك حتى تسّمع يسرى...

ـ والله مسلمين امرنا لألله وهياتنا ورى سيارة مؤمل الطاير بس كمل طار بسيارتة حتى ملحكت اشوفه من طلع من حمام السوك..

ملتهي بالترتيبات بس ربع ابنج خير من الله غير باقي الولد وعازميهم من جماعة اولادنا البقية غير ربعي اساتذة جامعة ومثقفين وربج فشلني واكف اسولف وي ربعي وفاتوا الهتلية من. ربع ابنج يبزخون على هاي يز ميو مدري شني...

ـ يااا فدوة يمة ربيعات وليدي فرحانين يغنولة بسبس ميو

صوت السيد رزل عمتي

ـ لا يا فطيرة دومج تفرحين حتى للخطأ

شفت عمتي يسرى تباوع لعمتي عايشة ترفع الها حاجب و تلوي حلكها تضحك...

ردت عمتي عايشة تغطي الفشلة

ـ سيد هسة هاا شنو يعني انتم ورى سيارة العريس جا شنو الزفة من الصالون.

ـ لا يابة لا. بس اصر هو يسوق سيارة عرسة هيج كايل لهاشم...

ابنج هذا طلع على كل القواعد هو العريس غير احنا نسوق السيارة وهو يم مرتة والام بصفهم والي بالصدر واحد من اهل العريس شو غير العادات ابنج.

ـ كل جيل ووقته حبيبي انته و روحي وغلاي....
ـ اليوم غزل صريح شكو؟
ـ يااا دومي احجي وياك بالغزل...

باوعتلي عمتي عايشة وتأشر على حلكها باصبعها وهي تخزرني عود تعلمي مني حتى تكسبين زوجج و تعيشين سعيدة

بكلبي كلت الظاهر ذن الاثنين راح يومية كل وحدة تصيرلي معلم وتعاي طبقي مفاهمات مشكلتي مكدر اتقبل مؤمل كزوج...
ويردني ادلعة واغازل شن هاي...

ردت تحاجي السيد

ـ مولاي اهم شي الغزل والحب هو الي يسوي التفاهم والاحترام بين الازواج شكد مرينا بصعاب بس اخيرا تفاهمنا حبيبي
و احنا عشكنا من الصغر

صغيرة جنت وانته صغيرون
حبنا كبر بدا بنظرات العيون..

كالوا ترى ذولة يحبون...
من الزغر لمن يكبرون
مثل نجمة وكمر. حبنا كبر وازدهر.

صوت عمي بيه بحة عشك بس جان ميغني الاغنية يحجيها بس كلمات هو يقراء اشعار لانها مو حرام برأيه الشخصي مدامت غير مثيرة او مبتذله..

فيعرف كلمات الاغنية.

ـ على الجرف كعدنا ليالي
ذاك النهر والنخل العالي
تغيرت وكبرنا يا غالي
ظل النهر والنخل العالي..

مثل النهر ما تغيرنا
حبنا كبر واحنا كبرنا
محلاه الحب الي جمعنا
مثل الطيور احنا صرنا....

وين رجعتيني حبيبة ليا زمن ليا عشك ليا عذاب الي تصورت ما راح بيوم نستقر بس استقرنا

اول مرة اشوف عمتي عايشة انانية... خلت عمي بموقف تعمدت تفتح المايك تسمع ضرتها وكدام بنات الصالون و اكو عرايس ديشتغلونهن عيون عليهن الي تبتسم متعرف ضرات والي مستغربة عيون عمتي يسرى الحمرة و شهكة وايدها على حلكها

همسة بصوت ناصي من بين شفايف عمتي يسرى كسرت خاطري..

ـ شكد قاسية ادري يحبج وتعايشت و ادري الي معزة بكلبة بس مو هيج تجرحيني

ام الصالون استغربت و تصرف عمتي هلا الفضول يزيد عند الحاضرين صوت عمي الي حسيته متردد و متوجس..

ـ يسرى قريبة عليج!
ـ هياتها تسمع... غير نقالي مدري شبيه ما اسمع شتحجي وفتحت مايك..

ـ شنووو.

سدت المايك و مدري شرزلها...

عمتي يسرى دك نقالها...

همستلي بصوت مبحوح..

ـ وين نقالج مؤمل يتصل عليج..

جانت ايدها ترجف... انطتني النقال واني كتلها
ـ نقالي ميسوي واهس شوفوا الناس وين وصلت والنقالات الي اجت واني نقال طابوكة والزمة بيدي كدام الناس شمالني تخبلت قفلتة وضميتة
ـ حاجي رجلج يعيني،
بنتر كلت..

ـ نعم؟!
ـ نعم الله ضلوعج... كلنا مجبورين مو بس انت بس الفرق اني تعايشت انت لا.. شنسوي هاي الدنيا.
ـ خابرتني على هذا القصيد الغزلي!

جنت اهمس ليسمعوني.. هسة ام الصالون تكول عائلة غريبة بس عرايك ههه..
لذا اهمس للخصوصية..

ردني بشوق بين بصوتة وبحة حسيت بيها حنية بس ما حركت
ـــ تردين اغازلج حبيبتي.. الليل كدامنه يطول بغزلنا. لج احبججججج.... يمعذبني بجفاج..

استغفرت
ـ ها حبيبتي رجعتي للطباكات

همست بصوت ناصي وسديتة
ـ ما مخبل غيرك شلزكتلي هااا ما احبك ولا اريدك...

شوي دك ما فتحتة

انطيته لعمتي يسرى الي تباوعلي بتوجس مبين معصبة
ـ بس لا ضوجتي وليدي وعصبتيه وهو يسوق بسيارتة لا يسوي حادث.

فتحت خط واسمعها تكله..

ـ تمام مثل متريد.. هو نطلعها بالكب الابيض وفوكة وشاح عمتي هيلة ام ابوك..

و عباية راس مثل متريد. ازدحام الليلة راس سنة والناس بالشوارع دربالك يمة لا تسوي حادث...

رجعت حجت من سمعتني ادردم
ـ استغفر الله كبن السوادين بربج عمة كل هذا البسة شيبقى بهاي هوسة ومكياج المن دفعتم للصالون اذا راح يخرب بهاي الاغطية الناوي يخنكني ابنج بيها..

اشرتلي اسكت....
وهي تحاجيه..

ـ ابني.. يمة.. سيدنا حبيبي مولاي عباية... راس وشاح علوية هيلة و كب مغربي شيصير بمكياجها.. غير تختنك مو هيج..
ياااا اصصصص بلا تحرك الدنيا ولا تكسر الامة هاي هي نلبسها مثل متريد بلكت توصلك مخنوكة و تظل تعض صابيعك..

اووف الله يهديها الك حبيبي لضوج و اخذها على لاهيتها يلة يمة لا تسوي حادث لا تخابر بعد...



دردمت من سدتة

ـ هاي البدلة الجابها هاشم شلعان كلب ضهرها قياطين ربع ساعة بس محتارين شلون القيطان نركبه تالي طلع مثل شدة البرنسيسة... و منا احس ضابة صدري رةفعته و خصري حينكطع.. و منا ابنج يجودرني وين الله اموت واخلص منه وين جاه الزهرة عند الله افطس وترتاحون.

ردتني
ـ اشش شجاج انت هم غير عرس هذا.. العرسان نار وشرار ميتحاجون...

رديت واني ارسم ابتسامة اقلد
ـ هياتني اضحك الله شوفي ههههه
اصلا باردة وفرحانة بحظي..

باوعت عمتي يسرى لعمتي عايشة

ـ لا زعلين يخابر علي لاني امه الولدته فديتة يلجألي.


ردتها عمتي..

ـ يمعودة اريحلي شلي بوجع الراس اني اراسل الحب...

بوزت عمتي يسرى.

ام الصالون كل ساع تباوع علينا و حست بينا دنتناكر فسكتت....
شوي و صل مؤمل

كومني عماتي البدلة برنسيسة موديلها كلوش

بعيوني دموع محبوسة.... و شهكة مكتومة حسيت بطرف عيني نزلت دمعة تدحرجت

اجت الكوافيرة.. عدلت عيوني على السريع..
و عماتي طلعن يتسابقن منو تطلع الاول لمؤمل.

ـ لا تبجين حبيبتي... مبينه مغصوبة...

و الله حشلعلج كلبة بالماشات عوجتهن حتى ميكدر يفتح التسريحة بسهولة...

ابتسمت لأم الصالون وهي تشاقيني

دخلن ثنينهن لطشن بالباب كل وحدة تريد تفوت اول تطلعني لمؤمل..

صافنة بغيرتهن تجددت مدري شبيهن حتى على مؤمل وحدة غارت من الثانية...

باوعتلي الكوافيرة و بنت اخوها متجاهلة عماتي وحجت لان بينت مجبورة عليه..

ـ حبيبتي اشوفج مهمومة جابريج على ابن العم هاي مثل نوسة.. بنت اخوي. مو ايناس هم هيج خطية بس والله هسة متكدر دونه و تموت عليه الزواج يخليج تحبيه والله العشرة و المواقف والله يحنن كلبه ويطلع ابن اوادم و يسعدج...

ابتسمت...

ـ شكرا..

ـ اصلا معندة ذوق اذا ميحب هذا الكمر...

و الله جنج لعابة.. ليش امج مجت وياج.

نزلت راسي امي زعلت هم اكدر اكول هيج لا مكدر اسكت احسن
امي اخذت موقف مني ونست تجاهل عصبيتي ومواجهتي ولازم متتركني بهل يوم وحدي

يا ناس اني امي ما اجت وياي حسيت باليتم ودمعتي بطرف عيني وصت علي
عمتي عايشة

رديت على عمتي عايشة واني الزم ايدها
ـ هاي امي

حضنتني عمتي طولي اني تقريبا ٦٣بس لان اغلب العائلة طوال بجثالة ينضرولنا ناعمات وكصار وعمتي طولها مقارب الي.

اجت عمتي يسرى بوستني

ـ انطاني كامرتة الالكترونية اطكلج صور بالصالون يموت عليج و الله.بس انطيه مجال وانطي روحج وعيشوا بتفاهم.

جانت كامرة الكترونية تبث للنقالات وللحواسيب... تصور لقطات صور وفيديو ايضا..

انتشرت بهاي السنين زوم.

ترى منع اي تصوير الج غير هاي الكامرة والاستوديو..

ظلت تصورلي.مرة فيديو مرة التقاط صور..

و هي كل ساع تطلب مني وضعيه..

شوي و عمتي طلعت الكب من الكيس و لبستني ياه نزلتة على وجهي وخلت الوشاح الاخضر الي للعلوية هيلة يكولون جان شغل ايدها بخطوبتها سوتة لعرسها وصار عدنا تقليد نتوارثه باعراسنا... و اوقات يطلبوه على بخت هيلة تنزف عروس بيه...

و خلت عبايتي الي اصر مؤمل البس عباية راس راد بوشاية بس حاجاه هاشم و رغم هم حاول على عباية الراس بس قفل مؤمل قبل ما البس بوشاية بس عباية الراس كال رغبتي هاي..

طلعت حسيت ايد ترجف بيدي تشد حيل استغربت ورجفت ايدي بين صابيعه المرتعشة

مثل الي يخطو اول خطوة حالنا...

بصوته حسيت يهمس مرتبك مبين متوتر

ـ ناخذ صور بالستوديو افضل مما نصور بالزفة..

اكو ستوديو تابع للصالون لأختها

بيه صورنا يعني طلعت من الصالون دخلت بصفة ستوديو تصوير

جانت تطلب لقطات بينا
ـ خلي ايدك على خصر وايد تمسك ايدها مثل رقصة سلو...

حبيبتي باوعيلة و ابتسمي خوية شوي دنك شلون الي يحتوي نظرتها

سوينا الرادتة

ـ اوكفي كدامه رجعي ورى اي شلون تنتجين على صدره..

خوية احضن خصرها بية و بيد ارفع وجهها الك و قرب وجهك من وجهها..

هواي لقطات اخذنا

بس فاجاني من طلب من ام صالون تصورنا بلقطة حاضني و شفايفة على خدي مستقرة بزاوية يم شفتي و عينه تجاه الكامرة

و لقطة ثانية شايلني و تعاي الا تحضنيني من ركبتي.

ضجت منه خبيث تعمد محسيت الا شفايفة تبوس كصتي و همس
ـ يا حارمتني من هاي الشفايف لو ما ام الاستوديو و رب الكعبة هسة اخذمنج بوس الخطوبة شهر شهر سنة سنة...

اجت الصورة كانما يهمسلي غزل...

(

نزلني و هو يبتسم.. و يهمس بأذني

ـ والله عاقل اني ما بست الشفايف ولعبت لعب محروم والله بس خفت الفشلة عيب من التصور وهم مريد اخرب المكياج بس تلامس خفيف على مود الصورة صح مجبورين اني وياج بس بعد باجر اولادنا تشوف الصور خل يكول صكر ايباااخ ابوية شكد يحب امي..

لزمت ايدها وبيدي ساعدتها على لبس الكاب والوشاح

ـ هاي العباية شنو

ـ غير اوامرك واني اختنكت ترى

ضحك..

ـ كوليلي كلمة السر وتملكيني..
رفعت عيوني اله وكتله

ـ ما احبك ما اريدك ولا بيوم اتقبلك خليها ببالك.

نزل الكاب حيل و غطى وجهي عدل الوشاح خنكني بيه كلش وفوكة العباية
و جرني من ايدي حيل بين عصب..
و طلعني من غرفة التصوير...
ردت اوكع لزمني امهاتي...

ـ اسم الله اسم الله
رزلته عمتي... يسرى

ـ شجاك شحاجتك وهيج تنرفزت... مو كتلك ندخل وياكم للتصوير نعدلها مقبلت.

ـ ماكو شي يووووم.

دردم كلماته و سمعته يحاجي المصور البرة على مود وصل التصوير....

لزمني وطلعني يجرني جر كل شوي اتعثر و عماتي يلحكني لا اوكع اني مجودرة مشوف دربي وهو يقود ايدي بقسوة عاصرها كلش.. و يسحلني وراه.

دردم بصوت
ـ هذا حظي ونصيبي... العرسان فرحانين بعرايسهم الا اني فشلتني. تسمعن يمة تسمعن راضيات.. اغازلها تردني باسلوب مبيه احترام...

لا تلوموني من احطها هسة و اكتلها هنا..
بس لو ما حق اداب الشارع لسويها حيل نرفزتني قهرتني

عمتي عايشة تهديه

ـ هذا ابوك وصل ينتظر... ياشر شكو شافك مزهمر وجهك..

ـ كليلة مولاي هذا الردتة ابنك ينهان... منو غيري يقبل بيها ورى ما ترفضة وين الكرامة اني استاهل...

صعدني السيارة بالصدر..
بسرعة شلت هاي الجوادر وتنفست اهفي على وجهي.. صح بارد الجو بس اختنكت هسة بس الكاب شحلاتة او الوشاح مال العلوية بس مو كل ذن

التفتت للجامة وسعت عيني مغير اسايله اول مرة اشوفه بالقاط.

دون قمصلة جلد و جنز او بدي لاطش بعضلاتة والوشم بارزة

شفته يبين نص العشرين لحية بنية مرتبة و مخففة بنزاكة شعر مرفوع لفوك اخر موديل

قاط اسود... برز لمعان الشعر الاصهب قميص ابيض.. فاتح اعلا دكمتين. سنسلة فضة تلمع تحت القميص يمكن الي بيها صقر...

اجت عيني بعينه جان معصب يخزر توتر خلا ايده بشعره رجع تجاهلني باوع لسياره عمي.

..

هلاهل وركص فرسان البادية غير موسيقى جماعتي..

هذول شدلاهم شجابهم... غير على اساس بس مؤمل وعمي يجوني للصالون..

مموصيهم بس هم بكيفهم يردون يفرحون بيه... نزل عمي وسمعت صوتة

ـ بس... شنو هاي استحوا

عمي ما تحمل رزلهم لان نزلوا بزخ كبال الصالون و جروا مؤمل الي كضاها هز جتف و ركبة وي محمود وولدنا

بس صوت فاضل...اااخ حسرة بداخلي بس بعد خلاص حرام حتى اكول هل كلمة واني هم دفنته من زمان وتناسيته.

بس الحسرة انو مو لان متزوجته الحسرة بسببه اندفعت ادور بديل شخص ميرفضني هم احملة مسؤولية الصارلي

اسمعه يحاجي عمي

ـ يابة الزمن تغير وهو عرس عوفهم

ـ ابني مكايل شي خل يفرحون يركصون بس لزكولي بهاي بزون ياميو

رد مؤمل يغني

ـ كلب كلب وين وين غايب علية سنتين يااابة اي والله سنتين الحب ورمتلي كلبي وتريد ما نفرح ونغني يابة عوفني انت احتفل بية على طريقتك واني على طريقتي وي ربعي والحفل يصير حفلين...

ـ اثكل ابني

يم سيارتنا النقاش والبزخ اخر شي استسلم عمي اجة باوعلي
ـ ها نصورة يابة
و ابتسم يشاقيني يرفع معنوياتي الندم داخلي ناحيتة شلون مدرت اخدعة بيوم واحجي عليه.. و اخذله دمعت عيني...
وهمست
ـ الحمد لله
ـ لاه لاه ليش تبجين يابة لا تخافين بنتي ابني يحبج و انت النفس..

بداخلي كلت ليش مكالوا وانت يا نصرة شتحبين..

سكتت و هو اشر افتح باب السيارة

فتحتة باس كصتي وسد باب السيارة

المشكلة ميفهموني فالسكوت احسلي...
خلاص بعد تأخر الوقت سنتين بكل طرق التجاهل وقلة الاحترام لمؤمل حاولت يفركش الخطوبة تمسك بية اكثر
هسة مينفع الحجي زواج صار واقع.

اني بس وجهي طلعتة لان كلش اختنكت....

بدلتي مو للمحجبات...

شرطت و توقعت مؤمل يرفض لان شفتة الا عباية راس وراد يبوشيني بس انصدمت من وافق وكال منو يشوفها بس النسوان عادي تدلل ام صقر مستقبلا

هيج دزلي بيد امي عايشة و حتى بدلتي هاشم جابها دون ردن و قياطين راقية مال اميرات واسمها موديلها البرنسيسة... ظهرها قياطين مفتوحة...

رجعت اباوع لمؤمل الي ذب لحم وي ربعه و ولدنا...
محسيت الا ابتسم اضحك من شفت اخوي شهم شلون يركص و يردح

يمكن بس هذا الشي الحلو بزواج اولاد العم انو حتى اخواني ابوية يحضر عرسي و ماكو عيب يركصون و يفرحون لان مؤمل مو غريب...
بس عمي مبين كلش ضاج

صاح على محمود...

ـ تعال ابني شنو هاي متكلي كواولة احنا ولك سادة الناس تحلف بينا جايب بوقية و طبل ودمام...

وناس شواذي تكمز وهاي. بزون يا ميو شنو

ـ يابة اغنية طشت السنة..
هيج تبدي كلب كلب وين وين غايب علية سنتين بسبس بسبس بسبس ميووو.
مو غناها مؤمل توة... بسيابة متركز

هز ايده و هنا وصلت سيارة بيكب بوقية ودمام

مدري مؤمل متعمد و مخليهم يتبعوه مدري هم عرفوا المكان واجو هنا مكمت اسمع الحجي

هز ايده عمي..

و تخوصر بس ساكت...

اشر مؤمل للبوقية.. و دك ركص والدمام

يمكن من سنتين مضاحكة هيج اتخيل عمي هسة يبسط مؤمل على هاي الدكة

واول عريس يزفوه بكتله هههههه

صوت وسام وهو جنة عجبة الوضع و نزل بس بهوسة مو بلطلطة مثل مؤمل وربعة جماعة بزون يا ميو على كولة عمي..

ـــ افرح لابن العم تعتاز ايامه افرح لابن العم والف ما يلتم غير اعضاه

يدبجون...

عمي كلهم

من حسين سكت البوقية

ـ يلة يابة سياراتكم شبقيتم للعرس تتعبون خلولكم مجال منا للصبح محد يكلكم لا.

و جر مؤمل و جابة للسيارة سمعته يكلة

ـ سويتها لو ما عرسك مريد افشلك لك شنو هل زبايل مصادقهم بزون ميو

ـ يابة بسبس ميووو احلى اغنية عدنا هاي تعادل اغاني ام كلثوم و عبد الحليم حافظ..
بزمنكم..
هز ايده و كلة
ـدطلع سوق يلة بلا كلام زايد.. خل هذول يتبعوك صدع راسي و نبههم يم بابي مريد هاي الفرق .. شتكول الناس لا تفشلوني تعبتوني والله مرمرتوني..

ضحك مؤمل و لزم ايدي بيد و ايد على السكان

ـ غير تدلل يابة من بطن عيني شعدنا غيرك
ــ صدك ... جيليش الله يستر منكم... وهذا الحلاق شمسوي بشعرك اكول شردت بسيارتك..

موديل يابه....
ـ لا اله الا الله.. حسبي الله ونعم الوكيل عرسيش هذا راح انجلط من وراه

ساق مؤمل السيارة و همس جنة نسى عركتنا

ـ بسبس ميو... شلونج... بعدهن كابات سوادينج لو عقلتي حتى اعرف باي اسلوب احجي وياج.

ـ
مؤمل....

كاعد ومتوتر واني اشوف الوقت... قارب الزفة...
اني اعرف الزواج بس توتري لان اول تجربة و اكو امور عن البنات معندي بيها معلومات تامة و هم اخاف لا تظل تبجي وكلبي يرف و يحن ومسوي شي وتالي كلها تنظرلي مو رجال هذا نظرة مجتمعنا.

خاصة هم يعتبروني صغير.. واني لازم اثبت العكس اضافة كذبت عبالهم مجرب..

رجعت اذكر من جبتها من الصالون و

ذبيتها على اهلها...

و رجعت بيتنا...

لاكوني هلاهل بنات اخواني وركص غير بيبي خولة لكيتها عدنا بستها

وترخصت طلعت للشارع و دك البوقية ونزلنا للكع للكع

حلفت اعوض ما احتفلت بخطوبة وعقد و الحنة امس ما سويتها اعرف... بربعي ميلتزمون و يجيبون البوقي دمام وميعجب ابوي يفركش مخطط العرس و يكلي اخذ مرتك للزيارة وهناك تمم وتعال مجمعلي كواولة تتمركص ببابي

و هي تندعي

ـ يارب توم كون من الليلة تحبل

جانت تهمس بس يمي... و تصلي على محمد

ـ لا تسمع الناس الدعاء و النوب يحسدن وليدي ومريته لج نصيرة كون مثل نضيلة كلة زوجي تخلفين

بلعت ريك و اني كدام حقيقة بعد ساعات شلون اتقبل مؤمل كزوج و علاقة واني احس ممتهيئة نفسيا

ولا بالخطوبة قبلت نطلع ونلتقي الله وكيلكم يكض ايدي اكلبها عليه رزايل يعصب علي

صديقتي انخطبت وراي وراي من شهر انخطبت مو مثلي من سنتين..

تسولفلي...

ـ ما خلينا شي مسويناه بقت بس هة اها واصير مرته ههههه

داخلي لعبت روحي اتخيل بعد ساعات وي مؤمل لا ما اقبل شنو عوع...

تذكرت روحتنا للخطوة بس اني وياه هاي قبل سنتين على مود نلبس الحلقات كاعدين و جايب هو كيك من كشك وشمعة

الكيكة ام ربع دينار

الموقف مضحك عود حفل بينا...

شلون سطر الغراض العصير و الشمعة و شعلها وهو يطلع العلبة

لبسني الحلقة و رفع ايدي باس صبعي البيه الحلقة و جر نفس
حسيت بلحيتة تداعب صابيع ايدي ورعشة خفيفة بجسمي خذتني وترتني سحبت ايدي منه

ـ انتصار الليلة بس ينامون نتشاوف اريد احجي وياج و..

حسيت شيريد من فترة يدك عليها سحبت ايدي ورزلتة و كمت...

ـ خل نرجع اختنكت

ـ بس لسة ما كملنا الحفلة

ـ خل نرجع..

ـ دكعدي البسج باقي الذهب

لبسني واني بس ارزل و حسيتة عصب صيح بوجهي و ضرب حلكي

ـ سكتييييييي حرام عليج ضيعتي فرحتي.

و هواي مواقف كل عركة بينا يزعل ياخذلة فترة وحتى توصل كم شهر منتشاوف...

و يرجع هم مرة خابر الساعة بالوحدة كلها نايمة و الله تعاي نلعب بلي مكدر انام
من ما رحت ثاني يوم جاب مصرفي ووجهة صاير مزنبر ومبوز

انطاني مصرفي وطلع.. بس كال كلمة

ـ اطلعهن هل تصرفات من عيونج بس خل نتزوج و الله اطلع حرماني ابسط شي لزمة ايدج...

انتبهت على صوت امي وهي تبوسني برطمت. و بكلبي كلت اي ام حتى للصالون مجت وياي.. والله زعلت اي ام اكيد هسة اجت لان ناس متريد يكولن عافت بتها..
ممعقولة تندمت عافتني وحدي ونضال متكدر تجي للصالون ملتهية بزعاطيطها..

ـ نصرة يلة لبيتج اريحلج.. النسوان شلون مصلي على النبي.

غرفة مؤمل جبيرة كلش تحولت لهول.. او ل ما ندخل يم الباب من الداخل سندانة ضخمة لشجرة الظل.. النوب طقم من قنفات وبلازمة.. بعدين نمشي بين مساحة تظم مطبخ و الغرف ثنين غرفتنة وغرفة للاطفال مستقبلا
بيها حمام و مجهزات كاملة
جان شلون سويت... و استخدم بعض من مسافة الورى بيت لاجل مشتملنا و اكو باب هم خارجي من المطبخ خاف نريد حرية نطلع ندخل منزعج بيت عمي.

دخلتني امي الغرفة...
يمكن اليوم اول مرة اشوف غرفة نومي حتى من اجي ويكلي تعاي اراويج بيتنا اتحجج و ما اقبل

تعجبت ذوقه حلو جنت خايفة من ذوقة ندري بمؤمل من طفولتة مخربط ونلم وراه و هو يشمر و معندة ذوق كلشي مخربط

بس انغثيت معلك كيس الملاكمة بنص الغرفة

ـ ماما شنو هذا...؟

هزت ايدها امي
ـ شوف الحظ شمسوي بالغرفة بلة عاقل رجلج؟

دخلت نضال....

ـ ههههه نصيرة حاطلج كيس ملاكمة ديكلج هااااا ترى بوكسي مرة بيج مرة بالكيس

امي فشلتها
ـ بس... تردين تخوفينها...

ماما ماكو شي هو رياضي جائز مخليه على لوحة ايده

رديت بخوف.

،ـ او جائز تعمد يغثني يهددني مخليه كتهديد شوفيه...

شوي دخلن عماتي

ـ شبيها عروستنا عاتبتها امي

ـ تعالن شوفن ابنجن الله عليجن شنو هذا بنص الغرفة؟!
صايرة دايرة كيس ملاكمة نص الغرفة

عمتي عايشة ردتها

ـ و الله يا ام وسام كيس ملاكمة ولا خنجر و منجل عموما. ...

مؤمل من زغرة يحب كيس الملاكمة ميكدر الا بغرفته

ـ تبسمرين صايرة يا ام عباس عموما.. ليش ميخصصله غرفة للرياضة ويلاكم بكيفة مو هيج يعقد البنت

ـ لا هو يرتاح بهيج مكانة نص غرفة نومه وهم من يعصب دوم يطلع بالكيس قهرتة

ـ والله يخية خاف ينسى و يشبع البنت بوكسيات ترى بس لا هم يسويها كيس ملاكمة

ـ شسالفة...؟

مؤمل....

جروني ربعي رغم توتري من الراح يصير. بين لهفة وتوتر لهيت نفسي بالردح و الركص على اغنية بسبس ميو واغاني هواي ردح شبابية

شوي شغلوا ديجي

كضت والله كضاها لعادل عكلة

و نزل الهز و الركص و نزلت وياهم.بلكت يخف ارتباكي وتوتري

كضت والله وكضاها بطيب وكفات
ولا رجلي على الشمات
واكفه ولا رجلي على الشمات وكفه نخيت اللي بحضرته الناس وكفه يلين كل قلب قاسي عليه..

كلها منيدي والله ضيم اللفاني وعذباني.

باوعت شفت ابوي كام ودخل اكيد معجبة الاجواء،

اولاد عمة الي يسبح بالسبحة الي يستغفر ومدنكين بس شافوه دخل تبعوه مثل الزيبك شردوا وراه جوة للمضافة

صاح محمود...

ـ السيد راح يلة نعلكها علك... اخيرا ناخذ راحتنا...

ردة ابوه وهو متخوصر يضحك علينا

ـ مو انتم يا شباب على اساس معلكتوهة ترى مستغرب ما خرب العرس وشحت ذول السبايكية

وذول الزبيرين هيوة...

اكلك ذكول منو الي اجو ماخذين الشارع مشي وهوسات و بزخ...

باوعنا لجمهرة شباب جاية مشي وهم يردحون و يركصون

فضميت كلشي للعرس وخليته امام امر واقع ميكدر يعترض ولا يخرب العرس ولا يفركش الحفل لان العمام جاية ... و عازمين وبطايق وطابخين

لذا صعب يتراجع ويدزني للزيارة وي نصرة وبلا حفل...

اخذتها من اهلها وفرينا البصرة جماعتي من الجام للنص طالعين بزخ و يسابقون وياي..

اشرت من الجامة... يهدون السرعة....

ـ مؤمل.. اليوم يومك يا بطل... عرس الغالي نتعنالة.... مؤمللللل

و يصوفرون....

صحت بيهم
ـ يوم الي نزفكم... مشكورين بس دربالكم من السرعة...

و سبقتهم

درت عيني تجاهها مطلعة وجهها تباوعلي بعدم رضى

و تتأفف
كلت

ـ سلامات شبيك سيد عبد الله..؟ خو ماكو شي.. حرام نفرح... شباقي بالعمر...

ـ لا سلامتك بس شوي الرزانة مطلوبة وذول ربعك ممرتاحتلهم.. شلون عمي ما طردهم... و لا تقلد وتسميني باسم عمي انت اوصل لضفره و عود احجي.

رديتها

ـ الله يطيح حظج عموما ساكتلج حاليا بمزاجي...

و جماعتي. و الله فرحانيلي عرست.. و ميصير نطرد الوادم وعفنا الرزانة الج عاد و الله رزنة انت لو نسينا...

شوي و صادق و مهيمن على دراجة فاتوا
وصاحوو
ـ زعيم... مطلوبلي دين بعرسي من ازوج...

و هذا صادق الرزن عود ضل يردح...
وهم يدكون هورنات

كلت بكلبي المخابيل تابعيني بدراجة من قلة السيارات..
وهذا صادق شكد عرضت عليه يتعلم يسوق مرة دخلي سيارتي ببرميل و بعد مصلحت الدعامية شحوتة شحدة يكض السويج..

واني اخزرها وهي تخزرني..

ـ مؤمل ترى زواجنا صوري يعني على الورق
ـ على الورق على الدفتر شلونج انت...هههه

ـ شنو الي يضحك مو متفقين
ـ انت من كيفج حددتي واتفقتي اني،سكتت
هذا اليوم سنتين انتظره يا صقرتي المتمردة سنتين اراويج الزلم شسوي مو انت و النذل تحششون براسي و قررتم ما اكدر ازوج و اخذ،مرتي.
تجاهلتها و شغلت كاسيت حاتم العراقي اغنية لا تهددني اردد وي حاتم...
و اغمز بعيني الها واغني
لا تهددني حبيبي تفارك عيوني انت لو تبعد ثواني تموت من دوني كلبك واني اعرفه الا بين احضاني يغفى اني مجنونك حبيبي وانت مجنوني.

كورت شفتي انطيتها بوسة بالهوة

انتباهي تجاهها ردت ادعم شبة لفت ردت اضرب سيارة ابوي المرت... وكف ابوية السيارة ببريك شحطها ونزل الجامة وهو يخزرني ابتسمتلة...
حاجاني

ـ اذا طلعنا من عرسك سلامات نذبح طلي فدة اركد كافي علي ربعك الي من كل صوب ولملوم جايبهم. علي هم وازيائهم الغريبة

عدلت السير و من وصلت..
باوعت ناحيتها و اجة صادق ومحمود
ـ زعيم خل يدخلن المعازيم و حرمنا ابقوا بالسيارة منعا من الازدحام..

ـ الميوز و الكراسي نصبوهن شغل الولد خل يلتهون.. ترى السيد مبين واصلتلة كلش من حركتة يضرب السبحة برجلة و يمشي

و عروك بكصتة تبين كد ممعصب...

مبين كاتم عصبيتة...

وكلما يحوسون ربعي يوكف يمهم ينصحهم حرام الديسوه مو من شيم دينا

بس يفوت من يمهم يرجعون ركص سبايكية على اغاني غريبة الكلمات...

كاعدة بالسيارة واني اباوع الكاب نازل مغطي نص وجهي مؤمل مخلي بس كد خشمي اتنفس

ـ لترفعين الكاب ولد دتمر يم السيارة..

اكو عيون مو راحة مو كلها تغض بصرها

ـ وشكو تعزم هيج ناس

ضحك
ـ الي بالانفس ميعرفة بس الله تشوفيهم تكولين بس هم وبس بس الواقع هم خيسة..
هذا قصدي مو كل الاجوا اصدقاءاكو فرق ودرجات بالمعارف وبالاصدقاء نفسهم يا صقرتي.

ـ هه هه هه.. صقرته مضحك..

عيبت.. ورد
ـ ساعات ونفترسج الصقر ينقض.

شوي و اجة محمود

ـ لهيناهم بس ذول جماعة الكلية رزنين
بس الي من شارع بيت جويد ملطلطين يعني وهم يشتغلون يهزون. عبالك مراكصين سنة

ضحكت

ـ وانت هم ماخذك الواهس وياهم جنك.

مؤمل
شفت محمود...

باوع لنصرة هزت ايدها...

ـ صار زعيم ها خوية انتصار تهزين ايدج

التفتت شفتها تباوع معاجبها يكلولي زعيم.

اشرت لمجمود...

ـ بت عم ابوك ومرت عمك شنو اختك كلها عمة او باجي مثل اهل وسط و شمال.

دخلتها و فاضل ذبح على رجلينا الطلي.

ورى مدخلتها هلهلوا و كام الركص والبزخ

محد غريب بس نسوان يهوسون و الشباب من ولدنا بالحديقة يهوسون

كعدتها و امي تطك بالكامرة صور صحت
ـ ممنوع تصوير غير كامرة امي ذمة ترى

بست كصتها وطلعت...

♡انتصار...
اييييه هاي تاليتها...

اجن بنات نضال العنود و العذوب...

شلت البنية اريد اخليها بحضني

شو عمتي يسرى ما لحكت اخلي البنية بحضني اخذتها مني بنتر

ـ كعدي ابن اخوج الزغير بحضنج...
حتى بجرج ولد...

نضال زعلت و هي تسكت بتها البجت و عمتي عايشة هدت
اخذت خزرت عمتي يسرى

ـ شدعوة هيج تنترين البنية جا ملختي ايديها... حفيدتي هاي شدعوة...

بس عمتي يسرى روحي لابن وسام الثاني الي لسة بالاشهر اخذيه من ليلى الي اني وياها مو هلكد ما نست حجايتي ولا اني الي تقربت الها بعد...

و بقينا حزازيات و مجاملات رسمية
بس انطتني ابن اخوي هذا ضحكلي

ضحكتلة العبة
ـ سيف الدين.. فدوة للضحكة...
اجة اخوه عمرة سنتين...

يريد اصعدة بحضني لاعبتة من شعره...

اجت عمتي يسرى كعدتة يم اخوه بحضني

ـ افرح للصاحب و اوفيله افرح للصاحب وافيله.

حكيت ركبتي

ـ ذول... هاا.ذول هيج خوية معارف وبس.

هز راسة سجاد
ـ هااا الله يكثر معارفك.. و الله بزمنا ابوي الصوندة تشتغل بس يمكن تعب وكبر وههل ساكت لو هي حظوظ هذا الزعطوط لاعب لعب وابوي ساكت

ـ صدك سجاد تحجي هيج شجاك وسفة

حظني و رجع غطة جفصتة
ـ شقى لا شيل هم...

اشر على ناس كاعدة برزانة ووقار

ـ منو ذكول

ـ من الزريجي مهاويل وهم كولوا حرام شعر وهوسات اهلنا ذول شفت خوية اني جامع الشقندحي وي الملتزم وي المعتدل

ضربني على جتفي..

ـ والله انت سبع خوش عندك علاقات... بس ترى ابوي متساهل وياك تعبان ماله خلكك ويا الله يزوجك ويلمك ميريد يخرب العرس يدري بيك طفكة و تطفر منشوفك..

والا خلا طشارهم مالة والي...

ها نزفك بعدك...

رديت مستغرب
ـ شنو بعدي بعدين شلون اعوف جماعتي واروح..

سمع فاضل واجة يضحك

ـ اويلي اول عريس ميكول زفوني ما اريد العشا..

مؤمل طبيعي انت. هااا انت مجرب شابع وقنعان حقك مو هاشم

غمز لهاشم

ـ يبه مؤمل تعال ابيك لحالنا

رحتلة

ـ ابني مال تبي تكص علي تكولي مجرب ماني مصدكك عشان كاشفك انت ما تعطي مجال اعلمك ليه تخلي نفسك بموقف تعال اعطيك تعليمات....

ـ لا شنو مو عيب كلشي اعرف

ـ يبة موجد نفسك.

ـ وايد
ـ انزين بالمبارك...
نزفك الربع تعشوا وعاودوا يتمركصوا

عشان يروحوا لهاليتهم ابوك السيد وايد متضايق وحران من ربعك ومعصب يخوف يهجم يطردهم

ـ بس ما اريد انزف بعد وكت

ـ هو شنو البعد وكت.. راوينا مراجلك. هههه

جان هذا فاضل ورجع كلي

ـ ترى لسة ممستخدملك وسائل مساعدة الي بجيبي انتظر شسوي يا خبير ههههه

صاح علي الي جنة هم ضاج.. من الوضع

علي اخر سنتين ضعف كلش و رغم عمرة لسة بعدة ٤٥ الا الشعر اشتعل بالشيب واليشوفة بكد عمي باقر يحسبة جبير...

اريدها اريد هسة انزفلها بس خايف تعصبني وهم متوتر من اول تجربة الي

وهذا نورس ما اجة من امس والتلفون غالقة شفتة قبل ربع ساعة وصل ويبات ويرجع باجر
زوجتة امس جابت ملتهي بيها...

ردت استفسر منه شوي الصديق اقرب من الاخ..
لان اخوتي بس مال تصنيف اذا صارحتهم..

بس فلتت منهم لجماعتي و هم ركص ومثل اللطم على مقطع
شلون ردحج يعمارة هيج وهيج
ولدها اشوف الاشد والاعظم ولدها
زماني للحلك وصلت ولدها شلون الوالدة الفكدت ولدها
ادور عليك صبح ومسية هذا الخفت منه طحت بيه امولي يا خوية

جان هذا محمود فرحان بالردح
و يصيح
شلون ردحج يعمارة وشلون دكج يالبصرة هيج وهيج...

جرني فاضل

ـ يلة زفة خل نرتاح من جربزتك صدعنا ترى

زفوني

كتلهم
ـ خوية خل ربعي يجون ادخل لبيتي من الباب الخارجي ما ادخل للبيت ابوي...

صارت فرة لورى اابيت مرورا بالمولد...

وصلت لبيتي من باب المطبخ
بيت شكبرة خطية فريتهم الفرة هاي حتى لا احرم ربعي يزفوني لان صعب ادخلهم على حرمنا من باب الهول او مضافة البيها ابوي وربعة اختاريت لباب الخارجي لبيتي الورى بالحديقة...

يم باب المطبخ القريب من باب مطبخ اهلي وصاح علاوي

ـ يلة شباب اخذوا راحتكم مقصرتم ويردها الكم مؤمل بالافراح.

راحوا و حضنت علاوي

ــــ علاوي...

ـ كول ابني...

ـ ترى شفتك ما تعشيت.. شبيك بابا علي. خو ما مريض

ضحك

ـ الشباب ضاع من وكت يخوي على الاقل نلحك على الصحة ما اشتهي
يلة روح لمرتك..

هاشم وسجاد و فاضل واكفين يمي لكزني فاضل

ـ يلة نزفك احنا لغرفتك

دخلنا للمطبخ
ـ ليش ضلمة بيتك.. ما يصير

صوت الصعاديات لان راس سنة رغم لسة مدارت بس الجراقي بكى مكان...

باوعت لصعادية.. واني بباب المطبخ...

ـ مؤمل لا تنسى تصلون قبل كلشي وانت متعشيت وترى خابرت امي تكول العروس مكلت خلتلكم عشاكم بغرفتكم.

تعشوا و اخذ مرتك بالسياسة و ضحكة سالفة ترى ذكرى تبقى العمر تذكرون هاي الليلة

سجاد

اوصيه...
و مرت ذاكرتي بعيد مو لرقية لا... لنفس وليلة اخذتها بالقوة وبقت داخلها حقد علي دمرتها و هي دمرت كلبي وعاقبتني اشد عقاب من خطفت ابني..

الله يرحمها.....

من فترة كلت رايح لاربيل محجيت رحت بري لايران. . لان اني ممصدك بموتها اكول اكو شي هيج اعتقاد داخلي

رحت دورت و سالت عن امها. .. احمدي لكيتة متوفي من سنة..

و امها ما لكيتها

شكد دورت على امها بلكت تبين نفس ميتة صدك انعدمت لو احمدي كدر يخلصها و موجودة

بس فصملح وذاب.

اشتاقلها كلما اسمع رطين فارسي كلما اسمع اغنية لاشهر مطربيهم....

بس شاءت الاقدار متتلاكى طرقنا..

زفينا مؤمل خطية بالهوسات يم غرفتة و شاورتة

ـ لا ترتبك الله يساعدها هي ترى الصعوبة على البنت اكثر مما للولد بهيج موضوع.

و لا تتهور ودربالك عليها خطية ترى هل بنت تأذت بحياتها دللها و هاي احتصار مو شوية

ضحك
ـ لا تحشش على مرتي يلة روحوا لا تشيلون همي

باوعله هاشم بقلق
ـ مؤمل يبة مافيك تتهور الحزة تأذيها يعني توصل مستشفيات بلطف وهدوء مو استعيال و اندفاع..
رده
ـ المن تعلم يمعود خبرة اني

مؤمل.....

زفوني للغرفة اخوتي يهوسون.
لزمني فاضل جتف ايدي ورى ضهري وفتح الباب شوية ودفعني سد الباب وهو يصيح
ـ روح خلصنه منك و بقى عبيس ومحمد الازغر منك

و اخواني الصغار جنهم فرحانين وهم بسنة ٢٠١٠ بعدهم صغار تقريبا سبع سنين عباس ومحمد ستة


شوي صار هدوء و سمعت باب المطبخ انسد عرفت طلعوا...

اباوعلها واكفة وهي عينها علي متوجسة.

كعدت بكل راحة على الجرباية و تربعت... برجلية

اني وكشختي و حتى حذائي
على الفرشة مال العرس.
رغم ابوية قرر الزفة على وقت حتى يخلص من جماعتي الي شاعلينها اغاني وركص بزخ..

بس لسة اسمع اصواتهم العالية رغم بالشارع وصلت لغرفتي او خل نكول سويت سوى ابوية تعديلات حتى تكونلي شقة خاصة بية هم حالي حال اخوتي..
و كال الصغار للعايش واذا متت انتم متقصرون وياهم ذول اخوتكم وتعلموا تتوحدوا متتطشروا.

شفت انتصار تباوع لحذاىي ع الفرشة وهي لو بيدها ترجع مثل قبل من جانت هي ونضال يركضن وراي يرتبن وميلحكن واني اشمر منا حذاىي منا جواريبي.

شفتها مرتبكة.. تجاهلتها... حبي الها تحول حرب اثبات للذات.و تحديات...

ثنينا مجبورين على الزواج... حسب ما هي تظن... بس اني فرحان بالنسبة الي اخذت الي احبها وهاي مو كل واحد يحصلها..

كتلها..
ـ بلة جيبيلي كلبيتي مبيه حيل البس تراك

ردت متوترة

ـ تبدل هنا؟

ضحكت و تمددت بملابسي وحذائي بخباثة
و ثنيت رجل و رفعت رجل سندتها على ركبة رجلي المثنية واني اهز بقدمي هي والحذاء برجلي...

ردت وهي مبينه ممتقبلة كلش الزواج مني

ـ مؤمل لو تنزع اول حذائك و جواريبك... انت مو متزوج وحدة بالناصرية ووحدة بالسماوة
شنو هم هيج يمهن والله عيب
يعني بلة اني بت عمك متعلمة على خربطتك و اهمالك.

كمت بساع و كمزت من الجرباية يمها
هي صاحت
ـ هسة شيكولون شهل صوت

رديت
، يكولون نلعب عريس و عروسة وانكسرت الجربابة
غمزتلها و كتلها...
ـ و اذا كلولي عيني شصار اكللهم اخذت محبوبي و انكسرت الجرباية

وسعت عيوني ما صفيت النية جانب جديد بمؤمل عرفتة وهو منحرف ما مؤدب...
شلون يلمحلي هيج..

رجعت ورى...

ـ لا يااا طايح حظ

هنا لزمتها من ركبتها

ـ عيديها وشوفي.. ترى صرت زوجك يعني لسانج اكصة بس تغلطين خاف اكبر مني طز بيج و بفرق العمر احترمي نفسج
ما ميت عليج هم مجبور مثلج..

راحت للحمام لكته مقفول طبعا اني قفلت كلشي.. اليوم ناوي عليها..
مثل الخطوبة من جبرتها تنزع و هنتها وطردتها...

متفق وي صاحبي يخابر علي اباوع للساعة ما خابر

برجلي زكطت الحذاء وكع على الميز هي شهكت ورجعت ورى لا يوكع بيها الثاني

دك علي ابتسمت و فتحت خط

ـــ يا هلا بحورهن و سورهن وضيهن و جمالهن هلا بحبيبتي
لا ما اكدر اجي باجر ناصرية ادري مشتاقتلي بس شسوي اني المسجين اني اهلي باعوني جبروني غصب اخذ بنت عمي..

بعد بنت العم من تعنس توكع براس ابن العم.. اهووو اكلج لتغارين شبيج عيوني انت بس اجيج حضني يدفيج وينسيج

والله متستاهل انت احلا اي وروح ابوج

جان نورس ميت ضحك

ـ ولك ذبيت فلك خطية ليش هيج امولي
النوب روح ابوي موتتلي الزلمة الله لا ينطيك..

رديت
ـ مو حلوة بت عمي.. جبروني غصب بس خشمها يذكرني بفلكة الجنينة و حلكها جنة ساحة سعد عيونها زروف مس

ضحك نورس
ـ كافي يلة حسدة اكيد المسكينة هسة غارت و حتبدي تنافس مرتك الوهمية.
صدك مو على اساس نسولف افهمك امور عن النساء حتى اعلمك شلون تخليها تخدر بيدك
و تاخذها دون ما تطلعلك السفاح الي بداخلها وتخرب عليك الليلة...

رديت..
ـ كلة منج اجيتي متأخرة و منا اخوتي منطوني درب ننفرد..

هنا انتصار كالت

ـ يعني برة مرتك جاية وي النسوان عزة.. و جايبها بوقاحة وتريد تنفرد بيها وين نقالي اخابر ابوي وعمي يكلعوني منا.

ضحكت وحاجيت نورس...
ـــ نونو لازم اروح وين الحلك مووواه خل ابوسج بوسة واحد مضطر يزوج عليج...

كلي نةرس..

ـ طاح حظك لعبت روحي لا تنسى ترى اني نورس مو مرتك يلة ولي اليوم يومك يا بطل كافي شغلت الروسي و حميت...

سده بوجهي...
باوعت لانتصار لازمة خشمها و و رجعت لحلكها وهي مصدومة

رجعت باوعتلي
ـ انت تحجي صدك يعني صدك مزوج عود؟ شو امي تكول يهنبل براسج..
و كل زواجاتة مؤقتة.. هاي اذا مزوج صدك... و مرتك شلون جاية شو ما شفت وحدة غريبة...

غمزتها

ـ اخذت منها تمتوعة على السريع و دزيتها وي اخوها الاجت وياه يحجزون فندق

ـ ليش مو هنا.. ؟ و هم نتعرف عليها

ـ الوالد مموافق عليها شنسوي جبرني عليج وكلولي الا تتمم الزواج ترى مترضين ما اتمم وابوية يرزلني لذا تعاي يحلوة نتمم

هي متعجبة من اسلوبي.

ـ و الله ما اصدك شو امي تكول جذاب

هو انت يمتى لحكت تزوج وانت بعدك يعني لا تزعل بس اني كأخت جبيرة اشوفك بعدك...

باوعتلها بحدة.. وهي تحاول تنظرلي كطفل اعلمج الليلة شنو اني.. و شنو تكلي اخت..

ـ شنو اختك احترمي نفسج لا اشك حلكح بس تعيديها... بس هين الليلة راح اكسر الصورة الي بعقلج مال اخت واخو لاني اصلا مو اخوج وماكو مانع شرعي لزواجنا.

و امج حلمانة اني كلما اروح محافظة ازوج و بس هنا بالبصرة وربج مزوج مؤقت شكد هيوووو

خبير اني وهسة اراويج خبرتي

ـ مؤمل تزوج براحتك بس اني مالي نفس برجال ولا زواج خليني هيج مركونه.. اني اهلي كسروا بيه بس حتى يخلصون مني لو عمي الي تشدد علي ناسي شنو اني الي اريده.

ـ مفتاح الحمام ماكو.. انطيني ياه...

و بعدين اكو واحد عاقل بنص غرفة النوم معلك كيس ملاكمة...

باوعتلها.. و نويت هل لسان ينكص الا اخليها تمشي و تتلفت.

ـ اذا اشيله اخاف من اعصب ادرب بيج عاد هذا موجود اطلق عنان عصبيتي بيه.

ـ اريد ابدل
رديت بخباثة واني اذب سترتي وقميصي بقيت بفانيلتي الداخليه.. هم ذبيتها بقيت بس بالبنطلون
ـ نزعت انت يلة راويني مراجلج و نزعي...

وسعت عيونها مصدومة اكيد داخلها تكول هذا يمتى كبر وكام يحجي هيج.. هي كلما تشوف بية شي جديد دوم اسمعها تدردم هيج
ـ مؤمل الله يخليك ترى ما اريدك هي مو كوة. و النبي صديقاتي بس عرفن اني اكبر منك لو شايف التصنيف علي...
ظلت تبجي مقهورة
واني انتظر هل يوم اثبتلها مو مؤمل الحجت عليه و وصلتني سكرينات حجيها ورسائلها..

الليلة مهمة الي وراها اني الي اترك اني الي اقرر...

ـ اكيد متكدرين تنزعين
درتها بقسوة صرخت
ـ اوي شبيك..؟
ـ هذا مو سحاب طلع قياطين عود من عقلج مختارة بدلة قياطين هو اني قيطان بوتيني اتعاجز افتحة وانزعة جفت مو بعد بدلتج الي القياطين ع طول ظهرج..

وخرت ايدي و بصابيعي مررتها اعلى رقبتها و فزت بعيد متوترة ضحكت عليها

ـ عود ليش البنية تكمز.. من هيج اماكن..

بس ردها اجة بالكصة
ـ انت مزوج هواي اكيد تعرف..

اريد ابدل وانام كافي مهزلة وحباب روح نام من وقت مو زين على الصغار يسهرون

هنا رحت و دفعتها للجرباية وهي بخوف
ـ مؤمل هاي مو بلي عوفني لخاطر الله لا تعرض عضلاتك.. ما اريدك..

عزت علي كرامتي. الا اكسر خشمها المغرورة
ظليت كاعد وهي متمددة بصفي
صافن عليها

الرهبة بداخل شاب الي ممجرب هو توتر و ارتباك بس مو معناها ميعرف او متخوف مثل البنات

مدري ليش حسيت احتاج اخوتي كابرت و مخليتهم يفهموني اكثر من معرفتي لهيج امور
كل بالهم مزوج و عادي

رحت للحمام طلعت المفتاح وفتحتة و دخلت للحمام خابرت هاشم..

ـ اريدك بشغلة.. هو اعرف و فاهم العلاقة بس هيج حبيت ندردش قبل لا اروح لمرتي شوي اريد.. اريد..

سكتت شكلة خاف عبالة ما اعرف واني اعرف شنو زواج بس هاي النسرة الخبيثة اريد اخوي يعلمني وين نقاط ضعف البنات و شسوي حتى تسكت و تتلهفلي وهنا انتصر عليها

ـ وش بلاك يخوي.. طيب يبني فهمت عليك..
حسيته يدري بية ممجرب وكل معلوماتي نظريه بس مراد يحرجني

سولف وياي ومن سديتة ملحكت اطلع خابر سجاد


اعرفة يغار من هاشم هواي فسايرتة وصراحة هم فادني.
رحت طلعت.. من الحمام
ـ شوفي عمري بالغ سن الرشد قانونا و شرعا.. يعني عيب كل شوي تتجاوزي و تخليني اصير قاسي ونذل وياج.. تحترمين نحترمج متحترمين الصقر يراويج الما شايفتة...

صرخت من رادت تشرد مني تبجي ممتقبلتني بس اني حضنتها و سويت الكالوه اخواني.
.
.
.
نايمة بصفي و تبجي واني نزلت بيها راشديات
جهلي بامور الزواج وترني وهي متعاونت وياي تقلص روحها ومكدرت اخذها هذا خلاني عصبي متوتر

بس الشيطان وسوسلي هم.. بشي
بسبب عدم خبرتي ولا اني الي اخذت معلومات وافية بهيج حالة شنو يعني وشنو التصرف الصحيح حتى اكدر اتمم

فوسوست من ما بين شي معقولة اتفقت وي امها وزوروا التقرير و كريم لازمها معقولة حجي كريم صح
استغفرت الله و هي بصدمة مثل الممصدكة صرت اني زوجها
و تقربت منها كل ضنها ما ادبرها او متوقعت اني ممكن اوصلها..

رحت للحمام بصوت هامس اخابر هاشم طبيب و اكيد اني غلط
ممعقولة كريم مسويلها شي ورى طلاقهم
خاصة من راد يقشمرها بحجة ندم ويريدها ترجع.. ضليت احسب مرة لازمها كريم بالعرس و زوروا التقرير مرة خاف من هددها بالدردشات والرسالة وافقت تروح وياه خاف رايحة

و محاس بيها من راقبتها.

رجعت اوسوس و اوسوس.

معقولة من لزمتهم بالمطعم طالعة وياه غير مرة وغادرها
هل سالفة دخت...

يتبع..

هل بارت بس نصرة و مؤمل وعرسهم
هاي البارتات تخصهم ....

حتى تفهمون دواخلهم لازم اتفصل بيه ردت اختصر البارت السابق...
بس لازم امشي بتسلسل

باقي الشخصيات ثانوية دورهم خاصة جيل اول وثاني ولاني دمجت الاحفاد وي بارتات صقر البوادي
من بارت اليجي ابدي مشاهد عادية و شوي شوي تتصاعد احداثهم لمن كل واحد ياخذالبطولة ببارتات تخصة هيج سياسة كتابتي

البارت القادم لو باجر لو عكب باجر .. في حال توفر النت
اذا تأخرت اشتراكي يعني خلص..
وانتظر التفعيل..
بالمناسبة بس مرتين نزلتلكم بارتات اسبوعية ترى دا انزل كل يومين بارت او بين يوم ويوم.. يعني ممتأخرة

يُقال :
‏"عندمـا يأتيك إحساس مفاجئ بالحزن
‏دون أن تعرف السبب
‏فإن ذلك يعني أن هناك شخصاً
‏يشتاق إليك بشـدة
‏لدرجة التألم
‏لدرجة أنك تتألم مثله
‏حتى وأنت بعيـد عنـه "

البارت الاول

الحجي مثل الوجع فتره ويروح
مايعور الكاع من يدبي النمل
الحجي بليه اسباب مو لابن الاصول
الزين يكعد عدل ويسولف عدل
انه ادري من الحجي ميبطلون
عيشة التمساح على الماي الضحل
الوادم تكاطف صخر على الطير ليش
جنت ماادري واحير من انسأل
صدفة ذاك اليوم سيرت المضيف
وعله سالفتي نشدت شايب كهل
وكلي ناسك تبي اتطير وي اليطير
ايغثهم اجناح اليدج عليه نسل
الطير منهم ماسلم ناسيش هاي
بل الحقد عدهم طلع سن العقل
هيچ اكو اوادم وحق ام البنين
يدفنون الميت بلايه غسل
كرهت كلشي بسبب شى ملموس صار
ناس على الشيطان ضلت تتكل
فتحت الباب الرئيسي ودخلت على كيفي امشي بهدوء بس صوت مشيتي اسمعها وانفاسي العاليه وعيوني تتنقل بكل ركن بلبيت خطواتي احس بيها عمر سنين وايام وساعات مشت بينا يله وصلنا لهنا
اندار على كل باب موجود بلبيت اكو بيبان جان لازم متنفتح ولا احد يتقرب منها مو كلشي لازم نعرفه راح نرتاح بمعرفته اكو شغلات لو باقيه مضمومه هواي احسن انعرفت وانفتحت جهنم وياها
كعدت وحطيت ايدي جوه خدي واخذتني الصفنه من جنا صغار بدايه التسعين وبيبي عمشه  لامتنا كاعده بلكاع على الجودليه (فراش) وقريب منها صوبة علاء الدين وعليها قوري الجاي وبصفها طاسه بيها ستكاين حتى شوكت ميعجبها تصب وتشرب  چاي مهيل الجو بارد ومطر والكهرباء طافيه وبس ضوا اللاله مضوي المكان لامتنا حتى تحجي قصة كفاحها اكلت راسنا اكل بيها تعيد وتصقل ولا تكل ولا تمل لابسين بجايمنا البازه واحد يكفخ بلثاني ونريد بس نكوم ونخاف منها لان تضربنا اذا كمنا وعفناها وهي تسولف مجبورين كلنا على هاي الكعده نخاف من ضربتها ايدها ثكيله تكفخ الواحد تخلي يوم كامل يون من الضربه ايد الزلمه مو مثلها
عمشه : ولكم منعولين الوالدين اكعدو راحه انتي بت صالحه اثگلي
سما :اني شعليه بيبي هذا مهند هو يكرصني من ظهري ويخليني اكمز
مهند : والله بيبي كذابه هذا يونس كرصها
يونس : مو اني والله مو اني
عمشه : اش لا بارك الله بيكم خلفه سكط على امهاتكم
نزلت من الدرج ويه كل بايه تنزل منها ترجها
رج وكفت بلنص بدون متكمل الدرج وحطت ايدها على خصرها ومعاجبها الحجي وبصوت عالي هااا عمه بس لا تقصديني ويه جناينج
رفعنا عيونا عليها غير هاي صالحه من تحظر الملائكه كلها تطافر خفنا وسكتنا كلنا
عمشه : ومنهي وياج نبصتي بلنص عفيه مره فوك واذنج يمي
صالحه : غير صوتج عالي ياعمه يجيب التايهه واعرف بسوالفج لازم تذكريني متكدرين
عمشه : غير احبج ولازم انبش اهلج الخلفوج
صالحه : شنو عمه مسمعتج
عمشه :هاي ماعجبتج وماسمعتيها مو وياج  مو وياج
صالحه :تباوع صالحه ومعاجبها الوضع وعاطت انتم يله كومو انخمدو شنو كاعدين لهسه
مهند : بعد وكت يوم
صالحه : انجب واخذ اختك واصعد فوك وانتم كل واحد على امه اذا هنه عايفات الجهال ونايمات بحضون رجولتهن
عمشه : جاا وحد وانتي هم جنتي نايمه بحضن عبيد
صالحه : غير رجلي قابل صاحبي ياعمه خو انتي بس عينج ورايه وعوجت حلكها
عمشه : لا وراج ولا كدامج اخذي زعاطيطج ولي دخت اريد انام
كلها كامت تركض اله وحده مكابله بيبيتها وصافنه عليها
عمشه : هااا يمه ماي ماتكومين تنخمدين مثل اخوتج
بصوت طفولي وبأحرف متكسره بيبي اثمي(اسمي)  ناي مو ماي
عمشه : غير ابوج المطبل وامج الكيوليه(راقصه)  سموج اسم مال رواكيص
شنهي ناي هو هذا هم اسم خلصت اسامي الخلك ونسمي على الرواكيص
واجه بصوت عالي وكف يم راس ناي وكال
لعد اسمج الحلوو عمشه
عمشه :حجه ابن ساهره العرمه وشبي اسمي ابن السطل طالع على امك لسانك شطوله ولي  وشيلها وديها وياك وعينك عليها اعرفك مخنث وخفيف هسه اطيح منك
ناي: اني امشي اعلف (اعرف)
مرتضى : اني اشيلج واصعدج
يونس : عوفها اني اخذها يله نايه
لزم ايدي اخويه يونس وصعدني لامي فتحنا الباب ومثل كل مره جان ابويه يعيط وامي هادئه ساكته كاعده على الجربايه وتصفط بلملابس ومتباوع حتى بوجهه
اسمعي لج روحه لاهلج ماكو واذا وصلتي بعد رجلج اكسرها
: هزت راسها امي بدون حتى مترد
طلع بابا وركع الباب حيل وسحبتني وحطتني بحضنها وتحاول متحسسنا بلي يصير
فدوة للبنات عشره واكول گليلات وتبوس بيه
ناي : تباوع بعيون بريئه على اختها الصغيره النايمه بلكاروك والي اسمها شرهب امي جانت دوم تحب الاسامي الغريبه والنادره لهذا سمتني ناي واختي شرهب
ماما  يونس افرش الك ولاختك ونامو
يونس : هسه افرش
نمنا ومندري اطفال وكلنا امل بلدنيا واااخ منها للدنيا 
نرجع لقبل اكثر من ٢٠ سنه لعمشه وحياتها الي موعه اذانه بيها حسره تلكانه مجموعين اذا ماكعدت تسولف الصار ولازم تموع اذانكم مثلنا لعد بس احنا نتحمل عمشه وسوالفها
عمشه من الناصريه يتيمه الام والاب عندها بس اخت اسمها غنيه  زوجها ابوها وهي صغيره لابن صاحبه بلبصره واستقرت هناك وابو عمشه توفى  وبقت عمشه  وحدها تكفل عمها بتربيتها ولان عنده بس ولد اثنين كام وزوجها لواحد من ولده  اسمه فرج مره قويه صارمه تربت تربيه الولد سباعيه ومتخاف من احد خلفت من فرج ٥ ولد وبنيه وحده

جانت حياتها بين حش الزرع والحلال (الحيوانات) شايله كاع رجلها فرج شيل ايد بأيد وياه وتركض بين بيتها وبين الكاع والوضع زين والعيشه ماشية لحد مابيوم وكع فرج لا حس ولا نفس تگلبه يمنه يسره طاح وماضل نفس بيه
عاطت وهزت القريه كلها بذاك الوكت وماضل واحد مااجه ينشد على فرج وليش طاح وشنو الموته وبيوم وليله لكت عمشه روحها وحدها وبركبتها ٦ اكبر واحد بيهم عمره ١٠ سنين الي هو عبيد
تنوح وحاضنه فروخها (جهالها) وره مافضت الوادم وانتهت الفاتحه ضلت وحدها بلبيت ومتعرف وين تنطي وجها اندكت الباب عليها وطفر عبيد فتحه وطلع عمه فلاح
عمشه : هااا خويه فض گلشي
فلاح : فض والحمدلله بدون طلايب والوادم كلها تدعي لاخوي بلرحمه الله يرحمه
عمشه : الله يرحمه كسر ظهري ياخوي حطت الفوطه على وجهه وتبجي
فلاح : ضل شى واحد
عمشه : نزلت الفوطه وتباوع بعيونه شنهي الضل
فلاح : اسمعي عمشه انتي هسه مره عزبه ومالج والي والوادم تاكل وجوهنا عبن ضليتي وحيدج
عمشه : يااا جاا شنهي وهاي الفروخ موش بعينك عندي خمس زلم يسدون الشمس
فلاح : تقشمرين على رويحتج انظريلهم گلهم صغار وحيدهم عبن جااع يبجي
عمشه : شتريد مني فليح سوالفك هاي عورت گلبي شنهي وراك من طلابه احجيها ولا تردها
إنها في الأربعين لكنها تبدو في العشرين من عمرها. لماذا؟
فلاح : اعگد عليج وتعيشين ويه مريتي وجهالي واتكعدين واتسكتين والكاع انه اشتغل بيها واداري ولاد اخوي ويصيرون ولدي
عمشه : شنهي تخبلت انه اعرس وفرج ترابه ماناشف صگد انت ماتستحي ولك اخيك ماصار جم يوم دفناه تركض وره مريته
وتعال ليه انت ماميت على وليدات اخوك انت تراجف على الكاع
فلاح : لاتنسين هاي گاع ابوي
عمشه : وخذاها فرج وانطاك حگك لاتلعب بلنار يفليح
فلاح : بليه سوالف ماصخه وره عدتج ماتخلص  اعكد عليج وچلمه مااسمع
عمشه : انت زلمه من ظهر زلمه وسويها لا اخلي طشارك ماله والي
فلاح : هين يعمشه نتلاكه
عمشه : روح اطلع لا بارك الله بيك وبجيتك مااستحيت على شاربك ولك انه بعدني العده ما لازمتها عبن اليوم كفت الوادم وانت جاي بعين كويه تريد گلشي تاخذ لا والنايم بلتراب وماخضر ترابه مايصير الي تريده وكول حرمه وكالتها
طلع فلاح ومتحلف بعمشه وهي لان تعرف ماكو احد وراها ويتيمه واختها ماتتكفل بيها ولا راح تستقبلها وفلاح ميخاف الله ويكدر يأذيها قررت تنهزم تاخذ جهالها
عبيد : يمه وين نروح
عمشه : لارض الله الواسعه لم وياي الغريضات
عبيد : نروح للعماره
عمشه : عمك عنده زلم هناك وناس هواي يعرفهم ويوصلنا مانكدر نولي ليغاد
عبيد : چا وين نطي وجهنا لخالتي غنيه
عمشه : خالتك ماتحن عليه مات زلمتي وماجت خلي تولي مااريد خوتها نهج لبغداد جبيره ومايحصلنا
عبيد : وارض ابوي
عمشه : اطلعهه من عين الخلفه بس اكبرو وانه اعرفن اخذ حگي منه يله بساع ماضل وكت لايطلع الفجر والوادم تحس علينا
وبليله ظلمه هجت عمشه لبغداد وماعدها غير جم قطعة ذهب وست جهال كايدتهم وبمدينه ماتعرف بيها بشر
اول ماوصلت راحت للكاظم بس هذه المنطقه بغداد تعرفها اسمها الكاظميه لان مره جابها عمها وفرج زياره بيوم متزوجت
وهي تعرف الامام وحافظه اسم المنطقه
وراحت لاقرب صايغ ورغم متعرف لا تقرا ولا تكتب بس جانت ذكيه وميكدر يغلبها واحد
باعت الذهب وحطت الفلوس وضمتهن بصدرها ولزمت ولدها وبقت ايام كاعده يم الامام تسأل وتستفسر عن مناطق بغداد وعبيد محاوط اخوته اخاف واحد منهم يضيع لحد مسألت كيم هناك بلحضره وحجت كلشي اله ودلاها على منطقه بيها كياعين رخيصه ورجال خير تكدر تعتمد عليه وراحت للعنوان الكاله الكيم الها وشافت الرجال المنطقه اسمها تل محمد  وحجت قصتها وعرض عليها كاع وبيها هيكل مكامل محتاج هواي شغل على كد فلوسها قبلت واشترته وسجلته بإسمها وهي ذكيه جانت كل خطوه تسويها تسأل بيها
الناس على فطاريتها وطيبتها القديمه من شافو حالها وعدها يتامى ساعدوها ونزلو السعر الها وصار عدها سكف يلمها ويلم جهالها غطت البيبان والشبابيج بلسعف والوصل القديمه حتى يحميها من الشتا وبرودته والمنطقه اكثرها جانت ممبنيه وشوارعها طين ممبلطه بس لحاله عمشه جان يعتبر جنه مو بيت 
عبيد :يمه شنسوي وين ننطي وجوهنا
عمشه : نشتغل يمه
عبيد : بشنهي انه مااعرف غير بكاع ابوي والزرع
عمشه : بلعتيج شفت نسوان تلم عتيج وتبيعه واندور بين الوادم وبلزبايل وبكلشي
عبيد : يمه واخوته
عمشه : ويانه انه اريدن جوحي وياك لا اتركه
عبيد : وفلاح وصمد
عمشه : ويايه يضلون اووف كون اغير اسم اخيك فلاح عبن يذكرني بلخايس عمك الله لايهني دنيا واخره كله من فرج دك اله اسمي على اسم اخوي ارتاحيت يفرح هججنا بليله ظلمه اخيك اااخ كون اگضه اطلع حليب امه منه

عبيد : يجي يوم وناخذ حگنا منه بس گليلي نجم  وخوله اخوتي منو الهم صغار مايضلون وحيدهم
عمشه : نتساعد يمه بيهم لحد ماربك يفرجها عينك على خوتك يعبيد مالهم احد غير الله وانت جبيرهم
عبيد : تآمرين يمه
وبدت عمشه تشتغل بلعتيك وكلشي ينباع ويطلع فلوس جانت الحياه صعبه حيل عليها قاومت وتعبت وكدرت بمرور الايام تكمل الهيكل ولدها كبرو ويشتغلون وياها
جانت حسره عليها الفلس دينار متصرف على نفسها لحد مكملت البيت
وكبرو وكل الواحد بيهم يشتغل شغله الي بلعتيك ويه امه والي بلبناء عامل وانعرفو بلمنطقه بأسم بيت عمشه ام العتيك
كلهم خلصو المتوسطه وكعدو مكملو اله واحد جانت ادك وتكول لازم اشوف عنده شهاده واتفاخر بيه وهو نجم بزر الكعده وحبيب گلب عمشه وبنتها الوحيده خوله
لان شاطره خلتها تكمل
واجت حرب ايران وانطلبو تجنيد ومن ولدها بس عبيد وجوحي لان اعمارهم مناسبه اما الباقين بعدهم مبالغين
دوام عبيد صار بلبصره وجان يعرف اسم منطقة بيت خالته بس مرايح الهم دفعه الفضول يروح وخاصه المنطقه جانت قريبه على منطقة بيت صاحبه ومن وصل سأل ودلوه على بيت ابوجاسم وبسبب هذا الفضول شافها وياريته ماشافها صالحه بنت خالته اخذت عقله اول ماوكعت عينه عليها
مو من حسنها لا عجبته وكاحتها وجرأتها ومتهاب احد
رجع طاير لبغداد ولامه يصيح لو هي لو مااتزوج
عمشه : من دهر صابك كون ولك وين لكيتهم شجابك عليهم لو هذا حظي المصخم الدولبك وخلاك جايني طاير تريد تعرس عليها
عبيد : يمه وروح ابويه گلبي يهواها مااريد مره غيرها
عمشه : عساك لا ردت ولك هي اختي بنت امي وابوي ما سأت عني ولا عرفتني هجيت بليله سوده مانشدت ولا كالت اخيتي وين راحت ماتت صار عله جهالها شى تكول غريبه عنها وهسه اخذ بتها جنه الي ولك عبيد احركك وعلي وما اخلي بت غنيه تخش داري
وبيوم وليله تدخل صالحه جنه لبيت عمشه اتزوجها عبيد وطاير بيها تكول بس هي مره والباقي خس وصار محبس بيدها تكوله يمنه يروح يمنه تگله يسره يروح يسره وصاحت الغوث منها عمشه و المجانت متوقعته بعد سنه تدخل اختها ساهره جنه الثانيه وتتزوج جوحي وصارن بنات غنيه يصولن ويجولن بلبيت
إنها في الأربعين لكنها تبدو في العشرين من عمرها. لماذا؟
وبنص الثمانينات زوجت ابنها الثالث فلاح من بنت الحارس مال المدرسه القريبه  اسمها
بديعه وبهيج صار البيت بيه تلث جناين 
صالحه وساهره وبديعه
بشوارع تل محمد وبجو الربيع الطيب بشهر الرابع جانت بنيه تمشي لابسه زي المدرسه وشايله شعرها بكصايب اثنين وجنطتها على ظهرها صار كبالها ولد شاب عمره مقارب لعمرها ابتسم بوجها ومد ايده وكال تفضلي
ذكرى  : بنظرات استغراب هاي شنو
نجم : دفترج البارحه وكع منج وركضت وراج وانتي ماشاء الله شاده محرك برجلج
ذكرى : اخذته بتردد وهمست شكراً ومشيت رجع وكف كبالي وكال
نجم : احنا جوارينكم واشر على بيتهم ذاك بيتنا انتم الناس الجدد النزلتو قبل شهر
ذكرى : اشرت براسي اي ومشيت سريع مستحيه شلون اوكف ويه ولد بلشارع
بقيت ايام اشوف الولد يمشي ورايه بس ميحجي واني اموت خوف لحد يشوفني وخاصه اخويه الجبير فوزي اذا شافه ورايه يمكن يذبحه
فات شهر وبعده شهر وهذا الولد مابطل يوم ميجي ويشوفني مرات يوكف باب بيتهم ومرات براس الفرع ينتظر واذا تأخر عيوني ادور عليه وبيوم واحد من جماعته صاحه وعرفت اسمه نجم اسمه حلوه وشكله هم حلو ومرتب
بعد شهر ونص امتحان نهايه السنه واني اقرا بلدفتر الوكع مني ومندمجه اتذكرت هو جان يمه وابتسمت وبقيت اگلب بالاوراق لحد موصلت الورقه ماقبل الاخيره وشفت بيها گلب وسهم وحرفي وحرف N بالانكليزي عرفت هوه مسويها ابتسمت بفرح مراهقه واشوف شاب معجب بيه خوف وتردد وقلق ومشاعر نظيفه خلت گلبي يدك اله بدون حتى ميصير كلام بينا
خلصت الامتحانات وعطله نهايه السنه والحرب وهوستها وايدنا على گلبنا ليصير شى او صاروخ يوكع علينا ورجعت السنه الدراسيه تعلمنا على المنطقه رغم اختلاطنا قليل بيها ومن اول يوم عيوني ادور عليه شفته واكف وحاط ايده بجيبه ويبتسم واني بادلته ودنجت فتت من يم بابهم ومثل الاشهر الفاتت غير النظره مصارت بينا وبيوم
راجعة من الامتحان وهو ماكو عيني لا ارادياً صارت على بابهم شفت مره كاعده بلباب بيدها ستكان جاي وتكرز حب باوعت عليه من فوك ليجوه كصتني كص اني مشيت سريع وطبيت للبيت
عمشه : صالحه يمكموعه
صالحه : هااا عمه خير مو كعد اسوي غدا شتردين
عمشه : فاتت هسه من الدرب بنيه حليوه طبت بذاك البيت اول مره اشوفها تعرفيها بت ياهو مو ذوله الوادم الجدد
صالحه : اي عمه بيت ابو فوزي وعندهم بنيه حديثه اسمها ذكرى تدرس اصغر من خوله
عمشه : ماينطوها لولدي
صالحه : ياهو منهم بله هو البيت انترس المن بعد تردين تزوجين

عمشه : مو هو بيت غنيه ومعاجبج الوضع امشي ادخلي كملي الاكل لايجون الولد ويضلون بلايه غدا انه صوجي نشدت عليج ولي
دخلت صالحه وادردم وصاحت عمشه
بت الفكر صوتج مو جاي اسمعج
وبنفس اللحظه فاتت ام اسماعيل الحفافه
تعالي خيه اكعدي
خيه مستعجله
عمشه : اريدن اعرف گلشي عن ذاك البيت
ام اسماعيل : تردين بتهم كون
عمشه : ليش مااريد چا شبينه مانعجب
ام اسماعيل : البت تدرس وماينطوها
عمشه : شدراج
ام اسماعيل : دزت علي وحده من الطرف اخطبها لبنها ومانطوها
عمشه : مو عمشه التخطب وماينطوها روحي لشغلج خيه مشكوره
كامت دخلت عمشه تنتظر ولدها دخلو مكسورين الظهر جرت صمد للغرفه
عمشه : اسمع ولك صمد لكيتلك بت ترد روحك شطب ريحان
صمد : يمه مااتزوج واليرحم ابوج عوفيني وين اخليها شوفي البيت قبط بس غرفتج ضلت واني نايم بلهول ونجم وياي  وين اعرس عليها بلحمام
عمشه : والغسل اگلني وشربني اسمع مني ولا تاكلني بلسانك انطيك غرفتي تعرس بيها
صمد : وانتي وين ترحين
عمشه : انام بلهول  انه واختك ونجم لحد ماالله يفرجها
صمد : وشجابرني اكوم ناس فوك ناس وجهال وجناين وصايره بلنعل
عمشه : نعل براسك اسمع كلامي انه الوليد يصير ٢٠ لازم يتزوج وانت هسه ٢٢ يمه اريد وليداتك يكبرون وياك
صمد : يمه گلبي يلعب شتفكرين
عمشه : مالك دخل اروح باجر اخذ اخيتك ومرت اخوك المسمومه واخطبها الك
صمد : تدرين مسمومه المن ماخذتها
عمشه : شيخلصنا من لسانها هااا اتوكل
صمد : توكلي يمه امري لله عاد حلوة لو عوبه
عمشه : اگله شطب ريحان ومتعلمه بيك بخت لون صارت الك
ذكرى : اندكت الباب ودخلن نسوان اثنين ومره وامي رحبت بيهن جان عمري ١٧ سنه
احتاريت ذوله منو
وره مراحن كالت ماما خطابه وتفاجأت من كالت جوارينه ردت اعرف منو منهم ومن عرفت البيت رجفت من الفرحه يعني دز اهله يخطبوني امي لاحظت هذا الشى بعيني وكالت
كطينه وشيليها من اذنج تعرفين بيت منو ذوله
ذكرى : شسويت يوم وتحجين هيج
ام ذكرى : مبينه من وجهج ذوله اهل العتيك بيت عمشه ناس هوسه وبيت ٢٤ ساعه بيه عياط ومكافش بيه تلث جناين وجهال وامه وحده بت سوك وكحه واني ماانطي بنتي لهبج ناس ميناسبونا ناس همج واني اريدج تكملين دراستج وادخلين كليه مو اتعب واربي واكبر وانطي لعمشه ام العتيك
عافتني امي وطلعت حتى بدون متسألني
رجع الخبر بلرفض وتخبلت عمشه وعاطت بنص البيت ولج صالحه
صالحه : واكفه باب المطبخ وبيدها السجينه خير عمه
عمشه : تقربت منها وكالت اريد ذكرى لصمد
صالحه : واني خال وليد عم بنيه واني شعليه
عمشه : مالي دخل اريدها جنه لبيتي افتهمتي
صالحه : ابتسمت بخباثه وكالت
شتنطيني
عمشه : التردي كون نهايه هذا الشهر البت زافتها لولدي
صالحه : اريد تشتريلي ترجيه ضاله اذني فارغه
عمشه : نهايه هذا الشهر افتهمتي
صالحه : اعتبري صار بلخير عليج عمه وباستها وتضحك
وخلال اسبوع ادز عمشه مره ثانيه خبر يردون ذكرى لابنهم والمفاجأه موافقه اهل ذكرى وهذا الشى حتى ذكرى متعرف شلون صار وخاصه ابوها واخوها من عرفو اول مره ضحكو وكالو على اي اساس ننطيها
ذكرى : رجعو  طلبوني مره ثانيه الكل وافق حتى بدون تفكير واني من سألوني كلت الهم بكيفكم
فرحت لان الانسان الاحبه صار من نصيبي بدون مشاكل ولا عراقيل ودخلت امي تكولي بلخير بنيتي يكولون صمد خوش رجال والله يسعدج وياه @vv1996
وكفت فاتحه عيوني صمد منو
ام ذكرى : ابنهم
ذكرى : مو اسمه نجم
ام ذكرى : لا كالت صمد ابنها الرابع
ذكرى : انعكد لساني وخفت اكول لامي مو هذا الاريده مو هذا الاحبه طلعت امي من الغرفه ومباشره كمت ابجي واضرب على وجهي لحد محسيت على روحي وكلت اكيد جنت متوهمه هو ما معجب بيه لو عنده ذره مشاعر اتجاهي مجان خطبوني لاخوه وسكت شسوي اخاف احجي واهلي انطو الموافقه الهم واعرفهم ميتراجعون وهذا فوزي ميتفاهم اذا حجيت اله وشكول اكوله عبالي اخوه الخطبني اااخ ربي رحمتك ماعندي غيرها  سلمت امري لله
بيت عمشه :
@vv1996
اجتمعت بلولد وبلغتهم ونجم نايم وراسه بحضن امه
عمشه : المشيه باجر حظرو نفسكم
عبيد : بيت منو غير نسأل نعرف اصلهم فصلهم
عمشه : بيت ابو فوزي بنيتهم ذكرى
طفر نجم من مكانه
عمشه : اسم الله الرحمن يمه شجاك
العيون كلها صارت عليه
نجم : بتوتر ينطقها الناس الجدد
صمد : اي ليش تعرفهم عندك شى وياهم
نجم : هااا لا ماعندي كام من مكانه وطلع
ساهره : شبيهه نجم تكول انتل من سمع
بديعه : فرحان لاخوه كلشي ماكو
عمشه : شدردمن احجن بصوت عالي خلي اسمع
ساهره : ماكو شى عمه سلامتج عبالي نجم بيه شى
عمشه : مالجن دخل بنجم جم مره اكولها
ساهره : العفو عمه سبينا العنب الحلو
عمشه : كومن كل وحده لغرفتها وباجر لاتنسن تحظرن نفسجن وهناك لا تخزني اركدن شوي

وصارت المشيه ونجم محضر وتحجج مريض واكيد محد يجبره وصارت الخطبه
والكل يهلهل وفرحان اجت الجنه الرابعه اله ذكرى ونجم گلوبهم تبجي دم ومحد يعرف بيها
واكف نجم ويشوف حبيبته تنزف لاخوه وراح تعيش وياه بنفس البيت كوه حاصر دموعه ويمثل فرحان حتى لحد ينتبهه ميدري اكو عيون تراقبه وتريد توكعه
جابو ذكرى للبيت دخلت وطب نجم سلم على اخوه وباركله ومد ايده بأتجاهه وكال بصوت مخنوك مبروك
يتبع ...

البارت الثاني
وخلها
راح الچان تك روحي...وخلها
جفاها وحط مرض بيهه...وخلها
يهل تنشد عليه اسكت...وخلها
بقت بس رحمة الله تحيط بيه   
واكف نجم ويشوف حبيبته تنزف لاخوه وراح تعيش وياه بنفس البيت كوه حاصر دموعه ويمثل فرحان حتى لحد ينتبهه ميدري اكو عيون تراقبه وتريد توكعه
جابو ذكرى للبيت دخلت وطب نجم سلم على اخوه وباركله ومد ايده بأتجاهه وكال بصوت مخنوك مبروك
ذكرى : رفعت راسي وصارت عيني بعينه مكدرت اطلع صوت بس همس وكلت شكراً
دموعي رادت تخوني وتنزل قويت نفسي وبگلبي اكول لتبجين اسكتي ميصير هذا حماج بعد مو حبيبج دنكت حتى لا اثير الشكوك وبقيت اسمع هوساتهم ودبجاتهم والكل يهوس وفرحان
اجت يمي امي باستني واخذتني من ايدي وياها زوجة الجبير عرفت اسمها صالحه ودخلوني بغرفه
صالحه : بلخير خيه وبلتمام منه المال ومنج العيال
ذكرى : افرك بيدي من التوتر جرتني امي وكعدتني على الجربايه وبدت تحاول تهديني
صالحه : اذا تحتاجين شى بس صيحي تلكيني يمج بلحظه
ذكرى : رفعت راسي وكلت ليش انتم باقين هنا بلبيت
صالحه : وين نولي خيه غير بيتنا وغرفنا وغراضنا لو بعدج بسم الله وتردين تهججينا
ام ذكرى : عيني ام مهند مو قصدها بس هي متعرف وسألت لان اول ليله توقعت ماكو احد يبقى بلبيت
صالحه :اعرف ماتقصد بس علمي بتج بهيج ليله لطلع صوت وتفضحنا تره البيت اذا يفرغ بيه ١٠ انفار وحموينها هنا عيب يسمعون صوتها ولا تشلع گلب العريس هي جم دقيقه ادوس على نفسها وراها كلشي سهل لا تتعاير
ذكرى : بلعت بريگي واجر نفس قووي
ام ذكرى : شبيج يمه
صالحه : شبيهه قابل انتي بس عوفيها وتعالي نطلع بره حتى العريس يجي ويستعجل بياضها
ذكرى : اشوف شلون صالحه سحبت امي واخذتها منطتها مجال حتى تكعد ويايه وحدنا وعيوني تستنجد بأمي وطلعن وسدت الباب  شراح يصير خايفه ومرعوبه ومااعرف غير شى بسيط عن هاي الليله حجته الي زوجة عمي
كمت اقرا ايات بعدني هستوني ودخل صمد هاي اول مره وحدنا كلشي صار خلال شهر واحد هي خطوبه وعقد وزواج حتى ملحكت افهم منه شى ولا افهم طبعه حياته رجال غريب وخلوني وياه بغرفه وحدنا
كعد بصفي وكال بصوت خشن
صمد : شلونج
ذكرى : هزيت راسي بخوف
صمد : احجي شبيج خرسه قابل
ذكرى : زي زي زينه
صمد : بس لا تعتعتين
ذكرى : شنو يعني
صمد : يعني الكلمه متنطقيها كامله تشعلين اهلها يله
ذكرى : رفعت راسي وكلت لا والله احجي عدل
صمد : هههه شبيج ترجفين
ذكرى : رجعت دنكت وسكتت
صمد : اسمعيني ذكرى عدنا نص ساعه نكمل كلشي اذا مو اقل
ذكرى : ليش شكو
صمد : نلعب دعبل هاي شبيج امج محجت وياج
ذكرى : ابتعدت منه وكفت وبتردد وخوف كلت عفيه خليها باجر
صمد : اسمعي يابنت الناس اني مو طبعي القوه والاذيه بس اذا ضليتي هيج معانده اخذج بلقوه كله ولا يكولون صمد مابيه خير اخوتي كلها بساع بساع ورفعو روسهم زلم حوك وماتأخرو تردين يكولون صمد مابيه حظ واصير علج بحلك النسوان
ذكرى : وهاي شلها علاقه بلرجوله
صمد : انتي مبينه تحبين المناهده واني مالي خلكها شو تعالي
ذكرى : سحبني من ايدي وجر البركع من راسي وانجر شعري ويااه حيل اذاني شاغت روحي حتى البدله بلقوه نزعها اليه  جان ويايه مؤذي مارحم عياطي حاولت اكتم صوتي مثل مكالت صالحه بس مكدرت هو مرحم طفولتي وقله خبرتي سد حلكي واخذني ومباشره سحب البياض وعافني اتلوه على الفراش لبس دشداشه وطلع وركع الباب وراه والهلاهل اشتغلت
كرهت نفسي وقسمتي والساعه القبلت بيها ضليت لازمه رجلي وابجي واناشغ محد دخل عليه حتى امي توقعت اطب تاخذني بحضنها بس ماصار هذا الشى
اندكت الباب خفت ورجعت ليوره وغطيت جسمي بلفرشه مال العرس جان اطب وحده من الجناين اسمها بديعه شافت
حالي ركضت عليه
بديعه : ياااصخام بوجهي هاي شصاير بيج
ذكرى : نزلت دمعتي الحابستها من الظهر لهسه وكتلها عفيه اريد اروح حمام
بديعه : كومي حبيبة كومي هذا شجاه ماشايف مره شعامل بحالج
ذكرى :لزمت ايدها عفيه وين الحمام راح اموت من الالم
بديعه : تعالي اوديج عليه
ذكرى : همه وين
بديعه : منو
ذكرى : صمد واهله
بديعه : كلها بلهول فرحانين وياكلون واني كلت اطب اجيبلج اكل اخاف جوعانه وشفت حالج سمي وكومي
ركضت بديعه جابت دشداشه طويله ولبستني وحطت روب فوك ملابسي وطلعتني واني لازمه بيدها مثل الطفل الصغير
بديعه : خيه لتوكعين شبيج ترجفين الجو مو بارد مال رجف
ذكرى : عفيه مستحيه واخاف صمد يأذيني بعد
بديعه : لا تخافين صمد خوش صمد بس هو طباكات شوي بس گلبه ابيض وانتي اكيد عاندتي واذاج
ذكرى : شسوي هسه
بديعه : امشي اوديج اغسلي اكو مي حار بلجدر بلحمام حضرته كلت اكيد تحتاجوه
اغسلي وتعلي وسمي على جسمج واني هسه ارجع اجيبلج ملابس هاي توصخت هسه على جسمج ومن ترجعين للغرفه اجيبلج اكل راح تصحين وترتاحين