لا وفوكها الله.. يعيني يصير هو الامر والناهي واحد جنت مشبعته جلاليق تالي لازم ازوجة و احترمة و لو ينعل سلفاي اسكت ببساطة لانه زوجي و الشرع حدد لازم المرة

تحترم الزوج و تطيعة يبووو هاي غير اصير نصبة وتحشيش البنات و الصاحبات تخيلي ورود لو لبنى يكللي جهزيه سيت حضاين لو مميات شلون اعيش كل عمري يقلدن علي لان متزوجة زغير شنو قلة الزلم..

سكتت ورجعت حجت.

ـ احس بحسرة داخلي من اهلي يعني بس اجيتهم امي دارت وجهها بابا دنك وتحسر و يريدون يجبروني على مؤمل...

وبيبي نزلت بيه حسرات و تنوح عن بنات قبل الي بليلة العرس يا الله الرجال يلمح طيفهن والنبي كذابة يكولون عبد الرحمن عشكها عشك لدرجة كام ينوح عليها من طلكها

و زوجوه و ما نساها لمن رجعها والي راح ضحية هل حب ام عمي هيلة عود تلمح بنات هل وقت يستر الله تتمعشك وهي من وراها ماتت ضرتها مهضومة خليني ساكتة حتى بالمناسبات الناس تحجي بقصة هيلة سامعتها من رقية مرت سجاد..

عود تبسمرني بيبيتج كسحت ام عبد الله... عيشتيش ليش ما الله خلقني بغير بلد... بلد ناسة تفهمني و تفهم مشاعري..

انتصار

بعد هذا القرار... خفت اكثر منا كريم رسائل منا مؤمل يبيع ثكل و يريد الا شجاع يروح ينذل اله.

منا عمي وابوية قرروا رغم مؤمل بين رفضة و ميقبل الا بشروط..

بدلت ملابسي اروح للكلية اليوم تفاجأت عمي يوصلني عمي الي شهور طوال متجاهلني و ميحجي وياي

اشرلي اصعد

كلت ميحجي وياي اكيد ميريد اكعد صفه جاي اكعد ورى شو خزرني وصاح

ـ سايقج اني؟ كعدي هنا

رجعت كعدت بصفه...

وهو يسوق

ـ عندي زيارة يم عميد كلية ــــــــــــ

صاحبي... كلت اوصلج.. شخبار الدروس

رديت
ـ زينه

ـ وهذا خو ما يتعرضلج

رديت بأختصار
ـ لا.. مشفته هو يمكن تخرج..

باوعلي واني اكذب وادري بيه عاد سنة..

رد
ـ متابعة اني ترى.. لا عبالج غبي ليش تكذبين عايد سنة هو.

دنكت.
ـ مشفتة ولا ادري بأخباره.. عبالي تخرج
جر نفس
ـ تمام..

رجع يلمح على مؤمل. .....

ـ تمام.. تدرين ما اثق انطيج غريب وتالي العمر كلة ينشلع كلبي جيبوها ودوها انت ومكة نوعجن مو مال غربة تفشلني عاد مؤمل وصادق موجودين..

رديت....

ـ صادق مناسب لان اكبر من مكة بــ اربع سنين بينما اني ومؤمل العكس صحيح..

عمي البنت تنضج قبل الولد فكريا عاطفيا.. و مؤمل اصلا رافض الارتباط بية قابل تجبروه؟
ليش تحسسوني بس تردوني ازوج.

ترى اني المريت بيه كرهني الزواج واريد اكمل دراستي و اكمل دراسات الزواج مو اساس الحياة

سكت عمي وكضاها بس يخزر و سد الموضوع بصمت

نزلني يم كليتي وكال

ـ ابوج يجي عليج.. محصلت خط الج ردت واحد جبير..

محمد بطل من عقد على لبنى....

انتصار ثلاثة خليهم كدام عينج بكل خطوة من تحسبيها..
الله.. الي انعم عليج بالعقل..
و سمعتج و اهلج امج ابوج هواي تعبوا بحياتهم لتعبيهم
بلة اني لتشترين خاطري بس اشتري خاطر سمعة العائلة مرة فاتت مرة التجي ما تفوت ترى.

. ولتخليني بموقف اضطر اتصرف تصرف يطلعني من ديني تعبي و سنين عبادتي لربي لضيعيها من اخلي براسج رصاصة واخلص من سوالفج اعتبريه تهديد و تحذير جربي لا تمشي عدل وشوفي..

دنكت ساكتة... و ادري بس يهدد يخوفني عود... بس كلبي اختنك نفسيتي هواي بهاي الفترة نحو الأسوء.

ـ مفهوم؟!

هزيت راسي اي..

و ناقشتة
ـ بس عمي مو مال توكفوني لمؤمل يعني حاليا رافضة الزواج رجاءا فهموا مشاعري
و عود بالنسبة للزواج يمتى متجي قسمتي تجي..

باوعلي.. و بقهر كال

ـ وهو هم مؤمل مضال عليج بس اني ردت انفذ رغبة ابوج.. باقر ابني مو بس اخوي.. يعز علي اشوفه مقهور

انسد الموضوع وامنت لا مؤمل يريدني لا اني اريده

امشي بين الطلاب همسات توصلي ادنك و حتى اشك بية شي..

كريم دمرني وصارلي كابوس

صديقاتي تركني..

و صرت وحيدة مهمشة عبالك مرتكبة الكبائر عبالك مو زينة. ولا جني ضحية

كاعدة منعزلة اكلب بسجل الكرمر..

و اني اشوف نواقص محاضرات الايام الغبتهن..

كمت ادور مريم..

شوي هاي ولو من ورى خشمها تحاجيني بس تنطيني المحاضرات..

ـ اكلج محتاجة محاضرات grammar و اريد كتابج composition عندي نقص بChapter III استنسخ و ارجعهن الج دقايق

باوعتلي و رفعت نظارتها وهي تكلي

ـ وين جنتي غايبة.. شاع عليج زواج جديد اكلج صدك تزوجين مؤقت..

و هذا كريم صاحب اخوي نفس المرحلة والقسم.

يكلة رادوا يركبوها براسي و اجوا اهلها توسلوا بيه بس طردتهم

كلش انقهرت اخذت المحاضرات واني حاضنتهن وامشي مصفنة سالفة توديني سالفة جيبني رحت استنسخت ورجعتهن الها

اباوع للساعة يمتة تخلص المحاضرات و ارجع لهاي الدرجة كرهت الدراسة

كلش كرهتها..

لو يقبلون ابطل احسلي..

مرت الايام و اني نفسيتي يوم ورى يوم تتعب..

تهديدات كريم وصلت يطلب نلتقي

ضغوطات اهلي بالطالعة والنازلة حجي يسمعوني

مؤمل نظرة مجروحة بعينة وخليط من قسوة و استهزاء.

واني امشي جن سمعت صوت يعني شوي بيه خشونية..

ـــ العفو.. اختي ليش تبجين.

رفعت راسي لشاب مبين دراسات من الكتاب الي بيده و بيدة لخ ملف و لابس نظارات طبية

و هو يبتسم برقة و همس
ـ معقولة اكو بشر يخلي هاي العيون هيج تبجي...
رجع مثل الي انتبه حجى بصوت تحمحم و سال
ـ طالبة هنا؟

هزيت راسي بــــ اي...

وتركته بلا كلمة...

رفعت ايدي لوجهي لكيت عيوني مبللة وخدودي...

الي اجاني من جنس ادم كافي علي.

رحت كعدت بقاعة ..

شوي ودخل نفس الشاب .

ـ السلام عليكم اني محاضر (طالب ماجستير او ماجستير ايضا ) استاذ منصور اليوم مموجود وكلفني اشرح الكم.. خاصة مبقى شي على اخر السنة

جان يباوعلي بتحدي دنكت وحسيت برجفة من وصلت رسالة شفت نقالي وهو بالجنطة وسويته صامت

جان تهديد واضح انو صبر علي و اذا منفذ الي يريده كل الصور يتصرف بيهن.

مديت ايدي السليمة اتلمس ايدي الشوهها..

ـ ممكن تنتبهون.

صوت الاستاذ وهو بحزم عينه علي

على ما خلصت المحاضرة يمكن مخليت اية بساع طلعت و الاستاذ مستغرب وضعي الي ما معقول

اتلفت و امشي

خايفة.. هذا شيريد مني مكافي دمرني

مرة يحسسني متندم و يحبني مرة لا والله يهدد يفضح الصور

زين شسوي شنو الحل المن احجي واكول...

هل مرة يدفنوني..
قررت اصرب باقي المحاضرات وطز بالجامعة ارجع الى البيت اشبع نوم

بس صوته وكفني..

ـ وين شاردة مني..

درت تجاهة

ـ لك شتريد عوفني وانطيني الرام هاي عائلي والله توكع نفسك ترى بمطب و عمي ما يفوتها الك هل مرة

شوف حظي شيكول وشيرد هة يكلي

ـ خايفة علي تحبيني.. اني هم..

ـ لا اله الا الله عمي الله لا يوفقك دمرتني عوفني ولك تعبتني

ـ مرتي وطلكوها مني كوة واريدج.. انتصار والله ندمان لجبريني اهدد واستخدم طرق حتى احصلج

رديت

، لنفرض صدكتك لنفرض تتوقع ينطوني الك هااا كول ينطوني..

احجي وابجي تعبت والله ما اكدر بعد ما اتحمل...

باوعلي
ـ نشرد.. نروح للشمال ونعيش..

ـ صرت مرة غبية بس مو مرتين.. ولك لحد مساع وصلتلي بنية شحاجي علي يم اخوها.

انت متندم لان ما اعتديت علي هذا الهامك مو..
لك اثار بقيت بية هنا بكلبي مو بس بجسمي وايدي..

اصلا اخاف منك...

هنا باوع وبين بعينة فرح

استغربتله
ـ تدرين حرامات فرطت بيج جا عشنا احلا ثنائي..

ظل يحجي خرط صدمني هذا عبالة اتونس على العنف والذلة و الاهانة.
يمكن حس بضعف شخصيتي و تشتتي فكال هاي شما اسوي تونسني

ـ انت مريض نفسي اكيد.. صح انت مرحلة ضعفت بيها شخصيتي بس ترى خل اكلك اني ابن عمي عقد علي..

ضحك

ـ كذابة.. بيوم اليعقد عليج ابو راس الاحمر.. راح اكلبه ضدج نسيتي لازم شحجيتي عليه

طلع تلفونه..
ـ اذكرج...

ـ انت منحط.. و متكدر تسوي شي بصور العائلة لسبب اني اكلك شنو تدري راح تنعكس ضدك.. و تنطك فصل معدل غير يهدرون دمك العشاير

تصنعت القوة وكتلة
ـ خليه الرام يمك كل الصور البيه اذا تصرفت بيهن معكوسها ضدك.

عفتة ومشيت و هو سمعني

ـ خليها ببالج يا يوم يا انتصار تزوجين هذا التحداني ابو راس احمر اكلبه ضدج و تتندمين

التفتت عليه و سكتت

هو اصلا مريد ازوجه هة...

خليه بس يتصور حزوج بلكت يعوفني وهاي السنة تخلص يتخرج هو يروح لسبيلة..

اكيد ينسى... يلتهي بمصايب بشغل..

بس الي صار غير
بدة يدزلي بنات...

ـ مرحبا هذا ضرف الج

اخذته بيد ترجف واني متوترة

بيه صور عائلية..

طبعي احب اصور و اني مصورة بنات
العائلة ...

لكيت رسالة بيها عنوان و يمها مكتوب انتظرج بس تحلين بالشقة

اخذ الي اريده مقابل الرام والدردشات

خليت ايدي على حلكي ضميت الصور

و كمت اذا اموت اكيد ما ياذي احد غايتة اني

راسلتة على الشريحة...

ـ مكدر ورى الدوام اجلها واجيك للشقة
بيوم اطلع بحجة و اجي بس مكدر ورى الدوام ابوية يجي ياخذني

سديت النقال و اني اتمنى مزتي اجلت الموضوع اريد حل

مبقى الا خلاص لازم انتحر..

نهاية الدوام اجة هاشم

ـ يلة يستي... ابوج طلب اوصلك. وش رايج نروح لمطعم يعان و اختك ميوعتني
ـ لا تعبانة اريد انام وصلني...

بس وصلنا البيت نزلت و هاشم يصيحني

ـ وش بلاك يبنت اش هذا

ـ هاشم تعبانة اريد انام

عفته و دخلت البيت و كبل للغرفة قفلتها علي
واني ارجف اتخيل رحتلة الشقة ويسوي بية امور يكهربني يكصص لحمي يجويني يكول تونست من عذبتج بس شلون ما اخذتج بطريقة نحبها اني اسود و انت تنذليلي

هاي ملخص رسالتة..

ما اعرف شسوي لمنو الجأ يارب حضيع حضيع...

شوي ووصلت رسالة

ـ من زمان ما متراسلين ولو ما تستاهلين.. بس حلمت بيج امداه لكلبي شكد لعد يحبج.. شفتج واكعة

بحفرة وخفت عليج اليوم كلة قلق لذا راسلت بيج شي؟

مؤمل..

متوتر كلش الحلم الي حلمته نساني او تناسيت سوايتها من قشمرتني لعبت بمشاعري

خوفي عليها خلاني اكتبلها مخاوفي من حلمي

و الجواب خابرت تبجي

ـ شصاير..؟

همست
ـ تعبانة اعتبرك اخوي ياما ربينا ولعبنا اقربلي انت من اخوتي عدا وسام

عرفتك من طفولتي.. مؤمل خايفة

ما اعرف ليش انت الجألك اني بمصيبة اخاف احجي لأهلي
مدري اخاف احجيلك.. اني ضايعة

هنا كلامها صدك خوفني عليها. نسيت موقفي نسيت قسوتي عليها

كل تفكيري شبيها

ـ احجي والج الامان ومهما يكن اني اوكفلج بس لا تكذبين

ـ شوي تعبانة من اخوتي يأذوني

عرفتها تكذب شنو الجألك شنو مصيبة شنو اخوتي

ـ لا تكذبين احجي خاف اكو شي اساعدج.

اصرت تعبانة ومتعرف شتحجي وسدتة

بس دخلت شك بكلبي و ظليت اتابع من بعيد شو لا شغل لا عمل لا مدرسة

بيوم رحت للجامعة جان شفتها تركب سيارة كريم تخبلت

تبعتهم بسكتة بدراجتي لابس الخوذة

شفتهم دخلو مطعم

انتصرت انطاها ضرف و هو مدري شيحجي هي تبجي

هذا شمسويلها و هيج بس لا..

شكيت بيها كلش...

وانتظرت

اشوف تاليتها

انتصار،

مرت ايام علي صعبة

بيوم شفت بابا يصلي ويطلب الستر ويطلب الله يحمينا كلنا ويندعي لبيبي وماما و عمي

كرهت نفسي اني ما استحق الا الموت

لازم اخلي حد لكريم من شافني اخاف زاد لازم التقي بيه احاجيه

راسلته

ـ كريم اني ترى بلغت ناس على تهديداتك اي شي يصير علي تصير جبيرة لذا نلتقي و ترجعلي الرام
و النقال القديم الي يمك

دزلي صورة بنية عريانة

ـ اريد اشوفج هيج ظلت بنفسي

فكرت اخذة بالحيلة

ـ بشرط الرام و اي صور طابعهن ترجعهن واني اجيك

ـ نتفاوض بمطعم ال *** و يصير خير

عاد ثاني يوم جانت امتحانات اخر سنة اخر يوم امتحان لازم انهي السالفة وياه

رحت وياه للمطعم
طلع الرام و ضرف

ـ يمتى تجيني

مسحت عيوني فجأة صبن بجي

ضميت الرام والضرف بالجنطة

ـ ابد.. انسى مدام اخذت النقال.. عبالي كسرتة كلش هيج تهيالي اني غبية وقتها

كريم انت تخرجت يعني كلمن لحال سبيلة

ضحك
ـ الرام العندج مو هو و النقال الي عندج اي صلحتة بس الشاشة اني كسرتها وبدلتها

كل دردشاتج وي مؤمل من تغريه بكلام حب يمي تخيلي اوصلهن لابوج يذبحونة ابو راس احمر

خاصة ابوج ميتفاهم ولا يفكر
خاصة من كاتبتلة يمتى نعقد و اصير بحضنك

هاي عاقد عليج اني و هيج تراسليه

وسعت عيني

ـ انت كتلي خدريه خل يأمنلج

ـ انتصار حاوطتج من كل جهاد خل اخذ غايتي وكلشي ينتهي و انطيج الرام وامسك الدردشات الي عندي شكلتي...

كمت واني خايفة

، خل اهلي يموتوني وابقى شريفة ولا انت تدنسني لك حقير اني اصلي اعترف غلطت بس مال ازني لا

خليت وعفتة و اني ابجي
وهو ركض وراي و من طلعنا هنا جان مؤمل ينزع خوذة الدراجة و هو يهجم على كريم بوكسيات و طبق كل فنون القتال بيه

تالي جرني من ايدي

و اشر تكسي واباوع كريم يصيح

ـ سهلة ولك اعرف شلون ارد عليك

ركبنا تكسي..

يم البيت
ـ تنزلين ترحين كبل للمولد مدام كلها هسة ملتهية و مدام عقلي براسي بعدة تحجيلي كلشي....

تبعتها ورى دقايق فتحت باب المولد وهجمت عليها.راشديات

ـ شنو بينج وبينه احجي لا اموتج ترى ضاملج سوايتج بية محجيتها لاحد احجي حمدي الله ما دزيت على ابوج يشوف شتلعبين وراهم

الي مسكتني تلميحج الي بالمكالمة اكو مصيبة احجي اكيد يهددج بشي

تنحب و هنا انعارت تلطم خدودها وتحجي

اعترف من حجتلي ردت اكسر راسها كضيت روحي عن عصبية و استخدمت رزانة هاشم بهيج ضروف..

ـ شوصل الرام اله

ـ نقالي صح كسره بس يمكن صلح الشاشة معرف اضافة الرام يكدر ياخذه

نسيت اني تزوجته يعني زفونا وببيته اكيد غراضي اخذهن نقالي

ـ ها.. شنو زفوج اله..

شبيت نار مو كالوا ما لامسها و تقرير طبي شو دخت..

ـ مؤمل غير رحت بيته.. مصار شي بينا وهو هذا الخبلة..

هددني..

طلعتلي رسائلة

وسعت عيوني

ـ شنو شقة ولج اموتج اذبحج اذا مخليتة يكض منج ولو طرف

هزت راسها

ـ ليش مشفتني تعاركت وياه بالمطعم

ـ يعني مصاير شي بينكم لتكذبين خل افهم

ـ ابد...و هددني عندة الحجي الجنت احجي بيه وياك يوصله لأبوي

ـ دخل يولي شيسوي يعني

رجع باوعلي
ـ وانت ذكرتيني بلعبج بمشاعري شكد انصدمت كلت نسرة منيلها جرئة هل غزل اشعار بس كلت تحبني طلعت كذب

اتفق وياي انو هو راح يصرف

رحت الى بيتنا قلقة

لليل كبت العيطة اجاني ابوي وهو يكلي

ـ نزلتي راسي لج شنو انت

اول مرة بابا يموتني ضرب
طلع مؤمل مسولف لعمي عن الرام

و عمي متصل بشيخهم و صايرة هوسة و اتفقوا يرجع كلشي و يثبتون عليه بس يطلع شي يتحمل مشؤولية اليسوه

هم راحوا اخذوا الغراض و هددوا كريم الي كدام شيوخ و ناس طلع دردشاتي وي مؤمل

يتبع... تاخر الوقت نكمل السبت او احد

شكرا للي اندعى لخالي والي قدر ضروف اني ادرس ابني زائد ايتام اخوية ثنين الولد والبنت

ما خليت قفلة و حاولت امشي بقسة نصرة شوي

#خلف_الشناشيل_حكاية6
جزأ ثاني
دمج بارتات صقر البوادي و بارتات الاحفاد

بارت بعنوان.../ انكسار السيد...

ـــــــــــــــ٥٢٤٥ كلمة

مؤمل..

احتاريت وحيرني زماني... شسوي هسة

الي دردشات يم هذا.

بس الامر الاعظم صور بناتنا نسوان عمي و ابويةة

يعني حرمنا.. صورهن بيده ااخ نصرة فضحتينا.. يا ما نصحت بطلي ششوفين تصوريه.. بس ما تتوب..

و هاي النتيجة.

زين خاف دردشاتنا تطلع وشيفكني..
راح يطلعوني العب بعرض بنت عمي
وهي بذمة رجل آخر.

لو جنت ادري ما اراسلها.. بس لله بالأمر مشيئة..

رجعت افكر. ... و اقرر شسوي
يعني اني اتحمل.. وهم حجينا مو شي اباحي بس مشاعري حبي الها وهي وقتها عود تحجي مشاعرها بس اسوب فاجأني وقتها بيه جرئة... و اغواء

اخر شي حكمت عقلي. ..

لازم اليوم متبات الصور يم كريم و ماكو غير ابوية

. لازم ابوية يعرف كلشي حتى مينصدم اذا كريم غدر وطلع دردشاتنا..

دكيت الباب و صوت ابوية ادخل...
دخلت و شفته الحجي كالعادة على لوح تصاميمه.

يمه كوب جاي.. وصافن بعيد..

بس شافني ابتسم...

ـ يا هلا بابو ابراهيم.. تفضل.. شنو رأيك نزوجك و نخلص من فرتك الزايدة ابني اركد مراقبك اني هواي تفتر و ما تثبت بمكان ليش ملطلط.

بتوتر احتاريت معقولة يعرف و يحاول يسحب مني حجي شو ملحكت ادخل المكتب نزل بية رزالة.

معقولة مكمت افهم شفرة الحجي. اكيد بدل رموز شفرته..

عقجت وجهي افكر بس ابوية. ضحك..

ـ شنو معجبك ابراهيم خل نكول خليل.. ابو خليل بس تزوج.. اكو ولد و بنات مينفع اتآنى بتزويجهم وراهم طلايب..
انت.. و انتصار. و كم سنة مكة صادق.. صادق شوي يحتاج اربع سنين خطوبة الى ان تكتمل بنيته لأنه ناعم.

ظل يحجي امور و يخطط للعائلة مثل طبيعته..

واني وين و الوالد وين.. اااااخ

رجعت معترض على ابني الي لسة منور وابوية سماه خليل.

ـ يابة سلام الله على ابراهيم و خليل.. غير صقر ما اسمي... هاي اذا تزوجت اصلا ما ناوي اتكربس.. الحرية حلوة يابة.
بدة الجد.. و حجى الي راد يوصله الموضوع الي بداه مقدمات...

ـ مؤمل.. ابني ليش ما تصارحني شو هاشم يكولي انت تكذب...

ـ بشنو يابة واني جايك بموضوع ثاني.. حياة او موت بس مدا تنطيني مجال..

ـ شنو ابني شوراك.. لا تخوفني ترى ما بية مصايب تايهة...

ـ احم هو يعني شغلة.. لازم تعرفها..

ـ احجي...

ـ بس كلي شنو اني مكذب وهاشم حاجاك..
ـ احجي موضوعك ابني. لان بحجيك صدك خوفتني. بس لا الي متزوجها مؤقت حامل.. ؟

حكيت ركبتي واني اكول السيد راح بعيد هواي.
رجع هم يسبق الكلام..

ـ سكتك ووكفتك توحي وراك مصيبة

مسح وجهة بكلينس و اخذ، بطل المي وفرغ بكلاص يمه وشرب

ـ يبس ريكي ولك هم سويتها مؤقت تربيتي ليش تضيعوها وهم حبلتلك المعنية لا وهاشم مسوي روحة فهيم وعد يكلي مؤمل وجهة مو مال خبرة بمجال النسوان وجهه مال فاهي و طفل بامور الزوجية رغم ذكي بامور اخرى.. خل ادز عليه يشوف الهتلي شمسوي...

انحرجت و اخذتني الغيرة على روحي لا ولا اخليهم ينظرولي طفل.. و ليش مينطي مجال بس احجي سكتني بتوقعاتة الخطأ.

ـ طفليش يابة جربناها و عرفناها.. تريد اسولفلك بس ادري تستحرم خل نحول على الموضوع الأهم.. يابة انتصار بمشكلة يعني خليل او ابراهيم الي اريد اني اسميه صقر لسة مجاي بالطريق تطمن.. المشكلة انتصار يابة انتصار اذا ما تموتنا مترتاح...

رجف كوب الجاي بيدة وخلاه علي الساند بساع

ورفع راسه الي بخوف

ـ شسوت احجي..؟

سولفتله كلشي وبحسرة حجيتلة هم شلون قشمرتني حتى لا ارجع اخرب الزواج.. بمشاعر كذابة خدعتني وصدكتها لذا هجيت متحملت ولا صدكت خسرتها
ـ تعلقت بيها وحبيتها اكثر من روحي
من جنا نتراسل صار حبي الها اكبر وزاد التعلق.

حجيتله على الرام..

ـ الرام و نقالها عندة

ـ تكول رجع النقال لكيتة مفرمت..

بس هو على ميبدوا طاك صورة للدردشات بنقال نصرة بنقاله

شفت ابوية عصب

باوع للساعة واتصل اتصالاته

ـ ثمن نستر عرضنا وناخذ، الصور تنفضح دردشاتك مؤمل توقع هاي النتيجة بس فضيحة تخص ثنين اهون من صور بناتنا و ينفضح الكل

يارب شسويت اني وهيج توصل بابني الاثول.. الغبي شلون مطي على روحة لزمة.

شوف ناخذ الشيخ و ساهر وولده منا وبينا ذول وعمي ابو مهند ما اسويها كعدة جبيرة وينحجي بينا بالعشاير توقع الحك يتركب ضدنا.

لازم نتفق حجاية وحدة خل هاشم وفاضل يجون ذول شوي رزنين سجاد لتخبره لمن تنتهي السالفة لا يكمز على الوادم و من سيء لاسوء يدخلنا متاهة علاوي مريده يحجي لمرتة وتشهرنا بالشارع خل السالفة ننهيها ونختمها وندفنها متبات الا ومنتهية. امري لألله انذل لهذا وذاك.

بعد ما رتب ابوية الوضع اتصل بشيخ الولد ورادوا تتاجل كعدة ليوم جمعة

ـ لا يابة منريد كعدة ولا شي هن رام و صور يسلمهن يعني شنو بينا وبين الولد جان نسيبنا ويمة غراض النا مرجعهن ونريدهن و يمسح الي عندة ويحلف معندة نسخ و اي شي يصير يطلعن شيخنا بوجهك تصير حكنا منك ناخذه..

فتحت نقالي اني محتفظ بالرسائل اقرا وفاضل يمي يمد راسة كل ساع اوخر النقال و اخزره.

هز ايده

ـ بلة ما استحيت على شعرك الاصهب شمحاجيها بس لا حجي مو زين و النبي ازينك صفر.

باوعتله متوتر..
ـ فاضل معبالي عاقدة شتدري بتربيتي لو ادري عاقدة ما اراسل و علاقة حب بينا.. كل اليجان اوهمتني وسفة.. راسلتها اريد اعلقها بيه مشاعري دفعتني اراسل جنت يم خالي ببغداد مدري لعبت علي المحتاله..

اكلك خاف براسي تصير و يطلعوني مو خوش...

باوعلي

ـ و الله ابوية كل شوي خازرك بالمراية ويسوق اسكت احسن مبين ناويلك نية بالعافية مقدما...و اني هم متحلف بيك ترى..

ولازم تتحمل المسؤولية هذا نتائج محسبت حساب..

ـ فاضل ابو الافكار حلها.. ابوي انت مو بس اخوي.. شعندي غيرك شلون تنحل..

ـ ما اعرف خل نشوف شمحضرلنا هل كريم و تنحل...

باوعلي.. و سكت....
و رجع ضيك عينة و طبعا حجينا مهامس ليسمع ابوية ويمه عمي بالصدر.. ابوية يهديه لان خبره بالسيارة...
و هاشم و شجاع و وسام بالكراسي ورانا اخذنا سيارة عائلي..(نيسان ماردا عائلي جيب :)

ـ اصبغني بعد يبعد ابوك.. متنحل شكللهم يعني اني حرضته يراسل بنية مخطوبة وحسبوها علي.
شوي وكال

ـ بيك عضة اشلع لحمتك..

ـ اي مستعد اتحمل التسويه بس فكر بحل..
ـ ما اعرف خل نشوف شلون وانت حلكك متفكة ححاول احولها حلفان يمين وراح احلف شسوي بس الا اطلعها من عينك هل اثم الكبير.

سكت ورجع باوعلي.

ـ خل امخمخ انطيني نقالك

ـ ليش..

ـ غير اعرف شمراسل. شمصخم..

فتحت النقال واني مستحي من اخوي وانطيتة دردشات لسة مماسحها..

يكلب ويقرأ و يهمس كلش قهرني همساتة الي
ـ تؤ تؤ.. شاعر زغيرون حضرتك وذيك خوش مستغلتك مبينة تريد تبردك حتى متكتشف هي مخطوبة..شلون فاتتك.

رديت واني اعدل الشماغ و العكال. اصر عم ابوية الا نلبس زي عربي حتى شيخهم يهابنا خاصة سادة و بالزي العربي نبين كلش هيبة...

ـ خوية بعد صارت.. علكيفك مو هيج تقهرني. اني هم اخيك..

رفعلي وجهة وضيك عينه

ـ على فهاوتك بيك بوكسي افلش سنونك.. بحلكك...
ـ مقبولة ابو فطم..

هنا ابوية صاح

ـ شعدكم فيدونا بنقاشكم الهامس.

عدل فاضل كعدته و هو حيل حسسني ركبتي بيده..

ـ ماكو شي يابه... نتبادل نقاش حول مسيرة التكنلوجيا بتطور النقالات و ظهور برامج جديدة للدردشة

رد هاشم..

ـ يبه يكفي حنا باي حال.. بس تبربروا ماني فاهم وش تتفكوا.
خلونا متحدين الكلمة..

تلفتت لهاشم. .. لو ادري كاعد يمه ومتفق وياه عاد فاضل بس لا يلوصها علي.

ـ ماكو شي خوية.. اكلك يابة هاي الشماغ يحكني ما تبادل وي شماغك..

رد ابوي بنترة...
ـ اكعد وانت منجب...

ـ صار..
رجع باوع بالمراية لفاضل...

ابوية صاح بفاضل

ـ عدل شماغك و العكال ليش الشماغ رايح ورى و العكال على كصتك هو هيج اللبس سيارة عمي و سيارات ساهر وولدة سبقنا وانتم ملتهين بالنقال شحصلنا من هذا الشيطان الي صار بيد المراهقين.. هااا هاشم خليتني اقبل البنات تخلي نقالات..

هاشم لكز جتفي...

ـ يبة كل ممنوع مرغوب.. نقال امامكم تتابعوهن افضل من تعمل شي من وراكم..

ظل فاضل يحوس و ممرتاح بالزي العربي شهل ورطة عبالك كاضيها دواوين و فصول وكعدات المن عم ابوي ورطنا بلبس النوب الشماغ هذا قماشة شو يخلي راسي يحكني...

نزعتة و حكيت شعري

ابوي كال
ـ لعبتها لنفسي..
بس فاضل بنص فصيح حاجاني...

ـ مؤمل عدل لي هذا العقال والشماغ

رددت بكلبي هذا مو مريح شكعدني يمه لا وركبتي بيده صارت

ـ صار...

وصلنا لكينا كريم والشيخ ومثل ما طلب ابوية بس عمام كريم والشيخ ورجل خير منريد شي جبير هي نستلم الرام و يمسح اليمه وهاي هي...

صارت المواجهة و من التف الحبل عليه ظل يبرر

ـ تخوني وي ابن عمها واحنا مخطوبين.. ترضوها يا سادة..
و من طعنت بشرفها رحتم تحاججوني يلة زين من سكتت على تصرفها الله يحب الساترين لمساويء الاخرين..

ابوية ساكت يستمع و هو منحرج.

راوا دردشاتي وياها... مثل متوقعت طاك لنقال نصرة صورة من نقاله للدردشات (اعتقد مكان اكو تسكرن قبل و البرامج اما فيس او تانكو سكيبي نقال )

بس هنا فاضل طلب يشوفهن

ـ عدنا مهندس ومبرمج حواسيب عمي و ابنه

كلب فاضل بالدردشات عسى تكون هناك ثغرة..

باوع وابتسم..

ـ منو يكول هل دردشة بنقال بتنا حتى اسم اليدردشون ممبين ولا رقم
زين طاك صورة للدردشة مكبرة ممبين النقال وشكلة حجتك مو تمام. العب غيرها

هنا انتفض كريم

ـ اني ميهمني صدكتم لو لا لو اريد من نقالي اطلع شي نفسه ابو راس احمر ينتفض و تصدكون هل مرة بس مو وقتها

هنا صار،مصايح
ـ شنوو بلة شو تهدد

ـ انتم اجيتم على الرام واي اتهام تتهموني اطلع كل الحجي وسمعة بتكم بكفة

رد ابوية

ـ هااا شيخ هذا حجي وفعل ابنكم.

احنا متهميه؟ شو بس نريد غراضنا و مينطيهن

خزر ابوية كريم خاف ينكر

كل هم ابوية يغلق الموضوع دون ما يتوسع بيه..

هنا فاضل طلع القرآن
ـ يابة اذا انت لوتي اني جنجلوتي.

وهذا كلام الله احلف اي دردشة عندة مو النا.. النقال بقى يمه يكدر كلشي يسوي و حتى يأخر بتاريخ نقال..

شو اكو برامج اجت للتلاعب بالرسائل.

دك القران...

وهنا قرروا حلفان بينا

ابوية ارتبك

مقبلت يحلف

ـ اليحلف مو ابوي اني صاحب الشأن وكريم هم يحلف

حلفت و اني بداخلي استغفر يارب مضطر لازم ادفع كفارة

منا فاضل حلف و هو مدنك و مبين ضايج ويخزرني عيونة شرار اخضر صارن..

ـ

هنا فاضل بيده القرإن وعاد الكلام...

ـ احلف عن اخوي مو هو هذي الصور... لا رقم لا شي لا تاريخ.. ومو واضحات رغم انقرن بعض الدردشات...

بكلبي كلت الله ميقصر و هذا مصور دون اي تاريخ..

هنا فاضل حرج كريم..

ـ تكدر تحلف ولو انت باطل كلشي تسوي يا شيوخ مو دليل كافي..

فكرت الظاهر صور دون اهتمام كل بالة حتروح وياه و راد يقشمرها عود من رجع نقالها مفرمت..

حتى اكو سكرينات مو واضحة..

انتهى الموضوع اني حلفت كذبت كريم وكتله زين ليش مفرمت النقال اذا هذن صح...

ابوية هم ضغط عليهم بس عمي مبين على اعصابة ويخزر بية اهلاااا لكالة حجة علي هسة يطلعني غويت بنتة...

شجاع بيده سبحة يعصر بيهة ساكتين كوة..

اما وسام هاديء رزن

ـ اني مستغرب انو يمسح نقال وهو دلبل كبير عنده الا اذا هاي الصور كذب وليش محجة بالكعدة من طلكناها وتوة يا الله حجة

حجة ابوي.

ـ شوف حجي.. ابنكم هو الغلطان اولا ماكو رجال يهدد بنية جانت بذمته وغراضها يمه بس حتى يعتدي عليها.. و مبين رايد يستدرجها بس بتنا حجت كلشي اي شي عود لازمة على البنية ترى ندري بيه و احنا علمناها تراوغك...

شفت عمي مستغرب حجي ابوية حقة ميدري الثولة بنته شدازة لطليقها..

هنا كريم كال

ـ اصلا هي موافقة و اراويكم رسالتها قبلت تروح..

هنا حجة فاضل

ـ اش ولك لا اكوم هسة اكسر سنونك بحلكك... كنالك بعلمنا واحنا الي علمناها شدزلك و حلفنا بالقران قابل نكذب احنا

يعني شكو لزمة ندري احنا علمناها ردنا الرام بلا منوصل ندخل بينا هل وجوه الخيرة

واكو شهود يم مطعم من كسرك مؤمل ارى كمين سوينالك ترجع الغراض مرجعتهن انت وصلتنا ندخل هل خيرين

سكت... و اخر شي انتهى الموضوع اخذنا الرام و على ضممانة وجوه خيرة اذا طلع حافظ شي يمه..

رغم عيون الشيوخ و و ربعهم ممصدكين بس محد كدر يطعن بشرف لاجل واحد مبتلين هم بيه الظاهر هواي مدخلهم مشاكل لذا رادوا بس ينغلق الموضوع حتى واحد من شيوخهم هدد كريم

، سوي مصيبة اطلعك من العشيرة متحملك لخاطر ابوك المرحوم..

بس طلعنا تلاكينا وي كريم يم السيارات باوعلي بتحدي

ـ واكف بثقة خليها بعلمك لو اريد اطلع وصخ حبيبة الكلب كلة واخليك انت بنفسك تدور ثار كرامتك ههههه

ركب سيارتة وراح هنا ابوية دفعني

ـ ادخل السيارة الله ليوفقك تاليتنا نحلف كذب وانت شلون تحلف هااا

اشر على فاضل

ـ لو معترفين و مناكرين حولوها لصالحهم..

ـ وعبالك صدكوا بت عمكم فشلتني وسفة على شيباتي شفت نظرتهم اني شرفي بالدواوين ينحجي بيه بس ما اكول الا حسبي الله ونعم الوكيل ما قصرت يوم بتربية بناتك يا باقر. خوية اعذرني امانة مكدرت اربيها صح..

ظليت واكف متبسمر مكاني وما دخلت السيارة

جان عمي مدنك تدحرجت دمعة انكسار من عينه وصعد بسكتة للسيلرة بعد ما همس لابوية

ـ حشاك يابة...انت وفيت كفيت ذنب الام الما تابع

جان شجاع ووسام مدنكين من فاتوا يمي وكف شجاع وضربني بوكسي

ـ تلعب بعرضي ولك..

وكع الشماغ بالكاع دنكت بهدوء اخذت الشماغ و خليته على كتف شجاع واول مرة اكلة باسمه

ـ كرار. ... هذا من بختي احتفظ بيه خوية اذا بقى عندي ممسؤول اخنكك بيه

صاح عمي وابوية

ـ صعدوا..

رجع ابوية ترك السيارة عيونة بياضهن احمر كد ما عصبي انطاني راشدي وانطى شجاع راشدي

ـ هسة ارتاحوا...

بس وصلنا كمزت من السيارة واني احاجي وسام الي مدنك ومحجة شي

ـ وسام لظن بية سوء اقسم بالله مجنت ادري مخطوبة تدرون انتم زين يابة مو جنت ببغداد مو تعرف يابة و الله مجنت تدري ومحجيتلكم شلون ضحكت علي.

استهضمت تعرفون ولد ومشورب بنية تضحك عليه تقشمره..

همس عمي

ـ وسام يلة بابا يلة شجاع..

صحت

ـ ترى مجنت ادري وبس عبرت عن مشاعري عود شنو هاي... زعلانين اتحدى واحد بيكم ما حب وعبر عن حبه لحبيبتة اني هذا السويتة على امى نزوج شمدريني مصخمة من وراي واجت احتالت علي وعلى مشاعري ترى اني المكسور.. خدعتني

ابوية صاح

ـ مؤمل للبيت. وانت باقر ارتاح محلولة ابني.. الخطأ اذا بدر منا يصحح

التفت عمي

ـ حشاكم الخطأ الاعوج ببنتي..

و دخل. اما فاضل جرني من ياقتي

ـ حلفت كذب تعرف شنو يمين كاذب.. لك تالي عمري احلم يمين كاذب... بس حتى انكر سوايتك يالطايش

بنية ما تريدك ليش لزكت بيها ليش و خليت الحك عليك على ابو هو البدة يراسلها...

يومها محس منين الضرب من ابوية طلع قهره بيه لو فاضل الي يمين خليته يحلف..
حلف بالقران يمين يعني اثم كبير..

بسببي...

خلوني بمكتب ابوية وانضربت من اخوتي

، اي و ينتقمون منك بولدك اخوتك لو ابوك فكر فاضل احن بزمن كلة ظلم وحسن الظن بالناس صار مو حلال منفكر بيه اصلا ولا نثق...

مررت ايدي بشعري وانعكست صورة عيوني بزجاج مرايا مزقق (مشكل بطريقة دمج )

صورة مشوهة لعيوني بهذا الجام

ـ هالة باوعي هنا

جريتها واني ااشر للمرايا

ـ ششوفين

ـ عيون حبيبي الحلوة و جزأ من وجهي

ـ عوفج من وجهي ششوفين بعيوني

ـ هو الجام مينطي شكلهن لانه مزقق عبالك عدة عيون متراكبة شي فوق شي

ـ يعني تشويه انعكاس صورة عيوني. هذا اني يا هالة وهاي دواخل عيني مشوهة ركزي وياي مشوهة...

تدرين ليش

ـ ها ما فهمت..

ـ عاد انت ذكية.. مشوهة لأن مشافتج انت راحت للأذية. تكدرين تشيلين هذا التشويه تكدرين ترجعيلي استقامة نظرتي الروحية وتملكيها..

حضنتني وهي تبوسني وتجر تنهيدة من كل كلبها
ـ وعد مدام خلالي الطريق الحي ابقى من الميت الا ينبضلي قلبك الميت وعيونك ترجع تلمع بس هل مرة الي

مدت ايدها طفت التيبل لامب وهي تحوطني و تبتسم...

وسام..

كلنا برة غرفة انتصار منكدر نخرق قرار ابوي طلب ممنوع احد يدخل

نسمع بجي وتوسل نصرة.

وراها طلع ابوي ميتحاجة و امي تبعته
وهي تهديه

ـ باقر وجهك اصفر. لا توكع الله لينطيج ينصرة حتموت الزلمة..

اشرت للولد

ـ اوامر ابوي محد يدنالها يلة اخذت عقابها من ابوي ولو جنت اتمنى مخليني احاجيها وافهم شنو بداخلها بس طلعني من الموضوع وقرر عقوبة ضرب.

بيبي وهي تنوح..

ـ لا تلومة. انت رحت وياه يمة صعب على الرجال يكلولة بنتك عاقدة وتراسل ابن عمها وتتحارش بيه.

منصور وشهم مدنكين ضرغام يمسح بدموعه

ذبيت حسرة..

و دك نقالي حاجيت فاضل. حيل خجلت الدردشات اختي التتحارش وهي الي، تشجع بمؤمل وبذمة رجال هي صدك كلنا ندري ميدري بيها عاقدة... من سافر بغداد

سألني شجاع

ـ وسام ليش هيج تفضح بينا شمقصرين شفت ابن عمك شلون سوايتة لو اختك..

ـ الولد ميدري بيها عاقدة وتدرون ناهي عليها و يعتبرها اله. و كلة متجاوز التشجيع من اختنا معرف شجاها جنت اخاف من نضال و نصرة الرزنة والهادئة

شفت زيزو تبجي خايفة

اشرتلها تروح يم ليلى الي خزرتها لان رايحة تنقل حجي

شوي وترخصت راسي مصدع

دخلت الغرفة سديت الباب حيل..

ـ البيوت اسرار والمرة الي تطلع اسرار بيت زوجها هاي مو ثقة فهمتيني مو.

هزت راسها اي واعتذرت

ـ توة رزلني فاضل لا تلومني اختك سوت مصايب الدنيا و تعيرنا تكول عليك جنت تتختل بية الله عليك شفتني مو زينة لو انطيت وجه قبل ا نعقد

شو فاضل مو خلاك سنتين تلح على زواج ويأجل مو عيب تحجي علي

ـ هاي شنو شو صايرة لسان لأني مدللج و منطيج وجه شوفي انت هنا لا اسمع لا ارى لا اتكلم..

المرأة الجيدة متروح تطلع اسرار بيتها لاختها لأمها تدرين الله يحاسبج على هيج فعل. واني ما ابريج ذمة اذا تكررت

و انتصار اخذتي منها موقف صح حقج بس شوفي هي بشدة المفروض مو تشمتين بيها تكليلي اختك سوت مصايب و تحجي علينا تكول تختل بمرته..

وين عقلج واني بحاجة زوجتي ترفع معنوياتي اني بشدة.. و الناس مترحم و انتصار هواي خلتنا بمواقف لا نحسد عليها
وانت هسة... تعيريني يا ليلى كلمتج تعير واستهزاء وتشمت بمصيبة بنية والله بالمرصاد.

خليت وطلعت ضايج منها.

لكيت اخوتي سبعتهم ملتمين حتى اازغار الحر و فهد..

مدنكين من شافوا الوضع كلش متوار شوي وامي صرخت

ـ باقر حاجيني باقر.. ولكم لحكوا ابوكم مدري شبيه....

ركضت اني والولد وزيزو الي تبجي

انتصار..

النذل شلون اول الموضوع ضدي.. حتى ابوية الميعرف يضرب ضربني من وراه وهو عبالك عسكري يحقق وي خائن دولة...

اعتبرني خائنة للعائلة اعارف غلطت وغلط جبير..

ورى ضربات عدة... سالني الرساىل تبين تشجيع مني لمؤمل.. شلون هيج

هنا كتله كريم طلب مني استمر اراسله.

ـ طلب كريم اراسله..

ـ لج حتى ولد ابن عمي ساهر يتبسبسون عليج بالكعدة يمي تدرين شيكول لمحمد

ـ مبين بناتهم وكحات يمحمد بيش وكعت روحك

ـ لبنى تختلف وانتصار على ساس الك بس مقبلوا

ـ الحمد لله مقبلوا تروح ستين فدوة لضفر نجوى مرتي على الاخلاق و صيانة الشرف

ـ اسكت عيون عمي باقر علينا وبس يسمع ابوي حجيك يلعب بيك طوبة ميقبل على بيت السيد..

ـ وشكلت غير الحق وانحجى... بتهم تضحك على الولد معلكة ولد بذمته و لاعبة على ابن عمها قريت الحبيات التحجي كلة جريء همزين ما تورطت...

ضربني ابوية راشدي وهو منهار

ـ ليش تكصرين ركبتي يم الناس لج البنية عكال ابوها ليش
تدرين رحت وياهم على نيتي محد كلي كل الي اعرفه على رام وكلت الغلط منا شلون مسحبنا النقال

طلعي النقال كال رجعه الج

ـ اي اطلعه بس مفرمته

ـ ابن عمج لزم هل شغلة عليه وكال لو الدردشات حقيقية مفرمت نقالها يريد ينتقم لأن طلكنا بتنا و انهان بين العشاير

تعرفين شنو زلم مشوربة تحلف بالقران الدردشة كذب و منو يكول اصلية ماكو رقم وتاريخ يثبت

لج نحلف و العيون متصدك بس اللسان يحجي شكل...

شكول عليج....

جان ابوية دمه محترك. اني محتارة شلون كدر يطلع الدردشات و نقالي بذاك الوقت مبيه نضام السكرين جان نقال بلاك بيري حسب ذاكرتي..

فكرت الا سحب الدردشات على بريد الكتروني

ردت اسال شلون شكل الرسائل...

بس هم اعصاب ومدام فاضل ووسام طاعن بيهن يعني طريقة سحبهن متبين ادلة قوية

رحت بعيد بالزاوية من ابوية كعد تعبان من ضربي وهو يبلل بحلكه

الي شفايفة يبست

وجهة اصفر...

صوت امي وبيبي

ـ باقر كافي يمة... كافي حسك تعب وليدي

ـ يمة كون اموت ولا هل يوم بنتي تتهامس بيها الزلم و عمت على كل بناتنا صارن وكحات بعيون الوادم

ـ حشاااا بنيات عبد الرحمن ذريته ذن ينكص لسانة اليحجي بيهن

ـ يمة حجوا و حقهم الخطأ راكبنا

التفت وهو يمسح دمعه...

ـ ليش تضحكين على شيباتي.. كلتي زميلي وخوش ولد عاندت اخوي بسبيل راحتج

كلت بنتي متنظلم و مخلي احد يفرض عليها شي...

شسويتي انت طلعتي تضحكين علي احتاليتي علي و على اخوانج ترى شجاع بالرجعة سولف كلشي شنو انت الفصمة وبيوتنا متروسة زلم ضحكتي على شاربهم حتى تزوجي الساقط..

لا وفوكها تراسلين مؤمل تغوين بيه

ضربني ضربة شمرتني بعيد
..
ـــــ احجي ليش هيج تحجين وياه وانت رافضته هااا احجي لتعذبيني

انت رفضتيه ومخطوبة شنو حجي الحب القريته

لج احجي..

هنا اعترفت بكلشي بمخطط كريم و شلون ادزلة حجينا...
اكتبلة استهزأ بمؤمل اسميه الطفل و هواي حجي جنا نضحك بيها عن مؤمل

كعد ابوية بالكاع متربع و هو حاجز راسة بين ايديه و ينحب

ـ حرام عليج لو مخلية عمج بين عيونج ولج يبقى مؤمل سندج شلون هيج تطيحين هيبتة يم الغريب..

اشهك موجوعه... ضربة اجت ببطني موتتني

ـ بابا حجيت كلشي وغلطت بابا عفية كافي والله اسوي التردوه بس كافي حتى ابطل من جامعة بعد ما اطلع كلش

انهاريت كلش صعب اشوف ابوية هيج

وهنا عرفت عمق الخطأ الوكعت بيه...

ـ لج شكول لعمج شكول لازم يعرف هذا لازم عليج دردشات تعيبين وتتفقين وي الغريب على ابن عمج

شلون اخلي عيني بعين عبد كولي

جيبي نقالج

اصفريت

ـ نقالج بساع

انطيته النقال بيد ترجف

ـ ومخلية رمز؟ فتحيه

نبضاتي احسها باذني نفسي صار عالي واحس هاي هي بعد...

الرسائل الي نلتقي بشقة و شلون قشمرتة حتى اخذ الرام منو يصدك احتال عليه

حتى خفت ليطلع الدردشات ذن بس كلت مينطي بروحة حاول يغويني هنا تصير الحق ضده اذا بين عرضه علي

وعلى ما يبدوا هم من راحوا بس حجوا انو بقى رام صور يمه ميرجعة و هذا عرض مطرقوا للتهديدات اكيد خافوا تطلع سالفة حجيي وي مؤمل وهم طلع..

وسع ابوية عيونة وشهك وهو يقرا المصايب.. الي يقراها يتصور بيني وبين كريم طبات وطلعات و شقق..

خاصة اخر رسالة...

شفت ابوي بصدمة وايد ترجف اخذ النقال وطلع

ضليت انحب شسويت بأهلي شسويت شسويت بس تنحل والله اقبل بمؤمل حتى لو زعطة...

اسوي اليردوه بس يارب فك شدتي هاي

رحت بحجابي عكدت عكدة ام البنين ونذرت نذر بس تفك.. السالفة

اشهك وشوي سمعت صياح امي مات ابوي

ركضت وايدي على حلكي ابوية مات من وراي

عبد الله

مر اسبوع اعتكفت الكل و التهيت بباقر جبتة يمي...

من الهبطة صار بيه سكر

مكابله.. واني افرج بيده

ابتسم

ـ يابة يمتى تخلص اقامتي الجبرية هنا...تعبت من الفراش

ـ ارتاح ابني لشيل هم

شهك.. و حضني ينحب حسيته ضعيف مهموم

ـ لا تشيل هم انتظر تتحسن واعقدلهم بنياتنا لولدنا....

ـ ما تدري يخوي بنتي غلط بغلط...

خليت ايدي على حلكه

ـ اشش لا تحجي شي ما اريد اعرف...
والله كسرته تكسر حتى فاضل بهذلة شسوى بيه والله اخليه فدة جوة رجليك انت ابني واخوي كل ولدي فدوة الك..

شهك

ـ الغلط من بنتي..

حجالي الشاغل باله والي وكعه بمرض مزمن السكر...

عصرت ايدي ضغطت صابيعي براحة ايدي حيل

كاتم غضبي. و ابتسمت مريد باقر ينتكس

ـ هذا يبقى بين ثلاثتنا اني وانت و المطفوكة نصرة..

مريد مؤمل يعرف اخاف يتراجع واني خليتة امس يوافق تدري جيل هل وقت ما ينحزر ابني خلاني احلف بالقران ما ادخل بينة ومرتة لو تشتعل الحرب العالمية بينهم

اني حلفت بس اكدر احتال.. عاد كلكم حيالة خل اني ولو مرة بحياتي احتال.. اذا صار شي اكدر اوجه اخوته بمكاني يصرفون هو حلفني بس اني..

اطمن بنتك تستقر وي مؤمل جائز بينهم ثلاث سنين فرق بس مؤمل شاب حنون وكدها جاىز اول زواجهم يكون بينهم شوي مشاكل...

هز باقر راسه و غمض عينه

ـ التشوفه يابة عاندتك هواي شحصلت عاد خل امشي وراك اربح واالله

رحت ليسرى و عاىشة

ـ مؤمل اكل لو بعدة معتكف

ردت عايشة وهي تبجي

ـ يا يمة يوليدي.. شكول على بنت كمرة شعليه ولد تعرض لمحاولات تحرش و اغواء برسايل شتتوقع وهو صغير..

ابتسمت رغم الموقف...

ــــ عايشة عاد ابنج فقير مو؟

ردت يسرى

ـ مولاي كافي قسوة عليه من اسبوع حابسة
ولد ممتعود على الكعدة وحرك حابسة

ـ وربج تلكيه كاضيها بلي.. اليل كلة يتعمد يلعب كرة و يصيح كولللل خبيث يزعج نومتي عبالة يمللني واخليه يفلت.

كلام اخير العقد يتم.. و ياخذ بنت عمه

حتى سجاد من عرف من امهاتي سبب روحتنا تولاني جلاليق...

عدا هاشم حاول يبعدهم

بس ابوية كله

ـ خل اربيه متحمل عليه اني هواي.

خاف ما حاسبتة على دكتة بسفرته لو استهتارة وي موزينات بزواجات مؤقتة

ضحك هاشم رغم عصبيتهم

ـ هييي وايد مصدكيه.. يعمي...

شردت لغرفتي تبعتني امي يسرى و قفلت الباب

ـ ليش يمة هيج..
باوعتلها امسح دموعي مريد ابين ضعفي شنو جريمتي واني حبيتها

مو بيدي مشاعري تجاهها مو بيدي

دكت الباب امي عايشة فتحتة امي يسرى اجت حضنتني تبجي واشوف الشيب زايد بشعرها وجهها بيه تجاعيد حوبة عمر وقهر و ضيم عاشته...

حضنتها هل صدر الحنون الامان و همست واني هنا استنفذت قوتي

ـ يضربوني يمه لان حبيتها منو منهم ما عشك.. ليش علي بس اجو. شذنبت مدري بيهو بذمة كريم ويدرون زين مدري

بس هو هم حضوظ..

فاضل...

ورى هل ازمة طلب ابوي يرتاح و كال كلمن يروح بيته

دخلت بيتنا اليشوفني طالع من معدركة عكال بيدي كطعته على مؤمل يشماغ مشمور على واحد من جتافاتي و الثاني لا

و دكم ردانات الدشداشة مفتوحة

تلكتني هالة صفرة وبخوف

ـ شبيك فاضل..

بست راسها و حضنتها..

ـ ماكو شي.. مراهق دخلنا ماهة و حلفت كذب شلون باجر اواجة ربي واني قاسم يمين بقرائنه كذب وكله ومحد صدك يعني حلفان على البلاش

طلعت قهري بيه مشفتي شكاتب...

باوعتله

ـ تقصد مؤمل..؟

ـ اي.. و انتصار.. لو شايفة حجيهم يعني احضان قبلات و كون يمك و احضنك واشعار

ردت

ـ يحبها.. انت من حبيت مو صرت شاعر..

ـ متجاوزت على الي ببالج وهي بذمة رجل طلبتها قبل لتزوج و تدرين كلش زين من تزوجتج ما خنتج شلج بيها

خليت ودخلت الغرفة نزعت ملابسي بعصبية ورحت لمرسمي..
تركتني انعزل حست اني معصب يمكن طلعت بمؤمل كل غضبي من نفسي.. من حب وحدة متحبة.. مثلي

حسيت الماضي تكرر نوعا ما...

من مذكرات رجل حر...
كاعد واني اكتب ذنوبي واضفت من الذنوب اعظمها

يمين كاذب.. اي بشر انا. خائن وكذاب...

و لئيم....

اي بشر اني الي خفت من جمهرة ناس خفت الفضايح بس مخفت من كتاب الله الي مديت ايدي ودكيته...

اي جرئة.. ملكتها.. اي جرئة وعدم حياء،من الله..

ذنب جديد.. يمتد لساحات ذنوبي.

احس بنفسي طير نورس.... قرر يهاجر بس يمتى

كتبت اسفل مفكرتي.
طيف مر بي في ليلة
سلبني رجاحة العقل

ابتسمت وكتبت..
اول مرة اضرب مؤمل... و اطلع قهر الغبي الي بداخلي من عشك وحدة متحبه... يمكن حسيت اكو تشابه بين قصتي وقصة مؤمل حب طرف واحد...

بس الفرق ابوية قرر يجمعهم بينما اني ما انجمعت بالدنيا بحبيبتي ولعل لنا لقاء حتى حين..

حين تتلاقى الارواح...

سديت المفكرة و اندك الباب..

ـ على مود البنات اجوا ناس ..

و سولفت خوش ناس و يردون البنتين البقن...

ـ اسأل اول.. بنفسي اسال

اجت تمرغ بجتافي

ـ ليش متشنج

ـ ضريت مؤمل و حسيت بجتفي وجعني

ضحكت

ـ هههه شور بيك خطية والله الصوج من نصيرة..

رفعت راسي و مضيك عيوني

ـ و شمدريج

بلعت ريك

ـ ها.. خابرت ليلى عمو باقر ضارب نصرة بس رجعتم موتها كوة طلعوها من بين ايديه.. و سامعة الحجي كايللها شلون مكايلتلة مخطوبة و ظالة تراسليه حبيات اذا تردين ابن عمج لشنو ورطتينا وي كريم شنو ببالج تكسرين ظهري تلعبين على الولد مرة كريم مرة مؤمل مأملته وانت بذمة رجل اخر

وكفت و طلعت نقالي

ـ شسوي...؟

ـ اتصل بليلى اربيها شوي جانت خرسة مينسمع صوتها شو طلعلها لسان وطلع اسرار بيتها

ـ بس.. ترى حامل و منا وسام يسمع خاف يعاركها يأذيها.

ـ روحي نامي هالة... بدل ما تفشليها متونسة توصلج الاخبار مو؟

اتصلت بليلى ورزلتها

و رحت حاجيت وسام

ـ علم مرتك مطلع اسرار اهلك. و تعال اكلك
بس لا اذيتم البنية ترى ابوي قرر زواج يزوجون..

ـ فاضل قابل بسواية مؤمل

ـ والله الرسائل مبينة هي مأملتة وميدري بيها بذمة اخر. هذا بعد صار و السالفة خذت حيز ونصرة زوجوها مو كل مرة تسلم الجرة..

ـ هسة ابوية تعبان و بالي يمه انهار كلش..

شايل هم عمي يكول معروف و فشلناه ببتنة التضحك ع الولد..

ـ هسة هديه و الصباح رباح والله اجرمت بمؤمل رغم ترى مو ذنبه هي الكذبت عليه

و هم دوم يتراسلون و يلعبون بلي من قبل لا اختك تدخل صخام لحياتنا

بس الصار اخوي على نيته ميعرف عقدت ولازم يخلي حدود راد يقنعها وعبر عن مشاعره انتصار هي الغلط منها بنية مخطوبة تكولين لشاب كون نتزوج واصير تحت جنحك ومؤمل ترى بسن الكلمة تأثر بيه الكلمة مو غزل و بيه جرىة..

سكت وسام..

ـ لا تنحرج انتصار بتنا ربت عدنا ولحمنا نلمه احنا و هاي هي نزوجهم.و نخلص..

ـ الله كريم...

سديته و عكبت هالة واني بالي كلش مو يمي

باوعتلها..

، وين الرام الكتلج تدفنيه دفن يمج

ارتبكت وهي تسأل

ـ ليش

ـ جيبيه

ـ بس اني شفته ملفات ضخمة فساد لا فاضل يقتلوك بس يحسون نورا ضامه نسخة يمك..

ـ انشر كلشي واطفر للخارج

ردت عايشة

ـ بس والله يكول طابت نفسي منها وراها مصايب شعلي تعال استرها فوك مقشمرتني وسكتت مفضحتها الي فضحها حبيب الكلب الطلع سادي..

ـــــ مشكلته... بنت عمه خو ما اشمرها مستقبلها تدمر... ناخذها جنة النا وجوة عينا المن يراد ابن العم ولكم اني الي انكسرت بهاي السواية اني و صيتي مشفتوا عيون الناس تحجي شكل واللسان يجامل ااااخ رحموني وخلونا نلم لحمنا الي اتفضح و نسكر الموضوع.

هنا صوت مؤمل...

ـ يراد يلملم فضالة الزلم... يعني توكع براسي

ركضت وشربته بوكسي بوجهة

ـ ادري بنفسك وتريدها لا تكابر و... عيدها وشوف البنية مبيها شي و سالمة و ملامسها و حتى لو لامسها و انكسرت مستحيل اخلي باقر مهموم ببنتة ومنزل راسة واني اشم الهوا
شوف ولك باجر العقد

ـ واعقد بوجهي الورمتة

ـ اي ناجل حفل الخطوبة والحلقات لمن تطيب انت وهي لان ذيج ابوها.متفنن ضرب بخلقتها.

باوعت لعايشة

ـ صدك اني حابسك وقافل الباب انت شلون طلعت هااا...

ـ امي عايشة من جابتلي مي نست مقفلت الباب

باوعت لعايشة و دفعت ايدي على الحايط بصفها و ضربته براحة ايدي حيل
كمزت هي لصوت ضربتي للحايط الواكفة بضله.

ـ اوامري ما تنكسر وتعمدتي تخليلة الباب مفتوح

رد هنا مؤمل

ـ اني مو ولدك تضربهم ويضحكون اني زعلي صعب الارضاء يابة و زعلتني

ـ لا بلة وزعلتهم

ـ زين يابة وافقت اخذ انتصار بعد اوامر احنا بالخدمة حجي.. بس لا تنس انت وعدت حلفت..

وانت قررت انتصار مرة الي بس شلون اثق متراسل غيري شلون اثق بيها وسوتها

هواي امور خلت الثقة تحت السالب يابة

ـ ميخالف ابني تتعلم. و فترة مراهقة انت الي عقلك اكبر،و بالتفاهم ينحل كلشي

ـ اني ما اتفاهم.. من حقي اكسرها بمرة لان جبرتوني عليها بس مكدر يابة.. مو اتي الي اثني..

يمكن اخذت هل صفة من فاضل كل واحد بيكم انطاني،صفة منه

رحت اريد احضنه
ـ تمام خلص حبسك...
مدام قررت القرار النهائي ووعدت ما تهرب

ـ لا ما اهرب تطمن. العريس ما راح يشرد بليلة العرس

ـ جنك تحجي بالعرس.. يابه وينك وين العرس انت لوتي كدامنا عود مراضي وجابريك بس هاي بنفسك والله كتبها نصيبك شتريد بعد

وخر عني من ردت احضنة ذبيت حسره هذا صدك نحس يزٌَعّل علي صاير.. و صعب الأرضاء.

بيوم العقد...

مؤمل...

كاعد و فرسان البادية كل ساع واحد ذبلة حجاية

ـ اكول ابو صكر... شلون بوكسي اول عريس يعقد و بيه نيشان ليضيع ههههه

و طكلي صورة

رديته
ـ سويدانة كافي ابوك منو يا تفاهة

اجة صادق باوسني الباب مفتوح اجت مكة دازيها توزع الببسي

ردها
ـ الببسي هسة يتوزع لو ورى العقد

ـ ماما جابتلكم هذا كالت وديه

ـ ديلة روحي جوة

رغم ماكو غرب بس عوائلنا

بس عزمنا بيت بيبي نوال و احفادها هم

فخاف صدفة يدخل واحد من ولدهم

هو عقد بحفل بسيط عائلي و بيوم لبس الحلقات عود نسوي حفلة خطوبة

شوي و بين ابوية

ـ مؤمل اخذت وكالة البنية...

حعقد..

ورى العقد وصلت دردشات بين نصرة وكريم كلها استهزاءمني و من رجولتي و من كرامتي

امور صعبة اتقبلها
عجيب شلون هذا حصل رقمي
اني غيرته من ورى الكعدة

و شلون عرف.. منو اليحجي ويوصل.

شفت عمر فات ورى موسى الي كل ساع دفعة

ـ شلزكت تابعني

اني متحملت
عفت المكان و رحت ادورها لكيتها لابسة بدلة بيضة و يمها بناتنا
جريتها حيل لغرفتي امي عايشة ضحكت بفطارية
وعي تكول
ـ يااا خايب مو اليوم العرس شوف الوعد لج يسرى سحل البنية للغرفة لحكينا لا نتفرهد

و ضحكن عبالهن اريد اختلي خلوة الخطوبة بمرتي امي تبعتني

ـ مؤمل عيب ميصير
باوعت لامي
ـ شرطي ممنوع اي تدخل بيني وبين هاي لو نصير كاتل ومكتول

دفعتها للغرفة وقفلت الباب

نزلت بيها ضرب واني معصب

ـ لج اني تستهزأي تكولي زين ما قبلت بيه احضرلة الحضاين لج اني.. تتفقون علي انت هذا التافه

اضرب بيها نهيتها

صحت بيها هسة تنزعين كل ملابسج

وسعت عيونها وهي تحضن روحها

ـ حالًا نزعييييييييييييي

رفضت تقربت منها الزم البدلة من الزيك و...

يتبع

نلتقي يوم الخميس او الجمعة

الجزأ الثاني
#خلف_الشناشيل _حكاية ٧
دمج صقر البوادي و الاحفاد
الحلقة السابعة نار وشرار
نار وشرار الليلة
حبيبج اجة بكل حيلة
عين الصكر بالخزرة تشبه عيني

ويلاه يا بوية اليوم اسوي اسواية
ولا اجوز ولا اهيد

والراية عليه معكودة
الساعة صارت سودة
كل الطرق مسدودة
الياخذج من عندي اعتبري منسي...
حبيبج و تدرينه ما يلزم شاهينة
وين اليغثج وينة العب لعب بسنينة
ــــــــــــــــــــ
مؤمل...

ـ اريد اراويج شنو الاستهزاء و التنمر..

انت شلون تكولين علي يمه يريدني مرة واني اشبعة جلاليق و حتى من جان زغير جنت اشطفه.. وهو يرد عليج اتخيل اذا يزوج هذا الزعطوط ميندل منين ياخذ مرته وتردين عليه حتى يمكن بعدة ميصيرجهال عندة تلمحيلة ما اكدر اسوي علاقة وي مرتي مووو؟

ظليت اجفص حجي من ورى القريته ومو مؤمل يترك ثارة ويسكت...
نويت على كريم اولا حرض انتصار علي ثانيا مبين من الحجي ديحاول يستغلها يوصل لنشوته دون متدري من خلال يطلب منها نوع الحجي التحجي الي.

فهمتي معنى كلامه براسي يريد يجرج لكلام اباحي... السادي يتونس بيه براسج. غبية انت
هنتيني وهنتي كرامتي تآمرتي علي. و احتاليتي وقشمرتيني

ظليت اضرب منهار لدرجة احس كد.. العصبية مكمت احس بجسمي تنفسي زاد..

ضربتها على ايدها صرخت و طفرت ورى وهي تتلوى...

صوت ابوية

ـ ابني ليش تضربها افتح الباب شبيك عفت ربعك مثل الثور واجيت تنوطح غير نفهم شصاير

صحت

ـ متفقين كاتل مكتول متدخلون يابة اعذرني كلبي مورم دخيل بختك..

اسمع ابوي يستغفر واني اصلا كلامي وي نصرة بصوت منخفض صرخاتي شبه مكتومة مريد يطلع الموضوع خارج نطاق الغرفة

بس صوت بجيها توسلها وصرخاتها بين انها تنضرب مو اني اعتدي عليها وهنا فهموا مجريتها حتى اكمل عقد الزواج. جريتها لسبب قوي..

اصيح واكرر من بين سنوني وعيني على الباب الي يندك...

ـ مثل ما هنتيني اهينج الفرق على طريقتي ومحد يشهد اهانتج غيري..

رجعت اهددد...

ـ متنزعين مو...؟ كتلج نزعي خل اشوف الناضج جسمها الي تتباهة علي ومحتارة شلون تتخلص من الطفل خل اشوف خجل الأنثى.. التخليتي عنه من كريم دفعج على سندج وحزام ضهرج ابن عمج

جريتها من مكان حميم بصدرها الي وهمست

ــــ كل مغرياتج متحرك مني شعره لأن بصراحة مشوف بجسمج انوثة هااا احجي شتحسين من افصلج واتنمر واستهزأ
شلون تكوليلة اصلا هو طفل محس بجسمة شي رجولي ولا املكلة اعجاب ما خجلتي هي هاي تربيتنا الج ما خليتي ابوج امج بلة ذول يستاهلون بس ما فكرتي بأبوية ولج كضة عمره يدللجن وفنة ابن امه اليحاجة نصرة ونضال..

جا خليتي سيد عبد الله واسمه بين عيونج..

وسفة والله...

ظلت ساكتة بس تنحب معدها حجة ولا مبرر و تدري غلطت غلط فضيع.

شوي وهي تفرك بيدها تتفحص ساعدها بألم..

..
ـ مؤمل انت الخليتني بموقف لا احسد عليه يمعود ما ارغب ازوج واحد اصغر مني

نهيت علي... ماكو حل خفت وقتها تخرب خطوبتي ردنا نبرد همتك مترجع لمن ازوج اني اسفة ادري جرحتك من اراسلك وادعي احبك...

بس غصبا علي شسوي مخليتلي اي منفذ الا الاحتيال

كضيتها من ركبتها..

وعيوني احسها نار وشرار.. و هي تهمس

ـ خشمك بدة يرعف...

ـ هة.. ميهمني... عساني اموت وتخلصين مني..
بس الي يهمني..
احتاليتي... و لعبتي بمشاعري صعدتيني للسما

اخذت خاولي من حمامي.

و كعدت رافع راسي اضغط خشمي واني احجي جروحي الامي

ـ عشت احلا ايام حلم جنتي.. و كلت تحقق حست بية وبمشاعري

ـ خشمك اذا مو ثلج ميوكف النزف
تحجي وهي تشهك تبجي.. عفية انسى الصار اعترف غلطت و هل تشوف حيل تأذيت حوبتك طلعت بية و دعوتك ما وكعت من السما وصلت و اني تبهذلت..

متوجعة من ايدها وهي تبجي تصيح ايدي موتتني خليني اطلع مؤمل فترة ونفسخ مينفع نستمر و الثقة معدومة اني هواي جرحتك متنفع تبقى تنتقم والله و تأذيني اني ما ازوج بعد خلاص.. اكعد واسكت..

هي تحجي واني دوخة وراسي موتني بس رجعت اضحك بقهر امسح خيط من الدم بجفيتي.

و صوت متوجع و قلب مجروح.

ـ ليش انتصار.. ردتي تكفين شري لعبتي بمشاعري.. فوتناها الج بس شنو عذرج تدزين حجينا اله احجي شنو العذر من يصنف ويجرج لحجي محلو.
شلون هنت عليج اذا مو كحبيب كأبن عم..
كرجل كشاب انت حسبيها شلون هنت وهيج تتنمرون

لج كل البينا ثلاث سنين.. شلون جنتي تشطفيني لو...

سكتت
و طلعت نقالي عدلت كعدتي و طلعت الحجي

واني اقراه الها

«..... ـــ حياتي نصرة شنو الاخبار

ـ جنت وي الزعطوط نلهي شسوي حبيبي. نكف شره.. بس اتغزل بيه و اريد اتقيأ

ـ كرطي قرص نعناع ههههه بس عاشت ايدج اي بلة شكلتيلة

ـ نفس الي كتلي عليه بس تدري احاجيه بالغزل واني تلعب روحي يمكن اتقيأ مكدر اتخيل نفسي زوجة لغيرك.. لو لمنو لمؤمل و الله امور مو مال احجيها بس تخيلت شلون ازواج نصير شو لعبان نفس

ـ ههه قصدج جسمه ممكتمل من ناحية * و ميونس*****و*****و*****(الحجي جريء صعب اكتبة و دا احاول اخلي جرئة وسط وانتم تفهمون )

ـ عيب شلون تحجي يمي هيج ترى ممتعودة المهم انت افهمها يعني شلون يصير يزوج ... احس الشغلة شاذة

ـ احتمال حتى لو تزوج هذا الزعطوط بهيج عمر شيفهم اثارة المرأة او حتى يمكن ميندل شلون ياخذها ومنين هههههه.
ـ هواي تعيد حجي وتكرر ما احجي بهل سوالف استحي شبيك..»

.
.
.

دنكت وهي تفرك بيدها.. و همست

ـ هو يحجي هم عائلة كلهم هيج حجيهم مرة امه من اشترينا الجهاز و اجت على مود متعلقات العرس والله مؤمل هذا اسلوب حجيهم شعلي لو تدري شكلتلي اكلي وسمني شوي مبيج لحمة لل.. استحي اكلك شحجت حتى امي ردتها عيب هيج تحجين...

مسحت خشمي وكمت منهار وتعبان اي تبرير ما يشفع الها...
ظليت اقرالها باقي حجيهم حتى فشاير يفشر هي تكلة عيب بس هو مستمر وطالب منها علاقة بالدردشة على انهم عاقدين هي ممجاوبتة بس كل حجية تشوفه من يوصف امور لاجل هو يوصل لنشوته

اخر شي كايلتله من اصير ببيتك عود سوي اليعجبك

و راجعين هم ياخذون من غيبتي

الي اذاني اخر دردشة القاضية جانت

قريتها و احس خشمي يفور... راح يرعف مرة ثانية

«... ـ كريم حبي تدري لو اكلك شيكلي مؤمل مصدك حالة والله...

عباله احبه ميته بيه يكلي كد ما احبج اتمنى اسويلج من النجوم قصيدة انثرها بشراينج حتى تحسي شكد احبج

هذا مؤمل يا كريم كوة متحملة واسايرة ما ارزلة..

لعبت روحي من غزله... اكلك راح انهي وياه

ـ لا.... استمري ونقليلي شتحجون دخلي بالعمق وياه

ـ يا ما اعرف عيب والله شيكول علي

ـ هو مراهق شبيج بس انطيه الاوكي بس ضروري تحجيلي شحجيتم

اريد كون كلش عميق

ـ ادري متغار و بعدين حرام شنو يعني عميق وي مو زوجي لا ما اكدر ليش احسك تتوني على الي ادزة وتريد اكثر شنو الفلم..

وراها تاركة الدردشة ثاني يوم كاتبتلة

ـ سويت الردتة كتلة كون اني يمك وزوجتك واصير بحضنك..

بس والله ارجف واكتبلة بعد ما اعيدها

ـ هههههه عبالج هذا علاقة لو حجي عميق هذا لاشيء بابا اريد تفاصيل..

ـ انت ما تغار تحجي صدك وبعدين اني مكدر ممتعودة اولا وثانيا مؤمل يستحرم...

ومدري ليش تلح على هيج حجي...

شتستفاد
ـ اخابر واكلج شستفاد اتونس كلش..

الظاهر مخابرين وراها كاتبتلة

ـ سديته لان معجبني الكلتة عيب وحرام.....»

ظلت مدنكة واني احرجها بحجيهم

جسمي يرجف كد ما معصب

ـ اذا اراويهن لاهلج شنو ردهم برأيج؟

احجييييييييي

ساكتة..... وبس تفرك ايدها المتوجعة وتهمس
ـ مؤمل ايدي خل اروح

ـ تدرين اني اختلف عنج الله يشهد مشهرت بيج برسائل الي تحتالي علي وناصبة على مشاعري محد عرف.. لمن بلغت ابوي

لازم احجيلة توقعت كريم حيستخدمهن تهديد...

ويطلع روحة مرتة الخاينة تحجي وي ابن عمها وهي عاقدة

ابد مفضحتج. بس انت شسويتي شنو بينا تنقليه اله هو الغريب العار الديوث الي معرف شلون قبل يدزلي خطيبتة وبذمتة توكعني بغزل ومشاعر تتلاعب بيها

شلون قبلها وانت شلون قبلتي على نفسج ما اعرف وين تربية ابوي للأسف التعب بيج حرام..

هواي تعب ابوية على مودج انت واخوتج وسام ونضال ابوج كاضيها بالدول وابوية المبتلي

شنو جازيتينا يا انتصار عار وخيانة وفضيحة واخر شي حتى سندج خنتيه بعتيه للغريب الي يحرضج الديوث يحرضج يا عزيزة گلبي و اكبر جرح مر بحياتي

يحرضج علاقة حرام وي ابن عمج يتونس يكلج على الحجي يتونس فهميها لو مزوجج هذا و ما كاشف وجهة بليلة عرسكم الاسود..

يمكن يتاجر بيج لانه ديوث بس الله سترنا وكشفه..

بس نزلتي من عيونا و صعب ننظرلج بعد مثل قبل صعب يبنت كلبي وعشكي صعب وياريت اجتث حبج من جذور كلبي

شوي نويت شغلة اهينها كلش مثل ما هانتني بكرامتي و بعشكي ومشاعري وبرجولتي مبقتلي هيبة ولا شي

كضيتها من خصرها سرخت من الالم

طبعا امي ورى الباب مسكتت تتوسل و ابوية يصيح على هاشم...و اخوتي

استعجلت بلي اريد اسويه

فتحت سحابها بدلتها بردان محتشمة نزعتها وهي تتوسل من الالم مكدرت ابد تقاوم سرحت البدلة على جسمها للكاع تحيط بيها وهي بنصها

باوعت الها جويات منتشرة وهنا تخبلت
ـ لازمج شايفج لج احركة والله...

هزت راسها

ـ جنت لابسة كلبية اراويك ياها ضامتها والله من فوكها حتى مزرفة تزرفت

شفت ايدها وحيل تأثرت

رغم غضبي بس نبض بيه عرج الكرامة تبقى عرضي واني الك يا كريم.

صار الثار ثارين.

بس كدرت اسيطر على نفسي و استهزأ منها احسسها بشعور من احد يتنمر ويهمش ويستهزأ

ـ هو هذا البعتيني على موده تاركلج اثار تبقى وياج تذكرج بسوء اختيارح يا انتصار، وهسة شنو مطلوب مني اتقبلج.

اضافة للحروق واثر الجروح بيدج انت صايرة هيكل عظمي لعبت روحي منج شن هاي... معقولة ازوج وحدة معدها انوثة
حتى تصرفاتج مال وحدة مو انثى

ظليت اخوط و الوص حجي انتقم لكرامتي الجرحتها بس كلبي مدمى من شفت شمسوي بيها و خفت لا تكذب خاف شايفها اموته والله زين هو زوجها لا واذا ما اتحمل غيرتي لو بقت وياه و مصار الصار شلون تتحمل تجي خطار لهلها وياه وهي بحضنه و عشكه لا ما اكدر اهج
ظليت هيج احجي بداخلي وارد على نفسي

ظليت اروح واجي وهي مبينة دايخة تطوطح بوكفتها تلملم بشتاتها.

بداخلي سوالف مكدر استهزأ اكثر لك هاي حلمك انت تختلف شلون هيج تسوي
بس لااااا تستاهل ليش هيج جرحتني

رجعت اتذكر حجيها لو اريد احجي مثلها مثل محاجت غريب عني ادمرها بس لعبت روحي من فكرة انو استهزأ بحبيبتي.. لذا مكدرت استمر انطيتها ظهري

و الباب تفلش و سجاد يصيح

ـ تفتح لو اكسره... جاي تضربها... لان جبرناك مو ولك وعدنا عمي هاي امانة نحتويها و نسترها نحافظ عليها ميريد بناتة لغرب بعد افتح لا صير ثور

صوت شجاع هم ظل يهوبز

ـ ولك بس اطلع مو سبية عندك مو سبية خاف فرحان سترتها طز بيك اعلمك.. شنو الخلاك تضربها.. خاف رغبة ابوي تناسبنا ترى ما تذلنا سمعت وراها ثمن اخوة ياكلون الطفة..

حتى عمي اجة

ـ مؤمل ابني افتح شسويت للبنت و الله مريض لا تزودها علي... ادري مقهور بلي صار بس ابني عمك اني احترم شيبي.

احس بمرارة بداخلي همست الها مجاهلهم.

حتى ابوي تجاهلتة

ـ احتمال يصير اقتحام لبسي انسة وطلعي برة... ساعة سودة حبيت وحدة مثلج وورطوني هسة بيها لا انت امان ولا ثقة ولا كد مسؤولية حياة زوجية واطفال للاسف هذا حظي ونصيبي و مجبور بيج.

شمرت السترة و ذبيت القميص واني انزل بكيس الملاكمة بوكسيات اطلع كل قهري
ـ لجج طلعي لا اكمل عليج و اكسر عضامج عضمة عضمة.. ما اريد اشوفج..

صوت قفل الباب وهي تطلع تشهك من وجع ايدها دخل سجاد ولزمني يهز بية

ـ شسويت مخبل..

رديت ببرود

ـ كلش..

ـ شنو كلش ولك

ـ مخبل

وضحكت.. بس مو ضحكة فرح ضحكة وجع بلاع موس صرت مكدر افضحها عفية يا نصرة خوش لكيتي اليستر عليج سوالفج

فكرت احصر الموضوع بينا اني وياها.

خفت عواقب مستقبلية ومردود سمعتها علي..

مريد احد يدري معرف بس لكيت الافضل هو كتمان الامر..

دارني ويشوف خشمي رعف مرة ثانية

ـ مؤمل خشمك...

صوت طبة وصياح عمتي كمرة

ـ يمة بنتي ماتت الا لا ينطيك مؤمل
مولاي عبدلله سيدنا ابنك ميريدها ليش عقدت الهم والله ماتت البنت..

دوخة اجتني اريد اوصللها...شبيها...

انتصار...

الأحلام حلوة و الخيال تمرين رياضي للعقل..

راحة من الافكار العلمية والعملية ومن تعب الحياة

هروب.. للحظات مثل اي فسحة الي يستنشق بيها هواء نقي..

بس....

اذا صار الخيال و الأحلام فايروس من الاحلام اليقظة الي نتمناها.. تتحول لحقيقة وواقع نعيشه..

هنا الدمار.. وهنا من نكوم ما نميز بين واقع و خيلا ونتصور ممكن نكون داخل ايطار غلاف قصة..

قصة رومانسية البطل الشرير اى قاسي الي يطلع من خلف ضباب الحياة.. و الي يتغير بس يوكع بحب البطله وهم واكذوبة صدكتها و دخلت نفسي بمتاهات..

لدرجة الصدمة بواقع يختلف عن عالم القصة

اني من بيئة صح متشددة ومحافظة بس اغلب افرادها بيهم العاش الحب وبيهم التزوج حبيبه.. و ردت اسير مع السرب بس فجأة لكيت نفسي بدوامة ومتاهة كطير خارج نطاق السرب

تدمرت حياتي بسبب غباء اوهامي بسبب اني صدكت الخيال والوهم و اعتبرته حقيقة...

وكعت بيد حاقد سادي دمر حياتي. و حولها لحطام

صرت موضع شبهة و فقدت ثقة اهلي بية

.. منهارة وصافنه اباوع لنقاط المغذي. الي ينقط من الكيس للسيروم..

صوت ضوضاء المرضى وي اهلهم..
و صوت عمي وهو يلوم مؤمل.

ـ الصار صار ابني والفات ماضي اجة وقت فتح صفحة جديدة ضربتك للبنت رادت تموتها بعد لتعيدها كل هذا لان املتك وراسلتك حقدت ضميتها ورى العقد وضربتها لو اكو سبب ثاني..

صوت مؤمل بكتمان

ـ امور خاصة يابة بيني وبينها ياريت متحرجني اكثر هي تعرف زين شسوت وافضل السكوت..

ـ ابوها يسال شسوت وهيج دماها.

ـ كلة محد يدخل بينهم..

ـ ابني اذا تظلمها اني اوكف ضدك بنتي هاي مو بس بنت باقر خليهة بعلمك..

ـ هة... ماخفي اعظم خلوني ساكت احسن.

رفعت ايدي امسح دموعي عمي يدافعلي واني المذنبة اني المخطئة

ـ اروح.اجيبلها شي تاكلة بعد ما دارولها دم خلو مغذي نسبة دمها نازلة اكيد من المشكلة لليوم متاكل..

اااخ لا ام تتابع ولا اب يحرص شصير اني لمنو ولمنو...
ـ ابقى يابة اني اروح اكو مطعم

قاطعه

ـ لا ابني انت هم تعبان....

بس راح عمي ابوية اجة يباوعلي بخزرة و يستغفر و خلا طلع

امي تعدل الجرجف تغطيني خذتني بردة بسبب فقر الدم و تكسر بكريات الدم بسبب سوء تغذية..

دخلمؤمل درت وجهي وشهكت مكدر اخلي عيني بعينه..

ـ عمة كلمتين احجيهن واروح للبيت لان تعبان ممكن تعوفينا

امي باوعتله

ـ كوة كاضين خوانها اذا غلطت مو معناها تسبيها وتظلمها وتطكها شسوتلك اذا ابوك جبرك تعقد عليها لا تطلع بيها قهرك و النبي ترى وسام والولد يكطعوك تكطع

ـ هة.. ممكن ثواني احاجي مرتي رجال يريد يحجي وي مرتة عوفينا رجاءا

ركز على كلمة رجال وخزرني دنكت ابعد نظري عنه

طلعت اتهز ايدها معاجبها.

ـ تصورين اسكت لكريم.. ترى محد يثنيني والله اطلعة من جوة الكاع الي معارفي هواي نص البصرة تعرفني و تشتري خاطري الي عرف محافظات والله اوديه ورى الشمس واراويه الامهات شخلفت وشربت

شوفي ولج دربالج تحجين وحمدي ربج الزعطوط الي معاجبج ما يفضحج لان تسميتي باسمه لان هو سندج اني عكسج انت بعتيني وانطيتي بيه بس اني مسويها اني اعرف شربى ابوي عكسج البعتي تربية ابوي وتعبه.

خلا و طلع صحتله مسمعني.

شفت بيده لصقة تالي عرفت هو متبرع بدمه من هيج وجهة اصفر دايخ و تعبان..

فاضل...

شفت مؤمل كلش تعبان سندته

ـ عريسنا تعال اخذك للبيت لازم تاكل تعوض الدم الي تبرعت بيه و هم نسولف

رفعلي راسه وابتسم

ـ ولا ارتاحلك سبحان الله

ضحكت

ـ هم حظي مكعد وياك شنسوي

ـ يمتى تسافر تاخذني وياك

ـ عوفك من السفر انت مرتبط هسة و عود من تزوج تعال انت ومرتك انت طموح و تريد تدرس الافضل

ضحكت

ـ وربك اريد ادخل فنون هذا اخر قرار.. بس لخاطر ابوي احس على دمي وادرس كلية زينة

ـ لوتي.. خلي الرسم هواية يا امولي

اخذته بس مو للبيت ورى ساعة اتصل ابوي
ـ فاضل ابني اخوك وياك لو رجع وحدة
ـ نعم يابة اي اخذته وياي
ـ ما كلك ليش هجم على. البنية محمود كال جان يكلب بنقاله فجأة كام واستغربنا شبيه

ـ لا محجة شي بعد مؤمل صندوق مغلق شيحجيه
ـ اوف يمتى ارتاح هاي التايهة والله لسة مصدوم بأنتصار..
و منا مرت سجاد امها مريضة كلش حيسولها قسطرة

ـ خالتي مريضة؟
ـ اي اتصل خالك كلش مهموم و متأثر ابني وكفتكم وي خالكم..

ـ يابة تدلل...

ـ عفية ابني هسة سجاد راح الهم..

طبكت يم الكورنيش.

التفتت لمؤمل

ـ شوي نتمشى واخذك للبيت وراها اروح لخوالي

ـ لا فاضل لا تشيل هم اريد انام تعبان العروس مكلولكم يمتى يطلعوها

بعتب كتله

ـ انت مفلشها تفلش منا عدها فقر دم يمكن يبيتوها الليلة مؤمل الضرب مينفع ترى خليها ببالك..

هز راسه و ذب حسرة
ـ احجي،خوية فضفض همك

باوعلي و سكت

ـ بكيفك ظل مهموم كلت عود تفضفض

ـ فاضل ما احجي شي امور خاصة بينؤ وبين زوجتي.

ضحكت من كل كلبي

ـ اوو فدوة منو هذا ابو زوجته

باوعلي بخزرة

ـ لا تستصغرني انت هم

ـ مممم جني فهمت انتصار جفصت بحجاية على العمر واستصغرتك و كتلتها مو؟

ـ بابا فاضل شنو هل فضول. عوفني

ـ خب انجب صوجي اسألك

انتجة على الجامة براسة وسرح بفكاره

بس وصلنا اتصلوا بية توفت مرت خالي جعفر بسكتة قلبية مفاجأة حتى ملحكوا يسولها قسطرة

عفت مؤمل بالبيت ولفت بسيارتي لجهة خوالي

مؤمل..
دخلت البيت الجو صيف بشهر السادس بنهايتة تقريبا

لاكتني امي... يسرى

ـ ها يمة شلونها

هزيت راسي اي و محجيت

ـ يا اسم الله شنو عود هاي

ـ تعبان يمة ما بية احجي اريد اسبح وانام لعبت روحي مستشفى جراثيم

هنا امي عايشة كالت.

ـ جنك ابوك.. صاير كلش. مثله توهوس شدعوة ابني

ـ يمة عوفني ثنينجن

عايشة :
ـ يا يا... هيج مؤمل بسيطة ولا احاجيك.
يسرى
ــ يمة محمد و عبيس امشو يمة هذا صاير اخوكم ما يتحاجة عود كبر ،وعقد شوفوني.

خليت ودخلت غرفتي ادري يجن فقفلت الباب احس جسميكوة شايلة مبية ابد اي نقاش وعتب

اخذت الخاولي وسبحت بمي بارد ورفعت راسي واني احس بدوش المي يغسل وجهي بس مكدر يغسل الوجع الي بكلبيولا ينضف جرحيمن شوائب انتصار..

شهكت متحملت اكتم ونحبت جوة الدوش

الكلمة الجارحة تخشن خاطر و انتصار حيل خشنت خاطري

طلعت بسبالمنشفة وشمرت نفسيعلى الجرباية وغمضت عيني

عايشة

اتصل بية السيد بلغني بوفاة ام نور ولا مصدكة هي كلش مهتمة بروحها لدرجة تبين لسة زغيرة

الله يرحمها انقهرت على بتها يارب احفظلي ولدي ستتهم اني اعتبرولد السيد ولدي الله يشهد حتى علاوي اشوف بيه عباس لان اصغر من ابني بسنة من جيلة

شوي واجت مكة

ـ بابا راح لخوالة اخذ امي وما قبل ياخذني حسين هم راح كلي روحي لبيت جدو

حضنتها

ـ تعاي ماما ليش ملابسج وسخة ما يصير يا امي

ـ بيبي اريد كلبية مثل حوراء

اشرت على عيوني
ـ من هل عين كبل هل عين تعاي شوفي ششتريتلج

هنا نزلت ورود و اعترضت

ـ ترى انت بيبيتنا مو بيبيتها شو جيبيلها اكثر منا ليش عود

ـ عيب ماما. انت اهلكم ممقصرين بسهاي بحال اليتيم واهلها عايشين لاحكة البنية على النفانيف الي اشتريهن الها شعجب ما اخذوج لفاتحة بيبيتج

ـ مارحت... بابا ما قبل كال هسة هوسة باجريجي علينا اني وحوراء

دخل شجاع...

شجاع
دخلت لكيت ورود تلاسن مرت عمي تحمحمت لان جانت بتراك ضيك و دون حجاب

درت ضهري

ـ العفو ما ادري

بس انصدمت بوقاحتها

ـ لازم تدك الباب تستأذن هو حتى الرسول جان يستأذن قبل لا يدخل بيت بنته.. بس شيفهمكم..

نترت بيها بيبيتها

ـ صعدي غيري ملابسج و جيبي اختج وتعالن يمي لتبقن فوك وحدجن..

اااخ هذا هم قهر سجاد يمتى اشوفك مثل هاشم رزن وتحسب حساب كلشي شوف تربية هاشم وتربيتك

ردت ورود بوقاحة على بيبيتها

ـ اي صندحيح مو لبنى هججت اخت هذا...

داير ظهري بس ليشحسيت اشرت بصبعها علي والله احس عيونها زرفن ضهري

خليت وطلعت مبقيت شنو هاي متنجرع

ويحجون على خواتي وهاي غير مسترجلة عبالك ولد وشقاوة مو بنية

عمتي صاحتني

ـ يمة هلا وين رايح كرير.

ـ عمة اروح لا وحدة تصيرلي جودو كراتيه مالي خلك وكحات

ـ يااا صدك يمة تحجي على بنية سويجد ليش يمة

بس ترخصت معتذر
ـ اسف اروح

ورود
ـ كبر،والله وبصفة كشر موز تزلك وتوكع بيه

شوفي بيبي ما ينجرع هذا وينه وين حسين شكد رزن

التفتت هنا عليها وخزرتها بنظرة رغم بلا حجاب ولابسة حصر بس حجيها الاخير كلش نرفزني
خليت وطلعت معصب

لاكيت عمر يحوم على بيت خالتة
ـ ترى مو هنا راحوا فاتحة

باوعلي وضحك...

هزيت ايدي ودخلت
ـ عاب هل شكول هذا شنو من اخلاق و علاوي ملفيه شو نحاجيه يكول اي بسيطة اطرده و كلشي ماكو ثور مسويته مرته..

مؤمل...
سكنت منطقة كريم اريد بس اوكع بيه الا افلشة تفلش،

لميت ربعي بيوم و كلمن دراجتة

تبعناه بسيارتة وجبرناه بمكان يوكف نزلت و اني اذب الخوذة

جنت لابس بدي مرقط قوات خاصة ربع ردن ضيك و الوشم بارز

و محمود و مهيمن و من ولد عمي شهم و منصور و غضنفر ذول من فترة تقربوا مني

غير ربعي السختجية الصايعين

باوعت لكريم نزل من سيارتة

ـ اهااا ابو راس الاحمر روح اشرب ممة شخبار الحوووب نصرة رضعتك بعدها

هنا شطت من حجايتة
جريتة من ياقتة و طحت بيه بوكسيات

ـ اجيت اراويك الزعطوط شيسوي اراويك ابن السيد شيسوي الا اكسر عضامك

دكيناه كتلة كسرتة تكسر وميهمني بعد شيصير
سحلناه و ذبيناه بعيد عن السيارات

محمود رفسة بين رجليه
ضحكت

ـ ولك لا تكطع خلفته
ـ عساه اليندك بالزعيم نحركة حرك

ـ قصدك الزعيم السابق لاني تنازلت لصادق
يلة نروح كبل لا الشرطة تكمشنا

رجعت اله
ـ دربالك تسوي اي حركة من حركاتك او سوالفك والنبي اعلكك على جسر الزبير

صاح مهيمن

ـ يلة مؤمل لا نلزم الناس،بدت تتجمع

ـ ماشفيت غليلي
طلعت جكارة ورثتها وكعدت ارصع بيه و بخدة و بكل مكان

التفتت لولد اعرفة دومة يشيل ياي

ـ طيني الياي

ـ لك شحسوي

ـ وعد وعدته بداخلي لشخص اخذ ثاره

اخذت السجين...

و شخطت ايده

مديت ايدي و اخذت نقاله لكيت عندة نقالين اخذتهن

الناس بهاي السنين تخاف متدخل لو ينقتل كدامهم اي شخص...

يراقبون بصمت كل بالهم عصابات مليشيات وهسة بالهم تصفية لحزبي

كلشي يضيع والدم مهدور والله فكرت اقتله ودمه ضايع بس مريد اثم و اوسخ ايدي بيه ميستاهل ادخل نار بسببة

ورثت جكارة و فتحت بنطلونة وبفكرة جهنمية رصعته هناك وهو يصرخ لحكوني اشعل جكارة واطفيها هناك

ونزلت بيه بوكسيات هناك باماكن اعرف حسببلة عجز
اني رياضي واعرف اماكن اذا ضربتها يسبب شلل عضوي بهاي الاماكن..

كمت واشرتلهم

ـ يلة بساع و رجعت اباوعلة
ـ دربالك تشتكي لو تحوس على عشاير مرة الجاية استخدم السجين و*** فهمتني مووو

هاااا شلونة الزغير ان شا الله كفى ووفى وراواك الويل

ركبت دراجتي ولبست خوذتي و اشرت لربعي يلة.

لليل اندك الباب امي اجت تركض

ـ ابوك طلع للباب ولك شرطة عليك شمسوي هااا شمسوي،

يتبع....

يوم الجمعة او خميس اذا اكو نت عندي

حسب طلبكم بارت انزل وهذي امكانيتي مكدر اطوله اذا اطولة للخميس لذا احداث قليلة بس مركزة
كلمات البارت ٣٥٣٣

اعتذر اذااكو سهوا او حبكة غلط قصة جدا متعبة تحتاج وقت وتركيز
تصبحون على خيى

♡الجزأ الثاني
#خلف_الشناشيل_حكاية ٨
♡دمج بارتات صقر البوادي مع الاحفاد
بارت بعنون
꧁ما تريدني꧂

مؤمل....
بغرفتي انعزلت مجروح مهموم بس كلبي ينبض بحبها قصايد..

كعدت احاول افتح نقاله و اشوف شبيه بس مينفتح حاولت وياه اخاف افرمتة و ويروح كلشي..

ردت ادخل وسام بالموضوع هو مهندس حواسيب وعمي بالخارج ماخذ شهادة معهد برمجة

بس خفت لا اكو شي يدين انتصار

اخر شي قررت من الافضل ما افتحة..
و ابقى ما اعرف شبيه بعد

اخذت النقالات وصعدت على سطح سجاد خابرت سويدانة

ـ اني على سطحكم تعالي بلة و جيب صبانة و جاكوك

ـ ليش؟

ـ هذا اليش

شوي واجة ووياه مهيمن و فرزدق

ـ شنو هذا؟
ـ اكسرهن كبل لا اوديهن مكتب يفك الرمز الي باي طريقة

سويدانة:
ـــ اكلك زعيم... هسة كسرنا الرجال وما نعرف شسوالك على نفس السالفة لو اكو جديد..

باوعتله
ـ صادق زعيمكم.. انتم شلة خونة

رد مهمن..
ـ بشنوا خناك مؤمل ترى الصار اوامر عليا من القائد الاعلى للقوات المسلحة جدي.

ضحكت
ـ لو يسمعك..

ـ هسة كللنا شضام علينا
ــ اشياء خاصة مو كلشي لازم تعرفوه.

طلعت الرامات

خليتهن بجيبي فاتني ذن زين مكسرت النقال وي الرام...

ظليت اضرب النقالات و سويدانة على صوت الجاكوك يبزخ بجتافاتة و يلاكيه مهيمن
ضحكت
ـ صايعين مو بيدكم شدسون....

سويدانة
ـ كسر كسر... للكاع للكاع مهيمن ركبة ركبة

هزيت ايدي
مؤمل:
ـ و الغسل والله.. خلفة كلها تافهة الله يساعد ابوي على سجاد و اولاده عدا صادق وفرزدق

باوع فرزدق الي..

ـ همزين ما ركصت جاي اوكف ع ايدي واهز رجلي على انغام تكسر موبايلات كريم

ـ اششش الجن الأزرك مريده يعرف...

ـ غير انت صرت رامبوا نزعت الخوذة و حاجيتة...

ـ ما الك علاقة ميسوي شي جبينه شبيك... و عندي اليشهد احنا وين جنا وقتها

ـ ما تنكدر

ـ سويدانه بطل بزخ...

ـ فلتت البراغي مال جتافي مو بيدي..

ابتسمت وباوعت لجهة باب السطح و كلت

ـ هاي شنو زيزو شجابج بهل ليل

صار احمر محمود ووكف و تلفت مشاف احد ضحكت ضحكة صدام شايفها بالفيديوات و تعجبني اقلدها وضربت جتفة بيدي
ـ هااا. هة هة هة هة... زيزو شيجيبها للسطح بالليل اثول...

لميت بقاية النقالين و شمرتهن بالحاوية ونزلت وسويدانة وراي

ـ زعيم مو هيج والنبيوكع كلبي كلت هسة تكول علي قرقوز يتمركص...

ـ ليش انت مو قرقوز؟ تذكرني بكيكي الله يرحمها اكلك مو صادق كال يسويلها ثواب شو غلس كلنا ناكل براسه...

ـ فلتت من فاتحة بيبيتي و صادق شايل الفاتحة وي ابوي.. يم عمام امي..

احنا فلتنا يمعود بفاتحة خالتي تبهذلنا..
هاي غير تصنيف ولد عم امي علي كلة يصيحوني جدو محمود لو يجيبون صورة جد جدي... و يكلولي يشبهك عقدوني والله حلكي اصغر... واني افتح منه..

متت ضحك عليه
ـ انزل لا يضل بال امي علي.. وانت تباتون يمنا

ـ لا... الليلة بحدنا و للصبح بلي... محد يصيح ناموا بس جوة جدي يضل يفتر مناوبات خاف منام...

ـ اني ميحاجيني

ـ انت ايس تنعدل فتركك..

هزيت ايدي ونزلت...

ـ ها يمة تعال ابوك يدورك يكول من يختفي يخوف...

باوعت لاعلى الدرج سويدانة واخوتة يتمضحكون غميتة

ـ مو عيون ليزر.. خرب حظي بس كم باية نزلتهن حسدتني يلة ارتاح السيد بالة وياي

مريت على ابوي هل ايام ينطيني محاضرة تمهيدية للزواج

ـ اكعد يابة ليش واكف..

ـ مرتاح يابة

ـ ادري امك جابتك واكفة اكعد اشوف سويت الكتلك عليه

ـ نسيت يابة

ـ مو كتلك قرب مرتك منك كلمة حلوة على هدية وسالفة ترى البنات تحب الحنية

طبيعة الانثى عاطفية و تميل للي يدللها..

ـ يابة خاف احجي و تزعل... هو غير دلالك للبنات قوة عينهن
تحمحم ابوي

ـ لا ابني.. شنو هذا الكلام..
صح دللت بس مو معناتها مربيت. .. محد معصوم من الخطأ..

رديتة
ـ خطأ عن خطأ يختلف
ـ ابني.. الله يشهد ما قصرت اكو شي جديد ضامة علينا كول اني مو بس اب الكم اني صديق

رحت درت وين كاعد و بست كصته
ـ ربيت وتعبت ودللت لو ندور كل الابهات منلكا مثلك اب
بس حجي العبهن على غيري على سويجد فويضل يتقشمرون بهل دروب

وخر ايدي عن جتفه وكال
ـ تادب شنو دروب شنو العبهن وين كاعدين احنا..
حجي الشوارع لتحجيلي ياه مفهوم..

ـ حجي تريد تعرف ليش ضربت انتصار ادري بيك ايام تلح... حجي من الاخير ما احجي
حجي اروح تعبان..

ـ ومرتك؟
ـ شبيها؟
ـ نفسيتها تعبانة و ذول اخوتها رجعوا نشبوا وياها

ـ ما يحقلهم طلعت من ذمتهم ووصايتهم لذمتي.

ـ اسال عليها ابني مر عليها اني لو ما عيب اجيبها يمي بس من عقدتم ما يصير..

رديت
ـ شنو المانع حلالي هي وزوجتي

ابتسم من كلت زوجتي..

ـ خطيبتك ابني..
ـ يمتى العرس ترى مستعجل عرسلي لا اروح سماوة ناصرية واعبر على بغداد و السليمانية يكلك نسوان السليمانية موش نسوان صواريخ متنقلة

ـ اركد.. مو زوجة خالك توفت

باوعتلة ولفت الحجي
ـ خالي لؤي ماتت مرتة شو امي مكلتلي
ـ خالك جعفر
ـ مو خالي خال اخوتي فاضل وعلي

ـ يعني هم احتراما لاخوتك بمصابهم ميصير

رديت ضايج
ـ ان شاء الله هم انتضر سنة بس كول غيرها

ـ خل يفوت كم شهر..

ـ اروح انام واشبك المخدة لو انزل كيس الملاكمة احضنه ما وراك تنطيني مرة مرتي وضامينها عني..

ضحك ابوي
ـ يا لوتي اسمعني اريد البنية تتعود عليك و تاخذ عليك بس انت مدا تتعاون طلعها ونسها جيبلها هداية كلمة وشعر وغزل وربك اسبوع تتعلق بيك خاصة نصرة بنية عاطفية شوكعها غير هل مشاعر والخيال العايشتة

ـ هااا تريدني اصير الها قصة من الجانت تقراهن وراكم بس لازم اصير قاسي اول ابهذلها و اطيح حظها وبعدين احن واغازل و ادور حب وياها هيج نمط القصص التقراهن..

ـ صدعتني ترى اخذهذا مصرفك وهذا مصرف لمرتك انطيه ياه و بين منك مو مني حسسها عدها رجال متكفلها و يصرف عليها..

ـ ما اخذ منك لا مصرف الي ولا الها اشتغلت وي علاوي عامل. بس شفت شغلة شحيح و و كلش بالدين يقبض يسدد لذا اشتغل عندك انت كريم و تبحبحها وياي اني صاحب عايلة على وشك زواج

ـ صاحب عائلة؟! على وشك زواج شلون رهمتها بلة...

ـ رهمت هههه

ـ زين اشغلك بس كافي تهمل مرتك.. طلعها ونسها... خلاص زواجكم واقع انفرض تعايشوا وياه و لازم تقتنعون بامر واقع و هي حتحبك على هل اساس ترى الرجال بالتعامل يعلم مرتة عليه و يكسب حبها.

ـ يابة كلامك ممعقول.. شنو تتعود علي هي العمر كلة تعرفني هذا اولا ثانيا لسة اني مجروح منها يابة دخيل بختك.. بس هم احاول اجاوز اخر جرح مضموم بكلبي وافتح صفحة وياها ولو مكدر انسى مو بيدي

ـ متكلي شسوتلك...

ـسلامتك يابة... بس مال تعال عودها قابل اتوسل بيها والله طز بيها احاجيهة تقبلت اهلا متقبلت هي خسرانتني

ـ افهم يا غبي. سويالي اعلمك ياه لصير عقل ثخين.. اختلفت هل مرة تنظرلك كرجل مو كابن عم تلعب وياه بلي ومصارعة واجي اني اشحتكم واكلكم ممنوع الاحتكاك.

ـ هااا... يصير خير.. بس عيب تكلي تنظرلك كرجل حسستني قبل لا اعقد عليها مكنت رجل

ـ روح يابة من يمي لا افلش ساند الورق على راسك الثخين مشوفك كل صف سنتين.. شلعت كلبي ما اتحملك

خليت وطلعت اضحك ورحت الى غرفتي واني اطلع نقالي اكلب بالاسماء «نبض روحي»

خابرت.. يدك ماكو..
ضربت كصتي نسيت نقالها سحبة عمي..

شوي وجاوب عمي
ـ شتريد مؤمل
ابتسمت بأحراج
ـ هيج عمي اسلم عليك. انتصار شلون صارت
ـ كول تريد تحجي وي مرتك نسيت مرجعت نقالها
ـ رجعة واخذه منعت منها هاي النوعية باجر اجيبلها نقال بس للطواريء او خاف احتاج اخابرها بشي

نقال ميدخل بيه نت. ولا برامج عادي

بضوجة كال عمي
ـ المرة مرتك براحتك ابني.

و ذب حسرة و صاح
ـ الحر.. تعال بابا وديه لاختك و كول لامك كلاص جاي.. راسي صدع خل تغش تخليلي شوي شكر لعبت روحي من المر

ـ بابا ممنوع لاجل صحتك

تالي ابتهد صوت عمي وهو يحجي مبين الحر طلع بالنقال شوي صوت مملي بجي و مبحوح
ـ ها مؤمل
ـ امداج احجي عدل.. تعلمي من زوجج الي هو اني يخابرج تكليلة شلونك غلاي شلونك نبضي شوي تلوكي مثل النسوان حتى تمشي امورج ترى مجبورين نكابلج العمر كلة قابل نكضيها ها مؤمل لو بجي

ـ مؤمل مترهم نزوج.. ما اكدر.. يعني ما اتخيل شلون يصير احس نشاز

اني انجبرت اوافق...

رديت بجرح والم
ـ اني هم مجبور انت انت.. صدك.. ما تستحين وتحجيها بوجهي..لج لو تدرين شسويت لعيونج بس متستاهليني

لا وفوكها ابوي يكلي حببها بيك شو اكلج طز بيج

سديتة و شمرت نقالي على الفراش وهجمت بعصبية لكيس الملاكمة واني اصرخ

ـ ااااااااااااااااا

اضرب بوكسيات دون ما البس كفوف الملاكمة

ما همني الم بمفاصل صابيعي

شوي واميدكت الباب...

عبد الله...

اندك الباب وطلعت المسافة للباب الرئيسي بعيدة...

ركضت لان صوت سيارة نجدة وخفت لا صاير شي

فتحت الباب

شو اندفعت عايشة وراي ركضت من سمعته

ـ وين مؤمل العبد الله
ـ مؤمل عبد الله.. ابني شبية

ـ اقتحموا البيت بلا اذن...

هنا طلع مؤمل و هو يمشي بثقة..

ـ هييي...رجال جبير تدفعوه الله اكبر،

اجة واحد ضرب مؤمل...
ـ انت مؤمل؟

ـ اي.. سيدي شصاير..

ـ عليك شكوة محاولة قتل.

رد مؤمل يباوعلي باستغراب

ـ اني. يابة كللهم لسة ما اعرف اذبح دجاحة مو بعد ديج

تبعتهم للمركز واني ما فاهم شي

تالي عرفت كريم متعرض لتهجم من ناس و متهم مؤمل..

اني ابني اعرفة مو مال سوالف عربنجية و ولدنا مؤدبين سيدي...

هذا كريم يدور ثارات انطيناه بتنا مصانها خابرتالولد حيجيبولك التقارير كلها الطبية وحتى انسجن وقتها بس تحولت قضية عشائرية وطلع

شوي واجه سجاد شاف مؤمل راد يهجم

كضيته و خزرته

ـ سويتها ولك يلصايع...

صاح الضابط
ـ شنو هاي سوك جمعة هواي ولدك مؤدبين اسكت لا اوقفك.

وجه كلامه لسجاد.

انطيناه التقارير

باوع لمؤمل..
وظل يحقق وياه...

مؤمل ينكر

ـ سيدي لكاها فرصة يتهمني.. وربك كلة لان راد نرجعله المحروسة بت عمي و مقبلنا ولان عقدت عليهة...

شد وياي و يجوز كل الصار مفبرك

كام الضابط و اشرلنا نطلع

ننتظر برة ونسمع الضابط يحقق وي مؤمل

بعد منعونا نواجه مؤمل طلعنا من المركز اصفك ايد بيد

ـ عليمن ادعي على نصرة يومية مشكلة من ورى اختيارها لو كريم الهتلي شلون وكعلي الولد... يعني مؤمل الي ما يعرف يأذي نملة شلون يتبلون عليه.

لازم نشوف محامي..
سجاد...

اباوع لابوية سوى مؤمل ملاك. بين فاضل و هاشم توهم وصلوا
ـ ها.. ما طلعوه

رد ابوي بتحيز

ـ شيطلعوه متكلي وكريم التافه متهمه.باطل
يعني تعقلوها مؤمل هيج يسوي. ابني اعرفه مو تربية شارعوعصابات

باوع فاضل
ـ يابة مؤمل من يعصب يفلش الدنية مو مرتة كسرها نومها مستشفى

باوع ابوية النا و هاشم
ـ يبه ليه تطالعنا جذي حنا مانا نكص عليك..

رديت
ـ اذا انحكم ست اشهر سنة وي غرامه وتعويض للمجني عليه
لا تنسى هو حدث تعتبر جنحة مو قضية لأنه مبالغ سن قانونوني يحكموه اصلاحية

رد ابوي
ـ اوزن مؤمل عداله ذهب واطلعه ابني ميدخل محكمة احداث ولا اصلاحيه حتى تخرب تربيته و يطلع مجرم شتترجى من اصلاحيات الي بالعراق هاا شتترجى

ـ يابة هدي.. هم جنهم لكوها فرصة على مود فلوس لا غير. مو خسروا بيوت و خسروا فلوسهم.
ـ بيا مستشفى؟
ـ يمكن التعليمي.
ـ اعالجه على حسابي وانقله للموسوي الاهلي.
ـ بس يابه.

ـ هو اتهم ابني لان عقد على انتصار بس اني اتفاوض وياه ولا اخلي مؤمل يضيع.

شفت عمق حب ابوية لمؤمل اعترف هواي غرت

هسة لو اوكع مكانه هم هيج يتنازل عن مبادئة بس حتى يخلصني لو اني يطبني طوب..

ضميت غيرتي.. اذكر جنت ما افارك حضن ابوية بس من اجوا ذول الزغران ووياهم هاشم التهى بيهم.

طبعا رحنا لاهله و حاولنا وياهم قافلين حتى ابوية عرض يعالجة على حسابة رفضوا ومعرفنا شنو الغاية...

شجاع.

كعدت الصبح لكيت نصرة اليوم احسن و تنظفوي زيزفون رغم ايدها لسة ملفوفة
الاشعه طلعت رض و ايام وتشيل تجبيرة

بيدها السليمه بفرجة من ريش تنضف الصور.. و الحايط.. من اتربة

وزيزو ترتب بالديوانية
منصور.. و شهم وغضنفر اليوم خانسين

ـ شبيكم
ـ مؤمل انسجن..

ابتسمت احس بينا منافسة لان فرق شهور مو سنة رغم كل واحد منا بسنة اني نهايات ٩١ وهو بداية ٩٢ يمكن اكبر منه اني شهرين

ـ هاي نتائج الطلطة. الله يساعد عمي. ولد مو مأدب.
انتم لا تتعلموا منه هواي اشوفكم تلتقون بيه..

التفتت اريد اطلع تلاكيت وي بنات سجاد.

ردت حوراء
ـ اجيت العب وي نمر بلي نمر موجود

رفعتلها حاجب

ـ نمر ما يلعب وي البنات المدنفشات خوش ضعفانة استمري..

خجلت و صارت حمرة حوراء كلش هادئة

عكس العكربة الكدامي..
واكفة لابسة تلبيسة جوة الركب وجواها بنطلون..

ـ ليش ملابسة عباية جدج ميقبل هيج تطلعين

رفعت خشمها وكالت
ـمطلعت للشارع اجيت من الباب بينا واني ملابسي عريضة و التلبيسة جوة الركب بنطروني،مو حصر وجاية بيت جدو باقر انت شعليك قابل سيطرة كاض الطريق ترى جنسيتي بالبيت.

رديت واني فرت منها مكروهة
ـ وشكتلج.. احترمي نفسج خاف شايفة روحج ام خشم المكطوم.

خلت ايدها على خشمها..

ـ اصلا حلو خشمي على بابا اني اشبه بابا كلش بس شعري على عمو هاشم.

ــــ لا توصفيلي روحج..
دخل حسين اني طبعي سريع البديهة لاني استمع اكثر مما اسولف.. او انتبه اكثر مما التهي بس حجي.

شفت ورود عدلت وكفتها اللسان الرشاش صار ناعم الصوت العالي انخفض
الخدود توردت العيون لمعت..

ـ هلو حسين شلونك شعجب ما تمر...

ـ و الله يا وردة حتى من خلصت اىفاتحة مرتاحينا الجادر منصوب اسبوع ترى امج توها دخلت البيت..

ـ يعني ماما رجعت اني بابا ياخذنا الصبح باةفاتحة يرجعنا بالليل بس مقبل ورى ثالث يوم اىفاتحة نروح بقينا يم بيبي عايشة

ـ وردة ليش حاجية على مكة قربنها منجن كبرت ترى
ردت بنعومة

ـ يااا هلا بيها شعدنا وياها بس هي عدها تصرفات تجبرنا واختك ما تسبح الا لمن تفوح ريحتها

دنك حسين منحرج ورود خلت ايدها على حلكها من جفصتها
حسين كلي
ـ سويلي طريق

ـ فوت البنات لابسات حجاب

ـ جاي على الولد نريدهم بشغلة لمؤمل خو ما نتركة

ـ والله يا ابو علي خل اكلك من الاخير اليجي من ايده الله يزيده كون يسجنوه بالاصلاحية يتربى..

ـ انت تدري ليش انسجن..

ولك تحجي على الزعيم لانه زلمة من ظهر زلمة تدري شسوى.. اخذثار اختك يالأثول واخذ شكو دليل عند كريم..

ـ همجي.. هو هذا اسلوب ولد مؤدب مجمع عصابات

ـ شوف الموضوع محصور بينا الكبار ميدرون اذا وصللهم اني خصيمك ترى..

اكو ناس حتشهد.. و نطلع مؤمل. ربعنا هواي..

التفتت ضايج من الاسمعة يعني هم حلف كذب ودك القرآن انه ممراسل اختي كذاب و عليه الاثم وهم اكيد متواصل وي جربزته على شهادة زور

وينك مولاي تقبلها!

اجت عيني بعين انتصار وراي تستمع للحجي
اني وياها منتحاجة. اني بالمرتبة وراها عبالك رويسية رغم اختلام الام.

حنيت لهولندا لاقارب امي اتواصل وياها ووي بناتها بمثابة خالة الي احسها

بس ابلغ سن القانوني محد يمنعني ارجع لهولندا كرهت هنا ناس تتنمر حتى على الاسم تعيب..
ختمت الموضوع
ـ لا احجي لا اكول شعلي.. بيكم بس اخوتي خط احمر..
ـ اخوتك شاركو يا عزيزي بلشي المسويته انت يا جبير يا غالي.. الازغر منك اخذوا ثار اختهم..

ـ انتم اغبياء اني افكر احسب النتائج..
ـ لو باقية النقالات يم كريم اكيد يستخدم اشياء ضد انتصار و يدمرها نهائي
مؤمل ميحجي بالعقد جان بيدة نقالة فجأة هجم تصور شنو وصله و انهار مؤمل وخطط يربي الما يتسمى وياخذ جهازه

واذا طلعناه تدري كريم باطل وشهادتنا متعتبر زور

هزيت ايدي
ـ اي خوش...

دخلت للبيت وورود سمعتها

ـ عوفك منه هذا شايف روحة مغرور وعود مثالي هو.. لو بيه خير اخذ حق اخته مو انتظر مؤمل يربي كريم النوب اسمه شجاع والله يا الله

درت عليها

ـ شكلتي ولج.. الا اربيج تدللين..

ـ لا بلة خوفتني..

ـ شوفي.. هل لسان اكصة لو لا..

من يوم خليت ببالي ورود.. اكسر خشمها.

وكلبها الي يعشك حسين.. يمكن اناني بس هي الي بدت...

فاضل..
مر يومين و مؤمل موقوف تحقيقات وشهود كلشي وي مؤمل...

و ما نعرف شنو السبب بالأول كريم رفع دعوة و بعدين ورى يومين تنازل عن الدعوة..

فجأة دون سبب ومبرر يتنازل

طلع مؤمل وهو يضحك..

ابوي مخليتة يستلمه كلت كل ما يجي يحتد وي الضابط و خاف يعرقلي خروج مؤمل...

بس شاف ابوي حضنه

ـ حجي الك وحشة

ـ كلي يابة ممسويها مو..؟

ـ شسويت يابة مسويت شي...؟

ـ لا ضيع تربيتي انت هم عوفه للمخلوق مؤمل اكيد مو انت المتهجم عليه..

ـ لا يابة..ابد..

ـ وداعتي يابة كول وداعتك مو اني..

شفت مؤمل ذب الوان...

ـ كول وداعتك يابة...

دنك مؤمل..

ومن رفع راسه ابوية ضربة راشدي

ـ كول مو انت كول.. لك زامطت اخوتك مو انت طلعت معرف ابني شنو..

ظل مدنك.

ـ مو اني يابة

ـ احلف بمعزتي عندك.

ـ ما اكدر يابة مرة وحدة حلفت كذب مكررها بعد سواءبالكذب او الصح...

هنا تدخلت
ـ يابة اترك النقاش للبيت..

بس وصلنا نزل ابوية و فتح الباب الورى و جر مؤمل من ياخته.
و هو يجر بيه

ردت اتبعهم بس اشرلي..

ـ ابد.. روح بيتك ترى واصلتلي
ـ شكرا على الطردة
رد وهو يفتح بابهم

ـ العفو..

مؤمل...

شبعت طن كتل.. مثل الي موصين بيه انضرب. لو ما اخاف تتأزم قضيتي الا اخلي كلة براس هذا الاصلع..

جان ضابط و شايف روحة. ولك لو اريد اقدم كلية شرطة واصير ارجل منك والا اجي اخذ ثاري..

بس ابوي ميقبل....

الليل بالتوقيف.. وي ظلام و اكو شباب اليكبسل الي داعم شخص وممتقصد والمراهق الي لازميه بامور فساد...

اثق بمحمود وحسين يدبروها. احنا مخلين لكلشي احتياط....

و متفقين انو يدبرون شهود الوقت هذا كنت وي جماعتي بكهوة صاحب الكوفي
هو صاحبنا بالحقيقة

و خلينا ولد ابوه جبير بالداخلية واله مكانة
ان يكون هذا ورقتنا في حال تعرضنا للحبس

شكد رادوني اعترف على الي وياي...

انضربت حتى بوكسيات مو وجه و الله خارطة العراق الصماء صار
بس تعال يا ايها الطالب المثابر حدد اين الجبال الهضاب التلال الي صارت بشكل بقع زرقاءمن ايد السيد للضابط لفاضل

شطلعت هاي....

المهم مكدر السيد ياخذ مني حق ولا باطل..
كالعادة بيوم الجمعة تلتقي الاحباب والعائلة

صادف طلوعي من التوقيف اربعاء ابوية اجل الذبيحة للجمعة

تجمعت عوائلنا...

نساعد البنات مجبنا طباخ.

اصرت بيبي ام باقر الا هي تطبخ..
هل ايام خطية تحن لأمجادها

البنات يسون كلشي هي كاعدة على تختة كبالها الصفاري و جواهن دافور

واني مكتف ايدي منتجي اراقب من بعيد نصرة

الي متعبرني.. مجروح منها هواي شناقصني وهيج تعاملني لو تفتح كلبي وتشوفني شكد احبها متتجاهلني هيج..

احسها تجنبني. بسيطة.. هي مو مرتي وخطوبة شو حتى مكالتلي الحمد لله على سلامتك صارلي يومين من طلعت وهي ولا كالت اشوف رجلي احاجيه..

جان وسام يمي ردت اجفص اذا اكلكم هاي الشغلة ما تصدكون نسيته اخوها وجاي اكلة اذا احضنها و ابوسها خو ما عيب و ميصير قبل الزواج

جريت بريك كبل الجفصة اروح اسأل فاضل...

لاااا هو لااا سجاد والنبي يسببولي فضيحة وينصبون علي

اني ادري مو حرام و عادي.. بس اكول عيب خاف ميصير.. ببيت ابوها و احضن ابوس يعني حسيت احترام لبيت ابوها

بس كلش عجبني اجرب وياها بلة الحضنه سويتها جنت معصب وقتها ونسيت المباديء و الحدود..

ايدها مجبسة وتشتغل. الخفايف

رفعت وجهها اجت عيونا تلاكت.

دارت وجهها عود زعلانه لان ضربتها يمكن
بعد فوك حكة دكة

اجن ببالي حجيها وي كريم قست ملامحي شفت تباوعلي وتبلع ريكها وبان خوف بعيونها من خزرتي

ورى الغدة رزلنا السيد اني و الشباب عدا صادق

هنا شفت كلها تسأل شمعنى فرقه عنا

انتصار ابوها بطلها اني مقبلت مو بكيفهم

بذمتي صارت و مستحيل اسمح لاي شخص يدخل بحياتنا..

هي طلعت دور
ثاني ....

بيوم الامتحان يا الله تلاكيت وياها...

صراحة بعد اخر مواجهة تجنبت... التقي بيها التهيت اشتغل.. ردت اسافر ناصرية بس ابوي مخلاني كل باله يخاف لا اطفر

تركت انتصار بقاعة الامتحان

اباوع لساعتي افتر بالجامعة ساعة كاملة مليت اتصلت بابوية كال ارجع اني اجي

طلعت اريد اركب تكسي اروح
لشغلي اني اشتغل وي ابوي بعد ما رفضت يصرف علي اني و مرتي

بس ادري بالحجي حاسب كلشي يعني اني عامل بالمخازن خلاني و ينطيني راتب

زين ادري حسب مسؤوليته كاب تجاهي بس ميريد يكلي حتى لا ارفض المساعدة الي يخليها فوك الراتب

انتصار ادز مصرفها بيد امي بالبداية مقبل عمي بس ابوية خابرة حقها شرعا حتى لو مو ببيت رجلها مدام متمكن ليش ميصرف عليها

شكد حاولت انسى الجرح و اقرب انتصار مني واخذ نصيحة ابويبستجي ببالي الرسائل و انهضم و ابتعد بس الى متى

اذكر بيوم حاولت افتح صفحة جديدة جانت جاية لهاشم يشرحلها الكرمر لانها اكملت بيه هاي قبل فترة قبل الامتحانات

ورى مكملت و هاشم وقتها تعرقل سفره بسبب لازم ياخذ موافقة لنضال واقامة زوجية..

فجان صديقه فيصل يسعى اله بهذا الامر..

لكيتها كاعدة بالمرجوحة يم نضال كل وحدة كاضة توأم من بنات هاشم الشرفن

من كم شهر

وسام هم صار عندة ولد سمته ليلى حيدر

ردت بس اختلي بيها ماكو.. ظليت بحسرة اذوق شفايفها

ـ احم نضال ممكن شوي تعوغينا اريد احاجي مرتي

دائما من احجي بيها اكول مرتي.. مثل الي يجلب بقشاية.. وهي انها مسماية الي..

شالت نضال توائمها جنها ام البزازين شلون شايلتهم هههه
يارب من ازوج ارزقني من نصرة توأم..

كعدت يمها و اهز بالمرجوحة برجلي.

ـ ابوية كال غرفتي موقعها باتجاه ورى البيت يكدر يفتحها و يدمجها وي سويت النا...

هي ساكتة مبوزة

ـ لسة ملبسنا حلقات شنو رأيج نطلع باجر نجيب الحلقات.. و حفة نسوي

باوعت الي

ـ اذا مجبورة عليك تتوقع زواجنا صحيح

ـمن وافقتي جبروج؟

ـ تعرف شصار وابوية تمرض خفت عليه
ـ وافقتي وقتها بقناعة وعقدنا على هل اساس ترى مو انت التزعلين لان ضربتج المفروض اني ولا اباوع بوجهج
ترى السويتيه توكع بيه عكول الزلم و تنذبح ركابي.

ـمؤمل شتريد مكدر اتقبلك.. نزوج فترة نكول متراهمنا و نطلك وهاي هي

باوعتلها كرامتي هواي ذليتها لج انت شنوو.شنووو

ـ وهاي بيا قصة هذا المشهد الي تردين نتقمصة..

ـ مؤمل!
بكرامه كتلها

ـ حتى اني مريدج ومجبور خليها ببالج..
يعني طز بيج اي والله شايفة روحها ام خشم

خليت وكمت ويلومني ابوية يكلي هامل خطيبتك.. و يا ابني حببها بيك..

مو هو اجيب الحب وبسجينة افتح كلبها وادخل الحب بيه...

جاي انزل تذكرت اليوم موعد مصرفها انطيها اني اسبوعية

طلعت من جيبي ابوي اسبوعي يحاسبني يكول اذا شهري خاف مسيطر و تصرف و ما تدري وهم وصاني اجمع من راتبي

و التفت لدراستي شوي..

حسبت اسبوعيتها و ضفت مبلغ زيادة

خليتهن بحضنها ومشيت انزل

صاحت

ـ لا تصرف علي فدوة ما اريد التزامات حقوق وياك... عوفني بحالي شلزكت

سويت نفسي ما اسمع و نزلت ادري بعمي مو كلش امكانيتة و منا وسام عندة شوي بخل بحجة منعرف شيصير باجر لازم نضم فلوس

رغم اوقات يفاجأنا يصرف بتبذير

اما شجاع واخوته كل شغلهم على كدهم و ملتهين يدرسون

لذا المرة مرتي ليشاخليها بعازة الفلس.

وطبعا انطيت خبر ممنوع احد يصرف عليها غيري

دوم احاول اثبت الها فكرتها عني غلط مو طفل اني رجل وكدها..

بس مدا تتقبلني.

حتى رحت للخطوة مشي و طلبت مرادي تحبني وتتقبلني ادري يمكن حياتها صعبة وياي احبها بسزرعت داخلي شك وخوف ان تكرر الخطأ

صرت مكدر اتركها ولا اكدر انطيها الحرية

ردت البسها عباية راس... و بوشاية

بس اجلت الشغلة ورى الزواج الي حدده ابوية ببلوغي ال ١٨ يعني كال بيوم ملادي يزوجني..

وهذا اني هسة رايح للشغل بس ملحكت اطلع
الا اتصلت علي مخلي يمها نقال عادي اسود ابيض

ـ لسة ممتحنتي
افتريت ساعة بالجامعة ومليت خابرت ابوية يجي عليج

ـ حليت بساع وطلعت تعال لان هذا اجة و اني بالكافترية و هددني

ـ منو.
ـ يعني منو خطيبي السابق اكيد

خليت ورجعت.

ملكيت احد. بس هي كاعدة وصفرة

ـ مؤمل اذا نجحت ااجل ما اداوم بعد لمن هذا ينساني. يكلي اخطفج.. و الي حساب وي مؤمل لو تطول سنين اخذ ثاري.

اسمعها ترجف رحت اشتريتلها لفة و ببسي و اجيت

ـ شربيهذا جبان ميسوي شي.. اجه بس يخوفج لا غير

بس عفية من كتيلي.

انتظرتج كلت تطول الامتحان ساعتين

خل اروح ...

ـ سهلات حليت بنص ساعة وطلعت

ـ اني انتضرتج ساعة يا نص ساعة شلج بهل هنبلة

استحت وابتسمت دنكت

تشجعت من ابتسمت ولزمت ايدها افيشش الله... شكد مشتاق للزمتها..

ـ نصرة ولا طالعين احنا خل اليوم اعزمج و نرجع للمغرب

وخرت ايدها

ـ عندي مغص و توني اكلت و ارجع للبيت انام تعبانة من السهر

دنكت بحسرة واني ااشر لتكسي

ـ براحتج..

مكدرنا نسوي حفل لبس حلقات ابوية يكول استحي من فاضل لان بيوم حددنا حفل تلبيس حلقات ماتت ام حيدر