بنية كدرت تقشمر ثلاث اخوة شباب وهذا خلانا كلما نشوفها نطحنها كلما نسمع حجاية نهد عليها

فتت و هذا هم رجع يبسمر

ـ هااا خنيثة هااا.. لو بيك خير ذبحت اختك مو رجعوها عليكم..

تجاهلتة وفتت..

محسيت الا ربعة طلعولي مدري منين حاوطوني

و اليقهر فاتن بنات ابن عمي سجاد و علي وفاضل وياهن مرت ابوي كمرة.
ماخذتهن للسوك..

و هنا الاحراج اذا ذول هانوني كدامهن كرامة رجولتي شلون بيها

تلفتت مامو لا اخو لا ابن عم وقت الحاجة يختفون

شفت امي كمرة تباوع باستغراب.

رجعوا يصفكون ويتمرون علي

، خنيثة خنيثة

غير الفشاير على خواتي.. والي يسميني سادة كلك سادة لكو..

حتى على عمي تجاوزوا

ـ عمك مسوي روحة متدين بس هو...

فشروا عليه

هنا ما تحملت صحت

ـ اليوم شيفكم مني

ضليت اضرب ومنا ارفس ومنا التموا علي وموتوني صرب ما كدرت مو جبان اني ولا خنيثة بس هم عصبة من الاولاد واني فرد واحد

كتفوني ونزل بية هذا ضرب بوكسيات

ما حسيت الا امي كمرة تدفع بيهم
ـ خالة شني ولية موتوه الله لا ينطيكم
شنو هاي شنو ما عدكم اهل
لو تدرون الموقف الي حسيت بيه يعني كدام البنات ومرت ابوي انكتلت

ضليت مدنك.. منحرج وهي ترزل بيهم
وهم يجاوزون على شرفي

ـ شوفوا اعرف اهاليتكم ولك انت مو جنت بمدرستي خاف عود كبرت بس اعرف اهلك الا اخليلكم حد

وانت شجاع شبيك يمة مهلسينك مثل دويج مهلوس ريشة

عدلت شعري واني ارتب ملابسي
و ما اكدر اباوع بعين البنات خوش من العمومة اني وانكتلت كدامهن طاحت هيبتي

تلاكت عيني بهاي وردة مدري ورود
شنو من رفعة خشم عدها متكبرة و سمعتها وهي تحاجي اختي

ـ زوزو ولد شطولة و شكبرة ذول الاقزام السبعة سحلوه هههه لو ما عيب راويتة الشدجاعة من اعلكهم مدالية وافرهم واشمرهم

ردتها زيزو

ـ شنو حبوبة طلعتي خارقة ومندري
شجاع فدوة لعينة اسم على مسمى بس غدره كثرتهم

ردتها ورود
ـ شو خايبة دسكتي.. هو اخوها سوه
طلي وهي تكلي ذيب ...

اختنكت من حجيها و ضحك فاطمة بنت فاضل و مكة الي كالت

ـ خطية ليش تحجن عليه الله يعابيجن ان شاء الله..
ورود: اهوووو هسة شجابج ويانا لزكتي وتتفلسفي وكفتنا طولت رايحة كدامكم

مشت واني الزم امي كمرة

ـ عوفيهم.. يولون

هم من لسان امي كمرة شردوا اخر شي
رزلتهم و هددتهم و حلفت الا تروح لاهلهم و تسويها عشاير اذا جابوا طاري نصرة

جريتها

ـ يمة الله يخليج امشي انفضحنا منمن اريدها من صياحج لو من نصرة الي خلتني بهيج موقف

هنا ردت
ـ كون صدك بعد يجيبون طاري بنتي اوصلها للسيد الا يملص ركابيهم خاف ما بيك خير

ـ هم انت علي اروح احسن

ركضت مبتعد و بفوتي بورود مدري شنو الخلاني اسوي هاي الشغلة دون مفكر مديت رجلي وعثرتها وكعت
اكو بركة مي و طين تطينت وهي مصدومة تباوعلي باوعتلها

ـ شبيج شكبرج و شطولج و توكعين مثل الجهال..

ردت معصبة

ـ يا حقير تعمدت لو بيك خير طلع شجاعتك ع الولد مو البنات

تركتها اضحك و اسمع امي كمرة

ـ ورود شجاج انت هم ولج فشلتونة امشي كومي بنية شطولج تكومتي بالخيس.

رحت بيت عمي سألت على انتصار لسة مقهور كون الزمها اكطعها تكطع

شفت العلاكة حلويات البيدي و شفت حوراء بنت سجاد

ـ هاي الج

فتحتها فرحانة

ـ بس ابوي السيد ما يقبل يكول رجيم

ـ يمعودة هي علاكة مشكل حلويات شماكلة انت اخذيها بسكتة

ردت
ـ لا عيب و حرام اغش ابوي السيد

هاي اللحظات خففت غضبي جنت ناوي اسحل نصيرة اموتها كلما اذكر ضحكت علي وخلتني بموقف اتعير من وراها.. بدي اخنكها

بس صوت عمي منعني. مكدر اصرف وهو هنا.. اله هيبة و جودة سلطة بحد ذاتها
عبد الله :-
- عفية بحوري الحلوة الي ما تغش ابوها عبد الله تعاي هنا

ركضت حضنها و هو يبوس خدودها ويكرص بيهن
ـ جاي ينزل وزنج. و راح اخذج دكتورة تغذية.. و تحاليل نسويلج هم
و اشتريلج شتردين من العشار

ـ اريد اللعابة الي بيدها عود كتاب وتقرا انكلش

ـ صار شكم حورية عدنا هي وحدة..

هنا طلع مؤمل من غرفتة و هو يصنف..

ــ لا يابة غلطان ما عدنة حورية وحدة عدنا حورية دبل فاليوم حورية تربيع كول تكعيب.. دبة حميسة
ام الغود..

اباوعله كالعادة يفتح دكمة الثلاثة الفوك نظاراتة شمسية مخليهن على شعره شلون طوك

لابس سنسلة مدالية صقر من الفضة...
لحيتة بنية بيها لمعة احمر رغم شعره احمر ناري درجة من الاصهب...

انتبه علي اباوعله...

ضحك و رفع ايده اشرلي ب هااي..

هزيت ايدي لا يا سربوت..

عمي حاجاني

ـ شخبار شغل ابوك
ـ تمام..
ـ الحمد لله.. بعدة على الحبوب ترى دزيتة طبيب بس لا هم ترك العلاج

ـ لا الحمد لله ورى سالفة انتصار شوي شوي ترك..

ـ اي خوش ابني كرار.. ليش وي اختكم مهججيها..

ـ يابة انت ما تدري بشي ضحكت علينا خليني ساكت وهمي بكلبي والله كلما اشوفها شكد ما اضرب ما اشفي غليلي و بعدين ما مؤدبة ترادد و تضربني لسانها طويل...

هنا تدخل مؤمل وهو يقلد

ـ يا حريمة انباكت شوارب الزلم بيدين النسوان

كورت قبضة ايدي و لو ما عمي يصيح اضرب مؤمل

ابوية حرك شريحتي.. حتى لا يستخدمها بس فاتني الرام التهيت بالمصايب وتذكرتة من بدة يلمح برسائل...

نقالي بجيبي رنة رنتين وصول مسج...
فتحت النقال و رقم جديد..ورسالة توسل و بنفس الوقت وعيد...

« ترجعيلي يا نصورة ترجعيلي ادري غلطت بحقج والله اعوضج لج مجنت ادري هيج متعلق بيج و احبج.. ادري تحبيني ادري بيج تدرين حتى اختي التزوجت دون علمنا سامحتها شفت نفسي شكد احبج ومريد اظلم احد يحب.. جنت شارب صح ما اسكر بس يأثر بتصرفاتي صدكي ما جنت بوعيي من عذبتج و الله اذا بقى التجوي اثر اسفرج عمليات تجميل لايدج الشوهتها ولكل رصعة جكارتي الي اذتج اذا بقى اثر»

محتارة... معقولة يحبني صدك.. زين والسواه فكرت افتح الحضر واجاوبة بس خفت من اهلي والله يذبحوني ويطعموني للكلاب.

زين وعائلتة. كلش فري هسة اكو ناس هم متحررة بس بحدود الادب و الاخلاق.

سديت النقال ورجعته لجيبي و اني اذب حسرة قوية

شلون انسى تعذيبه. عقدني اصلا وكرهني بحياتي بسببه مكدر ارفع وجهي من امشي يتخيلي الناس تأشر علي هاي الرجعت بليلة عرسها...
هاي المشكوك بعذريتها وهواي حجي ناس ما تخاف الله.

لو الي يكول لو ما بيها شي مرجعوها و اكيد عمها سوى فبركة يستر فضايح بنت اخوه...

جبت العار لاهلي.
رغم الناس الي تخاف الله ميحجون ولا يتشكمون يتحمدون السلامة اني طلعت من ناس و مصايب شكبرها

كل هذا يريد كريم انساه و ارجعله وزين منو الي يرجغني اله بعد..

صوت برة على السطح...

ـ خوش شمس وينج صقرة

نفخت على كيف لا يلكاني ناقصني بس الزعطة استغفر الله هذا حضي مو هاي لبنى واحد اكبر منها ورومانسي و كلة عيني غزل و حب حتى ما عاقدين..

مو حظي.. اعرفه لو بنات خالاتي الله يستر عليهن النوب وين القسمة الزينة و حدة تزوجت مهندس يشتغل بالامارات و سافرت...

شوي وصار هدوء...

مسحت وجهي وطلعت

كمزت على صوته

ـ الصقار... يصبر ويصبر لمن يصيد صقرته.

احتمال ساعات من الصبر. و احتمال شهر كامل بالبادية بس النتيجة صقرة شقراء مثل صقور الحر الذهبية او الاشقر..

استغربت حجيه

هزيت ايدي وهو يعرج وراي

ـ هذا التراك لتلبسية بعد ضيك.. و تدرين ابوي ميقبل هيج لبس كدامنا الولد...

شو انت هواي مستخفة... وين انتصار الي اعرفهة من طفولة.
ولو هو هاي انت واحلامج الودتج بستين داهية تلفج.

ظليت ساكتة يستفز حتى اعاركة

باوعت لتراكي طويل و عريض وي الركب البدي مالتة

و عريض شنو بعد سواني متعرينة كدامة

يا رب وين اروح دكيت باب لبنى..

بس مؤمل دك الباب ثلاث مرات مجاوبت
ـ بس لا هاي بيها شي

فات جفت...

وهي كمزت... جانت متمددة عيونها بالسكف و تلعب

باوعلها بشك..

ـ شحنت تسوين..

ـ ماكو شي.. شبيك مؤمل..

ـ مكمطتني و تصيحيني مؤمل اني عمج...

ضحكت بصوت يرجف و بين ارتباك بوجهها...

بكلبي كلت... خرب غيرتي حسدتها معقولة شبساع..

شفت مؤمل يعرج جر النقال منها..

ـ فتحيه اشوف..

هاجمت هي
ـ شلون تدخل دون دك الباب. بلة جنت ابدل..

ـ دكيته عيني واكثر من مرة بس جنتي مندمجة الظاهر هواي.

ردت بساع وهي ترجف البنات يخافن من مؤمل كلش اكثر من عمامهن البقية...

لان يدرن بيه من يفقد اعصابه ما يتزن تصرفه...

ـ سوالف بنات و بعد تعرف

ـ فتحيه ليش بيه رمز..

ـ بس عمو عيب تفتح نقالب هذا شي خاص بية

باوعلي مؤمل و طردني..

ـ طلعي..! من شفتي دا احاسب بنت اخوي تطلعين... لو هية بس فرجة

خليت طلعت شعلي.. شو هن مبخوتات قابل شراح يسويلها. يذبح ويصلخ شو كلها بس يمي تصير زلم.

رحت لكيت نضال.. وهي تمشط لولدها..

ـ يلة نزلو يم بيبي عايشة

صاح التوم الزغير
ـ لاااااا اسمها ماما عايشة بيبي عيب

ردت
، لا ولك هي ام ابوك يعني بيبيتك

ـ لا ما يصير نكلها بيبي يجي الذيب ياكل لسانة نكللها ماما عايشة

هنا هاشم ضحك

ـ اااه ايوااااه يويل حالي يا نضال امي وعمايلها شفتي كيف تخوف اليهال..
عشان يتموا ينادوها ب ماما....

خليتهم يضحكون و ظليت محتارة ممرتاحة ببيت نضال رغم ممقصرين وياي بس لبنى عدها نوعا ما تسلط..

يعني كون من تريد تختلي اطلع..
ظليت افكر وين اروح ارجع لاهلي اشبع ضرب

انزل يم عمي مؤمل يكابلني..

هسة شسوي.. اريد اخذ ملابس واسبح.

رحت اخر شي كعدت بالاستقبال اباوع مسلسل... مدبلجة.

اشوف الحب والرومانسية الي محصلتها..

صافنه على الابطال...

و نزلت دمعة من عيني شيصير لو هيج احصل واحد يحبني ويزوجني واحد شخصية جنتل... و ينجن بحبي
و يدللني يعيشني احسن عيشة كلها حب ولطف و عاطفة

اتريك بصوته العذب من يغازلني بقصيدة و ينومني بحضنة يهدهدني بخاطرة

بس اااخ.. حظ ماكو.

سمعت مؤمل يحاجي هاشم.

، انتبه لبنتك مدري شجاهن بناتنا هواي يدورن عشوشة و اغصان يطيرلها..

ـ وش بلاك مؤمل..

ـ مريد تتكرر شغلة انتصار حذرتكم محد سمع..

ـ يبه في شي..
ـ لا.. بس هذا المزنجر ابن سيد ساهر يمتة يشرف يخطب..

ـ شلون انت قائد و تصرخ وتتباجة انت الزعيم هسة ولازم متبين مشاعرك ولازم تكون قوي

ـ مالي حيل القوة. راحت وي كيكي

ـ لا تخليني العن ابو كيكي وابو الجابها وورطنا بطفل مثلك. شكد مراهق انت لا والله طفل...

وسعت عيني وبين انتبه مؤمل شنو حجى

ـ اعتذر بس نرفزتني تولول تبجي جنك طفل. كافي.. انت زعيم..

هنا اجة جدي و هو يحضني ويبوسني

ـ اخذك وياي العطلة جاية مال نص السنة اونسك ببغداد شتكول.

ـ بس كيكي

، نجيبلك غيرها ذكر شتكول
ـ يابة خاف فرحان ماتت جانت تعشقك والله اني افهم عليها تحبك

كتم جدي ضحكتة ودار وجهة

ـ ابني اني محبوب شسوي حتى القرودة تحبني

هسة شنو تريد بس لا تبجي..

ـ اريدها تتغسل تجفن تندفن دفنة لاىقة مو مشمورة بكارتون هاي عزيزتي

ـ صار بيدي اغسللها واجفنها بعد شتامر

ـ تندفن هنا بالحديقة وتبنيلها قبر

ـ لا ابني خاف مو زين تاذى.. ناخذها بمقبرة الاطفال شتكول... بحي تموز

اكو مقبرة للاطفال..

ـ اي خوش.. و يمتى ما اشتاق نروح

ـ صار بس وعد ما تبجي تصير قوي كدامك الحياة يا صادق كدامك التجارب والصعاب.. تستلزمك القوة

رديتة ودون قصد جفصت

ـ اني اعز كائن كيكي خسرتة وكلبي موجوع.. زين يابة خليك مكاني اذا تفقد امي عايشة لو ابوية لو عم من عمامي شنو موضعك
هم تكون صامد...

صفن بوجهي وهو يستغفر

ـ استغفر الله واعوذ به من فالك.
ليش ابني مفاولني فال سيء..

اخذوا كيكي وجدي غسلها وجفنها مثل ما اريد وحتى خليتهم نصلي على جثتها رغم هم ادري يسايروني خافوا اتعارض او يصيرلي شي

انعزلت ايام لا اكل لا شرب

لمن اجاني ابوي السيد وكال عندي سفرة بشغل اخذك وياي مدام عطلة

نصف السنة.

قبلت اروح وياه جهزت اموري..

وقبلها بيوم اجت مكة.

ـصادق اني ما موتت قردتك ليش شنو يصير تتهموني

باوعتلها من ورى جتفي.

ـ معلي بغيري الي علي ببساطة يا مكة امنتها عندج امانة المفروض تهتمين بيها...

ـ والله اهتميت اطلعها تتشمس وكلشي اسويلها بس هذا هم حظي وياك وكعني و بلسانك تتهمني اني حتى عمر خليتة يروح يشتريلها و يشمسها لان امي حجت علي تكلي انت ما ساعديني ملتهية بقرودة صادق.

هنا كمت بساع و جريت كذلتها المطافرة من حجابها بكنكورة سبرنكية ملولوة..

ـ شودة قردتي عد هذا الهتلي.. اكيد سوالها شي لج هذا اخوج يكول عنه مو خوش حجاية.. مكدر احجيها يمج

ردت
ـ اخوي كذاب عمر خوش ولد اصلا شكد يشتريلي،.

لزمتها من هامة راسها و دفعتها للحايط ضربت راسها

ـ بس اسمع بيج تختلطين بيه والله اكول لأبوي السيد عليج اكله تحجي وي واحد مو خوش وسوالف عنده..

ضحكت..

ـ اي يعني شنو كلنا عدنا سوالف قابل انت معندك متعرف تسولف حتى ماما وبابا و جدو عدهم سالوفات.

هزيت ايدي... ورجعت باوعت لخدودها...

و كتلها

ـ شكد عمرج صار...؟

ـ تقريبا ١٣ ليش تسأل؟

ـ هيج ماكو شي ورى سنتين اكلج ليش... اما هسة ما احجي ابوي السيد ميقبل هسة..

ردتني

ـ اهووو مكروه ابوك السيد.. شفت شلون يفرق.. ما احبه طائفي

ـ وانت شفهمج بهيج حجي وعيب..

ـ اصلا يكره امي لانها سنية مو جاي اكلك هو طائفي عنصري لعين..

رجعت بكتاب بيدي ضربت راسها

ـ شغلتين اموتج اذا سويتيهن.. تختلطين بعمر و تغلطين على ابوي السيد..

مدت لسانها علي وغمتني وراحت

هزيت ايدي جاهل و غبية..
ابتسمت اتخيل بيوم اكبر واخطبها.

اذكر ابوي السيد من زغري يكول مكة لصادق بس صادق يكدر لهاي المتمردة من طفولتها ماذية جدي كلش.. و يكول ما انطيها غريب تفشلنا عاد يمنا اهون مما عند الغرب ونتفاشل وي الوادم..

شوي و سمعت صياح.
ركضت لكيت امي رقية لازمة حوراء ودك كتل.

هي من موت اختها كلش صايرة ما تنعسن خاف قبل شوي بيها مجال هسة كلش.

ـ كم مرة كتلج متلعبين وي الولد ..

شوداج بيت جدج باقر ها. احجي...

عمر حوراء تقريبا ١١ بس سمينة كلش
وكل ما تكبر تسمن بس حاليا ابوي السيد حددلها نظام حمية صحية وبدة وزنها ينزل.
و ممنوع تاكل الا بوجودة ..

و الغريب تخاف منه و تطبق.. ما تزغلط عليه لان مرة سوتها و تعاقبت
خلاها عدهم يوم كامل بلا اكل.

ـ ماما شصاير.؟

ببرود كالت.

ـ بيت جدكم باقر مملي ولد وهي تروح هناك المن تروح شو زيزو من عمر ورود و اني مانعة بناتي يرحن زيزو هي تجي..

بس هاي تروح تلعب وي نمر

سكتت ما تدخلت بس بعيني اشرت لحوراء تسكت

رحت كعدت ببلكون بيت ابوي سجاد

و اجت حوراء

ـ تعاي شتكول امج تسمعين كلامها زين
ـ بس العب وي نمر يلعبني بلي...

ـ امج ما تقبلةوتعلمي تسمعين كلامها

نفخت وخدودها سايحات ولغدها نازل
ـ اوووف قهر

وراحت ضحكت واني هاز ايدي..
وصحت
ـ دمبلوو د بليلة... تاكل وتثرد السمينة دمبلووو ااااهااا اهااا دمبليللة.. اها اها ام دبيلة.. باجر تكبر وتصير عگروك.
عندة خوش خدود و لسانة شطوله
يلزم بيه الزنبور. و نبلوو نبولالي دنبلو تاكل العشا مالي. و باجر بطنها تكبر. و نفاخة طك تنفجر.

رجعت مبرطمة
ـ على منو هاي.. اني دمبلو.. امداك يا ابو الحساسية ... حسحوس.

ـ اليمعة... لكن ليه تلف وتدور.. في شي..؟
ـ لا... مافي شي.. خوية بنات تنغر تتقشمر نمشي على عوايدنا خاف تنخطب بنتك للعرس يا الله يشوفها..

ضحك... هاشم..

ـ انزين و اربطها سنسال و اقفله وش رايك كمان ادفنها قبل لا تتزوج محمد اذبحها وادفنها وش تكول.. عشان جذي انه ضامن صهري ما يحصل شي من بنتي الي هي مرته..

ضحك مؤمل
، لا شلسالفة مو لهاي الدرجة بس عود نمشي على اهل قبل.

ـ مؤمل... انت فيك شي ولا انه غلطان وهكتني وايد (وترتني).

خليت و كمت دخلت الغرفة لكيت لبنى تبجي وهي تباوع لشريحتها المكسورة
ودردم.

ـ كلة من انتصار ام البلاوي ضربته بوري وعقدته خلته يكسر شريحتي هو محمد غير خطيبي. .. شلون خابرلة وفشلة وكسر الشريحة الهمجي..

رفعت راسها وشافتني سكتت

اختنكت كلش.. كلش. ..

اخذت كلبية قديفة... و جواريب صوف و حجاب ملابس داخلية من خانة الكنتور الفرغتها نضال الي..

و دخلت الحمام الخاص بلبنى.

سبحت وكملت.. اختلط مي الدوش بدموعي.

شوي صوت لبنى..

ـ ترى.. نقالج يدك رقم غريب الله يستر شحجيبيلنا تدرين صاحباتي واصللهن يكللي شبيها بت عم ابوج.

حتى بيبي ام دجلة تكول شعجب طلعت فرع اعوج دون بنياتكم يرضيج انتصار السويتيه يعم على الكل بيبي متعرف فواصللها غير حجي بس نضال فهمتها.

يعني اكو ناس متعرف و تأول سالفتج كيفها...
شوفيلج حل و الحل موجود... قنعي مؤمل ياخذج و خل الناس تكف بس تبقين هيج هسة يومية يسولج سالفة صدكي و يأولون قصص عليج. تزوجي يمعودة

باجر اني عند عيال و الله خايفة اتعير بيج.

هي تحجي واني ساكتة رجع نقالي دك وخفت لا احد يفوت ينتبه و مؤمل هل ايام صاير استخبارات..

خلصت بساع وبدلت طلعت واني اكطر مي اخذته و حضرت الرقم

و لبنى تباوعلي بعين ونص..
واني كل نصيبي اسكت..

مؤمل

نصحت لبنى التسويه غلط حتى لو انخطبت بس ما عاقدين

الوكيحة تكلي ابوي موجود هو الي يحاسبني

رزلتها وطلعت بس ورى ما خابرت من نقالها محمد انطيتة المقسوم وكسرت شريحتها

السوته غلط اذا اني راسلت نصرة من حسيت اخسرها

ردت اقنعها وهي ضحكت علي بأسم الحب

يمكن هذا خلاني ما اثق

و لازم لبنى هم تتعلم الثكل..

مرت الايام واخيرا انخطبت لبنى. وعقدت وصار كلشي رسمي منو بعد.يحجي وياها خاف تشاقيت وي ابوها و كتله امنعه ميشوفها

جنت وقتها معصب وجبت الحجي بالشقى...

داومت انتصار ورى نص السنة لأن سمعت من وسام رفضوا تستثني للاشهر البقت وحيغيبوها

اسمعها تبجي.. اجة عمي يبلغها

واكفة حاضنة ابوها

ـ اخاف اداوم والله.. من امتحنت مشوف شلون يباوعولي لو صديقاتي الي ميحاجنب ابتعدن

اسمع عمي يواسيها

ـ صيري قوية بنتي.. لازم تصيرين قوية

الحياة كلشي تراوينا والحمد لله الي طلعتي سلامات

ظليت كاعد متجاهلهم بس كل ذاناتي يمهم

ـ هذا محمد من خطب بطل من الخط لازم اشوفلج خط يوصلج

ـ عمي اني معارفي هواي كلش
و حصلت شغلة مؤقتة بالهارثة يم الجامعة

اني اوصلها وينتهي الدوام اجيبها

هنا عمي باوع و بعينه ندم واعتذار

ـ ابني انت متعرف تسوق...

ـ تكسي يودينا ويحيبنا مو احسن مما وحدها..

هنا هي كالت

ـ لا شكرا خط احسن اخذ راحتي بلة يوم تأخرت علي شلون؟

كمت واني متجاهل

ـ براحتكم.. يلة اترخص

لاكيت اني عايشة

ـ ابني ما تروح تساعد بيت ام انور اجوا وجايبين غراض وياهم

ـ تدللين...

رحت و شفت زيزو مدنكة يم بابهم شالت شي بيدها و انطته لشاب

رحت بساع عفية بنات عم كلهن مو راحة
لمحت بعيون الشاب نظرة اعجاب و بعيون زيزو خجل و ضحكة
انطتة البيدها وراحت

زيزو

جنت بالمدرسة برجعتي فتت من يم بيت شفت هوية بالكاع دنكت شلتها
الملازم اول موسى انور نشأت
طبيب عسكري

انطيته اله
مدري اكلة سيدي الضابط لو دكتور

اجت عفوية
ـ سيدي الدكتور الضابط هويتك

التفت جان معبس رخت ملامحة وباوعلي ابتسم ضحك
ـ شكرا

همسها همس
مدري شجاني ولخبط احوالي لمحت مؤمل جاي صوبنا ومنا شفت محمود السويدانة يخزر و معصب اجة صوبي
اني تراجعت اريد اروح بيتنا بس محمود لزمني حيل من جنطتي و...

يتبع

ردت اوصل لاحداث مهمة بس تأخر الوقت
لو ضالين ع دوام يوم بالاسبوع ولا محاضرات الكترونية تاخذ الوقت يوميا اكثر من خمس ساعات

ــــــــــــــ
حاشية
الطب العسكري
الطالب يطلع طب بشري اما يقدم بالاعظمية ع مدرسة طب العسكري
هنا يتعاقدون وياه يدرس بكليتة الطب المدني ع تكاليف وزارة دفاع
بشرط يعمل بمجالهم بعقد مشروط من ١٥ الى ٢٠ و ميحقلة يقدم دراسات الا بموافقتهم ولا يعمل مدني الا بعد نهاية العقد او يدفع غرامة

اكو ميقدمون ع المدرسة يكمل دراسة طب ويطوع يعمل بطبابة العسمرية

ـ انجبي دبة حميسة تاكل ومتشبع
دمبلولي...

ـ الا اكول لبابا عليك.. ما مؤدب تغلط علي...

شوي صفن...

ـ حوراء هذا مو طوك كيكي شجابة عندج. هذا اشتريته الها من كربلا من الزيارة.

ـ غسلتة و اخذتة ماتت شسوي بيه اخذت العابها الي.



رجعت اختنكت بعبرتي اللحظات الي تناسيت بيها كيكي ردتلي.

دنكت ابجي واجتني

ـ خطية تبجي عليها
مسحت دموعي وراحت...

مكة..

رحت ورى البيت شفت الابرة و بجيت... اخذت الابرة و ذبيتها بالزبالة

شوي دخل حسين و ياع عمر.

اشرلي حسين.

ـ روحي بيت جدو نبات هناك اليوم عمر شرف.. اكلك هو امي اخت امك بالكذب يعني مو صدك شلك بيها بعد يومية جاي

ضحك وراد يجر حسين الي انطاه بوكسي وجرني

باوعت لعمر بنظرة باوعلي وهو يشوف بيدي نيدل السرنجة لسة مذابتة ضحك
و حسين كله
ـ لشنو تضحك هااا

ضميت النيدل بجيبي بساع و اني اباوع لعمر و امشي و اتلفت اشرلي من بعيد ب... هاي..

اختنكت كلش بس مدري خفت منه وسكتت..

ـ حسين اليكذب الله يذبة النار هيج جدو يكول اني كذبت على صادق...

ـ شكذبتي

ـ هااا لا هيج.. اكلك اني وين انام انت يم مؤمل اني بنات عمامي ما يحبني شفت تراجي ورود تخبل.. بابا جابلي مثلهن نمت كعدت ماكو بذاناتي وامي تكلي كولي ضاعن لا تالي تنذب براسي

سكت حسين و ذب حسرة

ـ كافي عفية

وكفت سيارة.. و نزلت منها مرة جبيرة لابسة اسود تلف شال و طالعة كذلة حمرة ونضارات..

عدلت شالها وضمت الكذلة الي مطفرة من الشال
وياها شاب.. احمر و شعره يذكرني بشعر عمو هاشم ينطيه بالدم شبه

بس اللون على شعر عمو بس النوع سرح و مسرحة لورى

طويل جثل ومبين بيه شكل مهيوب تقربنا منهم عيون عسلية بيها لون ذهبي مخضر

شفت حسين واكف مستغرب من سالته

ـ وين بيت ام حسين زوجة علي الهاشمي..

ـ وصلتي منو حضرتج اني حسين ابن علي

حضنت حسين وبجت.

ـ ااخ يمة

لزمها الشاب وكللها

ـ جدة نوال.. هين الشارع

ـ منو انتم.

ـ يمة اني مرت خالك نشأت الله يرحمه..

وهذا حفيدي ابن ابني انور الله يرحمة اقدملك موسى ضابط طب العسكري

ضحك موسى وهو يلزم جدته بلطف

ـ دحكي هين جدة ماهو وقتو هذا الكلام..
.
ـ دكتورنا افخر بيك بس اخ لو ما تطوع بالسلك العسكري

ـ جدة درست على حساب وزارة الدفاع بعقد اتخرج لازم ١٥ سنة اخدم يمهم يا الله ارجع طبيب مدني..

تعرفين الوضع.. اضطريت..

المهم مو وقت الكلام خوية حسين
نريد بيت هين..

ـ اكو.. ذاك

اشرت على البيت الي كبال بيت عمي

ـ بسمعروض للبيع

ـ عجل يابة ماكو بيت ايجار

هزيت راسي ب لا..

ـ تفضلوا ليش برة

دخلتهم و امي بس مستغربة ...

بس عرفتها حضنت موسى

ـ ريحة اخوي الما شفته

اما عمر صفن على موسى وبكلبؤ كلت هسة يخيل على موسى الاحمر...

قررت نوال تشوف السيد وامي عايشة

اللقاء الي جان بينهن عتاب و قهر وزعل

اني رحت وي مرت خالي ادليهة بيت جدي
و موسى كوة فك نفسه من عمر جلب الا يبقى بس موسى جفل منه و رزلة بنزاكة

ـ و الله لازم اروح اريد اشوف السيد واكلو عن وضعنا..

و هذا هو جدي رحب بيهم

ابتسم وكلة

ـ جني اشوف نشات الله يرحمة ابني انت تصلي
ابتسم موسى

ـ الفرض بفرضة سيد

ـ احسنت ورى عدة سوالف قرر جدي يساعدهم داينهم فلوس البيت يشتروه و وفر لاخو موسى و ابناء عمة شغل

ردت نوال
وهي تبوس عايشة

ـ لا تزعلين مني مجان بيدي شي
مولانا عبد الله و الله فضلك ما انساه باجر اسافر و اجيب البقية

ـ ان شاء،الله ام انور

جرت حسرة على ولدها وهي تباوع لحفيدها

ـ زوجتهم زغار افرح بيهم بس راحوا
ثمن غدر ابوهم بيك سيد

ـ لا.. تكولين هيج ترى الاعمار بيد الله

شجاع...

بدت العطلة و حنيت لانتصار..
اشتريت علاكة حلويات و اني امشي شفت الولد الي تعاركت وياه

وظل يعيرني.. اكو ناس متعرف الله تاخذ بعرض الناس دون اي دليل اختي الناس تعرفها شنو وبريئة

بس اكو نماذج تحب تشوه.. خاصة عندي عداوات وي ولد يقلدون علي و اضربهم
و يعيروني يا بوية غير يحترك دمي

اروح اطلع قهرتي بأنتصار الي ضحكت علي و خلتني بهيج موقف

ـ شجاع سألت على كريم
ـ اي ومحد ينطي نشدة كلة الناس تمدح بس لازم اسأل اكثر
ـ يمعود على شنو..
ترى الولد خوش ولد رايح وجاي مشلوع كلبك.. فضها اليسألك كول دققت هواي
ترى مؤمل يريد ياخذني كوة تقبلها خوية على شاربك اختك تنسحل بيت عمها كوة و انتم سبع اخوة ذكور
مغرور وهسة يكول عليكم اخذتها غصبا عليهم وعلى شاربهم من بين سبع زلم و فوكهم ابوهم
تقبل يضل يزامط بروحة..

يومها فكرت هذا المغرور اكيد يركبني هل عار كول عمرنا اخذ اختنا نهوة غصب علينا

خل تروح لزميلها شو غير ابوي حاجاه ومبين هوش ولد وبدل ما مؤمل يفوز علي اني الي افوز عليه واضحك علية رافع راسي اختي مخليتة يسحلها غصب.

ـ بشري.. شحدة هذا ابو شعر الاصهب
يكض طرف ثوبج واحنا سبع سند نشد عودج وحزام ضهرج خوية

حضنتني وهي بحيلها ومكرها قشمرتني
و سوت هذا وي شهم ومنصور

ـ مؤمل.. ترى ساكتلك بس والله الحصرتك بزوية اصلخ جلدك شجاع اكبر منك تأدب شوي

عافنا عمي ودخل مكتبة لان اجته مكالمة.بنقالة

رحت يم مؤمل و بصابيعي دفعته

ـ سمعت تأدب اكبر منك..

ـ خايب روح ابو شخة..

رديته
ـ لسانك زفر روح اغسل لسانك بكلور

ضحك
ـ تكول ضحكت عليكم اي بلة كمل..
شسوت...

رديته
ـ شعليك انت! يالمدكدك

ضحك وهو يدفني بصبعة رجعتلة الدفعة هم.

هاشم طاب و صعد فوك و انتصار عدهم
صعدت اول باية سلمة.

و صاح مؤمل
ـ البطة تزحلكت و نكسرت رجليها البطة تزحلكت وانكسرت رجليهة

كلت بكلبي خبال لا يا طفل..
رجعت التفت من بين جتفي

ـ شوف تكول انت كبرت ورجال.. و كاعد تهوبز. انت طفل هههههههه

خليت وصعدت بس قهرني وكلي

ـ روح ربي اختك اول الي تسوك عليك يا طلي.

هنا صعدت معصب اني مو طلي..
هاي ورود و عمها يكلولي طلي

بس خليتهم ببالي...

لكيت انتصار بالمطبخ تعزل الثلاجة و هاشم يسولف وي نضال وهو ايده على بطنها..

لزمت ايد انتصار و لويتهة

ـ من وراج ضحكتي علي يومية اتعير وابن عمج و بت ابن عمج سجاد يكلولي طلي.

كام هاشم و دفعني ولزم صدره لسة بطور نقاهة

ـ هي وش بلاك حشمني اني هني و تضربها امامي اش لعب العيال

خلت وشردت مني
ـ خلوني اطفي ناري بيهة قشمرتنا

هنا هاشم سالني بشنو قشمرتكم هم سكتت شكلهم الحجي هم اذا حجيتة زحمة ولد شطولني و مشورب بنية تضحك علي...

ـ ماكو شي خليت ونزلت...

انتصار....

من صعدنا فوك ظليت اجنب انزل عطلة و مريد اتلاكة وي ابو شعر المزنجر

صاير غثة

بس كام يصعد يومية لهاشم
بكلبي اكول اول تالي مو جنت تشوف هاشم تطفر تختل ليلزم مكسراتك يالطفل

لو تريد تغثني تصعد هاي غير البسامير

مرة جاي انضف السطح و الحديقة الي بالسطح
اجة كعد بالمرجوحة ويخابر،بنات كدامي

شلون هذا انحرف فكرت احاجي نضال تكول لهاشم عليه

بس كلت شعلي..

هسة بس نزل شجاع وراح شوي صعد
النوب هاشم اخذ نضال لغرفتهم.

و هذا كعد على منضدة المطبخ الصاج و خلا رجليه على الكرسي
يعني كعد على سطح الميز...

ـ ماي

طلعتلة ماي.. بطل خليتة كدامة
رجع خبث
ـ كلاص

خلت الكوب حيل
وراحت تمسح بالكاونتر

ابتسمت بخباثة وبطرف صبعي دنيت الكوب و دفعتة للكاع
تلفتت كامزة
صريت بشفايفي باسف و كلت
ـ انكسر جيبي غيره

بس اول لمي الكزاز لو اكلج ما اريد ماي اريد لفة شوفؤ هويشم ثلاجتهم اكيد بيها نمانم جيبيلي نمنومة...

بس هي طلعت

ـ اخدم نفسك بنفسك.

جاي الحكها دست الكزاز صحت واني اكمز برجلي لخ دست هم كزازة بس جانت اكبر شكت رجلي

رجعت مصدومة وكعادتها تعاملني طفل

ـ شوف الاثول شسوى بروحة كنست الكزاز بعيد و كالت
ـ اكعد اصيح هاشم عندة اسعافات اولية ومخدر يمكن رجلك تحتاج خياط

شوي رجعت حمرة.. و مدنكة

ـ احم شوي ويجون

فهمت فحرجتها

ـ جفتي.. يا عزيزة قلبي..

صفنت بية على حجايتي
واني دنكت اشرد من نظرتها و لازم رجلي ضاغطها شوي بين هاشم بس بطرك البجامة...

وبيده جنطة بيضة مرسوم عليها هلال

ـ مانك بحاجة لخياط غرز.. لكن راح اعقمة ليك. مرة ثانية خليك حذر احسن مما جذي شقيت ريولك.

ـ فدوة لأخوي الكويتي ريولي و ريول نسواني العفتهن بالسماوة والناصرية

ضحك
ـ حيال...

انتصار..

كعدت بغرفة لبنى الي تبتسم وهي تتهامس بالتلفون.
بس شافتني ترخصت وسكتت

كعدت يمها.. و بداخلي اكول شنو السويتة مو هاي لبنى هم حبت وتراسل وتخابر..

بس اني من حبيت صاحت علي الصايحة.

هاشم جابلي جرباية بغرفة لبنى

شوي وحاجتني
ـ انتصار ممكن من رخصتج شوي بس محمد يريد يحاجيني بموضوع على مود المشية تدرين الجمعة خطوبتي.

دنكت. .. وصابني غيرة بداخلي غيرة بنات...

ـ اسفة دخلت دون ما ادك الباب اني هم ضايقتج والله ردت اخلي غراضي يم ولد اختي التوأم بس هاشم كال يم لبنى احسن تسولفن و هم..

سكتت من شفتها عينها على النقال مرة ومرة علي خليت وكمت...

كل البنات تنخطب وبسكتة و تعيش الحب تلفونات ورسائل وهي حتى ما عاقدة لسة..

بس حظي... لمن عقدت تواصلت وياه

لان ميجي يشوفني و لا يطلعني مثل خلك الله تاليتي انصدم بيه بليلة زواجي.. لو ما صلاتي وصيامي وكفلي جا ضيعني.

امشي وحيدة مهضومة. شردت اني ردت انسان يحبني.. مثل حب عمي لعايشة الي بالعشيرة صار مضرب مثل.
ردت حب مثل حب هاشم لنضولة وحب وسام لليلة شخص يخاف علي..

رحت ختلت ورى اكو زوية بيها مخزن.. على السطح خاص لبيت هاشم بيه شكو اشياء ميحتاجوها او يضمون الزوالي من يصيفون هنا. المكنسة الكهربائية راكنتها نضال هم..
على شكل سطل.. كعدت عليها واني اضم وجهي بيدي..

اني الأكلتها. . . ليش وكعت بيد كريم.
النوب يومية يراسل من رقم واحضر ويراسل من جديد...

خايفة هواي من اخر رسالة يلمح ساحب الصور الي بنقالي...

عندي هواية التصوير.. حتى كامرة عندي احب اصور اكثر بالنقال...

مصورة بيتنا و حتى نسوان عمي.. و برام النقال الي بقى يمه..

من سالوني على نقالي كتلهم كسره..

خلف_الشناشيل_حكاية
الجزأ الثاني
الحلقة خمسة

دمج بارتات صقر البوادي /الأحفاد

بارت بعنوان.. ابتزاز

.
.
.
م/زيزو عضمها خشن و بيها نسبة طول صار عندي خطأ بالوصف مذكر اذا وصفت صح او غلط وملحك اراجع

ــــــــــــــــــــــ ٥٢٩٢ كلمة

لزمني محمود حيل من جنطتي و يعتني بيها جر لبيتنا
واني طبعي صوتي هامس مو عالي عكس خواتي حتى من اصيح و اعصب نبرتي صون ناعم كلش..

ـ هاي شنو شلون كدام الوادم تجرني شجاك محمود...

دفعت ايده ودخلت ارد اسد الباب بس هنا مؤمل دفع الباب حيل راد الباب يجي بوجهي..

رجعت ورى مصدومة رد فعلهم دخلوا وسدوا الباب.
مؤمل...
ـ دخلت بيتكم بس احذرج و الا هل بيت ما افوته انطردت منه

مؤمل شخصيتة تخوف.. ممفهوم هيج احسه عكس اخوته شخصيتهم واضحة بيهم العصبي بيهم المرح بيهم الجامد مثل علاوي..

بس هذا مجمع شكو صفات بأخوانه هي بيه كل شوي تبرز صفة حسسني كدام شزوفرينيا بس مو ذاك الي يطلق على انفصام الشخصية لا اقصد شخصية متراكبة ومعقدة غامضة ممفهومة.

اما محمود اول مرة اشوفه عصبي اصلا يم خواتي كلة اسميه قرقوز

كد ما احسة مهرج...

محمود:-

ـــ شلون توكفين يم غريب تحاجيه ولا هامج بيوتنا مملية زلم مو بعينج احنا هاااا

استغربت وضحكت ما لايكلة العصبية يذكرني بعادل امام هو معصب بس وجهة تعابيرة بحدها تتحرك بصورة تضحك الجمهور

رغم سويدانه ميشبه عادل امام جنة ممثل هندي...

رد و هو تبخرت العصبية و كال بضحة
ـ شوف الفطيرة بلة شيضحكج مو جاي ارزلج مو اني كدامج رجال و هلا هلا و معصب لازم تخافين مني مو تتمضحكي لا ربحنا اولها هيج تاليها...

صفن وسكت...

بس مؤمل الي مربع ايديه على صدره
كمل عنه
ـ تاليها يا ابن اخوي البطل تسوك عليك مثل المطي ديخخخ ديخخخ وانت بس تنهك الها فاك حلكك تتمضحك.. خليك حوك..

اباوع عليهم مرة على محمود مرة مؤمل الي اشر علي

ـ هاي المرة سماح.. الجاية اذا السبع خوان..

صححت
ـ ثمانية..

ـ اي اذا الثمن اخوان ما ضبوج اكو ولد عم تتكفل. ... شهل مصيبة الله بلاني بنات عم بس وراهن فضايح..

رديت واني متوجسة من مؤمل..

ـ ترى مسويت شي وكعت هويتة و خطية لا طفل ياخذها وهو عسكري هاي شيطلعها اله انطيته هويتة تشكر مني

فضحتونا... كدام العالم واحد يخوزر واحد يعت بجنطتي يسحل بيه والنبي اكول عليكم اخوتي وبابا شدخلكم انتم هاااا.

مدام عندي اب واخوة هم يحاسبوني في حال سويت شي..

خليت ودخلت البيت وعفتهم مؤمل صاح علي

ـ اي من شجاع و اغسل ايدي.. طليان اخوتج..

هذا شبيه صاير مزعج يعني زودها شدعوة شاد وي شجاع...

اكيد غيرة طاح حظة يغار من اخوي لأن مؤدب و هاديء

دخلت ادردم بكلبي تجاهلتهم..

بدلت ملابسي رحت للمطبخ لكيت بيبي كاعدة جانت مريضة وهي هم كبرت خطية

بوستها..

ـ بيبي شسوين..

ـ تعاي يبعد روح بيبي

باستني وهي تكلي
ـ طولانة بنيتي. .. الله يرحم امج ساعديني مسوية ثواب لعبد الرحمن..

هذا رجل اختج اليشبه عبد الرحمن شسمة نسيته

ـ قصدج هشوم

ـ اي يمة... اليوم مر علي و جايبلي عباية زينة و شيلة بريسم...

و الله ذكرني بجدج.. جان مدللني...

عاد نمت شوي وجان يجيني عبد الرحمن مشتهي معلوكة

ضحكت
ـ شني هاي النوب...

اخذت منها البنية...

ـ بيبي هاي بني زعطوطة زعاطيط بني

ـ يمة اسمه عضل اطعم من الكبار بالمعلوكة والله هي لازم صبور بس مو موسمه

ـ هاا معلوكة سمج

ـ شبيج بيبي مشايفة سمج محشى ومرك ينطبخ الصبور كبل نسويه معلوكة و السمج ابو عوينة و المخيط اما مكشت لو مرك مهروثة نفلسة ونطبخة ما بيه عظم

شفهمكم باكلنا مو هسة النسوان تعلمت تتمضيك.. و حتى الأكل كلبنة كلاب... ردت كميرة تطبخ بس غطت وي ابوج بالغرفة وما بينت...

شياب تهرفلوا..

ضحكت وبيبي تدردم ومصرة اليوم تطبخ معلوكة مدري مخنوكة..

كعدت اساعدها شو جنة غدانا متأخر

شعجب..

ـ بيبي خاف بابا موصي وسام يجيب غدة... جاهز ليش تتعبين..

ـ يمعودة موت يا حمار يجيج وسيم اسمر طويل و يكلكم نسيت لو مرمشين علي ومذكريني تالي يكتلنا الجوع مثل ذاك اليوم عاد خليني اطبخ وارحمكم.

ضحكت...

خاصة من ليلى دخلت وبطنها كبرانة
وهي تكول

ـ شيولدني توبة

ردتها بيبي

ـ كبلج كلناها..

ردتها

ـ والله يا بيبي انت بس باقر

ـ قبلة هواي ماتو و طرحت.. الله يكفيج الشر.. ويكحل عينج بوليدج

ـ اي بيبي اندعيلي ام السونار كالت ولد..

ـ ان شاء الله بس هل عائلة تتمنى البنية ترى.. فرحتهم بالبنت اكثر من الولد ااخ عبد ابني الله حرمك من الحبيبة البنية التداري شيب ابوهها..

صوت منصور

ـ احسن كافي باقر الي شيبنه بناتة

خزرتة وطردته

ـ ولي... شبيكم وياهن ها.. صايرين شو متنجرعون والله ربيت ابوكم بماي عيني شمالها خلفتة الولد حيل ما مؤدبين شبيهن خواتكم احجي عليهن هاي الي تشيل وساختك و تنضف ملابسك وتحن عليك ولكم هاي الأخت وين تلكي الي ام دمعة على خيها

باسها منصور

ـ نموت عليهن والله بس لسة متأثرين بسواية نصرة نزلت روسنا جماعتنا تبسمر قشمرتنا بيبي خليني ساكت لا هم شجاع يكلي شكلت المن تجفص

ـ شنو يعني..

سكت و دار الحجي

ـ شسوين

ـ معلوكة

شرحتلة

ـ بيبي تكول لازم صبورة تتحشى كشمش بصل ثوم كرفس كاري بهار بس ماكو فحشت بني

هاي معلوكة مركة سمجة محشية مو اكو دولمة ورق عنب وسلك محشى

ضحك...
ـ قصدج غدانة دولمة سمج محشى واي واي... هههه

خزرته بيبي

ـ شفهمكم انتم بالأكل.. ظلوا على اكل هذا الوقت مبيه طعم ومحنة ايامنا مشوفون المحنة راحت من دخلتم اكل الانكلز.

رديت لمنصور اشاورة

ـ هي حلمانة بالحووب مالها جايها يريد معلوكة مشتهي مشوفها متحزمة... تطبخ دولمة سمج.

اجة يمي و كال بصوت عالي

ـ اكلج بيبي.. جدي بدل ما يجيج يغازل يبوس يحضن مو جاي على بطنة يريد مدري شنو. مصكوعة.. مدري شني دولمة سمج

طردتنا من المطبخ

ـ ولك بويقر خلفتك تغثني...

رد منصور

ـ ولا يسمعج بغرفته

ـ ادب سز يلة اخذ هاي الطفارة وياك وروح

ـ يا بيبي اني طفارة

ـ اي يلة ام وجه اليابس

ـ منصور وياج شعلي

خليت و غسلت من الزفر زعلت ورحت لغرفتي

من فترة بابا جابلي نقال لأن بنات اولاد عمي خلو بيدهن نقالات خاف طواريء شي بالمدرسة

والا عمي مجان قابل بس قنعه هاشم ميصير كلشي ممنوع لان كل ممنوع مرغوب وكللهم تابعوهن و لا تمنعوهن

اتصلت بنصرة... بس دخلت ليلى كعدت يمي بس سمعت احاجي نصرة لوت حلكها و كامت

ـ من تكملين مكالمة اجيج... اريد اخذ رأيج بصور كريكوت دزهن وسام الي...

هزيت راسي اي...

سديت الباب و تربعت و اني احاجي نصرة

ـ اسفة جانت هاي ليلى... اي خية شخبارج.

من فترة اتقرب لخواتي احس كبرت واحتاجهم.. رغم متعجبني صفاتهن..

بس يبقن خواتي خو ما اشمرهن بالشط..

جان جواب نصرة بصوت مبحوح

ـ تعبانة زيزو.. لج مهمومة.. شفتي حظ اختج دون الناس...

ابتسمت.. انتصار جانت بنية كلش هادئة كلنا نعرفها بنية حالمة.. عمة عايشة تسولف عنها تكول من زغرها جانت تتخيللها اب و جانت تحجي قصص.. تكول اذكر مرة عمرها سنتين مكابلة الباب تسولف عليه.. حتى كلنا هاي الملائكة تحاجيها يمكن..

رغم كلام ممعقول.. بس الظاهر انتصار بنت حالمة بالفطرة كبرت وتعلقت بالقصص و حبت تعيش الخيال تدخل بطولة اقصوصة...

ردت انتصار..

ـ بعدج تكتبين قصص...

ضحكت..

ـ يمعودة... غير تورطت وخليت صديقاتي يقرن قصة كتبتها ظلن يعيبن يردني اكتب قصص حب بنات تافهات وربج .. اني احب قصص الرعب....

خل اشيل ضوجتج و اسولفلج اخر قصة كتبتها قصيرة.. بيوم من الايام جنت امشي شايفة الطاش بشط العرب هناك.. جان وقت مغرب جان اشوف شي يدعبل.. مرة يصير طوبة تنطنط مرة يصير ارنب جان ينكلب شاب وسيم اسمر.. لابس ازار على خصره مال هيالة...

صوت انتصار حسسني محبت القصة

ـ اكلج بيا زمن قصتج يمعودة متأثرة بسوالف بيبي عن الطنطل.. اليشكل طوبة و ارنب. و اجيتي صفطيها علي..

ليش ما تكتبين عن الرومانسية اااخ كون مولودة بليونان بلندن مو بالعراق زلم ما تعرف شنو حب.. كل الحب عدهم تملك و بس ماكو عاطفة

اسمعهة وذبيت حسرة... و كتلها

ـ استحي اكتب قصص حب.. يعني زحمة...

ردت صوت يمها..
ـ زحمة لو لحمة ولج زيزو موتينا بقصة الشاب البحار البصري الي طلع طنطل و خل اكمل القصة حفظتها جان يشوف جهال راح باكهم واي طفل يروح يسبح بطاش شط الهرب جان يبوكة يغركة و يشمره على الراك يلكوه اهله ميت فجأة صارت.السمة عبارة عن وجه كائن شرير و ...

ـ ورود شدخلج بالنص والله قصتي رعب تخوف الله عليج ما خفتي
ـ لا
ضجت محد يفهم علي..

ـ صدك والله ابد..
ـ ابد والله قصتج محلوة اصلا لو كايلة مثلا هل طنطل من شاف بنية جان ينكلب وسيم وخطف البنية و خلاها جوة بالبحر بقصر عليه حراس كومه و اكو هم اميرات غارت منها و..

سكتتها

ـ كافي.. مو صوجج صوج انتصار شلون تفتح يمج المايك انت مو وجه قصص انت وجه ملاكمة انت مسترجلة الله يساعد الي يتورط بيج..

استغربت انتصار شلون تفتح المايك واني وياها اسولف

بس احس صوت انتصار بعيد

ـ زيزو هاي ورود و الله هي كالت تسطر عليج قصة و سحبت النقال فتحت مايك...

سديته واني ضايجة من تسلط ورود شكد شايفة نفسها يا الله...

رحت صعدت للطابق الثاني فتحت بردة وحدة من الغرف و اني باوع لجيرانا الحطوا كبالنا..

ابتسمت لموسى..

جان شعره يلمع يشع وي الشمس

حسيت بأعجاب بهذا الشاب اعجاب ما اعرف شنو نهايته

تهيألي يباوع على الشباك الواكفة اتلصص عليه وهو يمسح وجهة بساعد ايده و رجع يربط بكلوبات كروية على سياج البيت...

رجع باوع صوبي ادري الشمس اتجاهها بعينه ميشوفني ولا يكدر يلمحني بس يا ترى هم احساسه نبهة اكو من يراقبة

سديت البردة وانتجيت وامي قمر صاحتني

ـ زيزو.... تعاي وين مختفية

نزلت واني ابين طبيعية

ـ اجيت

ـ ليش ممكملة الزلاطة..

ـ بيبي كالت اني اكمل..

ـ جا شلون بيبيتج تشتكي تكول شلعت كلبي فاهية وين بنات قبل الي بثانية يكضن الشغل..

باوعت لبيبي الي تدردم وصب

ـ هج هذا جدر بيت عمج ونسوانة وهذا ابو صماخ الاحمر.. كليلهم يقرون الفاتحة للمؤذن

خلت جدور صفر طاس زغار
وهي تعين كل بيت حصته

ـ هذا بيت فاضل الحنين يا يمة يكلبك... كون ابو صماخ الاحمر يجي ربع منك...
و هذا... لج عيني هنا وين مصفنة يالفاهية

عكدت حاجبي وضجت من زمخت علي

ـ اني..

ـ لا امي.. عايني.. هذا لسويجد فدوة لكلبة و لجماله ولو مرتة ما تستاهل بس خاطره وجهالة وهو ثواب مينمع..

ردت امي كمرة
ـ حجية هواي ثوابج يوصل..
ـ يا شكلتي
ـ سلامتج.. حجية جنج اليوم نشاط عبالي مواتة والله من تمرضتي

ـ بيش طالبتني.. بس بعد بت صويلح برعة

شوفي زيزو مدري بيبيو... حتى اساميكم مدري شلونها... هذا توديه لهاشم وجديه زين هذا الجدر لهشومي..

فتحت امي الجدر وشافتة وين السهم الزين...

ـ اكلج عمة لو تخلين هذا للسيد..

باوعت بطرف عينها..

ـ هو السيد ياكل.. شو هو وين اكله لا يمة هذا لهشوم ابو حس عبد الرحمن ذاكرني وحان علي جابلي شيلة وعباية و مريتة حامل ما بيه خطية نعاونها..

رديت

ـ يمة شوفي التحيز دخيل بختك سيد هاشم اريد من جفيتك بخت.. بلكت حظي يكعد بواسطة تتوسطلي يم الحجية...

ـ اخذي الصينية بسكتة

ـ خل البس صايتي

ـ اخذي عبايتي...

رديت اضحك

ـ حتى اتكعبل انت طويلة هههههه لا عمي صايتي

رحت لبست حجابي و اني اعدل الشال...

عندي مرطب شفايف بس يسوي الشفايف وردي طبيعي

خليت منه لخدودي

بشرتي قمحية محمرة وجهي بيضوي وعيوني واسعة كلش اشبه ابوية كلش بس لوني افتح من ابوي شوي...

اخذت الصينية وطلعت و الجار المقابلنا يشتغلون ببيتهم رفعت راسي شفتة و كف عن الشغل و ابتسم.. دنكت واني ادك باب بيت عمي

فتحته عمتي يسرى

ـ شعجب منا مو من الباب الفةصل بين الحديقتين...

ـ نسيت ههههه

هزت ايدها

دخلت وانطيت كل بيت حصته

صعدت لنصرة لكيتها تبجي وحاضنة روحها و هاي لبنى تدردم عليها

ـ ادري شلون وكع منج لج هاي هدية محمد الي..

و تتهمها كسرت الهدية متعمدة

ـ والنبي تغارين انخطبت و حاربتيني يومية كاسرة هداياي ميصير

ظليت واكفة واخذتني على اختي النخوة

ـ اكلج عيني لبنى... على كيفج وياها شدعوة.. عليج

انتصار لمي غراضج شنو ما عندج اهل بيت ترى مخليها يمكم ترتاح ترفعون نفسيتها مو تتهميها تخرب غراضج..
طلعت جنطتها و فتحت الكنتور اخلي غراضها بالجنطة

هنا اندك الباب رغم صوتي ناعم طبعي هاديء... بس الظاهر اتسمع حجي..

دخل هاشم..

ـ وش بلاكم بنات وش هذا ليه تضعي الملابس في الحقيبة

رديت بعتب

ـ والله يا ابن عمي المثل يكول رحت لبيت الله وحجيت بس غير بيتي ما لكيت

والطالع من بيتة يقل قدره.. خيتي اخذها...
شو بتك ما متحملتها

ـ اجلسي ابي افهم وش صاير

لبنى كالت..

ـ بابا ما اتحملها... غيورة وحسادة يعني هداية محمد الكاهن مكسرة علبة الموسيقى خربانة

خزرها ابوها

ـ وش دليلك..

ـ مبينة اكيد تغار لاني انخطبت وهي تطلكت

ـ طيب كلامك هذا فرضيات عندك دليل هي...؟

جانت اختي تبجي و مبينة مهضومة

والنبي ما ابقيها عدهم شنو هل ذلة برررد..

ـ هشام ليش تعرض خل اخذها.. بنتك انخطبت تريد تحجي تسولف تخابر خطيبها يجوز متضايقة وتريد حجج

شوي دخل وهو يشتكي وبيدة الكوك مال الصندوق الموسيقي

ـ بابا شوف منيظر ما ينكيني الساعة

اخذ الكوك من ايد احمد

ـ من وين جبت هاذ يا ابني...

اشر على ميز لبنى

ـ حتى منتظر كسر الغراض واخذ الساعة

دنكت لبنى وابوها يخزرها

اني سحبت نصرة

وحاجيت لبنى

ـ مرة ثانية يحبوبة تأكدي زين مو نصرة تغار من امثالج ولا تحسدج شنو بايرة لو شنو. باجر تزوج اليسعدها تهدي تهدي لتنكلب بيج

صاح بينا هاشم

ـ فين مخذتها احترمي وجودي يبنت يويلك... والتفت يخزر بنته

ـ اعتذري الحين يلة

اعتذرت لبنى مدنكة فشلانة

بس انتصار كالت

ـ هاشم كفيت وفيت بس اول تالي اروح حتخلص العطلة واداوم يعني احتاج. غرفتي بحدي على مود الدرلسة متنفع وي لبنى

طلعنا وهاشم يصيح علينا نرجع و يدردم لان مسمعنا كلامه
ـ يبه وش بلاكم يهال انتم.

اجت نضال تكض بينا

ـ عيب من هاشم شنو هذا الحجي هااا؟ انتصار مترحين و وي التوم اشيل جربايتج و دولابج

هاشم يرزل لبنى الي مدنمة بس حسيت ما توالمت وي نصرة هذا هم حظها.. خلاها متشردة بالبيوت

ـ هاشم لا تزعل انت ونضال كم دوب تبقى نصرة هيج لازم تواجه و يتعودون اخواني بعد الصار صار منكدر نغيرة يلة نصرة

بوست نضال وجريت نصرة الساكتة بس عيونها تصب
انتصار اقصر وحدة بينا هي طولها عادي لا كصير لا طويل بس نعومة عضمها وتركيبها يوحي قصيرة لان كلش ناعمة حتى تبين اصغر مني

يمكن بالغت بس اني خشن عضمي...

عكس صوتي الي يوحي بالنعومة...

ننزل الدرج و شهكت انتصار تنحب وكفتها

ـ صيري قوية.. ذبيت حسرة ورجعت كملت..

ـ هضموج ينصرة الله ارحم الراحمين باجر يجيج نصيب رجال يحبج وحنون.. راح تحسدج البنات عليه وتغار منج.. رفعي راسج لا تبجين..

مرينا بمؤمل نريد نطلع حتى عمي ما مريت سلمت عليه خاف يجلبون بنصرة اريدها تواجه و ترتب وضعها ببيت ابوها مو بالبيوت وهم راح احاجي اخوتي الله يحنن كلبهم...

بس مؤمل استغرب طلعتنا اجر انتصار بيد وبيد كاضة جنطتها
حتى الصينية الجبت بيها الغراض عفتها بيت نضال..

صاح بصوت حسيته حازم...

ـ وين ماخذتها سحل ؟

رديت

ـ بيتنا...يلة باي جبتلكم دولمة سمج

مدري معكودة..

رد يحشش

ـ معكودة شنو...اخذوها للسادة تفك عگدتها هههه او جيبوها الي اقرا عليها هم اسمي سيد...

باوعتلة و ضحكت

ـ لا تقلد..

شفت بعيونة قلق وهو يباوع لأنتصار الي مدنكة و جهاا مبين باجية

همس
ـ احم... اكول انتصار شنو فلاونزة شو خشمج وعيونج حمر...

بس مردت طلعت سبقتني باوعت لمؤمل مدري منين تجرأت

ـ ابن عمي... اليحب يسامح والغلطان تحاسب و اخذ درس بس اجة الوقت حتى اليحب يثبت حبه بوكفته مو بأذيته للحبيب

شفتة استحى وانحرج.. دار ضهرة

ـ بنات اخر وقت تحجن بالحب والعشق سدي الباب وراج عود وبطلن هل سوالف تولي وعيب.

هزيت ايدي وطلعت اتبع نصرة خرب غيرتك مؤمل عنيد..

هم شفت موسى هاي المرة مبين سابح و كاشخ خلص شغلة و هو كاعد يسولف وي اخوتي مبين اخوتي تلائموا وي موسى اكثر مما وي مؤمل وولد اولاد عمي

شجاع شافني صافنة عليهم اشرلي بحاجبة تلفت موسى يتبع اشارة شجاع شافني شفتة مبدر منه لا ابتسامة لا شي

عجبني احترم وجود اخوتي وحتى دنك ميباوع..

خليت ودخلت. واني احس الي قصة حتبدي ابتسمت... وكلت منو يقبل ينطيني لا وجمالة غريب واهلي اندكوا بكريم مينطون غربة بعد وفوكها مو من مذهبي و ما اعرف شنو رد فعل اهلي لو على عمي ميفرق لان ماخذ سنية

و هم اصله مو بصراوي منو يكول ينطوني محافظات.

ظليت بالحديقة اباوع من زرف الباب و اني ابتسم...

سمعت صوت انتصار وراي

ـ شسوين

زيزو: ـ اسم الله كمزتيني عبالي واحد من اخوتي لو بابا او ماما..يمة العكيد كمرة تلزمني شيبقى بيه

اول مرة اسمع انتصار تضحك من يوم زواجها
ـ يدزوج للنجف لحم مفروم.. مسلفن...

ـ لج... شنو هل فال فال الله ولا فالج انت مو دخلتي قبلي المن طلعتي الا تلزميني ابصبص لج هذا الجيران الجديد يبووووو يموت

ضحكت علي انتصار

ـ يمعودة عندج العائلة انتقام كلها ولد اذا طلعتي من مؤمل.. عندج صادق محمود مهيمن حسين ذول الي يناسبون عمرج.

باوعتلها

ـ ما ازوج مؤمل كلبه محجوز.. اما حسين امه تشبعني دهن و بخور و تشلع كلبي اما البقية ولد سجاد امهم ما احبها.. كلما تشوفني تكلي عيونج... حلوة على ابوج كلش بس دورة الحسن من امج حسستني حولة

بس ولج هذا ابو يولو و عجل يابه اللهجة موت.. و اليحجيها شمس مو بشر..

ـ اشش... لا احد يسمع و يخلوج بصاروخ يدزوج شحن ورى الشمس...

دخلت وي انتصار شفت امي قمر دايرة وجهها عن نصرة و تنود ايدها على خدها.. بابا صاحها

ـ ليش مداومين خابرني استاذ فهد يكول مغيبيج..

بلعت ريك.. حيل متأذية من الطلاب سكتت دنكت

ـ تداومين وهذا اذا بين بس خابري اني والولد نخلي بيه عاهة وبعد كذب ماكو ولا حيل تدخلينا متاهات.. وانت لمؤمل خليها ببالج حاجاني عمج بس كال الحجي بينا بس بلغ بنتك يكبر شوي الولد و نسكر الموضوع انتصار مستحيل ازوجها غريب ونتفاشل

حالها من مكة حجزتها لصادق...

باوعت لابوية

ـ بس بابا زحمة يعني انت كلتها خل بعد يكبر يعني ميلائمني ليش متفهمون علي..

ــ الولد راغب بيج هذا اهم شي و غريب مننطي اني بالنسبة الي ما انطي بناتي بعد غربة شنو قلة الولد العدنا هو انت وزيزو بقيتن زيزو خل تكبر بعد ازوجها محمود حجزها سجاد

هنا بلعت ريكي

ـ بابا... زواج الغصب باطل واني حاليا ما افكر وبعدين اني حنطاوية و محمود اسمر شنخلف

اني متعودة على ابوية اناقشة يعني اطكها بصراحة بوجهة و احجي الي بكلبي

ضحك علي بابا
ـ بابا تخلفون هنود

لويت حلكي و سكتت شهل لزكة محمود..

ـ بابا حاليا افكر بس بدراستي...

دخلت الغرفة وشوي تبعتني انتصار تدردم

ـ زيزو شفتي اهلج...؟

رديت

ـ نصرة انت هم شفتي اهلج..؟ لج محمود ملكوا غير محمود... النوب يلقبوه سويدانه يبووو اتخيل يكولون اجت مرت سويدانة خرب حضي ملحكت انعجب بهذا موسى الصاك انضربت بوري حاجزيني لمحمود..

شوفي ابوي كيفة يحجي.. عمي ميرضى ارفض اكيد ميعقدلي على هذا ابو حلك جنة شريعة واوية شكبر حلكة...

ضحكت انتصار وهي تغم كصتها

ـ امداني هاي كصتي فكر هي كوة... بلة انت عندج امل عمي ممحدد وكلشي بيد عمي يعني ابوج و سجاد من كيفهم قرروا بس تعاي اني عمي اعلن ما اطلع لغريب وماكو بس مؤمل

هسة لو ينطوني للمزوجين اخوانه ولا مؤمل الزعطوط... لج يعني صعبة نفسي شلون تتقبل زعطوط يصير زوجي

لا وفوكها الله.. يعيني يصير هو الامر والناهي واحد جنت مشبعته جلاليق تالي لازم ازوجة و احترمة و لو ينعل سلفاي اسكت ببساطة لانه زوجي و الشرع حدد لازم المرة

تحترم الزوج و تطيعة يبووو هاي غير اصير نصبة وتحشيش البنات و الصاحبات تخيلي ورود لو لبنى يكللي جهزيه سيت حضاين لو مميات شلون اعيش كل عمري يقلدن علي لان متزوجة زغير شنو قلة الزلم..

سكتت ورجعت حجت.

ـ احس بحسرة داخلي من اهلي يعني بس اجيتهم امي دارت وجهها بابا دنك وتحسر و يريدون يجبروني على مؤمل...

وبيبي نزلت بيه حسرات و تنوح عن بنات قبل الي بليلة العرس يا الله الرجال يلمح طيفهن والنبي كذابة يكولون عبد الرحمن عشكها عشك لدرجة كام ينوح عليها من طلكها

و زوجوه و ما نساها لمن رجعها والي راح ضحية هل حب ام عمي هيلة عود تلمح بنات هل وقت يستر الله تتمعشك وهي من وراها ماتت ضرتها مهضومة خليني ساكتة حتى بالمناسبات الناس تحجي بقصة هيلة سامعتها من رقية مرت سجاد..

عود تبسمرني بيبيتج كسحت ام عبد الله... عيشتيش ليش ما الله خلقني بغير بلد... بلد ناسة تفهمني و تفهم مشاعري..

انتصار

بعد هذا القرار... خفت اكثر منا كريم رسائل منا مؤمل يبيع ثكل و يريد الا شجاع يروح ينذل اله.

منا عمي وابوية قرروا رغم مؤمل بين رفضة و ميقبل الا بشروط..

بدلت ملابسي اروح للكلية اليوم تفاجأت عمي يوصلني عمي الي شهور طوال متجاهلني و ميحجي وياي

اشرلي اصعد

كلت ميحجي وياي اكيد ميريد اكعد صفه جاي اكعد ورى شو خزرني وصاح

ـ سايقج اني؟ كعدي هنا

رجعت كعدت بصفه...

وهو يسوق

ـ عندي زيارة يم عميد كلية ــــــــــــ

صاحبي... كلت اوصلج.. شخبار الدروس

رديت
ـ زينه

ـ وهذا خو ما يتعرضلج

رديت بأختصار
ـ لا.. مشفته هو يمكن تخرج..

باوعلي واني اكذب وادري بيه عاد سنة..

رد
ـ متابعة اني ترى.. لا عبالج غبي ليش تكذبين عايد سنة هو.

دنكت.
ـ مشفتة ولا ادري بأخباره.. عبالي تخرج
جر نفس
ـ تمام..

رجع يلمح على مؤمل. .....

ـ تمام.. تدرين ما اثق انطيج غريب وتالي العمر كلة ينشلع كلبي جيبوها ودوها انت ومكة نوعجن مو مال غربة تفشلني عاد مؤمل وصادق موجودين..

رديت....

ـ صادق مناسب لان اكبر من مكة بــ اربع سنين بينما اني ومؤمل العكس صحيح..

عمي البنت تنضج قبل الولد فكريا عاطفيا.. و مؤمل اصلا رافض الارتباط بية قابل تجبروه؟
ليش تحسسوني بس تردوني ازوج.

ترى اني المريت بيه كرهني الزواج واريد اكمل دراستي و اكمل دراسات الزواج مو اساس الحياة

سكت عمي وكضاها بس يخزر و سد الموضوع بصمت

نزلني يم كليتي وكال

ـ ابوج يجي عليج.. محصلت خط الج ردت واحد جبير..

محمد بطل من عقد على لبنى....

انتصار ثلاثة خليهم كدام عينج بكل خطوة من تحسبيها..
الله.. الي انعم عليج بالعقل..
و سمعتج و اهلج امج ابوج هواي تعبوا بحياتهم لتعبيهم
بلة اني لتشترين خاطري بس اشتري خاطر سمعة العائلة مرة فاتت مرة التجي ما تفوت ترى.

. ولتخليني بموقف اضطر اتصرف تصرف يطلعني من ديني تعبي و سنين عبادتي لربي لضيعيها من اخلي براسج رصاصة واخلص من سوالفج اعتبريه تهديد و تحذير جربي لا تمشي عدل وشوفي..

دنكت ساكتة... و ادري بس يهدد يخوفني عود... بس كلبي اختنك نفسيتي هواي بهاي الفترة نحو الأسوء.

ـ مفهوم؟!

هزيت راسي اي..

و ناقشتة
ـ بس عمي مو مال توكفوني لمؤمل يعني حاليا رافضة الزواج رجاءا فهموا مشاعري
و عود بالنسبة للزواج يمتى متجي قسمتي تجي..

باوعلي.. و بقهر كال

ـ وهو هم مؤمل مضال عليج بس اني ردت انفذ رغبة ابوج.. باقر ابني مو بس اخوي.. يعز علي اشوفه مقهور

انسد الموضوع وامنت لا مؤمل يريدني لا اني اريده

امشي بين الطلاب همسات توصلي ادنك و حتى اشك بية شي..

كريم دمرني وصارلي كابوس

صديقاتي تركني..

و صرت وحيدة مهمشة عبالك مرتكبة الكبائر عبالك مو زينة. ولا جني ضحية

كاعدة منعزلة اكلب بسجل الكرمر..

و اني اشوف نواقص محاضرات الايام الغبتهن..

كمت ادور مريم..

شوي هاي ولو من ورى خشمها تحاجيني بس تنطيني المحاضرات..

ـ اكلج محتاجة محاضرات grammar و اريد كتابج composition عندي نقص بChapter III استنسخ و ارجعهن الج دقايق

باوعتلي و رفعت نظارتها وهي تكلي

ـ وين جنتي غايبة.. شاع عليج زواج جديد اكلج صدك تزوجين مؤقت..

و هذا كريم صاحب اخوي نفس المرحلة والقسم.

يكلة رادوا يركبوها براسي و اجوا اهلها توسلوا بيه بس طردتهم

كلش انقهرت اخذت المحاضرات واني حاضنتهن وامشي مصفنة سالفة توديني سالفة جيبني رحت استنسخت ورجعتهن الها

اباوع للساعة يمتة تخلص المحاضرات و ارجع لهاي الدرجة كرهت الدراسة

كلش كرهتها..

لو يقبلون ابطل احسلي..

مرت الايام و اني نفسيتي يوم ورى يوم تتعب..

تهديدات كريم وصلت يطلب نلتقي

ضغوطات اهلي بالطالعة والنازلة حجي يسمعوني

مؤمل نظرة مجروحة بعينة وخليط من قسوة و استهزاء.

واني امشي جن سمعت صوت يعني شوي بيه خشونية..

ـــ العفو.. اختي ليش تبجين.

رفعت راسي لشاب مبين دراسات من الكتاب الي بيده و بيدة لخ ملف و لابس نظارات طبية

و هو يبتسم برقة و همس
ـ معقولة اكو بشر يخلي هاي العيون هيج تبجي...
رجع مثل الي انتبه حجى بصوت تحمحم و سال
ـ طالبة هنا؟

هزيت راسي بــــ اي...

وتركته بلا كلمة...

رفعت ايدي لوجهي لكيت عيوني مبللة وخدودي...

الي اجاني من جنس ادم كافي علي.

رحت كعدت بقاعة ..

شوي ودخل نفس الشاب .

ـ السلام عليكم اني محاضر (طالب ماجستير او ماجستير ايضا ) استاذ منصور اليوم مموجود وكلفني اشرح الكم.. خاصة مبقى شي على اخر السنة

جان يباوعلي بتحدي دنكت وحسيت برجفة من وصلت رسالة شفت نقالي وهو بالجنطة وسويته صامت

جان تهديد واضح انو صبر علي و اذا منفذ الي يريده كل الصور يتصرف بيهن.

مديت ايدي السليمة اتلمس ايدي الشوهها..

ـ ممكن تنتبهون.

صوت الاستاذ وهو بحزم عينه علي

على ما خلصت المحاضرة يمكن مخليت اية بساع طلعت و الاستاذ مستغرب وضعي الي ما معقول

اتلفت و امشي

خايفة.. هذا شيريد مني مكافي دمرني

مرة يحسسني متندم و يحبني مرة لا والله يهدد يفضح الصور

زين شسوي شنو الحل المن احجي واكول...

هل مرة يدفنوني..
قررت اصرب باقي المحاضرات وطز بالجامعة ارجع الى البيت اشبع نوم

بس صوته وكفني..

ـ وين شاردة مني..

درت تجاهة

ـ لك شتريد عوفني وانطيني الرام هاي عائلي والله توكع نفسك ترى بمطب و عمي ما يفوتها الك هل مرة

شوف حظي شيكول وشيرد هة يكلي

ـ خايفة علي تحبيني.. اني هم..

ـ لا اله الا الله عمي الله لا يوفقك دمرتني عوفني ولك تعبتني

ـ مرتي وطلكوها مني كوة واريدج.. انتصار والله ندمان لجبريني اهدد واستخدم طرق حتى احصلج

رديت

، لنفرض صدكتك لنفرض تتوقع ينطوني الك هااا كول ينطوني..

احجي وابجي تعبت والله ما اكدر بعد ما اتحمل...

باوعلي
ـ نشرد.. نروح للشمال ونعيش..

ـ صرت مرة غبية بس مو مرتين.. ولك لحد مساع وصلتلي بنية شحاجي علي يم اخوها.

انت متندم لان ما اعتديت علي هذا الهامك مو..
لك اثار بقيت بية هنا بكلبي مو بس بجسمي وايدي..

اصلا اخاف منك...

هنا باوع وبين بعينة فرح

استغربتله
ـ تدرين حرامات فرطت بيج جا عشنا احلا ثنائي..

ظل يحجي خرط صدمني هذا عبالة اتونس على العنف والذلة و الاهانة.
يمكن حس بضعف شخصيتي و تشتتي فكال هاي شما اسوي تونسني

ـ انت مريض نفسي اكيد.. صح انت مرحلة ضعفت بيها شخصيتي بس ترى خل اكلك اني ابن عمي عقد علي..

ضحك

ـ كذابة.. بيوم اليعقد عليج ابو راس الاحمر.. راح اكلبه ضدج نسيتي لازم شحجيتي عليه

طلع تلفونه..
ـ اذكرج...

ـ انت منحط.. و متكدر تسوي شي بصور العائلة لسبب اني اكلك شنو تدري راح تنعكس ضدك.. و تنطك فصل معدل غير يهدرون دمك العشاير

تصنعت القوة وكتلة
ـ خليه الرام يمك كل الصور البيه اذا تصرفت بيهن معكوسها ضدك.

عفتة ومشيت و هو سمعني

ـ خليها ببالج يا يوم يا انتصار تزوجين هذا التحداني ابو راس احمر اكلبه ضدج و تتندمين

التفتت عليه و سكتت

هو اصلا مريد ازوجه هة...

خليه بس يتصور حزوج بلكت يعوفني وهاي السنة تخلص يتخرج هو يروح لسبيلة..

اكيد ينسى... يلتهي بمصايب بشغل..

بس الي صار غير
بدة يدزلي بنات...

ـ مرحبا هذا ضرف الج

اخذته بيد ترجف واني متوترة

بيه صور عائلية..

طبعي احب اصور و اني مصورة بنات
العائلة ...

لكيت رسالة بيها عنوان و يمها مكتوب انتظرج بس تحلين بالشقة

اخذ الي اريده مقابل الرام والدردشات

خليت ايدي على حلكي ضميت الصور

و كمت اذا اموت اكيد ما ياذي احد غايتة اني

راسلتة على الشريحة...

ـ مكدر ورى الدوام اجلها واجيك للشقة
بيوم اطلع بحجة و اجي بس مكدر ورى الدوام ابوية يجي ياخذني

سديت النقال و اني اتمنى مزتي اجلت الموضوع اريد حل

مبقى الا خلاص لازم انتحر..

نهاية الدوام اجة هاشم

ـ يلة يستي... ابوج طلب اوصلك. وش رايج نروح لمطعم يعان و اختك ميوعتني
ـ لا تعبانة اريد انام وصلني...

بس وصلنا البيت نزلت و هاشم يصيحني

ـ وش بلاك يبنت اش هذا

ـ هاشم تعبانة اريد انام

عفته و دخلت البيت و كبل للغرفة قفلتها علي
واني ارجف اتخيل رحتلة الشقة ويسوي بية امور يكهربني يكصص لحمي يجويني يكول تونست من عذبتج بس شلون ما اخذتج بطريقة نحبها اني اسود و انت تنذليلي

هاي ملخص رسالتة..

ما اعرف شسوي لمنو الجأ يارب حضيع حضيع...

شوي ووصلت رسالة

ـ من زمان ما متراسلين ولو ما تستاهلين.. بس حلمت بيج امداه لكلبي شكد لعد يحبج.. شفتج واكعة

بحفرة وخفت عليج اليوم كلة قلق لذا راسلت بيج شي؟

مؤمل..

متوتر كلش الحلم الي حلمته نساني او تناسيت سوايتها من قشمرتني لعبت بمشاعري

خوفي عليها خلاني اكتبلها مخاوفي من حلمي

و الجواب خابرت تبجي

ـ شصاير..؟

همست
ـ تعبانة اعتبرك اخوي ياما ربينا ولعبنا اقربلي انت من اخوتي عدا وسام

عرفتك من طفولتي.. مؤمل خايفة

ما اعرف ليش انت الجألك اني بمصيبة اخاف احجي لأهلي
مدري اخاف احجيلك.. اني ضايعة

هنا كلامها صدك خوفني عليها. نسيت موقفي نسيت قسوتي عليها

كل تفكيري شبيها

ـ احجي والج الامان ومهما يكن اني اوكفلج بس لا تكذبين

ـ شوي تعبانة من اخوتي يأذوني

عرفتها تكذب شنو الجألك شنو مصيبة شنو اخوتي

ـ لا تكذبين احجي خاف اكو شي اساعدج.

اصرت تعبانة ومتعرف شتحجي وسدتة

بس دخلت شك بكلبي و ظليت اتابع من بعيد شو لا شغل لا عمل لا مدرسة

بيوم رحت للجامعة جان شفتها تركب سيارة كريم تخبلت

تبعتهم بسكتة بدراجتي لابس الخوذة

شفتهم دخلو مطعم

انتصرت انطاها ضرف و هو مدري شيحجي هي تبجي

هذا شمسويلها و هيج بس لا..

شكيت بيها كلش...

وانتظرت

اشوف تاليتها

انتصار،

مرت ايام علي صعبة

بيوم شفت بابا يصلي ويطلب الستر ويطلب الله يحمينا كلنا ويندعي لبيبي وماما و عمي

كرهت نفسي اني ما استحق الا الموت

لازم اخلي حد لكريم من شافني اخاف زاد لازم التقي بيه احاجيه

راسلته

ـ كريم اني ترى بلغت ناس على تهديداتك اي شي يصير علي تصير جبيرة لذا نلتقي و ترجعلي الرام
و النقال القديم الي يمك

دزلي صورة بنية عريانة

ـ اريد اشوفج هيج ظلت بنفسي

فكرت اخذة بالحيلة

ـ بشرط الرام و اي صور طابعهن ترجعهن واني اجيك

ـ نتفاوض بمطعم ال *** و يصير خير

عاد ثاني يوم جانت امتحانات اخر سنة اخر يوم امتحان لازم انهي السالفة وياه

رحت وياه للمطعم
طلع الرام و ضرف

ـ يمتى تجيني

مسحت عيوني فجأة صبن بجي

ضميت الرام والضرف بالجنطة

ـ ابد.. انسى مدام اخذت النقال.. عبالي كسرتة كلش هيج تهيالي اني غبية وقتها

كريم انت تخرجت يعني كلمن لحال سبيلة

ضحك
ـ الرام العندج مو هو و النقال الي عندج اي صلحتة بس الشاشة اني كسرتها وبدلتها

كل دردشاتج وي مؤمل من تغريه بكلام حب يمي تخيلي اوصلهن لابوج يذبحونة ابو راس احمر

خاصة ابوج ميتفاهم ولا يفكر
خاصة من كاتبتلة يمتى نعقد و اصير بحضنك

هاي عاقد عليج اني و هيج تراسليه

وسعت عيني

ـ انت كتلي خدريه خل يأمنلج

ـ انتصار حاوطتج من كل جهاد خل اخذ غايتي وكلشي ينتهي و انطيج الرام وامسك الدردشات الي عندي شكلتي...

كمت واني خايفة

، خل اهلي يموتوني وابقى شريفة ولا انت تدنسني لك حقير اني اصلي اعترف غلطت بس مال ازني لا

خليت وعفتة و اني ابجي
وهو ركض وراي و من طلعنا هنا جان مؤمل ينزع خوذة الدراجة و هو يهجم على كريم بوكسيات و طبق كل فنون القتال بيه

تالي جرني من ايدي

و اشر تكسي واباوع كريم يصيح

ـ سهلة ولك اعرف شلون ارد عليك

ركبنا تكسي..

يم البيت
ـ تنزلين ترحين كبل للمولد مدام كلها هسة ملتهية و مدام عقلي براسي بعدة تحجيلي كلشي....

تبعتها ورى دقايق فتحت باب المولد وهجمت عليها.راشديات

ـ شنو بينج وبينه احجي لا اموتج ترى ضاملج سوايتج بية محجيتها لاحد احجي حمدي الله ما دزيت على ابوج يشوف شتلعبين وراهم

الي مسكتني تلميحج الي بالمكالمة اكو مصيبة احجي اكيد يهددج بشي

تنحب و هنا انعارت تلطم خدودها وتحجي

اعترف من حجتلي ردت اكسر راسها كضيت روحي عن عصبية و استخدمت رزانة هاشم بهيج ضروف..

ـ شوصل الرام اله

ـ نقالي صح كسره بس يمكن صلح الشاشة معرف اضافة الرام يكدر ياخذه

نسيت اني تزوجته يعني زفونا وببيته اكيد غراضي اخذهن نقالي

ـ ها.. شنو زفوج اله..

شبيت نار مو كالوا ما لامسها و تقرير طبي شو دخت..

ـ مؤمل غير رحت بيته.. مصار شي بينا وهو هذا الخبلة..

هددني..

طلعتلي رسائلة

وسعت عيوني

ـ شنو شقة ولج اموتج اذبحج اذا مخليتة يكض منج ولو طرف

هزت راسها

ـ ليش مشفتني تعاركت وياه بالمطعم

ـ يعني مصاير شي بينكم لتكذبين خل افهم

ـ ابد...و هددني عندة الحجي الجنت احجي بيه وياك يوصله لأبوي

ـ دخل يولي شيسوي يعني

رجع باوعلي
ـ وانت ذكرتيني بلعبج بمشاعري شكد انصدمت كلت نسرة منيلها جرئة هل غزل اشعار بس كلت تحبني طلعت كذب

اتفق وياي انو هو راح يصرف

رحت الى بيتنا قلقة

لليل كبت العيطة اجاني ابوي وهو يكلي

ـ نزلتي راسي لج شنو انت

اول مرة بابا يموتني ضرب
طلع مؤمل مسولف لعمي عن الرام

و عمي متصل بشيخهم و صايرة هوسة و اتفقوا يرجع كلشي و يثبتون عليه بس يطلع شي يتحمل مشؤولية اليسوه

هم راحوا اخذوا الغراض و هددوا كريم الي كدام شيوخ و ناس طلع دردشاتي وي مؤمل

يتبع... تاخر الوقت نكمل السبت او احد

شكرا للي اندعى لخالي والي قدر ضروف اني ادرس ابني زائد ايتام اخوية ثنين الولد والبنت

ما خليت قفلة و حاولت امشي بقسة نصرة شوي

#خلف_الشناشيل_حكاية6
جزأ ثاني
دمج بارتات صقر البوادي و بارتات الاحفاد

بارت بعنوان.../ انكسار السيد...

ـــــــــــــــ٥٢٤٥ كلمة

مؤمل..

احتاريت وحيرني زماني... شسوي هسة

الي دردشات يم هذا.

بس الامر الاعظم صور بناتنا نسوان عمي و ابويةة

يعني حرمنا.. صورهن بيده ااخ نصرة فضحتينا.. يا ما نصحت بطلي ششوفين تصوريه.. بس ما تتوب..

و هاي النتيجة.

زين خاف دردشاتنا تطلع وشيفكني..
راح يطلعوني العب بعرض بنت عمي
وهي بذمة رجل آخر.

لو جنت ادري ما اراسلها.. بس لله بالأمر مشيئة..

رجعت افكر. ... و اقرر شسوي
يعني اني اتحمل.. وهم حجينا مو شي اباحي بس مشاعري حبي الها وهي وقتها عود تحجي مشاعرها بس اسوب فاجأني وقتها بيه جرئة... و اغواء

اخر شي حكمت عقلي. ..

لازم اليوم متبات الصور يم كريم و ماكو غير ابوية

. لازم ابوية يعرف كلشي حتى مينصدم اذا كريم غدر وطلع دردشاتنا..

دكيت الباب و صوت ابوية ادخل...
دخلت و شفته الحجي كالعادة على لوح تصاميمه.

يمه كوب جاي.. وصافن بعيد..

بس شافني ابتسم...

ـ يا هلا بابو ابراهيم.. تفضل.. شنو رأيك نزوجك و نخلص من فرتك الزايدة ابني اركد مراقبك اني هواي تفتر و ما تثبت بمكان ليش ملطلط.

بتوتر احتاريت معقولة يعرف و يحاول يسحب مني حجي شو ملحكت ادخل المكتب نزل بية رزالة.

معقولة مكمت افهم شفرة الحجي. اكيد بدل رموز شفرته..

عقجت وجهي افكر بس ابوية. ضحك..

ـ شنو معجبك ابراهيم خل نكول خليل.. ابو خليل بس تزوج.. اكو ولد و بنات مينفع اتآنى بتزويجهم وراهم طلايب..
انت.. و انتصار. و كم سنة مكة صادق.. صادق شوي يحتاج اربع سنين خطوبة الى ان تكتمل بنيته لأنه ناعم.

ظل يحجي امور و يخطط للعائلة مثل طبيعته..

واني وين و الوالد وين.. اااااخ

رجعت معترض على ابني الي لسة منور وابوية سماه خليل.

ـ يابة سلام الله على ابراهيم و خليل.. غير صقر ما اسمي... هاي اذا تزوجت اصلا ما ناوي اتكربس.. الحرية حلوة يابة.
بدة الجد.. و حجى الي راد يوصله الموضوع الي بداه مقدمات...

ـ مؤمل.. ابني ليش ما تصارحني شو هاشم يكولي انت تكذب...

ـ بشنو يابة واني جايك بموضوع ثاني.. حياة او موت بس مدا تنطيني مجال..

ـ شنو ابني شوراك.. لا تخوفني ترى ما بية مصايب تايهة...

ـ احم هو يعني شغلة.. لازم تعرفها..

ـ احجي...

ـ بس كلي شنو اني مكذب وهاشم حاجاك..
ـ احجي موضوعك ابني. لان بحجيك صدك خوفتني. بس لا الي متزوجها مؤقت حامل.. ؟

حكيت ركبتي واني اكول السيد راح بعيد هواي.
رجع هم يسبق الكلام..

ـ سكتك ووكفتك توحي وراك مصيبة

مسح وجهة بكلينس و اخذ، بطل المي وفرغ بكلاص يمه وشرب

ـ يبس ريكي ولك هم سويتها مؤقت تربيتي ليش تضيعوها وهم حبلتلك المعنية لا وهاشم مسوي روحة فهيم وعد يكلي مؤمل وجهة مو مال خبرة بمجال النسوان وجهه مال فاهي و طفل بامور الزوجية رغم ذكي بامور اخرى.. خل ادز عليه يشوف الهتلي شمسوي...

انحرجت و اخذتني الغيرة على روحي لا ولا اخليهم ينظرولي طفل.. و ليش مينطي مجال بس احجي سكتني بتوقعاتة الخطأ.

ـ طفليش يابة جربناها و عرفناها.. تريد اسولفلك بس ادري تستحرم خل نحول على الموضوع الأهم.. يابة انتصار بمشكلة يعني خليل او ابراهيم الي اريد اني اسميه صقر لسة مجاي بالطريق تطمن.. المشكلة انتصار يابة انتصار اذا ما تموتنا مترتاح...

رجف كوب الجاي بيدة وخلاه علي الساند بساع

ورفع راسه الي بخوف

ـ شسوت احجي..؟

سولفتله كلشي وبحسرة حجيتلة هم شلون قشمرتني حتى لا ارجع اخرب الزواج.. بمشاعر كذابة خدعتني وصدكتها لذا هجيت متحملت ولا صدكت خسرتها
ـ تعلقت بيها وحبيتها اكثر من روحي
من جنا نتراسل صار حبي الها اكبر وزاد التعلق.

حجيتله على الرام..

ـ الرام و نقالها عندة

ـ تكول رجع النقال لكيتة مفرمت..

بس هو على ميبدوا طاك صورة للدردشات بنقال نصرة بنقاله

شفت ابوية عصب

باوع للساعة واتصل اتصالاته

ـ ثمن نستر عرضنا وناخذ، الصور تنفضح دردشاتك مؤمل توقع هاي النتيجة بس فضيحة تخص ثنين اهون من صور بناتنا و ينفضح الكل

يارب شسويت اني وهيج توصل بابني الاثول.. الغبي شلون مطي على روحة لزمة.

شوف ناخذ الشيخ و ساهر وولده منا وبينا ذول وعمي ابو مهند ما اسويها كعدة جبيرة وينحجي بينا بالعشاير توقع الحك يتركب ضدنا.

لازم نتفق حجاية وحدة خل هاشم وفاضل يجون ذول شوي رزنين سجاد لتخبره لمن تنتهي السالفة لا يكمز على الوادم و من سيء لاسوء يدخلنا متاهة علاوي مريده يحجي لمرتة وتشهرنا بالشارع خل السالفة ننهيها ونختمها وندفنها متبات الا ومنتهية. امري لألله انذل لهذا وذاك.

بعد ما رتب ابوية الوضع اتصل بشيخ الولد ورادوا تتاجل كعدة ليوم جمعة

ـ لا يابة منريد كعدة ولا شي هن رام و صور يسلمهن يعني شنو بينا وبين الولد جان نسيبنا ويمة غراض النا مرجعهن ونريدهن و يمسح الي عندة ويحلف معندة نسخ و اي شي يصير يطلعن شيخنا بوجهك تصير حكنا منك ناخذه..

فتحت نقالي اني محتفظ بالرسائل اقرا وفاضل يمي يمد راسة كل ساع اوخر النقال و اخزره.

هز ايده

ـ بلة ما استحيت على شعرك الاصهب شمحاجيها بس لا حجي مو زين و النبي ازينك صفر.

باوعتله متوتر..
ـ فاضل معبالي عاقدة شتدري بتربيتي لو ادري عاقدة ما اراسل و علاقة حب بينا.. كل اليجان اوهمتني وسفة.. راسلتها اريد اعلقها بيه مشاعري دفعتني اراسل جنت يم خالي ببغداد مدري لعبت علي المحتاله..

اكلك خاف براسي تصير و يطلعوني مو خوش...

باوعلي

ـ و الله ابوية كل شوي خازرك بالمراية ويسوق اسكت احسن مبين ناويلك نية بالعافية مقدما...و اني هم متحلف بيك ترى..

ولازم تتحمل المسؤولية هذا نتائج محسبت حساب..

ـ فاضل ابو الافكار حلها.. ابوي انت مو بس اخوي.. شعندي غيرك شلون تنحل..

ـ ما اعرف خل نشوف شمحضرلنا هل كريم و تنحل...

باوعلي.. و سكت....
و رجع ضيك عينة و طبعا حجينا مهامس ليسمع ابوية ويمه عمي بالصدر.. ابوية يهديه لان خبره بالسيارة...
و هاشم و شجاع و وسام بالكراسي ورانا اخذنا سيارة عائلي..(نيسان ماردا عائلي جيب :)

ـ اصبغني بعد يبعد ابوك.. متنحل شكللهم يعني اني حرضته يراسل بنية مخطوبة وحسبوها علي.
شوي وكال

ـ بيك عضة اشلع لحمتك..

ـ اي مستعد اتحمل التسويه بس فكر بحل..
ـ ما اعرف خل نشوف شلون وانت حلكك متفكة ححاول احولها حلفان يمين وراح احلف شسوي بس الا اطلعها من عينك هل اثم الكبير.

سكت ورجع باوعلي.

ـ خل امخمخ انطيني نقالك

ـ ليش..

ـ غير اعرف شمراسل. شمصخم..

فتحت النقال واني مستحي من اخوي وانطيتة دردشات لسة مماسحها..

يكلب ويقرأ و يهمس كلش قهرني همساتة الي
ـ تؤ تؤ.. شاعر زغيرون حضرتك وذيك خوش مستغلتك مبينة تريد تبردك حتى متكتشف هي مخطوبة..شلون فاتتك.

رديت واني اعدل الشماغ و العكال. اصر عم ابوية الا نلبس زي عربي حتى شيخهم يهابنا خاصة سادة و بالزي العربي نبين كلش هيبة...

ـ خوية بعد صارت.. علكيفك مو هيج تقهرني. اني هم اخيك..

رفعلي وجهة وضيك عينه

ـ على فهاوتك بيك بوكسي افلش سنونك.. بحلكك...
ـ مقبولة ابو فطم..

هنا ابوية صاح

ـ شعدكم فيدونا بنقاشكم الهامس.

عدل فاضل كعدته و هو حيل حسسني ركبتي بيده..

ـ ماكو شي يابه... نتبادل نقاش حول مسيرة التكنلوجيا بتطور النقالات و ظهور برامج جديدة للدردشة

رد هاشم..

ـ يبه يكفي حنا باي حال.. بس تبربروا ماني فاهم وش تتفكوا.
خلونا متحدين الكلمة..

تلفتت لهاشم. .. لو ادري كاعد يمه ومتفق وياه عاد فاضل بس لا يلوصها علي.

ـ ماكو شي خوية.. اكلك يابة هاي الشماغ يحكني ما تبادل وي شماغك..

رد ابوي بنترة...
ـ اكعد وانت منجب...

ـ صار..
رجع باوع بالمراية لفاضل...

ابوية صاح بفاضل

ـ عدل شماغك و العكال ليش الشماغ رايح ورى و العكال على كصتك هو هيج اللبس سيارة عمي و سيارات ساهر وولدة سبقنا وانتم ملتهين بالنقال شحصلنا من هذا الشيطان الي صار بيد المراهقين.. هااا هاشم خليتني اقبل البنات تخلي نقالات..

هاشم لكز جتفي...

ـ يبة كل ممنوع مرغوب.. نقال امامكم تتابعوهن افضل من تعمل شي من وراكم..

ظل فاضل يحوس و ممرتاح بالزي العربي شهل ورطة عبالك كاضيها دواوين و فصول وكعدات المن عم ابوي ورطنا بلبس النوب الشماغ هذا قماشة شو يخلي راسي يحكني...

نزعتة و حكيت شعري

ابوي كال
ـ لعبتها لنفسي..
بس فاضل بنص فصيح حاجاني...

ـ مؤمل عدل لي هذا العقال والشماغ

رددت بكلبي هذا مو مريح شكعدني يمه لا وركبتي بيده صارت

ـ صار...

وصلنا لكينا كريم والشيخ ومثل ما طلب ابوية بس عمام كريم والشيخ ورجل خير منريد شي جبير هي نستلم الرام و يمسح اليمه وهاي هي...

صارت المواجهة و من التف الحبل عليه ظل يبرر

ـ تخوني وي ابن عمها واحنا مخطوبين.. ترضوها يا سادة..
و من طعنت بشرفها رحتم تحاججوني يلة زين من سكتت على تصرفها الله يحب الساترين لمساويء الاخرين..

ابوية ساكت يستمع و هو منحرج.

راوا دردشاتي وياها... مثل متوقعت طاك لنقال نصرة صورة من نقاله للدردشات (اعتقد مكان اكو تسكرن قبل و البرامج اما فيس او تانكو سكيبي نقال )

بس هنا فاضل طلب يشوفهن

ـ عدنا مهندس ومبرمج حواسيب عمي و ابنه

كلب فاضل بالدردشات عسى تكون هناك ثغرة..

باوع وابتسم..

ـ منو يكول هل دردشة بنقال بتنا حتى اسم اليدردشون ممبين ولا رقم
زين طاك صورة للدردشة مكبرة ممبين النقال وشكلة حجتك مو تمام. العب غيرها

هنا انتفض كريم

ـ اني ميهمني صدكتم لو لا لو اريد من نقالي اطلع شي نفسه ابو راس احمر ينتفض و تصدكون هل مرة بس مو وقتها

هنا صار،مصايح
ـ شنوو بلة شو تهدد

ـ انتم اجيتم على الرام واي اتهام تتهموني اطلع كل الحجي وسمعة بتكم بكفة

رد ابوية

ـ هااا شيخ هذا حجي وفعل ابنكم.

احنا متهميه؟ شو بس نريد غراضنا و مينطيهن

خزر ابوية كريم خاف ينكر

كل هم ابوية يغلق الموضوع دون ما يتوسع بيه..

هنا فاضل طلع القرآن
ـ يابة اذا انت لوتي اني جنجلوتي.

وهذا كلام الله احلف اي دردشة عندة مو النا.. النقال بقى يمه يكدر كلشي يسوي و حتى يأخر بتاريخ نقال..

شو اكو برامج اجت للتلاعب بالرسائل.

دك القران...

وهنا قرروا حلفان بينا

ابوية ارتبك

مقبلت يحلف

ـ اليحلف مو ابوي اني صاحب الشأن وكريم هم يحلف

حلفت و اني بداخلي استغفر يارب مضطر لازم ادفع كفارة

منا فاضل حلف و هو مدنك و مبين ضايج ويخزرني عيونة شرار اخضر صارن..

ـ

هنا فاضل بيده القرإن وعاد الكلام...

ـ احلف عن اخوي مو هو هذي الصور... لا رقم لا شي لا تاريخ.. ومو واضحات رغم انقرن بعض الدردشات...

بكلبي كلت الله ميقصر و هذا مصور دون اي تاريخ..

هنا فاضل حرج كريم..

ـ تكدر تحلف ولو انت باطل كلشي تسوي يا شيوخ مو دليل كافي..

فكرت الظاهر صور دون اهتمام كل بالة حتروح وياه و راد يقشمرها عود من رجع نقالها مفرمت..

حتى اكو سكرينات مو واضحة..

انتهى الموضوع اني حلفت كذبت كريم وكتله زين ليش مفرمت النقال اذا هذن صح...

ابوية هم ضغط عليهم بس عمي مبين على اعصابة ويخزر بية اهلاااا لكالة حجة علي هسة يطلعني غويت بنتة...

شجاع بيده سبحة يعصر بيهة ساكتين كوة..

اما وسام هاديء رزن

ـ اني مستغرب انو يمسح نقال وهو دلبل كبير عنده الا اذا هاي الصور كذب وليش محجة بالكعدة من طلكناها وتوة يا الله حجة

حجة ابوي.

ـ شوف حجي.. ابنكم هو الغلطان اولا ماكو رجال يهدد بنية جانت بذمته وغراضها يمه بس حتى يعتدي عليها.. و مبين رايد يستدرجها بس بتنا حجت كلشي اي شي عود لازمة على البنية ترى ندري بيه و احنا علمناها تراوغك...

شفت عمي مستغرب حجي ابوية حقة ميدري الثولة بنته شدازة لطليقها..

هنا كريم كال

ـ اصلا هي موافقة و اراويكم رسالتها قبلت تروح..

هنا حجة فاضل

ـ اش ولك لا اكوم هسة اكسر سنونك بحلكك... كنالك بعلمنا واحنا الي علمناها شدزلك و حلفنا بالقران قابل نكذب احنا

يعني شكو لزمة ندري احنا علمناها ردنا الرام بلا منوصل ندخل بينا هل وجوه الخيرة

واكو شهود يم مطعم من كسرك مؤمل ارى كمين سوينالك ترجع الغراض مرجعتهن انت وصلتنا ندخل هل خيرين

سكت... و اخر شي انتهى الموضوع اخذنا الرام و على ضممانة وجوه خيرة اذا طلع حافظ شي يمه..

رغم عيون الشيوخ و و ربعهم ممصدكين بس محد كدر يطعن بشرف لاجل واحد مبتلين هم بيه الظاهر هواي مدخلهم مشاكل لذا رادوا بس ينغلق الموضوع حتى واحد من شيوخهم هدد كريم

، سوي مصيبة اطلعك من العشيرة متحملك لخاطر ابوك المرحوم..

بس طلعنا تلاكينا وي كريم يم السيارات باوعلي بتحدي

ـ واكف بثقة خليها بعلمك لو اريد اطلع وصخ حبيبة الكلب كلة واخليك انت بنفسك تدور ثار كرامتك ههههه

ركب سيارتة وراح هنا ابوية دفعني

ـ ادخل السيارة الله ليوفقك تاليتنا نحلف كذب وانت شلون تحلف هااا

اشر على فاضل

ـ لو معترفين و مناكرين حولوها لصالحهم..

ـ وعبالك صدكوا بت عمكم فشلتني وسفة على شيباتي شفت نظرتهم اني شرفي بالدواوين ينحجي بيه بس ما اكول الا حسبي الله ونعم الوكيل ما قصرت يوم بتربية بناتك يا باقر. خوية اعذرني امانة مكدرت اربيها صح..

ظليت واكف متبسمر مكاني وما دخلت السيارة

جان عمي مدنك تدحرجت دمعة انكسار من عينه وصعد بسكتة للسيلرة بعد ما همس لابوية

ـ حشاك يابة...انت وفيت كفيت ذنب الام الما تابع

جان شجاع ووسام مدنكين من فاتوا يمي وكف شجاع وضربني بوكسي

ـ تلعب بعرضي ولك..

وكع الشماغ بالكاع دنكت بهدوء اخذت الشماغ و خليته على كتف شجاع واول مرة اكلة باسمه

ـ كرار. ... هذا من بختي احتفظ بيه خوية اذا بقى عندي ممسؤول اخنكك بيه

صاح عمي وابوية

ـ صعدوا..

رجع ابوية ترك السيارة عيونة بياضهن احمر كد ما عصبي انطاني راشدي وانطى شجاع راشدي

ـ هسة ارتاحوا...

بس وصلنا كمزت من السيارة واني احاجي وسام الي مدنك ومحجة شي

ـ وسام لظن بية سوء اقسم بالله مجنت ادري مخطوبة تدرون انتم زين يابة مو جنت ببغداد مو تعرف يابة و الله مجنت تدري ومحجيتلكم شلون ضحكت علي.

استهضمت تعرفون ولد ومشورب بنية تضحك عليه تقشمره..

همس عمي

ـ وسام يلة بابا يلة شجاع..

صحت

ـ ترى مجنت ادري وبس عبرت عن مشاعري عود شنو هاي... زعلانين اتحدى واحد بيكم ما حب وعبر عن حبه لحبيبتة اني هذا السويتة على امى نزوج شمدريني مصخمة من وراي واجت احتالت علي وعلى مشاعري ترى اني المكسور.. خدعتني

ابوية صاح

ـ مؤمل للبيت. وانت باقر ارتاح محلولة ابني.. الخطأ اذا بدر منا يصحح

التفت عمي

ـ حشاكم الخطأ الاعوج ببنتي..

و دخل. اما فاضل جرني من ياقتي

ـ حلفت كذب تعرف شنو يمين كاذب.. لك تالي عمري احلم يمين كاذب... بس حتى انكر سوايتك يالطايش

بنية ما تريدك ليش لزكت بيها ليش و خليت الحك عليك على ابو هو البدة يراسلها...

يومها محس منين الضرب من ابوية طلع قهره بيه لو فاضل الي يمين خليته يحلف..
حلف بالقران يمين يعني اثم كبير..

بسببي...

خلوني بمكتب ابوية وانضربت من اخوتي

، اي و ينتقمون منك بولدك اخوتك لو ابوك فكر فاضل احن بزمن كلة ظلم وحسن الظن بالناس صار مو حلال منفكر بيه اصلا ولا نثق...

مررت ايدي بشعري وانعكست صورة عيوني بزجاج مرايا مزقق (مشكل بطريقة دمج )

صورة مشوهة لعيوني بهذا الجام

ـ هالة باوعي هنا

جريتها واني ااشر للمرايا

ـ ششوفين

ـ عيون حبيبي الحلوة و جزأ من وجهي

ـ عوفج من وجهي ششوفين بعيوني

ـ هو الجام مينطي شكلهن لانه مزقق عبالك عدة عيون متراكبة شي فوق شي

ـ يعني تشويه انعكاس صورة عيوني. هذا اني يا هالة وهاي دواخل عيني مشوهة ركزي وياي مشوهة...

تدرين ليش

ـ ها ما فهمت..

ـ عاد انت ذكية.. مشوهة لأن مشافتج انت راحت للأذية. تكدرين تشيلين هذا التشويه تكدرين ترجعيلي استقامة نظرتي الروحية وتملكيها..

حضنتني وهي تبوسني وتجر تنهيدة من كل كلبها
ـ وعد مدام خلالي الطريق الحي ابقى من الميت الا ينبضلي قلبك الميت وعيونك ترجع تلمع بس هل مرة الي

مدت ايدها طفت التيبل لامب وهي تحوطني و تبتسم...

وسام..

كلنا برة غرفة انتصار منكدر نخرق قرار ابوي طلب ممنوع احد يدخل

نسمع بجي وتوسل نصرة.

وراها طلع ابوي ميتحاجة و امي تبعته
وهي تهديه

ـ باقر وجهك اصفر. لا توكع الله لينطيج ينصرة حتموت الزلمة..

اشرت للولد

ـ اوامر ابوي محد يدنالها يلة اخذت عقابها من ابوي ولو جنت اتمنى مخليني احاجيها وافهم شنو بداخلها بس طلعني من الموضوع وقرر عقوبة ضرب.

بيبي وهي تنوح..

ـ لا تلومة. انت رحت وياه يمة صعب على الرجال يكلولة بنتك عاقدة وتراسل ابن عمها وتتحارش بيه.

منصور وشهم مدنكين ضرغام يمسح بدموعه

ذبيت حسرة..

و دك نقالي حاجيت فاضل. حيل خجلت الدردشات اختي التتحارش وهي الي، تشجع بمؤمل وبذمة رجال هي صدك كلنا ندري ميدري بيها عاقدة... من سافر بغداد

سألني شجاع

ـ وسام ليش هيج تفضح بينا شمقصرين شفت ابن عمك شلون سوايتة لو اختك..

ـ الولد ميدري بيها عاقدة وتدرون ناهي عليها و يعتبرها اله. و كلة متجاوز التشجيع من اختنا معرف شجاها جنت اخاف من نضال و نصرة الرزنة والهادئة

شفت زيزو تبجي خايفة

اشرتلها تروح يم ليلى الي خزرتها لان رايحة تنقل حجي

شوي وترخصت راسي مصدع

دخلت الغرفة سديت الباب حيل..

ـ البيوت اسرار والمرة الي تطلع اسرار بيت زوجها هاي مو ثقة فهمتيني مو.

هزت راسها اي واعتذرت

ـ توة رزلني فاضل لا تلومني اختك سوت مصايب الدنيا و تعيرنا تكول عليك جنت تتختل بية الله عليك شفتني مو زينة لو انطيت وجه قبل ا نعقد

شو فاضل مو خلاك سنتين تلح على زواج ويأجل مو عيب تحجي علي

ـ هاي شنو شو صايرة لسان لأني مدللج و منطيج وجه شوفي انت هنا لا اسمع لا ارى لا اتكلم..

المرأة الجيدة متروح تطلع اسرار بيتها لاختها لأمها تدرين الله يحاسبج على هيج فعل. واني ما ابريج ذمة اذا تكررت

و انتصار اخذتي منها موقف صح حقج بس شوفي هي بشدة المفروض مو تشمتين بيها تكليلي اختك سوت مصايب و تحجي علينا تكول تختل بمرته..

وين عقلج واني بحاجة زوجتي ترفع معنوياتي اني بشدة.. و الناس مترحم و انتصار هواي خلتنا بمواقف لا نحسد عليها
وانت هسة... تعيريني يا ليلى كلمتج تعير واستهزاء وتشمت بمصيبة بنية والله بالمرصاد.

خليت وطلعت ضايج منها.

لكيت اخوتي سبعتهم ملتمين حتى اازغار الحر و فهد..

مدنكين من شافوا الوضع كلش متوار شوي وامي صرخت

ـ باقر حاجيني باقر.. ولكم لحكوا ابوكم مدري شبيه....

ركضت اني والولد وزيزو الي تبجي

انتصار..

النذل شلون اول الموضوع ضدي.. حتى ابوية الميعرف يضرب ضربني من وراه وهو عبالك عسكري يحقق وي خائن دولة...

اعتبرني خائنة للعائلة اعارف غلطت وغلط جبير..

ورى ضربات عدة... سالني الرساىل تبين تشجيع مني لمؤمل.. شلون هيج

هنا كتله كريم طلب مني استمر اراسله.

ـ طلب كريم اراسله..

ـ لج حتى ولد ابن عمي ساهر يتبسبسون عليج بالكعدة يمي تدرين شيكول لمحمد

ـ مبين بناتهم وكحات يمحمد بيش وكعت روحك

ـ لبنى تختلف وانتصار على ساس الك بس مقبلوا

ـ الحمد لله مقبلوا تروح ستين فدوة لضفر نجوى مرتي على الاخلاق و صيانة الشرف

ـ اسكت عيون عمي باقر علينا وبس يسمع ابوي حجيك يلعب بيك طوبة ميقبل على بيت السيد..

ـ وشكلت غير الحق وانحجى... بتهم تضحك على الولد معلكة ولد بذمته و لاعبة على ابن عمها قريت الحبيات التحجي كلة جريء همزين ما تورطت...

ضربني ابوية راشدي وهو منهار

ـ ليش تكصرين ركبتي يم الناس لج البنية عكال ابوها ليش
تدرين رحت وياهم على نيتي محد كلي كل الي اعرفه على رام وكلت الغلط منا شلون مسحبنا النقال

طلعي النقال كال رجعه الج

ـ اي اطلعه بس مفرمته

ـ ابن عمج لزم هل شغلة عليه وكال لو الدردشات حقيقية مفرمت نقالها يريد ينتقم لأن طلكنا بتنا و انهان بين العشاير

تعرفين شنو زلم مشوربة تحلف بالقران الدردشة كذب و منو يكول اصلية ماكو رقم وتاريخ يثبت

لج نحلف و العيون متصدك بس اللسان يحجي شكل...

شكول عليج....

جان ابوية دمه محترك. اني محتارة شلون كدر يطلع الدردشات و نقالي بذاك الوقت مبيه نضام السكرين جان نقال بلاك بيري حسب ذاكرتي..

فكرت الا سحب الدردشات على بريد الكتروني

ردت اسال شلون شكل الرسائل...

بس هم اعصاب ومدام فاضل ووسام طاعن بيهن يعني طريقة سحبهن متبين ادلة قوية

رحت بعيد بالزاوية من ابوية كعد تعبان من ضربي وهو يبلل بحلكه

الي شفايفة يبست

وجهة اصفر...

صوت امي وبيبي

ـ باقر كافي يمة... كافي حسك تعب وليدي

ـ يمة كون اموت ولا هل يوم بنتي تتهامس بيها الزلم و عمت على كل بناتنا صارن وكحات بعيون الوادم

ـ حشاااا بنيات عبد الرحمن ذريته ذن ينكص لسانة اليحجي بيهن

ـ يمة حجوا و حقهم الخطأ راكبنا

التفت وهو يمسح دمعه...

ـ ليش تضحكين على شيباتي.. كلتي زميلي وخوش ولد عاندت اخوي بسبيل راحتج

كلت بنتي متنظلم و مخلي احد يفرض عليها شي...

شسويتي انت طلعتي تضحكين علي احتاليتي علي و على اخوانج ترى شجاع بالرجعة سولف كلشي شنو انت الفصمة وبيوتنا متروسة زلم ضحكتي على شاربهم حتى تزوجي الساقط..

لا وفوكها تراسلين مؤمل تغوين بيه

ضربني ضربة شمرتني بعيد
..
ـــــ احجي ليش هيج تحجين وياه وانت رافضته هااا احجي لتعذبيني

انت رفضتيه ومخطوبة شنو حجي الحب القريته

لج احجي..

هنا اعترفت بكلشي بمخطط كريم و شلون ادزلة حجينا...
اكتبلة استهزأ بمؤمل اسميه الطفل و هواي حجي جنا نضحك بيها عن مؤمل

كعد ابوية بالكاع متربع و هو حاجز راسة بين ايديه و ينحب

ـ حرام عليج لو مخلية عمج بين عيونج ولج يبقى مؤمل سندج شلون هيج تطيحين هيبتة يم الغريب..

اشهك موجوعه... ضربة اجت ببطني موتتني

ـ بابا حجيت كلشي وغلطت بابا عفية كافي والله اسوي التردوه بس كافي حتى ابطل من جامعة بعد ما اطلع كلش

انهاريت كلش صعب اشوف ابوية هيج

وهنا عرفت عمق الخطأ الوكعت بيه...

ـ لج شكول لعمج شكول لازم يعرف هذا لازم عليج دردشات تعيبين وتتفقين وي الغريب على ابن عمج

شلون اخلي عيني بعين عبد كولي

جيبي نقالج

اصفريت

ـ نقالج بساع

انطيته النقال بيد ترجف

ـ ومخلية رمز؟ فتحيه

نبضاتي احسها باذني نفسي صار عالي واحس هاي هي بعد...

الرسائل الي نلتقي بشقة و شلون قشمرتة حتى اخذ الرام منو يصدك احتال عليه

حتى خفت ليطلع الدردشات ذن بس كلت مينطي بروحة حاول يغويني هنا تصير الحق ضده اذا بين عرضه علي

وعلى ما يبدوا هم من راحوا بس حجوا انو بقى رام صور يمه ميرجعة و هذا عرض مطرقوا للتهديدات اكيد خافوا تطلع سالفة حجيي وي مؤمل وهم طلع..

وسع ابوية عيونة وشهك وهو يقرا المصايب.. الي يقراها يتصور بيني وبين كريم طبات وطلعات و شقق..

خاصة اخر رسالة...

شفت ابوي بصدمة وايد ترجف اخذ النقال وطلع

ضليت انحب شسويت بأهلي شسويت شسويت بس تنحل والله اقبل بمؤمل حتى لو زعطة...

اسوي اليردوه بس يارب فك شدتي هاي

رحت بحجابي عكدت عكدة ام البنين ونذرت نذر بس تفك.. السالفة

اشهك وشوي سمعت صياح امي مات ابوي

ركضت وايدي على حلكي ابوية مات من وراي

عبد الله

مر اسبوع اعتكفت الكل و التهيت بباقر جبتة يمي...

من الهبطة صار بيه سكر

مكابله.. واني افرج بيده

ابتسم

ـ يابة يمتى تخلص اقامتي الجبرية هنا...تعبت من الفراش

ـ ارتاح ابني لشيل هم

شهك.. و حضني ينحب حسيته ضعيف مهموم

ـ لا تشيل هم انتظر تتحسن واعقدلهم بنياتنا لولدنا....

ـ ما تدري يخوي بنتي غلط بغلط...

خليت ايدي على حلكه

ـ اشش لا تحجي شي ما اريد اعرف...
والله كسرته تكسر حتى فاضل بهذلة شسوى بيه والله اخليه فدة جوة رجليك انت ابني واخوي كل ولدي فدوة الك..

شهك

ـ الغلط من بنتي..

حجالي الشاغل باله والي وكعه بمرض مزمن السكر...

عصرت ايدي ضغطت صابيعي براحة ايدي حيل

كاتم غضبي. و ابتسمت مريد باقر ينتكس

ـ هذا يبقى بين ثلاثتنا اني وانت و المطفوكة نصرة..

مريد مؤمل يعرف اخاف يتراجع واني خليتة امس يوافق تدري جيل هل وقت ما ينحزر ابني خلاني احلف بالقران ما ادخل بينة ومرتة لو تشتعل الحرب العالمية بينهم

اني حلفت بس اكدر احتال.. عاد كلكم حيالة خل اني ولو مرة بحياتي احتال.. اذا صار شي اكدر اوجه اخوته بمكاني يصرفون هو حلفني بس اني..

اطمن بنتك تستقر وي مؤمل جائز بينهم ثلاث سنين فرق بس مؤمل شاب حنون وكدها جاىز اول زواجهم يكون بينهم شوي مشاكل...

هز باقر راسه و غمض عينه

ـ التشوفه يابة عاندتك هواي شحصلت عاد خل امشي وراك اربح واالله

رحت ليسرى و عاىشة

ـ مؤمل اكل لو بعدة معتكف

ردت عايشة وهي تبجي

ـ يا يمة يوليدي.. شكول على بنت كمرة شعليه ولد تعرض لمحاولات تحرش و اغواء برسايل شتتوقع وهو صغير..

ابتسمت رغم الموقف...

ــــ عايشة عاد ابنج فقير مو؟

ردت يسرى

ـ مولاي كافي قسوة عليه من اسبوع حابسة
ولد ممتعود على الكعدة وحرك حابسة

ـ وربج تلكيه كاضيها بلي.. اليل كلة يتعمد يلعب كرة و يصيح كولللل خبيث يزعج نومتي عبالة يمللني واخليه يفلت.

كلام اخير العقد يتم.. و ياخذ بنت عمه

حتى سجاد من عرف من امهاتي سبب روحتنا تولاني جلاليق...

عدا هاشم حاول يبعدهم

بس ابوية كله

ـ خل اربيه متحمل عليه اني هواي.

خاف ما حاسبتة على دكتة بسفرته لو استهتارة وي موزينات بزواجات مؤقتة

ضحك هاشم رغم عصبيتهم

ـ هييي وايد مصدكيه.. يعمي...

شردت لغرفتي تبعتني امي يسرى و قفلت الباب

ـ ليش يمة هيج..
باوعتلها امسح دموعي مريد ابين ضعفي شنو جريمتي واني حبيتها

مو بيدي مشاعري تجاهها مو بيدي

دكت الباب امي عايشة فتحتة امي يسرى اجت حضنتني تبجي واشوف الشيب زايد بشعرها وجهها بيه تجاعيد حوبة عمر وقهر و ضيم عاشته...

حضنتها هل صدر الحنون الامان و همست واني هنا استنفذت قوتي

ـ يضربوني يمه لان حبيتها منو منهم ما عشك.. ليش علي بس اجو. شذنبت مدري بيهو بذمة كريم ويدرون زين مدري

بس هو هم حضوظ..

فاضل...

ورى هل ازمة طلب ابوي يرتاح و كال كلمن يروح بيته

دخلت بيتنا اليشوفني طالع من معدركة عكال بيدي كطعته على مؤمل يشماغ مشمور على واحد من جتافاتي و الثاني لا

و دكم ردانات الدشداشة مفتوحة

تلكتني هالة صفرة وبخوف

ـ شبيك فاضل..

بست راسها و حضنتها..

ـ ماكو شي.. مراهق دخلنا ماهة و حلفت كذب شلون باجر اواجة ربي واني قاسم يمين بقرائنه كذب وكله ومحد صدك يعني حلفان على البلاش

طلعت قهري بيه مشفتي شكاتب...

باوعتله

ـ تقصد مؤمل..؟

ـ اي.. و انتصار.. لو شايفة حجيهم يعني احضان قبلات و كون يمك و احضنك واشعار

ردت

ـ يحبها.. انت من حبيت مو صرت شاعر..

ـ متجاوزت على الي ببالج وهي بذمة رجل طلبتها قبل لتزوج و تدرين كلش زين من تزوجتج ما خنتج شلج بيها

خليت ودخلت الغرفة نزعت ملابسي بعصبية ورحت لمرسمي..
تركتني انعزل حست اني معصب يمكن طلعت بمؤمل كل غضبي من نفسي.. من حب وحدة متحبة.. مثلي

حسيت الماضي تكرر نوعا ما...

من مذكرات رجل حر...
كاعد واني اكتب ذنوبي واضفت من الذنوب اعظمها

يمين كاذب.. اي بشر انا. خائن وكذاب...

و لئيم....

اي بشر اني الي خفت من جمهرة ناس خفت الفضايح بس مخفت من كتاب الله الي مديت ايدي ودكيته...

اي جرئة.. ملكتها.. اي جرئة وعدم حياء،من الله..

ذنب جديد.. يمتد لساحات ذنوبي.

احس بنفسي طير نورس.... قرر يهاجر بس يمتى

كتبت اسفل مفكرتي.
طيف مر بي في ليلة
سلبني رجاحة العقل

ابتسمت وكتبت..
اول مرة اضرب مؤمل... و اطلع قهر الغبي الي بداخلي من عشك وحدة متحبه... يمكن حسيت اكو تشابه بين قصتي وقصة مؤمل حب طرف واحد...

بس الفرق ابوية قرر يجمعهم بينما اني ما انجمعت بالدنيا بحبيبتي ولعل لنا لقاء حتى حين..

حين تتلاقى الارواح...

سديت المفكرة و اندك الباب..

ـ على مود البنات اجوا ناس ..

و سولفت خوش ناس و يردون البنتين البقن...

ـ اسأل اول.. بنفسي اسال

اجت تمرغ بجتافي

ـ ليش متشنج

ـ ضريت مؤمل و حسيت بجتفي وجعني

ضحكت

ـ هههه شور بيك خطية والله الصوج من نصيرة..

رفعت راسي و مضيك عيوني

ـ و شمدريج

بلعت ريك

ـ ها.. خابرت ليلى عمو باقر ضارب نصرة بس رجعتم موتها كوة طلعوها من بين ايديه.. و سامعة الحجي كايللها شلون مكايلتلة مخطوبة و ظالة تراسليه حبيات اذا تردين ابن عمج لشنو ورطتينا وي كريم شنو ببالج تكسرين ظهري تلعبين على الولد مرة كريم مرة مؤمل مأملته وانت بذمة رجل اخر

وكفت و طلعت نقالي

ـ شسوي...؟

ـ اتصل بليلى اربيها شوي جانت خرسة مينسمع صوتها شو طلعلها لسان وطلع اسرار بيتها

ـ بس.. ترى حامل و منا وسام يسمع خاف يعاركها يأذيها.

ـ روحي نامي هالة... بدل ما تفشليها متونسة توصلج الاخبار مو؟

اتصلت بليلى ورزلتها

و رحت حاجيت وسام

ـ علم مرتك مطلع اسرار اهلك. و تعال اكلك
بس لا اذيتم البنية ترى ابوي قرر زواج يزوجون..

ـ فاضل قابل بسواية مؤمل

ـ والله الرسائل مبينة هي مأملتة وميدري بيها بذمة اخر. هذا بعد صار و السالفة خذت حيز ونصرة زوجوها مو كل مرة تسلم الجرة..

ـ هسة ابوية تعبان و بالي يمه انهار كلش..

شايل هم عمي يكول معروف و فشلناه ببتنة التضحك ع الولد..

ـ هسة هديه و الصباح رباح والله اجرمت بمؤمل رغم ترى مو ذنبه هي الكذبت عليه

و هم دوم يتراسلون و يلعبون بلي من قبل لا اختك تدخل صخام لحياتنا

بس الصار اخوي على نيته ميعرف عقدت ولازم يخلي حدود راد يقنعها وعبر عن مشاعره انتصار هي الغلط منها بنية مخطوبة تكولين لشاب كون نتزوج واصير تحت جنحك ومؤمل ترى بسن الكلمة تأثر بيه الكلمة مو غزل و بيه جرىة..

سكت وسام..

ـ لا تنحرج انتصار بتنا ربت عدنا ولحمنا نلمه احنا و هاي هي نزوجهم.و نخلص..

ـ الله كريم...

سديته و عكبت هالة واني بالي كلش مو يمي

باوعتلها..

، وين الرام الكتلج تدفنيه دفن يمج

ارتبكت وهي تسأل

ـ ليش

ـ جيبيه

ـ بس اني شفته ملفات ضخمة فساد لا فاضل يقتلوك بس يحسون نورا ضامه نسخة يمك..

ـ انشر كلشي واطفر للخارج

ردت عايشة

ـ بس والله يكول طابت نفسي منها وراها مصايب شعلي تعال استرها فوك مقشمرتني وسكتت مفضحتها الي فضحها حبيب الكلب الطلع سادي..

ـــــ مشكلته... بنت عمه خو ما اشمرها مستقبلها تدمر... ناخذها جنة النا وجوة عينا المن يراد ابن العم ولكم اني الي انكسرت بهاي السواية اني و صيتي مشفتوا عيون الناس تحجي شكل واللسان يجامل ااااخ رحموني وخلونا نلم لحمنا الي اتفضح و نسكر الموضوع.

هنا صوت مؤمل...

ـ يراد يلملم فضالة الزلم... يعني توكع براسي

ركضت وشربته بوكسي بوجهة

ـ ادري بنفسك وتريدها لا تكابر و... عيدها وشوف البنية مبيها شي و سالمة و ملامسها و حتى لو لامسها و انكسرت مستحيل اخلي باقر مهموم ببنتة ومنزل راسة واني اشم الهوا
شوف ولك باجر العقد

ـ واعقد بوجهي الورمتة

ـ اي ناجل حفل الخطوبة والحلقات لمن تطيب انت وهي لان ذيج ابوها.متفنن ضرب بخلقتها.

باوعت لعايشة

ـ صدك اني حابسك وقافل الباب انت شلون طلعت هااا...

ـ امي عايشة من جابتلي مي نست مقفلت الباب

باوعت لعايشة و دفعت ايدي على الحايط بصفها و ضربته براحة ايدي حيل
كمزت هي لصوت ضربتي للحايط الواكفة بضله.

ـ اوامري ما تنكسر وتعمدتي تخليلة الباب مفتوح

رد هنا مؤمل

ـ اني مو ولدك تضربهم ويضحكون اني زعلي صعب الارضاء يابة و زعلتني

ـ لا بلة وزعلتهم

ـ زين يابة وافقت اخذ انتصار بعد اوامر احنا بالخدمة حجي.. بس لا تنس انت وعدت حلفت..

وانت قررت انتصار مرة الي بس شلون اثق متراسل غيري شلون اثق بيها وسوتها

هواي امور خلت الثقة تحت السالب يابة

ـ ميخالف ابني تتعلم. و فترة مراهقة انت الي عقلك اكبر،و بالتفاهم ينحل كلشي

ـ اني ما اتفاهم.. من حقي اكسرها بمرة لان جبرتوني عليها بس مكدر يابة.. مو اتي الي اثني..

يمكن اخذت هل صفة من فاضل كل واحد بيكم انطاني،صفة منه

رحت اريد احضنه
ـ تمام خلص حبسك...
مدام قررت القرار النهائي ووعدت ما تهرب

ـ لا ما اهرب تطمن. العريس ما راح يشرد بليلة العرس

ـ جنك تحجي بالعرس.. يابه وينك وين العرس انت لوتي كدامنا عود مراضي وجابريك بس هاي بنفسك والله كتبها نصيبك شتريد بعد

وخر عني من ردت احضنة ذبيت حسره هذا صدك نحس يزٌَعّل علي صاير.. و صعب الأرضاء.

بيوم العقد...

مؤمل...

كاعد و فرسان البادية كل ساع واحد ذبلة حجاية

ـ اكول ابو صكر... شلون بوكسي اول عريس يعقد و بيه نيشان ليضيع ههههه

و طكلي صورة

رديته
ـ سويدانة كافي ابوك منو يا تفاهة

اجة صادق باوسني الباب مفتوح اجت مكة دازيها توزع الببسي

ردها
ـ الببسي هسة يتوزع لو ورى العقد

ـ ماما جابتلكم هذا كالت وديه

ـ ديلة روحي جوة

رغم ماكو غرب بس عوائلنا

بس عزمنا بيت بيبي نوال و احفادها هم

فخاف صدفة يدخل واحد من ولدهم

هو عقد بحفل بسيط عائلي و بيوم لبس الحلقات عود نسوي حفلة خطوبة

شوي و بين ابوية

ـ مؤمل اخذت وكالة البنية...

حعقد..

ورى العقد وصلت دردشات بين نصرة وكريم كلها استهزاءمني و من رجولتي و من كرامتي

امور صعبة اتقبلها
عجيب شلون هذا حصل رقمي
اني غيرته من ورى الكعدة

و شلون عرف.. منو اليحجي ويوصل.

شفت عمر فات ورى موسى الي كل ساع دفعة

ـ شلزكت تابعني

اني متحملت
عفت المكان و رحت ادورها لكيتها لابسة بدلة بيضة و يمها بناتنا
جريتها حيل لغرفتي امي عايشة ضحكت بفطارية
وعي تكول
ـ يااا خايب مو اليوم العرس شوف الوعد لج يسرى سحل البنية للغرفة لحكينا لا نتفرهد

و ضحكن عبالهن اريد اختلي خلوة الخطوبة بمرتي امي تبعتني

ـ مؤمل عيب ميصير
باوعت لامي
ـ شرطي ممنوع اي تدخل بيني وبين هاي لو نصير كاتل ومكتول

دفعتها للغرفة وقفلت الباب

نزلت بيها ضرب واني معصب

ـ لج اني تستهزأي تكولي زين ما قبلت بيه احضرلة الحضاين لج اني.. تتفقون علي انت هذا التافه

اضرب بيها نهيتها

صحت بيها هسة تنزعين كل ملابسج

وسعت عيونها وهي تحضن روحها

ـ حالًا نزعييييييييييييي

رفضت تقربت منها الزم البدلة من الزيك و...

يتبع

نلتقي يوم الخميس او الجمعة