ـ ههههه و الله عمي طلعت انت داهية... بس تذكر هاي مؤقته يعني مال ونسة دربالك تحبلها عاد اخذت احتياطك لا...

عكدت حاجبي وانحرجت من صحت بساع

ـ و شلون يعني.. ما اعرف هي غير النسوان تشرب مانع..

غمني...

ـ طاح حظك هسة تورطك بطفل وانت تثق بذن.. و تعتمد عليهن يمنعن حمل انت امنع الحمل بصورة طبيعية..

صفنت بوجهة مدري طخت شيقصد مدري لا ما اعرف..

ـ هسة دبرلي المشتمل اخذ مرتي واروح..

ـ و الله جنها دبستك بزواجة دائمية ههه لا يا فطير

رديتة

ـ لتدخل.. نورس حاجي سنان خل بس يدبرلي الاريده..

باوعلي نورس..

ـ مدام لكيتها بنية لا تطلك حرام ترى عليك وخليها مرة الك...

سكته بنظرة
ـ انت لتدخل بهاي الشغلة شأني.. اني الي اقرر ابقيها لو اشحنها لعمها...

رد نورس ضايج.

ـ كيفك هو انت كسرت البنية حرامات سنان جرك لسوالفه...

اجرت بيت وحصلت شغل عمالة.
تذكرون اني عندي معلومات بناء والدي مقاول.. و اني مشتغل تحت ايد اكبر مهندسين الي وي ابوية...
حتى بالبنيان مشتغل ابوية طبعة الولد من صغر يذبه ع الشغل يتعلم صنعه و هم يدرس.

بس اني للأن ممقرر بخصوص الدراسة اريد اكمل بالخارج اعيد الدراسه هناك..

و نضامهم حلو كلش.
رغم يفرضون لازم اعيد ع نظامهم من الابتدائية او اعادل شهادتي معرف بعد..

عندي صديق بالسويد عراقي اتواصل وياه.. يكول عدت الابتدائية بسنة و المتوسطة هم و جاي يدرس ثانوي

عدهم موسم صيفي و شتوي للدراسة وعدهم هواي طرق تختصر الدراسة ع ذكاىك..

مو مثل العراق يكضي عمره يدرس تالي ميدبرها..

و الشهادة من الحصار ميعترف بيها

ابوية شكد سولف عنهم و يكول جنا تعليمنا اسكندنافي المرتبة بحيث دول غربية و عرب تدرس عدنا وشهادتنا تعتبر عالمية.

هسة كلشي تغير وراح الزمن الذهبي بسقوط الملكية...

استقريت بمشتمل غرفة وحدة...

اجي تعبان هلكان.. شفت بانتصار السمرة هيج ميزتها.

حتى غيرت اسمها مكمت اصيحا انتصار كلة
ـ سمرة.. تعاي.

تجي خطية ركض حسيتها تعلقت بية بس مريد انطيها امل.

ـ اخذي المسواك تعبان كلش.

ابتسمت.. ركزت بحلكها و اني استغفر مقصد اعيب الله يشهد بس من تجي عيني على حلكها عينةً اشوف حلك سويدانة (محمود)

ـ اكول سمرة تدرين تشبهين ابن عمي وهذا خلاني احبج..

باوعتلي بخجل كلت لا تفهم غلط حسيت عدها اعجاب بية و مريد تتامل مريد اعلقها بية مثل ما سوتلي انتصار..

ـ اقصد احبج بمعنى اني اشوف بيج ابن عمي..

بوزت وراحت تدردم بالمطبخ

بيها طفولة.. تعجبني احيانا...

جابت الغدة و انطيتها من اجرتي اليومية مصرف

ـ جمعيه هذا حقج... حصلت شغل العصر بكهوة..

راح اجيبلج ملابس محتشمة مدامج باسمي و ذمتي تفرع ماكو انت مرت سيد....

باوعت.. الي.

ـ بس متريدني و احسك تتونس علي وبس. موسويني قرقوز الك

ضحكت...

ـ اي اتونس عليج بتصرفاتج.. عندج تصرفات مضحكة يا سمرة..

ـ كرهتني بروحي كلي انتصار..

ـ من انطق انتصار يعرضلي شخص مريده يجي ببالي بكل لحظة..

اروح اسبح..

ـ حضرتلك الحمام..

ـ معليج بداخلياتي كم مرة كتلج لتغسليهن ولا تتقربي منهن بس خاولي حطي بحمامي الباقي علي..

باوعتلي وبرطمت و دردم

ـ صوجي مو صوجك.. كلت تعبان واساعدك...تجي تلكة كلشي نظيف.

باوعتلها ومنحرج لان تغسل داخلياتي

ـاني احب الوسخ اموت بيه مالج علاقة بملابسي اوك.

سبحت و غسلت ملابسي اعرف بس ابقيهن راح تغسلهن ادري بيها

الأسبوعين خلصن و نورس كال تجي ويانا لو تبقى ردت اعتذر بس اريد اشوف البادية و سنان كال اكو قبائل معزولة عن المدينة و الناس على الحدود بينا وبين السعودية...

باوعت لانتصار السمرة و كلت هي تشبه محمود ما اخاف عليها.

بس هم تبقى حرمتي وعرض. هسة شلون..

و يمكن الفرج دك بابه من اجاها اتصال عمها بالعراق.

و كال بعد ثلاث ايام يجي. و تقدمت سفرته الحمد لله اخيرا

اجت و الدمعة بعينها.

ـ عمي يكول كملت اوراقي و يجي ياخذني... جزاك الله الف خير جنت خير اخ و مستغليتني..

باوعتلها وكرصت خدها..

ردت بحزن...

ـ اعرف مو حلوة وما استحق مثلك حلوو...

ضحكت..
ـ بالعكس الجمال جمال الروح يا انتصار شتان بينج وبينها..

انت جمالج روحج و بعدين شنو مو حلوة ترى شكلج جذاب شوي من سوالف نسوان حفافة وهاي الاحمر والاخضر مدري الاصفر تطلعين جنج ممثلة هندية هاي الي عيونها شهل جنهن عيوني..

ضحكت..

ـ يعني اني حلوة...

ـ تكتلين بس والله حلكج يذكرني بسويدانة ابن اخوي ..

بس ترى هو هم حلو.. حتى شاربج حلو...

خلت ايدها فوك حلكها وشردت خجلانة.

ـ يمعودة اني عجوزي الله جابج الي تداريني عليج بخت هل شارب تعاي صبيلي جاي.. ترى محلفج بشي تتباهة بيه الزلم..

و سولفيلي عمج يمتى يجي.. بالضبط..

اجت و هي مدنكة..

ـ ما احف اني و لذا تشوفني مو حلوة هاك شوف هاي صورة امي اشبهها
ترى عيب تذكرني ما حافة
و معندي شارب هو هيج مال وحدة محافة اكيد اكو شعر هنا

اشرت فوك شفتها....

انطتني صورة حلوة لمرة سميرة و جذابة حتى فمها الكبير مرسوم بتحديد متقن مغري..

ـ سمرة ترى اشاقيج.. ليش تزعلين..

ـ تقبل واحد يكول على شعرك بلون الزنجار لو جهك.

صفنت بوجهي تدور شي تعيب عليه سكتت و همست
ـ مؤمل مكدر اعتبرك اخوي اني احبك.. بقيني يمك حباب...

محسيت الا انحضنت و هي راسها على صدري و تبجي

ـ بقيني مرتك الله يخليك.. و الله اكعد عاقلة مضوجك..

سرحت شعرها وحضنتها الي

ـ سمرة... اظلمج و الله.. انت حالج حال اليتعلق بطبيبه او بمنقذه.

رفعت وجهها الي و كل شعور ناحيتها ماكو غير شعور اخوة..

شفتها تغمض مثل الي تريد قرار محسيت الا جلبت بركبتي وباستني

دفعتها عني و انطيتها راشدي وطلعت..

اني ما علقتها ولا خدعتها بالعكس كل الي ردته انو محد يدنسها توصل لأهلها سالمة شلون هيج تسوي
لذا بليلة الخلوها الي بغرفة مكدرت ادنسها دفعتها تنام على الجرباية طفيت الضوة ونمت على الكاع بس مخدة ولحاف يواسون ليلة من ليالي سهراتي افكر ببنت عمي تخوني وي رجلها و بحضنة اتخيلهم و يحترك دمي و يزيد غضبي....

ظليت افتر بالشارع ادخن جكارة و من رجعت لكيتها تنحب.

كالعادة من رجعت جان متأخر الوقت

درت وجهي استغفر شكيت تتقصد تغويني حتى اتمم زواج و احولها لدائمية...

ليش كلما اجي مطلعتلي رجليها لو تلبس دلعة نازلة تبرز مفرق صدرها ...

مسحت وجهي ظهري صوبها..

جرباية معدنا نفرش بالكاع وهي بجانب واني بجانب بس الروس تتلاكة..

ـ سمرة. سمرة.. ماكو. نايمة او تمثل.. سعلت و همست انتصار السمرة.. كعدي.تغطي

رحت اريد اغطيها انجريت و تعجبت من جرئتها وهي تبوسني و تلمس شعري وجهي جتافاتي... متعلمة سوالف البيئة الي جانت عايشة بيها..

وسعت عيني و ضربتها كل راشدي و الثاني اقوة موتتها كتل...

طول اسبوعين مشفت منها العيبة شجاها بدة الشك.

اطلع اشتغل معقولة استغفر الله لا خاف هاي تتواصل وي مرت ابوها تعلمها...

جريت شعرها

ـ شلون هيج سويتي منو دفعج

همست تبجي

ـ اريد اصير مرتك... اخذني اني احبك..

ـ انت لا تخليني اندم ساعدتج...

كعدت تلم بروحها

ـ ماكو امل الي وياك؟ ترى مبقى شي على وصول عمي

ـ ابد...اي امل ماكو.

ـ اعتذر و اعتبر من اليوم ما ازعجك.
و اني سولفت لام جود شلون اريدك هي علمتني اسوي هيج اغريك.

مررت ايدي بشعري وكتلها..

ـ اعتبرج اختي لذا صدمني السويتيه

ارجوج لا تخلين احترامي الج و نظرتي تتغير

مسحت دموعهه

ـ اسفة متتكرر

ـ عمج يمتى يوصل

ـ باجر..

ـ اي زين حضري امورج باجر قبل ليوصل اطلكج... وبهيج اني سويت العلي.. والله يوفقج و ينطيج اليحبج ويصونج و ما يظلمج.

ـ راح يجي وياه ابن عمي... من خابر كال وياي ابني عمي من سنين تزوج سورية بامريكا مقيمة

ابتسمت.. و حدسي كلي.. نصيبهة جاي الها..

ـ نامي. تدرين تعودت عليج معندي خوات.. و الله الاسبوعين حسيت وياج صدك بمشاعر الأخوة..

ـ الله يوفقك.. بس كون ما تنظرلي نظرة مو زينة على السويتة والله كل تعلومك الي الصلاة و الحجاب راح ابقى ملتزمة بيهن

ـ انسي الصار.. ضوجني بس سامحتح . و اكيد حنتواصل و اعرف اخبارج..

ـ اي اكيد...

غطيتها

ورحت لفراشي.. ادري مو حب متحبني

اني جربت الحب واعرف اذا انرفض شيصير بية مو اتصرف عادي

الظاهر مجرد مراهقة و تعلق بالفارس المنقذ..

ابتسمت و كتلها اشاقيها

ـ خوية سويدانة..
هاي من اشتاق لمحمود اصيحها بأسمه
و الله الحلك يخلق الشبه من اربعين..

باوعتلي وضحكت...

ـ لازم حنيت لابن اخوك
ـ كلش

ـ ليش عفتهم ارجع و الله الاهل لو ينشرون اجدي ثمنهم تجدي واشتريهم..
ابوية عاش عمرة الي من ماتت امي لمن قبل سنة تزوج هاي وبهذلته اخر شي مات بحادث
و بقيت برحمتها وستر الله وانتظر عمي يسحبني.

باوعت لكيتها متناعسة
سكتت

اجة يوم الافتراق وعدتني تبقى تصلي و تبقى على حجابها..

راحت انتصار السمرة... امانة و سلمتها.. شعور المسؤولية و اعتزاز النفس رافقني من عمها تشكرني هواي

مثل توقعي لكفت نظرات ابن عمها

هو حلو بس الحلك صفة موروثة عدهم.. كلش جبير

شفت نظراتها لوين لابن عمها مثل متوقعت..

رفعت ايدها تودعني. واني اباوع السيارة تبتعد.

اشرتلي على ذانها علامة تلفون.

اشرت هم علامة تلفون عود نتواصل

رجعت للبيت فارغ جان و موحش.

بس سنان اتصل و حدد يوم الرحلة..

اول ما رحنا لساوة... شفت مخطط لبناء محمية..

ـ شوف هنا راح تصير محمية حيوانات حاليا ديكاثرون غزال الريم العراقي...

تدري يا مؤمل اغلى واندر الغزلان هو الريم العراقي..

مرغوب جدًا و تقريبا معرض للانقراض بس هنا بدوا يكاثروهن حتى ينقذون هذا الحيوان لينقرض

خلال سنة تنفتح المحمية سنة التجي من تمرلنا حشوف البط النعام و الغزلان..

شوي واجة ولد.. تسالموا..

هو شرطي منافذ حرس حدود.. الغريب شنو.. احسه رحلته ما الها علاقة بالعمل ماله ليش ما وياه مفرزة اذا ناوي يكمش مهربجية

ـ ليش يباوعلي ويضحك شحجيت وياه

ضحك

ـ كتله نريد حليب نوك الصبح دوة لشاب توة بلغ.. و يريد يصير رجال قريبا...

كمت وعفت المكان معصب... ليش يستهزأ و يتنمر علي شناقصني..

ذبيت الدشداشة اختنكت...

و لابس جواها بدي ربع ردان اخو الكيموني.. و برمودة لونهن اسود
شمرت دشداشتي على سنان هي والجراوية الي لونها احمر وابيض مثل السعودين..

لحكني نورس

ـ صدك يريد يزعزع ثقتك و يحرفك خلاك تحدي بباله احذر تسوي شي بس حتى تبينله انت رجل اصلا فرحت من رجعت البنية لاهلها سالمة هي هاي الرجولة يا مؤمل الرجولة مو بس فحولة....

باوعتله

ـ لو ما انت ما ارافقه لو بس اعرف دربي وناس حتى انت اذا ما تجي وياي اعوفك.

خل تخلص الرحلة. و الله كريم..

رجعنا و كعدنا و البدوي راح لمضاربه..

ـ انطونا خيمة فارغة.. بس حرامات ناقصها بدويات تسلينا.. بس ذول مو ام جودي حرامات ميوفرولنا امهات عيون وسيعة ومكحلة

خزرناه اني ونورس

وسكتنا...

رجع يحجي بغموض.
ـ تريد تهاجر اطلع قجق.. تهريب كم صقر يوفرلك فلوس.
و شوف اندل واحد بسوق *** ببغداد..
شنو تريد جواز هوية جنسية كلشي التريدة
نطلعلك هوية صحفي او مترجم.. و جواز و جنسية
تهاجر غير قانوني لأمريكا او اي دولة..
الكيس مالك يكون تعرضت لتهديد من ملشيات _

و حينطوك الاقامة ها شكلت و يكبرونك بالجنسية كم سنة

بس ترى تحتاج فلوس هواي..و كتلك ماكو غير تهريب صقور تسلم الخليجين الصقور شتكول....

و ياك كامرة رقمية اخليها بملابسك.

صفنت بيه

ـ ليش احس تريد تقشمرني تخليني طعم بالواجهة لعمليتك. والك الحاضر

ترى ما اتقشمر اني ابن سيد عبد الله الموسوي...

هنا شمر سنان جذع نخل ع النار الي كدامنا.. يم الدلة مال الكهوة... و رغم صيف بس هب نسيم هوا بليلة صحراوية

تمددت واني ارفع رجلي اليمنى اسندها على ركبة رجلي الي تستند قدمها الأرض.

و اهز بجف قدمي الي بالهوى.. وافكر..

عيني على النجوم.. تحسرت بأنكسار و هم.. و داخلي اكول شناقصني وتلعب علي.. شلون تقبلها تتلاعب بمشاعري.

لو باقية ترفض بية ولا تخدعني لهاي الدرجة تستصغرني

ميلت نظري نظرة جانبية تجاه سنان الي هو ابن عم لنورس نورس...

ـ كلي سنان شلون احلها ما تشغلني وياك بشغلك.

ضحك..

ـ مولانا.. تجارة تهريب النسور وصقور العراق للكويت و للسعودية ودول الخليج.
تكدر تصير صياد يبيع هذي الصقور والنسور الذهبية بس دون اذن الحكومة يعني تعتبر صيد غير قانوني.

ضحك نورس..

ـــ هي وين الحكومة.. و بعدين من السقوط هذي شغلتنا و الخليجين بيهم يجون ووياهم اذن التخيم و الصيد ببصية..
بس بعضهم يفضل تبديل طيور اقل ثمن ببلدهم بصقور عراقية بوصفها ثمينة جدا..

باوعت للسما افكر بس ضد القانون و خاف هم حرام علي. و احس الموضوع مو تمام خاف هذا يورطني يخليني واجهة و طعم يمسك بيه المهربين.

ظليت محتار..
المشكلة مريد ارجع بعد..

اجت ببالي امي ردت انفرد.
كمت و تركت جماعتي واني اتمشى بين الرمل.

سنان صاح..
ـ لا تبتعد خاف ذيب..

التفتت و ضحكت.

ـ اني ذيب.
امشي واني كل الي لابسة بدي يبرز الوشم بزندي و بنطلون..

ماكو غير هذا الحل.. اشتغلت صبي بكهوة بالسماوة من جنت اعيل السمرة واصرف عليها ابتسمت من تذكرتها الله يوفقها و تعيش بسعادة اكيد بس تستقر تتصل..

انطيتها حساباتي الجديدة لاني غالق القديمة مريد احد من اهلي يضغط علي ارجع اريد اول افكر...

واشوف وين تصفى.

رجع الشيطان يوسوسلي
بس طلعة وحدة لصيد صقر اكيد تنقلني انتقالة و ارتاح ماديا..

رجعت لجماعتي و اني متردد.

ـ اكلك مو اكو مواسم صيد قانونية

ـ حاليا ممنوعه و ديعبرون القطرين والسعودين يمارسوها تجاوزا ع حدودنا...
نزل كتاب بمنعها...

ـ والصيد لازم تاخذ موافقة كتاب مختوم من رئيس لجنة الصقارين الوافدين الخليجين القانونين ياخذون من الحكومة العراقية ورقة مرور وموافقة لجنة الصقارين بس كتلك انمنعت بسبب شكوى اهالي السماوة
من تعديات الخليجين ع حدودنا...

..

ضرب نورس ع الوشم بزندي
ـ سنان شنو نوع هذا الصقر انت خبير كلما اريد اسألك شنو نوع صقر وشم مؤمل انسى..

تقرب سنان وهو يتفحص الزند و ضحك.. علي من كتلة
ـ نورس شبيك شنو صقر هذا نسر.. كم مرة اعيدها ناس متفهم؟

اما سنان همس يستفزني

ـ انا... اخوووك بووم ولك نويرس صاحبك طلع بكلشي فاهي اذا واشم صقر يكول نسر..

فرك كصتة العالية الي ماخذة مساحة من جبينه.
و رجع شرحلي...

ـ مؤمل عزيزي هذا صقر النسر يملك جناح كبير،وهذا صقر ما تعلمني سبق جنت صقار.. قبل لا اتطوع..

وسعت عيني و راويتة الي بصدري

ضحك..
ـ صقر وكاتب عليه نسرة لا هيبة الصقور ضاعت. لك النسور حتى فطايس تاكل بس الصقر ابي و هيبة الا لحمة طازة يصيدها بيدة..

رديت بعناد...
ـ نسر احمر ترى.. شعرفك...

ضحك..
ـ هذا الصقر الحر الاحمر يا سيدنا و تدري بيش نبيعة غالي كلش.

زادت ظنوني بيه انه يتاجر بتهريب صقور العراق النادرة مثل صقر الحر..

انطلقنا الى بادية بصية.

و تمركزنا بأحد الاماكن على الحدود..

كبالنا مضارب خيم لغجر البدو...

ذول كلش منعزلين عن المدينة ويكول سنان...

ـــ شوف مؤمل. بلة نورس مرافقني لهنا بسفرة ترفيه وي ربع..
ويعرف شنو ذول. ذول لا دين عدهم لا لغة مفهومة.. بس اني افهمهم

متعامل وياهم..

منعزلين بشكل و كل طباعهم و لبسهم على زمن العهود الغابرة..

ملابسهم يحوكوها ويخيطوها بيدهم..
ابد مطالعين للمدينة قبائل بدائية.. و ميتعاملون وي باقي البشر الا نادرا يثقون بشخص امثالي...

ضحكت عليه..

ـ عاد انت خوش محل ثقة...

ـ هسة ليل.. و باجر اخذك لناس الي تواصل وياهم..

بعدين حجة لغة غريبة لاهي عربية لاهي شي...

ممفهومة ابد..

ضحكت..

ـ هسة تطلع تقشمر علينا يا سنان..

ـ اسكت لو ما اضغط عليك لسة بعدك صبي تلعب دعبل

خزرتة سكت وضحك..

ـ الخزرة القاتلة هههه خزرتك تربكني شفت...
باوعتله...

ـ شوف سنان.. من ورطتني اعقد على بنية و تعال اكسر بختها شكلت لربك.

هنا سنان باوعلي..

ـ وانت صدكت بنت...؟ مو اسبوعين وياها متونس بيها شنو معرفت ترى هاي داهية كم مرة اجي و عيونها تكلي تعال اكلك تعال اكلك خذني معاك..

شمرت عليه حفنة رمل.

ـ انجب مشفت بيها هيج..
و للعلم سلمتها لعمها سالمة غانمة مو اني اكسر بنت او اتعدى على اعراض ناس.. شوف كل واحد بأهلي انطاني مثال لتجاربة واغلاطه واني انسان افكر بهذا.

اشرت لعقلي......

باوعلي سنان..

ـ لا يا لوتي.. شلون اسبوعين وياك مرة بالبيت ابد ولا بايسهة ما اصدك..

ـ كيفك لصدك... مو كل شخص ما عندة بريك مثلك.. و يكض روحة.

ضحك على عبارتي و كلي..

ـ صدك هنا ما عاب حلكك بريكي عاطل ما اكدر اكض روحي.. شسوي الله بلاني بزواجتين.. الاولى بهذلتني تالي خانتني وطلكتها.

الثانية... تتنعوص..

ـ الثانية جاي تعاني بصراحة وياك ولك كاضيها شرب ونسوان حقها..

اسمع مثل متريد تحرفني لطريقك.. راح اني ارجعك للطريق الصواب. و لعقلك..

بس صارحني.

ذبيت حطب للنار كبالي.

ـ بشنو..

ـ انت تهرب صقور مو؟ لك حاميها حراميها.

ضحك و سكت لايف علي بالكلام..
غامض هواي من يحاجي المقابل كأنما يريد يستدرجة بذكاء يعرف دواخله...

او اسلوب محقق بس بلطف و لواته..

ـ تريد تهاجر تحتاج فلوس هواي..؟
شتكول انت تكدر تساعد بتهريب صقور.. و الك مبلغ جبير طلعة طلعتين تغنيك...

يعني : تهريب اربع صقور نوع الحر الواحد ب ٢٥ مليون مئة مليون تطلع قجق تطلب لجوء

هنا نورس خلا ايده على جتفي

ـ عوف سنان باوعلي اني واسمع..

ـ انت لازم تثبت لنفسك ناضج حتى تقنع اهلك.. انك مو طفل ولا مراهق انك كبرت انت بأختبار يا مؤمل اما تفشل او تنجح..

فهمت تلميحة انو ما اسمع لسنان.. الي محد يعرف شنو داخلة وشيخطط و هل هو مهرب خاين لمهنتة كحارس حدود وطن لو هو داهية و في بولائه للحدود لدرجة يجازف....

بس رجع نورس يقنعني ورى الرحلة ارجع لاهلي او لازم اتصل هسة بالهم علي.

التفتت من بين جتافاتي اله واني منطيه ضهري وكلتلة.. بصوت مقهور

ـ اهلي خذلوني نورس.
اريد اهاجر بس اخاف لأن قاصر يعتبرني القانون يرجعوني.. اهلي ميحبوني.. اني مشايل هم بس امي
الربتني حتى الجابتني دومها تصف وي ابوية كم مرة تفتن علي يمه و انضرب عكس الربتني جانت تغطيلي

بس اني احبهن ثنينهن..

رغم ميولي لامي الربتني لان اسلوبها صديقة مو بس ام اما الجابتني بصراحة كل وقتها بس شكال السيد و لازم تطبخ للسيد و لازم نسكت هدوء، السيد نايم و كل حياتها السيد ميوم كعدت وياي و شافت شنو اني.

ابتسم.. نورس

ـ انت تحن لاهلك ارجع يمعود ترى والله بس ارجع ناصرية الا روح للبصرة ادورهم و انطي اخبارك..

ـ خلي ينقهرون ليش قهروني وانطو حبيبتي قشمروني لمن تزوجت

تململ سنان.

ـ اهوووو عاشك وزغيرون و گلبه ملوعة عمي صدك كذب مفدي بأهلك على مرة من انعل ابو المرة التخلي الزلم تعوف اهلها.

خزرته.

ـ ترى المرة التكول عليها بنت عمي لا تنعل عمي سيد يشور بيك و ما اسمحلك هذب لسانك رجاءا..

اشر للولد الي من ساوة رافقنا.

ـ جابر

ـ نعم سيدي..

شفنا سنان خزرة

ركزنا بيه من صاحة سيدي وخزره هذا معناه شرطي متنكر

باوع سنان النا

ـ جبر عليه كهوة تخبل..

يلة جبر نار وكدامنا وين الدلة والفنجان شربني كهوة البدو و المعدان...

بكلبي كلت شكد سفيه و النبي ماكو هيج سفاهة

بس صدك كهوة جبر حلوة

شوي واجة واحد ضخم حتى شعرة بيه طول يذكرني بمسلسلات البدوية

اللبس وكلشي

يمكن ذول الغجر البدوين الي منعزلين و قلة يتواصلون مع عالم خارج نطاق الحدود.

كام سنان

ـ مداحي هلا والله

ورجع حاجاه بلغة صفنتنا

ضحك مداحي و بيدة جان صينية اكل الدهر وشرب عليها

و بيها طاسة روبة وزبد وتمر..

و يمها مدري شنو اكلة معرفتها

صاح سنان
ـ حياه حياه روبة مال جمال يلة سنان

التفت لمداحي ومدري شكلة بلغته...

ضحك الرجال خزرت سنان

باوعت لنورس الكاعد كدام يم سنان
و لكزتة بجتفة اكلة
ـ وين مودينا هل مرة ابن عمك الخبل

دار سنان
ـ دتتكلم عني.

ـ لا خوية على الهيمة الكدامنا..

ـ عندي اجازة اربع ايام بعد مهمتي اريد اتونس اكو مانع مولانا

كتله

ـ لا براحتكم بس لو شامرني ع بيتي وراي شغل همزين منطي ايجار مقدما كبل لا اتورط اطلع للبادية وياك..

ـ اسكت .. شفت غجر البدو.. راح نروح لغجر بس مو بدو.. بمحافضة يكثر بيها ذول بوياااه شلون عليهم نسوان..

صحت بيه
ـ نزلني ولك لو يدري ابوية يصلخ جلدي نزلني مو دروبي.

اشر كدامة

ــ صحاري وهيمة و حيصير ليل وين انزلك وشوي ووصلنا حندخل سريع هاي المحافظة __

دخلنا محافظة ال +++++ و بيوت معزولة...

ركن السيارة

باوعتله
ـ ما انزل ولي انت وانت نورس شلون تأيدة

ـ اني متفرج وي مزاجيات سنان خليك مثلي يلة ننزل

ـ هاي بيوت نكسة ما ادخللها سبق دخلني بيت و خلاني اعقد هسة شيسوي بيه شوف هذول شرب و كلش فساد وحرام ولك توب باجر تموت زاني نجس..

صاح سنان
ـ هييييي مو صرت فارس البوادي الاصيل وانقذت انتصار و سلمتها لاهلها... ادخل يجوز تطيحلك بوحدة تريد مساعدة مو انت صاير فارس العذراوات ولو اشك حتلكاها هنا الا اذا صغيرة يدربوها اشوف اذا لكيتلك بنية وعود هم صير شهم و هربها. ولك النسوان ذن مثل الطركة بس مال دك و نوم.

واكفين يم سيارتة وكتله..

ـ انت معقد لا تعمم هاي النسوان الي تحجي عنهن بيهن الولدت واحد مثلك
تافة... لك شكد انقهر عليك ليش هيج مضيع روحك وشفت بيك شغلات زينة ارجع لطريقك حرام وتوب واغسل روحك الزانية العاصية بقرآن و صلاة..

سنان يباوع على نورس و يحاجيني

ـ عاد لا تصير واعظ ديني.. اني داخل يلة نورس.. تدري حاجتك يمي

اتبعني.

شفت نورس يتبعه و يلتفت علي وهو مستحي مني

و الله لو اعرف اسوق الا اخذ سيارته و اخلي وجهة اصفر... بس اااخ...

ظليت كاعد على البنيد كل الي لابسة كيموني دون ردن و برمودة احتريت بالطريق نزعت الدشداشة.

ظليت اشمر برجلي واني كاعد على البنيد.. ضوة شبه ينعكس على شعر رجلي الاحمر اليميل لبني عكش شعر راسي الي احمر ناري اصهب بلون لهب النار من يتأجج الحطب بفعل اشتعال مادة حارقة...

صارلي فترة ممخفف لحيتي. احسها ثخنت كلش ودل على اكتمال نضجي
تماما...

مسدت شاربي.. افكر هذا بس لا اربع ايام يبقى هنا وين اروح وين انطي وجهي.

ما اعرف احد هنا وهل مكان معزول عن باقي المدينة...

اشوف جهال تلعب.. بين احيائهم..

بنات صغار يلعبن اجت بنية وكفت كبالي طفلة انطيها عمر خمس سنين...

دمعت عيني مصيرها تكبر و تصير للرقص ولهو عابرين سبيل ينهش بجسمها الطري.

علي ميبدو اغلبهم ما داخلين مدارس...

و حتى يمكن مثل غجر البدو ميملكون جناسي...

مرفوضين من مجتمع..

رفعت ايديها الي وكالت...

ـ اكعد...

نزلت من البنيد و شلتها... لو اكدر اخذها اربيها ولا هيج تكبر..

باوعت هواي بنات.. صغار..

صوت وراي...

ـ اوتار..

التفتت الطفلة للأبنية لابسة ضيك و دلعة حواجبها مطبوكات.. بنص فوك الخشم بشعر خفيف يوصل بين الحاجبين...

صوت الطفلة تصيحها ماما...

نزلتها و ركضت لأمها..

ابتسمت الكاولية

ـ ليش برة... ادخل.

درت وجهي و ما حاجيتها.

رديت بقهر...

ـ اذا عاجبكم هل عيشة المن تخلفن هااا اخذن مانع صخام..

ضحكت...

ـ نفرح بولادة بنية يعني يولدلنا رزق

باوعت للبنية الطفلة....

ـ هاي شنو ذنبها تكبر تخربن برائتها

ضحكت و اخذت اوتار وهي تمشي تتمايل...
رجعت دارت

ـ انت حلو... تعال ادخل..

درت وجهي عنها..

شوي وطلعن مجموعة شابات. جميلات بشكل شنو الليلة شيخلصها

وكفن.. و كل وحدة تحاول تغويني ومفهمت ذن شنو. هيج ماكو كرامة

صحت بيهن

ـ لا..

محسيت الا وحدة شبكتني وهي تريد تتحارش باماكن خاصة..

دفعتها واني متوتر و اركض شارد منهن..

لعبت روحي من نفسي. هذا اليخالف اهلة هيج بيه يصير شلون لزمتني بلا حياء...

ظليت متوتر.. معرف شسوي وين اروح.

خابرت نورس

ـ اني رايح بس اريد جنطة ملابسي و الدشداشة بسيارة سنان.. انت شسوي جوة..

ـ و الله سنان راح يورطني وي ذن النوب زلمهن يمهن وعادي ماكو اي غيرة

ـ اذا انت رجال اطلع ولك انت متونس والا المن تتبعة..

سكت وانسد التلفون.

رجعت للسيارة محد جريت نفس و دنكت على الجام قافل كلشي هل سافل..

صوت اغاني هجع و ركص من الداخل..

عرفت راح يورط نورس اني ما مرتاح لسنان شكيت يريد يدمر نورس.. حاولت اغيره مرهمت مو كل واحد يتغير

دخلت اريد انقذ صاحبي ادري سنان احسة يريد لزمة حتى ابوه مينطي سنان مرة

شفت سنان يصور الحفل الي مسوينها و نورس يمة بنات ثنين ويركصن ينزلن بالظهر اله وهو متوتر ويتوسل بسنان خل نطلع....

رحت و سحبت نورس

و جريت النقال من سنان ..

الي من السكر ميميز يطوطح

ضحك وهو يشمر روحة بحضن وحدة من ذن تجاهل نقالة الي بيدي

اخذت نورس و كوة فكينا روحنا منهن...

ـ تعرف تسوق..

وسعت عيوني
ـ وااااااو لقد صدمت..
ـ اي الاحمر والابيض و الاشقر نوع الحر مرغوب. الحر نادر عكس الشاهين متوفر بكل وقت وكل دول العالم. حتى بالعراق...بس الحر غالي كلش. لأنه نادر و بس بالعراق يكثر..

ـ يعني هذا مو نسر واني ردت اسمي ابني نسر النوب طلع هيبته مسلوبة ابو الجثث و الفطايس بس اني اقصد هذا الصقر ترى و خاني التعبير سميته نسر

ظليت ابرر قلة معلوماتي بتميز الصقر من النسر...

وكلي نورس يبسمر...

ـ هو انت مضروب بوري اول تزوج وعود ذيج الساعة سمي ابنك صقر.

مرافقتي لسنان و نورس حببتني بالصقور وتعلمت منهم اميز الصقر عن النسر.

اسبوع و اشوف سنان بس يراقب

دخول قطرين يطاردون لصيد صقور والطيور النادرة...

هواي تعلمت على طيور البوادي...

بيوم اجت جمالة و بنوا مضارب خيم..

بس الغريب مالمحت مرة كلها زلم مسلحة

شفت سنان يبتسم..
و بيدة كامرته

و خروقات الحدود مسجلة بس كل الصيد كنص طيور مو صقور..

معرف شينتظر..

بليلة راح صوب مضارب البدو الي اجو..

و رجع... وهو يكول

ـ نورس تبقون هنا شيصير متطلع صاحبك رجيج ميعرف حمل سلاح

رديته

ـ اجت ساعة الي تهربون الصقور مو؟

باوعلي بخزرة وكال

ـ نهرب؟ ميشاقى وياك كلامي جان شقى واشوف نفسيتك شنو يا مؤمل

يلة لزموا مكانكم..

راح و باوعت لنورس

ـ المن جابنا.. وياه ولا مفهوم هذا سنان

نورس وهو يباوع

ـ غير كضينا ايام نطارد بالبراري و شبعنا حر و شمس مؤمل بشرتك صارت تخبل.. احمر خدودك وي لفعة الشمس

شمرت عليه رمل

ـ اسكت بلة تتغزل بية شنو... اكلك متت على الصقر الاحمر الي شفته عند البدوي..

ـ بعدة صغير هذا

ـ اريده شلون...

ـ عوفك منه اني اوعدك بصقر.. قانوني و يلالي لونه...

ضحكت...

ـ ترى ما انسى الزكلك...

شبيك بس نوصل اهديلك صقر شتريد بعد عندي صقر فضي

ـ بس،سنان مكال اكو صقر فضي

ـ شفهمه سنان..

جنت كل بالي النسر هو نفسة الصقر... حسيت الحياة تنطي معلومات و تجارب مو بس الكتب.

كلام ابوية بديت اقتنع بيه تجربتي وي نسرة عفوا صقرة الطارت لغيري. علمتني التجارب هي مدرسة تدعمها المعرفة بالكتب. ومن جديد خبرة ابوية بالحياة هي الي فازت ع معرفتي بالكتب...

بس اكول شلون انطاه كلبة يقشمرني هيج بعينه اني طفل ما خلا حشمة الي شلون اخوتي يستصغروني.

كاعدين ونسمع طلق و مضارب..

ـ كوم نخارب وياهم

كعدني نورس

ـ سنان كال لا تدخلون... و متعرف انت للسلاح..

ـ و هسة يعني شلون.. رمي

ـ اسكت شبيك..

شوي وصاح سنان وهو بفرح

رحنا شفنا قفاصة لصقور يمكن بيهن عشرين صقر

و البدوا الي حطوا بمضاربهم المسلحين يهوسون هوسات عراقية و و دبكات جنوب

استغربت...

الي اعرفة البدو مشهورين برقصة الدحا..

الي تشبه رقص السعودي بالسيف

تالي عرفت ذول مفرزة.. بس هل مرة تنكروا حتى يمسكون المهربجية العراقين والخليجين الي يتبادلون الطيور والي يبيعوها..

اخذوا المهربجية بسيارات..

ـ يلة لسيارتنا

باوعتله

ـ شنو.. نرجع هاي هي ماكو بعد

ضحك

ـ اي

كلت بكلبي ان بعض الظن اثم تصورته مهرب خاين لمهنتة وبلدة.. طلع داهية

بس لو ما مكسراته هو خوش سنان..

ـ نبات الليلة بناحية بصة

ـ هم خيم..

ـ شبيك بابا يا خيم اكو بهاي الناحية بيوت و ناس مرتاحة... مو كلهم ترى بدو ولا كلهم بدو ببيوت الشعر او خيم..

بس بحفلاتهم شايف اكو خيم اعتقد ينصبوها بس بالحفل احياء لتراثهم الماضي ببيوت الشعر

باجر العصر نرجع لمركز سماوة

ـ خوش ظل فر بينا و ما فهمنا شي...

نزلنا ببيت صاحبة واحد من الحرس حدود من اصول بدوية ومن قبيلة معروفة

كال عدهم عرس وعزمنا وسنان لزك تأجلت طلعتنا من ناحية بصية لعكب باجر

ثاني يوم.. حضرنا العرس وشفت رقصة الدخا.. ذكرتني بهاشم اخوي لأن نفس الرقصة التراثية السعودية كلش حتى بلزم السيف.

( حنيت لهلي وهلي كلبهم علي جفى)

هذا الرددته واني اكول ارجع لاهلي بس وابوي والله يكسر رجلي.

لو اخواني يدورون علي يكطعوني تكطع على دكتي بيهم.. باوعت لنورس
ـ ابوك يمتى يرجع من السفر

ـ ابوي برحلة علاج بعد وين يا الله باوع باوع.. اكلك ركصهم بارد بس مو كل السماوة هيج اغلب بس القبائل و البدو اكو يردحون جنوبي بالعرس
تعال اني وياك و سنان نحيهم العرس نسوي الواجب يخوي متت من ملل
كاضين سيف و مدري شيسون..

ضحكت

ورى ما خلصت رقصتهم الدحا والسامري
هنا نورس كال لازم نسوي الواجب كلشي ما فهمت شيغنون و يسون
راح بالنص و كام ينطي هوسة مهوال و يكمز و بعض طلعوا يعرفولها احتمال مدعوين مو من بصية او منهم و يعرفون لدبجتنا بعد ما اعرف..

و سوو دائرة وهم يهوسون بدبجات رجليهم..

اخذني الواهس ورحت هم..

ابن عمي وخليصي شلون ما افزع لو صابك ضيم اصيح وين اعضاي..
خربطتلهم هوسة شلون مجان
و ظليت اهوس لو صابك ضيم صيح وين عضاي ..

طلعنا من بصية.. ثاني يوم.. و كلما اذكر شلون سوينا العرس..

شفت طلعنا من السماوة..

ـ اي.

اخذت السويج منه...

ـ مؤمل شلون اعوف ابن عمي.

ـ هة... لو اندل حتى انت اعوفك...

شوف... نجيبة و نجي.

ـ حتى نطلع من عدهم مسلوبين الشرف..

كلتها بنكتة.. اضحك على روحي الورطتها..

ـ مؤمل مكدر اعوف سنان..

ـ ولك هذا ابن عمك ساقط الا اكولها الك العار ميصير بيه شي وشوف خل نشرد كبل لا نتفرهد شرفنا..

ضحك..

ــ مؤمل مو وقت تحشيش كلش...

ـ هة طاح حظك العرفتني بسنان دازلي بنات تتحارش رادن يسلبني برائتي.. لو ما اشرد..

ضحك
ـ عفااا ترى كللهن الي تجيبك للدرب و تدخلك جوة و تكدرلك ينطيهن فلوس.. حدد بالورق سعرك..

ضربتة بوكسي..

ـ وانت مكيف...

، شوف نقالك.. قبل لا تحجي.

اخذت نقالي من جيبي.

وفتحتة جان صامت منبهني و اخر رسالة طالب مني اجي اساعده سنان هاي المرة مو مثل كل مرة كلش مختلف وناويلي نية

باوعتله..

ـ احم صامت جان.. بس ترى اجيت على عمى وجهي كلت ما اعوفك من سمعت دك ركص اعوذ بالله ماجن ابن عمك حرامات والله.

دك نقال سنان.. طلعتة من جيبي.

ـ ترى صورك و خاف يخرب بينك و بين البنية و يخلي عمك مينطيك.

ـ ما ادري شوف حاخذ نقالة اخربه كلش.. و هو عبالة انباك.. لو اي شي هو مواعي..

ـ الوياه شافوني اخذته منه

ـ لعد شلون...

ـ كسره نشتريلة غيرة عندي ٣٠٠

ـ مؤمل نقاله ترى غالي.
ـ مكدر انطيه نقالي بيه صور عائليه خاف يعرف يرجعهن..

ـ زين انطيه نقالي شسوي.. اني نقالي مبيه خصوصيات.

مقبل نورس ناخذ سيارة سنان و نفلت.. يكول ننتظر بيها ننام مكدر اتركه.. هو ما يبات بهيج اماكن يكضي ونستة ويرجع

ـ اقبض من دبش يرجع.. سكران طينة...
هسة مشتغل ابن عمك على خط بصرة بغداد..

ضحك نورس

ـ كافي.. تصنف.. هاي شنو النوب..

ـ اسكت يمعود لعيتوا روحي.. هسة اني منجب ببيتنا اكضيها بلي و لعب شطلعني شكول عليج يلي ببالي...

خليت ايدي على كلبي الي نبض فجأة سريع..

طلعت جكايري انطيت نورس

ـ دخن و تفرج... اني انام ورى انت نام كدام

دخلت السيارة وتمددت ثاني رجلي طويل ميكفيني المكان...

طبعي من انام اربع ايدي على صدري

متعود احضن المخدة واذا ما احضنها هيج انام..

واني اردد اذكار الليل.. و ايات الحفظ و اتعوذ من وسوسة الشيطان..

اسمع نورس يشوخر تعبان..

مكدرت انام صار الليل الهاديء انيس
وحدتي بيه اشكيله همي..

رجفة شوق.. وي حنين شهكة كوة كتمتها ونزلت دموعي

من تزوجت لسة مكدرت انام ابد..

احاول مكدر... اتكلب للفجر تغفى عيني...

باوعت من الجام النجوم.. و صوت عكاريك وي صرصر.. بنغمات ليل..

لمنطقة شبه متروكة.. اكو بركة مي.. وسخ يمكن مي صرف صحي لهاي البيوت..

حسيت بلسعات بك.

كملت هم ريحة مال صرف صحي ومكان قذر.. ابتسمت بحنين لو ابوية يدري وين نمت ليلتي الا يخليني اسبح بكلور يا الله يقبل امد ايدي واكل وياه ماعون واحد..

مسحت دموعي الي بسكتة كل ليل..

تتمرد بملوحتها تلجم جروحي.

مديت ايدي لجنطتي الي مخليها يم مداسات الرجلين جوة المقعد

سحبت بروش على شكل وردة من كرستال...

اكلب بيه قربته لشفايفي. و غمضت عيني واني بداخلي اكول.. هسة بحظنة و هسة يلمسها و يلمس حرير الذهب شعرها. ما اكدر انساها.. شينومني.. تعبت من السهر

حضنت البروش بجف ايدي واني اذكر...

خابرتها مرة

ـ نصرة نسرتي

ـ هم كال نسرة يابة النسرة بس للخبيث واني مو خبيثة

ـ تعاي لعبي وياي بلي يلة انتظرج راح اخذ البلي للصالة.

ـ اهووو كل ما تريد تلعب تدز علي خلفتك ونسيت..

ضحكت يومها.
ـ هو ليش راح ازوجج نكعد الليل كلة نلعب بلي.. لج ما يحلالي التكن الا وياج...

شوي وكالت..

ـ و مثل كل مرة اغلبك...

ـ هل مرة اني الافوز و شوفي

ـ حمستني جايتك..

شوي وبينت بكامل حجابها حاطة بروش..

كعدت و بينا مسافة خلت بس اني جنت من اشوف محد الزك بيها.

بيوم تحركت واني بحماس ادوس بالجوستك.. مثلث مربع..

بطريقة سهوا واني متحمس اتحرك بيدي وادوس بالاتجاهات حسيت عكس ايدي ضرب شي لين.. التفتت شفتها وخرت ورى وهي تصيح

ـ وجع... ااخ صدري امداك اني الك..

جان دوم لسانها طويل متحترمني تصتصغرني عدها هي الكبيرة و تضرب او تغلط....
بس بيومها ضربتي اليدون قصد خلتني انتبه لصدرها خاصة كلمتها نبهتني اكثر من حددت وين ضربتها

وهي تفرك بصدرها اثر الضربة و بيدها الثانية مشعت شعري

ـ جنك شعر عبسي بعدنان ولينة نفس اللون بس عوزك تطولة كلش ابو كذيلة

جني ما اسمعها ضليت مصفن على ايدها ومكان صدرها التفرك وهي ببرائة تدردم...

ـ مو عكس عساك كسر يمة.. صدري حسيت عكس ايدك ضرب حتى ضلعي

ـ هاااا..

هذا الرديتة واحس بشي داخلي خلاني انهي اللعبة واكوم متوتر مكدر ابعد عيني عن صدرها.. حتى حفظته صدر ممتليء... و ظليت اركز بجسمها من كامت.. خصر نحيل و رجعت اباوع لوجهها تدردم و تريد تهد علي

انفك البروش وكع هنا ظلت تدور عليه شفتة جوة القنفة لمعتة
دنكت و اخذت البروش ضميتة بجيبي وكمت واني متوتر

ـ لا تدنكين هيج ابوية ما يقبل مو كللكم البنات عيب تدنكن هيج كدام الولد

جانت شلون طفل يزحف مدنكة تدور بروشها مدنكة اجت عيني بتفاصيلها

رجعت ورى وشردت لا اسوي شي و تالي تكول لابوية وانضرب...

جان هذا من سنة يمكن...

انتبهت لنورس كاعد يباوع علي ابوس بالبروش

ـ اكلك ابو نسر... كطعت هذا اليلمع بيدك بوس شنو سالفتك..

ضميت البروش بجيبي بساع و اخذت الجفية غطيت وجهي لا يشوف لمعة عيوني و دموعي خاصة شغل ضوة السيارة الي بالسقف.

ـ ابو نسر شبيـ....

قاطعته
ـ كرهتوني بالنسر انت و سنان خلاص اسمي ابني صقر.

ضحك
ـ ان شاء الله من تلكة بنت الحلال..

مسحت وجهي بالجفية الشماغ قبل لا اوخره واباوعله

ـ قصدك من اطلكها من رجلها. عود اخذها واخلف منها صقر.. غيرها ما تحلالي مرة ولا اخذ مرة.. و الله يا نورس ناوي اطلكها واحبسها لأن خلت غيري ياخذ شي اعتبرة ملكي... و حقي... ..

باوعلي

ـ ليش خبل... شنو تطلكها هيتة مرة تزوجت راحت حال سبيلها .. لنفرض حملت من رجلها حرام عليك انساها ولك..

سكتت....

ورجعت وي الليل اسولفلة بداخلي عن كلبي المنكسر...

ثاني يوم بالستة طلع سنان يتلفت..

كعدت بساع ع حركة... رجليه يم السيارة نسينا ما كسرنا النقال شلون.. هسة...

شعره مبلل سابح..

و مبين مصفن و ضايج. ..

دك باب السايق يريد السويج..

ندهت نورس كمز
ـ شكو... بس لا..

انتبه لنفسة وباوعلي
ـ صباح الخير..
ـ صباح النور ابن عمك العار شرف..

مررت ايدي بشعري.. واني اريد اغسل افرج بس ما اجازف انزل.. ابقى هنا محافظ على روحي احسن.

لبست الدشداشة فوك ملابسي...

نورس فتح الباب اله دخل..

و باوع علينا ضايجين منه همس
ـ صباح الخير.. شبيكم.

رد نورس بزعل

ـ خوية سلامتك ردنا للسماوية بعد ارد لهلي واخذ مؤمل وياي

رديت..

ـ دافع اجار بعد منا لشهر العاشر

ـ يولن سنان يسترجعهن من بيت صاحبة الاجرت مشتمل.. عنده
و يوصللك عود...

ـ تمام.

باوع سنان..

ـ ليش ترحون متفرغ اربع ايام واجينا هنا نتونس غير نروح مركز المحافظة.

اكو كزرعة لولد عرف نقضي الايام البقت

صحنا اني ونورس

ـ ترجعنا...

رجع نورس هل مرة كمل

ـ. لو تذبنا للكراج نركب ناصرية...

ـ على كيفكم عيني لازم كلش امس مرتاحيتم بالنومة...

صابر كوة ما افلش راسه..

ـ سنان طريقك مو طريقي ولك اني ببطن امي واسمع صوت الاذان والصلاة والقرآن ماخذني يم غجر و سقوط و فساد بيا عين اباوع لابوية

تعب بينا هواي غلطت من مشيت ورى مشاعر الغضب و عفت اهلي..

هنا دمعت عينة وكال
ـ امس كبل لا نطلع من بصية.. خابرت مرتي.. تدرون رافعة قضية طلاق علي..
انهاريت معرفت شسوي تذكرت مرة جابني صديق هنا.. من طلكت مرتي الاولى.. جنت كلش منهار. و هنا جانت اول نقطة للهاوية الوكعت بيها اول مرة اشرب اول مرة بالحرام اتقرب من نسوان...

هنا كتلة بحدة..

ـ تعرف بيه مخذول من بنت عمي و جبتني هنا تكرر وياي الي سوه بيك لك شنو انت هاااا

ـ ردتك تنسى...

ـ هة.... نورس ما تحاجيه بلة شنسى.. زين انت لو ناسي خيانة مرتك الاولى مذكرتها بحسرة واهة انت منسيت ولا سويت شي مجرد ضيعت نفسك وعودتها على الذنوب...

اسمع مني جايك طفل بالطريق ارجع الى الله توب الله رحمتة واسعة يغفر الك استعيد مرتك وعيش...

باوع بالمراية ومثل الي تذكر

ـ وين نقالي مدري وين ضاع

صاح نورس

ـ وكع مني بذيج البركة..

كلت بكلبي بس لا يدك نقالة وننكشف

بس تالي عرفت نورس شال بطاريتة..

ذبنا بالكراج.. و ركبنا ناصرية
و هو كال راجع سماوة خربنا عليه الاجازة

و بهيج رجعت ناصرية...

وفرلي نورس شغل.. و بالليل انام بالمضيف..

انتظر الشيخ يتوسطلي يم ابوية مضامن ارجع و ابوية ما يشنقني

حضرت فصول و كعدات عشائر و اعراسهم

مهاويل معروفين يجونهم و اجواء الناصرية تخبل

هواي شعراء عدهم ذكرني بالدير و النشوة والزريجي شكد عدنا مهاويل هناك...

حتى بمضايفهم عدهم ملكة الشعر يعني امثلة يضربون بشعر او جلسات شعرية او سوالف قديمة كلش تراثية

بيوم اجاني نورس لابس زي عربي بشت وجفية وعكال لايكله

ـ اكلك اني الكهوجي مالكم لو ضيفكم شو بطرك الدشداشة و شماغ الفة جراويةة

اريد بشت و عكال.. هاي جفيتي الخضرة بجنطتي.

اخذتها وياي من رحت لخوالي ببغداد..

ـ شنو راح تلبس السيدية
ـ اي..

انطيتة الجفية الحمرة وبيضة السعودي

جابلي عباء و عكال و دشداشة بيضة

ـ شوي انت اطول مني هاي مال اخوي سعد

ـ اي يلابسني اخوك الجبير يحليلي ع كولة هاشم اخوي اااخ الشوق لاهلي يارب اشوفهم و ابوية يرضى عني و التوبة اذا بعد عدتها...

جان عرس.. عدهم و الاغلب بالزي العربي

امشي و اني طويل وضخم معضل فاللبس يلوكلي طلعت صدك مهيوب.

هواي لمحولي يزوجوني بس اتشرد. لغيت فكرة الزواج.

ما تلوكلي اي مرة.. ابقى ولد ولا اتزوج دون حب واظلم وياي بنات العالم وهم اريد احاسب الي ظلمني..

كاعد يم اعيان الشيوخ.. العرس جان لجوارينهم

اسمع يسالون نورس عني هذا اليلالي منو وجهة نور..

يكلهم سيد من البصرة وصديقي

الشيخ ابوه تأخر.. مرتب باقي الاشهر لمن قبطت ست اشهر

كضيتها اشتغل مكعدت ع ابو بضيافة مضيف شيخ. ال ++

بيوم اجة نورس
و كلي
ـ وعدتك بصقر

طلع علبة وهو يضحك واني مستغرب

انطاني مدالية سنسلة بيها صقر يشبه الوشم بحالة انقضاض ...

ضربت جتفة
ـ احجيها لخوالك شلونك انت

اظل اطلبك صقر حقيقي وشرط لونة احمر

اخذت منه الكلادة وشوي هلاهل و اجانا خبر رد الشيخ يمكن فرحت اكثر من اهله اخيرا راح يتوسطلي

بس نورس كال كم يوم و نحجيله وضعك
ـ لتكلة ع السواه سنان

ـ اكيد يمعود صدك جذب اصلا اني ما اوصيك سكتة عن الصار.. تجربة ومرت سلامات.

دز علي الشيخ و عرفت كايليلة.. على وضعي

لامني برزالة نهاها
ـ انتم من تصيرون ابهات تعرفون شنو ابن مفقود واهلة ميدرون بيه عايش ميت اكيد هسة اهلك ماتوا عليك من الخوف و التدوار شو وين رقم ابوك يلة

جان معصب علي
ـ عمي عليك ابو فاضل تهديه ابوي عصبي اطلبلي الامان

ـ اذا تخاف المن شارد لو منه اكسر رجليك

ـ عمي دخيل عندك اني لا تنسى و الدخيل اله الامان و طالب امانك تقنع ابوية ميسولي شي..

ـ اااخ من خلفة هل وقت

يدردم و خابر ابوية.الي اني حافظ ارقامهم بالشريحة الجديدة حولتهن بس هم معدهم رقمي لذا حتى لو يتصلون مغلق يطلع يتصلون ع رقمي القديم.

كل برامجي القديمة سادهن...

و خفت افتحهن.. لمن اطلب الامان

و اجه ابوية و رجعت وياه و قبلها شاورني نورس طلب ما احجي عن البنات و الصار اعتبرها تجربة عدت سلامات..

بس ابوية معرف اذا سمع او جزا من كلام وصله لان نظرتة احتدت.
.
.
.

ما حاس بنفسي.. ضايع بحضنها واشم بركبتهة
صوت بجيها ناعم نويص ذكرني بصوت بزازين توها مولودة من تنوص..
يمكن كد ما باجية صوتها صاير كلش تعبان...
و تتوسل
ـ عفية شسوي شجاك ولك بت عمك عرضك اني

بس اخذت ايدها خليتها وين الوشم و نبضي يزيد
لازك كل جسمي بيها

وجاي ارتكب اثم جديد غير حضنها جاي ابوسها جن اسمعها تكول
ـ يدة الباب زرفت ظهري اكو من حركها عزة ولك اذا بكريم منذبحت من وراك هسة انذبح
وخرتها واباوع ليدة باب تتحرك.

ارتبكت اتلفت شلون احلها..

دكة باب و اسمع صوته..

ـ مؤمل افتح الباب و اطلع انت وهاي الصلفة بساع..

انخطف لوني وهي وراي لبدت ترجف وتبجي
ـ يمة لحكيني كلة منك ناقصة مشاكل اني يمة لحكيني فدوة شلون اطلع..

فاضل...(نرجع ليوم وصولهم البصرة)

مذكرات رجل حر...

رجعت يا حبيبة دونج.. و رجعت منكسر....

كتبت هاي العبارات بمفكرتي
مشتت لدرجة معرف شسوي وشكتب..

صار وجودي بوطن لا يحوي حبيبتي انتحار..

بوقتها جنت اريد اهرب ومعرف شلون اواجه ابوية اريد اخذ عائلتي واطلع لمحت لهالة رفضت ترافقني

حسيت تريد تبقى حتى اروح وارجع هنا ما انهي.. كلش

حجتها امها وخواتها كتلها بس استقر اجي اخذكم كلكم

بقى الموضوع معلق

يمهم امثل عادي مصاير شي مجرد بنت خال ماتت لا غير

الاعب اطفالي اشاقي عمتي والبنات
اضحك مرح و اصنف

بس المي وكل انتفاضة الجراح و انتفاضة بسطور مفكرتي هذي

الامي... احزاني.

شكد مخنوك ابسط شي مكدر اعبر عن حزني الا ورى منوم هالة واجي لمرسمي ومكتبي واني انعزل ابجي اسهر الليل باوجاعي

يا لليل.. حاجيني
هم انساها..

ماتت و مات وياها كل نبضات العشق

قتلوها الظلام.. شلون كدروا ييتمون اطفالها شلون كدروا يقتلوها شلون

سديت المفكرة و هاجت علي المواجع بليلة هادئة الا من صوت نحيبي و الامي

كمت اتكأ على كرسي.. دوخة اجتني

كعدت منهار انحب.. مدري شكد بقيت لمن انفتحت يدة الباب و اجت عيني بعيون هالة.

مسحت وجهي بساع و رسمت ضحكة

ـ هاي شنو شكعدج.. شو تعاي برد ترى و فاضلج يريد اليدفيه..

ظلت تباوع علي و اجت مدت ايدها مسحت دمعة
ـ فاضل.. خليني دواك احجي فضفض و الله اسمعك ادري تكول متغار علي و الله اغار بس شيفيد غير المشاكل

يعني تنكلب الحياة الى معارك و شجار وغضب الهدوء ببيتنا الى صياح
و النتيجة هم اني الخسرانة
عاد اصبر عليك و اتحمل واوفرلك كل الهدوء والحب والصحبة
اكسب شوي من كلبك عاد مو كلش

حضنتها وانحب
وهي تنحب وياي كلمن ينحب على حبه هي تريدني بس الها احب واني اريد انسى الماضي وابدي وياها احبها هالة بس حب مختلف.. بس اريد احبها عشق وارتاح
ما اظن ارتاح و نورا انزرعت داخلي مثل الوباء الي يستفحل بأعضائي لمن اموت..

.
.
.

الليل بوية الليل بوية الليل
كام يعيل يلجمني بجروحي
ملت مني السلف من كثرت نوحي..

يتبع... ٨٣٨٩ كلمة
اللقاء ليوم السبت باذن الله

البارت هذا فقط عن مؤمل سرد لشخصية وحدة اخلص من مشاهد رحلتة
و نهيتة بمشهد عودة لسرد مشاهد السينما الي بدة بفاضل ونكمل من بارت الجاي.. عودة للشخصيات

،،،،،،،،،،،،، حاشية

ما الحك اراجع بارت السابق الواتباد حاذف مشهدين مال عطل سيارة فاضل و كدرت ارجعة و مال من شاور مؤمل امه مكدرت استعيدة حرجع اعدله وبارت الجاي هم المح عنة..

مكدر انزل حاشية عن تهريب الصقور وعن غجر البدو انزلها ببارت وحد
باجر انزل الحاشية ببارت مو تهجمن تكولن لو منزلة بارت احسن زيادة معلومات استفادوا رجاءا





رقصة الدحا والسامري للمناسبات والافراح والاعراس.. في بصية السماوة خصوصا عند القبائل الي اصولهم بدو او قبائل عربية

البارت بيه خربطه رهموها من يمكم

#خلف_الشناشيل_حكاية ٣

بارتات صقر البوادي
الحلقة الثالثة... رحيل ما تبقى من امي

،،،،،،،،،،،،،،،،،،
فاضل...(نرجع ليوم وصولهم البصرة)

مذكرات رجل حر...

رجعت يا حبيبة دونج.. و رجعت منكسر....

كتبت هاي العبارات بمفكرتي
مشتت لدرجة معرف شسوي وشكتب..

صار وجودي بوطن لا يحوي حبيبتي انتحار..

بوقتها جنت اريد اهرب ومعرف شلون اواجه ابوية اريد اخذ عائلتي واطلع لمحت لهالة رفضت ترافقني

حسيت تريد تبقى حتى اروح وارجع هنا ما انهي.. كلش

حجتها امها وخواتها كتلها بس استقر اجي اخذكم كلكم

بقى الموضوع معلق

يمهم امثل عادي مصاير شي مجرد بنت خال ماتت لا غير

الاعب اطفالي اشاقي عمتي والبنات
اضحك مرح و اصنف

بس المي وكل انتفاضة الجراح و انتفاضة بسطور مفكرتي هذي

الامي... احزاني.

شكد مخنوك ابسط شي مكدر اعبر عن حزني الا ورى منوم هالة واجي لمرسمي ومكتبي واني انعزل ابجي اسهر الليل باوجاعي

يا لليل.. حاجيني
هم انساها..

ماتت و مات وياها كل نبضات العشق

قتلوها الظلام.. شلون كدروا ييتمون اطفالها شلون كدروا يقتلوها شلون

سديت المفكرة و هاجت علي المواجع بليلة هادئة الا من صوت نحيبي و الامي

كمت اتكأ على كرسي.. دوخة اجتني

كعدت منهار انحب.. مدري شكد بقيت لمن انفتحت يدة الباب و اجت عيني بعيون هالة.

مسحت وجهي بساع و رسمت ضحكة

ـ هاي شنو شكعدج.. شو تعاي برد ترى و فاضلج يريد اليدفيه..

ظلت تباوع علي و اجت مدت ايدها مسحت دمعة
ـ فاضل.. خليني دواك احجي فضفض و الله اسمعك ادري تكول متغار علي و الله اغار بس شيفيد غير المشاكل

يعني تنكلب الحياة الى معارك و شجار وغضب الهدوء ببيتنا الى صياح
و النتيجة هم اني الخسرانة
عاد اصبر عليك و اتحمل واوفرلك كل الهدوء والحب والصحبة
اكسب شوي من كلبك عاد مو كلش

حضنتها وانحب
وهي تنحب وياي كلمن ينحب على حبه هي تريدني بس الها احب واني اريد انسى الماضي وابدي وياها احبها هالة بس حب مختلف.. بس اريد احبها عشق وارتاح

ما اظن ارتاح و نورا انزرعت داخلي مثل الوباء الي يستفحل بأعضائي لمن اموت..

تبجي وياي وتنحب وياي.

همست.

ـ لج لا تبجين لج انت معجبتني منج.. .. تبجين وي رجلج الي يبجي لخاطر مرة غيرج. شنو من گلب عندج.

تفاجأت من خلت ايدها على كلبي

و ضغطت صدري بأطراف صابيعها وهي تتحسر ..

تتحسس نبضي و تتحسر ودموعها تسيل دون متوكف..

كل واحد بينا عندة اوجاعه.
حبي المفقود المدفون وحبها المخذول المنكسر..

ثنائي مكسور خواطره احنا.
كسرتني نورة اكثر من مرة و اخر انكسار موتها مظلومة

واني كسرت هالة.. و الحيتة مستمرة والروح لسة تبض بداخلي وينبض وياها خذلاني لأفضل امرأة مرت بحياتي..

... و هي تخلي راسها على صدري...
واني لفيت ايدي و حضنتها وبست هامة راسها و شميتها (دليل المحبة)

همستلي بعتاب حب.. مخذول.. و امل يلوح بأعماقها....

ـ لأن اعرف هذا لمنو يدك يا فاضل.. انت عايش قصص احلام الخيال.

كم مرة كتلك لا تخليها بنفسك اخذها... و ترفض. ...

تدري ليش الح ادري مراح تزوج غيري شكد اجتك فرص تزوجها بس انت متزوجت لو غيرك يضربني بستين حايط و يزوج حبيبته ما سألت نفسك ليش...

باوعتلها واني امسح دموعي الي تسرسحت مثل خيوط نهرية على لحيتي.

بين وجهها ممقتنع بالتحجي بس بعيونها توسل.

مردت ابد افشلها حضنتها وبثيت بيها امل فرحها...

ـ جائز انت على حق...

ـ حزنك صدك بمرور وقت تنساها.. و ترجعلي.. اني جازفت بيك شفتك متعذب دونها كتلك اخذها بس من ترفض بداخلي افرح اكول لو يحبها صدك يسعى للزواج منها و يفرح لاني موافقة..

بس تعصب و حتى مرة ضربتني راشدي.. بداخلي احمد الله الغيرة صعبة فاضل واني حتى لا اوترك اكثر و حتى لا اخليك تحس بذنب كمت
اكتم داخلي اصرف ما ابالي..

فاضل انت بالنسبة الي مو بس زوج انت كل حياتي روحي.. اخاف عليك من الحزن هذا لا ياخذ حيلك وياخذك مني. اني منو الي غيرك اموت بلياك..

باوعتلها مبتسم..

ـ اذا متت يا هالة، ركزي بكلامي انت قوية ردديها لتكولين اموت وراك لعد منو لاولادنا منو هااا منو يكمل مشواري بتربيتهم اريد الناس تفخر تكول اولاد فاضل والنعم رفعوا راس ابوهم وهو بقبرة
خليها ببالج اني امشي على مسيرة نورا وهواي من النزيهين الي كل فترات زمنية يصفوهم ذول الحرامية الحكمونا..

يجي يوم ذول الفساد احاسبهم، اذا فشلت وصيتي اطفالي... و راح اوصي سجاد عليكم..

استغربت مني

ـ شمعنى سجاد... ابو طفكة..

ابتسمت.. و بتردد كتلها.

ـ هالة.. انت زغيرة اخذتج ازغر مني بهواي.. حبيبتي اذا بيوم اني رحت سجاد يتكفلكم يحلل دخلتة عليكم

وسعت عيونها وانتفضت كايمة

ـ ترى... ترى.. انت حالتك متأزمة و كلامك حرام ممعقول لتعيده بعد ازعل..

خلت و طلعت وهي تدردم علي...

ـ لا.. الصدمة خبلته.. شلون يفاول روحة ويحدد حياتي من بعده.

لا وصل كلش عقله شخط الله يرحمها ماتت و شخطتله عقلة طباكات والله.

ضحكت متناسي للحظات حزني...

و صحت.. بشقى

ـ لا تدردمين ترى اجيج..

بس مردت علي..

كمت واني تعبان كلش.

و لحكتها طلعتلي تراك...

و بديت ابدل.. بردان كلش طبعي انام بس بالداخليات بس برد احس نفسي اغرق بجليد بارد..

تمددت وحضنتها حسيت بشهكتها الي كوة كتمتها عني. .

بس نفس الوقت حسيت بحرارة جسمها يبث بيه. دفو..

حضنتها ودارت هي الي وحضنتني حيل وحسيت بشفايفها.. تدفي شفايفي المرتجفة.. برد و حزن..

شوي واندمجت وياها جانت هالة بلسم وعلاج مر بحياتي وبقى يسندني بالشدات...

ثاني يوم.. سألت ع سجاد كال راح لمرته.. للفاتحة.

محد من ولده. و حتى علاوي وابوية لاكيته وهو عاكد حاجبة يفكر

ـ ها يابة.. شبيك.

ـ مؤمل راح يخبلني.. اجيبه منا يطلعلي منا. مو ولد. سترك ربي جني..

ضحكت..

ـ جن هذا المؤمل كبر يابه..

ـ ابني شكبره والله اشوفه بعيني طفل معقولة الولد تزوج من ورانا..

راجعلي يهوبز رجال وورجال. ويركز بيها

ـ عوفه يابه.. الصارلة صدمة وهو بعمر حساس يترك اثر بالشخصية

ـ و الله يا فاضل كتله اخذها. البنية رجعت من ورى عرضتك. بعد حتى زواج مدا تصير تنخطب و متصير..

ـ يابة تريد الصدك زوجوها هاي البنية عدها عاطفة زايدة.. و خيال قصصي عايشة بيه..

يعني تعرف اكو ناس ما تخاف الله تستغلها..

عاد تزوج تلتهي برجلها تطبق عليه رومانسياتها و مغامراتها و العشق الوهمي الي تتمناه مثل القصص يابة
هي طفلة و غلطت.. بس راي تزوج.

شو لا ابو بيه خير يعلم ولا ام متفرغة..

بنياتنا لوليداتنا شتكول...

انصدمت من ابوية كلي.

ـ خاف ناوي تخطبها.. . شو تلح هواي

هنا استغربت نظرة ابوية تتبعتها شفت يباوع لمؤمل بتحدي...

و شفت مؤمل نظرته الي بيها غضب وغيرة اهاااا طخت.. و الله يا عبودي.. عليك سوالف

خلا مؤمل وطلع ومبين معصب..

ابتسم ابويه

ـ فاضل... ترى كد بنتك انسى الكلته الك عن نصرة

ضحكت..

ـ نسيت بس راح تخبل مؤمل مني شكد ما هو مخبل لان يعرف بنصرة تريد...

كضيت بريك بلساني وسكتت اااخ ردت اجفص جفصة العمر.

بس جن ابوية بالة مو يمي.

و صافن بعيد خلاني بوكفتي وراح

يومين مر على رجعتي والفاتحة ابد ما وصلتلها..

مكدر اصدك نورا ماتت وهاي فاتحتها المنصوبة صعب علي كلش.

كاعد ببيتي يمي ام حيدر وحدة من خوات هالة انخطبت وانطيت موعد للعقد والاتفاق وي الزلم

بهيج ارتاح اذا ازوجهن حتى بس ام حيدر ومرتي اخذهن واطلع ولو هالة راكبة راسها...ما تسافر..

كاعد بحديقتي واسمع هوسة برة ومصايح زماط وتحديات ميزت صوت مؤمل و ي شجاع.

ذول والله زعطة ومشكلة.. عبالك رويسية مو ولد عم.

بيدي مفكرتي خليت القلم ورى اذني

و مشيت..

طلعت من البيت ملكيت احد..
شنو السمعته.. معقولة كمت اتخيل..

شفت باب بيت اهلي مفتوح..

استغربت وادردم

، ثول هذا رجع من ناصرية متخبل ويتفيك عود رجال صاير وامس ذبوا منه الحضينة. .

وكفت بباب بيت اهلي اريد اسده خاف زوجات ابوي او البنات وحدة منهن تطلع و متدري الاثول فاتح الباب سلايد ع حيله.

بس شفت شوفة خلت الشك يلعب بعقلي.

شفت مؤمل يسحل بانتصار وهي تبجي ووضعهم مو تمام شفتهم توهم لافوا ورى البيت مسافة طويلة

بيت ابوية فلا جبير كلش.
رحت امشي... بساع سديت باب اهلي ورحت عبرت كراج السيارات الي يشيل اكثر من خمس سيارات.. حديقة الزهور. و نافورة تتوسطها
تقريبا مساحة كل البيت الفين متر..

اركض وانهت.. وكفت وايدي على كلبي

تعبان.. احس احتاج ارجع للتمارين رياضية لأن لياقتي احسها مو تمام

وصلت ورى البيت ماكو وين ولو

باوعت للمولد... رحت اريد افتح الباب ماكو..

طلبت منهم يطلعون هو وهاي الصلفة..
شلون عين عليهم.. مراهقين ينعزلون انتصار تخوف مؤمل مندفع وجرب و اخاف يلوث بنت عمه..

دكيت الباب وصوت مؤمل...

ـ شبيك فاضل خبصتنا جاي اكتشف المولد ومحركاتها والله حبيت الميكانيك من ورى هاي المولدة.

افكر اصير مهندس عسكري شتكول الدبابة افتحها وانعل سلفاها

رديت..

ـ افتح الباب واطلع انت والدبابة الجوة وياك.

ـ شبيك محد يمي بس معلك فوك المحرك مال المولد استكشفة..

ـ مؤمل افتح الباب

مؤمل..

اباوع لانتصار بحيرة وهي تنوص و خايفة تبجي بصوت شبه مكتوم..

ـ لازم ميشوفج وياي مريد لزمة علي تجبرني ازوجج

هنا رفعت وجهها الي وبين بعيونها نظرة صدمة

ـ شعبالج اخذ منافقة و تافهة مثلج.

تعاي لكيت حل..
هاي فتحة تودي ورى المولد لجهة المطبخ..
ميشوفج تتسحبين تركضين كبل زين.

هزت راسها ب اي...

فتحت فتحة التهوية...
اكو شباك هم بس مينفع مشبك الفتحة احسن شلت الغطى عن الفتحة

و رفعتها وهي خجلت حسيتها رجفت برد فعل من تصرفي

ـ يلة روحي

هزت راسها اي

و هذا فاضل يهدد يخابر ابوية وعمي باقر يجون اذا ما افتح الباب

ـ صبر ابو الفضل شجاك اني وياك زلم ورجال نتصافى لشنو تدخل الاهل

رد علي معصب

ـ امشي لك زعطوط كلاوجي رجال وراسة براسي عود افتح الباب وكافي لعب جهال...

ـ اي بس اشد المحرك طلع مو خوش محرك مينفعني وربك بالناصرية و السماوة ايباااخ ع نسوانهم اقصد محركاتهم..

ـ مؤمل شتخرط افتح الباب لج نصرة شيخلصج ممي شو خانسة فتحي الباب شفتكم اني ترى اجيتم هنا متعبرها علي يا مؤمل.

طلعت من الفتحة وبس حشر الورك ميطلع ظليت محتار غمضت عيوني وبيدين ترجف لزمتها منه واني ادفع مقعدها بس رفستني ورجعت دخلت وضربتني راشدي

ــ شلون تتحارش بيه وتكضني منا

لويت ايدها الضربتني

ـ عيديها وشوفي اكسر ايدج ثلاث اقسام والاصابع الرابع...

رجعت تتهمني.

ـ خوش نسوان تاصرية معلماتك تتحارش ببنات ناس يا هتلي

ـ اتحارش بيج؟

ـ اي...

ضحكت مستهزأ...

ـ متأكدة لو غرورج وخيال القصص الي عايشتة اوحالج.. لازم القاسي معجبج حولتي على مؤمل المتحارش بيج و حتعيشين قصة حب وياه و توتة توتة خلصت الحدوته و خلفوا بنات وصبيان. هييييي اصحي الواقع يختلف..

ردت بنرفزة

ـ عاجبتك روحك هواي مغرور و خيالك كام يؤولك اني قصدت ع لزمتك... ل.. ل...
عدلت حجابهة. وهي ترجع ترد بخجل

ـ اي كضيتني ... و اقصد عيب هنا مكان اقصد. اهوو مو هيج بس غيب تلزمني منا..

التفتت للباب وفاضل الوراه يصير
كاعدلكم.. خل نشوف مطلعون...

اول تالي تطلعون... و ساعتها الي تصرف وياكم ثنينكم

او ليش اتعب روحي يكتلني الحر والعطش اخابر سيد عبد يجيك يا مؤمل وانت اخابر ابوج ابو الحبوب شوي خل يربيج كافي سنين اللطلطة مالته.

رديت..

ـ فاضل شجاك اليوم... عيب عمك. احترمه

ـ اطلع و خل اعلمك اني الاصول.

التفتت لانتصار وبتهديد كتلها.

، يلة لعد افتح الباب للكاعد ركبة ونص برة وخل يدز ع ابوج و اخوانج

ـ لا يمة..
ـ وغمة.. بس وجع راس وراج

ـ احترم الاكبر منك...

ـ طوووووط... خل اغرد. بس استحي...

طلع لسانج لازم يلة خلصينا لو افتحله الباب

ـ انت جبتني هنا.. انت تطلعني بامان

ردت صعدت وهي تقلص جسمها هم حشر الورك انطيتها دفعه منه
و طلعت وهي لازمة وركها مدمعه من دفعتي العنيفة

ابتسمت..

ـ روحي بساع ليحس ويدور لجهة هاي.

ـ اي و شكرا.. ولو متستاهلها.. صاير عود كبران وتتحكم.

ـ غصبا عليج كبران وزلمة و رجال

وللعلم الرجولة مواقف مو بالعمر ولا بال....

سكتت كضيت بريك جاي احجي حجاية شكبرها يم بنية اشرتلها تروح
ـ روحي كبل ليحس ويدور لنهاية المولد ويلزمج.. يلة

ترى مالي خلك تتبركسي براسي.

بغرور كالت.. وهي متخليه عن ضعفها و انكسارها
ـ اكره كل الرجال. خليها ببالك و هم خفة وراحة مريد اتورط بزعطوط هذا الناقص اخذلي واحد ازغر مني باربع سنين احضر ممياته و حفاظاته

مديت ايدي من الفتحة اريد الزمها و اكسر ركبتها.. ام لسان

بس هي شردت بساع شفتها من الفتحة شوي وهي تلتفت بزاوية ضلع الرايح للممر تجاه مطبخ

رحت للمولد فتحت مكان الدهن وفرغتة واني اخلي بيدي و بملابسي

و رحت علبة الصباين

هذا الحجي فاضل مسكت كل شوي يكول

ـ ادري بيكم ما توصل بينكم للفحشاء و المنكر بس انعزالكم و المعاتب هنا غلط شيطانكم شاطر يابة فتحوا الباب والكم الأمان اكيد خايفين مني..

مؤمل حبيبي افتح الباب و تكفى شري.. بديت امل حخابر ابوية ترى

انت مو رزن و هاي اليمك ثبتت اكبر ملطلطة..

و فكروا بسمعة الاهل..

ظليت ساكت واني افتح الكابريتر

بس انشلع كلبي

و فتحت البلك هم

مسحت ايدي ببنطلوني

من سمعته يخابر

ـ الو... حجي. ممكن تجي ورى البيت

يا نايم و ما تدري شيصير وراك.

تعال وشوف بعينك. .. و فد مرة حضرلك ورقة عقد نكاح نريد تعقد لمؤمل و النصرة ونخلص و ها بالرفاه والبنين مقدما..

(اللفظ الشرعي لعقود دينية اي الي يعقدها السيد اووشيخ)

رحت بساع فتحت الباب بين ممصدك خابر و بين خفت من ابوية

ـ على بختك ابو فطومة.

شوف جنت ملتهي بالمولد انظف الكابريتر وسخة...

باوعلي وضيك نظرته
و خرني بيده عن طريقة ودخل فتش الغرفة محد...

تبعته مبتسم..

ـ شفت يابة فاضل شلون ظالم اخوك

ترى بالك راح بعيد والله.. بس مكدرت افتح الباب بسرعة متورط بهاي الثولة مترضى تجي للطريق.

باوعلي بشك..

ضحكت حكيت ركبتي وضربت الكابريتر. الي يمي برجلي.

ـ مؤمل لاعر بالمولد لعب صدك كذب.

ـــ صوتها عالي وتنعر هواي كلت اكيد صوج الكابريتر

اجه فاضل يتفحص المولد بضوجة

ـ شغلة متعرفها لا تسويها وهاي وينها بت عمك... مو شفتك تسحل بيها.

ـ بس حاجيتها كلمتين وطردتها راحت مناك لمطبخنا.. واني اجيت للمولد شاغلة بالي سلولي عالي مدري كابريتر وسخ.

ردني وهو يتغحص البلك المشمور والوايرات التكطعت

ـ استغفر الله يارب ان بعض الظن اثم

ظنيت بيكم سوء لازم اسجل هاي وي ذنوبي

ضحكت على فاضل يسجل ذنوبة بس ميوم سجل مواقفة وي الكل وكفاته

شكد اسمع من اني صغير فاضل سبب رجعة امي عايشة الي جا تشردت لو ما هو.

فاضل سبب مساعدات لعلاوي
وفاضل وسجاد توام روح
فاضل شكد ساعد نضال و ساعد امي يسرى

ميوم مدح نفسه.. ابد.
و اشوفه شكد وي بنات واولاد اخواني يحبهم و ينصح وينطي مصرف ميفرق ولد عن بنات

كافل ايتام. ... و هسة من طيبته صدكني وصدك جنت اصلح مولد بالحقيقة اني هسة خربته لان مجان بيه شي.

ـ عاد يا اخي ومثابة ابي اصغر اب الي بأخواني الكبار طبعا.. تكتب افضالك وحسناتك مثل ذنوبك.

ابتسم وبينت الثلمة بسنة الي ميقبل يروح طبيب اسنان يصلحها رغم مأثرة بلفظه بس على خفيف.

ـ والله كبرت يا مؤمل ابو البلي و اللعب.. شوف حبيبي.. الأفضال مو احنا نقيمها هاي رب العالمين وحتى الذنوب هو الي يغفر او يحايبنا عنها حسب احنا نتوب لو لا نعمل صالح لو لا.

بس الي اريد اوصلة الك كبشر.. اني ما اقيم حسناتي الناس تقيمها. بس التفت لذنوبي.عسى لعل اكدر اصلح الي اكدر عليه.. و الباقي اثق بربي انو يرحمني بعطفه

خلا ايده على جتفي.

ـ اروح لبيتي ... و اذا متريد انتصار ترى المرة عندي اريد ازوج خوات هالة
حتى تحن وتجي وياي من اسافر..

دمعت عيني وحضنته هو اقصر مني مربوع القامة.

ــ فاضل تسافر تاخذني وياك اريد اهاجر..

رفع ايده لشعري وجره

ـ هذا بكيف ابوي. يلة اودعناكم..

رحت للبيت افتريت لجهة المطبخ وكبل لا ادخل سمعتها بأذني هم تحجي علي..

ـ و الله يا عمتي هي شغلة رغبة واني اذا قبل جنت اذا اريد اتزوج كون واحد اكبر مني اقل شي بعشر سنين..
او سبع طعش سنة... يعني لو فاضل خاطبني اقبل مو احسن مما يروح لغريبة...
و رغم هذا تزوجت كريم عود بينا فرق قليل بس هم اكبر مني بس طلع نذل..
بس مو جنها مبالغ بيه تزوجوني لمؤمل..
يعني تكليلي اريد اخطبج لمؤمل نفسة بيج و ابني راد يضيع مني اريدة يركد
شعلي اني كافي التجربة المريت بيها
خلتني اكره ادم..

انتصار....

مرت بية ايام كلش صعبة من كل مكان ينهشوني صرت اني المذنب الوحيد حتى ابوية احس بعينه لوم الي وعتاب لأني كذبت عليه حتى روكف وياي.

امي طالعة داخلة تهيني. و الغريب تحرض الولد علي رغم ولد ضرتها.

الغريب حملتني مسؤولية الاهانة الي اجتها.. ببيت كريم..
اني شخص خطبني بس هم ليش ما تحققوا منه ومن اهله..

اعتمدوا ع شجاع ومنصور وشهم يسأل عنه

وذول شنو خبرتهم بالحياة ويسألون.
المفروض ابوية وسام يتاكدون اكثر

بس وسام زعل مني من عيرتة بختلاتة وي ليلى وحتى ليلى اخذت موقف.. تحاجيني ببرود ومجنبتني

اخوتي سألوا بس كلولهم خوش ناس هاي هي.. ما حققوا اكثر
ظليت داخلي الوم بيهم وتناسيت اني الي استخدمت الحيل والمكر حتى اهلي ينطوني اله.

الذنب ذنبي. .. بس كابرت. .. وكلما انضرب من اخوتي اعيرهم هم سبب

ظليت اراددهم.. لو اتضارب وياهم
لاني اكبر منهم

وسام جان اكثرهم حنان علي رغم مسيته وهو ابوي واخوي الي من بعد عمي تكفل تربيتي مصاريفي.

اذكر يحرم نفسة ويجيبلنا اني ونضال

صح من اداين شوي صار حريص عندة خوف لا ترجع ايام الناس تنظرلنا بشفقة ايتام ونحتاج صدقة رغم الصدقة حرمت على نسل الرسول.

وهسة عمتي يسرى تخطبني لأبنها اول ما بدت تكلي

ـ صح ردت وحدة صغيرة لابني وهو هم بعدة مو جبير بس الولد هاويج.. وهو ابن عمج ستر وغطى الج و سندج واتي هم ما اريد غريبة عود ولدي الزغران اذا كبروا ازوجهم بنات خالهم
و ظلت تحجي عبالها اوافق واتشكرها وتلمح محد يتقدملي بعد
سوتلي مؤمل الزعطة ماكو منه ورجال و سيد الزلم و لازم افرح خطبني

اني هيج فهمت من حجيها..

شوي اجت عمتي عايشة هم تبوس بيه وتقنع تتوسل يخافن لا يهج و ميلكوه بعد اني شعلي مريد ازوج

و من حجيت حظي المدبس خلاه يسمعني لأن دخل يخزر بيه وجهة احمر دم صاير و مبين قهر بعيونة

همس بصوته البيه بحة..

ـ يمة يسرى رايح غرفتي لتصيحوني على الغدة و ها اني مزوج ترى لسة مطلكت اخر زوجة تزوجتها
واحتمال ابقيها و بما اني خسرت هاي السنة و سنة الجاي لازم اداوم مسائي فكرت اشتغل بهاي السنتين وامتحن خارجي وي جيلي او اسافر وي هاشم فاصل ما اعرغ

اصلا اني افكر بمستقبلي شنو اربط نفسي وي وحدة عليها سمعه

هنا كمت واني ارجف عصبية واريد اجاسر عليه على ابو اكبر منه رفعت ايدي اريد اضربه

لوى ايدي راد يكسرها...
بيدي الثانية اضربه وهو هم مد ايده علي...
و يردد

ـ لا هاي كبل من جنت صغير هسة مدي ايدج اكسرها.
امج ما علمتج تحترمين حتى لو اصغر منج بس كأنثى محترمة عيب تراددي وتجاوزي على ولد..

شفتج مساع مبيج تحجين منكسرة والله لحظات انكسر خاطري عليج بس الظاهر انت منافقة كذابة تستعطفي الآخرين.

عماتي يحاجزن بينا بس اني برجلي و بيدي توليتة ضرب الما يستحي اكبر منه و يمد ايده و بعدين مو من حقة وين صايرة ابن عم يضرب قابل اخوي ابوي.

شكد اكل كتل من اخوتي لان هيج ارد عليهم و هم ميقبلون حتى لو اكبر منهم بس لاني بنت وهم ولد

خلتلي هاي عقدة داخلي سنين الهدوء خلاص انتفضت.. يعني لاني بنية لازم حتى لو يصيحون علي اسكت واني الاكبر منهم.

مؤمل...

هديت عليها اريد الزمها اكطعها تكطع تقلل مني. منو سمحلها تستصغرني متريدني عساها مرادت بس مو ع اقل شي تكول صغير وطفل..

وكفت امهاتي بينا

خزرت انتصار الي بين خوف بوجهها وتتلفت من شافت ابوي

تعبان كراب كربوا علي بالفاتحة نمت
كعدت الفجر صليت ورديت ارد انام شفتها تتكلب تلوب
حضنتها ونمت من التعب.
ما كدرت حتى انتبه هي جاي تعالج الروح

كعدت الصبح ع قالب ثلج بحضني
لكيتها ميتة
ماتت الامل الي احس بيه امي.. الي تركتها الي ذكرى منها
مات اخر ذكرى لامي

اصرخ وادك على وجهي وراسي منهار كلش

فزعتهم جدي وامي عايشة يحضنوني

ابوية شالها وهو يقشمرني

ـ صادق.. ما بيها شي
صحت بيهم

ـ كافي كافي تمحون كلشي حلو اسمي سردار و كيكي اريدها مجان بيها شي ليش ماتت..

اجت لبنى الي خطوبتها بعد ايام بس يتحسن ابوها و كالت

ـ صادق كافي هذا عمرها خلص الله يرحمها..

بس اني كتلهم..

ـ مبيها شي شلون ماتت...

اكلب بيها لسانها ازرك و شفت اكو اثر ابرة بيدها
باوعت لابوية

ـ كيكي ماتت مقتولة يابة السيد منو قتل كيكي منووو...

حضنت جدي

و خواتي يتبسبسن ع مكة تركت كيكي اني امانة عدها هي هيج الامانة... ترد

هجمت على بيت عمي علي ادك الباب حيل ابوية تبعني و جدي

و منا عمي فاضل طلع من بيته ركض خايف

ـ يا ستار شبيكم شبيه علي

طمنه ابوية

ـ مبيه شي لا تخاف بس كيكي ماتت

رديت بخوف اكبر

ـ اويلاه مكيكة ماتت..
هو يدرون اسمي مكة كيكي
كد حبي الها اسميها على قردتي المحبوبة...

رد هنا جدي
ـ ركز شبيك القردة ماتت

جر نفس وكال
ـ افيش سهلة... عبالي واحد منكم.. بالقرد ولا بيكم

بس هنا وكفت كبالة
ـ عمو راعي مشاعري كدامي تحجي على كيكي.. اني فاقد و حزين لا تذب ملح على جروحي

اشوفهم ضامين ابتسامتهم لا اعصب
حتى ابوي السيد دنك و هو مبتسم ويستغفر
ـ ابني حيوان خطية ننقهر عليه بس عمك وياه حق على منو تضوج اكثر علينا لو على قردك

هنا سكتت لان مقارنة صعبة بس كتلهم اخر شي
ـ ماكو مقارنة يابة انتم و القردة نفس المعزة بكلبي انت وكيكي ما افرق بينكم احبكم هواي

ظل يستغفر السيد وكال

ـ رحم الله والديك ابني هم انعم الله تعزني بكد قردتك ولا اقل منها..

فتح علي الباب و مكة وراه
هنا صحت بيها

ـ شلون تموتين قردتي لج ابرتيش ضاربتها لج شيخلصج مني

ردت تبجي
ـ مسويتلها شي انطيها الاكل التحبة و اطلعها اشمسها وهي بس سمعت بيك فرت الك راحت.. خاف بطريق روحتها من بيتنا لبيتكم بالشارع تعورت

ـ اشش كذابة

حاولوا يهدوني بس كلت لعمي

ـ بيني وبينكم الله.. بنتك موتت قردتي عوضني
رد علي عمي منحرج
ـ اجيبلك مكانها شتريد قرد
ـ لا.. باوعت لجدي اني اسره كلشي
ـ ابوي السيد يعرف شريد

يتبع....

٤٣١٠ كلمة...
باجر اذا كدرت انزل بارت مدخل لباقي شخصيات الاحفاد هل بارت ملحكت اكمل اخذني الوقت واريد انشر اليوم لذا عذرا الاحداث قليلة

دققولي الادمن السحكات بس شو الواتباد مقبل تعديل مدري ليش بسبب النت يمكن او الوات
واني هل بارت مكتبتة بملاحظات بمسودة الوات لذا مكدرت اسوي تعديل

ـــــــــــــــــــــــــــــــــــــــ حاشية

( من عادة الصغير بهاي العائلة يصيح اخوه الاكبر او عمه ببابا فلان بابا باقر بابا فاضل بابا هاشم وهيج من باب الاحترام بس مكتبت بالقصة لا اخربطكم بسبب كثرة البابوات..:)

‏إذا أحببت شخصًا خذه معك في دعائك دون علمه فهكذا يكون الحب أجمل وأقرب إلى الله​ ❤️

#خلف_الشناشيل_حكاية
الجزأ الثاني
الحلقة الرابعة بعنوان (الاحفاد )

ملاحظة خطأ زمني قول مؤمل مرت ايام هذا بعد مشهد صادق يعني شوي خربطة سرد اسفة
فاحنا هسة ثاني يوم لرجعة صادق من الفاتحة...
وفي هذا البارت خطأ ملحكت اصححة وهو جرح رجل مؤمل ما يمنعه من المشي بس يعرج رجل شوي جرح جبير و مو خياط ورجل مجرد زجاحة زغيرة وطلعوها

ــــــــــــــــــــــــــــــ

صادق...

باوعت لعمي وكل بالي اريد ياخذني لأيران ادري ابويه ميسويها ولا جدي

بس مبين جدي فهمني غلط عباله ععلى ذيج السالفة الي دوم جدي يكلي مكة الك ابني تحافظ عليها و تصونها علاوي عمك طلع بالدنيا بس بهل ولد والبنية.

و ما اريد انطيها غريب...

هنا عمي اجة حضني بيدة السليمة وهو يطبطب على راسي

ـ صادق والله بس احصلك قرد وهل مرة ذكر اجيبة بعد شتريد صح غاليات بس والله ما اخليك تبجي. ..

و صدك ابني مكة ما تكذب لو هي موتتها يبين بيها الذنب بساع..

رجع التفت عمي لأبوي السيد ولبابا سجاد و عمو فاضل.

ـ يابة مو احنا موتناها صح امانه عدنا بس مو شرط احنا... اني ما ادافع لمكة بس متاكد مو هي مكة خوافة ما تروح تقتل حيوان بريء.

مسحت مكة دموعها وحضنت ابوها

ـ ابد.. يشهد الله ما موتتها..

اصريت واني امسح عيوني
ـ امانة عدكم لو لا؟ مدامها امانة يعني تتحملون مسؤولية موتها وبحالة وحدة اسامحكم ولو كيكي ما يعوضني شي مكانها بس شغلة وحدة وهي.

هنا...
جرني ابوي السيد وهو يبتسم..

ـ مو هسة صادق شحجينا.. كلشي بوقته ابني....

باوعتله بألم..
ـ دخيل ابو فاضل وين راح بالك ما تكلي يابة..
حاولت اتماسك.. من انهياري وغضبي..
حاولت اكون قوي مو ضعيف واجهتهم بعيوني المورمة قهر و حزن وفراق..

ـ خليها بعلمكم ما يعوضني شي عن مكة بس امي؟
عمي بيك حيل تسافر وياي لطهران ادور امي اكيد هناك وابوية ميكلي والله هي كلتلي ارجع.. تبقى يم ابوك فترة و كيكي تسليك على ما ارجع راحت والروحة روحة ست سنين انتظر و ماكو..

اصبر نفسي بكيكي هسة كيكي ماتت اخذوني لأمي.

هنا ابوية سجاد عصب علي

جرني من جتفي.

ـ بعدك ما نسيت؟ انت تتبجبج و شطولك وشكبرك عيب مو طفل انت كلة على مود قرد..

وخره ابوي السيد

ـ ايدك شجاك توليته فوك ما مقهور تقهرة صادق خط احمر يا سجاد.

هنا صاحت مكة.

ـ شكد تفرق دخيل الله... سمو الامير صادق عيني مات قردك الله يرحمة مو احنا موتناه لا تنقهر لأن جدو عبد ما يرضى يطيح ماي وردك.

صاح بيهة عمي فاضل.

ـ كافي.. يلة دخلي لشعليها جنج امج.

حضني عمي فاضل وكلي

ـ اكو قرد ابيض مدري وين شفته بس احصلة اشتريه شتريد بعد

ـ سلامتك عمي.. لا جيب ما اريد غير كيكي او امي تريد ارتاح رجعولي امي

خليت وركضت.. لبيت جدي.

كيكي ماتت ولا اصدك..

صوت ابوية حاد يصيح علي

ـ صادق كافي.. ابني هذا يومها.. وين رايح ولك احترمنا مو واكفين..

رجعت التفتت و باوعت لابوية بعيون متألمة.
رجعت الهم وكفت يم عمي علي..

ـ كيكي امانة عدكم.. ما صنتوها ااخ اني غبي و كتلك اخذني ايران وجهك ينطي الوان عليش ملازم. الله موجود اكبر وادورها اني.

ضربت كصتي حيل
ـ اجتني منكم مفرفحة وهي تحضني تبوسني ثاريها تودعني.. اخ شلون نمت وهي بحضني جانت تعالج روحها.. واني اثول نمت عفتها وحيدة

حتى ما القيت الشهادة بوجهها لا وجهتها لقبلة الموت لا قريت قرآن

باوعتلهم و كلت لعمي

ـ اريد تندفن احسن دفن و تبنيلها قبر بالنجف

هنا عمي فاضل ضحك
و ابوية هم ذول الثناىي ما ارتاحلهم ما يفهموني اني ما اعتبر كيكي قردة اعتبرها اختي..

ـ ليش الضحك.. هاي اختي ياما اكلنا وشربنا تساعدني تنطيني المساحة تقطلي القلم تكضلي الكتاب واني اراجع حتى لا اغش..

جانت احسن اخت بالوجود ذكرى من امي ما يوم نظرتلها كحيوان ابد.

انتم تضحكون علي

رد جدي

ـ كافي صادق
ـ سردار رجاءًا،

ـ ابني اسمع.. يعني شنكول لدفان مقبرتنا عدنا قردة ادفنها بمقبرة السادة..

ابني.. ادفنها الك بمكان بالبصرة حتى يمتى ما تريد تزورهة

بعد شتريد.. بس اهدأ

اشرت لعمي وابوية

ـ ليش يضحكون...

شردت واني ابجي ومكة رجعت طلعت و هي تركض وراي

ـ اسمع مو تتهم وتروح ما موتتها
والله مو اني بيش احلفلك داريتها والعبها اوكلها حتى عمر من تضوج اخذها وياه قبل لتجي بدقايق جانت عندة يشمسها...

التفتت و باوعتلها.

ـ وهذا شعندة جايكم..

عفتها ورحت ادور ابوي وين وداها

لكيتها بكارتون مشمورة و جنة يريد ياخذها ضجت... شنو كيكي هيج تندفن هاي تالي العزيزة المدللة بكارتون

كابلتها ابجي حاضن الكارتون الي بيه هي... مراهق بس داخلي طفل حيوان بريء منو كدر يقتله منو؟

ـ لج كيكي العزيزة ليش هيج ليش تعوفيني منو بعد اشكيلة همي وحزني اشتياقي لماما..

ااااخ ماما ما نسيتج كيكي تصبرني وكيكي راحت.
ماماا..

ظليت اصرخ بهسترية خالة يسرى حضنتني

ـ ماما ما يصير هيج

اجة مؤمل و جرني من ياقتي ضربني

كتلة
ـ ليش...؟ شمسويلك..؟

ـ شلون انت قائد و تصرخ وتتباجة انت الزعيم هسة ولازم متبين مشاعرك ولازم تكون قوي

ـ مالي حيل القوة. راحت وي كيكي

ـ لا تخليني العن ابو كيكي وابو الجابها وورطنا بطفل مثلك. شكد مراهق انت لا والله طفل...

وسعت عيني وبين انتبه مؤمل شنو حجى

ـ اعتذر بس نرفزتني تولول تبجي جنك طفل. كافي.. انت زعيم..

هنا اجة جدي و هو يحضني ويبوسني

ـ اخذك وياي العطلة جاية مال نص السنة اونسك ببغداد شتكول.

ـ بس كيكي

، نجيبلك غيرها ذكر شتكول
ـ يابة خاف فرحان ماتت جانت تعشقك والله اني افهم عليها تحبك

كتم جدي ضحكتة ودار وجهة

ـ ابني اني محبوب شسوي حتى القرودة تحبني

هسة شنو تريد بس لا تبجي..

ـ اريدها تتغسل تجفن تندفن دفنة لاىقة مو مشمورة بكارتون هاي عزيزتي

ـ صار بيدي اغسللها واجفنها بعد شتامر

ـ تندفن هنا بالحديقة وتبنيلها قبر

ـ لا ابني خاف مو زين تاذى.. ناخذها بمقبرة الاطفال شتكول... بحي تموز

اكو مقبرة للاطفال..

ـ اي خوش.. و يمتى ما اشتاق نروح

ـ صار بس وعد ما تبجي تصير قوي كدامك الحياة يا صادق كدامك التجارب والصعاب.. تستلزمك القوة

رديتة ودون قصد جفصت

ـ اني اعز كائن كيكي خسرتة وكلبي موجوع.. زين يابة خليك مكاني اذا تفقد امي عايشة لو ابوية لو عم من عمامي شنو موضعك
هم تكون صامد...

صفن بوجهي وهو يستغفر

ـ استغفر الله واعوذ به من فالك.
ليش ابني مفاولني فال سيء..

اخذوا كيكي وجدي غسلها وجفنها مثل ما اريد وحتى خليتهم نصلي على جثتها رغم هم ادري يسايروني خافوا اتعارض او يصيرلي شي

انعزلت ايام لا اكل لا شرب

لمن اجاني ابوي السيد وكال عندي سفرة بشغل اخذك وياي مدام عطلة

نصف السنة.

قبلت اروح وياه جهزت اموري..

وقبلها بيوم اجت مكة.

ـصادق اني ما موتت قردتك ليش شنو يصير تتهموني

باوعتلها من ورى جتفي.

ـ معلي بغيري الي علي ببساطة يا مكة امنتها عندج امانة المفروض تهتمين بيها...

ـ والله اهتميت اطلعها تتشمس وكلشي اسويلها بس هذا هم حظي وياك وكعني و بلسانك تتهمني اني حتى عمر خليتة يروح يشتريلها و يشمسها لان امي حجت علي تكلي انت ما ساعديني ملتهية بقرودة صادق.

هنا كمت بساع و جريت كذلتها المطافرة من حجابها بكنكورة سبرنكية ملولوة..

ـ شودة قردتي عد هذا الهتلي.. اكيد سوالها شي لج هذا اخوج يكول عنه مو خوش حجاية.. مكدر احجيها يمج

ردت
ـ اخوي كذاب عمر خوش ولد اصلا شكد يشتريلي،.

لزمتها من هامة راسها و دفعتها للحايط ضربت راسها

ـ بس اسمع بيج تختلطين بيه والله اكول لأبوي السيد عليج اكله تحجي وي واحد مو خوش وسوالف عنده..

ضحكت..

ـ اي يعني شنو كلنا عدنا سوالف قابل انت معندك متعرف تسولف حتى ماما وبابا و جدو عدهم سالوفات.

هزيت ايدي... ورجعت باوعت لخدودها...

و كتلها

ـ شكد عمرج صار...؟

ـ تقريبا ١٣ ليش تسأل؟

ـ هيج ماكو شي ورى سنتين اكلج ليش... اما هسة ما احجي ابوي السيد ميقبل هسة..

ردتني

ـ اهووو مكروه ابوك السيد.. شفت شلون يفرق.. ما احبه طائفي

ـ وانت شفهمج بهيج حجي وعيب..

ـ اصلا يكره امي لانها سنية مو جاي اكلك هو طائفي عنصري لعين..

رجعت بكتاب بيدي ضربت راسها

ـ شغلتين اموتج اذا سويتيهن.. تختلطين بعمر و تغلطين على ابوي السيد..

مدت لسانها علي وغمتني وراحت

هزيت ايدي جاهل و غبية..
ابتسمت اتخيل بيوم اكبر واخطبها.

اذكر ابوي السيد من زغري يكول مكة لصادق بس صادق يكدر لهاي المتمردة من طفولتها ماذية جدي كلش.. و يكول ما انطيها غريب تفشلنا عاد يمنا اهون مما عند الغرب ونتفاشل وي الوادم..

شوي و سمعت صياح.
ركضت لكيت امي رقية لازمة حوراء ودك كتل.

هي من موت اختها كلش صايرة ما تنعسن خاف قبل شوي بيها مجال هسة كلش.

ـ كم مرة كتلج متلعبين وي الولد ..

شوداج بيت جدج باقر ها. احجي...

عمر حوراء تقريبا ١١ بس سمينة كلش
وكل ما تكبر تسمن بس حاليا ابوي السيد حددلها نظام حمية صحية وبدة وزنها ينزل.
و ممنوع تاكل الا بوجودة ..

و الغريب تخاف منه و تطبق.. ما تزغلط عليه لان مرة سوتها و تعاقبت
خلاها عدهم يوم كامل بلا اكل.

ـ ماما شصاير.؟

ببرود كالت.

ـ بيت جدكم باقر مملي ولد وهي تروح هناك المن تروح شو زيزو من عمر ورود و اني مانعة بناتي يرحن زيزو هي تجي..

بس هاي تروح تلعب وي نمر

سكتت ما تدخلت بس بعيني اشرت لحوراء تسكت

رحت كعدت ببلكون بيت ابوي سجاد

و اجت حوراء

ـ تعاي شتكول امج تسمعين كلامها زين
ـ بس العب وي نمر يلعبني بلي...

ـ امج ما تقبلةوتعلمي تسمعين كلامها

نفخت وخدودها سايحات ولغدها نازل
ـ اوووف قهر

وراحت ضحكت واني هاز ايدي..
وصحت
ـ دمبلوو د بليلة... تاكل وتثرد السمينة دمبلووو ااااهااا اهااا دمبليللة.. اها اها ام دبيلة.. باجر تكبر وتصير عگروك.
عندة خوش خدود و لسانة شطوله
يلزم بيه الزنبور. و نبلوو نبولالي دنبلو تاكل العشا مالي. و باجر بطنها تكبر. و نفاخة طك تنفجر.

رجعت مبرطمة
ـ على منو هاي.. اني دمبلو.. امداك يا ابو الحساسية ... حسحوس.

بنية كدرت تقشمر ثلاث اخوة شباب وهذا خلانا كلما نشوفها نطحنها كلما نسمع حجاية نهد عليها

فتت و هذا هم رجع يبسمر

ـ هااا خنيثة هااا.. لو بيك خير ذبحت اختك مو رجعوها عليكم..

تجاهلتة وفتت..

محسيت الا ربعة طلعولي مدري منين حاوطوني

و اليقهر فاتن بنات ابن عمي سجاد و علي وفاضل وياهن مرت ابوي كمرة.
ماخذتهن للسوك..

و هنا الاحراج اذا ذول هانوني كدامهن كرامة رجولتي شلون بيها

تلفتت مامو لا اخو لا ابن عم وقت الحاجة يختفون

شفت امي كمرة تباوع باستغراب.

رجعوا يصفكون ويتمرون علي

، خنيثة خنيثة

غير الفشاير على خواتي.. والي يسميني سادة كلك سادة لكو..

حتى على عمي تجاوزوا

ـ عمك مسوي روحة متدين بس هو...

فشروا عليه

هنا ما تحملت صحت

ـ اليوم شيفكم مني

ضليت اضرب ومنا ارفس ومنا التموا علي وموتوني صرب ما كدرت مو جبان اني ولا خنيثة بس هم عصبة من الاولاد واني فرد واحد

كتفوني ونزل بية هذا ضرب بوكسيات

ما حسيت الا امي كمرة تدفع بيهم
ـ خالة شني ولية موتوه الله لا ينطيكم
شنو هاي شنو ما عدكم اهل
لو تدرون الموقف الي حسيت بيه يعني كدام البنات ومرت ابوي انكتلت

ضليت مدنك.. منحرج وهي ترزل بيهم
وهم يجاوزون على شرفي

ـ شوفوا اعرف اهاليتكم ولك انت مو جنت بمدرستي خاف عود كبرت بس اعرف اهلك الا اخليلكم حد

وانت شجاع شبيك يمة مهلسينك مثل دويج مهلوس ريشة

عدلت شعري واني ارتب ملابسي
و ما اكدر اباوع بعين البنات خوش من العمومة اني وانكتلت كدامهن طاحت هيبتي

تلاكت عيني بهاي وردة مدري ورود
شنو من رفعة خشم عدها متكبرة و سمعتها وهي تحاجي اختي

ـ زوزو ولد شطولة و شكبرة ذول الاقزام السبعة سحلوه هههه لو ما عيب راويتة الشدجاعة من اعلكهم مدالية وافرهم واشمرهم

ردتها زيزو

ـ شنو حبوبة طلعتي خارقة ومندري
شجاع فدوة لعينة اسم على مسمى بس غدره كثرتهم

ردتها ورود
ـ شو خايبة دسكتي.. هو اخوها سوه
طلي وهي تكلي ذيب ...

اختنكت من حجيها و ضحك فاطمة بنت فاضل و مكة الي كالت

ـ خطية ليش تحجن عليه الله يعابيجن ان شاء الله..
ورود: اهوووو هسة شجابج ويانا لزكتي وتتفلسفي وكفتنا طولت رايحة كدامكم

مشت واني الزم امي كمرة

ـ عوفيهم.. يولون

هم من لسان امي كمرة شردوا اخر شي
رزلتهم و هددتهم و حلفت الا تروح لاهلهم و تسويها عشاير اذا جابوا طاري نصرة

جريتها

ـ يمة الله يخليج امشي انفضحنا منمن اريدها من صياحج لو من نصرة الي خلتني بهيج موقف

هنا ردت
ـ كون صدك بعد يجيبون طاري بنتي اوصلها للسيد الا يملص ركابيهم خاف ما بيك خير

ـ هم انت علي اروح احسن

ركضت مبتعد و بفوتي بورود مدري شنو الخلاني اسوي هاي الشغلة دون مفكر مديت رجلي وعثرتها وكعت
اكو بركة مي و طين تطينت وهي مصدومة تباوعلي باوعتلها

ـ شبيج شكبرج و شطولج و توكعين مثل الجهال..

ردت معصبة

ـ يا حقير تعمدت لو بيك خير طلع شجاعتك ع الولد مو البنات

تركتها اضحك و اسمع امي كمرة

ـ ورود شجاج انت هم ولج فشلتونة امشي كومي بنية شطولج تكومتي بالخيس.

رحت بيت عمي سألت على انتصار لسة مقهور كون الزمها اكطعها تكطع

شفت العلاكة حلويات البيدي و شفت حوراء بنت سجاد

ـ هاي الج

فتحتها فرحانة

ـ بس ابوي السيد ما يقبل يكول رجيم

ـ يمعودة هي علاكة مشكل حلويات شماكلة انت اخذيها بسكتة

ردت
ـ لا عيب و حرام اغش ابوي السيد

هاي اللحظات خففت غضبي جنت ناوي اسحل نصيرة اموتها كلما اذكر ضحكت علي وخلتني بموقف اتعير من وراها.. بدي اخنكها

بس صوت عمي منعني. مكدر اصرف وهو هنا.. اله هيبة و جودة سلطة بحد ذاتها
عبد الله :-
- عفية بحوري الحلوة الي ما تغش ابوها عبد الله تعاي هنا

ركضت حضنها و هو يبوس خدودها ويكرص بيهن
ـ جاي ينزل وزنج. و راح اخذج دكتورة تغذية.. و تحاليل نسويلج هم
و اشتريلج شتردين من العشار

ـ اريد اللعابة الي بيدها عود كتاب وتقرا انكلش

ـ صار شكم حورية عدنا هي وحدة..

هنا طلع مؤمل من غرفتة و هو يصنف..

ــ لا يابة غلطان ما عدنة حورية وحدة عدنا حورية دبل فاليوم حورية تربيع كول تكعيب.. دبة حميسة
ام الغود..

اباوعله كالعادة يفتح دكمة الثلاثة الفوك نظاراتة شمسية مخليهن على شعره شلون طوك

لابس سنسلة مدالية صقر من الفضة...
لحيتة بنية بيها لمعة احمر رغم شعره احمر ناري درجة من الاصهب...

انتبه علي اباوعله...

ضحك و رفع ايده اشرلي ب هااي..

هزيت ايدي لا يا سربوت..

عمي حاجاني

ـ شخبار شغل ابوك
ـ تمام..
ـ الحمد لله.. بعدة على الحبوب ترى دزيتة طبيب بس لا هم ترك العلاج

ـ لا الحمد لله ورى سالفة انتصار شوي شوي ترك..

ـ اي خوش ابني كرار.. ليش وي اختكم مهججيها..

ـ يابة انت ما تدري بشي ضحكت علينا خليني ساكت وهمي بكلبي والله كلما اشوفها شكد ما اضرب ما اشفي غليلي و بعدين ما مؤدبة ترادد و تضربني لسانها طويل...

هنا تدخل مؤمل وهو يقلد

ـ يا حريمة انباكت شوارب الزلم بيدين النسوان

كورت قبضة ايدي و لو ما عمي يصيح اضرب مؤمل