ك عارف شو يصير ان حركتها...
اتركها..

جلست وانه اطبق معلوماتي الدرستها لاربع سنين..

ـ حضر سيارتك في وحدة الاسعاف يتكفلوها..(الطواريء )

ان حركت السكين وازلتها من جسمها ممكن بحركتك توسع جرحها و تطخ اماكن خطرة ...
انت مانك طبيب.. و تعرف كيف تزيلها دون ان تسبب ضرر..

تبعتهم وانا رابط ركبتي فقط حين احرك راسي تنزف قليل ماهو جايد جرحي.. سطحي..

اسوق بسيارة خالتي..

عبـــــــــــــــــــد الله

يم ردهة الطواريء رفضوا يسولها شي الا بلاغ شرطة.. شروع بالقتل

اعترضت وكتلهم
ـ كان حادث لدفاع عن النفس.

اخر شي منا منا كوة يعالجوها..

حضر طبيب جراحة عامة(تخصص)
تركته يفحصها طلب خروجنا من يمها.
و عفت سجاد و علي الي بس سمعوا لحكوني وجابوا فاضل مبين مضروب
وكفت كبالة
ـ شبيه وجهك؟
دنك و باوع على اخوه علي

ـ استغفر الله واتوب اليه ها علي بلشت رحمة الله.

ــــ يابة ضرب امي شتتوقع احضنه

ـ يدافع عن نفسه.. فاضل لازم اسلمك الشرطة روتين واطلعك انت دافعت عن نفسك شبيها امكم تخبلت كلش..

شوي واجه جعفر نسيبي.. باوعت لعلي
ـ منو بلغه؟

ـ اني يابه يجي يشوف اخته المظلومة.. هي امي ششافت بدنيتها لا تزعل يابه تخبلت من سوالف النسوان عندك تزوج عليها اكيد تضوج.

خزرت علي و كتله

ـ لا يا طايح حظك انه عندي سوالف نسوان ولك انت لو ما مخافة الله جا كلت مو ابني شنو هل تفكير الي عندك...
الله لا يريحك بكل دنيتك دومك تصرف كيفك رايح مفزعلي خواله ضد ابوه واخوته ولك كون تضل بالحسرة مثل ما حركت كلبي كون تعيش فكر لك موتتني ابتليت انت ابني...

مظلومتيش ما قصرت وياها.. امك خبلة شسويلها بس كلولي لاخليت طبيب لا سادة.

قران اقرا يمها يلة عاد شسوي المن فزعت الرجال المن للمشاكل

وصل جعفر ليمنا وجهة مزنبر. و معصب ولزم فاضل دك بالعكال.. و بوكسيات..

وكفت بينهم و الضرب طاح بيه.
ضربة بضلعي بوكسي خنكتني..
رجعت ورى ودفعت فاضل وراي

و سجاد هد وكف كدامي

ـ حـــــــــــدك الا ابوي السيد. لو مو تكونون خوال ما اخلي هل اعتبارات اذا تمسون شعرة من ابوية والله احرك عشايركم حرك
هيج بنفط اشبنها شب. تضرب ابوي.. واسكت لا والله و اختك عود هم ام لا مو ام هي مخبلة اخذها ما نريدها شو بس اكل ونوم وعود بالسنة حسنة تذكر بيتها اما كأم ما اعرفها اعذرني ما شفتها بيوم مثل الامهات و لا يوم من الايام حسيت بيها ام...
جان فاضل كمبص و دفن وجهة بين ايديه ينحب ويرد..
ـ سجاد اسمها امي.. شبيدنا واقع ما يتغير امي .. لا تنكر واقعنا...
مد جعفر رجلة ورفس فاضل وكعه على ضهره...
وراد يرفسة على بطنه

دفعته عنه
ـ شو جعفر صاير ما ترد.. ترى هااا نسيت انه منو؟

باوعلي جعفر بخوف و تكتر
خايف شارتي تطلع بيه.

رجعت لسجاد اادبه تصرف غلط...

درت سجاد صوبؤ وضربته راشدين.. كدام الناس مثل ما هان خاله كدام العالم وسولنا فضايح..

ـ لسانك اذا تطوله على خالك اكصة
الخال والد يبني وما ربيتكم هيج
توكف بوجه خالك و تلاسنه و الله اكسر راسك

دنك سجاد وكف جانب منتجي على الحايط..
و الناس الي بالممر،تراقب بسكتة العركة.

و احد من الممرضين عصب و

يكول
ــ وين الامن شنو هيتة مستشفى شنو هاي المعدنه يمتى نخلص من سوالف عشاير وعراكهم

رديت احاجي جعفر ربى صباي وصديقي رفيجي...

ـ ابو نورة.اسمع مني لا تصير عربانه و عليوي يدفع بيك

اسمع مني...
المرة هاجت تريد تكتل ضيفي و تالي جلبت الا تموت فاضل..
الولد دافع عن نفسه خوية مبيها شي ضربة سطحيه... احنا اهل و الصار صار..
ردني بقسوة...

ـ تحجي صدك... اخذها عندي بناتي يدارنها... خبلتوهة هاي مظلومة كلة من ابوي الله يرحمه هو ظلمها هاي الظليمة ونطاها الك..

انت رجال عاشك صديقي ادري بأسرارك نصحت حجيت ما سمعولي عاشك يعني ابد متحب اختي و اكيد يوم ترد ذيج الخاينة الطيحت حظك ورديتها واختي عروس..
و هسة رديتها رغم شيناتها...

بالسحورة و كتلتلك ابنك عباس و مكفاها هذا.. لا موتت الي ببطنها..

جليل اخوي كال استلمت الطفل ميت وهو الي دفنه... بمكبرة الجهال...
بالزبير.

ـ لاحول ولا قوة الا بالله هسة شرد عليك اسكت احسن وانعم الله و رحم الله والديك ابني حسلمة للشرطة بس دفاع عن نفس وعندي شهود منهم الغريب ضيفي يشهد بالصار وهم اعتدت عليه شوف ركبته ضمدوها اله..

باوع لهاشم و رد بتعجب...
ـ سبحان الخالق يخلق من الشبه اربعين الله يرحمك سيد عبد الرحمن

هزيت ايدي شبيه هذا هم

جر خيط مثل اخته..

بس هاشم رد جعفر بخزرة

ـ تتحجى عن خالتي هذي المرة سكرت فمي ما ابيي اقلل شيبتك
لكن مرة ثانية امسك لسانك اكصه.

هز جعفر ايده..

ـ ناقصني بس الخليجي..
ابتعد عنا وكف بعيد ينتظر وضع اخته.. من الطبيب...
سلمت فاضل للشرطة ما طلعوه الا بعد يومين.. تجرجر الشرطة و الواسطات..

و بس عرفوا بينا سادة تشددوا اكثر.. وتحولت اليومين جحيم.
انو لازم يتأكدون ما عنده سوابق او مطلوب امن دولة او تابع للدعوجيه..

طلعوا يردون فلوس صدمني هاشم من انطاهم مبلغ بعملة س

عودية
هاي بعد ركض يومين. و تعب
لان جعفر ما خلا سكنة تتنازل
ضجت ابني يطلع برشوة اول تالي يطلعوه مبينه القضية دفاع عن النفس اصلا نكدر نشتكي على سكنه

بس ما اريد هيج شي.. وهيج حل..

و المفاجأة الثانية طلع هاشم متصل بخاله الي خابر للمركز فطلعوا فاضل
هم دفعلهم فلوس هم اتصل بخاله ضليت ضام عصبيتي من كنكورة..

باوعلى و لزكة طبية بركبتة

رغم عصبيتي من تصرف هاشم شكرته...
ـ ما اعرف شلون اشكرك لان ما قدمت دعوة ضدها.. راح ابقيها فترة يم اهلها بلكت هناك حبايبها خواتها شوي يرفعن معنوياتها تصير زينة

الضابط كال اذا نريد نقدم دعوة ضدها شروع بقتل

باوعلي فاضل..

ـ لو ما عيب وامي اسجنها يوم عن يوم تكرهني بنفسي لاني ابنها..
بس للاسف واقع اعترف بيه هي امي...

جريت حسرة بس نترت بيه مريدة يتعلم يجاوز على امه

ـ انجب واسكت.. يلة للبيت وانت هاشم فلوسك اردهن الك و بعملتك اصرفهن ما اقبل ترى اصلا شنو ذول وترشيهم..
اول تالي يطلعوه قابل يطيح ماي ورده اذا بقى كم يوم...

و خليت خالك هم يسوي علي فضل يمعود جنبني هل خال الاعوج الي عندك..

سكتت و اشوف هاشم ما اهتم ولا باله بالحجيته باله بغير سالفة..

وهو يحوس ادري بيه على مود زواجة اليومية مأجليه
بس يستحي يذكرني

ابتسمت و جريت كنكورة من كناكيرة

ـ اليعرس شيسوي يروح حلاق يا ابني

انعفس وجهة و دنك مغلس.

هنا كتله
ـ احسب احسابك نروح لربعك نشوف ليش جاي يأجلون خاف سامعين شي او انت خاف مسوي شي كلي من هسة مو هناك و انحط بالأمر الواقع...

ـ الحين وش حجتهم علي مافي شي يا عمي.. واليسلم راسك خلصني... يويل حالي يعمي مافيني اتحمل... للسنة اليديدة ...

بس وصلنا البيت كتلهم...

ـ يابة المركز يلم الزين والشين والي يشرب والي ما يشرب
احترازا كلنا نشطف يلة فاضل روح لحمام البيت وانت هاشم حمام الضيوف برة

اني اصعد للطابق الثاني حمام اشطف

استغرب هاشم..
وفلت لسانه
ـ ايش مناسبة نتروش.. على الفاضي ماني مِعْرس واتروش.. واليسلم راسك مافي اي نجاسة طختني اتركني بهمي يعم..

دفعته بلطف
ـ فورا للحمام يلة شو كدامي ماهو معرس والله يا الله مو هو بس المعرس يسبح هسة تطلع كاتلك الوسخ اذا تنتظر تعرس و تسبح...
لانك عازب لتزم ما سابح شنو هاااي.

ضحك فاضل وسجاد الي سمع كلامنا اجة بلهفة وهو يضرب كتف هاشم

ـ يمعود تعود على الوالد... اذا بقيت عندنا شهر تبربع كد ما يخليك تسبح وربك حتى كناكيرك طبيعيا تسبل..

عفتهم يضحكون وجاي اروح لغرفتي فتحت الباب ع الممر معندي حرم ولا بنات صبيات يحلن على هاشم.. سكينة واخوها اخذها

و عائشة خالتة..

ـ البيت بيتك هاشم لا تنسى اسبح.. والا ما تمد ايدك وياي بالغدة اعزلك مو تزعل

رد سجاد
ـيابة يابة اوكف اوكف..
تلفتت على سجاد الي من حادث قتل كدامة اصفر ونحلان بس بين اليوم صاير احسن..

ـ ها يابة كول.. شوراك؟
ـ طخيت هاشم وفاضل وجانو بمركز الشرطة انه هم اسبح افتي بأمري

هزيت ايدي وصعدت ادردم

ـ يصنف علي.. لو يدرون بالمراكز شرطة و السجن شبيهن من مصايب..
سبحتم بتيزاب مو ماي.. صوجي مو صوجك ها سويجد ولك تصنف علي..

سجــــــــــاد

من راح ابوي جريت فاضل
ـ ولك لكفت علي يخابر
فاضل خلا ايده على حلكي وباوع هاشم الي استغرب

رجعت كلت..
ـ هاا اي هم صح.. فهمت نظرتك
و باوعت لهاشم الي عكد حاجبه

مستغرب همزنا و تلامزنا..

رديت لفاضل
ـ رموز رموز وانت افهم.. غير زالغلة واير فوك السطح وجايبلة تلفون يضمة بكنتوره بالليل ينوم ابوي يصعد فوك...

لك اخوك اكص ايدي اذا ما واصل مراحل..

يحجي وياها امور عيب.

هنا اجة هاشم بفضول هل ولد مو مريح صار بيها عيب فك ذاناته

ـ تلمحون حتى لا افهم وش تتحجون هههه ترى اعلمكم و اعلم مية مثلكم.. مافي عندكم خبرة بس بالحجي خبرتي انه يا لربع قول وفعل...

لوى حلكة و كام وهو يكللنا يعيد معنى كلامه

ـ انتم امامي وامام خبرتي اطفال وش تردون اعلمكم حاضر..

تلفت فاضل و راح باوع من الباب و هو يحجي ويرجع يباوع

ـ السيد جنه ما ينزل عاشك.... هههه عاشك خالتك يكنكورة على كولة ابوي..يلة احجي بساع شتعرف عن العيب احم اقصد العلاقة يعني مو الحجي اريد عن الفعل انه اعرف بس زيادة خبرة
نتعلم من نزوج حتى ما نظل فاهين. احجي بساع
علم يخوي ليش لا منكم نستفيد

رجع تلفت للباب..و هنا كمت جريت فاضل من ياختة من جهة علباته

ـ مالك علاقة بهاشم واعرفة منحرف لا تتعلم خليك ياخوي بريء لعرسك فشلة من المرة تفقد برائتك..

ضحكوا علي. .. و على تصنيفي

كتلهم سبحوا لا ترى السيد يسويها صدك يشحوتكم ما تاكلون وياه..

فاضـــــل..
سبحت و ما رجعت يم الشباب رحت لغرفتي علاوي نايم و مبين يتهامس

رفعت اللحاف شفت بيده تلفون..
تتبعت الواير ثاقب الحايط قرب الارضية و ضامة جوة الجرباية

هزيت ايدي

ـ نفرض ابوية دخل و كمشك...

ـ روح ما احاجيك تدج امك.

شفت عيونه باجية عرفته يشكي لحبيبته وطلع ابوي الظالم.
ـ علي سد التلفون لا تسمع حبيبتك.

ـ كتلك روح عوفني هججتوا امي.

لو حابها شيصير عليه لو ما يفرق لو حابها و معاملها بعشك ما صارت هيج
المرة تريد الي يعشكها و يحسسها بامان
بس اوعدكم ما اعيش بظل تسلط ابويه..

اني اعيش واحب وازوج،و اشتغل مثل ما اريد..
روح فاضل زعلان منك. و اكلك شغلة ابوية ميدخل الا يدك باب
مرة وحدة جفت من عصب مني وهسة ما معصبة بشي عوفني اشكي همومي للي يفهم علي

عفته هزيت ايدي وكتله
ـ الله يهديك..

عفته وكعدت ورى ميز و بيدي قلم ارسم ام تحتضن ثلاث اولاد اطفال بس الام بالصورة الي رسمتها
ما عدها ملامح
ام بخيالي اني.. مو حقيقية لان الي بالواقع.. ام ملامحها قاسية ومعدها حنان الام وصعب اخلي بلوحتي ملامح امي بالواقع..

حيل انهضمت من امي..

رغم مجنت احس عندي ام بس تأثرت من تهجمت علي.

ورجعت مرة ثانية الا تقتلني مثل الي تريد تقتل الوسواس الي بداخلها بصورتي...

من جنت زغير هملتني

دائما تكرر بس يمي هاي العبارة
متت و رجعت للحياة تنتقم مني...

بيني وبين سجاد شوي شبه دورة وجه بس سجاد ابيض كلش.. على احمرار

اني احمر بشرتي مو كل هاي بيضة يغلب الاحمر على بشرتي

اوكات احب اكتشف السر الي خلاها بالذات اني و سجاد تكرهنا. و تطردنا من امومتها...

بينما علي عدها هو كلشي..

ما ننكر اني وسجاد نغار من علي.

اخذ الاهتمام من امي وابوية

الا احنا عشنا ايتام.. الام.

مرة كالتلي.. انت وسجاد بوجهكم روح ابن عائشة المات... ابتعدوا عني..

بديت اربط شي بشي

وزاد كرهي توصلت بذكاء انو امي كل البيها بسبب انها ظلمت او سوت شي جبير.. خلاها هيج.

كمت اتعمد اتواجد كدامها..

وهذا خلاها كلش متنرفزة مني لابعد درجة..

لدرجة رادت تموتني

كم مرة بسكته عن ابوي واخواتي ادخل غرفتها احاول استفزها بهدوء من حقي اعرف امي شمسوية

صدمتي الاكبر جانت...

ـ اطلع برة انت عباس اطلع انه ما كتلتك ردتك تسكت دوختني ببجيك.

هنا الصدمة الدفنتها داخلي.
لان ادري وراها ابعاد جبيرة ومشاكل فصرت شيطان اخرس

وهم بسبب اذا احجي ميصدكون او تطلع مو بوعيها بس،متأكد عيونها بعيني وهي تتخيلني الطفل كبر واجة يعذبها

سجاد بيه شبه..

الجنت اعرفه من ابوية مرة كال عباس ميشبهني يشبه اهل امه

شكد نشوف ابونا وهو حزين مكابل الصور،

بس متوقعت خالة عائشة نفسها ام عباس

طبعي ادرس الشخصية..

شفت كل التهم الزرعنها خالتي و بيبي ام جعفر،بداخلنا كذب

الي مثل شخصية عائشة متعنف طفل

وما اعرف ليش سجاد يضوج منها

المرة ممقصرة... بس اعترف اعار على ابوية بس بديت اتعود عليها و حسستها وجودها مهم عدنا تقربت منها بس سجاد يكلي خاين هاي باكت ابونا.
جريت حسرة

صفنة توديني صفنة ترجعني

حبي لنورة صار اكثر مستحيل خاصة بعد حجي خالي..

يضرب بيه وهو منفعل وابوية كوة خلصني منه
رجعت من صفنتي هي نور تريد علاوي مدري شيعجبها بالدثو

جرحت كلبي البقى يحبها..

ردت اوشم اسمها بزندي كد ما احبها... بس سجاد كلي بطل.. ابوية متفوتة ويشوفة يعلكك فلقة..

عفت سجاد وهاشم واحد يصنف على الثاني..

وفضلت ابقى بالغرفة انعزلت...

افكر.. بحظي وي نور.

اجت ببالي نهى. بت خالي الشهيد جليل

وجهها الاصفر جنها بيها منجلي.

و هي ونظراتها. الي..

اعرف تحبني هي بس بالي ابد مو يمها..
بالي يم نور الي ما تريدني

عائشة...

موقف صعب الشفته..

لا بية اشمت بيها.. يبقى المرض ما بيه شماتة بس احلف حوبة عباس ابني فرفحتة بحظني

سبحان الله خلاها تهجم على ولدها تريد تموتهم.. اي ابقي بعقابج الموت راحة الج عساج تبقين معلعلة تتمنين الموت متحصليه

دمرتيني. موتي ابني.

سبحان الله ابنج الي مد عليج السجين..
حتى ولدج ميردوج

شنو من بشر انت.. شنو قيمة حياتج دون زوج و اولاد.. موجودين بحياتج بس مطوليهم

حقدج عليهم و عنفج هو عقوبتج.
تنحرمين من الامومة مثل ما اني انحرمت الفرقولدج بطول ابوهم عايشين..

بس متكدرين تنطيهم امومتج تجردتي منها وكل هذا حوبة عباس

يومها انعزلت. بس اخذوها

لملمت البيت نظفت كلشي وصعدت الغرفة اجت كمرة تطمن لكتني بصفناتي تحاجيني ما ارد

نضال وهي وجهها اصفر،و تشرح لامها

ـ مو كتلج اراقب من زرف باب غرفتها شفتها هيج عيونها كلش هيج هوااي(عود تنططهن)

فتحت الباب ردت اشرد لزمتني تكلي بت باقر جنج ابوج اكرهج

راحت للمضافة لعمو وعمو كدر يطلعها رجعت تريد تذبح باقر مرتين تالي هجمت على فاضل وفاضل هيج طاااااا طكها سجينة

ابتسمت و نضال تعيد وتصقل السالفة وتكمز تقلد مرة فاضل مرة سكنه لو هاشم تقلد كل واحد شسوى تشمر بيديها و تلهث تعبانة كد انفعالها واندماجها بالسالفة...

امها جرت اذنها

ـ شكد فتانة. ولا تتوبين كافي دخنة مليون مرة عدتيها والسجين ما تسوي طاااا قابل مسدس ورصاصة

اجت نضال يمي.

ـ عمة عمة.. هذا باقر ركبتة دم..
سرحت شعرها و كتلها

ـ نضوله عمه اسمه هاشم .

باوعتلي بعيونها الكبار. و كورت شفايفها بزعل

ضحكت

ـ ها زعلتي بس هذا الواقع بابا هناك فوك بالجنة ياريت نوصل لمنزلة الشهادة مثله. منزلتها كبيرة عند الله

ردت نض

ال
ـ باقر باقر.. هاشم يولي اسميه باقر الثاني...

وشردت وهنا كمرة كالت

ـ عوفج منها.. تدرين وسام علمني اكتب و يدرسني رياضيات و علوم قرآن.

عايشة حاجي السيد امتحن اريد اكمل خارجي.
ترى موش غبية انه الكفها.

ـ اي حبي اذا تردين ادرسج....

امتحني خارجي شوفي اكو معلم جان ويانا جان امي بس الاصرار خلاه يدرس خارجي و دخل معهد معلمين من الثالث

بس سمعت كمل سادس خارجي و كمل جامعة و جاي يدرس هسة دراسات عليا

الاصرار،.. و هدفة يكون الافضل. خلي هذا المعلم قدوتج
ردت مستحية
ـ اسمي.. يعني كمرة. كلش دارج ريف
اريد ابدل اسمي

ضحكت..
ـ لج هاي معاملة و شلعان كلب وامر محكمة والسبب شنو وليش و ما ليش

ـ ميخالف حاجيلي اخوج بس لا تكولين علي للسيد فدوة

السيد عندة حساسية من ابو انور..

ضحكت...

ـ ممم تردين اتوسطلج اول تالي يعرف من يتغير اسمج وسين جيم تالي اني الي اتعلك مكانج لان ضميت عليه..

و الله ضحكتيني عندة حساسية من ابو انور اااخ ذكرتيني بباقر خوش معلمج تصنفين الله يرحمك خوية

هنا غيم وجهها وكامت و بكبرياء

ـ الله يرحمه و يغفرلة استشهد بس يبقى مديون الي الغفران

وسعت عيوني
ـ عزة ام وسام الرجال بين رحاب الله و برحمته و ما باريتة الذمة يمعودة حرام عليج..

عدلت عصابتها
ـ باريتة الذمه بس بقى داخلي زعل الليل كلة ابجي مسمعتي حجية شكد جرحني

انة فتشت عيني عليه(فتحت)

قاطعتها
ـ كولي فتحت.. مو فتشت. بس والله عفية.
كلبيتج صح سودة بس موديلها حلو فصال خالتي مو

ـ انة تعلمت منها كلشي من جنا ببغداد

بس مو مثل خياطج.. يعني اكثر شي احوك كوشايات وهل امور(كروشايات وهل امور)

ـ كمرة...

قاطعتني مدنكة وهي تلعب بصابيعها بتوتر همست وبين بوجهها حنين ودمعة نزلت غصب
مسحتها بساع

ـ باقر بينا بالليل من يغازلني يكلي قمر. مجان يحب كمرة اثاريه اي شي يوحي بالهور اعتبره مو من مستواه حتى اسم كمرة اعتبره همجية

حضنتها
ـ كافي كمرة الرجال راح يمعودة ياريت عايش و نتحمل سوالفة..

ـ اريد اسمي يصير قمر..
خلاص كمرة مريدها..

اريد ادرس اتعلم..
ـ شكلج السيد يقبل نشأت يدخل و يرتبلج موضوع تبديل الاسم.

ـ بلكت...

نزلت دموعها مرة ثانية ومسحتهن وكامت

ـ اكوم.. و الحمد لله على سلامتج ياما كلت هل سكنة لو تنهينا لو تنهي روحها
و الله طلعكم من بين موت..

ـ كمرة لا تبجين ولا تنكرين تحنين لباقر لا تكابرين عوفج مني ومن سكنة تردين تضيغين علي هل دموع ليش.

ترحميله فدوة لا تشيلين بكلبج عليه خاف يتحاسب على السواه والكالة الج.

تركتني وراحت اسمع شهكات بجيها

رجعت لوحدتي وهاي فات يومين..

و كدر السيد يطلع فاضل..

بس بقيت اذكر شلون هجمت..
و شلون الابن دج امه

و يزورني هنا طيف ابني الله من زمان ما حلمانه بيه

ـ اشتاقيتلك عباس..

رتبت الغرفة عطرتها وطلعت بالممر ارد انزل لمحت علاوي نزل و دنك من شافني
ـ شيسوي على السطح بهل حر وعركان حالته حالة

ـ يمة شعندك على السطح لو عدنا طيور جا كلت..

ـ هااا..

بس كال هاي وشرد نزل حسيت العلاكة البيدة ضام بيها شي

ركض على الدرج هزيت جتفي نزلت
الغدة استوى طفيت الجدر شريت ملابس الاولاد الغسلتهن

بس ملابس سجاد افرك مراح الصبغ اباوع للقميص النشرتة على الحبل

لطخاته شلون واحد بصابيعة متعمد يلطخ القميص..

رجعت من ورى البيت هناك الحبل عبد الله ميقبل اصعد السطح واشر
هاي كبرت والشيب بدة براسي وبعدة يخاف علي عبالك بت خمس طعش..

شفت سجاد لاف من الجهة الثانية للبيت

ما اهتميت رحت للبيت استخدمت الحمام جوة ادري السيد يريد اربع وعشرين ساعة نظافه و طهارة
تعطرت طلعت بكلبية محتشمة...

لاكاني هم سجاد ابتسم وهو يدور علي

ـ وين علاوي

اشرتله على غرفتهم

بس شوي وطلع
ـ ماكو..
صعد فوك
وانة الملم بالبيت
شوي نزل يضحك باوعلي وما عبرني دخل للمضافة

نزلت شفايفي لجوة و رجعتهن طبيعي عود معاجبني الوضع

شوي هم نزل علي هل مرة عركان كلش وبيدة جلابتين درنفيس

وراح لغرفته
ـ شعندة هذا عود...؟

صعدت تمددت وبالي كلش يم اسراء

لا خابرت لا سألت تختفي يم كوثر لو ابوها و فجأة تجي و تكلي انت مترديني شمرتيني

صوت ضحك جوة نبأني بجية السيد وفاضل وهاشم..
كمت ارد انزل...بس انفتح الباب ودخل السيد ابتسم وكال
ـ طلعت فاضل..

ـ الحمد لله على سلامته

ـ تعبان ولعبت روحي تذكرت اول ما جرجروني للامن.
رغم هذا مركز شرطة مو الامن.

اسبح و اجي اسولفلج

اخذله ملابس وراح يسبح

طلع بتراك.. اشتريته اله من دلالة تفتر على البيوت خوش عدها ملابس وامور مال نسوان جان زي الفريق العراقي تراك اخضر و بيه علم عراقي..

ابتسم وكلي.

ـ انت خربانه كلش عيوش.

كعدت على حيلي وصفنت بوجهة
ـ با ليش سيد..؟

ابتسم..

ـ اي والله خربانة ناسية قياس طولي جايبتلي تراك.. الحجل مال سروالة طافر...

نزلت عيوني للسروال كصير
ضجت عاد بارز لون عيونة صايرات خضر على زيتوني بيه..
و يضون...

ـ حرامات اشتهيته الك..

اخذته من ام جلال.. اكلك نزعة

اردة الها بلكت تجيب قياسك جا يبعد كلبي شطولك متكلي هذا اكبر قياس عدها..

هز ايده
ـ خلي عينج علي. شلون طبع عندج ما احبة تفطنين صلي على نبيج شدعوة حاسدتني على الطول لو لانج قصيرة جدا تحسيني طويل جدا...

رديت اشاقيه...

ـ صاير تخاف من عين بني ادم ههههه كول يا الله ترى مولاي العيون الملونه هي تحسد مو السود..
ردني وهو ينطيني نظرة زعل..

ـ رحم الله والديج قصدج عيني بالمكان.. ترى اصلي على النبي اذا شفت شي حلو او عجبني انتم كبل تفطنون على الشي تنسون كلمة اللهم صل على محمد و اله الاطهار..

كمت وشبكته..
ـ انزع التراك بس كون ما شلت العلامه..

رد عبد الله..
ـ شلتها وبعد حرام نرجعة.
لاني شلت العلامه هذا باب رزقها خطية تفتر بالبيوت على العيشة رجلها شهيد تربي اولادها..

انطيه لفاضل.. شوي اكصر مني..

اما سجاد بطولي ميفيدة...

خوش خامه قماش التراكسود لو تشوفين بعد لسجاد واحد.. هذا يسحك تراكسودات يروح يعدمهن بالطوبة

و جبتله زي للطوبة شورت وفانيلا يجيبهن مشككات...

ضحكت..

ـ تدلل..
نزعته السترة مال تراكسود.. و مديت ايدي انزعه السروال كض ايدي وكلي

ـ تتحارشين بيه تموتين علي...

ضحكت.

ـ اوووو بدينه عاد بالغرور.. مو ارد انزعك التراكسود حتى تنطيه لفاضل.
رحت طلعتله سروال رصاصي بيه خط جانبي زيتوني وياه تشيرت رياضي هم رصاصي بس الواجهة مالته مطعمة بزيتوني.

لبسته التشيرت شو نزعه

ـ من اسبح عود ابدل..

ـ مو سبحت..؟
كلت هذا وطبكت تراكسوده. الكصير خليته جانب انطيه لفاضل بعدين..

سمعته يضحك وهو بالداخليات كاعد على الجرباية..

ـ نسبح سوى بعدين تعاي يمي نسولف

درت اباوعله ابتسم اجت عيني على الوحمة الي يامة ويامة معارك طاحنة من وراها ذكرتني بمعركة البسوس

رغم كلشي احس خلاص سكنة مو منافسة الي... انتهت...

كعدت و انتجيت بضهري على صدره من فتح ايديه..
و حضني ذبيت نفسي بحضنه

ـ عايشة محتار. الولد كبروا افكر ازوجهم واخلص.

رفعت نظري اله
ـ عندك سجاد وفاضل طفولين كلش مو مال عرس.. خليهم يتخرجون يتوظفون يختلطون بالعالم ياخذون تجارب

ــ اخاف عليهم اجيال هسة طايشة...
ـ لا تخاف..
اكيد الدنية بخير..

ـ سجاد احرجني وي خاله جعفر تجاسر عليه بيوم الحادث جعفر من زغرهم كال رقية لسجاد بس كبروا رجعت حجزتها البنية خوش بنية... بس احس سجاد ما هاوي عرس..

عنده كون بس يكابلني و يكعد.. اريد الهيه بزوجة و يخلف يلتهي عني.

بس خل يتخرج ازوجه.
واخلص من فرته وراي هو والمخدة واللحاف

ضحكت.
ـ هههههه بعدك مفاطمة شوف مو كتلك هذا قصدي.. احسة طفل..

عوفه هسة هل كم سنة يكبر... بس انت هم منطيهم وجه تعاملهم عبالك اطفال ترى كبروا الواحد منهم زلمة مشورب..

انتجه و جرني اله اكثر...
وهو يباوع لفوك.. للسكف جر نفس وهو يهمس..
ـ سكنه مكانت ام.. ابد مو ام.. يمكن كانت هي بحاجة للي يربيها..

مكدرت تحتوي جهالها خاصة فاضل وسجاد..

سجاد جان العفو تطلع بطنه على روحة ميعرف شنو تواليت لو الوسخ كاتله..

حتى من طلكتها وردت اشوف جهالي ما اعترضت من اخذت سجاد..

نبذته كلش.. يمكن منا بدة مرضها.
تالي بدة مشواري وي ولدي اني الام والاب...
لذا صعب عليهم يشوفوني يمج..

غمزني

ضحكت و درت واني بين احضانه
ـ اممم هنا مربط الفرس كل هاي السالفة حتى نوصل لهنا..

شبكتة وظليت ابوس بيه وهو يضحك علي.

ـ بس لا هم تغارين منهم علي..

عضيته بوحمتة رجع ورى و هو يكلي
ـ شبيج.. اكيد من غيرتج علي.. طلعتي الحركة بوحمتي المسكينه..

ترى جعت.. غداج كامل..

ـ اي حبيبي اكوم اصب

ـ ابن اختج خبصني على الزواج.. يلح هواي يريد الا اليوم العصر اروح احل شغلته..

بس خل يولي.. لاحك على العرس وشلعان الگلب..

باوعتله صفح..

ـ ممم شلعان.. كلـــــــــــــــب..؟

طولت اخر حجايتي.. وتساؤلي..

ابتسم وكال..
ـ خل اكُل تحليه كبل الغدة شتكولين..
صفنت مركزت بس من ايديه بدت تروح منا ومنا و هو يجرني جواه...

و تاهت بين ثنايا قلبه تلك العاشقه
لتعانق جمرات شوقه بحب ابدي..

كالبلسم الذي يشفي الجروح اهاته
فتتلقفها اهِ بغمرات نشواته...
لتنطلق تنهيدة اثارته
وتشهد الحب ونشواته
بقلمي

#خلف_الشناشيل_حكاية٥١
من بارتات برستو
هاشـــــــــــــــم

تركوني سجاد وفاضل.. وانه بديت اشعر بملل وايد..

جلست بالمضافه البس كلبيه

بعد ما تروشت

شوي ودخلت نضال..

طول اليومين الي بگيتهن هني وهي تروح ترد كربي..

تمنيت دجلة تخلفلي،بنت مثلها...

وكفت امامي تلفت و املت براسي اطالع ان كان في،حد بطلعة بيتهم
ما شفت حد گلت امازح نضال.

ـ يبنت كربي هني..

وكفت كبالي وهي تلعب بضفايرها و تحرك بجسمها يمنه يسره بطفولة

كانت تلبس فستان گصير وايد..

ـ نضال كيفك...
ردت تضحك
ـ شنو كيفك

كتلها
ـ شلونك..
ـ زينه. انت ليش ما تعرف تحجي مثلنا.
رغم لثغات لسانها الا انها كانت لبقة ذكية بالنسبة لعمرها..

ـ لاني يا نضال من غير بلد..

ـ يعني شنو.. غير انت هاشم اعرفك بس اريدك باقر ثاني.

ضحكت على عگلها.

ـ بالهداوة يبنت تنفسي حين تتكلمي ايش هذا.. تتكلمي سريع و احرف كلامك كله صادمه قطار..

سكت ورجعت اتحجى معاها..

ـ انت الحين فين عايشة؟ انت عايشة بهذا البيت الوطن او البلد مثل بيت وقربه بيوت جيران هذي البلدان كذا مثل بيت وقربه جيرانه

ردت.
ـ لا معايشة هنا هذا بيت عمو اجيه افرج رجليه اعصرهن اله يتعب بالشغل وما عندة بنية تداريه انه افرشة اجيبلة المصلاية اداريه..ضض العب على ضهره يخليني اسويه حصاني وهو يلاعبني

اوقات انام عدهم بس بيتنا ذاك

اشرت صوب اتجاه بيتهم

ضربت جبيني وانه اكول..

ـ ايواااه تستاهل يهاشم.فين اتحجى وهي فين تقصد..

طيب اسمعي اسمعي.
عندك لعبة مكعبات
ـ اي

ـ جيبيهن وتعاي هني بسرعة اليوم عگلي اخليه مع عگلج ابي اقضي وقتي معك..

احس ملان من الوحدة..

شوي واتت گربي جلست الارض امامها وطشيت مكعباتها وانه ارتبهن..

ـ هذا الاخضر اسمه عراق بلدك
انت عايشه هني..

وسعت عيونها وردت اطك المكعب براسها حين كالت لي

ـ لا غلط المكعب ما ينعاش بيه انة اكبر منه شلون ادخل بيه

ـ يا مطفوگة اسكتي لا واللهي اطق راسك بالارض اسمعي واسكوتي اااششش سكري فمك.. واسمعي
هذا الاخضر عراگ الازرگ كويت
الاصفر سعوديه

طيب انت هني وانه من هذا البلد المكعب الازرك كويت لكن بعيش في السعودية الاصفر
يعني كلامي ماهو مثل كلامك. كل بلد له كلامه وانة رجل من بلد اخر يا نضال
اكيد اتكلم كلام ماهو مثل لهجتك.
صفنت بوجهي فاتحة عيونها وحلكها بحالة المصدومة..

كلت وش فيها اش بلاها هذي

ـ يبنت.. وش بلاك تحجي تطالعيني كذا..

ــ ما فهمت عليك. شلون تدخل انت المكعب الاصفر والازرك انت هواي طويل..
و جبير
فتحت ايديها تدل على الكمية الكبيرة..

ضحكت..
ـ امش اذلفي من امامي لا بارك الله فيج ساعة اشرح و ترديني لنفس النقطة.. اش هذا يويل حااالللي منك بنت غبية تعبتني يعين اهلك من تدرسي...

برطمت و ما فهمت ايش حكت حسيت تغلط او تسبني. ما فهمت اش تكول..

تحجيت اخزها بعيني.

ـ امش من هني سطرتني.. ام الشورت الوردي..

وكفت تطالعني، ثم انحنت تنظر لموضع الشورت من فوك فستانها رفعته وكالت
ـ جذاب انه لابسة ازرك

ضحكت من كل كلبي ان بگيت هني اكثر اخرجلهم بنتهم تربية حقيرة

ـ لا هذا ماهو ازرك انت كل الالون عندك ازرك.. هذا بني.

برطمت و عاندتني.

ـ لا... ازرك.. انت شورتك بني ..

خزيتها.. هاي الفجر دخلت علي المضافة ونايم فقط بشورتي الاسود....
مسكتها وخزيتها
ـ عيب يبنت عيب لا تتحجي كدام احد عن شورتي فاهمة ازعل منك.
و من تدخلي مكان دقي باب

ـ انت ليش تنام بس بشورت

سكت عنها
و عاودت اكلمها

ـ عيب ترفعي فستانك امامي اياك تعمليها بعد فاهمة ازعل منك و لا تتحجي شي عني.. عيب..

ردتني..
ـ باقر ما اكول شفتك نايم بس بالشورت عيب

رديت وقرصت خدودها
ـ ايوااه عيب طيب شغلة اخرى.. اسمي هاشم انه ماهو باقر انه ماني ابوك يبنت.. انه هاشم وبس. انت فاهمة وش اكول..

دمعت عيونها و سكتت وهي تمد اصبعها في فمها و تمصه
بزعل
اخرجت يدها من فمها.

ـ لا تعملي كذا ماهو زين. تمرضي
كنت كريب منها. ما شعرت الا تفت بوجهي

ـ بابا حلو انت مو حلو.. تف عليك..
وانت باقر ثاني مو هاشم.
بس مو حلو ما احبك.

زعلت مني وراحت فكرت كذا احسن.. مما تتعلق فيني.. وايد..

لكن شوي وعودت هني عندي
وهي تحمل في يدها كومة شورتاتها
الي سقط منها في طريجها الي بگى في يدها..

طالعتني
ضحكت..

ـ اش تكلمت معك يبنت لا تبليني مع السيد واهلك ما ابيهم يكولو فسدت تربيتك.

ببرائة كالت لي.

ـ شوف كلهن ازرك ماكو وردي
ضحكت..

ـ هههههه طيب ليه ما علموك الالوان.. طالعيني
بس هي بگت تقلب بشورتاتها

ـ ما احب تمرة...

نهضت من مكانها. و خرجت تاركة مجموعة من شورتاتها..

ابتسمت متلهف تكون لي بنت. مثلها..

عاودت تحمل ملابسها

ـ جبت كل ملابسي.. ما اريد تمرة تطكني من تروح بيتكم اروح وياك..

بگيت ابتسم..

ـ اجلسي اعلمك الالوان هذا شورت احمر،ضعيه گرب فستان احمر

اعلمها و اكول ليها عاودي بعدي...

شفتها بدت تنعس..
رمت حالها على ملابسها ونامت مثل گطوة صغيرة..

ابتسمت بحنان و انه العب بشعرها

يارب ابيي بنت مثلها انزين تجيني بنت كذا افرح فيها والعب معها..

شوي و حضر السيد استغرب ايش الملابس.. بوسط مضافته

ـ شنو هاي نضال شمسوية

جمع نفانيفها و عود بهن لبيتهم و رد وهو يجلس

ونادا..

ـ سجاد.. فاضل يابة تعالو غدة علاوي وينك يابه لا بس هم نايم..

اتت خالتي و يعاونها فاضل..

عبـــــــــــــد الله..

بعد الغدة امرت الاولاد
ـ ساعدوا امكم عائشة..

جنت اريد اعودهم على عايشة..

واني معودهم يساعدون كمرة لذا طلبت يساعدون عايشة

لان معدها بنت تساعدها رغم هي تعتبر اسراء بتها بس ما مرتاح للبنية وما اريد تجي عندي..

اخاف على ولدي من هاي النموذج

كام بسرعة... سجاد.. و كال بلهفة

ـ اكيد الملابس يبست اروح ادخلهن..

شفت عائشة مستغربة..

فشجعته
ـ عفيه حياهم الشباب اليساعدون امهم..

كام فاضل يلملم ويعدل

شفت هاشم محتار

ـ عمي انه ضيفكم وكاد ماهو شاملني..

ضحكت عليه..

ـ انت يا ابني مالك علاقة ضيفنا انت بس اكلك شي.. انت احتار بكناكيرك خوش تنفع لجلف المواعين..

سكت و رجع... يباوعلي اعرفه شيريد.. بس شبيه هيج مستعجل يخوض علاقة الزواج لاحك على الضيم.. بس هي هاي الشباب تريد تجرب العلاقة اول اتصال رجل بامرأة... لذا متلهفين ممصدكين روحهم خطبوا..

ـ اكول يعم فيك تطالعني. متى نروح لبيت اهل و اخوة حماي**

ــ عمك ابو مرتك في العراق؟

ـ ايوااه. و دجلة جت معاه..

ـ جيد.. حضر نفسك بعد اسبوع نروح..

صاح ضايج.

ـ لااه يا عم واليسلم راسك تكفى يعمي حلها لي لو عمدي اب يتكفلني ماني بزاعجك وش اعمل عمامي شبه تاركيني وامي عندها وناستها اهم مني انت طيب كولي وش اعمل الحين..
انه دخيل عندك تحلها لي. اهل مرتي استفردوا فيني لمن طالعوا مافي حد من اهلي يضع ليهم حد

يويل حالي.. انه يتيم يا عم خاف الله فيني.. يتيم ابويا لو كان عايش ماني بزعجك..

ضحكت وكسر خاطري بكلبي كلت شكول على وديعه...
اكو ام ابنها يعرس وعايفته يتخبط وحدة لو عمامه شبيهم..

ـ بس ابني يعني من اروح غير لازم ولو واحد من عمامك وياي يجي..

اشوف زحمة روحتي دون اهلك هم العالم شتكول جايبله غريب وين اهله..

كسر خاطري من دنك ضايج..

اشرت للتلفون..

ـ شو خابر عمامك اشوف..ولا تشيل هم تكاليف مكالمة دولية حتى لو تطول..

كام و حسيته متردد باوعلي

ـ احتمال ما يبون يجون عندهم مشاغل..

ـ شنو المشاغل الي تمنعهم عن ابن اخوهم الولد الوحيد لاخوهم المتوفي..

وخواتك هم ما يحضرن العرس؟

رد بأرتباك..
ـ وش عرفني يعم هن متزوجات بحكم ريولتهن.. بس الزغيرة ماهي متزوجة وكاد تيني(تجيني ) ان ياني. (اجاني ) عمامي بتم تيي(تجي ) معاهم..

ـ ممم غريب امر عمامك شلون علاقة ابوك بيهم.. قبل موته

رد وهو يرفع كم كنكورة عبالك سبرنك تمددن على كصته..

ـ انه كنت طفل زغير ماني فاهم عليهم لكن وكاد يحبوه من كلامهم عنه عرفت يحبوه.

لكن معي هم ماني عارف وش بلاهم يعمي...

يتعذرون ان احتجتهم في شي.. يا أما مسافرين رحلة يا أما عندهم اشغال... الحين اخابرهم ولا ايش..

ـ اي يابه اتصل خل افهم يحون لا..

زين مو على اساس يجون عرسك..

ـ ايواه..

تلفت لخالته الي اجت كعدت وهي تباوع لابن اختها بحزن..

ـ عبد الله لا تحرجه ادري ما يردوه من زغره لو تعرف من اخذته امه للسعودية رفعوا قضية حضانه بس حتى الاملاك ما تتحكم بيها امه..
انه الربيت هاشم.
واعرف هو ميريد يفرض نفسه عليهم اليجي عرسه هلا بيه الي ما يجي الله وياه لا تسونها ثنينكم عظمة..

اجه فاضل..

ـ كملت كلشي خالة اغسل الماعين

ـ تسلم حبيبي غسلتهن.. اكعد اصبلك جاي

بدت تخلي شكر بالستكاين. كتلها.

ـ عايشة مصدع موضوع هذا الولد محيرني شلون اهله ما يردوه حيرة هسة لو مو ابنهم و يدرون بيه مو الهم جا كلت.

سكتت من شفت هاشم وجهة احمر وعيونه غيمت بعد وجهة حتى منشوف الالم الي الظاهر خازنه سنين..
ما تصورت مثل هذا الشاب المترفه المدلل الي ميعرف شنو شغل وعمل ممكن داخله هموم وجروح اني اليوم بألحاحي ازلت غبار سنين والاتربة عنهن.

رد بصوت بيه بحة احراج.

ـ الحين وش تكول.. اتصل فيهم نجس نبضهم ولا ايه..

اصريت الا يتصل.

اباوعلة بيد ترجف مدنك يدك الرقم ويعيد يدوس دكمة اغلاق يعيد يدك رقم بيد ترجف همس

ـ اسف نسيت ما ضغطت مفتاح الكويت قبل الرقم..

كعدت يمه و خليت ايدي على جتفه
ـ هدي حالك.

اجة سجاد..

ـ ام عباس..
زمخت بوجهة
ـ على الاقل احترم. لو تكلها يمة لو خالة مربيتكم انه على الغلط...

لوى حلكه..
ـ خالة لكيت الحبل مكطوع و الملابس واكعات و ما ادري اكو طين بيهن..

باوعتلة يشرد بعيونه مني ابتسمت.

و عايشة كامت كتلها كعدي يابة كعدي..
سجاد يساعدج مرة تعبانة انت.. يابة سجاد اريد تفركهن فرك. قوي..
و بيدك مو بالغسالة حتى مينكطع الحبل مرة ثانية يبني

ـ يابة تقصد اني كطعت الحبل ودفتهن برجلي..

ابتسمت بهدوء

ـ يلة سجاد.. كبل غسل قوي ابني ترى افتشهن اذا ما نظفن اكص من راتبك الي انطيك ياه من تساعدني بالوكالة....

رجعت لهشام ا

لي يحجي وي عمه

ـ كوة عمي كيفك كيف احوالك انه اتصلت فيك عشان ابي اعرس امتى تييني للعراگ..

وجه هاشم بين بيه ضوجه و الحزن

ـ لا يا عم ما گبلت يتأجل مافيني انت كلت تيوني العراك.. ايش تكول يا عمي .. انه بحاجتك.. تييني نبي نروح لبيت جدها نقنعهم..

باوعلي وهز راسه بلا

اخذت التلفون منه..

احس وشة شلون شي انسد كلت احتمال تدهم جهازين مربوط بواير واحد...

ـ مرحبا ابو ناصر شلونك خوية..

حاجيته اقنعه والغريب كأنما متفضل على ابن اخوه لدرجة كالي بالنص.. والله يخوي ابتلينا فيه وش نعمل الحين نكطع رزقنا و اشغالنا..
و الله لو ما وصيه اخوي لكان نكطة وش نساوي فيه..

سديته بوجهة ما عجبني الحجي

ـ انت من تروحلهم شلون معاملتهم وياك..

ـ ما اختلط لكن خياتي يحبني وعندي عم ساكنه اختي معهم بالاصل بيت ابوية..
هذا جيد معي

ـ وانت تتصلي بهذا الي يحجي عبالك انت ولد متبنية مو ابنهم ومسوي فضل اتصلي بعمك الزين اشوف بلة..
رد منحرج
ـ انزين... لكن بلاها زعلان مني...

ـ استغفر الله مو وكت زعل اتصل اشوف

باوع لخالته و الي بحرج
ـ لا.. مافيني اتصل تصير هني مشكلة ان اياني(اجاني )

لكفت نظرتة

ـ وليش بلة
ـ عشان عشان.. طيب راح اكولك.. عمي من اول مشاف خالتي حبها و طلبها وايد.. كانت تيينا(تجينه ) للكويت عشان تشوفني وهو لطش فيها.. مينون عمي بخالتي لكن هي رفضت ما تبيه...

و بس عرف اعطيتها.ليك زعل مني.

كمت وبلعت ريكي.. و اشرت لعايشة بحاجبي..

تجي وراي

ـ ما انريد عمامك انه ادبر موضوعك شنو نتوسل بيهم خو ما نتوسل و الله يا الله اسمع ابني خاصة عمك الزعلان يابة لا يجي يوصلنا دربالك تطخ راسك اله تراضيه اذا على مود عرسك اعتبرني ابوك و خالتك امك وولدي خوانك
و الله اسويلك احسن عرس تحجي بيه المنطقة بس شرط ما اريد عمك الزعلان يجي

درت وجهي لولدي

ـ اريدكم كانما اخوكم الي عرس تسولة الحنة بس مولود ما اريد اغاني.
و تاخذوه لحمام السوك تجلفوه..

ضحك فاضل

ـ صار يابة نطلع زنجار العزوبية منه ولا يهمك.

رحت تبعت عايشة الطلبت منها تصعد باشارة حاجبي.

سديت الباب و انتجيت عليه بغيرة كتلها..

ـ اي والله خوش ..

ابتسمت وغمزتني.

ـ ها عبودي شبيك..

رديتها مغتاض منها شلون انه محترق غيره وهي تزيدني حريق

ـ تتغمزين المن مرة شكبرج ويخطبوج بلة مو عيب.

ضحكت واجت حضنتني حيل و تريد تبوسني رفعت روحها تريد تنوش شفايفي بالعناد بيها رفعت راسي لفوك..

وكتلها..

ـ اي اي.. بلة احجي..

ضحكت..

ـ عادي يعني عبالك بس انت عندك معجبين.
ترى هذا يلح علي من زمان من ورى ما كمت اسافر وعندي اسراء رضيعه..

ـ وانت بزواجج المزور.؟ يخطبوج؟!

ردت وهي تبوس ركبتي وتشمها

ـ امممم كل الي يعرفوه منفصلة

و جنت زغيرة الريال على كولة هاشم عاشكني يويل حاله عم هاشم ولهان فيني هذا الاميلح.

يبيني وش اعمله..

وخرتها ضايج منها لا وتوصفلي عشك الرجال بيها

ـ استحي استحي مراهقة نهاية الاربعين عندج...

ضحكت
ـ شبيك يعيني مو كتلك هذا الحجي قديم..

من جنت زغيرة... و ظل معجبي ولهان بية شبيدي اني هو حبني قابل كتله حبني..

رفعتلي تك حاجبها تتحداني واني كد الغيرة احس حركتني عيوني معقولة لهاي الدرجة اغار..

ـ كم مرة شايفج هذا..هااا شو ما كايلتلي من رجعتج عنه

هي سكتت وانه لزمت جتافاتها اهز بيها نسيت لطفي و قسيت عليها خافت هيمن شافت ثارت غيرتي عليها بحجيها و وصفها لعشك معجبها..

ـ هدي نفسك عبد.. شبيك يعيني. كل مرة تطلك اكيد ناس تخطبها وهواي اجو خطبوني منهم عم هاشم..

عصرت زنودها الي كاضهن بيدي و حسيت بلحمها اختلط بصابيعي كد ما ضغطت...

ـ عاااائشة

دفعتها وطلعت ضايج اسمعها بجت اعرف اذيتها بس ما تحملتها اخذت السويج و نزلت شافوني الولد لكيتهم جوة يم الدرج مبين يترقبون نتائج عركتنا

باوعت لهاشم..

ـ امشي وياي اليوم احل موضوعك..

باوعلي.

ـ بس يا عمي تروح بذن ملابسك تراكسود بيتي..

دنكت شفت نفسي شلابس انطيته السويج

ـ بدل ملابس يلة على ما ابدل.. واشرتله بصبعه
، مثل مكتلك عمامك ميردون يجون طز خليلك كرامة يابه اني وولدي منقصر اعتبر نفسك ابني و ذول اخوتك..
صعدت واسمع سجاد وفاضل يهلهلون...
و مثل اي طيش شباب سولة بالشقى زفه

ـ عريس و ربعة يزفوه ها هشوم الا اجلفك بيدي اطلع زنجارك...

دخلت الغرفة شفت عايشة تمسح بعيونها وتباوعلي بعتب

ـ ترى انا مزودها اولا كنا مطلقين قابل خاينتك شتتوقع ما انخطب اكيد انخطب.. و الرجال ما شايفتة بس من بقوا يمي هاشم يجي يجيب مصرف ويشوف ابن اخوه ومن اروح للكويت ورى ما خذوه.
يجيبني من المطار لو من اطلع وي هاشم يرافقنا

شعلتني اكثر بتبريرها لو ساكته احسن..

تقربت منها و خليت اصبعي يم شفتي دنكت لمستواها هي كاعدة على الجرباية اني انحنيت اواجهها وجه بوجه عين بعين و صبعي كدام شفتي علامة اسكتي

ـــ اشش ولا كلمة..

اخذتلي ملابس ردت البس دشداشة

بس قررت اروح سبورت..
لبست بنطلوني من قماش خاص
لونه اسود وي قميص اسود بيه

خط ابيض رفيع.. اكسر السواد خوفا من مفارز الرفاق...رغم احيانا البس اسود باسود ميحاجوني...جانت ..
ملابس شبه رسمية
مشطت شعري لورى اشوف شعري طال كلش يراد اخففه..
سرحته لورى و اطراف نهايات شعري انعقفت على بداية الرقبة

لحيتي النزلت عن مستوى الذقن
لون شعري الترابي او القريب الكستنائي... تخالط لون الشيب بشعري انطى لون غريب لاصل لون شعري مثل المخصل..

مشطت لحيتي واباوعلها بالمراية وهي مدنكة تبجي..

استغفرت الله على لحظة الشيطان بس مو بيدي.. ما اريد احد يحطها بباله او كلبه ما اريد احد غيري يعشقها..

لبست ساعتي سويسرية النبض..

لبست محبسي الياقوتي الاحمر اصله لابوية ولبست العقيق بصفه

اباوع لحلقتين بيدي..
رغم زواجي بسكنة اعتبر شبه منتهي بهجر..
بس يبقى امرأة بذمتي. ومريد احد يكول ذب حلقة مرته ام اولاده على مود حبيبته..

اخذت سبحتي جانت من العقيق الاصلي هدية من احد السادة المعروفين... بذاك الوقت..

رشيت عطر و رجعت باوعت بالمراية شفتها رفعت راسها وتلاكت شهلاء عيني بسواد عيونها.

ذبيت حسرة.. مو بيدي اغار..وهاي زعلت لان حاسبتها على شي مو بذمتي هي واصلا رافضة الخطبوها بس شسوي ما كدرت اتحمل غيري مخليها بنفسه.

شفتها كامت وداخت درت بسرعة اريد اروحلها بس وكفت و رجعت خلت ايدها على حلكها وهي تريد تتقيأ

ركضت للحمام اسمعها تتقيء معقولة الي انتظره جاي طفل بزر شيب معقولة اشهد طفل منها ملامحة مثلها
وكفت بباب الحمام همست
ـ شبيج..

ما جاوبتني زعلانه
هاي شيراضيها..
ـ احم انت مشتهية شي يعني اقصد ما تشتهين فد شي شيات. اجيبلج وياي

غسلت حلكها تمضمضت و غسلت المغسلة

بسرعه كتلها
ـ نسيتي ما فرجتي يمج فرجتج و معجونج يعني بس تتمضمضي شهل لعبان نفس.

وكفت ودارت علي و بعصبية
ـ جنك ممسوي شي رفعت رداناتها راوتني اثار صابيعي..

ـ وهسة عمي كلنا وسخين بس انت النظيف شدعوة هل وسواس القهري..
بلة ما افرج شنو تسوي هل مرة بالصوندة.

ضجت وخزرتها
ـ طاح حظج لسانج طولان واسلوبج تافه..

مو صوجج صوجي..

درت ردت اروح بس رجعت اباوعلها صفرة وهمست
ـ انت حامل..
هزت ايديها وفاتتني

ـ عندك مختبر بعيونك شنو
رديت اشاكسها
ـ هه هه هه ما تضحك النكتة ترى..
بلكت بنية تداري شيبات ابوها مثل مسوي نضال تداري عمها من يجي من شغل تفرج رجليه احسن من بعضهم
الله لا يعوزني الج هسة تجي بتي الي ببطنج تغسلي هديماتي تكويهن تفرج رجلي تداريني كبرت اريد بتي تداريني نسواني مبيهن خير..

باوعتله
ـ ترى ما تراضيني بسوالفك هاي ضحكت عليها
ـ راح اجيب كاروك جديد..
لو تردين امر لذاك البيت كاروك عباس او لا ما اريده ذاك غالة مو خوش عباس راح و الي وراح راح
اجيب حديد بدل الخشب شلون جايات كواريك جديدة

بديت اخطط وهي تهز براسها رغم اشوف بعيونها الم
ـ اكيد خايفة لان بعمرج هذا بس لا تخافين..
ـ ترى انت تحلم و مصدك حلمك..

بست كصتها احضنها اريد اراضيها بس هي من بين ايدي فلتت وتمددت وغطت روحها
ـ سد الباب وراك..
ـ مممم سهلة..

طلعت وانه بداخلي امل بطفلة خدودها على امها وعيونها علي..

شفت هاشم منتظرني لابس كابوي و تشيرت
ـ لو لابس غير ذن شوي ملابس هيبه
ـ شبيهن ملابسي
لويت حلكي
ـ امشي يابة كبل الليل.. امر على ابن عمي.
لان عمي متعقد من اهلك.. بس ساهر ما يقصر اكيد..

اخذنا ويانا خوش جاهة على عرفي وين رجال دين.. و الهم كلمتهم
و سادة...

بس انصدمنا سبب تردد اهل البنية هو بهاشم ذاته
حاجاني ابوها..
ـ ضغطتم علينا و قبلنا ننطي بس متردد اصلا مرة اكول افسخ بتي منه خاف فترة يمل ويطلكها..
مثل طبعه..

ورى العقد سألت اكثر عنه واحس تورطت هاشم يا مولانا كل شهر او شهرين مرة
جديدة يزوج يطلك شلون نأمن بتنا ما يمل ويطلكها..

انصدمت..
بقيت ساكت.. شنووو
كل بالي بعده ولد و متلهف يجرب الزواج طلع هذا خبرة اكثر مني اني المزوج ثنين

جان يمي كرصته بسكته وهمست
ـ احرجتني الله ياخذك..

همس..
ـ ظلم نولاي انت قنع وانة مستعد شيردون حاضر..

ـ استغفر الله من سوالفك ولك شكد مزوج
ما تكلي.
رجع ابوها يحاجيني وانتبهت عليه

ـ مولاي تضمنه النا.
ردت اكوم شضمن اذا كل شهر مرة معقولة بالسنة ١٢
بلعت ريكي
ـ احم.. منو كللكم هذا الكلام اكيد تشويه..
من رخصتكم.اطلع برة اتفاهم وي هاشم وراجعين اكعدوا اكعدوا
جريتة من ايده حيل وطلعت بيه للشارع

بس طلعنا دفعته وكع على مقعدة كام ودنك راسه
ـ حقه بتة يخاف عليها منك لو عندي بت ما انطيها الك شنو متوازي ادمر بتي وي نسونجي
مو انه اكول معقولة وديعه و خاله نشأت يطلع بيه خير

الله لا يبارك بيك..

فشلتني ولك جايب وياي ناس تسوى راسك..

رد علي منفعل
ـ يعم.. هدي هدي طيب اسمع مني لا تعصب جذي الحين تحكم علي لان تزوجت..

ـ شزوجت ولك لو مرة ميخالف مرتين يلة طيش شباب ولك ادب سز سرسري لا تخليني اغلط بعد اذا بالسنة درزن مدري نص درزن ما تنتخم ما تلعب روحك شنو انت ها
لا وتريد اتكفلك يمهم باجر و طلكت بتهم شكول لألله..

ـ اقسم ليك ابگى

عليها للموت مافيني بعد زواج ابيي اخلف عيال يعمي..
الي تزوجتهم زواج عرفي و كلهم كانوا قابلين وبفلوس..
ما كانت زواجات بنات ناس و طلقتهم..
ـ استغفر الله كلي كم مرة مزوج بالضبط

بلع ريگه و بده يمتمت.. ايست.. عدت سؤالي عليه
ـ شكد عمرك اول زواج.
ـ اه.. طيب ممكن تبديل سؤال او مافيني اجاوبك مولاي.. انه خايف اصدمك ..

ـ لا يابه بلة اصدمني اشوف..
ـ تقريبا اول حزة ازوج كان عمري بين السبع تعش على ثمن تعش او ثمن تعش بالضبط ماغيني اذكر لا تحرجني يا عم..

هزيت ايدي..
ـ احرجك.. لا والله تستحي هواي..
خل نكول ١٨.. شكد فترات زواجك بله..

ـ مافيني احدد حسب الي بتم زواجها.. لكن الفترة الثابتة عندي يا عمي هي شهر عشان اتوكد مافي،حمل واطلق.. الي مافيها تحمل بتم زواجي فيها من ٣ ايام لاسبوع..
واطول فترة مع سودانية يمولاي..

اكثر من شهر.. عجبتني وايد.. وهي
من طلب الطلاق.. كنت ناوي استقر معها.. اش عليها من تفاصيل غير ممله

ضربته راشدي
ـ تأدب لا توصف مرة كدامي.. انت كارثه..
عاد التزوجهن يناسبن عمرك لا.

ـ فيهن اصغر وفيهن اكبر مني.. لكن اكبر وحدة بتم تزوجتها اجنبيه ويت(جت ) بندوة حضرت محاضراتها بطب النساء
ـ دكتورة..؟ و دنت نفسها على طالب.عدها

ـ ايواااه اوگعتني يا مولاي اش اعمل شافتني ريال صغير ممكن بيتقشمر..
ـ والله يابة تقشمر بلد انت يلة شكد عمرها
ـ كانت ٥٠ سنه.. بقدك مولاي بمواليدك.
تلفتت محد بالشارع نزعت الوشاح عن ركبتي و لفيته على ركبته و خنكتة
رخيت الوشاح و ضل يكح
ـ مولاي تبت اقسم مافيك تتركني..تكفلني..
ـ اقسم بالله اذا تزوجت عليها او طلقتها اجيك للسعودية واسحلك لعمامك بالكويت و اربطك ببراج الكويت..
امش كدامي طيح الله حضك يزوجلي درزن موصلهن ميتين مدري اربع ميه لعبت روحي..

خلصت من موضوعه و تحدد العرس بعد اسبوع خوفا من اي عارض و قبل محرم. لان البنت شيعية و بمحرم مينطوها.

طلعنا منهم فرحان.

ـ زواجك ببيتي راح يصير..
و زفتك لبيت عايشة تاخذ راحتك وخصوصيتك ميحتاج اخشاب اعابر انت برحلة
ـ عاودت تأثيث الشقة يا مولاي في بلدي الاقامه هناك كل شي بيتم جاهز

ـ بيها الخير كون ما تفشلني وي العالم يعاتبوني ترى كفلتك.

ـ انزين عمي انزين لا توهك مافيني اجحف فضلك علي.
ـ نشوف..

مدري ليش حسيت عبالك معرس لواحد من ولدي جهزت بيتي للفرح.

و اليوم الحنه..

بالاعراس نكول المولود محد يحجي مدام مو بمناسبه دينيه

سويناله حنه بينا لان محد بين من اهله..

وهذا الشي كلش غريب مصاير.. بس البيوت اسرار

اخذوه ولدي ثاني يوم يوم العرس للحمام.. وصيتهم يفرحوه يوكفولة وكفة اخو
ولو طلع الولد شبعان نسوان بس تبقى اول بنت يتزوجها
و فرحته مختلفة..
وزواجاته طيش غير مبرر اكيد بس بعد هو غلط وسواها ولو حلال بس لو يزوج داىم افضل من سوايته
المهم التربية اكيد الها دور
رغم شفت بيه شجاعة ونخوة و صفات حلوة بس طلع نسوانجي..

سجــــــــــــــــــاد...

اخذت العريس وفاضل حتى علاوي اجه ويانا تعجبنا طبعا..
ويانا وسام.. الي بدت شخصيته تبرز..
جان حمام السوك زين على حضنا فارغ اخذنا راحتنا

مثل هيج حمامات صدك الواحد يطلع حتى جسمة مسترخي..

بالحمام نهلهلة وعبالك اخونا وفرحانيلة عيونه تلمع بالفرح

و كضة الوكت يشكرنا و هو فرحان يكول سويتوا الما سواه اهلي

فاضل وسوالفة شدلة وصلة و بدة يدك يركص

و علاوي يرزل

ـ الا اكول لابوي جنك حرمة تتمركص اثكل
رد فاضل على علي
ـ عفنا الثكل الك..

رجعنا البيت ابوي حتى لا ننححرج..
طلع.. كال رايح بالشارع فرحوا تونسوا بالاربعة نجيب حرمته بسيارتي..

بدت نسوان المنطقة تتوافد يم زوجة ابوي بالاستقبال الداخلي
واحنا الزلم شباب بالمضافه

ابوية بالشارع يم ربعة يشرف على طاولات حديد ايجار مرصوفه جاني مطبكة ورى منجيب العروس من نريد نصب العشا نخليهن بنص الشارع

و النسوان بالبيت

اليجي يسأل منو من الولد عرس تكتفي قرايبنا..

و عرسه سواه يمنا
طبعا ابوي تكفل العرس مقبل ياخذ منه شي كله هدية عرسك هاي

رجع فاضل يهز واحنا بس شباب
ظل يغني اغاني بصوت ناصي نخاف الوالد يسمع ويجي بالصوندة
وشادلة وصلة وصاير الرقاصة الي تحيي العرس

ذبيت جكليت على هاشم الي لابس كويتي

شوي و دخل شاب فرح هاشم من شافه وهمس ابن عمي

ركض حضنه
ـ ناصر ما هكيت تيييوني..
ـ يناك(جيناك ) يخوي انه وابوي وخياتك
دخلت نسوان هو طلع تلكاهن بجي واشتياق وهلاهل
لبسهن كويتي و سمر كلش لدرجة داكنات من شبكن هاشم حسيت حليب يمهن كد ما بين لونه فاتح
ـ يخوي من الصبح يينا قنعنا عمي بو ناصر.نيي خويا الوحيد معرس ماني مصدكة..
اجت ثانية بيدها قوطية وشي يلمع ضلت تشمره على اخوها وهي تكول
ـ الف الصلاة و السلام عليك يا رسول الله
ظلن بالطارمة يركصن كويتي
اشرلهن لباب ثاني للهول..

بس استمرن..
وهن يغنن مدري يهوسن.

لا اله الا لله يا جمعه الصبيان. محروس باسم الله محروس من عين البشر يشمعه الصبياني..

هذي عطايا الرحيم لا اله لألله عابت عينك يالحا

سود لا اله الا الله..
امباركين عرس الثنين ليلة ربيع على گمرة..

جانن جايبات وياهن داكوكة..
مدري اختة لازمة دف..

جريت هاشم.
ـ دخل خواتك جوة... هسة كلب ابوي مورم جايات بالدف

باوعلي فرحان بأهله

ـ لا الي في يدها الدف طكاكة
ماهي اختي..
دخل خواته و هن يهوسن على لهجتهم..
للهول وسد الباب

فاتت عمتي ام وسام من بيتها تحمل ضيافه و ملتزمة بكامل لبسها اسود وعثابة وفوكهن عباية

رحت للشارع شفت سيارة كبيرة جاين بيها..
هواي دشاديش بيض.شنو جايبين كل الديرة وجاين هههن

ـ لك فاضل كلهم كويتي يولد واحنا بنطلونات. امشي نبدل دشاديش حتى مولانا السيد طاك الدشداشة وشوفة يلمع بينهم

رد فاضل بفضول
ـ مو غريب هاشم ما يشبهم. ما اتصور ابنهم و هذا سبب ميجوه ولولا مخافة عتاب و مدري شنو ما اجوا والا ما يارددون بالبداية ويتعذرون...

ـ اشش لا يسمعك طلع لعمامة و عشيرته..
بس مبين بينهم نشاز هنهههه ابيض بارز لونه وجميل..

رحت لبست دشداشة و خليت وشاح اخضر على متوني وفاضل مثلي

جبنا العروس ابوي ضاج من الاغاني و حتى شغلو جايبين وياهم مسجلات و كاسيتات لعبد الله رويشد وركص نيبة و هيوة مدري ايش

احتار ابوي بهذول الفيلق وين ينومهم
نزل عائشة لبيت عمي تشحوتت

و قرر يخليهم ببيتنا و نسوانهم ببيت عمي عزلهم هيج..

نضال و انتصار..

عود يركصن يفترن ويكمزن و من جابو العروس مفرعة

ابوي واعرفه ما تحمل
وكف يم السيارة وغطاها بعباته البشت
ـ يلة مبارك عليكم يابة وهاي عباتي من بخت السادة الله يرزقكم بالخلفة بسرعة

عرفت ابوي خوش لوتي ما عجبة العروس تطلع مفرعة و اسمها مرت قرابتنا مثل ما الناس تدري..

غطاها وبحجة عباية من بخته
ـ يابة هاشم فوت مرتك.. لبيت خالتك يلة يابة
افكر اخلي خواتك ينامن ببيت خالتك شتكول

رد هاشم بتوسل
ـ هم باجر بيردون الديرة يعمي ابيي ليلتي وحدنا ما ابيي خوات ولا عمام..

ضحك ابوي وحسيت بفرحة صادقة بعيونة عبالك مزوج واحد منا مو ابن اخت مرته..
هذا ابوي بطيبتة الله عليكم مو حقي اغار و ما اقبل شراكة عايشة..

هاااااشم.. الكويتي.

دخلت حرمتي لاستقبالةخالتي اجلستها
خواتي.. يرگصن فرحات..
شوي و يابوا(جابوا) العشا..
دجلة متوترة ما تبي شي..

خواتي اخذتهن خالتي يريحن ببيت اخو السيد... عندهم سفر باجر
مافيهم يبگون اكثر..

اطالع دجلة.. غمزت بعيني لها خجلت مني وايد.. جلست قربها..
طالعت فقط خالتي. و السيد جالسين.. و مبتسمين..

كنت ابي اكوله روح.. انه ابي انفجر وانت جالس،مرتاح

بيد عروستي اكليل ورد ضخم امسكتة تغطية ومددت يدي و شبعتها قرص بسكتة
تلفتت لي و عضت شفة ما تبي تصرخ ننفضح

دخلت نضال بيدها بطة دمية تهزها تضهر صوت وهي تتمايل تبيي ترقص
وتقلد كلامنا الزفه لكن بلثغاتها الجميلة. المضحكة
ـ لا اله لالله
يا كويت باليمين هذي عطايا الرحيم...
ضحك السيد
ـ لكفتيها يلة يابة يمته تنامين بالعشرة صارت

ركضت
ـ اروح من باب المطبخ اروح لماما انام
ـ روحي منا وين مناك.
دخلت ممر الغرف تكصد للمطبخ نهاية الممر. .
ـ هاشم سد البيبان مو تنسى باب المطبخ هاي الرعنة مناك طلعت..
يلة سد الباب وراي مو تنسى روحك
ـ صار عمي و ابي اشكرك وايد ما كصرت معي
ـ بالخدمة.

بعد ما راحت خالتي والسيد بكيت وحدي مع عروستي.. غلقت باب الخارجي والهول. ونسيت اصلا شي اسمه مطبخ.

غمزت لدجلة احنت راسها خجلانه مني.
حضنتها.. و انه اتنفس عبيرها. اشعر بشعور يديد كأنها المرة الاولى بتم زواج. .

وكفت امامها گربي زهرية اخذت منها وردة مصنوع من كلينس
ازرق..
مررت الورده على انفها ونزلت لفمها وانه احس ماني كادر اصبر اخيرا..

لكن حبيت اول اعيشها اجمل لحظة بكرة تكون ذكرى

خليت الوردة على فمها الي يرتعش
تگربت منها اشم عطرها وامرر الوردة على حنكها ونزلت لركبتها
وصلت لمفرك شرحة بين صدرها ثبت الورده هني بين شرحة نهديها..

انتفاضتها جعلت مني ابتسم همست بصوت مشبع بمشاعر اللهفة

ـ يويل حالي يبنت اشعمل فيك الحين ماني من صدك انك گربي ومافي ابوك او عمك او امك تنغص عني ليلتي..

حملتها للغرفة ورميتها على السرير وانه اخلع شماغي و العباء. و بديت اخلع الدشداشة
وهي بخجل
ـ ليش مستعجل خل اول نعيش رومانسية و غزل و..

رديت بلهفة
ـ ابي اراويك اش عملتي فيني بصدك. تبين سوالف غزل وحكايات شعر..

وانه ابي انفجر بحياتي.. ما كنت اصبر دون حرمه عملتي فيني العجب ابي اطلع منك شهور صدك..

رديت وانه اخلع فانيلتي الداخلية وبكيت بالشورت امامها

ـ تبين تتدلعي علي.. ارحميني يبنت مافيني اصبر طيب اراويك كل انواع الغزل..

بديت اجردها من ثيابها وانه اتلاعب بجسدها

ضاعت من اول لمسة بين يدي و عرفت نوعها يضعف حين اركز مع مفاتنها..

صوت خجلها بتنهيدة رغبه شعلتها فيها...
و تلقفت انواع الفاكهة بجسدها
وانا ارسم لوحة تشكيلية لا يفهمها الا انا..
و بين شفاهي تذوقت عسل ريقها
و تنفست انفاسها المنتشية بتنهيدة متطلبه مني المزيد..

ـ.( كلانا تجردنا من سترنا و اصب

حنا بتوق عطاشى الى الوصل نرغب
ترآت لي جرئتها رغم ثمار العذريه تلوح لي بدليل شرفها
لكنها كانت تبادلني بجرئتها و ضعت معها ببحر عميق نكرر الابحار وسط موجه تكرارا مرارا.. دون تعب ودون ملل اريد ان ارتوي فازداد ضمأ ولهفة للمزيد..) ـــــــــ

لكن صوت غريب في الغرفة جعلني اترك دجله..
زواجنا تم واكثر من مرة. لكن صوت شي اربكني رميت الغطا ابغطي حرمتي.. واسترها
حرمتي و لبست سروالي الي كان بطرف السرير بجامتي لكن وقعت ارضا حين كنت امتلك عروسي..

مستعيل(مستعجل ) كنت.... مديت يدي للارض مسكت السروال البجامة ولبسته حتى ملحكت البس قبله شورتي...

ـ وش السمعته.. گطوة عندنا..؟ مين هني...؟
بديت ادور عاودت اسمع صوت شي طقطقة و نويص اش هو گطوة ايش..
ناظرت لاثاث الغرفة بحثت في زاوية الملابس الجرارات مافي شي لكن في حركة انه متأكد لكن صوت شي ربكني جعلني ابحس في شي بالغرفة..

عاودت اتصنت ابي اعرف مصدر الصوت انتبهت ليه شبه مفتوح ومن هناك النويص.
تبعها صوت شي حاولت اميزه وش هو..

تبعها ازيز نويص
هذي كطوة...نظرت فتحة... ال..

يتبع....



,,, ـــــــــــــحاشية....

**** (الوشم كبل دكاك بابرة وخفت الخفت هو رماد مال تنور طين يخلونة ع الدكاك يتحول اخضر )

الحمى..الحماة النسيب النسيبة (كل الدول عدهم الحمى و الحماة هم والدين الزوج او الزوجة الا العراق عندهم اخو و اخت الزوج اما الزوجة نسيب او نسيبتي )

بالغسالة..(غسالة حوضين اعتقد نهايات الثمانين نزلن و قبلها شكلها مثل برميل مفتوح من فوك )

وصف شعر عبد الله بالكستنائي اصح من الاوصاف السابقة
(هذا الوصف الاصح لشعره احيانا اسميه حني بني/ اسود محمر بس طلع اللون كستنائي فاتح واعتذر عن وصفي الخاطيء ان وجد )

*(الوصف للعلاقة الحميمية افضله فصحى عذروني ما اتعمق كلش بالعامي.. افضل تشبيهات..

يعني احس الفصحى وان جريء بس التشبيهات تساعد بالتلميح بس العامي شكتب الا انزل سرد اباحي ومريد ما احب هيج.

#خلف_الشناشيل_حكاية٥٢
برستو طائر السنونو...

بــــــــــاقر

صرت بالنهار ابقى برى البيت و بالليل اسير لآزاده

تحاول تتغلغل لكل حواسي

بيوم كالعادة خبرتها و حرورتها سطرت مقاومتي فخضعت لاغوائها من جديد

بحضني كانت و هي تهمس

ـ حسنين.. من جنت بالعراق شنو تشتغل
سكت..
همست
ـ مممم تدري زوجي جان عسكري جبير بالجيش العراقي قبل ان يتوب عن جيش البعث يكول
مقرات جيش،مجاهدي خلق جان يروحلهن كحمايات الهم..
انت رايح هناك؟

باوعتلها
ـ مجاهدين خلق الهم جيشهم و تدريباتهم..

الهم مكانة يم صدام.. لانهم الايد الضاربة لايران

، اي و الله. يسون عمليات تفجير خونه

ـ ازاده الهم قضيتهم..

ـ انت اكيد خدمت عسكرية ترى اخوك محمد كلي جنت ضابط برتبة رائد.

كعدت تلف ودور ترجع على الجيش وعلى الاستخبارات..

و شنو المعدات الي يستخدموها امور خاصة بالجيش
وين اماكن تدريبات القوات خاصة

لو عندك معلومات عن مكان تواجد انطتني اسماء كبار الحزب.

و جهاز الامن.. منهم نشأت
جنت احس راسي يفتر من تستجوبني
و بديت اشك بالجاي تحط شي
لان احس عقلي مخدر ومنا حركاتها المغرية

ـ انت شعرفج بهذي الاسماء انت منو بالضبط..

ـ راح اصارحك ترى اخوك محند كلي منو انت وانت اسير مو اخوه شرحلي وضعك حتى اعرف شلون اتعايش معك

لا تخاف اكيد محمد من سولفلي عن طريق الاستخبارات جمع معلوماتك الحقيقيكل اسير ترى يعرفون خلفيته انت مو كايل لمحمد تريد تترك ايران

ترى نريد نساعدك اني وياك نشرد..
شتكول فلازم تحجي كلشي عنك

حتى نعرف شلون نساعدك

هاي مبينة جاسوس وفاشلة هة

بديت انطيها تمور غلط حتى عن مقرات غلط

و بدل ما تاخذ مني كمت اخذ،منها

نفس الوقت بديت احاول افر من ايران
و اتفقت وي مهرب كوكاين

بس انطاني موعد شهر الثامن.

لازم اصبر..

يوم على يوم ازادة تتعلق بيه

و حسيت بدت ما تسال تستوجب بدت تستميلني حتى احبها
وكعت بيه.

لدرجة اعترفتلي بكلشي و اكدت شكوكي..
وكعت مكيدة محمد....

بالصناعية جاي اشتغل دخل المهرب
الي طبعا يعتبروه رجل متدين

و ما تحت رداء الدين كان اعظم.

ـ حسنين. شلونك..

سلمت عليه
تلفت ومن حضني خلا شي بجيب بدلة العمل
وهمس
ـ لازم تعبر لتركيا كوكاين للحدود تسلمه

وراها نطلعك تهريب لدولة ++++

ـ بس حدودكم وي تركيا خطرة
ـ انت تصلح للمهمة الاشارة

ثلاث ومضات لايت صمت لمدة دقيقة تتبعها خمس ومضات سريعة للايت تورج

ـ يمته العملية
ـ باجر.. حاول تلهي سيد محمد و البرستو العندك

باوعتلة
ـ شمدريك جاسوسة
ـ اسمع ابني حتى تعيش لازم تكون سياسي اني شغلي مو بس تهريببس اني تابع لمكان ضد محمد و سنوناته..

ـ صار اسوي التريده

ـ وهذا المطلوب حتى تطلع لازم تضحيات.

كمرة...

ورى مزفوهم رجع السيد وعايشة جنت احوس بالبيت اجت عايشة تعاوني وهي فرحانه
ـ بلكت يستقر.. جنت شايلتله هم يختي
ـ الله كريم.. هذول يمته ينامون كاضيها سوالف
وهذن خوات هاشم شكد طيبات
طلعت كمرة من صدرها ميل كحل اثمد
ـ هج اخذيه هاي شافتني اختة وكالت عيونج ناقصهن كحل يضون
ـ اللهم صل على محمد حسدنج
ـ ما خليت ببالي عجبني كلش انطتني الكحل تدرين اني محزنه شسوي بيه
دنكت بحسرة
ـ لا كمرة انت شابة مو عيب الكحلة
شربت صدرها

ـ لا خية لا.. صدك جذب.. صح انه بكلبي زعلان وشايلة على باقر بس حرمت الزينه من وراه

ـ اصيلة انت..

ـ انه تغبت اروح انام هاي بناتي متعودات على عمهن دربالج على نضيلة حركة ترى
ـ اكيد نضال يم ولد عمها اطمني ادزها الج كبل لا انام

للثنعش كلها نامت رحت ما لكيت نضال يم ولد رجلي كلت اكيد راحت لامها
هل بنية حركة بس تعبت هسة وراحت نامت.
طلعت من الهول.. لان محد بيه و مكدر افوت للضيافة الولد بغرفتهم
دخلت لكيت امو شباب نايمة وشوخر على جرابي الولد وولدنا فارشين بالكاع استحيت جفتت بس ردت نضال
همزين محد انتبه نايمين لو يشوفني عبد الله اويلااه
بسرعة رجعت لبيت باقر بيتهم زغير النسوان تارسات الهول
غرفة كمرة مسدوده مكدرت افوت انام هناك رحت يم خالتي خولة بغرفتها هم اكو كم مرة نسوان عمام هاشم
تمددت وغفيت بساع..

عبد الله...

طول الحفل على اعصابي جايبين اغاني ومدري شنو
هسة شكول للعالم بس متحمل خاطر عائشة وكنكزرة هم عائشة مرضعته شرعا اصير ابوه بالارضاع

القهر بوحمد.. لزكلي.. و يحاجيني لو يمدح كدامي حرمتي متعجب لسة ما ضربته اخ لو ما ضيف عندي

ـ اكول بوحمد وين تريد تدخل حرمتي جوة وانت هم زعلان المن جاي لهاشم خوما انت تطيح عليه

ـ ابيي ازف ولدنا يريال
معرسنا ترى هو
ـممنوع يخوي يا رجال عندي حرمتي داخل البيت انت ابقى هنا انة ادخل اهلا بيك يضيف رزح لبيتي ذاك وتالي اجيك...

سجاد...

ـ اكول فاضل بديت اغار من كنكورة
ولك تزوج.. واحنا حتى البوسة ممحصليها
رد فاضل
ـ اي والله هيج العرس حلو..
اكلك... هاي نضال مو جانت تكمز تروح ننصب عليها
ـ وينها دخلت يم العرسان.

فاضل ما تزوج يخوي افرح بيك.

تدري كنكورة من عدلتلة الشماغ كلي خوة الحليب الي بينن

ا احن من خوة الدم

اشكركم ما عندي اخوان بالنسب بس الارضاع
انصدمت طلعت ام عباس راضعته حليب اخوي الي انولد ميت.

شو ابوي مكال.. خيانه هذا ابوك كام يضم علينا. كلة من ام عباس
لفت عقلة ولحسته
خايف يا فاضل لا باجر ننطرد
و تخلي الوالد يذبنا ملجأ ايتام

ضحك فاضل
ـ يا ملجأ ايتام ولك هههه
حتى عمرنا مو مال ملجأ. نتشرد بالشوارع انت تبيع جكاير واني ابيع ليدي يم مدرسة البنات

ضربته بجتفة بالشقى

ـ شمعني يم مدرسه البنات هااا شمعنى..

ـ سجاد الولد تتحمل عطش وتعب بس البنية كائن رقيق تحتاج ليدي يبرد كلبها
اكيد اني رحيم بحالهن ابيع يم مدرستهن الولد مو بحاجتي يصبرون

هزيت ايدي
ـ و الله كبرنا و عجزنا يا خوي.. و هذا عرس كبلنا وهو بعمرنا

ضحك فاضل
ـ بعمرك انة زغير بعدني ما عنست

هذا ابوي و مرتة طلعوا.. يلة اروح
اشرد لا يشوفني وانكرب اشيل هل هوسة
بالعافية عليك سجاد صير مطيع و طيع الوالد العاشك واشتغل انه انام.

طبعا مثل توقع فاضل انكربت اسفط الطاولات..

و انتصار ووسام يفترون صحت انتصار
ـت احتصار تعاي
اجت تركض و يدلتها تروح منا ومنا هي بيضة كلش و ما تدها بخدها حمرة لا بس بياض
خدودها سمينه وشعرها ذهب اصفر
ـ احتصار ناهي عليج
صفنت وضحكت
هاي كون نضال تسوي واهس بلسانها بس هاي كلشي ماكو

ـ احتصار تحبيني احبج امواه
اكلج انت فطيرة
ـ مااا
كل هل حجي اللغيتة وياها ما حصلت بس مااا
ـ وجعا احجي ولج ترى ما انطيج ابني
ـ مااا.. اروح..

، خايبة وروحتهم مردتي كلبي ما بيج نصبه
دارت وضحكت وهي تكلي
وتاشر بيدها علامة اسطبر
ـ اسطبر يم عمو. انه الك سجاد .

ـ بيها الخير حجت الكطمة. ام حلك الفاهي كلت انهي عليج بس انت مو كدي عود اخلي ابني ينهي عليج

او على شنو ازوجة فاهية امشي غثتيني ما عندج سوالف مرحة كون نعيلة هسة.. اتونس بلسانها الطويل

لو كل تفلة منها ترد الروح.
طبعا من الفجر اجت عمتي ام وسام تبجي
اخذتها جانب
ـ وين فايتة منا الزلم مجطلة ما شوفينهم بس دشاديش
تلج...

ـ سجاد لا تصنف نضال مامو بتي انخطفت و عايشة تكول مشافتها بالها يمكم من مالكتها يمكم نامت بالها اجت يمي
ولك بتي راحت انخطفت

ـ هنا فاضل سمع و كال
ـ ادورها وراح يركض بالشارع متخبل
كلبي بارد وين تروح..
كتلها اطمنها
ـ راح اكول لابوي خاف يم العرسان امس دخلت يمهم وي ابوي ومرته
بتج مشفتها طلعت وبعدين شنو انخطفت منو يخطف بتج ترى لسانها سلاح فتاك لا تخافين بتج تخطف بلد مو تنخطف

ـ والله بطران
دفعتني وهي تكلي
ـ روح لابوك خل يخابر يمة بنيتي شلون نسيتها والله تعبانة واعتمدت عليكم على مرت ابوك.

ـ وشكو تعتمدين انت الام الي تفتقد طفلها احنا الي ننسى مو انت
ـروح لا تتفس مدري شيسموها

ـ تتفلسف..

دهلت لابوي وكتلة كام ابوي بخوف وطلع ازيد من كمرة

ـ يابة لا تخاف خابر هاشم عود اذا مو يمهم نخاف
ـ يابة عرسان لو يمهم من امس يدزها خوما يلتهي وياها و وراه دخلة

استحيت من حجاية ابوي وطلعت....

هاشم

طالعت فتحة من الكبت. و صوت نويص.. شي و حركة

بتوتر وانه افتح بوابة الكبت. (الكبت تعني كنتور ملابس ")

شفت الكطوة ماهي الا نضال جالسة مثل عادتها الكريهة اصبعينها في فمها وترضعهم.

وهي باين فيها منعسه.

تمص اصبعين السبابة والوسط طابقتهم تمصهم..

بگيت مرتبك محتار ان كانت شافت شي
او كانت نايمة و نهضت الحين
او كانت ماهي بنايمة لكن نعست الحين..
بيدها تحضن البطة الوصواصة.. بعكوسها
حركت يدها وهي تحضن دميتها وصدر الصوت..

كيف منتبهنا او سمعناها قبل الحين.

ايوااااه وكعت بلسان الكطوة نضال..
انفضحت... يويل حالك يا فشلتك يهاشم.

حركت ريولها ضربت الباب اصدر نفس الصوت مع وصوصة دميتها..
تلفت لمرتي.

ـ دجلة البسي شي تكفين... و شوفي اش لكيت بالكبت يويلنا يدجلة فضيحة

ـ حبيبي شكو..
لبست روب.. و نهضت جت كربي وضعت يدها على فمها موسعة عيونها.

ـ هاشم جنا نتمم يعني اقصد نزوج وهاي يمنا.. بس كول ما شافتنا..

طالعت دجلة لويت فمي و رفعت كتفي.
ـ اش دراني.. و جدتها هني كذا.. حالها..

تتصوري كانت تشوف نعست تبي تنام ولا كانت نايمة واستيقظت الحين ولازال في عينها نوم..

ـ ما ادري.. بس خطية شلون الخايفة و عركانه شيلها عفية منا..
شعجب محد افتقدها..
ـ دومهم ينسونها مرة وجدتها ظهرية تبي تطلع من تحت الباب ااااه ينضال فعلا كطوة.

تسلخ مقعدها و كتفها عالجتها حينها. و نصحتهم انتبهوا الطفلة
بگيت محتار..

حملتها وهي تطالعني بخوف و تمص سبابتها والوسط معا بقوة

ـ هاشم اروح ماما...
و بدت تبرطم تريد تبجي
ـ اريد ماما.
هني سالتها ابي افهم شافت ولا.. لا.
ـ الحين تناديني هاشم طيب فين باقر..؟

كنت ابيي احاول استفهم منها اش شافت..

في حياتي ما خجلت من حرمة لكن الطفلة هذي.. وايد انحرجت حسيت انه مجرم افسد برائة طفلة بمشاهد ليلة دخلتي مع دجله..

وضعتها على السرير ابعدت الفلة(جرجف ) و طالعني كومة مناديل ورقية

وفيه دم عذرية دجلة رميت الفلة اغطي هذي الامور لا تنتبه الطفلة..
اخذت علبة المناديل وضعتها على كومدينه كرب السرير

..

ـ كولي لي الحين كنت نايمة انت ولا ايش

ماكو جواب بس تمص بصابيعها ابعدت صابيعها عن فمها

ـ ايش الحالة هذي، تمرضي لعيتي جبدي..

جانت تفتح بعيونها وتغمض منعسة هذا خوفني لا تكون كانت ماهي بنايمة ونعست الحين
حملتها

للاستقبال و دجلة وراي
ـ هاشم وديها لاهلها حتى لو شافت طفلة زغيرة شتفهم.

طالعت لدجله
ـ حگج مانك تعرفي شي.. دجلة في لسان الكائن هذا قناة اخبارية سريعة البث..

ـ عزة.. بس لا توصف الشافته لاهلها عفية نسيها خوفها..

ـ طالعيني الحزة تبي تنام اش يعني هذا. يعني ما كانت نايمة..
ليه تكلي اسمي وهي كل مرة تصيحني ب باقر

اش يعني يعني شافت شي ما كانت معتادة تشوفه..
و صار خلل بصورتي بدماغها عن باقر الثاني..
الي تقارنه بصور ابوها

ـ ترى نامت خطية خابر لاهلها.

ـ طيب طيب لا تلحي واليسلمك ترى طفكتيني.

طالعت البنت الي اجلستها فوق طاولة الطعام.. كيف تميل براسها وتمص صابيعها ولمن يقع راسها على صدرها تفز كامزة

تعاود الحركة وتنام.

حملتها للغرفة على السرير وغطيتها

رحت لدجلة
ـ تعاي ننام بالصاله.. شكلنا انطردنة.
و الدار، صارت حك.. نضال.

ضحكت دجلة حضنتها..

ـ خابر لاهلها..

ـ مينونة انت اندعي ما يلاحظوا غيابها لحين باجر ابي افهم شافتنا ولا لا عشان اتمل لعكلها مسح تام..

ضحكت وحضنتني.

ـ مممم ههههههه و الله مكبر الموضوع يمعود طفلة هاي هسة ببالها جنا نتصارع نتعارك..

حضنتها زكلت ليها
ـ احضري لينا شي.. ننام عليه في ذيج الدار.. فرش و غطيات.

ـ اممم عروس انه و تخدم علي
رديتها رافع حاجبي
ـ وش اعملك عروس على راسي لكن اش تبي عريس انه وتبي افرش..

تمددنا بالصالة بديت اتكرب منها وعيني على الممر اطالع اراقب وانه اتكرب لحرمتي ومرة ابوسها اعاود اطالع صارت فيني رهبة لا تطلعلي نضال.

ما اعرف كم الساعة دق قوي على الباب.. جلست مصفن وانتبهت التلفون بيرن رفعته
ـ ايواه عندنا يعمي. طيب. لا مافي داعي نايمة الحين اتركوها توكم فقدتوا غيابها

سديته وطالعت لدجلة

ـ نامي ابروح للي كسر الباب

رحت جان فاضل يلهث
ـ نضال انخطفت ما اجت يمك.

هزيت يدي.
ـ كيف انخطفت كيف يتني. (جتني ،) روح يخويي اتصل عمي السيد و خبرني لكو مين خاطفها روح يبونك بالبيت عشان تمسكو بالخاطف
اتركني الحين انه معرس كسرت الباب من الفجر..

سديته بوجهة ورجعت لحرمتي..

ـ نامي. حبيبتي. مافي شي
حضنتها ونمنا..
اول مرة انام بسروالي. اعمل ايش وفي نضال في البيت لازم احتاط
ماكنت مرتاح نومي قلق مانيمعتاد انام الا بشوت فقط

فتحت عيني وجت نضال على الكنبه
وهي تطالعني وتمص اصابعها...
ماهي عادتها تستمر بمص صابيها فقط حين احد يضوجا اش بلاها..

ـ كعدي دجلة. نضال نهضت ابي اوصلها لهلها..
كم الساعة
ـ بثمانية..

ـ سالفة جايدة.. يا نضال يكفي ترضعي اصابعك تكفين لعيتي روحي منك.

لكن نضرت لي و هني كالت
ـ من نلعب وي منيضي عرس اني بتهم بس منيضي ما ينام يم سارة
الي هي عروس واني بتهم شو عرسك يختلف عن لعبة العروس النلعبها وي منيصي
تصلخون وطلع دم هاي و هي تبجي تكلك كافي اذيتني لو تصرخ وانت تكللها لا تخافي فضت اصبري
شنو عود ما فهمت شي

ـ ليه منيضي مخلفك قبل العرس وتحضري عرسه اش اللعبة هذي
نضال.. عيب.. لا تتحجي شي عني وعن دجلة هو انت ليه بسرعه تحفضين الي تسمعيه

ـ ما اكلك باقر. انت هاشم باقر ما ينام بشورته.. ولا يصلخ ويطلع دم ولا تمرة تبجي مامو باقر ببيتنا
حسيتها تشتت و مصدومة لكن بطفولتها

ـ اي انه هاشم ماني باقر
نهضت رحت تروشت طلعت بكلبيتي
اشرت لدجله
ـ تروشي وبدلي ملابسك و اليسلمك ترى البنت هذي حفضت حتى خيوط ثوبك.

بگيت معها.. احاول امحي من فكرها

ـ نضال لكيت باب المطبخ مقفول بالمفتاح يعني انت ما خرجتي امس

ـ لا... رحت غرفة ذيج..

ـ اي و كنت بالكنتور كيف تعملي كذا عيب

ـ انت وهاي.. امداكم تف عليكم ما تستحون مصاليخ عمو يكول عيب وماما ما تقبل
وانتم تصلخون
اشرت على دجلة الي لبست و تزوقت كاي عروس

ـ انت وهاي عود ليش امس مصلخين(عريانين ) وهاي تصرخ تبجي شجنت تسويلها

ضربت جبيني انفضحت.. نضال شافتني

ـ كنا.. كنا.. طيب

سكت ما عرفت وش اكول. .
بگيت ارفع بشعري بيدي
افكر اش اعمل...

دجلة بتوتر اجتها
ـ حبيتي جنتي حلمانة مو تحجين لاحد شي... البنية العاقلة متحجي شتحلم..

هزيت يدي حين كالت نضال.

ـ ليش تخليه يطكج و يطلع دمج و تسكتين بس تبجين وتصرخين..

طالعت دجلة

ـ اش كلت ليك.. ما تنسى اذاعة يبنت هذي اذااااعة متنقله

باوعتلي و غمتني
ـ امداك انت اذاعة.. وي وي.. انه الك ادول لعمو عليك تكلي اذاعة ولازم هاي خطية و مصلخين وطكها و تطلع دمها.

كربت منها خزيتها مصيبة ان راحت للسيد تبيي تفشلني عنده..

ـ اشش سكري فمك اياك

تتحجي بشي.. اقسم بالله اعاقبك اطكك

ـ لاااا منو يخليك عمو يعلكك بالبنكا.. [ اغلب البصاروة يلفظون "ة" ب الالف... ]

ـ سمعي اياك تتحجي فيني او في حرمتي.

اندك الباب و رحت افتحه وانه بخز نضال بنضرتي

مدت لسانها علي تعيبني بلسانها..

دخلت خالتي وهي في الحكيكة امي بالرضاعة وما اعرف ان اخبرت السيد ولا ايش انو والدي بالرضاعه... و هذا الشي الي يخليني الجاله بزواجي. رغم هو ما كل اعتباره لي مجرد ابن اخت حرمته

بوستني خالتي وهلهلت..
، ما يحتاج اسالك بشر هههه اعرفك تتمم ونص.

رديتها بفرحة وانة احضنها
، ويش هذا ونص؟

ضحكت و سكرت فمها عاودت تحضن حرمتي
ـ دربالج على هاشم دجلة. الله حرمني من الخلفة بس يا بنتي عوضي باسراء وهاشم. هاشم ماهو بس ربيبي ابني ارضعته

ـ خالة وصيه علي.
ـ اتصلت امج و كالت تجيج بالعشرة.. التهت وي زوجها عندة سفر هي امس ما قبلت ابد تبات..

ـ هاشم تريكوا حتى تروح للسيد اهاليتك بعدهم
و خواتك جاي يسبحن اكول يمة دجلة امشي هناك..
عود الظهر وبالليل انفردوا واكيد هاشم ياخذج شهر عسل كال ترحون مصر

ـ اي خالة اسبوع يمكم وانسافر
ـ تمنيت والله تبقون. هاشم لو بيدي ما اخليه يسافر هنا مزروع يمة بكلبي دربالج عليه

شوي وخالتي انتبهت لنضال
على خلاف عادتها جالسة مكتفة يديها على صدرها و احدا يديها تمص بصبعها..
و باينه هادئة خلاف عادتها

ـ تعاي ولج فلشج.. من الفجر ندور.
امج تعبت امس و بالها يمنا انت و الله وكيحة.. اليوم الفجر سويتيها مناحة كلنا طالعة ومندري انخطفت..

ركضت لخالتي.

وهي تأشر علي

وتهز ايدها..

ـ عبالي باقر ثاني طلع هاشم المصلخ

و حكت كل شي شافتة وانه احاول اكتم فمها بيدي

ركضت هاربة لبيتهم

طالعتني خالتي بارتباك

ـ هاي شلون هيج شلون شايفتكم

ردت عني دجلة وهي تبجي

ـ خالة فدوة لحكيها لا تروح تفضحنا

والله مندري عبالنا رايحة الصبح لكينا باب المطبخ اصلا مقفول مكادرة تطلع واحنا ملتهين نسولف وياكم داخلة الغرفة تلعب بالكنتور لكيناها..

ـ يااا.

راحت تتبع نضال..

عائشة...

شلون بلة بنضال.. اخ يكمرة انتبهي لبتج

لكيت نضال واكفة يم باب بيتهم الي بنص الحديقة وهي تباوع جهال خوات هاشم
الي يرددون بصمة عرس و حمدت الله مدخلت للزلم وانطت بشارة هاشم تمم الزواج لعمامه والسيد...

ابتسمت لنضال الي كاعدة تباوع الجهال تلعب

لا إله إلا الله
لا إله إلا الله
عوذوا المعرس بالله
لا إله إلا الله
يا شمعة الصبياني
لا إله إلا الله
يا خويتم باليمين
لا إله إلا الله
عمت عينك يا حسود
لا إله إلا الله
يالـ ما تصلي على النبي
لا إله إلا الله
يا مصلي الخمسين
لا إله إلا الله
هذه عطايا الراحمين
لا إله إلا الله

ـ نضال ماما لعبي وياهم..
برطمت.

ـ تمرة تكول بس يرحون انة الج خليتيني ادورج الا اتوبج

ـ ها.. انه احاجيها وانت هم بعد لا تطلعين.

اجيت يمها
ـ نضال شبيه هاشم امس.

هزت ايدها لوت شفايفها
ـ وي وي... وي وي. ما تدرين مصلخين ولازم المرة و يموتها و يطلع دم.

هنا تأكدت هاي شايفة كل المسلسل مال دخلة هاشم..

ـ مو تحجين جان ما يضربها خطية مريضة و يعالجها غير هو طالب طب.

اجت جرتني لبيتهم لمرجوحة وكعدت وهي تكلي

ـ مرجحيني..

ادفعها و احاجيها
ـ خطية خالة دجلة امس كلش مريضة وهو طيبها..

ردت وهي تكول..
ـ ماما خذتني للطبيب بلاعيمي جنت مريضة بس ما تصلخ من طيبني

بكلبي كلت شيقنعها هاي وتنسى

ـ اي مو..

سكتت لصتها.. حتى معرفت شلون ابعد فكرها..

كالتلي
ـ الزغار الطبيب ما يصلخ بس للكبار
انت من تتمرضين هم الطبيب..

هنا سكتتها ردت اكحلها عميتها ببالها العلاج مثل السواه هاشم

ـ نضال سكتة عيب هذا ما ينحجي لاحد سر

هزت راسها اي..

كضينا اهل هاشم للعشة ما قبلو.
راحوا. و البيت فرغ..

رحت لعبد الله..
الي مبين ضايج

ـ ها عبد شبيك

ـ من انس لليوم احاجي بوحمد و اجاملة جان يطلع المعرس الخطبج

ضحكت...
ـ عبالي صاير شي..

ـ ترحين دكتورة تجيكلنا الطفل
ـ هااا يا طفل لا مو حامل شبيك..

خليت وطلعت دمعتي بعيني اباوع للكاروك الجابة وجهاز طفلة

كلشي وردي
لا وتخبل يريد يسويلها غرفه

محتارة اخاف اكله وخاف تاليتها شلون ينفرني.

اني مشايلة المبايض بس الرحم.
و الله لو ارهم احبلة بس امر الله ماكو الحيز الي بداخلة ينمو الطفل.

شلون احبل..

خابرت لاسراء من زمان ماكو..
طلعتلي مروة
ـ هلا بيج ام اسراء
اي والله هي غوك بالطابق الثاني انطيج رقمها خلالها ابوها تلفون حتى تتواصل براحتها وياج
و الله بتج نادرة خلت خالها محبس الها

بكلبي كلت بدت رحمة الله لو نوال بالعراق تبقى يمها بس هاي مروة
تغار من الهوا على نشأت بس لا تمل البت و ترجع كلة يمي والله افرح

بس السيد حدد تبقى يومين بالاسبوع بس
ومكدر بعد ما اطيع

سكتت ما اكدر اكلها خل تجي..

انتظر هاشم يسافر لان اليومين اروح يمها ببيتي..

و هاشم عريس يحتاج خصوصية

شوي وكالت مروة

ـ صدك ما كتلج وديعة بالعراق اجت لعرس ابنها ملحك

ت شو ما عزمتونا

ـ ما سويناه بس الاهل

جفصت وانة ما منتبهة

ـ ليش دادة مو اهل احنا لو غرب غير خواله..

ـ اي والله بس اقصد سكتاوي

كذبت
، و اجو اهاليتة و هم مردنا نشأت يصادم وياهم خاصة وديعة واهل رجلها الاول مشاكل بينهم و جانت محاكم.

ـ هاا اي حقكم عيني هم صح عموما ما اكدر اطول وياج بابا عازمني هج رقم تلفون غرفة اسراء

انطتني الرقم و سدته

خابرت مشغول اكيد وي كوثر..

اجه علاوي كعد.. و هو حسيته رايد اسراء

تعمدت اكول
ـ هاي اسراء ويامن مشغول
ركزت بعيونه غيرة تأكدلي يحبها لو يقبل السيد نزوجهم وبهيج نخلص من مشكلة اسراء ينحرج السيد منها
تصير مرت ابنه و بعد عادي بسس اخ من عناد عبد الله

سديته انتظر وكلت شوي اخابر

ـ علاوي انت تريد اسراء

دنك و بين استحى مني
ـ اساعدكم.. بس صبر اصلا شاكة تلتقون والتلفون الجريتة بسكتة ترى رتبت غراشك شفته

ـ لا تحجين لابوي

ـ لااا يمة شحجي نتعلك بالبنكه غير

شوي واجه هاشم

ـ خالتي.. فيك تحسبي حساب عمي بوحمد على غدة

ـ ليش مو راحوا
ـ عمي بوحمد ما راح عنده تجارة ينهيهها ويروح

ـ هاا خوش وينه هسة خل اطلع لا دخله راح اصيح السيد يجي يجالسة

ـ تركته ببيتي.. طيب وين حرمتي

ـ يم بيت باقر..

ـ ايواه خليها عندهم و يبقى عمي ببيتك.. لحين يروح..يتم سفره العصر.. يمر لتجارته ومن هناك يسافر

يلة خالتي ابيي اروح لا تنسي الغدوة
ـتدلل ابني...

هاشـــــــــــــم...

رحت لبيت خالتي استغربت سيارة

خالي الخاصة به مو الحكومية هذي نادرا يستخدمها وكاد جاي يبارك لي

دخلت مبتسم..
ما لكيت خالي او عمي

ـ فينهم..
سمعت اصوات من المطبخ..

ميزت صوت امي فرحت..

كنت ابي ادخل المطبخ جذبني كلامهم خبيت حالي بظل الحايط وانه ارجف
ما اعرف وش جرالي..
اسمع كل كلمة حكيكة مرة دكايك المرت اتسمع لتحجيهم
نزلت دموعي و نبض كلبي بالم وقهر

اسمع الحكيكة.. بتم امامي

غمضت عيني وانة اجلس،مقرفص استمع يدي على فمي
اكتم نفسي لا ينسمع صوت نحيبي
خذلان و صدمة كانت هي اني ابن

يتبع ٣٣٥٦ كلمة
ــــــــــــــــــــــــــ
حبايبي اكثر وقت نشري بثنعش بس من اكمل من وقت انشر من وقت
جدولي بالضروف الطبيعية
بين يوم ويوم او كل يومين حسب قوة البارت يحتاج ااجل نشر واتقنة لو لا

ضروف غير طبيعية اضطر اتوقف ومحد معصوم منها كلنا معرضين لاي طاريء

ما يهمني طول بارت
اوقات انزل بارت شطولة اوقات شقصره
بالملخص اعتمد القفلة يمتة ما اوصل لقفلة انهي بارت
حتى لو الف كلمة
او حتى لو عشر الاف كلمة
هذي سياستي القفلة وليس عدد البارت..

#خلف_الشناشيل_حكاية٥٣

من بارتات برستو.. طائر السنونو..

بقلم تم مصطفى وئام البصري...

ـــــــــــــــــــــــــــــــ
هــــــــــــاشـم
تسرحت بجسمي على الحايط جالس مقرفص على ريولي..

الم طكني في گلبي.. حسسني ابيي اموت. وايد مهموم.. مخذول

احساس الأهانة.. النبذ،كان لاني انسان مهان.. الحين فهمت ليه كذا يتعاملوا معي.
كلهم عمومتي امي و حتى خالي نشأت

يناظروني دومهم بنظرات كايدة تزعجني..

ااااه طيب وش ذنبي انه.. الحين فهمت ليه يعاملوني كذا يذلوني ببمطالعهم الي و بأبعادي عنهم كنت اظن مافي سبب يعني.. مني و الدرب(بدون سبب )

عشت عمري واحد وعشرين سنه من عمري متشرد
ما بين خالتي امي الي اتمت ارضعتني وبين عمومتي في الكويت..

وبين سفري الحك امي في اماكن زيجاتها..
وبين وحدتي في السعوديه.

فهمت الحين كيف عمي حين ضربت اصغر خواتي مرة كيف جه ضربني وطلب ابكى في غرفتي..

لحين عودتي السعوديه..

بعدها شكوني لخالتي الي يتني يومها للكويت...

كان حظنها احتواء.. و كنت انا بضيع.. بتشتتي.. و ضياعي بين الدول..

نغزات.. ما كانت مرضية كانت شعور مرّ.. ينتابني بفمي.

الحين عرفت ان لحظات المسافة التي فصلتني من الممر للمطبخ هي كفيلة بتغير حياتي... كشف حگيگتي..
المستور.

لو كنت ماني بسامعهم ويش يتحجون..
لو تأخرت هناك. ببيت والدي بالرضاعة كان افضل مما الي من اتم بسمعهم..
دار الكلام بينهم.. بشبه مصايح..

ـ تهددني يا ابو حمدان شسوي مثلا؟

(بوحمد ٢ للتميز بين ابو هاشم الكويتي عن عمه نكول بو حمدان.)

ضحكت امي... وهي تهمس..
ـ الوصية تنفذ والا اقنع هاشم يقاضيكم وهو الربحان حتى وان اثبتم مو منكم.. نسيت بو حمد حول كل شيء من القسم الورثه باسم هاشم كبل موته
حتى لتظلموه.. قسم ورثه لبناته و انطاهن كل حكوكهن و الي انطاه لهاشم هبه بوصية ومسجلة عقاريا باسم هاشم تسلم له ببلوغة سن ١٨
ما راده يتشرد تعلق فيه
من بعده راده كفارة لتوبته..
منحه ثروة تغنيه عنكم.. كان قابل بيه.. كأبن بس ما غفرلي
لذا عفته ورديت بلدي من شفت خلاص ما يريدني ولا يريد تواجدي
عاقبني لتصرفي.. خاصة بعدما كشف الحقيقة...

كل الحصلتة بيت بالعراق مبلغ بنك بس..

انت وبو ناصر السبب ما انسى من ماخذين الولد تحليل دم و اقنعتم بو حمد...

كل هدفكم تدمروني ههههه تصورتم يشمر هاشم بالشارع بس خلاف توقعكم احتواه..
خاصة اخر فترة نزل عليه التدين و التوبة.. عن الشرب المكسرات..

*

ردها عمي..

ـ تبين تكوني مظلومة. انت الظالمه حين نسبتي الياهل لاخوي لا انت امه لا اخوي ابوه فصيلة دمكم انتم الاثنين AB نفس الفصيله
مستحيل بتخلفوا ولد بفصيلة O*)تابع الحاشية بهذا الخصوص)

ماله ذنب انزين... يُبه اعترف ماهو ذنبه . لكن يبگى ولد حرام و انسب.. النا..
بيت ال يمعه.. كيف يكون نسب ياهل مانعرف كرعه ابوه فين ليمعه
ابن حرام...
لكن وش نعمل.. حلفت لابو حمد.

و تميت حلفاتي.

المصيبه الحين.. ببو ناصر.. ما يبي يسكت حران وايد..

المحامي اضهر وصية قانونية..
كانت حسب طلب اخوي بعد بلوغ هاشم ٢١ سنه...

يسلم هاشم اسهم بشركة العيلة
و يكون احد اعضاء مجلس الشركه
ماني فاهم كيف يغلط بو حمد كذا غلطة.
كيف...
يخلي ابن حرام شريك في شركه العيلة و يورثه راسه من راسنا

ما همنا الهبة الي ورثها ليه لكن شركة العيلة و نصيب ببيت العيلة
مرفوض..
مينون اخوي ومخرف نبي نطعن بالوصية الثانية.. يكفي ورث املاك و اموال طايلة اش تبون يبه تستولون على البيت والشركه..

رده خالي.

ـ مو بكيفكم وصية وتنفذ

ضحك عمي..

ــ اش كلت يا هذا.. هة اشتبون تستولوا على كل شي عن طريج ابن حرام زرعتوه في عيلتنا.. وكاد يا اخ نشأت انت تطنز علي..(تسخر)

ابي اكوللكم اختاروا حنا انه واخوتي. اتفكنا انه ابلغ هاشم الحكيكة..
و الحين وكاد خبروا خواته. كذا اتفكنا بعد عرسه نكشف له كل شي..
يوقع لنا تنازل عن البيت الكبير والشركة الرئيسيه
ما نبي. ورث ابوي الي طوفه بو حمد لهاشم..
اصل ذول ليدي بعده ابوي.
الحين كيف حلال ابوي يتم قسم منه عند ولد حرام.

طالعي يا وديعة. ما نبي ورثه من مال اخوي الي بشكاه.. هو حر كيف يوزعه

حر انو اعطاه شراكه مع بناته لابن حرام

لكن ماهو حر ان يعطي حصته الي ورثه من ابوي لريال غريب..
يوقع تنازل لاخواته بحگ اداره الشركة و حگ حصة بيت العيلة..

رد خالي..
ـ دربالك تجرح هاشم دربالك تسميه ابن حرام..
شايف مسدسي ادزك جثة مسلفنه للكويت..
رد عمي يأكد عليهم

- لكن ما فينا نكبل يستلم مركز اداري بمجلس ادارة شركاتنا..
ماهو منا و ان كنت انا معه على وئام وو فاق..
مراعاه لوصيه خويي كان بوحمد يحبه كأنه ابنه
تعلق فيه... كان ظنه ابنه وحتى بعد ما عرف بگى متعلق فيه سنين هو كابن له كيف يتخلى عنه...

صوت خالي وهو بحدة يكلة

ـ يشيخ.. ترى مصختها وكتها كتلك
الولد معرس فرحان اجل الموضوع..

احاول بجر نفس شعرت بتغوش.. كبير وقعت.. بباب المطبخ على وي

هي.

ثواني اغماء كفيلة.. لمواجهتهم..
فتحت عويناتي وانه بتم النظر ليهم..

همست..

ـ فين هم اهلي ابيي اروح اخذ ثاري منهم..
كيف كانوا سبب في تكويني كيف تخلوا عني طيب وش ذنبي
حرام عليكم.

خالي يرش ماي على وجهي
وهو يرفعني يعاوني..

ـ طيب يكولوا اشبهك.. يخال فينا بعض الشبه.. كولي واليسلم راسك تكفى كلي هي امي. و خانت زوجها
ولدتني..

لون شعري عيوني لونهن كريبه عليك..

الدم... حتى السيد يشبهني بيك..

هنا كطعت الامل امي وهي تطالع خالي تخزه

ـ هاشم هاي الحقيقة شنسوي..
ابن خدامتي شمرتك وهربت ربيتك مثل ابني الما صار..
و خليتك وسط عائلة راقية بالكويت..

من اكابر العوائل..

و سويت المستحيل محد يكلك ابن حرام.
شفت لازم تتنازل حقك بمجلس الادارة والبيت.

و بعدين اني وياك نتفاهم على الورث الي اخذته من بو حمد اصله الي ترى بس حوله الك عاقبني. لان كذبت عليه

تسندت على الحايط بصدمه.

تلفت ليها بجرح..
ـ ليه جذي.. انت وصوليه.. كنت بالنسبه ليك بنك.
مشيت خطوة... وكعت من يديد..

حين فتحت عيوني لكيت نفسي بالمستشفى..
طالعت دجلة كربي وهي تتبجى

ـ وش بلاك يبنت. مافيني شي..

ابتسمت ليها اول مرة بسمتي ماهي،حگيگية..(حقيقية )

رفعت يدي فيها المغذي و لمست خدها بأطراف صابيعي.

في داخلي سؤال ايش يارب رد فعلها ان صارحتها.

لكن لا ما فيني..ما ابيي حد يعرف..
اااه لو كنت اعرف ما كنت ورطتها
ولا تزوجت...

شوي وصوت خالتي امي بالرضاعة

عائشــــــة
ـ ابني.. و الله خفت عليك منين اجاك هبوط الضغط..
لك ضغطك نازل كلش..

شجاك. يا عين ما صلت على النبي عريس اكيد حسدتك ام رنا.
كل ما تشوفك من تجيني عينها عليك..
عوذة منها احرملك بس تطلع.
و الله حسدوك..

عمك السيد جاي يسوي خروجيه..

دخلت الممرضة و رفعت السيروم

وهي تبتسم

ـ الحمد لله على السلامة

شفت دجلة وكفت كبال الممرضه.

ـ شكرا الج خلصتي مو؟

ـ ها اي.. انطوه لبن وراها عشر دقايق عصير مركز حتى الضغط يرتفع...

سرحت شعره بين صابيعي وحضنته لصدري وبجيت..

اخ ينضيلة شلون فال شايفتهم شايليه للسيارة

اجتني هاشم المصلخ مات و هو لابس تراكسودة مو عريان هل مرة

واني امسح دموعي بشعره..

و تذكرت نضيلة ردت اضحك مدري ابجي.

وخرت عنه و رجعت حضنته. الي حيل

ـ ما دريتك عزيز ولك ربيتك و رضعتك..
اول محطيتك على صدري ما استغربت لكفت الحليب لكف.

جنت ناعم ضعيف ولا جنك ابن شهر عبالك بزر توة صاير

سبحان الله حليبي حليب سيد كل العافية بيه ربربت عليه

شقهرك يمه وهيج صارلك ولك الله اكبر عريس منو ضوجك...

باوعت لعمه و وديعة ونشات الي كبال القاوش بممر بين السواتر الخشبية
بس عيوني تلاكت ببو حمدان..

و هو ابتسملي خزرته
اكيد هو قهر وليدي..

هنا مر السيد بنص نظراتنا صار كبال بو حمدان وهو يقطع اتصال النظرات وخزرني دنكت.

يمة شلون خزرة...

اليوم اتعلك بالبنكة.

النوب وجهي شبيه جان مبتسم.

جنت اخزرة المن ابتسمتي يحظي وبجية السيد.

ردت ابين ما مهتمة خرب حظج عايشة

بقى يخزرني دنكت.. اجه لهاشم..

ـ يلة نطلعة اخذت خروجيه..

وهذا يابه عمك ما ناوي يروح منا ورايح ليل..

ما لحك يتغدة تخربطت انت.

اخذته مطعم من جنت انت نايم.

يابة نصحة يروح هو مو زعلان بس لا صالحته..

عمك ولا يعجبني ابو شنوفه(براطم )

همستله
ـ مولاي حرام تعيب خلقة الله مو نتعلم منك.

خزرني وحسيت كرصة بجف ايدي لواها

ـ اشش ولا كلمه.. يلة يابه دجلة روحن انت و ام ورود للسيارة واني تابعجن..
شوي بس ياكل لفته هاشم..

باوعتلة مرتبكة وهاشم هنا باوعلي نظرة استفهام

ورد الفطير

ـ وس ورود هذي...؟

رد السيد..

ـ اكيد بنتي الجاية بالطريق

رد هاشم وهو مصدوم

ـ من صج.. لكن كيف لا ماهو صج اش اليوم هذا ايش الصبحية هذي كله متفرقعات..

رده السيد..

ـ يابة اكل اللفة واشرب اللبن و لا تحط عينك علي..
شلون فطن.. للبتي الجاية بالطريق
كول يا الله كول يالله. شبلاك موسع عيونك جنك خالك مجعمر..

دنك هاشم وهو يرد السيد

ــ مافي شبه فينا الا بعينك سيدنا..

ورى مطلعنا هاشم وكف كبال عمه كله
ـ فيك تروح مطمن يعم بييكم. _اجيكم_ للكويت واوقع على الي تبونه..

اطمن وايد تطمن انه طبيب مستقبل ايش، اعمل في ادارة شركتكم..

في امور ابي اعيدها ليكم.. حك خواتي يعم ماهو حكي.

مشينا و هو يتلفت لعمه

وديعه ركضت.. لهاشم جنا بباب ممر الردهات جاب السيد كرسي كعد هاشم وهو يدفعه وكفتنا وديعه وراها هاشم..

دجلة بيدها الادوية

وكفت وديعة كدام الكرسي وهي معصبه عيونها الي بيهن خيط خضار صارن شرار اخضر

ـ ترجع شنو الهم بس لا ورثك من بو حمد انت بس تنازل عن ورث جدك لعمامك الباقي الك لا يقشمروك..

باوعلنا هاشم..

و التفت لدجلة بقلق الي اجت يمه

شفت وديعة تباوعلهم تبتسم.
ـ فكر هاشم شنو تخسر..
ترى ما اسكت فهمتني...؟

خلت وراحت..
اني خالته محتارة بيه امه راحت ما يوم شفتها ام.
معدها هاي المشاعر عوذة منج وديعه

ا

لنوب ما سلمت علي.
شنو هل تكبر نستني نست شلون جنا خوات. شكد الجألها رغم اني الاكبر

بس الفلوس تغير النفوس...

تبعها نشات...
لحكتهم اريد ارزلها شلون هضمت ابنها

سمعته يكللها
ـ شلون تكليلة انت ابن حرام مو ابني وابن بو حمد لج شلون .. خوش لاعبة لعب بعقول الكويتين برافو وديعه..

لو ميت الولد منجلط..

شافوني سكتوا
ـ شنو هذا ولج شنو ابن حرام مو خابرتيني كلتي ولدتي

ـ لا.. سويت خير ابن حرام ابن خدامتي وهربت كسر خاطري شسويله

عمامة يعرفون يردون حكهم بس بادارة الشركة والبيت

سمعت صوت بوحمد وراي انلاصت هسة السيد يتخبل

ـ هلا والله هلا يُبه.. حياج الله يالغاليه...
ما هكيتج تنسيني ياما فريتك الديرة من تيينا...(تجينا)

حتى مافي تكولي لي كيف حالك بو حمد...
ما هكيتج والله تنكرين الي بينا..

وسعت عيوني مستغربة الوضع
شيخرط هو شنو بينا..
ابد مبينا شي شو يوحي احنا على علاقه....

ـ ها خوية شبيك خو ماكو شي

رد وهو يتغزل..

ـ اشبلاني يمزيونه خذلتيني بعد حكاية حبنا تروحي لغيري كيف.. تكبلي

هنا نشأت متحمل
ـ شتحجي ولك تتحارش بختي كدامي قليل ادب
ـ حنا كنا على علاقة حب.. مافيك تكف طريجنا كيف تزوجوها لغيري

هنا تتبعت نظرات الشيخ و شفت عبد الله الظاهر من تبعنا الشيخ عاف هاشم ومرته و تبعنا.

ما حسيت الا الشيخ طار مدري شصار بس شفته بالكاع
و السيد نازل بيه دك بوكسيات ومنا نشأت وياه داروا على الشيخ

الامن تدخل هنا نشأت رفع هويته بوجههم
ـ يلة عود اعتقلوني..

ولك حقير عتب العراق وتهال وشوف امش لديرتك.. تتغزل باختي

السيد رجع يضربه
الرجال حتى مكدر يدافع عن نفسه
ـ و الله اروح اشكيكم. احمدوا ربكم ماني ساجن اختك الي يابتلنا(جابتلنا ) ياهل ابن حرام نسبته لينا

وديعه:
_ روح بو حمد هو تقبله وورثه.. رغم مو ابنا للثواب سواها..
و التردوه يصير عدا هبة الي منحها اله بو حمد هذا حكة..

انتهت المنابزة وعرب بوحمدان

يتوعد ان ما وقع هاشم تنازل يطعن بنسبه و يطلعه من بيت ابو يمعه يرفع قضية نفي نسب.

باوعلي السيد اشوفة معصب ايده يفتح بجفة ويسدها يرجه يخزر
عرفت كوة كاض روحة ما يضربني ابتعدت للسيارة

رجع السيد وهو يدفع هاشم وصله للسيارة رفعه من تحت ابطه
و كعده يمه بالسيارة كعدت يم دجله

همزين ما سمعت السمعناه هاي اهلها صعبين.
واني مصدومة بالسمعته..
النوب كدام السيد حجوا بالموضوع

اااخ يمه هاشم حظك مدولبك من زغرك..

نظرات السيد الي بالمراية كلش معصبة دنكت..

هسة صدك الحجي اكيد اليوم يضربني

لكيت الحجة...
هو عباله حامل.

احتال حتى لا انضرب.. الله لا ينطيك ابو شنوفة على كولة السيد شنفتني الليلة والسيد من يغار يصير خبل...

وصلنا هاشم لبيتي..

طلب ابقى يمه

بس السيد باوعلي.

ـ هاشم تعبانين وانت تعبان نام يابه

و الله يساعدك على ما بلاك.. استغفرك يا رب.

و طلع واشرلي بيده وي تركيزة بهمزة اسمي وجره يطوله...

ـ عائشـــــــــة

باوعت الهاشم الي همس

ـ تتوهكي عرف .. اكصد السيد. يا فشلتي.. انت عرفتي الحين اش صار خارج المستشفى

سكتت
من سمعت صوت السيد يرعد

ـ مو كتلج يلة.. لو الا....

ـ هاشم معصب اروح يمه بعدين نحجي..

هنا دخلت دجلة صفرة

ـ خالة لحكي السيد كسر جامه الباب و ايدة تنزف

ـ شجاه و الله كبرنا يا سيد على الغيرة اوف..

ردت دجلة تضحك
ـ مبين يموت عليج.. شفت هاشم هيج اريد تحبني كون تغار تتخبل علي

هزيت ايدي

ـ مبارك عليج.. خبلي هاشم بتشجيعج.. و الله يا الله تريد مثل غيرة عبد مشترية الطلايب و الضرب يمة..

طلعت بسرعة للسيد اركض ارد الحكه
توة يم باب بيته
جرني حيل وراه و غير الدفع

شفت الحقير سجاد يضحك شاف الحالة و فاضل بين ضاج كض ابوه.عني

ـ يابة لا تدفعها خطية.. بالهداوة تنحل

وخره سجاد الكلب.
ـ فاضل رجال ومرتة المن تدخل يابة من رخصتك تعاركو براحتكم

دفع السيد سجاد عنه
ـ روح من وجهي لا اطلع قهرتي بيك.

رجع جرني يريد يصعدني هنا استعطفته بكذبه..

ـ ااااخ يمة بطني الحك علي عبد

وكف

ـ شبيج ولج خاف الجاهل بيه شي

ـ بطني.. شيلني عفية اموت تقلصات

صدك و شالني صعد لغرفتنا بعدة معصب بس سكت و بعيونه قلق

ـ نسيت حملج..

خلاني على الجرباية و شبكته الي حيل لدرجة جريته فوكي ابوس بيه امتص غضبه

اتحارش بيه.. لمن غويته...
بعدين بهدوء كال

ـ مبين ما بيج شي بس ردتي تطفين الغيرة ترى ما انطفت خاف عبالج...

جريته

ـ و الله لطفي الغيرة وابوها شو تعال شنو جهال تغار كذتلي بعدها مكذله
لو شنو.. هااا واحد كذاب شلون تصدكه..

لاتصدكه كذاااب مغيوض شافك وراد يغثك يسوي مشكلة

لو بينا شي ليش ما تزوجته من سنين لو هم يرادلها ذكاء

خربان و الله مو عبد الله اليلكفها بساع...
كلش خربان..

ابتسم... حمدت الله انحلت..
بست لحيته
ـ يمتة تخففها مو طالت كلش..

ـ هذا باقر يا عايشة
عود بعرس سجاد.. علاوي ما ناوي يعرس بباله موال ثاني عباله ما اعرف بس يجي يوم و اكنسل مخططاته

هزيت ايدي..و فهم

ت قصده حولت الحجي.

ـ بعرس ابنك الحقير شلون فرح عبالة تضربني..
اوف.. قهرني..

ـ وهسة صايرة لسجاد مرت ابو.. لا اله الا الله لزكت للولد شدت وياه

ـ لا هو الشاد وياي...

شوي وحول الحجي على هاشم

ـ انصدمت.. شنو ذنب واحد ينولد من ابوين بالحرام مجتمع العربي ما يرحم هيج فئة

سكته
ـ سد الموضوع.. عبد..

حضنته و ابجي على هضيمة هاشم..
ـ لا تكول عليه ابن حرام ما اقبل حتى لو كان كريم النسب.
رضعته يعني ابنا.

لا تقهره عبد بهاي لا تبين تدري خطية...

خليه بضيمه و الله لمحلي خاف انت عرفت كال يا فشلتي

هنا نحبت و عبد يمسح دموعي هاشم شكد احب اسراء،بس هاشم مدري داخلي شعور افضله

وهذا الخلة اسراء تكرهة البذاته ما اجت عرسه..

ولا تباركتله بتلفون صح معزمنا

بس اكيد ورى معرفت غير تبارك لابن عمتها..

اااخ لسة اعتبرة ابنا.. ابن وديعة الجابته نشأت خاله اني خالته امه بالرضاعه..

هاشم يومين لزم الفراش

جاي اوكله شوربه يباوعلي ياكل بالخاشوكة و يلزم ايدي الثانية يلوسها

ـ كيف ارد جميلك..

همست بلهفة
ـ مو جنت تكلي يمه. بزغرك.
شغيرك يبن حليبي. علي..

ـ غيرة اسراء يخا... يا امي.

ـ اااخ منك و السيد شادين وي البنية حالكم حال هل جاهل

رد رغم مصيبته بمرح

ـ انا ياهل يا امي... ماهي بياهل.
تهجم بلد..

هزيت ايدي واشوفه اصفر..
ـ ما تهنيت بعرسك اوف.
عرس الاسود بدايتها هاي.

جفصت يمه ونسيت دجلة الدنكت

منحرجه.

سكتت..
رد هاشم..

ـ وش.كلتي.. سمعتي يا دجلة هذي حماتك(عمتج ام زوجج ) بدت معك حكاية الحماية والكنه..

ردت دجلة بادب
ـ تمون خالتي.

هاشم...

اكابر.. يمكن گليل.. لكن ما ابيي ابين قد ايش انوجعت. و تهشك كلبي...

قد ايش انا يتيم وماني عارف. اه لو كنت الكي المجرمين اهلي.
و اثأر... اش ذنبي اني ابنهم

اش ذنبي طلعت ابن زنا.

و الله و عزته مافيني اسكر الموضوع

ابيي ادورهم و اغسل عاري.. فيهم...

قررت اعاود حياتي. انهي التزامي واوقع لاعمامي الي يبوه...

لكن بدت امي وديعه تستغل.. تتصل تطلب.. مبالغ والا.. تخبر حرمتي ايش نسبي...

راوغتها.. لمن اعلق فيني دجلة واصارحها الحكيكة..

ما ابي تروح تتركني. فكرت برابط طفل...
ما ان تولده اخبرها.

وعدتها احول ليها مبلغ لكن تصمت...

اتفقت وي دجله نروح كويت لامر شغل و بعدها.. نروح مصر كبل ما نرد ديرتنا. الاقامه.

جلست برة اراقب اليهال وهي تلعب

كانت نضال.. تصرخ تتبجى

رحت ليها..
ـ وش فيك..

ـ هاشم. ..
وكفت ومصت اصابعها..
و سكنت هادئة

حملتها... عاودت تذكرني.

ـ طلعت جذاب ماكو علاج طبيب يصلخ يطلع دم ولا لعبة العروس عريس مصاليخ..

سمعتني.. ام يارة اكول لمنيضي وسارة انتم عرسان لعبتنا غلط لتزم تنزعون

صاحتني تكلي عيب اهلج خوش ناس منو معلمج هاي السوالف

كتلها هاشم ودجله هيج يلعبون.

جرت شعري
معصبه.

ـ جذاب لعبتك غلط ما يصير تنزعون

حتى كتلها عمة عيشة تكول طبيب يعالج يصلخ يطلع دم.

ام سارة كلتلي انت تجذبين عمتج متدينة تصلي تصوم ما تعلمج سوالف س.. ســــ نسيت شسمتها

خليتها على بنيد سيارة خالتي
ـ متى تسكري فمك. قناة اخبارية انت.. فضحتني فضحك الله و فوق ما فضحتني فضحتي خالتي كيف تتحجي باسمها و تكولي بتم تعليمك كذا امور
نضال لمنو بعد انت تحجيتي.

تشجعت.. و هي تكلي.

ـ لفاضل وسجاد...
وي وي... جا غير من كتلهم ضحكوا عليك.. و يكولون هنياله.. مو احنا حتى البوسة ما نحصلها..

وضعت يدي على عيوني الحين عرفت ليه ما تهنين من مصيبة لمصيبه.... عوذة من عيون سجاد وفاضل...

وكفت على البنيد و برطمت تبجي
ـ ليش ساد عيونك كاعد تبجي مو...
بيك واوا... منو طكك امك..
لا تبجي..

عجبني العب معها.. مثلت انحب بصوت وهي تبي تبعد يديني عن عيني

ظلت تنحب وياي..

ـ لا تبجي واشتريلك مصاصة ام الديج.

زين كلي منو طكك افشخة بالطابوك

ما فيني اتحمل كنت ابضحك... سكرت فمي ضغطت شفايفي..

شاورتني..
ـ وي وي... طلعت جذاب.. مثل عمتي عيشة خلتني ابجي وياها طلعت تلاعبني...
اشاورك شي

ضحكت و بست خدها
ـ ايوااه..

ـ مو تحجي.. ترى علاوي يطكني كلي بس تحجين اطكج بشحاطة تمرة و اجويج..

ـ مممم طيب.. ايش الموضوع
ـ ما فهمت
ـ شنو تحجي...

ـ علاوي عندة تلفون جوة الجرباية...

و كلة يكول حبيبتي.. يمتة نزوج و احضن و ابوس..

هاشم علاوي من يزوج يصلخ و يطلع دم

جريت وذانها و خزيتها و هددتها
ـ عيب اياك تتحجي بكذا كلام مفهوم

برطمت

نزلتها ضربتها ضربتين بمؤخرتها تأديب

ـ اطكك و اكول عنك السيد ان كرشتي على حد وفتنتي وان قلدتي الصار او تتحجي بيه
اش بلاك فمك ما يتسكر

تبجي تفرك بعيونها شوي و تفت علي
و غمتني لاااا يا تربية حقيرة..

رجعت كالت
ـ انعل ابوك لابو الخلفك.. صابرين صديقتي غلطت على منيضي

اكلك مثلها
ـ انعل ابوك لابو الخلفك كلب ابن سبع كلاب.

هربت لبيتهم وكفت معصبة ببابهم
تفت من بعيد وغمتني وصرخت معصبه
ـ هاشم انت مو باقر انت المصلخ بابا ماكو منه بطل.