†✝† እንኳን ለብርሃነ ትንሣኤው በሰላምና በፍቅር አደረሳችሁ፤ አደረሰን። †✝†

†✝† ብርሃነ ትንሣኤ †✝†

†✝† የዓለማት ሁሉ ፈጣሪ : የዘለዓለም አምላክ ወልድ ዋሕድ ጌታችን ኢየሱስ ክርስቶስ በዚህች ዕለት መግነዝ ፍቱልኝ : መቃብር ክፈቱልኝ ሳይል በባሕርይ ኃይሉና ሥልጣኑ ተነስቷልና እንኳን ደስ አለን::

††† አምላካችን ወልደ እግዚአብሔር ኢየሱስ ክርስቶስ ከትንሣኤው በረከት አይለየን:: በዓሉንም የሰላም : የፍቅርና የበረከት ያድርግልን::

የውጪዎቹ ሰአሊያን እመቤታችን ብለው የሚስሉት የእውነት ማንን ነው?

ከጥፋት ውሃ ቡሃላ ከኖህ ልጆች አንዱ በሆነው በያፌት ዘር ከኤፌሶን ልጅ የሆነችው አርጤሚስ ትወለዳለች... አርጤሚስ መልክ ከደም ግባት አስተባብራ የያዘች ነበረች ሰይጣን ኝ በልቦናዋ ትእቢትን አሳድሮባት ነበር።ብዙ ባሎች ቢመጡላትም በሃብት በውበት እና ጥበብ የላችሁም እያለች ትመልሳቸው ነበር...

ከዛም ቆርኔሊዎስ የተባለ ጠንቋይ አንቺ እንድትከበሪ ላድርግሽ እና ላግባሽ ብሎ... በምትሃት አጋንንቶችን በመሳብ አርጤሚስ አምላከ እንደሆነች የሚመሰክር ጽሁፍ በሰዎች መካከል እንዲጥሉለት አጋንንቶቹን አዛዛቸው.... ያም አርጤሚስ አምላክ ነች የሚለው ጽሁፍ አጋንንቶቹ አምጥተው በሰዎች መካከል በሚያስተምርበት ሰዓት ጣሉለት እሱም ለሰዎቹ አነበበላቸው... ከዛም አርጤሚስ አምላክ ናት ብሎ ሰገደላት ሰዎቹም ሰገዱላት...

ከዛም ቆርኔሊዎስ አርጤሚስን አገባት ዜውስንም ወለደ... ዜውስም የአምላክ ልጅ አምላክ ነው ብለው ሰገዱለት... ከሞቱም ቡሃላ በሰዎቹ ዘንድ እንደተነሱ እንዳረጉ ታምኖባቸዋል... ስእልም ተስሎላቸው ምስልም ተቀርጾላቸው እየተመለኩ የሚኖሩ ሆነዋል... ከነሱም ተጨማሪ በፀሐይ በጨረቃ እና በከዋክብትም እየተመሰሉ ይመለኩ ነበር

ከራእየ ዮሐንስ አንድምታ መቅድም ላይ ያለ ታሪክ ነው ሙሉውን ከስር ካለው PDF ያንብቡ

ቆርኔሊዎስ አርጤሚስ እና ዜዎስ.... በሌላ ቋንቋ እና ባህል ኒምሮድ ሴምሚራሚስ እና ታሙዝ ተብለው ይጠራሉ... ታሪካቸው ግን አንድ አይነት ነው

ቆርኔሊዎስ ማለት ኒምሮድ ነው

ይህ ቆርኔሊዎስ ምትሃተኛ የአርቴሚስ ባል ኒምሮድ ነበር... ኒምሮድ የኮከብ ቆጠራ እና ፀሐይን አምልኮ በዘመኑ የሚያስተምር... የዓለምን ህዝብ አንድ አድርጎ የባቢሎን ግንብንም የሚያስገነባ ሰው ነበር

ሚስጥራዊው የባቢሎን ሃይማኖት

ይህ ሃይማኖት፣ ዓለም አንድ ሆኖ የባቢሎንን ግንብ በሚሰሩበት ጊዜ የተመሰረት ሲሆን። እግዚአብሔር ለአዳም ከልጅ ልጅህ ተወልጄ አድንሃለው የሚለውን ቃልኪዳን፣ ገና ጊዜው ሳይደርስ እንደተፈጸመ አድርጎ ማቅረብ ነው ፣ይህንም ዜውስ የአምላክ ልጅ አምላክ ነው እግዚአብሔር ዓለምን እንዲያድን የተላከው መሲህ ይህ ነው እናቱ አርጤሚስ ደግሞ የአምላክ እናት ናት የሚል ሃይማኖት ነበር...

በጥንታዊ ባቢሎን የአርጤሚስ እና የልጇን ሰዕል ስለው፣ ምስላቸውንም ቀርጸው ፣ ቤተመቅደስ ገንብተውላቸው እግዚአብሔር ወደ ዓለም ይላከው የአምላክ ልጅ ዜውስ ነው በማለት ይሰግዱላቸው ነበር ይህም ጣኦት አልምኮ በሃገሪቱ ሁሉ ተስፋፍቶ ነበር ።

በጥንታዊ ባቢሎን የሚገኝ የአርጤሚስ እና የልጇየዜውስ ምስል

እግዚአብሔር የባቢሎንን ግንብ ሳይጨርሱ ቋንቋቸውን በለያየባቸው እና በምድር ሁሉ ገጽ በበታተናቸው ጊዜም ይህንን አምልኮታቸውን ይዘው ነው የተበታተኑት ነገር ግን በተለያየ ቋንቋ እና አገላለጽ ቢሆንም አርጤሚስ እና ልጇን ማምለኩን ኝ አላቋረጡም

በዜና ሐዋርያት ላይም ሮማውያን አርጤሚስን ዲያና ብለዋት ያመልኳት ነበር... ሮማዎች ብቻ ሳይሆኑ ሌሎቹም ጥንታዊ ስልጣኔዎች መሲሁን ዜውስ፣ እናቱን አርጤሚስን እና አባቱን ኒምሮድን የተላያየ ስም እየጥሩ ያመልኳቸው ነበር።የጥንታዊ ግብጽ ፣ ህንድ፣ ቻይና፣ ኤሴሪያ፣ ፈሚሻውያን ሁሉ ቋንቋቸው እና ባህላቸው የተለያየ ቢሆንም የመጀመሪያዎቹ ቋንቋቸው ሳይበታተን ያመልኳቸው የነበሩትን የባቢሎን ጣኦታትን ግን ማምለካቸውን አላቋረጡም