Йиғлагингиз келяптими?
-Йиғланг!

Бақиргингиз келяптими?
-Аллоҳ дея бақириб йиғланг!

-Дардларингизни айтиб,айтиб енгиллагингиз келяптими?
-Шарт саждага йиқилинг,
сизни ҳеч эринмасдан,малолланмай эшитадиган Роббга ҳаммасини айтиб-айтиб йиғланг!

Лекин ҳеч қачон ичингизга ютманг.
Қалбингизга кўмганингиз сари,
руҳ у ғамларни кўтара олмай,оқсаб қолади.
Баттар азоб чекаверасиз.

Тўйиб-тўйиб йиғланг,йиғлайверинг мана кўрасиз шунақаям енгиллайсизки.

Ғам-алам,маҳзунлик деган оғриқларсиз,соғлом руҳ билан яп-янги ҳаёт бошлайсиз.
Келинг яқиним ичингизга ютманг,тўлиб-тошиб йиғланг.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

📹 Инсонлар ўртасидаги оқибат ҳақида...😞

Чиндан Маъноли..

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

🔥 УКАМГА...

🎙️ Шояд Шухратович
📝 Зоҳид Зиё шеъри

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Жуда таъсирли видео экан. Йиғламасдан кўра олмайсиз😢


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ОНАЖОНИМ, ЖОНИМ ОНАМ.

Оналаримизни тириклигида қадрига етайлик!..

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

📹 Жон Синглим қаро кўзим... 🥰
Жуда тасирли.


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ОТА ОНА ДУОСИ ИЖОБАТДИР

Абу Ҳурайрадан ривоят қилинади:
«Набий соллаллоҳу алайҳи васаллам: «Учта дуо шак-шубҳасиз қабул бўлади: мазлумнинг дуоси,
мусофирнинг дуоси ва ота-онанинг фарзандига
қилган дуоси», дедилар».☝🏻

Аллоҳ ўтганларимизни ўз рахматига олган бўлсин.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Har kimning ham sevgan yori bolsin dunyoda


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Қайтиш йўқ...

Достон қилиб дардимни,
Бирор кимга айтиш йўқ...
Қалбга қўйдим шартимни,
Энди ортга қайтиш йўқ...

Кетмоқдаман узун йўл,
Қўлларингдан тутмас қўл,
Бевафойим бахтли бўл,
Энди ортга қайтиш йўқ...

Чорласанг довон оша,
Бормайман сенга шоша,
Қани бир менсиз яша,
Энди ортга қайтиш йўқ...

Қон йиғлаб қолса ҳам дил,
Исмингни сўзламас тил,
Бағритош қадримни бил,
Энди ортга қайтиш йўқ...

Жонингдан кетдим жоним,
Аламдан қайнар қоним,
Яхши қол эй ёмоним,
Энди ортга қайтиш йўқ...

Туғёнларим тоғ бўлди,
Ишқ юракка доғ бўлди,
Балки кўнглинг чоғ бўлди,
Энди ортга қайтиш йўқ...

Тингла севгим баёни,
Шудир андуҳ аёни,
Тополмайсан Зиёни,
Энди ортга қайтиш йўқ...

Жонингдан кетдим жоним...
Энди ортга қайтиш йўқ...

📝Муаллиф: Зоҳид Зиё...

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ҚИЗЛАРИМНИ

Уч бўлакка бўлиб бердим битта жоним,
Бу дунёда Аллоҳдан сўнг меҳрибоним,
Дуолардан бошқа йўқдур ҳеч имконим,
Сўзлари бол, гулдек гўзал юзларимни,
Парвардигор, ўзинг асра қизларимни!

Икки қилмай, қонун билган ҳар сўзимни,
Синовларга ташла майли бир ўзимни,
Юз ўғилга алишмасман ҳар қизимни,
Сўзлари бол, гулдек гўзал юзларимни,
Парвардигор, ўзинг асра қизларимни!

Ёмонларни йироқ қилгин йўлларидан,
Паноҳ, бергин турмушнинг қор, дўлларидан,
Омад ва бахт етакласин қўлларидан,
Сўзлари бол, гулдек гўзал юзларимни,
Парвардигор, ўзинг асра қизларимни!

Фариштаю-ҳурларимга қўнмасин гард,
Дуч келмасин диёнатсиз, орсиз, номард.
Корларига ёлғиз ўзинг бўлгин мадад,
Сўзлари бол, гулдек гўзал юзларимни,
Парвардигор, ўзинг асра қизларимни!

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Бола йиғиси

Онамнинг жаҳли чиққанини камдан-кам кўрардим. Аммо бу гал жуда қаттиқ аччиқланди. Опамникига кетаётган эдик. Тор кўчага бурилишимиз билан йиғи овози эшитилди. Кўча четида уч ёшлардаги бола ерга думалаб тажанглик билан чинқирар, оппоқ кўйлаги, иштончаси қора тупроққа беланган эди.

– Машинани тўхтат, ўғлим, – деди онам хира тортган кўзларини ўша томонга тикиб.

– Нима эди?

– Тўхтата қол, болам, – дея онам маъюс жилмайди.

Иккиланиброқ тўхтатдим.

Онам инқиллаб-синқиллаб эшикни очиб тушди. Увишган оёқларини уқалаганча оқсоқлана-оқсоқлана орқага, бола йиғлаётган томонга қараб кетди. Мен ҳам беихтиёр эргашдим. Бола ҳамон ерга думалар, ҳар думалаганда қулоқни тешиб юборгудек чинқирар эди. Унинг тепасида ўзи ҳам ўпкасини аранг босиб турган ёшгина жувонга энди эътибор бердим.

– Жинни бўлиб қолган бу, – деди жувон йиғламоқдан бери бўлиб. – Морожний обер, деди. Олиб берсам бунақа қиляпти.

Бола ҳамон чинқириб йиғлар, хархаша қилар эди:

– Иссиқ манож! Иссиқ манож оберинг!

– Унақасини қаёқдан топаман! – Жувоннинг тоқати тоқ бўлди шекилли, думалаётган ўғлини ердан юлқиб кўтарди. Орқасига бир-икки шапатилади.

– Ҳой, қизим, бола-я бу, бола-я! – онам чумчуқдек чирқиллаб жувонга ёпишди. – Кел, жоним, – деди болани бағрига босиб. – Кела қол, ўзим сенга иссиқ морожний олиб бераман.

Бола йиғидан тўхтамади. Аммо аввалгидек типирчиламасди. Унинг шунчалик жаҳлини чиқарган “совуқ манож” оқиб кўйлакчасининг олдини шалаббо қилган, бошдан оёғигача лой эди.

– Нимага қараб турибсан? – деди онам менга тўсатдан. – Ё сен ҳам боламисан? Бор, олиб кел машинангни. Ҳозир у-утага борамиз. Ди-дитга тушамиз-а?

Ростини айтсам, болани шу аҳволда машинага ўтқазгим келмади. Чет элдан келтирилган янги паролон ғилоф олган эдим. Ҳаммасини расво қилиб юборади энди. Ноилож машинани тислантириб олиб келдим, қовоғимдан қор ёғаётганини ўзим ҳам сезиб турардим.

Онам ёнига ўтирган жувонга тушунтирди:

– Бунақада бола хуйли бўлиб қолади, қизим. Алдаб-сулдаб овутинг-да. Ана, ди-дитга тушдик.

Бола энди йиғламас, аммо ўпкаси тўлиб тўхтовсиз ҳиқиллар эди.

– Қаёққа кетаётган эдинглар, ўргилай? – деди онам аёлни ҳам юпатувчи оҳангда.

Мени она-боланинг қаёққа бориши эмас, ўриндиқнинг қанча жойи лойга белангани кўпроқ ўйлантирарди.

Аёл чимирилиб ўтирганимни сезди шекилли, хижолат чекиб шоша-пиша қўл силтади.

– Мана, келдик. Раҳмат. Шу ерда троллейбусга чиқамиз. – У овуниб қолган ўғилчасини кўтариб шоша-пиша машинадан тушди. – Катта раҳмат, барака топинглар.

Қарасам, худди ўзим ўйлагандек: ўриндиқнинг ярми лойга беланибди.

– Қизиқсиз, – дедим жаҳлимни босолмай, – ҳамманинг ишига аралашаверасизми?

– Нима ҳамманинг иши?

– Бировнинг боласи бўлса… Йиғласа, сизга нима? Йиғлаб-йиғлаб овунади.

– Нимага бировнинг боласи бўларкан! – Тўсатдан онамнинг жаҳли чиқиб кетди. – Йиғлаб турган боланинг бегонаси бўладими? Уялмайсанми шунақа дегани? Йиғлаб турган норасидага раҳми келмаган одам – одамми?

Индамадим. Аммо бари бир ўшанда онамни ноҳақ ҳисоблаган эдим. Йўқ, чамамда, оналарнинг биз тушунмайдиган, бизнинг ўлчовимизга сиғмайдиган ўз олами борга ўхшайди.

Ўткир Ҳошимов

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Солиҳа онанинг фарзандларига насиҳати:

― Отангиз уйга қайтганида салом билан қарши олинглар, юзларига табассум ила боқинглар, чиройли сўзлар айтиб, пешонасидан ўпинглар, дуосини олинглар, асло ранжитманглар, чунки сизлар учун ҳалол луқма топаман, деб ёзнинг жазирамасида ҳам, қишнинг қаҳратонида ҳам иссиқни иссиқ, совуқни совуқ демай кўчага чиқади, қийналади, шунинг ўзи етарлидир.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

«БЕШ МУҲИМ ЎГИТ»

Ҳаромдан сақлансанг инсонларнинг энг кўп ибодат қилгани бўласан.

Аллоҳ таолонинг сенга берганига рози бўлсанг одамларнинг энг бойи бўласан.

Қўшнингга яхшилик қилсанг ҳақиқий мўмин бўласан.

Ўзинг яхши кўрган нарсани бошқаларга раво кўрсанг ҳақиқий мусулмон бўласан.

Кўп кулма. Ҳаёт ўйин-кулгидан иборат деб ўйлама. Чунки кўп кулиш - ҳаётни ўйин-кулги деб қабул қилиш қалбни ўлдиради.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Premyera🥹

«JANNAT ONALAR OYOG‘I OSTIDA» Film

Uzbek Tilida👀🫶🏻

Reaksiya🫶🏻

Shov-shuvlarga sabab bo’lgan o’sha kino😍 Hali ko’rmagan bo’lsangiz, ko’ring va yaqinlaringizga ham ulashing.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Қизим...

Ўғилдек неъматни берганда Xудо,
Давлатни бошингиздан сочиб қўяркан.
Қизалоқни бандага айласа раво,
Жаннат эшикларин очиб қўяркан.

Қизи бор оталар, қизингизни асраб-авайланг.


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

📹 Ака ва Сингил ✨

Синглиси учун тоғларни талқон қиладиган бу ака эмасми...?🥰

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

— Молу-давлатни топгайсан, ота-онанг топилмайди...💐

— Кейин бундай ноёб гавҳар, дурдонанг топилмайди...💐

— Унутма аввало, ота-онангни ҳолини сўрмоқни...💐

— Жудо бўлгач, ўзинг оқлашга баҳонанг топилмайди...💐


Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Онаси ёпган иссиқ нонларни соғинганлар учун...


Ota ~ Onasini Qadrlaganlar Kanali

@MEXRIBONIM_OTAM_ONAM 🌸