【Windy.com今日開始收錢，媒體將來仲會唔會提早預告打大風？】

著名天氣網站Windy由今日開始，第6至10日預報要畀錢先可以睇，一年盛惠大約150蚊港紙。唔知以後會唔會少咗人好早就話「颱風吹正香港」、「市區得返7度」呢？🤔

其實Windy並唔係氣象機構或者數值模式，佢只係一個顯示歐洲電腦模式(ECMWF)或者美國電腦模式(GFS)既介面。而Windy所顯示嘅預測，其實只係歐洲或者美國電腦嘅決定性(Deterministic)預報，並未考慮到預報嘅穩定性同不確定性。有時今報同下一報既預報可以完全唔同曬樣，唔應該跟車太貼。

另外，Windy顯示嘅數據我哋叫做Direct Model Output，意思係電腦直接輸出嘅產品。由於電腦解析度有限，而香港豆潤咁細，有時直接輸出既數據未必考慮到香港嘅地形。

舉個例子，夏天嗰陣，基本上歐洲同美國電腦都唔會預測尖沙嘴氣溫上到酷熱水平，原因係電腦唔夠精細，有機會將尖沙嘴睇咗做海面，所以就好少顯示33度或以上。呢啲數據係唔應該直接使用架！

將來如果有傳媒或者媒體引述歐美預報話嗰風打到正，唔排除8號風球、10號風球，又或者市區恐降至7度，大家就要留意，唔好中伏喇！

天文台預測，星期日及星期一潮濕有霧及溫暖，最高相對濕度100%。

【渣馬last minute tips】星期日就係渣打馬拉松，天文台預測，當日氣温介乎20至25度，早晚可能有一兩陣微雨，潮濕有霧，濕度或高達100%。雖然並非翻風落雨，但對參賽者而言，亦難以形容為一個「好天氣」。

人體喺做運動嘅時候會因為肌肉收縮而產生代謝熱，令體溫上升，從而出現相應生理反應；但濕度越高就表示不利靠蒸發汗液散熱，或會影響參賽者發揮。香港田徑總會行政總監伍于豪亦表示，建議跑手（特別係新手參賽者）留力中後段賽事，避免喺頭段過份消耗體力。

友台網主 — #岳人 亦為今屆參賽者。佢建議，除咗衣著要揀快乾布料外，亦都要適時補水、糖份及電解質。尤其半馬同埋全馬跑友，更加唔好吝嗇 power gel 以及僅數秒鐘埋水站補給的時間，因為大量流汗同埋缺糖會增加虛脫、抽筋，以及受傷風險。

#METWARN #天氣預警 #渣打馬拉松2023

[本地有感地震報告] 香港天文台地震網絡偵測到市民報告的本地有感地震。天文台將會儘快公布進一步分析資料。

中國地震台網表示，上午10時41分廣東河源市發生一次黎克特制4.3級地震，震源深度11公里。

[本地有感地震報告] （更新）據香港天文台的初步分析，2023年2月11日(星期六)上午10時41分廣東河源市源城區發生一次 4.3級地震，震中位於北緯23.76度，東經114.64度附近，即河源之西北偏西約6公里。(即距離香港之東北偏北約170公里。)

香港天文台接獲超過十名市民報告，表示感到輕微震動，震動維持數秒。初步分析顯示本港的地震烈度為修訂麥加利地震烈度表的第III (三)度，即室內有感。類似小型貨車駛過的振動。

有關修訂麥加利地震烈度表的詳細解釋，請參閱以下網頁︰https://www.hko.gov.hk/tc/gts/equake/mms.htm

天文台最新預測，今日至星期二初時連續數日有霧，並上調星期一最高氣溫至26度。

【本港正午各站溫差超過10度】
受本港複雜地形及偏東氣流厚度較薄的原因所致，本港正午各站溫差超過10度，各區分別出現了清涼、和暖、溫暖及炎熱天氣。

【極為潮濕】週末期間，本港東部有霧及極為潮濕，橫瀾島相對濕度超過24小時未曾跌穿100%。預料直至星期二初時仍會持續有霧。

受一股海洋氣流影響，明日潮濕有霧，新界天氣炎熱。

預料一道冷鋒會在星期二初時橫過廣東沿岸，屆時天氣會顯著轉涼。星期三早上相當清涼，本週中後期部份時間有陽光。

從天文台提供的天氣照片可見，太平山一帶出現雲海，覆蓋維港兩岸標誌性的摩天大樓。

受低空偏東氣流影響，本港東部今日仍潮濕有霧；但隨著冷鋒於今晚至明早橫過本港，未來數日能見度會明顯改善。

【濃霧】今早維港兩岸極為大霧，港內能見度只有500米以下，而天文台總部能見度更下降至100米。

受海洋氣流影響，本港下午普遍相當溫暖。濕地公園一度錄得29.8度的高溫，為該站2月份新高。

一道冷鋒會在晚間橫過本港，屆時天氣會顯著轉涼。明早最低氣溫約15度，週三市區最低氣溫會進一步降至約13度。

【情人節注意保暖】

天文台喺今日情人節❤️朝早5點20分發出強烈季候風信號🌬，唔知係咪佢地既小心思呢？

有情人既記住攬實另一半喇。今日會幾大風，而今晚氣溫會進一步下降。貼心既男士不妨帶備多一件外套，為情人節添加一份溫暖🫶🏻

至於冇情人既各位，單身既小編會唱住 #你值得擁有最浪漫那個 黎陪伴大家的😭

#不過520廣東話係唔要你

【情人時節凍冰冰】天文台最新九天天氣預報下調明日低溫預測至12度，達到寒冷水平。

預料今日日間氣溫將會稍為回升，入夜後氣溫會繼續下降。今晚會外出用膳嘅朋友就記得帶多件衫喇。

寒冷天氣警告在下午4時20分發出。

天文台預測明早天氣寒冷，最低氣溫約12度，日間大致天晴。

天文台最新預測，星期日日間相當溫暖及乾燥，最高氣溫約為26度。

【酷熱天氣戶外工作新指引】

全球暖化下熱浪越趨頻繁，對戶外工作人士構成健康風險。勞工處近日提出按暑熱指數制定的指引，旨在為僱主提供具體建議，預防僱員在戶外工作時中暑。

暑熱指數考慮了溫度、濕度、太陽輻射量等因素，反映人體受熱程度。現時天文台發出酷熱天氣警告時也會考慮暑熱指數。一般而言， 若京士柏暑熱指數達30.5 ，即使市區溫度未及33度酷熱水平，天文台仍會發出酷熱天氣警告。

新指引下，當暑熱指數達30時，僱主須為紮鐵、搬運工人等體力勞動較多的戶外工作人士提供休息時間，或引入掛腰風扇等防暑措施。當暑熱指數達32時，部分工種應暫停戶外工作，或引入更多防暑措施。

新指引亦列明暑熱指數達34時應採取的措施。然而，即使近年夏天溫度屢創新高，暑熱指數也甚少攀至34。實際上，自天文台2014年引入暑熱指數以來，京士柏最高紀錄僅為32.4。有關當局或須思考新指引會否略為嚴苛。

天文台上調明日最高氣溫預測至27度，天氣相當溫暖。

【温暖的「雨水」】今日係廿四節氣中嘅「雨水」。雖則今日就無乜落雨，但氣温就相當之咁暖。截至下午1時，天文台氣温已經升至26.1度，打破有紀錄以嚟「雨水」嘅最高氣温紀錄。

而本港其他地區方面，濕地公園、赤柱、荃灣城門谷、啟德跑道公園，以及清水灣錄得嘅最高氣温亦係創站以嚟2月份新高。

【先暖後涼】天文台總部今日一度錄得26.6度的高温，為有紀錄以來最暖的「雨水」，港九新界多個自動氣象站亦錄得破2月份紀錄的高温。

相當温暖的天氣即將會告一段落。預料一股東北季候風及其補充將於本週持續影響華南沿岸，未來幾天本港天氣將會有所轉涼，風勢亦會頗大。