天文台已發布2022年全年展望。綜合考慮多個因素，包括拉尼娜的發展情況、氣候模式預報和其他客觀指標，預計本港有機會於六月或之前踏入風季，十月或之後風季結束。今年或有五至八個熱帶氣旋進入香港500公里範圍內，屬正常至偏多；預計全年雨量會是正常至偏多。受全球暖化和本地城市化影響，預料全年平均溫度正常至偏高的機會較高。

MET WARN 早前發表的預測則預計全年雨量介乎2000至2600毫米，氣候平均值年雨量約為2400毫米。至於熱帶氣旋方面，MET WARN 則預計有4至7個，氣候平均值約為6個，風季預測於6月或之前開始，今年6至9月的熱帶氣旋對本港的影響較去年同期大，氣溫則預計較正常高。

最新歐洲電腦預測今年4至9月熱帶風暴數目偏少，但考慮到拉尼娜年份熱帶氣旋一般正常至偏多，MET WARN 「中間落墨」預測熱帶氣旋數目接近正常，預計大約6個左右機會最高，與天文台預測重疊部份為5至7個，兩者都預測風季於6月或之前開始，天文台預測較為早開遲收，而MET WARN 預測6至9月熱帶氣旋較去年同期影響大，今年風季可能較為可觀。雨量方面，雖然預計未來一段時間低壓槽持續偏弱，但考慮到歐洲電腦預測夏季雨量可能較多以及將熱帶氣旋的影響考慮在內，MET WARN 預測雨量為2000至2600毫米，天文台則預測雨量為2200至2800毫米，兩者重疊部份為2200至2600毫米，正常值約為2400毫米，亦即表示最終年雨量可能較為接近正常數值。

至於大氣狀況方面，MET WARN 及天文台都預計目前的拉尼娜屬於短暫情況，未來大氣狀況轉為正常機會較高。全年平均氣溫則同樣預測介乎正常至偏高機會最高。

呢排天氣平靜，政府突然出一個「緊急警示」，小編即刻以為係呂宋附近發生大地震或者有核事故可能影響香港啦，點知原來政府提示大家伊院變成抗疫指定醫院，嚇到個心離一離啊！

今次係政府2020年底設立呢個系統以來第一次發出「緊急警示」。根據政府資料，當局會喺「極端天氣、嚴重的公共安全和衞生事故」等緊急情況下發出警示。

緊急警示系統分為兩個級別，分別為「緊急警示」和「極度緊急警示」兩級，兩者分別除咗嚴重程度有別外，「緊急警示」係可以閂咗個通知同聲響，但「極度緊急警示」必須接收，所有電話用戶無法關閉功能。假如山竹再次出現或出現大地震及核災難，相信就需要用到呢個功能喇。

今早葵涌大火釋放大量濃煙 濃煙曾飄至機場一帶！

早上約10點20分，葵涌貨櫃碼頭一帶有大量發泡膠箱起火🔥🔥大量濃煙隨即隨風飄揚，天文台多個鏡頭都捕捉到濃煙擴散嘅情況！💨因為今日吹東風，濃煙被東風吹往西面，起火後約半個鐘，濃煙飄至青馬大橋，11點左右飄過機場上空，之後繼續飄去珠江口。

從多張天氣照片睇到，濃煙稍為升高之後，就大致喺相同高度向西飄。點解啲煙無一路向上升呢？其實係同今日天氣比較穩定有關！一般人形容天氣穩定多數係講緊出太陽定係落雨，學術上嘅講法就係空氣會向下沉定向上升：要落雨嘅話，除咗要有水汽，仲要潮濕嘅空氣向上升從而凝結成雲同埋雨，咁就為之唔穩定。相反，如果空氣向下沉，就算近地面有好多水汽，都只會停留喺地面而唔會向上升，就好似上星期嘅海霧咁啦！🌫️🌫️所以話，當霧季完結，標誌住天氣開始由穩定過渡到唔穩定，雨季就可能開始啦！🌧️

講返啲濃煙，啲煙升高咗少少之後唔上唔落咁向西飄，即係代表今日嘅天氣大致上都係穩定嘅，尤其500至1000米嘅高空氣溫無咩變化，而唔係好似一般愈高愈凍，都不利濃煙進一步向上擴散。好在今日維港風勢唔算弱，大火又迅速救熄，輕輕的煙轉眼即逝，呢場火對整體空氣質素影響較細。😌

剛剛過去的冬季，極地渦旋先後影響北美洲及東亞地區，歐洲冷空氣相對收斂。不過，預計極渦即將影響東歐一帶，歐洲電腦預測烏克蘭天氣極為嚴寒，氣溫會進一步下降，其中更預計烏克蘭東北部的哈爾科夫氣溫會降至零下20度！希望當地供暖及供電網絡維持正常運作，避免進一步增加傷亡數字。

受海洋氣流影響，下個禮拜初潮濕有霧及相當溫暖。不過，根據歐洲電腦中長期展望，呢一輪海洋氣流過後，本港仍有機會受東北季候風影響而再有稍涼天氣，暫時唔洗收埋薄外套入櫃住。

【緊急地震速報】MET WARN接到多位市民報告表示感到地震，MET WARN 正收集更多數據分析，當天文台有進一步消息發放時會為大家跟進。

[本地有感地震報告] 香港天文台接獲市民報告表示感到地震，天文台正進行分析，當有進一步資料時將會盡快公布。

中國地震台網指，廣東惠州市惠東縣海域發生一次黎克特制4.1級地震。

[本地有感地震報告] （更新）據香港天文台的初步分析，2022年3月14日(星期一)上午2時29分中國東南部近岸發生一次 4.1級地震，震中位於北緯22.51度，東經115.04度附近，即香港之東北偏東約92公里。

香港天文台接獲超過八千名市民報告，表示感到輕微震動，震動維持數秒。初步分析顯示本港的地震烈度為修訂麥加利地震烈度表的第IV (四)度，即懸掛的物件擺動。門、窗、碗碟發出響聲。

有關修訂麥加利地震烈度表的詳細解釋，請參閱以下網頁︰https://www.hko.gov.hk/tc/gts/equake/mms.htm

【香港地震】惠東對出海域發生4.1級地震，港島寶珊地震站錄得的地震波形圖，圖中可見明顯震感至少維持數秒至10秒。

今次地震各區震感明顯，但這個震級的地震並不會產生海嘯，市民無需擔心。

不過市民要留意，雖然這次地震並無海嘯風險，但呂宋海峽附近的馬尼拉海溝處於板塊交界，如果該區他朝發生大地震並產生顯著海嘯，則有可能嚴重影響華南沿岸及台灣沿海一帶。

【唔緊急警示之本港有感地震】半夜地震，你有冇震醒？今日上午2時29分，廣東惠州市惠東縣海域近岸發生一次 4.1級地震，震央位於香港之東北偏東約92公里。

香港天文台接獲超過一萬名市民報告，為1979年短週期地震監測網成立以來最多的一次。天文台初步分析指，本港的地震烈度為修訂麥加利地震烈度表第IV (四)度；對上一次地震烈度達第四度的本港有感地震，發生於2020年1月5日上午6時55分，當時震央位於珠江口珠海市香洲區海域一帶，距離香港只有41公里。

今晨5時06及09分，馬尼拉海溝（Manila Trench）位置以及印尼蘇門答臘南部，亦各發生一次6.2級地震。印尼蘇門答臘南部於5時39分錄得5.7級的餘震，而菲律賓以西海域則於6時48分錄得5.0級的餘震，反映現時相關地區板塊運動或較活躍。

礙於現今科技所限，要如預測颱風或暴雨般提早數小時甚至數天精準地預測地震震央及強度是不可能的任務。講起香港政府的緊急警示系統，其實日本都有類似系統。日本的「緊急地震速報」系統至今已正式投入運作15年，可以在地震發生的瞬間，透過計算P波及S波的時差，提前大約十幾秒發佈預警。一般而言，在日本氣象廳發佈緊急地震速報後，市民的手機最快數秒後就會響起警示，絕大部分日本國內發售的手提電話，由「摺機」至最新的智能電話都已內置有關功能。緊急地震速報同時會透過電視台及電台自動廣播。

註：P波擴散速度較快，但帶來的震動較弱；隨後抵達的S波擴散速度較慢，但震動比較大，破壞力更強。

#METWARN #天氣預警 #有感地震 #緊急警示

點解會有「前上下、後左右」搖晃？
其實係同兩種地震波有關！⚠️

凌晨香港地震，係1979年短週期地震監測網成立以來香港100公里內最強嘅一次地震，首次達到4級或以上。MET WARN接到唔少朋友嘅報告，表示感到「前上下」、「後左右」般嘅搖晃。🧐究竟點解會出現咁嘅震動呢？其實係同地震波有關！⚠️

簡單嚟講，感受到兩種唔同方向嘅搖晃係因為兩種唔同嘅地震波所致。地震波分為P波(Primary Wave)同S波(Secondary Wave)，係因應地震波嘅傳播速度而分出嚟。P波嘅傳播速度比較快，約為每秒6.5公里。而S波就比較慢，約為每秒3.5公里。除咗傳播速度唔同之外，傳播方式亦都有唔同，P波帶畀我哋嘅感受係地表會呈「上下」震動，所以P波亦會被稱為「縱波」。而S波帶畀我哋嘅感受就係地表會呈「左右、打橫」搖晃，所以S波亦被稱為「橫波」。由於P波嘅傳播速度較S波快，所以今次地震部分朋友就會明顯感受到「先上下、後左右」嘅搖晃喇。

一般而言，P波所帶嚟嘅震動會較S波細，破壞力亦都會較弱，而大地震時會造成嚴重破壞嘅地震波，絕大部分都係由S波所造成。而今次地震，我地可以喺地震波形圖度睇到P波同S波嘅出現，喺最大搖晃出現前嘅較弱地震波就係P波，最大搖晃出現之後嘅就係S波。日本就睇中地震波嘅呢樣特點，同地震波鬥快發出警報。當捕捉到P波嘅時候就推算地震嘅強度，當預計地震嘅最大震度會達5弱或以上時，喺S波到達之前就發出緊急地震速報。不過呢個警報都有缺陷之處，例如位於震央正上方嘅地區就會趕唔切收到警報。

受海洋氣流影響，今日天氣又濕又熱，下午市區氣溫升至29度，新界氣溫更升至31度。預料本週中後期雲量增多及有幾陣驟雨，但氣溫仍然較3月同期高。

今日(14/3)凌晨惠東對出海域發生一次4.1級地震，本港各區都有市民感受到地震，幸好本地烈度不高。更值得留意的是馬尼拉海溝自清晨5點發生6.4級地震後，仍然不斷有較細規模地震。雖然沒有證據顯示該區會有大地震及海嘯發生，而且現今科技亦無辦法提早預測地震發生，但考慮到本港並唔係處於活躍地震帶，官方對於地震同埋海嘯教育比較少，MET WARN 特意發文提醒市民萬一有大地震同海嘯點樣應對，以免大家手忙腳亂。

詳細分析：https://url.metwarn.com/8tt4c

早前我哋提及呢一輪海洋氣流過後會有東北季候風，提議大家可以洗厚褸厚褲，但係唔洗收埋外套住，下週禮拜尾終於涼返喇。

我哋預計嚟緊幾日日間相當溫暖同埋見到少少陽光，而去到下個禮拜中會有啲驟雨，下個禮拜尾仲會逐步涼返同埋有幾陣雨添。

日本福島縣沿岸發生黎克特制7.3級地震。宮城北部及南部震度6強，震源深度約 60 公里。

日本氣象廳對宮城及福島縣發出海嘯注意報。

日本福島7.3級地震，由北海道至三重縣均感受到震動。

東京電力表示，其服務區域大規模停電，超過200萬戶受影響。