本港多處地區水位現正或預料會升至海圖基準面以上約3.0米左右，部分低窪地區會出現水浸。

受天文大潮及季候風影響，沙田城門河水浸。

https://www.facebook.com/483169098360618/posts/5319878078023005/

壬寅虎年大年初一，恭祝大家新年進步、萬事勝意、身體健康！

MET WARN 天氣預警 仝人鞠躬

一月寒冷天氣落空 全年寒冷日數明顯下降

雖然天文台在上週六發出寒冷天氣警告，但一月最後兩天的低溫比預期高，天文台的氣溫未曾下降至12.0度或以下，並未達到寒冷天氣的標準，令一月整個月均沒有寒冷天氣。歷史上只有1901、1996、2017年出現過同樣情況。

受全球暖化影響，香港的寒冷天氣日數(寒冷日)呈明顯下降趨勢。氣候分析一般至少以30年計算，由1961至1990年這30年間，每年平均有23.3個寒冷日；而由1991至2020年間，寒冷日數下降至每年平均只有15.2日，減少了約8日。不過我們應留意氣候平均概括的整體氣候趨勢，平均寒冷日數下降並不代表極端寒冷日子從此消失。

天文台最新預測，本周氣溫持續較低；農曆新年假期有雨，接近周末天氣好轉。即使大家可能決定減少拜年，都不要忘記多關心身邊長者及有需要人士和送上新年祝福。MET WARN謹祝大家新年快樂！

天文台總部今早錄得最低氣溫11.7度，是今年首個寒冷日，亦是今個冬季第三個寒冷日。其他地區方面，新界多區降至10度或以下，高地天氣嚴寒。受到廣闊雲帶的驟雨影響，各區氣溫比昨日同時段低2度左右。另外，天文台亦下調明日預測最低氣溫至11度，預料寒冷天氣會持續至星期六。

位於西南印度洋的強烈熱帶氣旋Batsirai現正趨向馬達加斯加，美國聯合颱風警報中心(JTWC)預料其強度會稍為增強，惟會於登陸前稍為減弱，但仍會以三級颶風強度(Category Three)登陸。

於當地時間昨晚(星期五)9時（香港時間星期六凌晨2時），Batsirai集結在馬達加斯加瓦圖曼德里(Vatomandry)以東南偏東約338公里，預料向西南偏西移動，時速只有約9公里，繼續緩慢移近馬達加斯加東部沿岸。馬達加斯加氣象和水文局預計Batsirai會於今日當地時間下午12時至6時期間（香港時間下午5時至11時），於馬哈努魯(Mahanoro)及馬南扎里(Mananjary)之間的東部沿岸登陸。當局已對該國之部份東部沿岸地區，包括首都安塔那那利佛(Antananarivo)在內發出最高級別之紅色警報，並警告當地天氣會顯著轉壞，風暴潮之風險甚高且會出現廣泛水浸；對東部、東南部，以及中部高地的影響尤為嚴重。

#METWARN #天氣預警

據報錦田附近發生山火。位於附近的人士應加以留意。

🌤️年初六下午短暫放晴 週一或再有雨及轉涼

整個農曆新年假期普遍多雲同有微雨，加上凍冰冰真係掃興！嚟到年初六，下晝終於見到多啲陽光，低空嘅雲層稍為移開之後，我哋睇到一般離地面幾千米嘅「高積雲」！呢種雲嘅形態都幾多變架，有時似魚鱗，有時似棉花糖，如果今日大家有出去睇下風景，充滿高積雲嘅天氣可以幫你嘅風景相錦上添花！🏞️

雖然今日天色好轉，但星期一嘅天氣又會有啲變化啦。雷達圖像見到，香港西北面有雨帶慢慢向東移動，可能會喺星期一影響香港☔而東北季候風會喺星期一晚緊接住雨帶開始影響我哋，星期二天氣又會涼返，大家記得要準備雨具同著夠衫喇！💁‍♂️

氣候變化原來會影響飲食？ 大西洋三文魚顯著減少

香港人鍾意食三文魚，但有無諗過原來氣候變化會影響三文魚嘅產量？對一般人嚟講，氣候變化通常講緊氣溫上升、極端天氣更加頻繁等等，但其實各行各業都會受氣候變化影響。喺蘇格蘭嘅迪河，近年捕獲嘅三文魚數量已較半世紀前大幅下降八成，迫使當地政府採取措施亡羊補牢。

大西洋三文魚主要喺西班牙北部、英國、挪威等水域繁殖，佢哋適應較低(約10度)嘅水溫，而當水溫上升至約23度，大西洋三文魚開始唔能夠適應，加上整個海洋生態改變，進一步影響三文魚嘅體型同數量。舉例嚟講，三文魚成長需要食用浮游生物，而浮游生物嘅繁殖則部分取決於氣候因素。假如浮游生物數量減少，將直接影響到三文魚嘅成長。除此之外，天氣變暖使冰雪融化，令更多水伴隨沙石喺冬天流入河中，導致部分三文魚卵唔能夠成長。

有見及此，蘇格蘭當局喺河流旁邊植樹，以減少海水因陽光受熱嘅機會。據專家評估，植樹對河流生態影響正面，除咗可以為河水降溫，亦能改善整體嘅養分，並加強防範水浸。咁唔單只成功保育河流生態，都能保障其他捕食三文魚嘅物種，整條食物鏈唔再因三文魚嘅改變而崩潰。

都市人未必對氣候變化敏感，其實實際影響已經迫在眉睫。除咗盡力減少碳排放以緩解全球暖化，今次蘇格蘭人藉著三文魚向全世界展現氣候適應力嘅重要性。

東京受大雪影響 氣象廳發出大雪注意報

日本關東平原地區今日受位於本州南岸的溫帶氣旋影響，多處下雪，氣象廳向關東及甲信部分地方發出大雪警報，亦向東京都心發出大雪注意報。截至晚上9時，東京都心錄得最多2厘米的積雪，而西部地區積雪更多，東京多摩西部積雪達10厘米，山梨河口湖更錄得超過30厘米的積雪。

統計上，2月是東京最容易出現降雪的一個月份。不過關東平原地區在冬季甚少下大雪，降雪日數亦明顯偏少，每年平均只有9天。而東京都心有紀錄以來的最深積雪為33厘米，相比日本海沿岸的豪雪地帶經常錄得超過2米積雪，可謂小巫見大巫。

至於東京甚少下大雪的原因，是因為包括東京在內的關東平原地區的北面及西面被高山包圍，從日本海而來的雪雲不能輕易越過山脈，只有乾燥的冷空氣會越過高山從而影響關東平原。因此東京的冬季天氣主要為天晴乾燥為主，降雪日數偏少。

疫情過後，如果大家想去日本睇雪，就記得唔好去東京，揀一個日本海沿岸地區，見到大雪嘅機會會大好多㗎。

香港天文台接獲市民報告表示感到地震，天文台正進行分析，當有進一步資料時將會盡快公布。

據香港天文台的初步分析，上午12時43分台灣發生一次5.7級地震，震央位於花蓮之東約91公里。

香港天文台接獲數名市民報告，表示感到這次地震，震動維持數秒。初步分析顯示本港的地震烈度為修訂麥加利地震烈度表的第II (二)度，即在樓宇上層或合適位置，且在靜止中的人有感。

🌤今晨大帽山出現雲海！ 點解春天特別容易睇到雲海？

唔少人上大帽山可能都想搏吓睇唔睇到雲海，但好多時都食白果收場，唔通連個天都唔鍾意我！？☹️其實只要知道有利雲海出現嘅天氣條件，絕對可以提升睇到雲海嘅命中率㗎。💁‍♂️

一般人可能唔講唔覺，其實喺春天比較濕、風勢較弱嘅日子，雲海喺凌晨至日出前後出現率係特別高！原因係呢種天氣濕得嚟又相對穩定，令到近地面嘅水汽飽和並凝結成雲，同時間啲雲又唔會好似夏天咁發展到好高，所以你上大帽山啲雲就會變咗喺你腳底啦🌤🌤咁點解個天成日整蠱我，要我凌晨就爬起身睇雲海呢？原因係日出之後有陽光加熱，水汽就可能開始蒸發，溫度升高亦會令水汽唔再飽和，令到雲層喺日頭消散！🌞至於地面風勢較弱，通常吹住比較細嘅潮濕東風，可以係冷空氣逐漸減弱、天氣開始和暖嘅日子，同時大氣嘅低空可能已經轉吹較暖嘅南至東南風，就有機會令近地面嘅氣溫仲低過低空，出現「逆溫層」！想知多啲逆溫層有咩咁巴閉、同雲海有咩關係？可以去 https://www.instagram.com/p/CYNV9EJNfHG/?utm_medium=copy_link 睇吓～😎

望一望聽日嘅天氣預測，朝早仲係吹較細東風，天氣又潮濕，電腦都預測低空可能再有逆溫層，可能都可以搏一搏喎。😏不過講明先，雲層高度同厚度可升可跌，觀測者係有機會蒙受全盤損失㗎！😜

一股「快閃型」的東北季候風未來一兩日會影響本港，早晚天氣清涼，日間有陽光。預料季候風會在本週中後期被一股達強風程度的偏東氣流取代，屆時風勢頗大及有幾陣雨。

預料一股強烈東北季候風會在下週初至中期影響廣東沿岸，屆時該區氣溫會顯著下降。踏入2月中，來自內陸及海洋的氣團開始在華南地區爭持，氣溫容易有起伏，市民應留意天氣變化，小心保重身體。

預料一股較為強勁的東風潮會在星期四、五影響本港。由於預計屆時風勢頗大，海上作業及活動的人士應留意海面大浪可能帶來的危險。此外，預計一道冷鋒會在週末期間橫過廣東沿岸，週末期間該區氣溫逐步下降，下週初天氣寒冷。同時，受高空擾動影響，廣東沿岸將會有雨。濕冷的情況下，身體感受到的溫度會較低。預料冬季季候風會在下週初至中期持續影響廣東沿岸，屆時該區天氣會持續較為寒冷。

【唔係賣廣告時間】講到劇集或者電影，雖然「氣象人」嘅角色並非從來都唔會出現，但就似乎甚少會擔正大旗做主角。而今日想講嘅呢套劇就難得係以氣象廳為中心，氣象人為主軸。

呢套全名為《氣象廳的人們：社內戀愛殘酷史篇》嘅韓劇，係呢個周末已經播出咗兩集，當中出現過唔少專業術語。其中有一幕係一眾預報員翻查斜温-對數壓力圖 (skew T-log P diagram)資料，睇下到底先前發生嘅冰雹係咪可以提早預測，而結果就係相關圖表資料一早有跡象顯示出現冰雹嘅可能性，但就被忽略而導致漏報。

預測冰雹有三大參考因素：凍結層（Freezing level）高度、對流可用位能（Convective available potential energy/CAPE），以及「濕球零度」（Wet-bulb zero temperature）。凍結層越低，冰雹降至地面前的溶化幅度越細。對流可用位能則可用以推算冰雹大小，越高的對流可用位能反映上升氣流越為旺盛，能負荷更大重量，使受到猛烈上升氣流影響，被抬升至凍結層凝結成冰的水汽能夠繼續長時間「氹氹轉」甚至被抬升至更高位置，吸附更多水汽並變大。而濕球溫度為零的高度，則為大氣中層乾空氣多寡的指標，大氣中層較乾有利蒸發冷卻作用，故與冰雹大小亦有關係。冰雹形成條件的標準大氣配置為「上乾冷，下濕暖」，所以「濕球零度」有重要參考價值。

當斜温-對數壓力圖顯示大氣中層有較大嘅氣溫露點差（Dew point depression），反映出現與伴隨雷暴相關嘅蒸發冷卻（Evaporation cooling），而蒸發冷卻嘅過程會令到凍結層進一步下降。呢個就係以斜温-對數壓力圖預測冰雹嘅基本邏輯。

關於冰雹形成嘅機制，可以參考我哋早前嘅文章:
【9月落雹罕唔罕見？對流層頂部乾凍比暖濕更易引發強對流】https://url.metwarn.com/qo1e3

至於劇裡頭嘅韓式情情塔塔，嗱我哋分享完果啲咩N字頭嘅串流平台或者咩韓國電視台係唔會分錢比我哋嘅。亦都唔希望劇透比大家知，我哋講氣象嘅就唔同人爭飯食喇！有興趣嘅就留返比大家自己睇喇。

係呢度祝咁多位星期一快樂。

（圖片來源：Netflix)

#METWARN #天氣預警
#氣象廳的人們 #社內戀愛殘酷史篇
#今日係1月45日
#祝天下有情人終成 #最尾兩個字留返比大家強行填充
#不過聽講第一集係講分手兼悔婚

天文台預料2月20及21日天氣寒冷，最低氣溫11度，顯著降雨機率(累積雨量達到10毫米)為高 。

星期六顯著轉冷 星期日、一市區低溫約10度

受較為強勁的東風潮影響，預計星期四整日至星期五日間風勢頗大，預料屆時本港部分地區會吹強風，海上作業及活動的人士要留意。

此外，預料一道冷鋒會在星期六抵達廣東沿岸，屆時本港天氣顯著轉冷及有雨。受強烈冬季季候風及高空擾動影響，週末至下週中期廣東沿岸持續寒冷及有雨。天文台目前預計由星期六開始，一連6日天氣寒冷，其中星期六至星期一連續3日顯著降雨概率為高（日雨量10毫米或以上），而星期日及一市區最低氣溫約11度。

MET WARN預料今次季候風整體的持續性、雨勢及低溫會是今個冬季影響最顯著的一次，較聖誕假期及新年假期上兩波冷空氣明顯。MET WARN 目前預計今次冷空氣市區最低氣溫約10度，而且日雨量較上兩次多。市民應注意禦寒措施，避免在戶外寒風中長時間逗留。

天文台料星期日及一市區最低氣溫約10度，最高亦只得12度，全日天氣寒冷。而寒冷天氣亦會持續較長時間，由本週六至下週四最低氣溫均為12度或以下。

【氣象廳的 (熊) 人們】天文台的天氣照片常常都出現突如其來到訪氣象站的小動物，你又有沒有想過其他國家的氣象站又有甚麼「不速之客」呢？近日，位於挪威鄰近北極屬於冷岸群島 (Svalbard) 的希望島 (Hopen)，就有駐守氣象站的職員分享一張北極熊在氣象站窗外探視的相片！原來，冷岸群島是北極動物的聚居之地，氣象站職員表示每日都會有兩至三隻北極熊到訪，自去年十二月登島值班以來，已記錄到有 172 隻北極熊來訪。由於北極熊始終具攻擊性，氣象站內亦設有長槍以備不時之需。

冷岸群島正常無人居住，唯獨是自 1940 年代投入運作的氣象站常年保持有 4 名職員值班，每次登島便會住在島上半年，幸好還有北極熊陪伴解悶。氣象站職員指出，北極熊的頻繁出現實際上在氣候觀測角度而言是好事，因爲隨住冰川融化北極熊多會向南遷徙，預計北極熊有可能在 50 年內便絕跡島上，所以他們對北極熊繼續出現都感到高興。

唔知圖中嘅北極熊係咪都想嚟查詢現時氣溫呢？🐻‍❄️

今冬最強冷空氣週六殺到 雨勢較大
星期日、一市區低溫約9度

預計今個冬天最強的冷空氣會於星期六開始影響本港，屆時天氣顯著轉冷及雨勢較大。受強烈冬季季候風影響，週末至下週中期廣東沿岸持續寒冷，而高空擾動會在星期六至星期一為該區帶來有雨的天氣。

MET WARN 預計星期日至星期一市區最低氣溫約9度，而且今次累積雨量預計較一般濕冷多。今次冷空氣持續時間較長、累積雨量較多、低溫較低，大家感受到的溫度會比實際氣溫低，大家要特別留意。

近日疫情嚴峻，若不幸地身邊有染疫人士仍等候進一步檢測或入院，需特別留意濕冷天氣或進一步加重病情，應準備更多衣物以作保暖。