奧運天氣預報 Day 16: 明天終點見 以信念來達到

東京奧運步入尾聲，第16日亦係最後一個比賽日，港隊決心戰至最後。噚日高爾夫球完成四輪賽事，香港代表陳芷澄最終排名上升至第50位結束今屆賽事，而場地單車李慧詩喺爭先賽就以兩場連勝打入四強將香港奧運代表團嘅獎牌希望延續至賽事最後一日。

今日早上6點，札幌按照慣例喺奧運最後比賽日上演男子馬拉松決賽，繼噚日女子賽事由肯雅選手奪金後今日會再產生三面獎牌。今屆賽事終點並未依照傳統以新國立競技場作結，札幌雖然遠離風暴不過高溫天氣就令唔少運動員不勝負荷疑似中暑。預測札幌今日氣溫仍然會介乎25-31度，希望賽會可以提供更多降溫措施協助選手順利完成比賽。去到上晝9點，港隊焦點項目場地單車再度開鑼，率先登場會有逄瑤出戰包括捕捉賽、配速賽、淘汰賽及記分賽合共四項賽事嘅女子全能賽。而緊隨其後會有市民熱切期待嘅李慧詩喺女子爭先賽準決賽大戰烏克蘭嘅史達莉高娃，無論晉級與否，銅牌戰同金牌戰亦會緊接喺中午前上演，在此先向李慧詩送上祝福希望佢奇兵出奇蹟。

25年嚟首助香港再奪金牌，劍擊金牌得主張家朗喺東京留低「堅持」兩字作總結，而堅持到最後除咗MET WARN嘅奧運天氣預報，更重要當然係要多謝賽會自己。香港時間晚上7點，延遲一年嘅東京奧運閉幕禮會喺新國立競技場壓軸上演。熱帶風暴銀河目前集結喺八丈島以西約30公里，預料向東北偏北移動，時速約25公里，大致趨向本州以南海域。而現時銀河嘅外圍雨帶已經開始影響東京首都圈，日本氣象廳方面就預計針對東京23區嘅強風注意報會生效至當地時間星期日傍晚六點，隨住銀河喺下午稍後時間逐漸遠離，閉幕禮受強風影響嘅機會相信會逐漸降低，但驟雨仍然有機會影響天氣。

預測星期日東京氣溫介乎24-33度，相對濕度百分之70-90，有雨後轉多雲，吹和緩西南偏南風。東京奧運閉幕禮香港會派出空手道個人形銅牌得主劉慕裳擔任持旗手，最終天氣會點，借用佢奪得獎牌後講過嘅一句，要有兩手準備。MET WARN奧運天氣預報經已全部報道完畢。

恭喜李慧詩在場地單車爭先賽贏得銅牌，為香港奪得今屆奧運第六面獎牌！

【香港隊勁揪！】
今屆奧運港隊不斷屢創奇蹟；先有張家朗喺花劍個人賽勇奪香港主權移交後首面金牌，繼而有「女飛魚」何詩蓓100/200米自由泳項目雙雙奪銀，更打破亞洲紀錄！銅牌方面，更加係史無前例地一日兩銅；先有比李靜教練 _ 完企返中間就即拎牌嘅港隊乒乓女團，後有香港空手道代表劉慕裳喺女子個人形賽事擊敗土耳其對手。
「牛下女車神」李慧詩喺女子單車爭先賽再為香港添一銅，為港隊戰績畫上完美句號。

天文台表示，大驟雨正影響本港新界北部，並有機會在未來一兩小時影響本港其他地區。市民應提高警惕。

[暴雨速報] 天文台在下午4時25分發出新界北部水浸特別報告。

[奧運] 來到東京奧運最後一日，美國最終以39金及113面總獎牌排榜首，中國屈居亞軍，而東道主日本則排第三。中華台北隊以2金4銀6銅排第34位，港隊則以1金2銀3銅排第49位，兩隊都分別創下各自於同一屆奧運奪得最多獎牌的紀錄。

[暴雨速報] 天文台在下午7時40分取消新界北部水浸特別報告。

[風暴速報] 盧碧會在明日橫過日本本州。盧碧移到較高緯度後，風圈變得較為廣闊，預料日本本州風力將會顯著增強，沿岸地區風力普遍達強風至烈風程度。幸好奧運已閉幕，不會對奧運構成任何影響。

今早另一個風暴銀河在日本本州東南面海域掠過，東京羽田機場一度吹起強風。

天文台表示，位於香港南部的雷雨區正逐漸發展，預料會在未來一兩小時影響本港。市民應提高警惕。

[降雨] 雷雨區於本港境內發展中，預料局部地區雨勢頗大，市民應提高警惕。

天文台表示，西貢區的雨勢特別大，並已錄得或預料會有每小時雨量超過70毫米的大雨，有可能出現嚴重水浸。

天文台表示，離島區的大嶼山的雨勢特別大，並已錄得或預料會有每小時雨量超過70毫米的大雨，有可能出現嚴重水浸。

未來一兩小時香港廣泛地區可能受大雨影響，市民應提高警覺。

根據多位大埔市民資訊，該區有住宅一度出現停電。

[暴雨速報] 天文台在上午12時40分發出黃色暴雨警告信號。

表示香港廣泛地區可能或已錄得每小時30毫米的大雨，而且雨勢可能持續。

有跡象顯示市區開始受雷雨區影響，市民應注意天氣變化。

天文台表示，黃大仙區的雨勢特別大，並已錄得或預料會有每小時雨量超過70毫米的大雨，有可能出現嚴重水浸。

奧運天氣預報: 後記

8年前當國際奧委會宣佈2020年奧運由東京主辦，無人能夠預知賽事最終會延遲舉行。到16日前東京奧運開幕，大概身處彈丸之地入面嘅我哋無人能夠估到，香港人最後可以喺一屆奧運一舉奪得一金兩銀三銅合共六面獎牌，超越歷屆奧運獎牌收穫嘅總和。無論你記掛張家朗嘅堅持定係李靜嘅奇兵，相信都將會成爲大家心目中嘅明日回憶。

可能有人會問點解MET WARN一個天氣page選擇做埋體育，事實上我哋由Day 1開始一直做到Day 16，由一面獎牌都未有到見證港隊以六面獎牌作結，務求嘗試將運動天氣同戶外項目賽事資訊以另一個方式整合成圖文報道。嘗試往往代表住未知，或者呢個欄目唔係最受歡迎，從最近一年嘅數據亦顯示，最多人讚好同分享嘅貼文多數係關心額外假期機會同關注鄰近地區天災。不過，除咗比較情緒化嘅天氣資訊，有種初衷依然存在，而堅持嘅意義唔一定要由數字嚟定義。呢兩星期嘅每晚深夜，我哋嘗試證實天氣page仲存在另一種可能。「因為唔知道幾時有機會嚟，當機會嚟到，你要有兩手準備，你先可以發揮到最好。」

連日以嚟，無論係普羅大衆定專業運動員，都將目光投射喺距離香港2,884公里，位於北緯35度，東經139度嘅東京。從天氣嘅角度，可以代表超越800公里嘅戒備範圍，到達北緯7至36度，東經100至140度熱帶氣旋預報範圍嘅邊緣。感激各位喺過去一段短時間接受破例使用不同平台發佈賽事相關消息，縱使經盡力查證後偶有失誤仍然不離不棄，而正如大大小小不同背景嘅專頁都嘗試以不同方式支持香港運動員，相信咁樣破一次例或者同喺逆境中難能可貴地一齊爲同一件事而振臂歡呼一樣，都係值得嘅。再一次恭喜同多謝所有有份出戰東京奧運嘅港隊代表，以及仲睇緊嘅你。三年後嘅巴黎奧運仲會唔會再做無人知，但起碼聽日你仍然會見到我哋。多謝支持，有緣再會。

Arigato ありがとう

[暴雨速報] 天文台在上午2時55分取消黃色暴雨警告信號。

雖然暴雨警告已經取消，但市民仍須警覺有關河道氾濫可能帶來的危險。

盧碧吹襲日本期間風力顯著增強，日本本州廣泛錄得烈風，包括關西及神戶機場，四國南部海拔較高站點更一度錄得颶風。隨著盧碧由西向東移動，預料烈風稍後亦會遍及東日本，而盧碧東移過程當中亦會逐漸轉化為溫帶氣旋。