奧運天氣預報: 問我歡呼聲有幾多 我笑住回答講一聲多謝我
飯就一啖啖食，波就一場場打，牌就一面面拎！港隊單日再添兩面銅牌，分別嚟自李靜帶領嘅乒乓球女團同劉慕裳嘅跆拳道個人形項目，代表香港正式集齊三色獎牌！的確，港隊出色表現最重要係要多謝自己。回顧噚日頭場男子十公里馬拉松游泳賽事，香港代表年僅18歲嘅方胤以第22名完成賽事，而賽事踏入倒數三日，朝早會繼續有陳芷澄出戰高爾夫球女子第三回合，佢先前以排名第58完成首兩回合賽事，嚟緊嘅比賽日仍有空間繼續進步。到下晝，失落場地單車凱林賽嘅李海恩同李慧詩，會喺爭先賽捲土重來。值得留意嘅係，香港單車隊亦會首次參加今屆奧運新增嘅細項女子麥迪遜賽，據了解港隊賽前最終選擇派出逄瑤及梁寶儀搭檔變陣，兩人將會以接力形式同其他參賽隊伍鬥快衝刺。
另一方面，競步女子20公里香港會有程小雅做代表，賽事移師到北海道札幌舉行，原意係避開東京炎熱天氣，可惜事與願違，北海道近日受熱浪侵襲下氣溫高達34度，甚至反超東京，爲此大會設置冰浴同冰袋等配套協助選手降溫。返嚟東京，預測星期五氣溫介乎24至33度，相對濕度介乎50-80，大致多雲，間中有陽光，吹和緩偏南風。奇兵出奇蹟，睇住MET WARN，膽生毛就夠膽贏，有我哋同你繼續陪住港隊爭取幸福。
飯就一啖啖食，波就一場場打，牌就一面面拎！港隊單日再添兩面銅牌，分別嚟自李靜帶領嘅乒乓球女團同劉慕裳嘅跆拳道個人形項目，代表香港正式集齊三色獎牌！的確，港隊出色表現最重要係要多謝自己。回顧噚日頭場男子十公里馬拉松游泳賽事，香港代表年僅18歲嘅方胤以第22名完成賽事，而賽事踏入倒數三日，朝早會繼續有陳芷澄出戰高爾夫球女子第三回合，佢先前以排名第58完成首兩回合賽事，嚟緊嘅比賽日仍有空間繼續進步。到下晝，失落場地單車凱林賽嘅李海恩同李慧詩，會喺爭先賽捲土重來。值得留意嘅係，香港單車隊亦會首次參加今屆奧運新增嘅細項女子麥迪遜賽，據了解港隊賽前最終選擇派出逄瑤及梁寶儀搭檔變陣，兩人將會以接力形式同其他參賽隊伍鬥快衝刺。
另一方面，競步女子20公里香港會有程小雅做代表，賽事移師到北海道札幌舉行，原意係避開東京炎熱天氣，可惜事與願違，北海道近日受熱浪侵襲下氣溫高達34度，甚至反超東京，爲此大會設置冰浴同冰袋等配套協助選手降溫。返嚟東京，預測星期五氣溫介乎24至33度，相對濕度介乎50-80，大致多雲，間中有陽光，吹和緩偏南風。奇兵出奇蹟，睇住MET WARN，膽生毛就夠膽贏，有我哋同你繼續陪住港隊爭取幸福。
東京奧運天氣預報 Day 15: 我係香港人呀Hi
東京奧運即將踏入第15日，亦即係最後兩日。喺呢日嘅清晨開始，距離東京800公里嘅北海道札幌大通公園會先有女子馬拉松賽事上演，正如之前所講，近期札幌酷熱程度本來不下於東京，但樂觀啲諗，當東京星期六受頻密驟雨影響，喺札幌舉行嘅賽事不受干擾或者會係難得嘅好處。呢個城市噚日舉行過競步女子20公里項目，最終港隊代表程小雅以第35名完成賽事。上晝仲會有連日舉行嘅高爾夫球項目，香港代表陳芷澄噚日排名上升七位至第51，希望喺崎玉縣嘅佢最後一輪可以造出自己應有水準完成今屆賽事。
更正: 札幌預測氣溫爲25-34度
下晝焦點肯定落喺李慧詩身上，呢位香港長大嘅倫敦奧運銅牌得主會繼續喺伊豆單車館參與場地單車女子爭先賽嘅第三圈賽事，呢輪比賽會有一共12位選手參與爭入八強。喺資格賽上屆奧運記錄已被多次打破並多度刷新，透過復活賽驚險晉級嘅李慧詩今日將會先面對法國勁敵歌絲。舊記錄還是會打破，箇中原因多得科技進步，香港喺今屆賽事亦有科大風洞實驗室以空氣動力學協助李慧詩研究姿勢同研發低阻力嘅比賽服，相信就係大家喺直播畫面上見到湖水綠嗰件。不過，獎牌勝負之間可能只係差千分之一秒，或者正如參與麥迪遜賽後接受訪問嘅梁寶儀所言，自己已經準備到最好，但當世界比我哋準備得更好嘅時候，就要繼續努力進步去追趕世界。
晚上仲會有另一項推介項目就係男子足球嘅金牌戰巴西大戰西班牙，先前女子足球決賽加拿大同瑞典要加時鬥到互射十二碼分勝負，呢場決賽如果演變成雨中激戰相信更有大戰氣氛。頭先場地單車講到風，大家都應該關注另一個風銀河，呢個熱帶風暴目前集結喺八丈島之西南約280公里，預料向東北偏北移動，時速約30公里，大致趨向本州以南海域。按照現時路徑預測，銀河喺星期日最接近東京首都圈，但對閉幕禮期間天氣嘅實際影響需要視乎風圈規模以及路徑同強度最終變化。預測星期六東京氣溫介乎25-31度，相對濕度百分之70-90，多雲且驟雨頻密，吹和緩西南偏西風。東京奧運最後倒數，邁向閉幕敬請繼續留意MET WARN隨時放送。
東京奧運即將踏入第15日，亦即係最後兩日。喺呢日嘅清晨開始，距離東京800公里嘅北海道札幌大通公園會先有女子馬拉松賽事上演，正如之前所講，近期札幌酷熱程度本來不下於東京，但樂觀啲諗，當東京星期六受頻密驟雨影響，喺札幌舉行嘅賽事不受干擾或者會係難得嘅好處。呢個城市噚日舉行過競步女子20公里項目，最終港隊代表程小雅以第35名完成賽事。上晝仲會有連日舉行嘅高爾夫球項目，香港代表陳芷澄噚日排名上升七位至第51，希望喺崎玉縣嘅佢最後一輪可以造出自己應有水準完成今屆賽事。
更正: 札幌預測氣溫爲25-34度
下晝焦點肯定落喺李慧詩身上，呢位香港長大嘅倫敦奧運銅牌得主會繼續喺伊豆單車館參與場地單車女子爭先賽嘅第三圈賽事，呢輪比賽會有一共12位選手參與爭入八強。喺資格賽上屆奧運記錄已被多次打破並多度刷新，透過復活賽驚險晉級嘅李慧詩今日將會先面對法國勁敵歌絲。舊記錄還是會打破，箇中原因多得科技進步，香港喺今屆賽事亦有科大風洞實驗室以空氣動力學協助李慧詩研究姿勢同研發低阻力嘅比賽服，相信就係大家喺直播畫面上見到湖水綠嗰件。不過，獎牌勝負之間可能只係差千分之一秒，或者正如參與麥迪遜賽後接受訪問嘅梁寶儀所言，自己已經準備到最好，但當世界比我哋準備得更好嘅時候，就要繼續努力進步去追趕世界。
晚上仲會有另一項推介項目就係男子足球嘅金牌戰巴西大戰西班牙，先前女子足球決賽加拿大同瑞典要加時鬥到互射十二碼分勝負，呢場決賽如果演變成雨中激戰相信更有大戰氣氛。頭先場地單車講到風，大家都應該關注另一個風銀河，呢個熱帶風暴目前集結喺八丈島之西南約280公里，預料向東北偏北移動，時速約30公里，大致趨向本州以南海域。按照現時路徑預測，銀河喺星期日最接近東京首都圈，但對閉幕禮期間天氣嘅實際影響需要視乎風圈規模以及路徑同強度最終變化。預測星期六東京氣溫介乎25-31度，相對濕度百分之70-90，多雲且驟雨頻密，吹和緩西南偏西風。東京奧運最後倒數，邁向閉幕敬請繼續留意MET WARN隨時放送。
奧運天氣預報 Day 16: 明天終點見 以信念來達到
東京奧運步入尾聲，第16日亦係最後一個比賽日，港隊決心戰至最後。噚日高爾夫球完成四輪賽事，香港代表陳芷澄最終排名上升至第50位結束今屆賽事，而場地單車李慧詩喺爭先賽就以兩場連勝打入四強將香港奧運代表團嘅獎牌希望延續至賽事最後一日。
今日早上6點，札幌按照慣例喺奧運最後比賽日上演男子馬拉松決賽，繼噚日女子賽事由肯雅選手奪金後今日會再產生三面獎牌。今屆賽事終點並未依照傳統以新國立競技場作結，札幌雖然遠離風暴不過高溫天氣就令唔少運動員不勝負荷疑似中暑。預測札幌今日氣溫仍然會介乎25-31度，希望賽會可以提供更多降溫措施協助選手順利完成比賽。去到上晝9點，港隊焦點項目場地單車再度開鑼，率先登場會有逄瑤出戰包括捕捉賽、配速賽、淘汰賽及記分賽合共四項賽事嘅女子全能賽。而緊隨其後會有市民熱切期待嘅李慧詩喺女子爭先賽準決賽大戰烏克蘭嘅史達莉高娃，無論晉級與否，銅牌戰同金牌戰亦會緊接喺中午前上演，在此先向李慧詩送上祝福希望佢奇兵出奇蹟。
25年嚟首助香港再奪金牌，劍擊金牌得主張家朗喺東京留低「堅持」兩字作總結，而堅持到最後除咗MET WARN嘅奧運天氣預報，更重要當然係要多謝賽會自己。香港時間晚上7點，延遲一年嘅東京奧運閉幕禮會喺新國立競技場壓軸上演。熱帶風暴銀河目前集結喺八丈島以西約30公里，預料向東北偏北移動，時速約25公里，大致趨向本州以南海域。而現時銀河嘅外圍雨帶已經開始影響東京首都圈，日本氣象廳方面就預計針對東京23區嘅強風注意報會生效至當地時間星期日傍晚六點，隨住銀河喺下午稍後時間逐漸遠離，閉幕禮受強風影響嘅機會相信會逐漸降低，但驟雨仍然有機會影響天氣。
預測星期日東京氣溫介乎24-33度，相對濕度百分之70-90，有雨後轉多雲，吹和緩西南偏南風。東京奧運閉幕禮香港會派出空手道個人形銅牌得主劉慕裳擔任持旗手，最終天氣會點，借用佢奪得獎牌後講過嘅一句，要有兩手準備。MET WARN奧運天氣預報經已全部報道完畢。
東京奧運步入尾聲，第16日亦係最後一個比賽日，港隊決心戰至最後。噚日高爾夫球完成四輪賽事，香港代表陳芷澄最終排名上升至第50位結束今屆賽事，而場地單車李慧詩喺爭先賽就以兩場連勝打入四強將香港奧運代表團嘅獎牌希望延續至賽事最後一日。
今日早上6點，札幌按照慣例喺奧運最後比賽日上演男子馬拉松決賽，繼噚日女子賽事由肯雅選手奪金後今日會再產生三面獎牌。今屆賽事終點並未依照傳統以新國立競技場作結，札幌雖然遠離風暴不過高溫天氣就令唔少運動員不勝負荷疑似中暑。預測札幌今日氣溫仍然會介乎25-31度，希望賽會可以提供更多降溫措施協助選手順利完成比賽。去到上晝9點，港隊焦點項目場地單車再度開鑼，率先登場會有逄瑤出戰包括捕捉賽、配速賽、淘汰賽及記分賽合共四項賽事嘅女子全能賽。而緊隨其後會有市民熱切期待嘅李慧詩喺女子爭先賽準決賽大戰烏克蘭嘅史達莉高娃，無論晉級與否，銅牌戰同金牌戰亦會緊接喺中午前上演，在此先向李慧詩送上祝福希望佢奇兵出奇蹟。
25年嚟首助香港再奪金牌，劍擊金牌得主張家朗喺東京留低「堅持」兩字作總結，而堅持到最後除咗MET WARN嘅奧運天氣預報，更重要當然係要多謝賽會自己。香港時間晚上7點，延遲一年嘅東京奧運閉幕禮會喺新國立競技場壓軸上演。熱帶風暴銀河目前集結喺八丈島以西約30公里，預料向東北偏北移動，時速約25公里，大致趨向本州以南海域。而現時銀河嘅外圍雨帶已經開始影響東京首都圈，日本氣象廳方面就預計針對東京23區嘅強風注意報會生效至當地時間星期日傍晚六點，隨住銀河喺下午稍後時間逐漸遠離，閉幕禮受強風影響嘅機會相信會逐漸降低，但驟雨仍然有機會影響天氣。
預測星期日東京氣溫介乎24-33度，相對濕度百分之70-90，有雨後轉多雲，吹和緩西南偏南風。東京奧運閉幕禮香港會派出空手道個人形銅牌得主劉慕裳擔任持旗手，最終天氣會點，借用佢奪得獎牌後講過嘅一句，要有兩手準備。MET WARN奧運天氣預報經已全部報道完畢。