奧運天氣預報 Day 12: 打風唔成三日雨？ 港隊表現齊關注！

奧運比賽嚟到第12日，今次我哋一口氣介紹四個之前從未介紹過嘅項目畀大家。首先喺上晝會有較多戶外賽事。天未光，馬拉松游泳女子十公里賽就會喺台場海濱公園展開，對上一次有香港運動員參與呢項賽事已經要數到倫敦奧運，雖然今年女子組無香港代表，但大家要留意之後男子組會有香港運動員出戰，有興趣嘅朋友記得睇定嚟熱下身先。天光之後，高爾夫球女子第一輪就會有港隊代表陳芷澄出戰，賽事會喺埼玉縣川越市上演。而另外要介紹嘅就係大受歡迎嘅新增項目滑板，繼之前上演過嘅街式賽男女子兩面金牌都由東道主日本奪得，嚟到公園賽就睇下有冇選手喺有明都市運動公園打破日本壟斷。順帶一提，呢個同時有份舉辦BMX項目嘅臨時場地喺今屆賽事之後就會被拆除，要睇就趁早喇！

到下晝，之前預告過嘅場地單車，香港牛下女車神李慧詩同隊友李海恩就會喺凱林賽預賽登場，雖然我哋香港人對兩位車手信心十足，但到要提醒如果一旦有需要參與復活賽，賽事都係會緊接進行嘅。可能你會問MET WARN報天氣講戶外項目就話關事啫，室內項目又關你事？其實場地單車同天氣唔係完全無關，例如同樣喺2012倫敦奧運英國隊就曾經透露訓練時會搜集場館內溫度、氣壓同濕度資料，而呢啲數據其實又受到場外嘅天氣所影響，所以今次比賽嘅靜岡縣伊豆單車館外面嘅天氣同賽事結果可以息息相關㗎。

預測東京星期三氣溫介乎25-35度，相對濕度介乎百分之60-80，大致天晴及酷熱，間中多雲，吹和緩偏南風。咁多賽事，就算打風唔成三日雨，留響屋企一樣精彩。MET WARN繼續爲香港運動員集氣！

天文台表示，短期內會改發一號戒備信號。

[風暴速報] 一號戒備信號在上午4時20分發出，取代三號強風信號。

[地震速報] 日本茨城縣對開海面香港時間清晨4點33分發生黎克特制6級地震，震源深度40公里。日本東北部宮城、福島、茨城等縣最大震度3，東京有輕微震感。

位於南海北部的熱帶氣旋已被命名為盧碧。

天文台表示，當盧碧對香港不再構成威脅時，會取消所有熱帶氣旋警告信號。

日本氣象廳預測，現時位於台灣以東的另一個熱帶氣旋可能會在奧運閉幕當日相當接近日本關東一帶。

與熱帶風暴盧碧相關的雨帶正影響香港西部。請提防強陣風及雷暴。

東京奧運場地單車凱林賽香港代表李慧詩於復活賽奪得小組第一成功「復活」躋身半準決賽

短期內香港廣泛地區可能受大雨影響，市民應提高警覺。

[暴雨速報] 天文台在下午5時10分發出黃色暴雨警告信號。

表示香港廣泛地區可能或已錄得每小時30毫米的大雨，而且雨勢可能持續。

天文台會在未來一兩小時取消所有熱帶氣旋警告信號。

[風暴速報] 所有熱帶氣旋警告信號在下午6時20分取消。

雖然所有熱帶氣旋警告信號已取消，但與盧碧相關的活躍西南季候風會在未來一兩日影響本港，雨帶經過時風力甚至可以比三號強風信號生效期間更高，請市民保持警惕及留意最新天氣情況。

盧碧的外圍雨帶不斷影響本港，沒有帶備雨傘的市民可以考慮到室內避雨。

[暴雨速報] 天文台在下午7時45分發出新界北部水浸特別報告。

[暴雨速報] 在下午8時的過去一小時內，北區錄得最高103毫米雨量；元朗區錄得最高65毫米雨量。

[暴雨速報] 天文台在下午10時15分取消黃色暴雨警告信號。

雖然暴雨警告已經取消，但市民仍須警覺有關河道氾濫可能帶來的危險。

[暴雨速報] 天文台在上午1時15分取消新界北部水浸特別報告。