奧運天氣預報 Day 11: 國立競技場落雨 那表示甚麼？

更正：沙灘排球項目由早上8點開始

一如較早前天氣預報，東京新國立競技場晚上受驟雨影響雨勢有時頗大。田徑項目尤其是擲項較受天氣影響，多位鐵餅選手因天雨路滑而失手後賽會決定暫停比賽讓工作人員先行清理積水，期望往後賽日天氣好轉。

連日介紹過嘅馬術賽事，港隊歷來首名個人三項賽代表何誕華同佢嘅座騎Tayberry經過盛裝舞步、越野同場地障礙三項賽事後位列42雖未能晉身決賽，但總算順利完成賽事。而東京奧運嚟到第11日，早上推介戶外項目包括10點幾開始嘅輕艇靜水呢日會進行部分決賽，另外差唔多時間沙灘排球會開始男女子嘅半準決賽，之前介紹過炎熱天氣對呢項賽事嘅影響，而另一焦點就係場邊嘅DJ會播放音樂，而其中一位DJ更曾經幫過洛杉磯湖人喺NBA選曲，令奧運場館喺缺少觀衆入場嘅情況下增添氣氛。下晝亦會有今屆5個新增項目之一嘅運動攀登登場，呢項賽事會喺東京青海都市運動公園上演，值得留意。夜晚相信大家都會支持乒乓球港隊女團喺四強再進一步，不過記住同時間港隊嘅陳仲泓亦會喺男子百一米欄預賽出場，唔好漏咗佢啊！

天氣方面，星期二預測東京大致天晴，日間天氣酷熱。市區最高氣溫約34度，內陸地區再高幾度。相對濕度介乎百分之60至80之間。吹和緩偏南風。下一個比賽日，萬衆期待嘅李慧詩即將喺場地單車項目登場，有關消息緊記留意MET WARN之後嘅報道！

*賽事時間爲香港時間，以大會公佈爲準

[風暴速報] 天文台表示熱帶低氣壓在今日日間移動會減慢，與本港保持一定距離。由於該熱帶低氣壓環流較為細小，預料本港風力在日間顯著增強的機會較低，一號戒備信號會於日間大部分時間維持。

[風暴速報] 雖然熱帶低氣壓與香港的距離較近，距離香港不足200公里。但低壓的環流細小，強風主要集中在中心附近以及南部環流，因此香港風力暫時未有明顯增強。天文台預料低壓會在今晚至明早最接近香港，在香港以南100公里以外掠過。

天文台表示，按照現時預測的路徑，該熱帶低氣壓會在今晚至明早最接近香港，在本港以南約100公里左右掠過。一號戒備信號會於日間大部分時間維持。

澳門氣象局表示，下午將視乎情況改發三號風球。

天文台最新表示明日初時離岸風力達七級強風。

[風暴速報] 澳門氣象局表示將於下午一時改發三號風球。

天文台會視乎本港風力的變化在黃昏前後考慮是否需要改發三號強風信號。

奧運天氣預報：你今晚想睇咩項目？

奧運期間適逢風季，打風自然唔係新鮮事。例如2008年北京奧運嘅時候，強烈熱帶風暴鸚鵡就曾經登陸香港並喺天文台總部以南1公里掠過，九號風球持續11個鐘頭，風暴來襲前香港正舉辦奧運馬術比賽，賽事最終如期舉行。當時兩間電視台爲免觀衆錯過比賽更同步播出風暴消息同奧運現場情況。2012年倫敦奧運期間雖然香港無受熱帶氣旋影響，不過舉行前幾日韋森特就爲本港帶嚟13年嚟首個十號風球。到2016年上屆里約奧運開幕之前幾日就有強烈熱帶風暴妮妲吹襲香港引發東西登討論，之後奧運期間熱帶風暴電母亦令香港需要掛三號風球。咁多個風你又有冇印象呢？

[風暴速報] 目前，本港風力有所增強，離岸海域正間中受強風影響。橫瀾島、青洲及長洲泳灘錄得強風，維多利亞港內亦錄得強風程度的陣風。

香港的風力會在今晚進一步增強，天文台會在短期內改發三號強風信號。

[風暴速報] 三號強風信號在下午4時25分發出。

預料本港平均風速每小時41至62公里。

請將容易被風吹倒的物件綁緊或搬入室內，遠離岸邊及停止所有水上活動。

[風暴速報] 天文台：三號強風信號將於今晚及明早一段時間維持。

三號風球現正生效，隻風好似好近，有無八號波？幾時先會好天？點解今次隻風咁特別向東行？MET WARN 稍後會有風暴速報Live，為你詳細分析報道，記得留意！

MET WARN 晚上11時正進行直播，記得準時收睇喇！😉

https://www.facebook.com/metwarn/videos/261746158744862/ 開始直播，歡迎收睇。

天文台表示，當熱帶低氣壓不再為香港帶來普遍強風的威脅時，會改發一號戒備信號。

奧運天氣預報 Day 12: 打風唔成三日雨？ 港隊表現齊關注！

奧運比賽嚟到第12日，今次我哋一口氣介紹四個之前從未介紹過嘅項目畀大家。首先喺上晝會有較多戶外賽事。天未光，馬拉松游泳女子十公里賽就會喺台場海濱公園展開，對上一次有香港運動員參與呢項賽事已經要數到倫敦奧運，雖然今年女子組無香港代表，但大家要留意之後男子組會有香港運動員出戰，有興趣嘅朋友記得睇定嚟熱下身先。天光之後，高爾夫球女子第一輪就會有港隊代表陳芷澄出戰，賽事會喺埼玉縣川越市上演。而另外要介紹嘅就係大受歡迎嘅新增項目滑板，繼之前上演過嘅街式賽男女子兩面金牌都由東道主日本奪得，嚟到公園賽就睇下有冇選手喺有明都市運動公園打破日本壟斷。順帶一提，呢個同時有份舉辦BMX項目嘅臨時場地喺今屆賽事之後就會被拆除，要睇就趁早喇！

到下晝，之前預告過嘅場地單車，香港牛下女車神李慧詩同隊友李海恩就會喺凱林賽預賽登場，雖然我哋香港人對兩位車手信心十足，但到要提醒如果一旦有需要參與復活賽，賽事都係會緊接進行嘅。可能你會問MET WARN報天氣講戶外項目就話關事啫，室內項目又關你事？其實場地單車同天氣唔係完全無關，例如同樣喺2012倫敦奧運英國隊就曾經透露訓練時會搜集場館內溫度、氣壓同濕度資料，而呢啲數據其實又受到場外嘅天氣所影響，所以今次比賽嘅靜岡縣伊豆單車館外面嘅天氣同賽事結果可以息息相關㗎。

預測東京星期三氣溫介乎25-35度，相對濕度介乎百分之60-80，大致天晴及酷熱，間中多雲，吹和緩偏南風。咁多賽事，就算打風唔成三日雨，留響屋企一樣精彩。MET WARN繼續爲香港運動員集氣！