杭州今日黃昏提升至最高級別的暴雨紅色預警，多地水浸、車輛死火。網上圖片所見，當地人員似乎不時提醒路人：Watch out！Watch out！免生危險。

[降雨] 珠江口一帶持續有驟雨發展，目前較強的雷雨區正影響香港以東水域。預料本港未來數小時有驟雨及狂風雷暴，部分地區雨勢較大。

奧運天氣預報 Day 8: 乘風破浪 在美中不足的一天後再出發

港隊噚日再由何詩蓓喺女子100米自由泳決賽增添一面銀牌，而佢亦成爲首位喺一屆奧運中取得兩面獎牌嘅香港運動員。不過，每面獎牌背後仍然有更多運動員嘅故事啓發我哋去搵堅持嘅意義，就好似羽毛球代表鄧俊文同謝影雪喺混雙以第四名嘅球隊歷史佳績完成今屆賽事，而洛雅怡同鄭俊樑都喺帆船項目同獎牌戰擦身而過，能夠堅持到最後依然值得鼓舞。

今屆賽事過咗一半，嚟到第8日，早上先有馬術三項賽盛裝舞步，繼續有港隊代表何誕華。下晝滑浪風帆女子RS:X陳晞文會喺獎牌戰爭取更高名次，呢場賽事同時亦會係RS:X賽板最後一次登上奧運舞台，預測東京會吹和緩偏東風，離岸風勢會較強。

其他賽事推介包括網球男單銅牌戰，大滿貫得主、目前排名世界第一嘅祖高域較早前喺四強意外止步未能達成金滿貫。祖高域日前就抱怨過大會選擇喺酷熱時分進行比賽，場館高溫加上高濕度影響發揮，最終東京奧組委方面就讓步同意喺第二三盤之間增設休息時間，相信觀衆會期待一哥即使美中不足，仍然能夠喺銅牌之戰扳回一城。晚上返到新國立競技場，田徑女子100米決賽將會見證女飛人誕生。預料東京大致天晴，日間天氣酷熱。氣溫介乎25-33度。相對濕度介乎百分之50-80之間。吹和緩偏東風。

天文台特別天氣提示：位於珠江口以西的雷雨區正逐漸向東移，並可能在未來一兩小時影響香港。市民應提高警惕。

[天氣概況及預測] 預料8月上旬低壓活動較正常位置偏北，副熱帶高壓脊則盤據於西北太平洋，華南及台灣受西南氣流影響，驟雨多、陽光少。西南氣流的特點是清晨至早上雨勢一般會較其他時段頻密。

【氣象討論專區】MET WARN 收到不少朋友查詢，可否提供一個自由討論平台比大家討論氣象。

有見及此，由今年8月開始MET WARN開始推行試驗性質的每月氣象討論專區，每月1號我地都會開新post，希望不論陰晴圓缺大家每日都可以係度任意自由討論、分享下天氣實況同靚相等等，內容不設限！歡迎新手老手一齊討論。

https://www.facebook.com/metwarn/photos/a.485631108114417/4689589994385153

奧運天氣預報 Day 9: 一波未平一波又起 波光粼粼迎來另一新世紀

首先喺到恭賀陳晞文完成今屆奧運滑浪風帆賽事。喺獎牌戰，呢位港隊風帆代表一度排喺第三位，最終以第七名衝線，總成績第八名創下個人佳績。相信喺賽事最後一日，風勢稍爲緩和或多或少亦有幫助。RS:X賽板正式告別奧運舞台，代表風帆項目邁進另一時代。

賽事嚟到第9日，早上先有香港代表何誕華繼續出戰馬術三項賽越野賽，比賽場地位處戶外嘅海之森公園，選手需要喺指定時間內完成6公里路程，途中會遇到不同障礙物，不過同時可以自由選擇路線。上午9點10分起會有BMX小輪車男女子自由式公園賽決賽產生多面獎牌，呢項今屆新增項目會喺東京有明都市運動公園上演。下晝有帆船女子激光雷射型獎牌戰，香港代表洛雅怡雖然未能晉身獎牌戰但依然喺機會欣賞其他各國選手嘅表現。田徑方面，衛冕嘅牙買加選手以10秒61贏得百米女飛人，打破塵封33年嘅奧運紀錄，即管睇下晚上男子100米決賽會唔會再有新紀錄誕生。

東京天氣方面預測大致天晴，日間天氣酷熱，氣溫介乎25-33度，內陸地區再高一兩度。相對濕度介乎百分之50至75之間。吹微風。

有部分市民埋怨天文台這兩天預測似乎失準令週末行程被擾亂，但事實上這兩天凌晨港島都受到大雨影響，只是大家日間活動未受大雨影響。正如香港目前陽光驟雨天，但一海之隔的澳門紅雨現正生效，有時候雨區生消就是帶有相當的隨機性，中與不中其實只是一線之差，即使用上更先進的電腦或儀器，結果都無分別，這是現今科技水平的極限。

澳門下午2時改發黑色暴雨警告，強雷雨區會否影響香港則要視乎會否向北擴展。

天文台特別天氣提示：本港南部至珠江口一帶有雷雨區發展，並在未來一兩小時影響本港。市民請提高警惕。

[大雨預警] 珠江口一帶有雷雨區發展，香港南部一帶正受大雨影響。市民請提高警惕。

天文台指南丫島雨勢特別大，預料該區的雨量相等於黑雨水平，郊遊的市民請盡快到安全地方暫避。

[天氣概況及預測] 季風槽發展 本週中至後期天氣不穩定

更正：圖中標示的初至中期應為中至後期

預料一道廣闊季風槽會在本週中期於南海北部逐漸發展，廣東沿岸本週中至後期天氣不穩定。

有時候，季風槽遇到合適的大氣環境時，當中可以有渦旋發展。MET WARN 會密切留意今次會否有渦旋進一步發展。

奧運天氣預報 Day 10: 焫焫焫焫焫焫著 場地似燃油炸藥

香港劍擊隊喺今屆賽事以佳績圓滿落幕，除咗張家朗喺男子花劍個人賽爲港隊25年來取得首面金牌，男子花劍團體賽港隊最終亦喺名次賽輕取埃及，以第7名完成，期待佢哋下屆奧運再接再厲！

賽事第10日早上焦點包括田徑女子100米欄決賽，而噚日田徑場上就有中國嘅蘇炳添喺100米短跑以9秒83打破亞洲紀錄晉身決賽。11點開始會有輕艇靜水男女子部分細項嘅準決賽，呢項賽事會喺之前舉行過賽艇項目嘅東京灣海之森水上競技場上演。中午時分就輪到沙灘排球女子十六強賽事，由於東京近期日間天氣都係偏向濕熱，早前就有選手投訴舉行賽事嘅東京潮風公園沙灘啲沙太熱焫焫焫焫焫焫著佢哋隻腳，令到大會要加強灑水降溫。馬術男子個人三項賽方面，港隊代表何誕華目前排喺第46位，今晚會參加壓軸嘅場地障礙賽，希望佢喺晚間較舒適嘅環境下能夠減少罰分順利完成賽事。

預料東京星期一初時天色明朗，稍後有驟雨。氣溫介乎27至32度。相對濕度介乎百分之60-85之間。吹和緩偏南風。奧運天氣預報繼續盡在MET WARN。

天文台官方消息指，會密切監察雷州半島的低壓區的發展及時刻評估熱帶氣旋形成的機會。

(圖片來源: 香港天文台)

[官方資訊] 天文台預料現時位於雷州半島附近的低壓區會向東緩慢移動，未來兩三日有可能發展為熱帶氣旋，橫過廣東沿岸海域，但其路徑及發展存在變數。與其相關的大雨及雷暴會在本週中後期影響華南沿岸及南海北部。

天文台特別天氣提示：預料現時位於雷州半島附近的低壓區會向東緩慢移動，未來兩三日有可能發展為熱帶氣旋，橫過廣東沿岸海域，但其路徑及發展存在變數。天文台會密切監察該低壓區的發展及其對本港天氣的影響。