港隊陳晞文在滑浪風帆女子RS:X項目最後一場排第3，經過12場賽事以總成績81分排第8，成功晉身奬牌戰。

[暴雨速報] 天文台在下午2時35分發出新界北部水浸特別報告。

【地震速報】美國阿拉斯加近海發生黎克特制8.2級強烈地震，當局發出海嘯警報。

【地震速報】美國阿拉斯加對開海域在本港時間下午2時16分、當地時間晚上11點後發生一次黎克特制8.2級猛烈地震，震央位於佩里維爾東南偏東約91公里，震源深度約46.7公里，屬淺層地震。太平洋海嘯預警中心發出海嘯警報，表示太平洋地區有可能出現海嘯、正向美加西岸及夏威夷等地發出海嘯注意報。而日本及紐西蘭當局表示正調查及評估海嘯影響。

[暴雨速報] 天文台在下午4時40分取消新界北部水浸特別報告。

[天氣概況及預測] 預料未來一兩星期副熱帶高壓脊主要盤據於西北太平洋，而華南及台灣一帶持續受西南氣流影響。由於缺乏高壓抑壓對流發展，華南及台灣驟雨多、陽光少。

台灣中南部朋友要特別留意，受地形抬升影響，吹西南風的情況下台灣西岸及台灣中南部屬於 迎風波，雨勢特別大，該區朋友應不時留意台灣中央氣象局的天氣消息。

奧運天氣預報 Day 7: 盛裝舞步再作戰 田徑開幕爭衝線

奧運賽事進入第7日，早上7點25分打頭陣先有港隊賽艇代表洪詠甄出戰單人雙漿決賽爭取更佳名次。賽事係喺尼伯特影響後改期至今日舉行，而洪詠甄早前賽後接受訪問時坦言強側風影響表現。預測今日東京吹和緩偏南風，離岸包括上演賽事嘅海之森水上競技場風勢預計會係間中清勁，希望風勢減弱有助呢位首次出戰奧運嘅港隊賽艇新星取得理想成績。

戶外項目仲包括08年喺香港舉行過嘅馬術，盛裝舞步三項賽港隊會由何誕華同佢嘅愛駒Tayberry一齊參與。據了解，練習方面亦會揀喺一早一晚避開正午時分酷熱高溫。賽事會喺東京都世田谷區嘅馬事公苑上演。而不得不提嘅係，原來何誕華同何詩蓓一樣都係香港同愛爾蘭嘅混血兒嚟㗎。

提到何詩蓓，大家都會好關心佢會唔會再爲香港爭取更多獎牌，想知嘅朋友就要密切留意上午9點59分女子100米自由泳決賽同埋傍晚6點14分嘅女子50米自由泳預賽喇。港隊上午賽事仲包括9點半羽毛球混雙鄧俊文同謝影雪期望喺銅牌戰以佳績歡送教練，以及11點05分洛雅怡嘅帆船項目出戰最後兩輪比賽。

東京天氣預測會係多雲，局部地區雨勢有時頗大及有狂風雷暴。氣溫介乎25-30度。相對濕度介乎百分之60-85之間。順便提提大家，嚟到Day 7田徑賽事終於登場，將會喺舉行開幕禮嘅東京新國立競技場上演，晚上7點半就會有男子10000米賽事產生三面獎牌。睇奧運，開MET WARN!

#東京奧運

[暴雨速報] 天文台在上午7時15分發出黃色暴雨警告信號。

表示香港廣泛地區可能或已錄得每小時30毫米的大雨，而且雨勢可能持續。

[暴雨速報] 天文台在上午8時40分取消黃色暴雨警告信號。

雖然暴雨警告已經取消，但市民仍須警覺有關河道氾濫可能帶來的危險。

恭喜何詩蓓於女子100米自由泳決賽勇奪銀牌，成功為香港隊贏得今屆第三面獎牌。

港隊羽毛球混雙銅牌賽，鄧俊文謝影雪不敵日本對手，排第四名。

廣州下午出現暴雨，廣州地鐵有大量黃泥水湧入。此外，今日杭州亦出現暴雨，當地升級至最高級別的暴雨紅色預警，多處水浸。

杭州今日黃昏提升至最高級別的暴雨紅色預警，多地水浸、車輛死火。網上圖片所見，當地人員似乎不時提醒路人：Watch out！Watch out！免生危險。

[降雨] 珠江口一帶持續有驟雨發展，目前較強的雷雨區正影響香港以東水域。預料本港未來數小時有驟雨及狂風雷暴，部分地區雨勢較大。

奧運天氣預報 Day 8: 乘風破浪 在美中不足的一天後再出發

港隊噚日再由何詩蓓喺女子100米自由泳決賽增添一面銀牌，而佢亦成爲首位喺一屆奧運中取得兩面獎牌嘅香港運動員。不過，每面獎牌背後仍然有更多運動員嘅故事啓發我哋去搵堅持嘅意義，就好似羽毛球代表鄧俊文同謝影雪喺混雙以第四名嘅球隊歷史佳績完成今屆賽事，而洛雅怡同鄭俊樑都喺帆船項目同獎牌戰擦身而過，能夠堅持到最後依然值得鼓舞。

今屆賽事過咗一半，嚟到第8日，早上先有馬術三項賽盛裝舞步，繼續有港隊代表何誕華。下晝滑浪風帆女子RS:X陳晞文會喺獎牌戰爭取更高名次，呢場賽事同時亦會係RS:X賽板最後一次登上奧運舞台，預測東京會吹和緩偏東風，離岸風勢會較強。

其他賽事推介包括網球男單銅牌戰，大滿貫得主、目前排名世界第一嘅祖高域較早前喺四強意外止步未能達成金滿貫。祖高域日前就抱怨過大會選擇喺酷熱時分進行比賽，場館高溫加上高濕度影響發揮，最終東京奧組委方面就讓步同意喺第二三盤之間增設休息時間，相信觀衆會期待一哥即使美中不足，仍然能夠喺銅牌之戰扳回一城。晚上返到新國立競技場，田徑女子100米決賽將會見證女飛人誕生。預料東京大致天晴，日間天氣酷熱。氣溫介乎25-33度。相對濕度介乎百分之50-80之間。吹和緩偏東風。

天文台特別天氣提示：位於珠江口以西的雷雨區正逐漸向東移，並可能在未來一兩小時影響香港。市民應提高警惕。

[天氣概況及預測] 預料8月上旬低壓活動較正常位置偏北，副熱帶高壓脊則盤據於西北太平洋，華南及台灣受西南氣流影響，驟雨多、陽光少。西南氣流的特點是清晨至早上雨勢一般會較其他時段頻密。

【氣象討論專區】MET WARN 收到不少朋友查詢，可否提供一個自由討論平台比大家討論氣象。

有見及此，由今年8月開始MET WARN開始推行試驗性質的每月氣象討論專區，每月1號我地都會開新post，希望不論陰晴圓缺大家每日都可以係度任意自由討論、分享下天氣實況同靚相等等，內容不設限！歡迎新手老手一齊討論。

https://www.facebook.com/metwarn/photos/a.485631108114417/4689589994385153

奧運天氣預報 Day 9: 一波未平一波又起 波光粼粼迎來另一新世紀

首先喺到恭賀陳晞文完成今屆奧運滑浪風帆賽事。喺獎牌戰，呢位港隊風帆代表一度排喺第三位，最終以第七名衝線，總成績第八名創下個人佳績。相信喺賽事最後一日，風勢稍爲緩和或多或少亦有幫助。RS:X賽板正式告別奧運舞台，代表風帆項目邁進另一時代。

賽事嚟到第9日，早上先有香港代表何誕華繼續出戰馬術三項賽越野賽，比賽場地位處戶外嘅海之森公園，選手需要喺指定時間內完成6公里路程，途中會遇到不同障礙物，不過同時可以自由選擇路線。上午9點10分起會有BMX小輪車男女子自由式公園賽決賽產生多面獎牌，呢項今屆新增項目會喺東京有明都市運動公園上演。下晝有帆船女子激光雷射型獎牌戰，香港代表洛雅怡雖然未能晉身獎牌戰但依然喺機會欣賞其他各國選手嘅表現。田徑方面，衛冕嘅牙買加選手以10秒61贏得百米女飛人，打破塵封33年嘅奧運紀錄，即管睇下晚上男子100米決賽會唔會再有新紀錄誕生。

東京天氣方面預測大致天晴，日間天氣酷熱，氣溫介乎25-33度，內陸地區再高一兩度。相對濕度介乎百分之50至75之間。吹微風。