天文台預測未來5日本港顯著降雨概率皆屬於高，並指未來數天華南沿岸間中有大驟雨。

羽毛球混雙，香港選手打入4強，繼續加油！

本港今日天氣酷熱，而且相對濕度較正常高，因此暑熱指數持續高企！戶外活動或工作人士今日中暑風險較平日高，緊記要補充足夠水份。

奧運天氣預報 Day 6: 港隊再奪銀牌締造歷史 起身力撐香港再破紀錄

我知你一定會起身，就算需要啲時間都好，係咪？因爲香港人熱切期待今早稍後9點53分何詩蓓喺女子100米自由泳準決賽再進一步。當然，早咗起身都可以睇埋港隊羽毛球混雙四強激戰。

香港代表隊嚟到東京奧運第6日將會喺水上運動全線出擊，除咗游泳項目之外，上晝11點15分洛雅怡就會繼續出戰帆船項目。中午12點05分同下晝2點20分陳晞文同鄭俊樑亦會喺江之島繼續挑戰滑浪風帆RS:X比賽，經過多輪賽事累積積分，兩者目前分別排喺第9同第10名，將會力爭以頭10名出線晉身獎牌戰。而江之島噚日比賽期間風浪就相對較大，實測風速達15海里。

預測今日東京早上多雲，下午部份時間有陽光。氣溫介乎26-33度。相對濕度介乎百分之60-80之間。吹和緩偏西南風，離岸風勢清勁。開電視睇奧運，請繼續留意MET WARN隨時送上最新奧運天氣預報。

何詩蓓在100自準決賽以第2名晉級100米女子自由泳決賽！繼續努力，加油！

羽毛球混雙香港0:2不敵中國，無緣決賽，將與日本角逐銅牌，而金銀牌皆屬中國選手。

與西南氣流相關的雷雨區正影響珠江口一帶。短期內本港廣泛地區將受大雨影響，市民請提高警惕。

港隊陳晞文在滑浪風帆女子RS:X項目最後一場排第3，經過12場賽事以總成績81分排第8，成功晉身奬牌戰。

[暴雨速報] 天文台在下午2時35分發出新界北部水浸特別報告。

【地震速報】美國阿拉斯加近海發生黎克特制8.2級強烈地震，當局發出海嘯警報。

【地震速報】美國阿拉斯加對開海域在本港時間下午2時16分、當地時間晚上11點後發生一次黎克特制8.2級猛烈地震，震央位於佩里維爾東南偏東約91公里，震源深度約46.7公里，屬淺層地震。太平洋海嘯預警中心發出海嘯警報，表示太平洋地區有可能出現海嘯、正向美加西岸及夏威夷等地發出海嘯注意報。而日本及紐西蘭當局表示正調查及評估海嘯影響。

[暴雨速報] 天文台在下午4時40分取消新界北部水浸特別報告。

[天氣概況及預測] 預料未來一兩星期副熱帶高壓脊主要盤據於西北太平洋，而華南及台灣一帶持續受西南氣流影響。由於缺乏高壓抑壓對流發展，華南及台灣驟雨多、陽光少。

台灣中南部朋友要特別留意，受地形抬升影響，吹西南風的情況下台灣西岸及台灣中南部屬於 迎風波，雨勢特別大，該區朋友應不時留意台灣中央氣象局的天氣消息。

奧運天氣預報 Day 7: 盛裝舞步再作戰 田徑開幕爭衝線

奧運賽事進入第7日，早上7點25分打頭陣先有港隊賽艇代表洪詠甄出戰單人雙漿決賽爭取更佳名次。賽事係喺尼伯特影響後改期至今日舉行，而洪詠甄早前賽後接受訪問時坦言強側風影響表現。預測今日東京吹和緩偏南風，離岸包括上演賽事嘅海之森水上競技場風勢預計會係間中清勁，希望風勢減弱有助呢位首次出戰奧運嘅港隊賽艇新星取得理想成績。

戶外項目仲包括08年喺香港舉行過嘅馬術，盛裝舞步三項賽港隊會由何誕華同佢嘅愛駒Tayberry一齊參與。據了解，練習方面亦會揀喺一早一晚避開正午時分酷熱高溫。賽事會喺東京都世田谷區嘅馬事公苑上演。而不得不提嘅係，原來何誕華同何詩蓓一樣都係香港同愛爾蘭嘅混血兒嚟㗎。

提到何詩蓓，大家都會好關心佢會唔會再爲香港爭取更多獎牌，想知嘅朋友就要密切留意上午9點59分女子100米自由泳決賽同埋傍晚6點14分嘅女子50米自由泳預賽喇。港隊上午賽事仲包括9點半羽毛球混雙鄧俊文同謝影雪期望喺銅牌戰以佳績歡送教練，以及11點05分洛雅怡嘅帆船項目出戰最後兩輪比賽。

東京天氣預測會係多雲，局部地區雨勢有時頗大及有狂風雷暴。氣溫介乎25-30度。相對濕度介乎百分之60-85之間。順便提提大家，嚟到Day 7田徑賽事終於登場，將會喺舉行開幕禮嘅東京新國立競技場上演，晚上7點半就會有男子10000米賽事產生三面獎牌。睇奧運，開MET WARN!

#東京奧運

[暴雨速報] 天文台在上午7時15分發出黃色暴雨警告信號。

表示香港廣泛地區可能或已錄得每小時30毫米的大雨，而且雨勢可能持續。

[暴雨速報] 天文台在上午8時40分取消黃色暴雨警告信號。

雖然暴雨警告已經取消，但市民仍須警覺有關河道氾濫可能帶來的危險。

恭喜何詩蓓於女子100米自由泳決賽勇奪銀牌，成功為香港隊贏得今屆第三面獎牌。

港隊羽毛球混雙銅牌賽，鄧俊文謝影雪不敵日本對手，排第四名。

廣州下午出現暴雨，廣州地鐵有大量黃泥水湧入。此外，今日杭州亦出現暴雨，當地升級至最高級別的暴雨紅色預警，多處水浸。